ស្របពេលដែលមហាជនជាច្រើនបានបង្ហាញការមិនពេញចិត្តនិងរិះគន់ដូចបាយពុះ ភ្លាមៗនោះគេក៏ឃើញ MC Vutha បានចេញមុខទទួលស្គាល់កំហុសហើយ សុំទោសជាសាធារណ:ផងដែរ ។ ប៉ុន្តែទោះយ៉ាងណាសាមីខ្លូនកញ្ញា មុនីរស្មី និងមហាជនមួយចំនួននៅតែមិនអាចទទួលយកបានឡើយ។

ជាការទទួលស្គាល់កំហុសឆ្លងរបស់ខ្លួនលោក MC Vuthaបានចេញមុខសុំទោសដល់កញ្ញា មុនីរស្មី ជាលើកទី២ដោយលោកលើកឡើងថាខ្ញុំបាទឈ្មោះ ជួ ប វុត្ថា ជាពិធីករប្រដាល់គុនខ្មែរ និងជាម្ចាស់ផ្ចេកហ្វេសប៊ុកឈ្មោះ (MC Vutha Sports) កាលពីយប់ថ្ងៃ ទី០១ ខែមីនាឆ្នាំ២០២៥ នៅកម្មវិធីសង្វៀនប្រដាល់គុនខ្មែរសុំធ្វើកាសុំទោសដល់ប្អូនស្រីម្នាក់សារជាថ្មីម្ត ងទៀត។

លោក វុត្ថា បានបន្តថានេះជាវីដេអូលើកទី២ ដើម្បីចេញមកសុំទោសដល់ប្អូនជាស្រី្តនិងសាធារណ:ជនទាំ ងអស់គ្នាហើយជាពិសេសគឺកញ្ញា រស្មី ដែលមានការអាក់អន់ចិត្តចំពោះពាក្យសម្តីលេងសើចអំឡុងពេល មុនចូលកម្មវិធីប្រដាល់គុនខ្មែរនៅកំបូលកាលពីថ្មីៗមុននេះ។

លោកនិយាយទៀតថាខ្ញុំសុំការអាព្យាស្រ័យផងដែរពីសំណាក់ប្អូនស្រីរាល់ការលេងសើចមិនសមរម្យ ហើយមុននេះខ្ញុំក៏បានចេញវីដេអូសុំទោសម្តងរួចមកហើយតែប្អូនស្រីទទួលយកមិនបានអញ្ចឹងហើយទើបខ្ញុំចេញវីដេអូជាលើកទី២ ដើម្បីផុសធ្វើការសុំទោសដល់ប្អូនស្រីម្តងទៀត ដូច្នេះសង្ឃឹមថាប្អូនស្រីនឹងអាចសាបចិត្តបន្តិចចំពោះបញ្ហាទាំងអស់នេះព្រោះតែការលេងសើចលើសលួសខ្វះខាតកន្លងមក៕ អត្ថបទ៖ ចាន់រ៉ា

Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ

The post MC Vutha ចេញមុខសុំទោសកញ្ញា មុនីរស្មី ជាលើកទី២ ក្រោយលេងសើចពាក្យសម្តីមិនសមរម្យ appeared first on Kampuchea Thmey Daily.

តែទោះជាបែបនេះ នារីម៉ូដែល មុនី រស្មី អះអាងថា ខ្លួនមិនអាចទទួលយកនូវការសុំទោសដែលមានលក្ខណៈមិនគ្រប់គ្រាន់របស់ពិធីករកីឡារូបនោះបាន ដោយសារតែខ្វះចំណុចខ្លះ។

