ពេជ្រ សឹង្ហៈ Archives - Kampuchea Thmey Daily

ពេជ្រ សឹង្ហៈ ទើបឈ្នះខ្សែក្រវាត់ ១ ខ្សែថ្មីៗ ពេលនេះមានឱកាសជម្រះបញ្ជី ឌឹម សារុំ

Sina Noun — Wed, 21 Jan 2026 02:20:58 +0000

ពិតជាមានទីផ្សារខ្លាំងមែនក្លឹបលោក ពេជ្រ សុផាន់ ដូចជាជើងខ្លាំងវ័យក្មេង ពេជ្រ សឹង្ហៈ ទើបតែលេងកម្មវិធីធំឈ្នះខ្សែក្រវាត់១ខ្សែថ្មីៗ ឥលូវនេះ រូបគេមានឱកាសប្រកួតសងសឹកជាមួយ ឌឹម សារុំ ជាថ្មីទៀតហើយនៅដើមខែកុម្ភៈ ឆ្នាំ២០២៦។

រូបភាពលើផេកក្របីព្រៃ

ក្លឹបប្រដាល់លោក ពេជ្រ សុផាន់ ពិតជាល្បី និងមានទីផ្សារខ្លាំងមែនក្នុងវិស័យប្រដាល់គុនខ្មែរដូចទៅហ្នឹងអ្នកគាំទ្របានឃើញជាក់ស្ដែងអីចឹងដែរ។ កីឡាករ ពេជ្រ សឹង្ហៈ ជាកីឡាករលេចធ្លោ និងក្រសោបខ្សែក្រវាត់ ពានរង្វាន់ក្នុងកម្មវិធីធំៗជាច្រើនកន្លងមក។

ឥលូវនេះជំនួបសងសឹករវាង ពេជ្រ សឹង្ហៈ និង ឌឹម សារុំ គឺជាការប្រកួតធំដណ្ដើមខ្សែក្រវាត់មួយទៀតហើយសម្រាប់កូនសិស្សគ្រូឆ្នើម។ ការប្រកួតរវាងអ្នកទាំងពីរនេះក៏បានទាក់ទាញចំណាប់អារម្មណ៍របស់មហាជនខ្លាំងផងដែរ ព្រោះធ្លាប់ចាញ់ឈ្នះគ្នាមិនទាន់អស់ចិត្តផង និងមានការខកចិត្តច្រើនពីអ្នកគាំទ្រដោយគិតថា សឹង្ហៈ ជាអ្នកឈ្នះកាលប៉ះគ្នាលើកទី១ នោះ។

រូបភាពលើផេកគ្រូតូច

រង់ចាំមើលទាំងអស់គ្នាថាកីឡាករ ពេជ្រ សឹង្ហៈ អាចឈ្នះខ្សែក្រវាត់មួយគ្រឿងទៀត និងថវិកាលើកទឹកចិត្តបានទេនៅដើមខែកុម្ភៈ ឆ្នាំ២០២៦ ខាងមុខនេះ។ កាលពីថ្ងៃទី១៧ ខែមករា ឆ្នាំ២០២៦ នេះកីឡាករ ពេជ្រ សឹង្ហៈ ទើបតែឈ្នះខ្សែក្រវាត់ ១គ្រឿងអមដោយទឹកប្រាក់ ៨លានរៀលផងដែរបន្ទាប់ពីយកឈ្នះពិន្ទុលើកីឡាករ ឡុង ពិសិដ្ឋ។ កូនសិស្សលោក ពេជ្រ សុផាន់ រូបនេះធ្លាប់ចាញ់ ឌឹម សារុំ ដោយគ្រូពេទ្យបញ្ឈប់ការប្រកួតព្រោះរបួសធំពេកកាលពីថ្ងៃទី២៨ ខែមិថុនា ឆ្នាំ២០២៦។ ជំនួបសងសឹករវាងអ្នកទាំងពីរនេះនឹងធ្វើឡើងនៅសង្វៀនទទក៕

អត្ថបទដោយ៖ នួន ស៊ីណា

The post ពេជ្រ សឹង្ហៈ ទើបឈ្នះខ្សែក្រវាត់ ១ ខ្សែថ្មីៗ ពេលនេះមានឱកាសជម្រះបញ្ជី ឌឹម សារុំ appeared first on Kampuchea Thmey Daily.

