ទំព័រហ្វេសប៊ុកផ្លូវការពិព័រណ៍យន្តហោះ និងបច្ចេកវិទ្យាសរសេរបង្ហាញពីចំនួនអ្នកចូលទស្សនាដូច្នេះ៖«ទស្សនិកជន ដែលបានមកចូលរួមទស្សនា ក្នុងព្រឹត្តិការណ៍ ពិព័រណ៍យន្តហោះ និងបច្ចេកវិទ្យា លើកទី៤ ឆ្នាំ២០២៤ សរុបទាំង៣ថ្ងៃ ចំនួន ១៣៩,២០០នាក់។ »។

តាមទិន្នន័យបានឱ្យដឹងថា នៅថ្ងៃសុក្រទី១៣​ ខែធ្នូ សិស្សានុសិស្ស និស្សិត ពលរដ្ឋ ចំនួន៨ ២១៨នាក់បានចូលរួមទស្សនាពិព័រណ៍។ សម្រាប់ថ្ងៃទី២ នៃពិព័រណ៍ គឺថ្ងៃសៅរ៍ទី១៤ គឺមនុស្សចំនួន២៧ ៥៩៥នាក់ បានចូលទស្សនា និងនៅថ្ងៃអាទិត្យ ទី១៥ ដែលជាថ្ងៃចុងក្រោយ នៃកម្មវិធីគឺមនុស្សចំនួន១០៣ ៣៨៧នាក់ បានចូលទស្សនា។

លោក អេង ប៊ុនថេង ប្រតិបត្តិករ និងជាប្រធានគ្រប់គ្រងព្រឹត្តិការណ៍ពិព័រណ៍យន្តហោះ និងបច្ចេកវិទ្យា បានឱ្យដឹងថាក្នុងចំណោមអ្នកចូលរួមទស្សនាពិព័រណ៍ គឺភាគនិងច្រើនរស់នៅរាជធានីភ្នំពេញ និងមួយចំនួនធ្វើដំណើរមកពីបណ្ដាខេត្ត ដោយចំណាយពេលវេលា និងថវិកាជិះឡានឈ្នួល ដើម្បីចូលរួមទស្សនាក្នុងបំណងទទួលបានចំណេះដឹងពីបច្ចេកវិទ្យា និងយន្តហោះ ក៏ដូចជាបានទស្សនា ប៉ះ និងជិះសាកល្បង ព្រោះកន្លងមកធ្លាប់តែឃើញហោះនៅលើអាកាស។

តាមរយៈចំនួនអ្នកចូលរួមទស្សនាច្រើនបែបនេះ លោក អេង ប៊ុនថេង បានចាត់ទុកថា ពិព័រណ៍យន្តហោះ និងបច្ចេកវិទ្យាឆ្នាំ២០២៤ គឺទទួលបានជោគជ័យធំបំផុត ក្នុងចំណោមព្រឹត្តិការណ៍ពិព័រណ៍យន្តហោះដែលបានរៀបចំ៣លើកកន្លងមក ត្បិតកាលពីពេលកន្លងមករយៈពេល៣ថ្ងៃ នៃពិព័រណ៍ គឺទទួលបានអ្នកចូលរួមទស្សនាមិនលើសពី៥ម៉ឺននាក់ឡើយ។

គួរឱ្យដឹងថា ពិពរណ៍យន្តហោះ និងបច្ចេកវិទ្យា គឺជាព្រឹត្តិការណ៍ដ៏អស្ចារ្យ មានតែមួយគត់ក្នុងប្រទេសកម្ពុជា ជាព្រឹត្តិការណ៍ដាក់តាំងបង្ហាញប្រភេទយន្តហោះផ្សេងៗ និងការប្រកួតស្នាដៃបច្ចេកវិទ្យាប្លែកៗ ជាមួយគំនិតច្នៃប្រឌិតឥតដែនកំណត់របស់យុវជនកម្ពុជា។

ព្រឹត្តិការណ៍ ពិព័រណ៍យន្តហោះ និងបច្ចេកវិទ្យា (Air & Tech Show) ធ្លាប់ធ្វើឡើងចំនួន ៣លើករួចមកហើយ ពោលគឺក្នុងឆ្នាំ២០១៨ ឆ្នាំ២០១៩ និងឆ្នាំ២០២១ ចំណែកនៅឆ្នាំ២០២៤នេះ​ គឺជាលើកទី៤៕

The post រយៈពេល៣ថ្ងៃ​ ទស្សនិកជនជាង១៣ម៉ឺននាក់ បានចូលទស្សនាពិព័រណ៍យន្តហោះ និងបច្ចេកវិទ្យាដោយសេរី appeared first on Kampuchea Thmey Daily.

