សំរាប់ពិធីតាមបែបសាសនានេះ សម្ដេចព្រះមហាសង្ឃរាជ បួរ គ្រី ព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហមុនីរាជា ជាអម្ចាស់ នាព្រឹកថ្ងៃទី២១កុម្ភៈនេះ ក៏បានយាង ប្រកាសទេវតា និងស្វាធ្យាយព្រះបរិត្តពុទ្ធជ័យមង្គលក្នុងពិធីនេះផងដែរ។

អគារអន្តេវាសិកដ្ឋាន«សម្តេចតេជោសន្តិភាព»កម្ពស់៧ជាន់ ស្ថិតនៅក្នុងពុទ្ធិកសាកលវិទ្យាល័យព្រះសីហមុនីរាជា សង្កាត់ទន្លេបាសាក់ ខណ្ឌចំការមន រាជធានីភ្នំពេញ គឺជាអំណោយរបស់សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ព្រមទាំងសម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត។

គម្រោងសាងសង់អគារអន្តេវាសិកដ្ឋានសម្តេចតេជោសន្តិភាពនេះ មានកំពស់៧ជាន់ មានបណ្តោយប្រវែង៣៧ម៉ែត្រនិងទទឹង៩ម៉ែត្រ ស្មើនឹង៤២បន្ទប់ដោយចាប់ផ្តើមបើកការដ្ឋានសាងសង់នៅថ្ងៃទី២១កុម្ភៈនេះ និងត្រូវប្រើប្រាស់ពេលវេលាសាងសង់ចំនួន១២ខែ៕

អត្ថបទដោយ៖ ស្រីរ័ត្ន

The post អាគារអន្តេវាសិកដ្ឋានសាកលវិទ្យាល័យព្រះសីហមុនីរាជចាប់ផ្ដើមបើកការដ្ឋានសាងសង់ appeared first on Kampuchea Thmey Daily.

 បន្ទាប់មក នៅរសៀលថ្ងៃទី១៦ ខែមិថុនា ឆ្នាំ២០២៤ ព្រះភិក្ខុជោតញ្ញាណោ អ៉ឹង ប៊ុនហ៊ូវ បាននិមន្តអមដំណើរសម្តេចព្រះអរិយវង្ស បណ្ឌិត យ៉ន សេងយៀត ព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហនុរាជ ពិនិត្យទីតាំងដីផ្ទាល់ដែលព្រះភិក្ខុជោតញ្ញាណោ អុឹង ប៊ុនហ៊ូវ បានប្រគេនដីដល់ពុទ្ធិកសាកលវិទ្យាល័យព្រះសីហនុរាជ ដើម្បីរៀបចំចាត់ចែងជាប្រយោជន៍ព្រះពុទ្ធសាសនា។

ក្នុងពេលនិមន្តពិនិត្យទីតាំងដីផ្ទាល់ សម្តេចព្រះមហាអរិយវង្ស បណ្ឌិត យ៉ន សេងយៀត បានមានសង្ឃដីការសម្ដែងនូវសេចក្ដីរំភើបរីករាយក្រៃលែង ដែលពុទ្ធិកសាកលវិទ្យាល័យ ពិតជាមានភព្វសំណាងជាថ្មីម្ដងទៀតក្នុងការទទួលបានដីទំហំធំបែបនេះ បន្ទាប់ពីធ្លាប់ទទួលបានដីពីព្រះបរមរតនកោដ្ឋ ព្រះករុណាព្រះបាទសម្ដេចព្រះ នរោត្តម សីហនុ កាលពីប្រមាណ៧០ឆ្នាំមុន ប្រើប្រាស់ជាទីតាំងពុទ្ធិកសាកលវិទ្យាល័យព្រះសីហនុរាជ មកទល់បច្ចុប្បន្ននេះ។

