លោក អ៊ុន ចាន់ដា បានឱ្យដឹងទៀតថា មណ្ឌលសុខភាពព្រែកកក់ ទទួលខុសត្រូវលើសុខភាពប្រជាពលរដ្ឋ ទាំង១៣ភូមិ នៃឃុំព្រែកកក់ ដែលមានប្រជាជនសរុប ១៥,៨៣១នាក់។ លោកបានបញ្ជាក់ថា ក្រោមកិច្ចសហការរវាងមន្ទីរសុខាភិបាល នៃរដ្ឋបាលខេត្ត ជាមួយសប្បុរសជន ជាពិសេស លោកស្រីសាស្ត្រាចារ្យ ពឹង សយ (នាមដើម លី ឆេងគី) និងក្រុមគ្រួសារ បានឧបត្ថម្ភការសាងសង់អគារថ្មី ១ខ្នង (ទទឹង ៩ ម៉ែត្រ បណ្តោយ ១៧ ម៉ែត្រ) តម្លៃប្រមាណ ៣៨,០០០ ដុល្លារ បែងចែកជា ៧ បន្ទប់ និងបង្គន់អនាម័យ ៣បន្ទប់ (រួមទាំងបង្គន់សម្រាប់ជនពិការ ១) ដោយអគារនេះ ចាប់ផ្តើមសាងសង់ពីថ្ងៃទី១៧ ខែមិថុនា ឆ្នាំ ២០២៥ និងបញ្ចប់គម្រោងនៅថ្ងៃទី១៧ ខែធ្នូ ឆ្នាំ២០២៦ តាមផែនការ ហើយបានចាប់ផ្តើមផ្តល់សេវាបណ្តើរៗតាំងពីថ្ងៃទី០១ ខែមករា ឆ្នាំ២០២៦ មកម្ល៉េះ។

លោកអភិបាលខេត្ត បានយកឱកាសនោះផ្ដាំផ្ញើដល់គ្រូពេទ្យ ឱ្យយកអាគារមណ្ឌលសុខភាព ដែលបានសម្ពោធដាក់ឱ្យប្រើប្រាស់ក្នុងថ្ងៃនេះ ប្រើប្រាស់ឱ្យអស់លទ្ធភាព ក្នុងគោលបំណងផ្ដល់នូវសេវាល្អ សេវាគំរូជូនដល់ប្រជាពលរដ្ឋ និងបង្កើនចំណេះជំនាញ ឯកទេសឱ្យបានគ្រប់ៗគ្នា។ ជាមួយគ្នានេះ លោកក៏បានធ្វើការកៀងគរដៃគូអភិវឌ្ឍន៍ សប្បុរសជននានា ដើម្បីបន្តចូលរួមគាំទ្រដើម្បីឱ្យអង្គភាពមានការរីកចម្រើនតទៅមុខទៀត៕

The post មណ្ឌលសុខភាពព្រែកកក់ ស្រុកស្ទឹងត្រង់ ត្រូវបានសម្ពោធដាក់ឱ្យប្រើប្រាស់ជាផ្លូវការ appeared first on Kampuchea Thmey Daily.

លោក ស អេងលាង នាយកគ្រប់គ្រងលក់ជាន់ខ្ពសស់នៃក្រុមហ៊ុន អេសឌីប៊ី ម៉ូទ័រ គ្រុប (ខេមបូឌា) ប្រចាំប្រទេសកម្ពុជា។ ក្រុមហ៊ុន អេសឌីប៊ីម៉ូទ័រ​​ ពិតជាមានក្ដីរំភើបក្រៃលែងក្នុងការនាំចូលនៅ រថយន្ត លី អូតូ​ ដែលធ្វើបច្ចុប្បន្នភាពថ្មីចុងក្រោយបំផុត លំដាប់ថ្នាក់ខ្ពស់របស់ប្រទេសចិន មកកាន់ព្រះរាជាណាចក្រកម្ពុជា។ លី អូតូ​ ត្រូវបានរចនាឡើងសម្រាប់គ្រួសារដែលចូលចិត្តស្វែងរកដំណើរកម្សាន្តបែបផ្សងព្រេង និងល្អបំផុតសម្រាប់ការបើកបរក្នុងទីក្រុងប្រចាំថ្ងៃ។ បំពាក់ដោយមុខងារពិសេសៗប្រកបដោយភាពច្នៃប្រឌិត ផ្តល់ភាពងាយស្រួល និងបច្ចេកវិទ្យាទំនើប និងផ្តល់នូវទំនុកចិត្តក្នុងការបើកបរ»។

រថយន្ត លី អូតូ ត្រូវបានរចនាឡើងជាមួយការតុបតែងផ្នែកខាងក្រៅមានភាពទាក់ទាញ យ៉ាន់ស្ព័រពណ៌ខ្មៅថ្មី ដែលជួយបង្កើនសោភ័ណភាពរួមរបស់វាឱ្យកាន់តែស្រស់ស្អាត បែបស្ព័រ។ ផ្នែកខាងក្នុងក៏ត្រូវរតុបតែងដោយពណ៌ខ្មៅទាំងអស់ផងដែរ វាបានបន្ថែមភាពទាក់ទាញដល់រថយន្ត SUV និង MPV ៧កៅអី លក្ខណះគ្រួសារមួយកម្រិតទៀត។ វាគឺសមិទ្ធផលដ៏ល្អឥតខ្ចោះនៃ DNA ប្រកបដោយភាពច្នៃប្រឌិត របស់ក្រុមហ៊ុនអេសឌីប៊ី ម៉ូទ័រ គ្រុប ដែលប្តេជ្ញាផ្តល់ជូនអតិថិជននូវរថយន្ត ដែលមិនត្រឹមតែបំពាក់ដោយបច្ចេកវិទ្យាឆ្លាតវៃកម្រិតខ្ពស់សម្រាប់ការបើកបរប្រកបដោយទំនុកចិត្តប៉ុណ្ណោះទេ ប៉ុន្តែថែមទាំងការរចនាដោយមានភាពទាក់ទាញ និងទាន់សម័យដែលទាក់ទាញភ្នែកអ្នកទស្សនាផងដែរ។

រថយន្ត លី អូតូ មាន4ម៉ូដែល ប្រភេទរថយន្ត SUV3ម៉ូដែល​​និង​ MPV ៧កៅអីលក្ខណះ ទំនើបទាន់សម័យលក្ខណៈគ្រួសារ សម្រាប់អតិថិជនដែលធ្វើដំណើរផ្លូវឆ្ញាយ និងនៅទីក្រុងមានភាពទាក់ទាញ និង ទំនើបកម្ម ដូចជា៖