តាមរយៈទំព័រហ្វេសប៊ុក ពិព័រណ៍យន្តហោះ និងបច្ចេកវិទ្យា បានឱ្យដឹងថា នៅថ្ងៃទី១៥ ខែធ្នូ ដែលជាថ្ងៃចុងក្រោយ នៃការដាក់តាំងបង្ហាញយន្តហោះ និងបច្ចេកវិទ្យា គឺមានមនុស្សចំនួន ១០៣ ៣៨៧នាក់ បានចូលទស្សនា។ ចំណែកនៅថ្ងៃទី១៤ មានភ្ញៀវចូលរួមទស្សនា ២៧ ៥៩៥នាក់ និងនៅថ្ងៃទី១ ទទួលបានភ្ញៀវជិត ១ម៉ឺននាក់។

លោក អេង ប៊ុនថេង ប្រតិបត្តិករ និងជាប្រធានគ្រប់គ្រងព្រឹត្តិការណ៍ ពិព័រណ៍យន្តហោះ និងបច្ចេកវិទ្យា បានចាត់ទុកថា ពិព័រណ៍យន្តហោះ និងបច្ចេកវិទ្យាឆ្នាំ២០២៤ គឺទទួលបានជោគជ័យធំបំផុត ក្នុងចំណោមព្រឹត្តិការណ៍ពិព័រណ៍យន្តហោះដែលបានរៀបចំ ៣លើកកន្លងមក។

ប្រធានគ្រប់គ្ររូបនេះ បានបញ្ជាក់ថា ពិព័រណ៍យន្តហោះ និងបច្ចេកវិទ្យា ២០២៤ នេះ លោករំពឹងទុកថានឹងមានភ្ញៀវមកចូលរួមត្រឹមតែជាង ៥ម៉ឺននាក់ តែប៉ុណ្ណោះ ព្រោះកាលពីឆ្នាំ២០២១ ទទួលបានភ្ញៀវចូលរួមត្រឹមតែជាង ៤ម៉ឺននាក់ ប៉ុន្តែជាក់ស្តែងគឺលើសពីការរំពឹងទុក។

កន្លងមកពិព័រណ៍យន្តហោះរៀបចំឡើងរយៈពេល ២ឆ្នាំម្ដង ប៉ុន្តែដោយសារឆ្នាំនេះ ទទួលបានអ្នកចូលរួមលើសឆ្នាំកន្លងៗទៅ លោក អេង ប៊ុនថេង បានឱ្យដឹងថា ថ្នាក់ដឹកនាំពិព័រណ៍យន្តហោះ និងបច្ចេកវិទ្យា នឹងពិចារណាថានឹងត្រូវរៀបចំ ១ឆ្នាំម្តង ឬយ៉ាងណា៕

The post ពិព័រណ៍យន្តហោះ និងបច្ចេកវិទ្យា បញ្ចប់ដោយជោគជ័យ និងមានអ្នកចូលរួមជាង ១០ម៉ឺននាក់ នៅថ្ងៃចុងក្រោយ appeared first on Kampuchea Thmey Daily.

លោក ហុត វិបុល សហប្រធានផ្នែករៀបចំទីតាំង បានប្រាប់កម្ពុជាថ្មីថា នៅថ្ងៃចុងក្រោយនៃពិព័រណ៍យន្តហោះ និងបច្ចេកវិទ្យានេះ គឺមានការហោះបង្ហាញឧត្ថម្ភភាគចក្រ ការដាក់តាំងបង្ហាញយន្តហោះ និងស្នាដៃសិស្សនិស្សិត ព្រមទាំងការប្រគល់ពានរង្វានដល់បេក្ខជនក្រុមប្រកួតបច្ចេកវិទ្យា វិញ្ញាសា ការប្រណាំដ្រូន ការប្រកួតយន្តហោះបញ្ជា ការប្រកួតមនុស្សយន្ត និងការប្រកួតរ៉ូបូតចម្បាំង។