ឡុង ពិសិដ្ឋ នឹងចេញប្រកួតវិញនៅថ្ងៃទី១៧ ខែមករា ក្រោយបានចូលក្លឹប និងសំងំហ្វឹកហាត់ជាច្រើនសប្ដាហ៍កន្លងទៅ

Sina Noun — Fri, 09 Jan 2026 08:06:43 +0000

ជើងខ្លាំងទម្ងន់ស្រាល ឡុង ពិសិដ្ឋ មានឈ្មោះប្រកួតវិញហើយនៅថ្ងៃទី១៧ ខែមករា ឆ្នាំ២០២៦ ខាងមុខនេះបន្ទាប់ពីរូបគេបានវិលត្រឡប់ចូលក្លឹបខ្លារខិនវិញ និងសំងំហ្វឹកហាត់បានច្រើនសប្ដាហ៍រួចមក។

ឡុង ពិសិដ្ឋ និងលោក រិគី

កីឡាករ ឡុង ពិសិដ្ឋ បន្ទាប់ពីមានការសម្រប់សម្រួលរហូតបានចូលមករួមរស់ក្នុងក្លឹបខ្លារខិនវិញនោះកាលពីថ្ងៃទី២៦ ខែវិច្ឆិកា ឆ្នាំ២០២៥ រហូតមកដល់ពេលនេះគេឃើញបានហ្វឹកហាត់ជាប់លាប់ជាប្រចាំដើម្បីបង្កើនសមត្ថភាពឲ្យល្អដូចពីមុនវិញ។

ការបុកហ្វឹកហាត់ និងភាពប្រឹងប្រែងរបស់អ្នកប្រដាល់ខាងលើនេះ ឥឡូវគ្រូរបស់ខ្លួនដាក់ឈ្មោះឲ្យឡើងប្រកួតវិញហើយនៅសប្ដាហ៍ក្រោយថ្ងៃទី១៧ ខែមករា ឆ្នាំ២០២៦ នេះដោយរូបគេត្រូវប៉ះជើងខ្លាំងមកក្លឹបប្រដាល់ពេជ្រសុផាន់គុនខ្មែរគឺ ពេជ្រ សឹង្ហៈ។

ឡុង ពិសិដ្ឋ ពេលវិលត្រឡប់មកក្លឹបវិញ

បញ្ជាក់ដែរថា កីឡាករ ឡុង ពិសិដ្ឋ បានឃ្លាតឆ្ងាយពីវិស័យប្រដាល់គុនខ្មែរជិតកន្លះឆ្នាំទើបតែមានការសម្រប់សម្រួលពីលោក ហាក់ សុខហេង ដោយសុំការយោគយល់ពីលោក រិគី ដែលជាគ្រូបង្វឹកអនុញ្ញាតឲ្យចូលក្លឹបហ្វឹកហាត់វិញអំឡុងចុងខែវិច្ឆិកា ឆ្នាំ២០២៥។ ការអនុញ្ញាតឲ្យវិលត្រឡប់ចូលក្លឹបវិញនេះដែរ ឡុង ពិសិដ្ឋ ត្រូវគោរពតាមច្បាប់ក្លឹបឲ្យបានត្រឹមត្រូវល្អដែលលោក រិគី បានដាក់មក។ តាំងពីវិលត្រឡប់មកកាន់ក្លឹបវិញរូបគេនៅមិនទាន់បានឡើងប្រកួតវិញនៅឡើយទេស្របពេលសង្គ្រាមឈ្លានពានរបស់សៀមផងនោះធ្វើឲ្យផ្អាកសកម្មភាពប្រដាល់អស់មួយរយៈពេលទើបតែបើកវិញបណ្ដើរៗនៅសប្ដាហ៍មុននេះទេ។ ការប៉ះគ្នារវាង ឡុង ពិសិដ្ឋ និង ពេជ្រ សឹង្ហៈ នេះនឹងធ្វើឡើងនៅថ្ងៃទី១៧ ខែមករា ឆ្នាំ២០២៦ នៅសង្វៀន CNC៕

អត្ថបទដោយ៖ នួន ស៊ីណា

The post ឡុង ពិសិដ្ឋ នឹងចេញប្រកួតវិញនៅថ្ងៃទី១៧ ខែមករា ក្រោយបានចូលក្លឹប និងសំងំហ្វឹកហាត់ជាច្រើនសប្ដាហ៍កន្លងទៅ appeared first on Kampuchea Thmey Daily.