ម៉ូដែល L6 ស៊េរីថ្មីមានលក្ខណៈពិសេសផាសុកភាព ស្តង់ដាដូចជា៖

• ទំហំរថយន្ត៖ ប្រវែង 4925មម ទទឹង 1960មម កម្ពស់ 1735មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 225/50 R20
• ទប់ទម្ងន់បាន៖ 2330kg
• ប្រភេទថ្ម៖ Traction Battery 38.6KWh lithium iron phosphate Battery
• ការប្រើប្រាស់ភ្លើង៖ 408Hp
• សាកថ្មម្តងជិះបាន៖ 212km
• ការប្រើប្រាស់ប្រេងឥន្ធនៈ ៖ ១០០គីឡូប្រើប្រាស់អស់ 6.9លីត្រ
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា១០គ្រាប់ ចំនួនរ៉ាដា ultrasonic ១២
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ ១៥.៧ អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD ៤.៨២ អ៊ីញ ទំហំក្បាល HUD ១៤.៧ អ៊ីញ
• មុខងារសាកថ្មឥតខ្សែទូរស័ព្ទ ២ ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ម៉ូដែល L7 ស៊េរីថ្មីមានលក្ខណៈពិសេសផាសុកភាព ស្តង់ដាដូចជា៖

• ទំហំរថយន្ត៖ ប្រវែង 5050មម ទទឹង 1995មម កម្ពស់ 1750មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 225/50 R21
• ទប់ទម្ងន់បាន៖ 2500kg
• ប្រភេទថ្ម៖ Traction Battery 38.6KWh lithium iron phosphate Battery
• ការប្រើប្រាស់ភ្លើង៖ 449Hp
• សាកថ្មម្តងជិះបាន៖ 286km
• ការប្រើប្រាស់ប្រេងឥន្ធនៈ ៖ ១០០គីឡូប្រើប្រាស់អស់ 7.4លីត្រ
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា១២គ្រាប់ ចំនួនរ៉ាដា ultrasonic ១២
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ ១៥.៧ អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD ៤.៨២ អ៊ីញ ទំហំក្បាល HUD ១៥.៧ អ៊ីញ
• មុខងារសាកថ្មឥតខ្សែទូរស័ព្ទ ២ ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ម៉ូដែល L9 ស៊េរីថ្មី ប្រណិតភាពមានលក្ខណៈពិសេសដូចជា៖

• ទំហំរថយន្ត៖ ប្រវែង 5218មម ទទឹង 1998មម កម្ពស់ 1800មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 265/45 R21
• ទប់ទម្ងន់បាន៖ 2570kg
• ប្រភេទថ្ម៖ Traction Battery 52,3KWh lithium iron phosphate Battery
• ការប្រើប្រាស់ភ្លើង៖ 449Hp
• សាកថ្មម្តងជិះបាន៖ 220km
• ការប្រើប្រាស់ប្រេងឥន្ធនៈ ៖ ១០០គីឡូប្រើប្រាស់អស់ 7.9លីត្រ
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា១០គ្រាប់ ចំនួនរ៉ាដា ultrasonic ១២
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ 15.7 អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD 15.7 អ៊ីញ ទំហំក្បាល HUD 4.82 អ៊ីញ
• មុខងារសាកថ្មឥតខ្សែទូរស័ព្ទ ២ ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ម៉ូដែល Li Mega ស៊េរីថ្មីមានលក្ខណៈពិសេស ទំនើបប្រណិត លក្ខណៈគ្រួសារ ដូចជា៖

• ទំហំរថយន្ត៖ ប្រវែង 5,350មម ទទឹង 1,965មម កម្ពស់ 1,850មម
• លក្ខណៈបច្ចេកទេសនៃសំបកកង់បើកបរទៅស្ងាត់ល្អ ៖ 245/60 R18
• ទប់ទម្ងន់បាន៖ 2,785kg
• ប្រភេទថ្ម៖ Traction Battery 102.7KWh lithium iron phosphate Battery
• ការប្រើប្រាស់ភ្លើង៖ 544Hp
• សាកថ្មម្តងជិះបាន៖ 710km
• ប្រព័ន្ធហ្វ្រាំង ABS anti-lock braking system
• មុខងារត្រួតពិនិត្យសម្ពាធសំបកកង់
• កម្រិតជំនួយការបើកបរ
• រូបភាពជំនួយការបើកបរ 360 កាមេរ៉ា11គ្រាប់ ចំនួនរ៉ាដា ultrasonic 12
• គ្រាប់ចុចបញ្ជាពីចម្ងាយ សោប៊្លូធូសបិទ-បើក
• ចង្កៀងមុខដោយស្វ័យប្រវត្តិមុខងារ Rain Sensor wiper
• ទំហំអេក្រង់គ្រប់គ្រងកណ្តាល៖ ១៥.៧ អ៊ីញ ទំហំអេក្រង់កម្សាន្តសម្រាប់អ្នកដំណើរ ១៥.៧ អ៊ីញ
• ទំហំឧបករណ៍ LCD 17 អ៊ីញ ទំហំក្បាល HUD 4.82 អ៊ីញ
• មុខងារសាកថ្មឥតខ្សែទូរស័ព្ទ 4 ថាមពលសាកឥតខ្សែ 50W
• កៅអីម៉ាស្សា កំដៅ ខ្យល់ចេញចូល ។

ជួបគ្នាជាមួយការតាំងបង្ហាញរថយន្តសេរ៊ីថ្មីទំនើបចុងក្រោយរបស់​ រថយន្តលី សែង នៅការិយាល័យលក់រថយន្ត លី អូតូ ដែលមានទីតាំងផ្សារទំនើបអូឡាំព្យា សម្រាប់អតិថិជនដែលមានចំណាប់អារម្មណ៍មកតេសសាកល្បងរថយន្តលី អូតូ ដោយផ្ទាល់នៅការិយាល័យជារៀងរាល់ថ្ងៃ បានចាប់ពី​ម៉ោង ៩៖០០ព្រឹក រហូតដល់ ៩៖០០យប់បាន លោកអ្នកអាចអញ្ជើញចូលរួមជាមួយយើងខ្ញុំដើម្បីសាកសួរព័ត៌មានទូទៅពីរថយន្ត និងការផ្តល់ជូនពិសេស លើសពីនេះអាចធ្វើការបើកបរសាកល្បងបានទាំងអស់គ្នា។

សូមទស្សនាវីដេអូខាងក្រោម៖

The post ក្រុមហ៊ុនអេសឌីប៊ី ម៉ូទ័រ គ្រុប (ខេមបូឌា) នាំរថយន្តទំនើបលក្ខណៈគ្រួសារម៉ាក រថយន្ត LI AUTO  មកព្រះរាជាណាចក្រកម្ពុជា appeared first on Kampuchea Thmey Daily.