សហប្រធានផ្នែករៀបចំទីតាំងរូបនេះ ក៏បានអំពាវនាវឱ្យប្រជាពលរដ្ឋចូលរួមឱ្យបានច្រើនបន្ថែមទៀតនៅថ្ងៃចុងក្រោយនេះ ជាពិសេស ឳពុកម្តាយ ដែលមានកូនៗស្រលាញ់ចូលចិត្តផ្នែកបច្ចេកវិទ្យា ដើម្បីឱ្យពួកគាត់ទទួលបាននូវបទពិសោធ និងចំណេះដឹងថ្មីៗ និងឱកាសបានជួបជាមួយអ្នកជំនាញបើកបរយន្តហោះជាដើម។

ចំណែក កញ្ញា ថោង បញ្ញាទេពី សមាជិកផ្នែករៀបចំទីតាំង បានឱ្យដឹងថា រយៈពេល ២ថ្ងៃមកនេះ មានសិស្ស ស្សិត រួមទាំងប្រជាពលរដ្ឋ ជាច្រើនបានមកចូលរួមទស្សនាពិព័រណ៍យន្តហោះ និងបច្ចេកវិទ្យានេះ ហើយរំពឹងថានៅថ្ងៃចុងក្រោយនេះនឹងមានភ្ញៀវមកទស្សនាកាន់តែច្រើនថែមទៀត។

គួរជម្រាបដែរថា ពិព័រណ៍យន្តហោះ និងបច្ចេកវិទ្យា ឆ្នាំ២០២៤ នៅថ្ងៃទី១៤ ម្សិលមិញនេះ មានភ្ញៀវចូលរួមទស្សនារហូតទៅដល់ ២៧ ៥៩៥នាក់៕

The post មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ appeared first on Kampuchea Thmey Daily.

ផ្អែកតាមទិន្នន័យបឋមដែលកម្ពុជាថ្មីទទួលបានពីក្រុមការងារពិព័រណ៍យន្តហោះ និងបច្ចេកវិទ្យា អ្នកចូលរួមសរុបមានចំនួន ៨ ២១៨ នាក់ ដោយរំពឹងថារយៈពេលបីថ្ងៃនេះ នឹងទទួលបានអ្នកចូលរួមសរុប ៥ម៉ឺននាក់។ ចំនួននេះមានការកើនឡើងបើប្រៀបធៀបកាលពីឆ្នាំមុន ដែលថ្ងៃទី ១ មានអ្នកចូលរួមទស្សនាជាង ៦ពាន់ នាក់ប៉ុណ្ណោះ។

គិតត្រឹមវេលាម៉ោង ១០ ព្រឹកថ្ងៃទី ១៤ ធ្នូ ឆ្នាំ ២០២៤ ចំថ្ងៃទី ២ នៃការតាំងពិព័រណ៍យន្តហោះ និងបច្ចេកវិទ្យា មានអ្នកចូលរួមជិត ១ ០០០នាក់ហើយ ក្នុងនោះមានទាំងភ្ញៀវជាតិ និងអន្តរជាតិ យ៉ាងច្រើនកុះករសម្រុកមកចូលរួមទស្សនាដោយសេរី។ ជាការកតសម្គាល់ សង្កេតឃើញថា ឪពុកម្តាយ អាណាព្យាបាល បាននាំកូនតូចៗ និងវ័យជំទង់មកចូលរួមទស្សនាការតាំងពិព័រណ៍នេះ។

ក្នុងពិព័រណ៍នេះ មានការដាក់តាំងបង្ហាញស្នាដៃ និងគំនិតច្នៃប្រឌិតថ្មីៗ របស់សិស្សនិស្សិត និងបច្ចេកវិទ្យាទំនើបផងដែរ។