សម្ដេច យ៉ន សេងយៀត បានសង្ឃដីកាឱ្យដឹងថា ជាច្រើនឆ្នាំមកហើយ ដែលគណៈសង្ឃកម្ពុជា តែងតែស្រម៉ៃផង ដើរបិណ្ឌបាត្រដីអ្នកស្រុកផង និងព្រះសង្ឃផង ដើម្បីយកដីមកពង្រីកពុទ្ធិកសាកលវិទ្យាល័យព្រះសីហនុរាជ ហើយនៅទីបំផុត គឺព្រះភិក្ខុជោតញ្ញាណោ អ៉ឹង ប៊ុនហូវ ជាអ្នកធ្វើឱ្យក្ដីសុបិនទទួលបានដីសម្រាប់ពង្រីកពុទ្ធសាកាលវិទ្យាល័យព្រះសីហនុរាជក្លាយជាការពិត។

គួរឱ្យដឹងថា ដើមឡើយទីតាំងដីទំហំ២០០ហិកតា នៅខេត្តកំពង់ឆ្នាំងនេះ ព្រះភិក្ខុជោតញ្ញាណោ អុឹង ប៊ុនហ៊ូវ បានជាវទុកក្នុងគោលបំណងប្រើប្រាស់សម្រាប់រៀបចំជាទីតាំងគោរពសក្ការៈក្នុងវិស័យព្រះពុទ្ធសាសនា រួមមាន វត្តអារាម និងទីកន្លែងប្រតិបត្តិសមាធិ និងដើម្បីរៀបចំជាទីតាំងទេសចរណ៍ធម្មជាតិដោយផ្សារភ្ជាប់នឹងព្រះពុទ្ធសាសនា និងការការពារ អភិរក្ស ធនធានធម្មជាតិនៅក្នុងភូមិសាស្ត្រនេះ៕

The post ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតា​ក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ appeared first on Kampuchea Thmey Daily.

លោកបណ្ឌិត ងួន ស្ដេចភក្ដី សាកលវិទ្យាធិការង​ នៃពុទ្ធិកសាកលវិទ្យាល័យព្រះសីហមុនីរាជា និងទីប្រឹក្សាផ្ទាល់សម្តេចមហាបវរធិបតី ហ៊ុន​ ម៉ាណែត និងជារដ្ឋលេខាធិការក្រសួងធម្មការ និងសាសនា បានផ្ដល់បទសម្ភាសឱ្យកម្ពុជាថ្មី ដឹងថា សម្រាប់ពេលបច្ចុប្បន្ននេះ ពុទ្ធិកសាកលវិទ្យាល័យព្រះសីហមុនីរាជា រៀបចំហេដ្ឋារចនាសម្ព័ន្ធថ្មីៗ ជាច្រើន ក្នុងនោះរួមមាន៖

– អគារ ព្រះករុណាព្រះបាទនរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា មាន ៩ បន្ទប់

– អគារ រដ្ឋបាល មាន ៩ បន្ទប់

 – អគារ សម្តេចអគ្គមហាសេនាបតីតេជោ ហ៊ុន សែន មាន ១២ បន្ទប់

 – អគារ សម្តេចព្រះមហាសង្ឃរាជ បួរ គ្រី មាន ៤៥ បន្ទប់

– អគារស្នាក់នៅចំនួន២ សរុប ៦៤ បន្ទប់

 – បណ្ណាល័យតេជោសន្តិភាព បន្ទប់កុំព្យូទ័រ និងការិយាល័យជាច្រើនទៀត

 – សាលវិមានសន្តិភាពសម្រាប់ប្រជុំធំ ១

  – សាលប្រជុំតូចចំនួន ២

  – សាលសវនការចំនួន ១

  – មានប្រព័ន្ធកាមេរ៉ាសុវត្ថិភាព ពន្ទត់អគ្គីភ័យ ប្រគាសអាសន្ន អ៊ីនធើណេត បន្ទប់សង្គ្រោះបឋម