តាមរយៈគណនីបណ្តាញទំនាក់ទំនងសង្គមផ្ទាល់ខ្លួន ម៉ូដែលរូបនេះបានសរសេររៀបរាប់ថា ” នាងខ្ញុំ មុនីរស្មី ដែលជាម៉ូដែលនៅក្នុងវីដេអូដែលពុកម៉ែបងប្អូនបានឃេីញ។ នាងខ្ញុំមកទីនេះ ដេីម្បីអរគុណពុកម៉ែ បងប្អូន មិត្តរួមការងារ មហាជន ទាំងអស់ដែលបានបញ្ចេញមតិ និងបង្ហាញនូវក្តីស្រលាញ់មកចំពោះនាងខ្ញុំ។ ក្តីស្រលាញ់រាប់អាន ការផ្ញេីសារលេីកទឹកចិត្តរបស់បងប្អូន បានជួយសម្រាលការខូចចិត្ត និងសេចក្តីខ្មាសអៀនរបស់ខ្ញុំច្រេីន នាងខ្ញុំពិតជាអរគុណនូវទឹកចិត្តដែលមិនអាចកាត់ថ្លៃបាន”។

កញ្ញាបន្តថា “ការនិយាយបៀតបៀនជាសាធារណៈ និងការសុំទោសតាមវីដេអូមករូបនាងខ្ញុំដែលមាននូវអត្ថន័យទទួលកំហុសរបស់ពិធីករដែលខ្ញុំមិនសូវស្គាល់ដែរនោះ នៅមានលក្ខណៈមិនពេញលេញនូវចំណុចខ្លះ”។

ការដែល មុនីរស្មី លើកឡើងដូច្នេះ គឺក្រោមហេតុផលថា MC រូបនោះ មិនបានបង្ហាញកាយវិការសំពះសុំទោស ហើយឥរិយាបថមិនចេញពីចិត្ត។ កញ្ញាបន្តថា “ខ្លឹមសារនៅក្នុងវីដេអូ គឺខុសពី admin ដែលផុស ច្រេីនជាងការនិយាយបៀតបៀន មានន័យថាគាត់នៅចាត់ទុកថា វាគឺជាការនិយាយលេងសេីចដដែល”។

ម៉្យាងវិញទៀត កញ្ញាយល់ថា ក្នុងវីដេអូសុំទោសជាសាធារណៈនៅះ លោក វុត្ថា មិនបានបញ្ជាក់ថា លោកឈប់ពោលពាក្យបៀតបៀនមនុស្សស្រី ស្ត្រី និងក្មេងស្រី។ ត្រង់ចំណុចនេះ មុនី រស្មី បញ្ជាក់ន័យថា “មិនមែនត្រឹមខ្ញុំមនុស្សគាត់មិនស្គាល់ទេ គឺក្មេងចាស់ប្រុសស្រី ភេទណាក៏ដោយ សុទ្ធតែមិនត្រូវ មិនសក្ត័សមឱ្យមានការបៀតបៀនតាមគ្រប់រូបភាព”។

កញ្ញាសង្កត់ធ្ងន់ថា ការដែលខ្លួនតាំងចិត្តសរសេរខ្លឹមសារទាំងនេះ គឺចង់បញ្ជាក់តែម្តងគត់ សម្រាប់រឿងរ៉ាវដែលបានកេីតឡេីងនេះ ព្រោះមិនចង់និយាយច្រេីន គិតច្រេីន តែក៏មានចិត្តមួយទៀតថា ខ្លួនពិតជាមិនត្រូវអនុញ្ញាតឱ្យសកម្មភាពបែបនេះកេីតឡេីងទៀតចំពោះនាងខ្លួន ឬបុគ្គលណាម្នាក់បន្តទៀតឡេីយ។

ទន្ទឹមនេះ កញ្ញាក៏សម្តែងការអរគុណដល់មតិយោបល់ និងដំបូន្មានរបស់សាធារណជន សម្រាប់ទាំងរូបកញ្ញាផ្ទាល់ ហើយជាពិសេស គឺសម្រាប់ស្ត្រី និងក្មេងស្រីគ្រប់រូបផងដែរ៕

The post Model ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ appeared first on Kampuchea Thmey Daily.