គួរជម្រាបថា ការតាំងពិព័រណ៍នេះ មានរយៈពេល ៣ថ្ងៃ ចាប់ពីថ្ងៃទី ១៣ ដល់ថ្ងៃទី ១៥ ខែធ្នូ ឆ្នាំ ២០២៤ ដែលមានទីតាំងស្ថិត នៅមូលដ្ឋានទ័ពអាកាស រាជធានីភ្នំពេញ។ ពលរដ្ឋអាចចូលរួមទស្សនាដោយសេរីតាមរយៈការចុះឈ្មោះអនឡាញនៅលើគេហទំព័រហ្វេសប៊ុក (Air & Tech Show – ពិព័រណ៍យន្តហោះ & បច្ចេកវិទ្យា ) ឬអាចចុះឈ្មោះដោយផ្ទាល់នៅទីតាំងរៀបចំ៕

The post មនុស្សជិត ១ម៉ឺននាក់ ចូលរួមទស្សនាពិព័រណ៍យន្តហោះ និងបច្ចេកវិទ្យា ថ្ងៃទី១ appeared first on Kampuchea Thmey Daily.

ខណៈ​ម៉ោង​ជាង ៧ ព្រឹកនេះ សកម្មភាព​មហាជនក៏​ដូចជា​សិស្សានុសិស្ស​រាប់​រយនាក់​បាន​តម្រង់​ជួរ​គ្នា​ដើម្បី​ចូល​មក​ទស្សនាព្រឹត្តិការណ៍​ពិសេស​ប្រចាំ​ឆ្នាំ​នៃ​បច្ចេកវិទ្យា​និង​ការ​តាំង​បង្ហាញ​យន្តហោះ​ទាំំង​ឯកជន​និង​ក្នុង​ស្រុក​និង​ក្រៅ​ស្រុក​រយៈពេល ៣ ថ្ងៃ៕

The post សិស្ស​ និង​មហាជន​រាប់រយនាក់ ចាប់ផ្តើម​ចូល​មក​ទស្សនា​ពិព័រណ៍​យន្តហោះ ​នៅ​មូលដ្ឋាន​ទ័ព​អាកាស​ពោធិ៍ចិនតុង appeared first on Kampuchea Thmey Daily.

លោក អេង ប៊ុន ថេង ប្រតិបត្តិករ និងជាប្រធានគ្រប់គ្រងព្រឹត្តិការណ៍ ពិព័រណ៍យន្តហោះ និងបច្ចេកវិទ្យា បានឱ្យ «កម្ពុជាថ្មី» ដឹងថា ពិព័រណ៍យន្តហោះ និងបច្ចេកវិទ្យា លើកទី៤ ឆ្នាំ២០២៤ នេះ នឹងមានការដាក់តាំងស្តង់បច្ចេកវិទ្យារហូតដល់ទៅជាង ៦០ស្តង់ ឯណោះ។ ក្នុងនោះ មានទាំងស្តង់ពិព័រណ៍របស់ក្រុមហ៊ុនឯកជន ប៉ុន្តែស្តង់ភាគច្រើន ពាក់ព័ន្ធទៅនឹងបច្ចេកវិទ្យា របកគំហើញថ្មីៗ ជាពិសេស គឺស្នាដៃរបស់សិស្សានុសិស្ស និងកូនខ្មែរដែលជាអ្នកច្នៃប្រឌិតផ្នែកបច្ចេកវិទ្យា។

ប្រធានគ្រប់គ្រងរូបនេះ បានបន្តថា ពិព័រណ៍យន្តហោះ និងបច្ចេកវិទ្យា គឺជាឱកាសដ៏ល្អមួយសម្រាប់ក្មេងៗជំនាន់ក្រោយ បានមកសិក្សារៀនសូត្រ ព្រោះនៅតាមស្តង់នីមួយៗ មានអ្នកធ្វើបទបង្ហាញ ណែនាំអំពីអ្វីដែលបានដាក់តាំងបង្ហាញនោះ ដើម្បីផ្តល់ភាពងាយស្រួលដល់អ្នកទស្សនាបានសិក្សាស្វែងយល់ និងអាចសាកសួរព័ត៌មាន និងចម្ងល់បន្ថែមផ្សេងៗ ពាក់ព័ន្ធនឹងបច្ចេកវិទ្យាទាំងអស់នោះ។ មិនតែប៉ុណ្ណោះ អ្នកចូលរួមក៏អាចថតរូបភាពស្អាតៗពីការដាក់តាំងបង្ហាញនូវយន្តហោះជាច្រើនគ្រឿង និងអាចសាកសួរព័ត៌មានផ្ទាល់ជាមួយអ្នកបើកយន្តហោះថែមទៀត។