ពិធីនេះមានការចូលរួមពី លោកអភិបាលរងខេត្ត លោកតំណាងក្រុមហ៊ុនដឹញូ វីនេទៀន រីហ្សត លោក លោកស្រីប្រធានមន្ទីរ-អង្គភាព តំណាងកងកម្លាំងទាំងបី ក្រុមប្រឹក្សាក្រុង គណៈអភិបាលក្រុង ក្រុមប្រឹក្សាសង្កាត់ មន្ត្រីរាជការ អស់លោក លោកស្រី អាជ្ញាធរ មូលដ្ឋាន និងបងប្អូនប្រជាពលរដ្ឋសរុបប្រមាណ ៥០០នាក់។

មានប្រសាសន៍ទៅកាន់ពិធីនេះ លោកអភិបាលខេត្តបានបញ្ជាក់ជូនពីសារបាននៃការស្ថាបនាផ្លូវនេះថា ផ្លូវនេះ គឺជាកំណាត់ផ្លូវក្រវ៉ាត់ព្រំដែន ដែលរាជរដ្ឋាភិបាល បានស្ថាបនានៅក្នុងភូមិសាស្ត្រខេត្តស្វាយរៀង លាតសន្ធឹងចាប់ពីបង្គោលព្រំដែនលេខ ១៧១ ក្នុងសង្កាត់បាវិត ដល់បង្គោលព្រំដែនលេខ១៧៥ ក្នុងសង្កាត់ប្រាសាទ មានប្រវែង ១១គ.ម និងជាប្រភេទផ្លូវក្រាលក្រួសក្រហម ប៉ុន្តែកន្លងមកផ្លូវនេះ បានទទួលរងនូវការខូចខាតមួយចំនួន ដោយសារការប្រើប្រាស់ផង និងដោយសារភ្លៀងផងនៅរដូវវស្សា។

ដោយមើលឃើញពីតម្រូវការចាំបាច់ នៃការប្រើប្រាស់ផ្លូវ ឆ្លើយតបទៅនឹងកំណើនប្រជាជន កំណើននៃការប្រើប្រាស់ និងបម្រើឱ្យការរីកចម្រើននៅក្នុងមូលដ្ឋាន និងជាពិសេសបំផុតដោយមានការជួយឧបត្ថម្ភគាំទ្រពីក្រុមហ៊ុន ដឹញូ វីនេទៀន រីហ្សត និងមានការឯកភាពពីកងវិស្វកម្ម អគ្គបញ្ជាការ ក្រសួងការពារជាតិ (ដែលជាអង្គភាពស្ថាបនាផ្លូវក្រវ៉ាត់ព្រំដែន) បានសម្រេចធ្វើការកែលម្អ ដោយធ្វើការលើកកម្ពស់គុណភាពផ្លូវ ពីផ្លូវក្រាលក្រួសក្រហម ទៅជាផ្លូវបេតុង (បើគិតពីរយៈពេលដូចជាមិនដល់កន្លះឆ្នាំនោះទេ បានស្ថាបនារួចរាល់) ដែលកំពុងសម្ពោធដាក់ឱ្យប្រើប្រាស់ជាផ្លូវការនាពេលនេះ ។

លោកបន្តថា ក្នុងនាមអាជ្ញាធរខេត្ត សូមយកឱកាសនេះ ចូលរួមត្រេកអរ ចំពោះការទទួលបាននូវសមិទ្ធផលដ៏ថ្មីស្រឡាងនេះ ជាមួយអាជ្ញាធរមូលដ្ឋាន និងប្រជាពលរដ្ឋរស់នៅសង្កាត់បាវិត និងសង្កាត់ប្រាសាទ ក៏ដូចជាប្រជាពលរដ្ឋដែលធ្វើដំណើរតាមផ្លូវនេះ និងសូមថ្លែងនូវការអរគុណចំពោះក្រុមហ៊ុន ដឹញូ វីនេទៀន រីហ្សត ដែលបានចំណាយថវិកាយ៉ាងច្រើនសន្ធឹកសន្ធាប់ សរុបប្រមាណ ២,៥លានដុល្លារ ក្នុងការជួយឧបត្ថម្ភទាំង ស្រុងដល់ការស្ថាបនាផ្លូវមួយខ្សែនេះ រួមជាមួយនឹងការបំពាក់អំពូលភ្លើងសូឡាអមសងខាងផ្លូវប្រមាណជាង ៣៦៨អំពូល។

លោកថា សមិទ្ធផលទាំងនេះ គឺពិតជាសរបញ្ជាក់ឱ្យឃើញពីវប្បធម៌ នៃការចែករំលែក និងស្មារតីរួបរួមសាមគ្គី និងកិច្ចសហប្រតិបត្តិការយ៉ាងល្អប្រសើររវាងរដ្ឋ និងវិស័យឯកជន ក្នុងកិច្ចគាំទ្រចំពោះគម្រោងអភិវឌ្ឍន៍ផ្សេងៗនៅក្នុងមូលដ្ឋានជាពិសេសនៅក្នុងផ្នែកហេដ្ឋារចនាសម្ព័ន្ធផ្លូវថ្នល់នេះតែម្ដង។

ជាចុងបញ្ចប់នៃពិធីនេះដែរ លោកអភិបាលខេត្តក៏បាននាំមកនូវអំណោយ (ក្នុងនោះក៏មានការចូលរួមពីក្រុមហ៊ុនផងដែរ) សម្រាប់ ជូនចែកជូនដល់លោកគ្រូ អ្នកគ្រូ សិស្សានុសិស្ស និងបងប្អូនប្រជាពលរដ្ឋ ក្នុងម្នាក់ៗ ទទួលបានសារ៉ុង១ និងថវិកា ៥ម៉ឺនរៀល ជូនរដ្ឋបាលក្រុងបាវិត ចាត់ចែងរៀបចំកម្មវិធី ចំនួន ៧លានរៀល។ ជូនអធិការដ្ឋាននគរបាលក្រុង និងមូលដ្ឋានកងរាជអាវុធហត្ថក្រុង ក្នុង ១អង្គភាព ២លានរៀល ជូនផ្នែកសឹករងក្រុង សង្កាត់បាវិត និងសង្កាត់ប្រាសាទ ក្នុង ១អង្គភាព ១លានរៀល ជូនប៉ុស្ដិ៍នគរបាលរដ្ឋបាលសង្កាត់ប្រាសាទ ប៉ុស្តិ៍នគរបាលការពារព្រំដែនប្រាសាទ និងយោធាការពារព្រំដែនប្រាសាទ ក្នុង១អង្គភាព ៥សែនរៀល និងជូនដល់កម្លាំងប្រជាការពារ (សង្កាត់ប្រាសាទ) ៥សែនរៀលផងដែរ៕