  – កន្លែងចតរថយន្តធំទូលាយ ក្រាលបេតុង

  – កំពុងរៀបចំអាហារដ្ឋាននៅផ្នែកខាងក្រោម។

លោកបណ្ឌិត ងួន ស្ដេចភក្ដី បានមានប្រសាសន៍បន្ថែមទៀតថា​ ជាការគួរឱ្យកត់សម្គាល់ជានេះទៅទៀត ពុទ្ធិកសាកលវិទ្យាល័យព្រះសីហនមុនីរាជា​ មាននិស្សិតមកសិក្សានៅទីនេះសឹងតែគ្រប់កម្រិត ដែលនិស្សិតទាំងមានប្រហែលសរុបចំនួន ៣០៨១ រូប ស្រី ១២២៥ រូប ព្រះសង្ឃចំនួន៣៤៩ អង្គ។ ជាក់ស្ដែង និស្សិត​ ទាំងអស់ចែកចេញជា ៣ផ្នែកធំៗ៖

ទី១. និស្សិតថ្នាក់បរិញ្ញាបត្រ ២៧២៩ រូប សិក្សាលើជំនាញចំនួន៧

ទី២. និស្សិតថ្នាក់អនុបណ្ឌិត ១៩១ រូបសិក្សាលើជំនាញចំនួន ៤

និងទី៣. និស្សិតថ្នាក់បណ្ឌិត ១៦១ រូប សិក្សាលើជំនាញចំនួន៩។

លោកបណ្ឌិត ងួន ស្ដេចភក្ដី បានសង្កត់ធ្ងន់ថា សាលានឹងមានគោលដៅថ្មីបន្ថែមទៀត នៅពេលខាងមុខនេះ ដែលគោលបំណងនោះគឺ៖

– ពង្រឹងវិស័យពុទ្ធិកសិក្សា ដើម្បីថែរក្សា និងការពារ ព្រះពុទ្ធសាសនាឱ្យគង់វង្ស

– រួមចំណែកអភិវឌ្ឍ និងលើកកម្ពស់វិស័យអប់រំផ្នែកពុទ្ធចក្រ និងអាណាចក្រ ដើម្បីបង្កើនធនធានមនុស្សកម្ពុជាដោយមានការទទួលស្គាល់គុណភាពអប់រំពីគណៈកម្មាធិការជាតិទទួលស្គាល់គុណភាពអប់រំនៃកម្ពុជា (ACC) ក្រសួងអប់រំ យុវជន និងកីឡា និងក្រោមការដឹកនាំពីអគ្គាធិការដ្ឋានពុទ្ធិកសិក្សាជាតិ  ក្រសួងធម្មការ និងសាសនា នៃរាជរដ្ឋាភិបាលកម្ពុជា

– បង្កើនធនធានមនុស្សកម្ពុជាប្រកបដោយសីលធម៌ គុណធម៌ អភិសមាចារ និងជំនាញវិជ្ជាជីវៈខ្ពស់។

ចំណែកឯ ចក្ខុវិស័យវិញ លោកបណ្ឌិត ងួន ស្ដេចភក្ដី បានបង្ហើបប្រាប់ថា៖ ពុទ្ធិកសាកលវិទ្យាល័យព្រះសីហមុនីរាជា ជាគ្រឹះស្ថានសិក្សាសាធារណៈរបស់រដ្ឋ ក្នុងការអប់រំក្រមសីលធម៌ គុណធម៌ អភិសមាចារ និងការអភិវឌ្ឍធនធានមនុស្សលើវិស័យអប់រំប្រកបដោយកិត្យានុភាព ឧត្ដមភាព មិនប្រកាន់និន្នាការនយោបាយ សាសនា ជាតិសាសន៍ ពណ៌សម្បុរ និងការជឿទុកចិត្តក្នុងក្របខណ្ឌជាតិ និងអន្តរជាតិ តាមទស្សនវិជ្ជាអប់រំព្រះពុទ្ធសាសនា ថែមទៀតផង។

ជាងនេះទៅទៀត លោកបណ្ឌិត ងួន ស្ដេច ភក្ដី បានបន្តថា ទិសដៅអនុវត្តធំៗដែលនឹងអនុវត្តបន្តទៀតនោះគឺ៖ ទី១. អភិវឌ្ឍវិស័យពុទ្ធិកសិក្សា ដើម្បីថែរក្សា និងការពារព្រះពុទ្ធសាសនាឱ្យបានគង់វង្ស

