ការ​អុំទូក​សាកល្បង​នេះ ប្រព្រឹត្តទៅ​នា​រសៀល​ថ្ងៃ​ទី ១២ វិច្ឆិកា នេះ ក្រោម​វត្តមាន លោក ឃួង ស្រេង អភិបាល នៃ​គណៈ​អភិបាល​រាជធានី​ភ្នំពេញ និង​លោក ម៉ប់ សារិន ប្រធាន​ក្រុមប្រឹក្សា​រាជធានី​ភ្នំពេញ នៅ​មុខ​វត្ត​ឧណ្ណាលោម សង្កាត់​ផ្សារ​កណ្តាល​ទី ១ ខណ្ឌ​ដូនពេញ។

តាម​ការ​បញ្ជាក់​ពី លោក ហែម ស៊ីណា​រ៉េត ប្រធាន​មន្ទីរអប់រំ យុវជន និង​កីឡា​រាជធានី​ភ្នំពេញ បាន​ឲ្យ​ដឹង​ថា ការ​ប្រណាំង​ទូក​សាកល្បង​កម្លាំង​នៅ​រសៀល និង​ល្ងាច ថ្ងៃ​ទី ១២ វិច្ឆិកា នេះ មាន​ទាំង​ទូក​អុំ​,​ទូក​មួង ឬ​ហៅថា ទូក​ចែវ​, ទូក​ខ្នាត​អន្តរជាតិ ទាំង​បុរស​.​នារី សរុប​ចំនួន ៤៥ ទូក ដោយ​ចែកចេញ​ជា ៣ ប្រភេទ គឺ ទូក​អុំ​បុរស​ ២៧ ​ទូក ទូក​ចែវ ៨ ​ទូក ទូក​ខ្នាត​អន្តរជាតិ​បុរស ១០​ ទូក និង​ទូក​ខ្នាត​អន្តរជាតិ​នារី ៣ ទូក។

លោក​បន្ត​ថា គូ​ទូក​ទាំងអស់ ត្រូវ​ប្រណាំង​ ២ ​ជើង គឺ​ប្តូរ​ខ្សែទឹក​ក្នុង និង​ខ្សែទឹក​ក្រៅ ដោយ​ប្រើ​ក្រូ​ណូ​ម៉ែត្រ សម្រាប់​ចាប់​កម្រិត​ល្បឿន។

លោកនាយក​មន្ទីរ ក៏បាន​អរគុណ​ដល់​លោក​អភិបាល​រាជធានី​ភ្នំពេញ និង​ស្ថាប័ន​ពាក់ព័ន្ធ​ក្រោម​ឱវាទ​រាជធានី​ភ្នំពេញ​ដែល​បាន​ជួយ​គាំទ្រ​ទាំង​ស្មារតី និង​ថវិកា​សម្រាប់​ការ​ចំណាយ​ក្នុង​ការ​ប្រណាំង​ទូក​ជ្រើសរើស​ទូក​លឿន​, ទូក​មធ្យម ដើម្បី​ចូលរួម​ប្រកួត​ថ្នាក់​ជាតិ។

ចំណែក​អ្នកនាំពាក្យ​រដ្ឋបាល​រាជធានី​ភ្នំពេញ លោកស្រី ដោ សម្ផស្ស បាន​ឲ្យ​ដឹង​នៅ​ល្ងាច​ថ្ងៃទី​ ១២ វិច្ឆិកា ​នេះ​ដែរ​ថា សម្រាប់​ការ​ប្រណាំងទូក​សាកល្បង​កម្លាំង និង​ដកស្រង់​បច្ចេកទេស​ថ្នាក់​រាជធានី​នេះ មាន​ប្រជាពលរដ្ឋ​ចូលរួម​ទស្សនា​ប្រមាណ​ ៣ ​ម៉ឺន​នាក់ ដែល​បាន​ធ្វើ​ពិធី​នេះ មាន​ភាព​គគ្រឹកគគ្រេង​ជាមួយ​នឹង​សំឡេង​អឺងកង។