ដោយ៖ ភក្ដី

The post ផ្លូវបេតុង ១ខ្សែ តម្លៃ២,៥លានដុល្លារ ក្នុងខេត្តស្វាយរៀង ត្រូវបានសម្ពោធដាក់ឱ្យប្រើប្រាស់ជាផ្លូវការ appeared first on Kampuchea Thmey Daily.

ថ្លែងក្នុងពិធី ឯកឧត្តម ហ៊ុន ម៉ានី បាននាំមកការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏ដូចជាសម្តេចមហាបវរធិបតី ហ៊ុន ម៉ាណែត ជូនអ្នកស្រុកក្រូចឆ្មារ និងសម្តែងនូវសេចក្តីសប្បាយរីករាយ ដែលបានមកចូលរួមក្នុងពិធីសម្ពោធសមិទ្ធផលនានា ក្នុងវត្តឧប្បលវត្តី ហៅវត្តឈូក នាពេលនេះ។

ឯកឧត្តមឧបនាយករដ្ឋមន្ត្រី បានលើកឡើងថា «សមិទ្ធផលទាំងឡាយដែលយើងធ្វើការសម្ពោធនាពេលនេះ គឺកើតចេញដោយផ្ទាល់ពីកិច្ចខិតខំប្រឹងប្រែង និងការឧបត្ថម្ភជ្រោមជ្រែងពីសប្បុរសជនជិតឆ្ងាយទាំងអស់ ប៉ុន្តែយើងទាំងអស់គ្នា ក៏គួរចងចាំថា កត្តា ដែលអនុញ្ញាតឱ្យយើងទាំងអស់គ្នា អាចមានឱកាសចូលរួមជួយសាងសង់សមិទ្ធផលទាំងអស់នេះបាន គឺដោយយើងទាំងអស់គ្នារស់នៅក្រោមដំបូលនៃសុខសន្តិភាព ជាមួយជំនឿសាសនាដ៏ពេញលេញ និងជីវភាពធូរធាររបស់ប្រជាជនកម្ពុជាបច្ចុប្បន្ន»។

ឯកឧត្តម ហ៊ុន ម៉ានី បានរំលឹកពីគំរូវីរភាពរបស់សម្តេចតេជោ និងសម្តេចកិត្តិព្រឹទ្ធបណ្ឌិត ដែលអាចទាញយកជាមេរៀនជីវិត ព្រមទាំងជាការចងចាំមិនអាចបំភ្លេចបាន នូវអ្វីដែលប្រជាជាតិរបស់យើង បានឆ្លងកាត់មកដល់ពេលសព្វថ្ងៃនេះ។ ឯកឧត្តម បានបញ្ជាក់ថា «យើងមិនរស់ក្នុងអតីតកាលទេ ក៏ប៉ុន្តែអតីតកាលបានបញ្ជាក់នូវមេរៀនប្រវត្តិសាស្ត្រ និងភាពជូរចត់នៃសង្គមជាតិ និងប្រជាជនរបស់យើងដូចគ្នាដែរ ហើយអ្វីដែលយើងអាចទាញយកជាមេរៀននៃប្រវត្តិសាស្ត្រនេះ មិនខុសពីព្រះរាជបណ្តាំរបស់សម្តេចតាទេ គឺជាការចងចាំ និងក្រើនរំលឹកជាប្រចាំថា ខ្មែររួបរួម គឺខ្មែរខ្លាំង»។ សូមបន្តការជឿជាក់ និងចូលរួមជាមួយរាជរដ្ឋាភិបាលទាំងអស់គ្នា មិនថាក្នុងបរិយាកាសសប្បាយរីករាយ ឬក៏ជួបនូវវិបត្តិយ៉ាងណា យើងអាចឆ្លងកាត់ការលំបាកជាមួយគ្នា តាមរយៈការខិតខំប្រឹងប្រែងរួមគ្នា ដើម្បីដោះស្រាយបញ្ហាជាមួយគ្នា។ ឯកឧត្តមឧបនាយករដ្ឋមន្ត្រី បានបន្ថែម។

បើតាមរបាយការណ៍ លោក ប៉ែន កុសល្យ អភិបាលខេត្តត្បូងឃ្មុំ បានជម្រាបជូនអង្គពិធីថា វត្តឧប្បលវត្តី ហៅវត្តឈូក បានផ្តួចផ្តើមកសាងឡើងនាឆ្នាំ១៩៥៩ បើគិតមកដល់បច្ចុប្បន្ននេះមានអាយុកាលប្រមាណ ៦៦ឆ្នាំ លើផ្ទៃដីទំហំ ៤៧.០០០ម៉ែត្រការេ ដឹកនាំផ្តួចផ្តើមដោយព្រះគ្រូចៅអធិការ ៤ព្រះអង្គ ដែលមាន ព្រះគ្រូនាម ទូច កេន ព្រះគ្រូនាម ហ៊ូង ហ៊ាន ព្រះគ្រូនាម ឃួយ អ៊ាង និងព្រះគ្រូចៅអធិការ ឡេង នាត ដែលកំពុងដឹកនាំកសាងវត្តនាពេលបច្ចុប្បន្ននេះ។

លោកអភិបាលខេត្ត បានសម្តែងនូវការគោរពដឹងគុណ ចំពោះគុណូបការៈដ៏ធំធេងរបស់សម្តេចទាំងបី ជាប្រមុខដឹកនាំ និងជាមគ្គុទេសន៍ដ៏ឈ្លាសវៃ ក្នុងការសង្គ្រោះរំដោះប្រទេសជាតិមាតុភូមិ សាសនា ដោយបានបូជាកម្លាំងកាយចិត្ត ប្រាជ្ញា ស្មារតី ធើ្វពលិកម្មគ្រប់បែបយ៉ាង ក្នុងការដឹកនាំ ស្ថាបនា ស្តារ និងអភិវឌ្ឍប្រទេសជាតិ ឱ្យទទួលបានសុខសន្តិភាពពេញផ្ទៃប្រទេស រក្សាបានស្ថិរភាពនយោបាយ និងការអភិវឌ្ឍជាតិរីកចម្រើនលើគ្រប់វិស័យ។