ទី២. លើកកម្ពស់គុណភាពអប់រំ ប្រកបដោយសមធម៌ បរិយាបន្ន និងជំរុញឱកាសក្នុងការសិក្សាពេញមួយជីវិត សម្រាប់ទាំងអស់គ្នា ឱ្យស្របតាមគោលនយោបាយអប់រំរបស់ក្រសួងធម្មការ និងសាសនា និងក្រសួងអប់រំយុវជន និងកីឡា

ទី៣. ធានាគុណភាពការងារគ្រប់គ្រងរដ្ឋបាល ហិរញ្ញវត្ថុ និងការផ្តល់សេវានានា

ទី៤. បង្គើនប្រសិទ្ធភាពនៃការផ្សព្វផ្សាយ ការចុះឈ្មោះចូលរៀន និងការថែរក្សានិស្សិត

ទី៥. ពង្រឹង និងពង្រីកកិច្ចសហប្រតិបត្តិការជាតិ និងអន្តរជាតិ។

ជាចុងក្រោយ លោកបណ្ឌិត ងួនស្ដេចភក្ដី តំណាងឱ្យព្រះបរមនាមសម្តេចព្រះមហាសង្ឃរាជ បួរ គ្រី គង់ជាព្រះសាកលវិទ្យាធិការ នៃពុទ្ធិកសាកលវិទ្យាល័យព្រះសីហនមុនីរាជា​ លោកសូមផ្តាំផ្ញើដល់យុវជន និងសាធារណជនដែលមានបំណងសិក្សានៅពុទ្ធិកសាកលវិទ្យាល័យព្រះសីហមុនីរាជាទាំងអស់ឱ្យបានជ្រាបថា៖ ពុទ្ធិកសាកលវិទ្យាល័យព្រះសីហ-មុនីរាជា ជាគ្រឹះស្ថានឧត្តមសិក្សាសាធារណៈរបស់រដ្ឋ ដែលបានស្ថាបនិកឡើងដោយសម្តេចព្រះមហាសង្ឃរាជ បួរ គ្រី និងប្រទាននាមដោយព្រះករុណា ព្រះបាទ ព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា គាំទ្រ និងឧបត្ថម្ភដោយក្រសួងធម្មការ និងសាសនា ក្រសួងសេដ្ឋកិច្ច និងហិរញ្ញវត្ថុ និងទទួលស្គាល់គុណភាពអប់រំដោយក្រសួងអប់រំ យុវជន និងកីឡា នៃរាជរដ្ឋាភិបាលកម្ពុជា។ បេសកកម្មចម្បងរបស់ពុទ្ធិកសាកលវិទ្យាល័យព្រះសីហមុនីរាជា គឺអភិវឌ្ឍមូលធនមនុស្សមកពីគ្រប់ទិសទីនៃព្រះរាជាណាចក្រកម្ពុជា ស្របតាមយុទ្ធសាស្ត្របញ្ជកោណរបស់រាជរដ្ឋាភិបាលកម្ពុជា ដែលដឹកនាំដោយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ    កម្ពុជា តាមរយៈការផ្តល់អាហារូបករណ៍ពេញ ១០០% សិក្សាដោយឥតបង់ថ្លៃរយៈពេល ៤ ឆ្នាំ ជូនសមណនិស្សិត និស្សិត និងធ្វើការបណ្តុះបណ្តាលប្រកបដោយគុណភាព កិត្យានុភាព ឧត្ដមភាព មិនប្រកាន់និន្នាការនយោបាយ សាសនា ជាតិសាសន៍ ពណ៌សម្បុរ និងការជឿទុកចិត្តក្នុងក្របខណ្ឌជាតិ និងអន្តរជាតិ តាមទស្សនវិជ្ជាអប់រំព្រះពុទ្ធសាសនា ឈរលើតម្លៃស្នូលដែលដាក់ចេញដោយសម្តេចព្រះសាកលវិទ្យាធិការគឺ “មេត្តា សតិ បញ្ញា”។