លោក ឃួង ស្រេង ធ្លាប់​បាន​មាន​ប្រសាសន៍​ហើយ​ថា ដោយ​អនុវត្ត​តាម​អនុសាសន៍​ណែនាំ​របស់ សម្តេច​មហា​បវរ​ធិបតី ហ៊ុន ម៉ាណែត គណៈ​បញ្ជាការ​ឯកភាព​រាជធានី​ភ្នំពេញ បាន​ត្រៀម​រួចរាល់​ហើយ​ក្នុង​ការ​រក្សា​សន្តិសុខ សុវត្ថិភាព សណ្ដាប់ធ្នាប់ របៀបរៀបរយ​សាធារណៈ ជូន​ប្រជាពលរដ្ឋ​មក​លេង​បុណ្យអុំទូក​ឆ្នាំនេះ ឲ្យ​ទទួល​បាន​ភាព​សប្បាយ​រីករាយ។ លោក​ក៏​នៅតែ​បន្ត​អំពាវនាវ​បន្ថែម​ទៀត​ដល់​កីឡាករ-កីឡា​ការិនី​អុំទូក​ទាំងអស់ ត្រូវ​ហូបចុក និង​សម្រាក​ឲ្យ​បាន​គ្រប់គ្រាន់ ជៀសវាង​ផល​ប៉ះពាល់​ដល់​សុខភាព ដែល​នឹង​ប៉ះពាល់​ការ​ប្រកួត រួម​ទាំង​ការ​ពង្រឹង​សាមគ្គីភាព ក្នុងចំណោម​កីឡាករ​ទាំងអស់ ដោយ​ក្តី​យោគយល់ និង​អធ្យាស្រ័យ​គ្នា ព្រោះ​មក​ចូលរួម​លើក​តម្កើង​ប្រពៃណី​ទំនៀម​ទម្លាប់​ជាតិ​ទាំងអស់​គ្នា មិនមែន​មក​ដើម្បី​ប្រើ​អំពើ​ហិង្សា​ណាមួយ រវាង​គ្នា និង​គ្នា​នោះ​ទេ។

ព្រះរាជ​ពិធីបុណ្យ​អុំទូក បណ្តែតប្រទីប សំពះ​ព្រះ​ខែ និង​អកអំបុក បាន​ទាក់ទាញ​ការចាប់អារម្មណ៍​ខ្លាំង​ពី​ប្រជាពលរដ្ឋ​គ្រប់​តំបន់ ដែលជា​ការរួមចំណែក​ថែរក្សា​នូវ​ប្រពៃណី​ទំនៀម​ទម្លាប់​ជាតិ តាំងពី​យូរលង់​មកហើយ។ ព្រះរាជ​ពិធីបុណ្យ​អុំទូក​នេះ បានបង្ហាញ​ពី​ការ​រំលឹក​ដឹងគុណ​ដល់​កងទ័ព​ជើង​ទឹក​ដ៏​ខ្លាំងពូកែ ក្នុង​បុព្វហេតុ​ការពារ​បូរណភាព​ទឹកដី​របស់​បុព្វបុរស​ខ្មែរ​ច្រើន​ជំនាន់​មកហើយ។ អត្ថន័យ​មួយទៀត គឺជា​ការបង្ហាញ​ពី​ការ​ដឹងគុណ​ព្រះ​គង្គា ដែល​បាន​នាំមក​នូវ​ទឹក និង​ដីល្បាប់​ដ៏​មាន​ជីជាតិ សម្រាប់​ផលដំណាំ​ដាំដុះ​របស់​ប្រជាពលរដ្ឋ​ក្នុង​ការ​លើកស្ទួយ​វិស័យ​កសិកម្ម​ជាតិ​ឲ្យ​មានការ​រីកចម្រើន។ ម្យ៉ាងទៀត ក៏​ជា​ការ​ផ្តល់​ឱកាស​សប្បាយ​រីករាយ និង​សាមគ្គីភាព ក្នុង​មហា​គ្រួសារ​សម្រាប់​ប្រជាពលរដ្ឋ​ខ្មែរ ក្នុង​សុខ​សន្តិភាព​ដ៏​បរិបូរណ៍ រួមទាំង​ដំណើរការ​អភិវឌ្ឍន៍​ប្រទេសជាតិ​យ៉ាង​ឆាប់រហ័ស ពិសេស​នៅ​រាជធានី​ភ្នំពេញ​ក្រោម​ការដឹកនាំ​របស់​ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង​ការ​ដឹកនាំ​អនុវត្ត​ដោយ​ផ្ទាល់​ពី លោក ឃួង ស្រេង អភិបាល នៃ​គណៈ​អភិបាល​រាជធានី​ភ្នំពេញ៕

អត្ថបទ ៖ ស្រីរ័ត្ន

The post ភ្នំពេញ ផ្ដើមប្រណាំងទូកកម្រិតរាជធានី ត្រៀមប្រកួតថ្នាក់ជាតិ ៣ ថ្ងៃ ខាងមុខ appeared first on Kampuchea Thmey Daily.