លោកបានបញ្ជាក់ថា សមិទ្ធផលទាំងនេះ គឺទទួលបានការចូលរួមឧបត្ថម្ភគាំទ្រមួយផ្នែកធំពីសំណាក់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន តាមរយៈ លោក ជា សុផារ៉ា និងភរិយា រួមជាមួយសប្បុរសជន ពុទ្ធបរិស័ទក្នុង និងក្រៅប្រទេសជាច្រើនទៀត។

សូមជម្រាបថា សមិទ្ធផលត្រូវឆ្លង និងសម្ពោធនាពេលនេះ រួមមាន ដំបូលព្រះវិហារ, ឧបដ្ឋានសាលា, កុដិថ្មី, កញ្ចុះ, ផ្លូវបេតុង, ចេតិយ៍ព្រះសព, បន្ទប់ទឹក និងទីចាត់ការ៕

The post ឯកឧត្តម ហ៊ុន ម៉ានី អញ្ជើញសម្ពោធដំបូលព្រះវិហារ និងសមិទ្ធផលនានា ក្នុងវត្តឧប្បលវត្តី ខេត្តត្បូងឃ្មុំ appeared first on Kampuchea Thmey Daily.

ការអំពាវនាវនេះធ្វើឡើងក្នុងឱកាស សម្តេច ម៉ែន សំអន បានអញ្ជើញជាអធិបតីភាពក្នុងពិធីសម្ពោធដាក់ឱ្យប្រើប្រាស់នូវអគារស្នាក់ការគណបក្សប្រជាជនកម្ពុជាឃុំថ្មី និងសមិទ្ធិផលនានា ក្នុងគណបក្សឃុំថ្មី ស្ថិតក្នុងភូមិព្រៃវល្លិ៍ ឃុំថ្មី ស្រុកកំពង់រោទិ៍ ខេត្តស្វាយរៀង នាព្រឹកថ្ងៃទី១៩ ខែមេសា ឆ្នាំ២០២៥។

សម្តេចបានពាំនាំនូវការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ដោយក្តីនឹករលឹក និងការគិតគូរអំពីសុខទុក្ខរបស់ប្រជាពលរដ្ឋនៅគ្រប់ទីកន្លែង។

ថ្លែងនៅក្នុងឱកាសដ៏វិសេសវិសាលនេះ សម្តេច ម៉ែន សំអន បានបញ្ជាក់ថា អគារស្នាក់ការគណបក្សប្រជាជនកម្ពុជាដែលសម្ពោធដាក់ឱ្យប្រើប្រាស់នេះ គឺជាសមិទ្ធផលថ្មីមួយទៀតរបស់គណបក្សនៅក្នុងឃុំថ្មី ដែលអាចកើតឡើងបានដោយសារប្រទេសជាតិមានសុខសន្តិភាពយ៉ាងពិតប្រាកដ ក្រោមការដឹកនាំរបស់សម្តេចតេជោ ហ៊ុន សែន ដែលគ្រប់គ្នាមិនអាចបំភ្លេចបាន និងមានការគាំទ្ររបស់ប្រជាពលរដ្ឋក្នុងមូលដ្ឋាន។

សម្តេចក៏បានណែនាំដល់គណបក្សប្រជាជនកម្ពុជាគ្រប់មូលដ្ឋាន ត្រូវពង្រឹងរចនាសម្ព័ន្ធរបស់ខ្លួន កសាងសមាជិក សមាជិការធនធានមនុស្ស របស់គណបក្ស ជាពិសេសចលនាយុវជនបន្តវេនប្រកបសីលធម៌ ចរិយាធម៌ និងមានសក្តានុពល ថែមទាំងកៀរគរឱ្យមានការចូលរួមពីសប្បុរសជនគ្រប់ស្រទាប់វណ្ណៈផងដែរ។

ឆ្លៀតក្នុងឱកាសនោះដែរ សម្តេចក៏បានថ្លែងអំណរគុណចំពោះ លោក កឹង ឃន លោក ឃន តារាសម្បត្តិ លោក ស្រេង ហួត រួមជាមួយ លោក លោកស្រី និងក្រុមការងារ ដែលបានរួមគ្នា កសាងស្នាក់ការគណបក្សប្រជាជនកម្ពុជាឃុំថ្មី មានទំហំ១០ម៉ែត្រ×១២ម៉ែត្រ និងសមិទ្ធិផលនានា រួមមាន សាងសង់ខ្លោងទ្វារ របង ចាក់ដី ចាក់សាបបេតុងនៅក្នុងទីធ្លាបរិវេណស្នាក់ការគណបក្ស តសំយ៉ាបរោងសម្រាប់ប្រជុំបណ្តោយប្រវែង ១៥.៦០ម៉ែត្រ ទទឹងប្រវែង ១៥.២០ម៉ែត្រ ធ្វើបន្ទប់អនាម័យ ដែលបានចំណាយថវិកាសាងសង់អស់ជាង ៧ម៉ឺនដុល្លាសហរដ្ឋអាមេរិក៕

ដោយ៖ភក្ដី

The post សម្តេច ម៉ែន សំអន អំពាវនាវដល់ប្រជាពលរដ្ឋគ្រប់មជ្ឈដ្ឋានចូលរួមរក្សាសុខសន្តិភាពឱ្យបានស្ថិតស្ថេរ appeared first on Kampuchea Thmey Daily.