ជាក់ស្ដែង កន្លងទៅថ្មីៗនេះ ពុទ្ធិកសាកលវិទ្យាល័យព្រះសីហមុនីរាជា បានសម្រេចជោគជ័យជាប្រវត្តិសាស្ត្រជាច្រើន ដែលមិនធ្លាប់មានក្នុងប្រវត្តិនៃពុទ្ធិកសិក្សានៃព្រះរាជាណាចក្រកម្ពុជារួមមាន៖

ទី១. សាងសង់អគារសិក្សាថ្មីកម្ពស់ ៩ ជាន់ ដែលចំណាយពេលត្រឹមតែជាង ១០ ខែ

ទី២. ទទួលបានការអនុញ្ញាតបើកថ្នាក់បណ្ឌិត ពីក្រសួងធម្មការ និងសាសនា ក្រសួងអប់រំយុវជន និងកីឡា នៃរាជរដ្ឋាភិបាលកម្ពុជា

ទី៣. ចូលជាសមាជិកសមាគមសាកលវិទ្យាល័យអន្តរជាតិ (International Association of Universities នៃអង្គការ UNESCO) ក្នុងចំណោមសាកលវិទ្យាល័យអន្តរជាតិជាង៦០០ ដែលមកពីជាង១៣០ ប្រទេសទូទាំងពិភពលោក។

ទី៤. ទទួលបានអាជ្ញាប័ណ្ណទទួលស្គាល់គុណភាពអប់រំ ពីគណៈកម្មាធិការទទួលស្គាល់គុណភាពអប់រំនៃចក្រភពអង់គ្លេស ដែលអនុញ្ញាតឱ្យសមណនិស្សិត និស្សិត ពុទ្ធិកសាកលវិទ្យាល័យព្រះសីហមុនីរាជាអាចបន្តការសិក្សានៅបរទេសបាន។ 

ពិសេសជាងនេះទៅទៀត ក្រោយពេលបញ្ជប់ការសិក្សាលើគ្រប់កម្រិត ព្រះករុណាព្រះបាទ ព្រះបរមនាថ នរោត្តមសីហមុនី ព្រះមហាក្សត្រនៃព្រះរាជាណាចក្រកម្ពុជា ទ្រង់នឹងផ្តល់ព្រះរាជកិត្តិយសចែកសញ្ញាបត្រជូនសមណនិស្សិត និស្សិតដោយផ្ទាល់ ដូចដែលសាធារណជនធ្លាប់បានឃើញកន្លងមក។

ទន្ទឹមនឹងការអភិវឌ្ឍជាបន្តបន្ទាប់របស់ប្រទេសកម្ពុជាយើង យុវជន ដែលជាទំពាំងស្នងឬស្សីដ៏មានសារៈសំខាន់ សូមចងចាំថាខ្លួនយើងម្នាក់ៗមានកាតព្វកិច្ច៣សំខាន់ៗ គឺអភិវឌ្ឍខ្លួនឯង អភិវឌ្ឍគ្រួសារ និងអភិវឌ្ឍសង្គម ដើម្បីកូនចៅជំនាន់ក្រោយរបស់ខ្មែរអាចរស់នៅបានប្រកបដោយសេចក្តីសុខ សុភមង្គល ភាពសុខដុមរមនា សេចក្តីថ្លៃថ្នូរ រុងរឿង ថ្គុំថ្កើន ជានិច្ចនិរន្តន៍តរៀងទៅ នឹងនិស្សិតទាំងអស់ត្រូវចងចាំថា “សុខចិត្តលំបាករយៈពេល៤ឆ្នាំ កុំឱ្យលំបាកមួយជីវិត” និងរៀនឱ្យចេះ ធ្វើឱ្យកើត ដើរឱ្យត្រូវ”៕

អត្ថបទ៖ សួស​ សិត

The post ពុទ្ធិកសាកលវិទ្យាល័យព្រះសីហមុនីរាជា កំពុងរៀបចំហេដ្ឋារចនាសម្ព័ន្ធថ្មីៗជាច្រើន ដើម្បីពង្រឹងវិស័យពុទ្ធិកសិក្សា appeared first on Kampuchea Thmey Daily.