តាមការចុះផ្សាយរបស់ Tuoi Tre, ព្រឹត្តិការណ៍យ៉ាងអធិកអធមនេះរៀបចំឡើងនៅព្រែក Nhieu Loc-Thi Nghe ក្នុងសង្កាត់៣ នៃទីក្រុងហូជីមិញ កាលពីថ្ងៃអាទិត្យទី១០ខែវិច្ឆិកាឆ្នាំ២០២៤។ 

អ្នកស្រី Vu Thi My Ngoc អនុប្រធានគណៈកម្មាធិការប្រជាជនសង្កាត់៣ ដែលជាអ្នករៀបចំកម្មវិធីនេះ និយាយថា «ព្រឹត្តិការណ៍ដ៏មានអត្ថន័យបែបនេះ គឺដើម្បីលើកកម្ពស់ និងរក្សាតម្លៃវប្បធម៌របស់ជនជាតិខ្មែរ នៅភាគខាងត្បូងប្រទេសវៀតណាម ដែលជាផ្នែកមិនអាចកាត់ផ្តាច់បាននៃសហគមន៍ជនជាតិចំនួន៥៤ក្រុម នៅក្នុងប្រទេសនេះ»។

សូមបញ្ជាក់ថា ពិធីនេះមានការចូលរួមពីទូកងចំនួន១២ទូក ស្មើនឹង៦គូ មកពីទីក្រុងហូជីមិញ ទីក្រុង Can Tho និងខេត្ត Kien Giang ដោយចាប់ផ្តើមប្រណាំងពីម៉ោង៦ព្រឹកដល់ម៉ោង១២ថ្ងៃត្រង់ មានចំណុចចាប់ផ្តើមនៅស្ពាន Cong Ly និងទីព្រ័ត្រនៅស្ពាន Le Van Sy។

ពិធីនេះបានទាក់ទាញឲ្យមនុស្សចូលរួមទស្សនាយ៉ាងអឺងកង ជាពិសេសភ្ញៀវទេសចរ ដែលសរសើរមិនដាច់ពីមាត់អំពីក្បាច់រចនានៃទូកង នីមួយៗ៕

អត្ថបទ៖ សុខ សុវណ្ណ

ចុចអាន៖ ត្បិតជាខេត្តសម្បូរភ្នំ តែមណ្ឌលគិរី ក៏មានកម្មវិធីប្រណាំងទូកដែរ

The post ពលរដ្ឋខ្មែរកម្ពុជាក្រោម រៀបចំពិធីប្រណាំងទូក ង យ៉ាងធិកអធម appeared first on Kampuchea Thmey Daily.

គិតត្រឹមថ្ងៃទី០៨ ខែវិច្ឆិកា នេះ  គេសង្កេតឃើញថាមានទូកងជាង១០ហើយ បានទម្លាក់ជាបណ្តើរៗ ចូលទៅក្នុងទំនប់សែនសុខដុមទីតាំងប្រកួត និងមានការហាត់សមពីសំណាក់ចំណុះទូកនីមួយៗ ដែលការទម្លាក់ទូកចូល និងការហាត់សមនេះ បានធ្វើឲ្យភ្ញៀវទេសចរណ៍ និងអ្នកទស្សនាគាំទ្រច្រើនកុះករ មកទស្សនា។

ក្រៅពីការប្រណាំងទូក នៅក្នុងពិធីនេះ ក៏នឹងមានការតាំងពិព័រណ៌ផលិតផលរបស់ខេត្តមណ្ឌលគិរី នៅលើខ្នងទំនប់សែនសុខដុម ដែលរំពឹងថាមានការចូលរួមពីសំណាក់អាជីវករជាច្រើនផងដែរ។

គួរបញ្ជាក់ផងដែរថា នេះជាលើកទី២ ហើយដែល​មានព្រឹត្តិការណ៍ប្រណាំងទូក ង ខ្នាតតូចបែបប្រពៃណីនៅកណ្ដាលក្រុងសែនមនោរម្យ ខេត្តមណ្ឌលគិរី បន្ទាប់ពីរៀបចំលើកដំបូងបំផុតក្នុងប្រវត្តិសាស្រ្ដខេត្តភាគឦសានមួយនេះ កាលពីឆ្នាំ២០២៣៕

អត្ថបទ៖រៀម សុខហេង

The post លើសពីទំនប់ស្តុកទឹក ទំនប់សែនសុខដុម ផ្ដល់ជាទីតាំងសម្រាប់ការប្រណាំងទូកង  ក្នុងខេត្តមណ្ឌលគិរី appeared first on Kampuchea Thmey Daily.