នេះជាស្នាក់ការទី៧ហើយ បន្ទាប់ពីក្រសួងបានដាក់ឱ្យដំណើរការស្នាក់ការនេះ ជាបន្តបន្ទាប់ រួមមាននាយកដ្ឋានលិខិតឆ្លងដែន ភូមិតាង៉ូវ សង្កាត់និរោធ ខណ្ឌច្បារអំពៅ សាខាលិខិតឆ្លងដែន ផ្សារទំនើបអ៊ីអន២សែនសុខ ខេត្តបាត់ដំបង ខេត្តកោះកុង ក្រុងប៉ោយប៉ែត ខេត្តបន្ទាយមានជ័យ និងសាខាលិខិតឆ្លងដែន ខេត្តសៀមរាម។

លោក ស សុខា បានគូសបញ្ជាក់អំពីមហិច្ឆតាក្រសួងមហាផ្ទៃ ក្នុងការពង្រាយសេវាក្រោមសមត្ថកិច្ចរបស់ក្រសួងឱ្យកាន់តែកៀក និងមានគុណភាពជូនប្រជាពលរដ្ឋ ក្នុងនោះក៏មានទាំងសេវាអត្តសញ្ញាណប័ណ្ណ និងលិខិតឆ្លងដែនផងដែរ។ ស្នាក់ការថ្មីនេះ លោករដ្ឋមន្ត្រីបានមានប្រសាសន៍ថា ផ្ដោតលើសេវាដំបូង មានន័យថាប្រជាពលរដ្ឋគ្រប់អាយុស្នើសុំឬកាន់កាប់អត្តសញ្ញាណប័ណ្ណអាចមកស្នើសុំសេវានេះបានទី២ សេវាទុតិយតា ធ្វើឡើងវិញ និងទី៣ពាក់ព័ន្ធការខូច ឬលើសសុពលភាព ក៏ដូចជាកែទិន្នន័យមួយចំនួនដែលមានលក្ខណៈមិនសមស្របក្នុងគោលដៅ ដើម្បីផ្ដល់ភាពងាយស្រួលជូនពលរដ្ឋក្នុងការកែលម្អ។

លោកបន្តថា «ក្រៅពីសេវាដែលបានរៀបរាប់ទាំង៣ខាងលើ ស្នាក់ការនៅអ៊ីអន៣នេះ ក៏បានរៀបចំសេវាមួយទៀត គឺសេវាលិខិតឆ្លងដែនដែលជារឿយៗក្នុងការដឹកនាំរបស់សម្ដេចមហាបវរធិបតី តែងតែចង្អុលបង្ហាញក្នុងគោលដៅដើម្បីផ្ដល់សេវាឱ្យកៀកនឹងប្រជាពលរដ្ឋ ដែលការងារនេះកាលពីចុងអាណត្តិទី៦ រហូតមកដល់ដើមអាណតិ្ត៧ យើងបានពង្រីកវិសាលភាពនៃការផ្ដល់សេវាទាំងនៅអ៊ីអន២ នៅសៀមរាប និងនៅអ៊ីអន៣»។

លោកបានឱ្យដឹងទៀតថា ជារួមបើគិតពីមន្រ្តីរាជការធម្មតា គឺធ្វើការចាប់ពីថ្ងៃចន្ទ រហូតដល់ថ្ងៃសុក្រ ប៉ុន្តែសម្រាប់នៅអ៊ីអន៣នេះ គឺធ្វើការចាប់ពីថ្ងៃពុធ រហូតដល់អាទិត្យពេលល្ងាច មានន័យថា មន្រ្តីនឹងឈប់សម្រាកថ្ងៃចន្ទ និងថ្ងៃអង្គារ ដោយលើកថ្ងៃទៅផ្តល់សេវាជូនពលរដ្ឋនៅចុងសប្ដាហ៍វិញ ដើម្បីឱ្យប្រជាពលរដ្ឋនៅតាមបណ្ដាខេត្តនានាដែលនៅជិតភ្នំពេញដូចជា ខេត្តកណ្ដាល កំពង់ស្ពឺ កំពត និងកែប អាចមកស្នើសុំសេវានៅថ្ងៃឈប់សម្រាប់ពីការងាររបស់ពួកគេ។

ជាថ្មីម្ដងទៀតលោកក៏បានបង្ហាញពីការប្ដេជ្ញា និងបង្ហាញឆន្ទៈយ៉ាងមោះមុត ក្នុងការពង្រីកសាខាទៅតាមខេត្តដែលមានតម្រូវការខ្ពស់ និងទៅតាមការស្រង់មតិសំណូមពរ របស់ប្រជាពលរដ្ឋ គឺធ្វើយ៉ាងណាឱ្យសេវានៅក្នុងក្របខណ្ឌក្រសួងមហាផ្ទៃ បានទៅកៀក និងផ្តល់ភាពងាយស្រួលជូនពលរដ្ឋ ស្របតាមយុទ្ធសាស្រ្តបញ្ចកោណរបស់រាជរដ្ឋាភិបាលក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

សូមបញ្ជាក់ថា ស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ និងផ្តល់សេវាលិខិតឆ្លងដែនស្ថិតនៅជាន់ទី៣ ផ្សារទំនើបអ៊ីអនម៉ល មានជ័យ។ ចំពោះពេលវេលានៃផ្តល់សេវា ចាប់ពីម៉ោង ៩:០០ព្រឹក ដល់ម៉ោង ០៤:០០ល្ងាច និងពីថ្ងៃពុធ ដល់ថ្ងៃអាទិត្យ (ឈប់សម្រាកថ្ងៃចន្ទ និងថ្ងៃអង្គារ ព្រមទាំងថ្ងៃឈប់សម្រាកផ្លូវការ)។ ពលរដ្ឋអាចទូរសព្ទសួរព័ត៌មាន តាមទូរសព្ទលេខ ០៧៧ ៥១៧ ៧៧៦ សម្រាប់ទីស្នាក់ការផ្តល់សេវាអត្តសញ្ញាណបណ្ណសញ្ជាតិខ្មែរ និងលេខ ០១១ ៥៨២ ២៧៧ សម្រាប់ទីស្នាក់ការផ្តល់សេវាលិខិតឆ្លងដែន)។ សម្រាប់ព័ត៌មានបន្ថែម សូមទាក់ទងទៅកាន់លេខទូរសព្ទប្រចាំការសេវាអត្តសញ្ញាណកម្ម “១២៧១” រៀងរាល់ម៉ោងធ្វើការ (លើកលែងថ្ងៃឈប់សម្រាក)៕

The post ទីស្នាក់ការផ្ដល់សេវាអត្តសញ្ញាណប័ណ្ណ ផ្សារទំនើបអ៊ីអនម៉លមានជ័យ ត្រូវបានសម្ពោធដាក់ឱ្យដំណើរការជាផ្លូវការ appeared first on Kampuchea Thmey Daily.