សូមជម្រាបថា ពិព័រណ៍យន្តហោះ និងបចេ្ចកវិទ្យា គឺជាកម្មវិធីដំបូងគេបង្អស់ក្នុងប្រទេសកម្ពុជា ដែលបានបង្កើតឡើងក្នុងឆ្នាំ ២០១៨ ដើម្បីបង្ហាញយន្តហោះ និងស្នាដៃដៃច្នៃប្រឌិតរបស់ខ្លួន ដែលមានទេពកោសល្យ ចង់យល់ដឹងបន្ថែមអំពីឯកទេសខាងយន្តហោះ និងបច្ចេកវិទ្យា។ ពិព័រណ៍នេះ បើកឱ្យមានការចូលរួមដោយសេរី ហើយដើម្បីអាចចូលរួមបាន ត្រូវចុះឈ្មោះតាមដំណភ្ជាប់ (https://airandtech.show/) ៕

The post ស្នាដៃសិស្សនិស្សិត និងក្រុមហ៊ុនឯកជនជាង ៦០ស្តង់ នឹងដាក់តាំងបង្ហាញក្នុងពិព័រណ៍យន្តហោះ និងបច្ចេកវិទ្យា appeared first on Kampuchea Thmey Daily.

ពិព័រណ៍យន្តហោះ និងបច្ចេកវិទ្យា នឹងប្រព្រឹត្តទៅនាចុងសប្តាហ៍នេះ ពោល គឺចាប់ពីថ្ងៃទី១៣ ដល់ថ្ងៃទី១៥ ខែធ្នូ ឆ្នាំ២០២៤ នៅមូលដ្ឋានទ័ពអាកាសពោធិចិនតុង ដោយមានការដាក់បង្ហាញយន្តហោះច្រើនប្រភេទ មានអ្នកបើកយន្តហោះឈរនៅក្បែរនោះ រួមជាមួយការដាក់បង្ហាញស្នាដៃបច្ចេកវិទ្យារបស់សិស្ស និស្សិត មកពីសាលារៀន និងសាកលវិទ្យាល័យផ្សេងៗ និងមានការប្រកួតប្រជែងផ្នែកបច្ចេកវិទ្យារបស់ស្នាដៃកូនខ្មែរថែមទៀតផង។

ជុំវិញការតាំងពិព័រណ៍យន្តហោះ និងបច្ចេកវិទ្យានេះ លោកស្រី ឃួន វិច្ឆិកា បានឱ្យ កម្ពុជាថ្មី ដឹងថា ពិព័រណ៍នេះ ផ្តល់ប្រយោជន៍ច្រើនដល់យុវជន និងសិស្សដែលកំពុងសិក្សា ព្រោះពិព័រណ៍នេះ ជាវេទិកាមួយសម្រាប់ការផ្តល់ឱកាសឱ្យពួកគេបានសិក្សា និងស្រាវជ្រាវ និងស្វែងយល់បន្ថែមពីយន្តហោះ បច្ចេកវិទ្យាទំនើប តាមរយៈការមើលដោយផ្ទាល់ដោយមានការផ្សារភ្ជាប់ការរៀន STEM  ទាក់ទងនឹងឧបករណ៍នានាដែរ។ បន្ថែមពីនេះ យុវជន និងសិស្សានុសិស្ស ក៏អាចបានឃើញពីការវិវត្តនៃការផលិត និងការប្រើប្រាស់យន្តហោះ ពីសម័យមុនរហូតដល់សព្វថ្ងៃនេះ និងសារសំខាន់របស់បច្ចេកវិទ្យាក្នុងជីវភាពរស់នៅផងដែរ។ លោកស្រីបន្តថា ក្នុងឱកាសដែលពិព័រណ៍នេះ បើកឱ្យមានការចូលរួមទស្សនា និងដាក់តាំងស្នាដៃបច្ចេកវិទ្យារបស់ខ្លួន ក៏ជាឱកាសឱ្យសិស្សានុសិស្សខិតខំរៀនសូត្រ និងជំរុញឱ្យការរៀនតាមគម្រោងរបស់ក្រសួងអប់រំពាក់ព័ន្ធនឹងវិធីសាស្ត្របង្រៀនថ្មីៗតាមសាលារៀន កាន់តែមានប្រសិទ្ធភាពថែមទៀត។