ក្រៅពីការប្រណាំងទូក នៅក្នុងពិធីនេះ ក៏នឹងមានការតាំងពិព័រណ៌ផលិតផលរបស់ខេត្តមណ្ឌលគិរី នៅលើខ្នងទំនប់សែនសុខដុម ដែលរំពឹងថាមានការចូលរួមពីសំណាក់អាជីវករជាច្រើនផងដែរ។

គិតត្រឹមរសៀល ថ្ងៃទី៦ ខែវិច្ឆិកា ឆ្នាំ២០២៤ គេសង្កេតឃើញមានទូក ចាប់ផ្ដើមទម្លាក់ចូលផ្ទៃទឹកជាបណ្ដើរៗហើយ ដែលក្នុងនោះ ទូកឈ្មោះ ហនុមា​នសែនជ័យ របស់តំបន់ប្រតិបត្តិការសឹករងមណ្ឌលគិរី លេចវត្តមានមុនគេ។

គួរបញ្ជាក់ផងដែរថា នេះជាលើកទី២ ហើយដែល​មានព្រឹត្តិការណ៍ប្រណាំងទូក ង ខ្នាតតូចបែបប្រពៃណីនៅកណ្ដាលក្រុងសែនមនោរម្យ ខេត្តមណ្ឌលគិរី បន្ទាប់ពីរៀបចំលើកដំបូងបំផុតក្នុងប្រវត្តិសាស្រ្ដខេត្តភាគឦសានមួយនេះ កាលពីឆ្នាំ២០២៣៕

អត្ថបទ៖ រៀម សុខហេង

The post មណ្ឌលគិរី រៀបចំកម្មវិធីប្រណាំងទូក នៅទំនប់សែនសុខដុម កណ្ដាលក្រុងសែនមនោរម្យ appeared first on Kampuchea Thmey Daily.

លោក សី ទូច អភិបាលស្រុកកោះញែក បានឲ្យដឹងថា ពិធីប្រណាំងទូក.ង.ខ្នាតតូច ជាលក្ខណៈប្រពៃណី រៀបចំឡើង​ដើម្បីអបអរសាទរព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក។ ពិធីប្រណាំង នឹងធ្វើឡើងតែមួយថ្ងៃប៉ុណ្ណោះ គឺថ្ងៃទី២ ខែវិច្ឆិកា ចាប់ពីម៉ោង ៨ព្រឹកតទៅ។

លោកបានបញ្ជាក់ថា ទូកដែលបានចូលរួមសរុប មានចំនួន ៩ទូក។ ទូកខ្នាតខ្លី មានចំណុះ ៧នាក់ ហើយទូកដែលមានចំណុះច្រើនជាងគេ គឺមានចំនួន ១៧នាក់។ ក្នុងព្រឹត្តិការណ៍ប្រណាំងទូកនោះផងដែរ រដ្ឋបាលស្រុកកោះញែក ក៏មានប្រាក់រង្វាន់លើកទឹកចិត្តដល់កីឡាករផងដែរ សម្រាប់ទូកដែលជាប់ចំណាត់ថ្នាក់លេខ១ ដល់លេខ ៣៕

អត្ថបទ៖ រៀម សុខហេង

The post ត្បិតជាខេត្តសម្បូរភ្នំ តែមណ្ឌលគិរី ក៏មានកម្មវិធីប្រណាំងទូកដែរ appeared first on Kampuchea Thmey Daily.