លោក ហៀក សុផាន អភិបាលក្រុងសែនមនោរម្យ បានលើកឡើងថា ដោយមានការសហការ និងគាំទ្រពីអង្គការបូដា កម្ពុជា ក្រោមគម្រោងការលើកកម្ពស់គុណភាពជីវិត និងពង្រឹងភាពធន់នៃទីក្រុងតាមរយៈអនាម័យប្រកបដោយចីរភាព។ លោកបញ្ជាក់ថា កន្លងទៅរដ្ឋបាលក្រុងសែនមនោរម្យ បានទទួលនូវសមិទ្ធិផលមួយចំនួន ដូចជាផែនការចក្ខុវិស័យតម្រង់ទិសសម្រាប់ក្រុងសែនមនោរម្យ នាឆ្នាំ២០៣០ និង ២០៤០ ជាក្រុងគួរឱ្យចង់រស់នៅប្រកបដោយចីរភាព មានភាពធន់ នឹងបម្រែបម្រួលអាកាសធាតុ ជាមួយនឹងកំណើនសេដ្ឋកិច្ចដែលចូលរួមដោយវិស័យទេសចរណ៍ធម្មជាតិសម្រាប់ប្រជាពលរដ្ឋគ្រប់រូប។

ចំណែកលោក ម៉ង់ ឧបសិទ្ធិ ប្រធាន «អង្គការបូដាកម្ពុជា» បានឱ្យដឹងថា ពិធីសម្ពោធដាក់ឱ្យប្រើប្រាស់ជាផ្លូវការហេដ្ឋារចនាសម្ព័នប្រឡាយមុខទឹកទំនប់សែនសុខដុម ដែលបញ្ចប់ការសាងសង់ ថ្មីៗនេះ គឺធ្វើឱ្យប្រសើរឡើងនូវហេដ្ឋារចនាសម្ព័ន្ធដ៏សំខាន់ដែលនឹងលើកកម្ពស់ការគ្រប់គ្រងទឹក ក្នុងអាងស្តុកទឹកសែនសុខដុមនេះ និងផ្តល់អត្ថប្រយោជន៍ដល់សហគមន៍មូលដ្ឋាន។

លោកបន្ថែមថា គម្រោងនេះ គឺជាផ្នែកមួយនៃគំនិតផ្តួចផ្តើមដ៏ទូលំទូលាយក្នុងគម្រោង ការលើកកម្ពស់គុណភាពជីវិត និង ការពង្រឹងភាពធន់នៃទីក្រុង តាមរយៈអនាម័យប្រកបដោយចីរភាព ដែលកំពុងអនុវត្តនៅក្នុងក្រុងសែនមនោរម្យ ក្រុងក្រចេះ និងក្រុងច្បារមន។ តាមរយៈគំនិតផ្តួចផ្តើមនេះ លោកកំពុងធ្វើការដើម្បីបង្កើតចក្ខុវិស័យរយៈពេលវែង និងផែនការតាមវិស័យសម្រាប់ទីក្រុងនីមួយៗ រួមជាមួយនឹងការកែលម្អហេដ្ឋារចនាសម្ព័ន្ធ ការកសាង សមត្ថភាពសម្រាប់អាជ្ញាធរមូលដ្ឋាន និងភាគីពាក់ព័ន្ធ។

ក្នុងឱកាសនោះដែរ លោក ម៉ែន ផល្លីន នាយករងរដ្ឋបាលសាលាខេត្តមណ្ឌលគិរី បានថ្លែងអំណរគុណ ចំពោះដៃគូអភិវឌ្ឍ និងភាគីពាក់ព័ន្ធទាំងអស់ ដែលបានចូលរួមចំណែកក្នុងភាពជោគជ័យនេះ ជាពិសេសអង្គការបូដាកម្ពុជា សម្រាប់ការខិតខំបំពេញការងារយ៉ាងសកម្មភាព ទាំងផ្នែកបច្ចេកទេស និងការគាំទ្រផ្នែកហិរញវត្ថុ និងអរគុណអាជ្ញាធរមូលដ្ឋានសម្រាប់ការគាំទ្រ និងការសម្របសម្រួលសហការយ៉ាងល្អ។

លោកបានលើកទឹកចិត្ត ដល់មន្ត្រីពាក់ព័ន្ឋ និងប្រជាពលរដ្ឋរស់នៅអាស្រ័យផលពីទំនប់ទឹកសែនសុខដុម និងទំនប់សែនមនោរម្យ ត្រូវចូលរួមគ្រប់គ្រងសំណល់គ្រប់ ប្រភេទឱ្យបានត្រឹមត្រូវ ដើម្បីការពារប្រភពទឹកពីការបំពុល ជួយថែរក្សាការពារប្រភពទឹកដ៏សំខាន់នេះ ឱ្យមានបរិស្ថានល្អស្អាត សម្រាប់បម្រើដល់ផលប្រយោជន៍រួមទាំងអស់គ្នាទៅថ្ងៃអនាគតផងដែរ៕

អត្ថបទ៖រៀម សុខហេង

The post ប្រឡាយមុខទឹក ទំនប់សែនសុខដុម ក្នុងខេត្តមណ្ឌលគិរី ត្រូវបានសម្ពោធឱ្យប្រើប្រាស់ជាផ្លូវការ appeared first on Kampuchea Thmey Daily.

ក្រៅពីព្រះវិហារថ្មី វត្តក៏បានកសាងនូវដងទង់ចំនួន ២ដើម កម្ពស់ ២៦ម៉ែត្រ បន្ទប់ទឹក ៦បន្ទប់ ខ្លោងទ្វារចូលវត្ត ១កន្លែង ព្រមទាំងហេដ្ឋារចនាសម្ព័ន្ធរូបវ័ន្តមួយចំនួនទៀត រួមមាន របងវត្ត កុដ្ឋិព្រះសង្ឃ ១ខ្នង ចាក់ដីបំពេញទីធ្លារៀបចំសួនច្បារ និងសាងសង់ហេដ្ឋារចនាសម្ព័ន្ធចាំបាច់ផ្សេងៗទៀតក្នុងវត្ត តាមជំហាន និងតាមលទ្ធភាពថវិកាមាន។