លោកស្រី ឃួន វិច្ឆិកា បាននិយាយថា៖ “ដូច្នេះ នាងខ្ញុំជឿថាពិព័រណ៍នេះពិតជាមានសារសំខាន់ ហើយចូលរួមនៅក្នុងការលើកកម្ពស់ការអប់រំ ក៏ដូចជាការស្រាវជ្រាវ និងគំនិតច្នៃប្រឌិតរបស់ប្អូនៗ ដើម្បីឱ្យពួកគាត់ខិតខំប្រឹងប្រែងរៀនសូត្រ និងទទួលបានលទ្ធផលកាន់តែល្អប្រសើរ និងឆ្លើយតបតាមតម្រូវការជាក់ស្តែងនៅក្នុងសង្គម”។

អ្នកនាំពាក្យក្រសួងអប់រំ បញ្ចាក់ថា ការពិព័រណ៍នេះ ក្រៅពីផ្តល់ឱកាសដល់សិស្ស និស្សិត បង្ហាញស្នាដៃ និងភាពច្នៃប្រឌិតរបស់ខ្លួនហើយ ក៏ជាឱកាសឱ្យសិស្ស និស្សិត មានភាពក្លាហានក្នុងការច្នៃប្រឌិតជំនាញ និងការងាររបស់ខ្លួន និងអាចប្រើប្រាស់បទពិសោធទាំងអស់នេះ ទៅអភិវឌ្ឍន៍ស្នាដៃរបស់ខ្លួនជាបន្តបន្ទាប់ទៀតដែលទទួលបានជោគជ័យនាពេលអនាគត ព្រមទាំងឈានដល់ការអាចបង្កើតសម្ភារៈដែលប្រើប្រាស់បានពិតប្រាកដ ថែមទាំងចូលរួមក្នុងការដោះស្រាយបញ្ហាមនុស្សក្នុងការរស់នៅប្រចាំថ្ងៃ។

តាងនាមឱ្យក្រសួងអប់រំ យុវជន និងកីឡា លោកស្រី ឃួន វិច្ឆិកា បានជំរុញឱ្យយុវជន សិស្សានុសិស្ស ចូលរួមកម្មវិធីនេះ និងតាំងបង្ហាញស្នាដៃរបស់ខ្លួនឱ្យបានច្រើនកុះករ ដើម្បីទទួលបានបទពិសោធថ្មីៗ និងឈាន់ដល់ការបង្កើតសម្ភារៈថ្មីៗដោយខ្លួនឯងបាន ដើម្បីអាចប្រើប្រាស់នៅជីវភាពប្រចាំថ្ងៃបាន។

សូមបញ្ជាក់ថា ពិព័រណ៍យន្តហោះ និងបចេ្ចកវិទ្យា គឺជាកម្មវិធីដំបូងគេបង្អស់ក្នុងប្រទេសកម្ពុជា ដែលបានបង្កើតឡើងក្នុងឆ្នាំ ២០១៨ ដើម្បីបង្ហាញយន្តហោះ និងស្នាដៃដៃច្នៃប្រឌិតរបស់ខ្លួន ដែលមានទេពកោសល្យ ចង់យល់ដឹងបន្ថែមអំពីឯកទេសខាងយន្តហោះ និងបច្ចេកវិទ្យា។ ពិព័រណ៍នេះ បើកឱ្យមានការចូលរួមដោយសេរី ហើយដើម្បីអាចចូលរួមបាន ត្រូវចុះឈ្មោះតាមដំណភ្ជាប់ (https://airandtech.show/) ។ អ្នកដែលចូលរួម នឹងទទួលបានបទពិសោធថ្មីៗតាមរយៈការមើលយន្តហោះដោយផ្ទាល់ មានឱកាសជួបជាមួយអ្នកបើកយន្តហោះអាជីព ដើម្បីសាកសួរពីព័ត៌មានផ្សេងៗជុំវិញការបើកយន្តហោះ និងឧបករណ៍ផ្សេងៗផងដែរ៕

The post អ្នកនាំពាក្យក្រសួងអប់រំ៖ ពិព័រណ៍យន្តហោះនឹងផ្តល់គំនិតច្នៃប្រឌិតផ្នែកបច្ចេកវិទ្យាដល់យុវជនកាន់តែច្រើន appeared first on Kampuchea Thmey Daily.