ក្នុង​ឱកាស​នោះ លោក ធូ ភា ប្រធានលេខាធិការដ្ឋាន​នៃ​គណៈកម្មាធិការ​ត្រួតពិនិត្យគ្រឿងញៀន​ខេត្តបាត់​ដំបង​ដែល​បាន​ដឹកនាំកម្លាំង​ផ្សព្វផ្សាយពីបញ្ហាគ្រឿងញៀន​បាន​សម្ដែងនូវការចាប់អារម្មណ៍ ចំពោះ​សកម្មភាព​របស់​យុវជន​ដែល​បានចូលរួមធ្វើ​សកម្មភាព​ផ្សព្វផ្សាយ​ពី​បញ្ហាគ្រឿងញៀន​ ដែល​ជា​ចលនា​មួយ​មាន​សារៈសំខាន់​ចាំ​បាច់​ណាស់​ជួយ​ដល់​សង្គម​ព្រោះ​ថា​ អ្វីៗទាំងអស់គឺចាប់ផ្ដើមពីយុវជន​។

ការ​ងារ​សង្គម​ទាំងឡាយ​ឱ្យ​តែ​មាន​ការ​ចូលរួម​ធ្វើ​សកម្មភាព​ពីយុវជន​គឺ​សកម្មភាពនោះប្រាកដ​ជា​ទទួលបានជោគជ័យ។ ថ្លែង​ក្នុងនាម លោក សុខ លូ អភិបាលនៃគណៈអភិបាលខេត្ត ក្នុងឱកាសនោះ លោក ធូ ភា សូម​ថ្លែង​អំណរគុណនិងអំពាវនាវដល់យុវជន​ទាំងអស់​ត្រូវចូលរួមឲ្យបានសកម្មនៅ​ក្នុង​ការងារជួយសង្គមនានាពិសេសការបដិសេធ​ចំពោះគ្រឿងញៀន​កុំ​ឱ្យ​មាន​គ្រោះថ្នាក់​ដល់​សុខភាព​ព្រោះថា កាល​ណាយើងការពារ​សុខភាពរបស់ប្រជាពលរដ្ឋពិសេស​យុវជនកុំឲ្យទៅពាក់ព័ន្ធ​នឹង​បញ្ហាគ្រឿងញៀន​នោះ​ប្រទេសជាតិ​យើង​នឹង​រីក​ចម្រើន​បាន​កាន់​តែ​ឆាប់រហ័ស។

ក្នុងឱកាសនោះដែរ នាយឧត្តមសេនីយ៍ មាស វីរិទ្ធ អគ្គលេខាធិការ​នៃអាជ្ញាធរជាតិប្រយុទ្ធប្រឆាំង​គ្រឿងញៀន​បានប្រាប់​ឱ្យដឹងថា តួនាទីរបស់យុវជនក្នុងការចូលរួមបង្ការ ទប់ស្កាត់​បញ្ហា​គ្រឿង​ញៀនកុំ​ឱ្យរីករាលដាលក្នុងសហគមន៍គឺពិតជាចាំបាច់​ ព្រោះថា អ្នក​ប្រើគ្រឿងញៀនភាគ​ច្រើន​ជា​យុវជន ដូច​នេះ​ប្រសិនបើយុវជនគាត់បានចូលរួមមិនទៅពាក់ព័ន្ធមិន​ សេពគប់ មិន​អូសទាញ​មិត្តភក្កិ​ឱ្យ​ទៅ​ប្រើប្រាស់គ្រឿងញៀននោះ សហគមន៍យើងនឹងមានសុខសុវត្ថិភាព​ ហើយ​សម្ដី​របស់យុវជន គឺ​ឆាប់ចាក់ឫសចូលជ្រៅ​ក្នុងបេះដូងយុវជនដូចគ្នា “យុវជនអាចដឹងច្បាស់ពី​តម្រូវ​ការចាំបាច់​របស់យុវជនដូចគ្នា”៕

The post យុវជន​កាយរិទ្ធ កាកបាទក្រហម និង សសយក ចូលរួម​ផ្សព្វផ្សាយ​ពីគ្រឿងញៀន ក្នុង​ពិធី​ប្រណាំង​ទូក​ថ្ងៃទី២នៅ​បាត់ដំបង appeared first on Kampuchea Thmey Daily.