លោក នាក់ ណេរ៉ុន អភិបាលរងសៀមរាប បានលើកឡើងថា សមិទ្ធផលដែលសម្រេចបាននាពេលនេះ គឺបានមកពីការរួមចំណែកចេញពីសទ្ធាជ្រះថ្លា របស់ព្រះសង្ឃ ប្រជាពុទ្ធបរិស័ទជិតឆ្ងាយ និងសប្បុរសជននានា ជាពិសេសដោយមានការគាំទ្រយ៉ាងពេញទំហឹងពីថ្នាក់ដឹកនាំ និងក្រុមការងាររាជរដ្ឋាភិបាលចុះមូលដ្ឋានស្រុកស្រីស្នំ ចូលរួមយ៉ាងធំធេងធ្វើឱ្យសមិទ្ធដ៏ថ្មីស្រឡាងលេចជារូបរាងឡើង។ លោកបន្តថា សមិទ្ឋផលទាំងនេះ សម្រាប់ជាទីកន្លែងគោរព សក្ការៈប្រណិបត្តិសាសនា របស់ព្រះសង្ឃ និងពុទ្ធបរិស័ទទូទៅ ក្នុងវត្តសុវណ្ណគិរីកេសរធ្លក កាន់តែមានបរិយាកាសល្អ និងមានភាពសោភណ្ឌភាពល្អ ស្របតាមការរីកចំរើនរបស់ប្រទេសជាតិ ដែលកំពុងតែមានសុខសន្តិភាព ស្ថិរភាពនយោបាយល្អ និងការអភិវឌ្ឍន៍ឥតឈប់ឈរលើគ្រប់វិស័យក្រោមការងារដឹកនាំរបស់រាជរដ្ឋាភិបាលកម្ពុជា នីតិកាលទី៧ នៃរដ្ឋសភា។

ចំណែក លោក ង៉ែត នរិន្ទ្រ បានមានប្រសាសន៍ថា សមិទ្ឋផលទាំងនេះ គឺជាការរួមចំណែកយ៉ាងថ្លៃថ្លាដល់ការស្តារ និងអភិវឌ្ឍវិស័យព្រះពុទ្ធសាសនា ដែលជាកេរ្តិ៍តំណែលដ៏ថ្លៃថ្លាឧត្តុង្គឧត្តម នៅលើទឹកដីខេត្តសៀមរាប ជានិច្ចតទៅ ព្រោះថាព្រះពុទ្ឋសាសនាជាមូលធនដ៏ចាំបាច់សម្រាប់សង្គមជាតិទាំងមូល និងស្របតាមឆន្ទៈរបស់រាជរដ្ឋាភិបាលក្នុងការកសាងសង្គមជាតិប្រកបដោយសុខសន្តិភាព ភាពសុខដុមរមនា ការអភិវឌ្ឍប្រកបដោយចេរភាព និងមានសីលធម៌។

លោករដ្ឋលេខាធិការ បន្តទៀតថា ការរីកចម្រើនការអភិវឌ្ឍ និងភាពសុខសាន្តរបស់ប្រជាពលរដ្ឋ អាចកើតមានឡើងមិនអាចកាត់ផ្តាច់បានពីប្រទេសមានសន្តិភាព ហើយដែលសន្តិភាព គឺកើតចេញពីមហាសាមគ្គីរបស់ប្រជាជាតិខ្មែរដឹកនាំដោយសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី បច្ចុប្បន្នជាប្រធានព្រឹទ្ឋសភានៃព្រះរាជាណាចក្រកម្ពុជា និងឥស្សរជនជាន់ខ្ពស់ដែលបានខិតខំតស៊ូលះបង់សាច់ស្រស់ឈាមស្រស់ដើម្បីរំដោះប្រទេសជាតិចេញពីរបបប្រល័យពូជសាសន៍ប៉ុលពតកាលពីថ្ងៃទី៧ខែមករាឆ្នាំ១៩៧៩ រហូតដល់ការបញ្ចប់សង្គ្រាមស៊ីវិលទាំងស្រុងក្រោមនយោបាយឈ្នះ ឈ្នះ។

លោក ង៉ែត នរិន្ទ្រ បញ្ជាក់ទៀតថា រាជរដ្ឋាភិបាលនិតីកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិតរបស់សម្តេច ហ៊ុន ម៉ាណែត នាយករដ្ឋមន្ត្រី បន្តខិតខំប្រឹងប្រែងអភិវឌ្ឍវិស័យព្រះពុទ្ឋសាសនា រួមចំណែកពង្រឹងសាមគ្គីភាព លើកកម្ពស់វប្បធម៌និងការយោគយល់គ្នាក្នុងចំណោមពុទ្ឋសាសនិក ក៏ដូចជាប្រជាពលរដ្ឋកម្ពុជានាពេលបច្ចុប្បន្ននិងទៅអនាគត។ ព្រមទាំងបានជំរុញដល់ប្រជាពលរដ្ឋគ្រប់នូវសេរីភាពខាងជំនឿ និងការប្រតិបត្តិខាងផ្លូវសាសនា លើកស្ទួយពុទ្ឋសាសនាដែលជាសាសនារបស់រដ្ឋ និងគាំទ្រគោរពប្រតិបត្តិសាសនាផ្សេងៗទៀតនៅកម្ពុជា ដោយខិតខំពង្រឹងសុខដុមនីយកម្មរវាងគ្រប់សាសនានិងធ្វើឱ្យវត្តអារាម និងព្រះវិហារសាសនាឯទៀតក្លាយជាមជ្ឈមណ្ឌលមួយខាងស្មារតីដែលចូលរួមសកម្មក្នុងការអភិវឌ្ឍសង្គមជាតិផ្នែកវប្បធម៌ អប់រំ សុខាភិបាល សង្គមកិច្ចនិងសីលធម៌សង្គម។

សូមជំរាបថា ខេត្តសៀមរាបមាន វត្តព្រះពុទ្ធសាសនាទាំងពីរគណៈចំនួន២៦១វត្ត ក្នុងនោះគណៈមហានិកាយ ២៥៣វត្ត និងគណៈធម្មយុត្តិកនិកាយ ៨វត្ត អាស្រមមាន ១៧កន្លែង។ ព្រះសង្ឃទាំងពីរគណៈ មានចំនួន ៤ពាន់៩៤៨អង្គ ក្នុងនោះគណៈមហានិកាយមាន ៤ពាន់៨៦៥អង្គ និងគណៈធម្មយុត្តិកនិកាយមាន ៨៣អង្គ។ ក្រៅពីសាសនាព្រះពុទ្ធ នៅមានសាសនាមួយចំនួនដូចជា គ្រិស្តសាសនា ឥស្លាមសាសនា សាសនាមហាយាន និងសាសនាបាហៃ៕

ដោយ៖ គឿន វេត

The post ព្រះវិហារថ្មី និងសមិទ្ធផលនានា ក្នុងវត្តសុវណ្ណគិរីកេសរធ្លក ខេត្តសៀមរាប ត្រូវបានសម្ពោធដាក់ឱ្យប្រើប្រាស់ជាផ្លូវការ appeared first on Kampuchea Thmey Daily.