បើតាមហ្វេសប៊ុកផ្លូវការរបស់ Air & Tech Show – ពិព័រណ៍យន្តហោះ & បច្ចេកវិទ្យា បានឱ្យដឹងថា ដំបូងឡើយ លោកអ្នកត្រូវចុះឈ្មោះតាមរយៈតំណភ្ជាប់ ( https://airandtech.show/ ) បន្ទាប់មក លោកអ្នកចូលបំពេញព័ត៌មានផ្ទាល់ខ្លួន រួចថតប័ណ្ណអត្តសញ្ញាណ និងថតរូប SELFIE របស់ខ្លួន។

ចំពោះរូបថតបណ្ណអត្តសញ្ញាណ លោកអ្នកអាចថតបានដូចជា អត្តសញ្ញាណប័ណ្ណ លិខិតឆ្លងដែន ប័ណ្ណបើកបរ កាតបុគ្គលិក កាតសិស្ស សំបុត្រកំណើត ។ល។ រីឯ ការថតរូប SELFIE របស់ខ្លួនវិញ មិនតម្រូវឱ្យពាក់មួក ពាក់វ៉ែនតា និងពាក់ម៉ាស់ឡើយ។ បន្ទាប់ពីចុះឈ្មោះរួចហើយ លោកអ្នកត្រូវចុចលើប្រអប់តូចមួយដែលបានសរសេរថា “ខ្ញុំបានពិនិត្យថាព័ត៌មានដែលបានបញ្ជូលពិតជាត្រឹមត្រូវ” រួចចុចលើប៊ូតុង “ចុះឈ្មោះ” បន្ទាប់មកលោកអ្នកនឹងទទួលបានសំបុត្រ ហើយលោកអ្នកត្រូវរក្សាទុក (Save) ឬ Sreenshot ទុកបង្ហាញពេលទៅដល់កន្លែងរៀបចំកម្មវិធី។

ក្រោយពីចុះឈ្មោះរួច លោកអ្នកអាចស្វែងរកទីតាំងស្តង់ចុះឈ្មោះ នៅថ្ងៃរៀបចំកម្មវិធីផ្ទាល់ ដើម្បីយកសំបុត្រ ។ នៅពេលទៅដល់ លោកអ្នកគ្រាន់តែបង្ហាញសំបុត្រដែលបានរក្សាទុកនោះ ទៅកាន់ក្រុមការងារជាការស្រេច។

សូមជម្រាបថា ពិព័រណ៍យន្តហោះ និងបច្ចេកវិទ្យា រៀបចំឡើងដើម្បីបំផុសទឹកចិត្តយុវជន និងយុវជនដែលមានទេពកោសល្យរបស់កម្ពុជា ដែលចង់យល់ដឹងបន្ថែមអំពីឯកទេសខាងយន្តហោះ និងបច្ចេកវិទ្យា។ បន្ថែមពីនេះ ក៏ផ្តល់ឱ្យសាធារណជន យុវជន និងសិស្សានុសិស្សដែលបានចូលរួម ទទួលបាន បទពិសោធ និងចំណេះដឹងថ្មី ព្រមទាំងព័ត៌មានផ្សេងៗក្នុងអំឡុងពេលនៃការតាំងពិព័រណ៍ ក៏ដូចជាពីអ្នកតាំងពិព័រណ៍ដែលមកពីវិទ្យាល័យ និងមហាវិទ្យាល័យ ជាពិសេសនោះគឺ បទពិសោធអ្នកបើកយន្តហោះដែលឈរនៅក្បែរយន្តហោះផា្ទល់តែម្ដង៕

The post តើគួរធ្វើបែបណាខ្លះ ទើបអាចចូលទស្សនាពិព័រណ៍យន្តហោះ និងបច្ចេកវិទ្យាចុងសប្តាហ៍នេះបាន? appeared first on Kampuchea Thmey Daily.