នៅឆ្នាំ២០២៣នេះ រដ្ឋបាលខេត្តបានរៀបចំពិធីប្រណាំងទូក ប្រពៃណីខ្នាតអន្តរជាតិ និងទូកក្ដារបីសន្លឹកនៅ តាម​បណ្ដោយ​មាត់ទន្លេវ៉ៃគោ បន្ទាប់ពីត្រូវបានផ្ដួចផ្ដើមឲ្យមានការរៀបចំឡើងពីសំណាក់នាយឧត្ដមសេនីយ៍ ហុក ឡងឌី អតីតអគ្គ-ស្នងការនគរបាលជាតិ ចាប់តាំងពីឆ្នាំ២០០៨មក ដើម្បីចូលរួមអបអរសាទរព្រះរាជពិធីបុណ្យអុំទូក បណ្ដែតប្រទីប និងសំពះ ព្រះខែ អកអំបុក ក៏ដូចជាបង្កភាពសប្បាយរីករាយ ជូនដល់បងប្អូន ប្រជាពលរដ្ឋបាន​ទស្សនាកម្សាន្ត។ នេះបើតាមការលើកឡើងរបស់លោក ប៉េង ពោធិ៍សា អភិបាលខេត្តស្វាយរៀង។

នារសៀលថ្ងៃទី១៨ ខែវិច្ឆិកា ឆ្នាំ២០២៣ សម្តេច ម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្រ នៃព្រះរាជា​ណាចក្រកម្ពុជា បានអញ្ជើញចូលរួមក្នុងពិធីបើក ការប្រណាំងទូកខ្នាតអន្តរជាតិ និងទូកក្តារបីសន្លឹក នៅទន្លេវ៉ៃគោ ក្រុងស្វាយរៀង។

សម្តេច ម៉ែន សំអន មានប្រសាសន៍ថា ពិធីប្រណាំងទូកខ្នាតអន្តរជាតិ និងទូកក្តារបីសន្លឹក នៅខេត្តស្វាយរៀង ត្រូវបានរៀបចំឡើងជាបន្តបន្ទាប់រៀងរាល់ឆ្នាំ ដោយមានការផ្តួចផ្តើម និងការឧបត្ថម្ភពីនាយឧត្ដមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថ លើផ្ទៃប្រទេស រួមជាមួយលោក ម៉ែន វិបុល អភិបាលប្រធានគណបក្សខេត្ត លោក ប៉េង ពោធិ៍សា អភិបាល នៃគណៈអភិបាលខេត្ត។

សម្តេច​ ម៉ែន សំអន ក៏បានណែនាំដល់គ្រប់អនុគណៈកម្មការទាំងអស់ ត្រូវអនុវត្តតាមតួនាទីភារកិច្ចប្រកប​ដោយការ​ទទួល​ខុសត្រូវខ្ពស់។ ជាពិសេសកងកម្លាំងទាំងបីប្រភេទ ត្រូវយកចិត្តទុកដាក់ឲ្យបានខ្ពស់ ហើយប្រចាំការជាប្រចាំ ដើម្បីធ្វើយ៉ាងណាឲ្យពិធីប្រណាំងទូកដំណើរការបានទៅដោយរលូន រក្សាបាននូវសន្តិសុខ សណ្ដាប់ធ្នាប់ និងរបៀបរៀប​រយជូនដល់បងប្អូនប្រជាពលរដ្ឋ ដែលមកលេងកម្សាន្តក្នុងពិធីប្រណាំងទូកនេះ ។

សម្តេច ម៉ែន សំអន បានអំពាវនាវដល់ប្រជាពលរដ្ឋ អញ្ជើញចូលរួមកម្សាន្ដសប្បាយ នៅថ្ងៃទី ១៨-១៩ ខែវិច្ឆិកា ឆ្នាំ២០២៣ ឲ្យបានច្រើនកុះករ ក្នុងនោះក៏មានស្តង់ពិព័រណ៍តន្ត្រីកំសាន្ត បាញ់កាំជ្រួច បង្ហោះគោម និងការលក់ម្ហូប​អាហារជាច្រើនផងដែរ។

សូមជម្រាបថា ពិធីប្រណាំងទូកឆ្នាំនេះ មានទូកចូលរួមប្រណាំងមកពីបណ្តារាជធានី-ខេត្ត និងទូកក្នុងខេត្ត សរុបចំនួន ៦៧គ្រឿង រួមមាន៖ ប្រភេទទូកប្រពៃណីខ្នាតអន្តរជាតិ ចំណុះ ២២នាក់ មានចំនួន ៥៧គ្រឿង និងប្រភេទទូកក្ដារ​បីសន្លឹក ចំណុះ ៣នាក់ មានចំនួន ១០គ្រឿង និងមានកីឡាករ-កីឡាការិនី សរុប ១.៦៣៩នាក់ (នារី ១១នាក់)៕

អត្ថបទ ៖ ភក្ដី

The post ប្រណាំងទូកខ្នាតអន្តរជាតិ នៅទន្លេវ៉ៃគោ ទាក់ទាញបានពលរដ្ឋ​ចូលរួមទស្សនាច្រើនកុះករ appeared first on Kampuchea Thmey Daily.

កិច្ចប្រជុំនេះ មានការចូលរួមពីលោក លោកស្រីអភិបាលរងខេត្ត នាយក នាយករងរដ្ឋបាលសាលាខេត្ត និងប្រធានមន្ទីរ អង្គភាព តំណាងកងកម្លាំងទាំងបី គណៈអភិបាលក្រុង-ស្រុក ចំណុះរដ្ឋបាលខេត្តស្វាយរៀង ព្រមទាំងអស់សមាសភាពគណៈកម្មាការ អនុគណៈកម្មការរៀបចំពិធីប្រណាំងទូកជាច្រើនរូប។

ក្នុងកិច្ចប្រជុំនេះ លោក ប៉េង ពោធិ៍សា អភិបាលខេត្តស្វាយរៀង បានណែនាំដល់អនុគណៈកម្មការទាំងអស់ ក្រោយពីកិច្ចប្រជុំនៅថ្ងៃនេះ ត្រូវបន្តចាត់ចែងរៀបចំប្រជុំបែងចែកការងារលម្អិតឱ្យច្បាស់លាស់ ស្របតាមតួនាទីភារកិច្ចដែលមានកំណត់ក្នុងសេចក្ដីសម្រេចរបស់រដ្ឋបាលខេត្ត។ ក្នុងនោះ លោកអភិបាលខេត្ត ក៏បានណែនាំឱ្យរៀបចំផែនការចំណាយសម្រាប់អនុគណៈកម្មការនីមួយៗ ហើយត្រូវប្រើប្រាស់ឱ្យបានច្បាស់លាស់ ដើម្បីពន្លឿនលើការងារទាំងនេះឱ្យមានប្រសិទ្ធភាព និងទាន់ពេលវេលា។ 

សេចក្ដីសម្រេចរបស់លោក ប៉េង ពោធិ៍សា បានសម្រេចបង្កើតគណៈកម្មការរៀបចំពិធីប្រណាំងទូក ឆ្នាំ២០២៣ នៅទន្លេវ៉ៃគោ ក្រុងស្វាយរៀង ខេត្តស្វាយរៀង ដោយមានអនុគណៈកម្មការអមចំនួន៨។ គណៈកម្មការ អនុគណៈកម្មការនេះ មានភារកិច្ចចាត់ចែងរៀបចំការប្រណាំងទូក ឆ្នាំ២០២៣ នៅទន្លេវ៉ៃគោនេះ ឱ្យមានដំណើរការល្អទទួលបានជោគ ជ័យប្រកបដោយសុវត្ថិភាព សណ្តាប់ធ្នាប់របៀបរៀបរយ ដើម្បីបង្កបរិយាកាសសប្បាយរីករាយជូនប្រជាពលរដ្ឋទស្សនាកម្សាន្ត និងដើម្បីអបអរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ដែលជាព្រះរាជពិធីបុណ្យប្រពៃណីជាតិ ស្របតាមទំនៀមទម្លាប់ ដ៏ប្រពៃរបស់ប្រជាជាតិខ្មែរ។

សូមជម្រាបថា ពិធីប្រណាំងទូក នៅទន្លេវ៉ៃគោ ឆ្នាំ២០២៣នេះ គ្រោងនឹងរៀបចំប្រព្រឹត្តិទៅរយៈពេល ២ថ្ងៃ គឺនៅថ្ងៃសៅ-អាទិត្យទី១៨-១៩ ខែវិច្ឆិកា ឆ្នាំ២០២៣ ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ  អកអំបុក ដែលជាពិធីបុណ្យប្រពៃណីជាតិខ្មែរ និងបង្កបរិយាកាសសប្បាយរីករាយជូនបងប្អូនប្រជាពលរដ្ឋបានទស្សនាកម្សាន្ត៕

អត្ថបទ៖ ភក្ដី

The post អភិបាលខេត្តស្វាយរៀង ដឹកនាំកិច្ចប្រជុំរៀបចំពិធីប្រណាំងទូកនៅទន្លេវ៉ៃគោ appeared first on Kampuchea Thmey Daily.