ពេជ្រ សឹង្ហៈ៖ បច្ចុប្បន្ននេះទម្ងន់ ៥១គីឡូក្រាមនេះពិបាករកអ្នកស៊ី មហាម៉ាត់ ណាស់

Sina Noun — Fri, 24 Oct 2025 08:26:48 +0000

កូនសិស្សលោកគ្រូឆ្នើមគឺកីឡាករ ពេជ្រ សឹង្ហៈ ថាតាមការយល់ឃើញរបស់ខ្លួនបច្ចុប្បន្ននេះពិបាករកកីឡាករណាមកប្រកួតឲ្យឈ្នះ មហាម៉ាត់ ណាស់ដោយសារសមត្ថភាពបរទេសរូបនេះល្អខ្លាំងពេកមានគ្រប់ចំណុចទាំងអស់ទៅហើយ។

កីឡាករ ពេជ្រ សឹង្ហៈ

លើកឡើងក្នុងកិច្ចសម្ភាសមួយកីឡាករ ពេជ្រ សឹង្ហៈ និយាយចំៗដោយមិនមានភាពស្ទាក់ស្ទើថា បច្ចុប្បន្ននេះទម្ងន់ ៥១គីឡូក្រាមនេះគឺពិបាករកអ្នកវាយឈ្នះ មហាម៉ាត់ ណាស់ដោយសារតែសមត្ថភាពល្អខ្លាំងពេក។

ប្អូនប្រុសរបស់ ពេជ្រ សម្បត្តិ ខាងលើលើកពីចំណុចល្អរបស់ មហាម៉ាត់ ថាជាកីឡាករល្អគ្រប់គ្រឿងទាំងអស់ដូចជាកម្លាំងស៊ុហ្វ រាងកាយ ស្នៀតប្រយុទ្ធ ភាពធន់ ពោលបានមួយចប់តែម្ដង។ ប្រភេទទម្ងន់នៅស្រុកខ្មែរបច្ចុប្បន្នបើចង់ប៉ះ មហាម៉ាត់ ប្រកួតបានតែលទ្ធផលអ្នកគ្រប់គ្នាដឹងហើយថាបានទៅលើអ្នកណានោះ។

កីឡាករ មហាម៉ាត់

បញ្ជាក់ដែរថា មហាម៉ាត់ គឺជាកីឡាករបរទេសដែលកំពុងហ្វឹកហាត់នៅក្លឹបប្រដាល់សេនប៊ុនថេនគុនខ្មែរ។ រូបគេជាកីឡាករមកពីប្រទេសអាហ្វហ្គានីស្ថាន និងបានមករួមរស់ជាមួយលោក សេន ប៊ុនថេន ប្រហែល១ឆ្នាំមកហើយ។ សូម្បីជើងខ្លាំង ពេជ្រ សឹង្ហៈ ឡៅ សៃណេត សុទ្ធតែចាញ់ក្រោមថ្វីដៃ មហាម៉ាត់ រហូតដល់ទៅ២ដងដូចគ្នា៕

អត្ថបទដោយ៖ នួន ស៊ីណា

The post ពេជ្រ សឹង្ហៈ៖ បច្ចុប្បន្ននេះទម្ងន់ ៥១គីឡូក្រាមនេះពិបាករកអ្នកស៊ី មហាម៉ាត់ ណាស់ appeared first on Kampuchea Thmey Daily.

ជើងខ្លាំងវ័យក្មេង ពេជ្រ សឹង្ហៈ ដាក់គោលដៅប្រឡូកនៅក្រៅប្រទេស និងប្រឹងឲ្យបានតម្លៃខ្លួនខ្ពស់

Sina Noun — Thu, 26 Jun 2025 02:24:51 +0000

ជើងខ្លាំងវ័យក្មេងប្រចាំក្លឹបគ្រូឆ្នើម ពេជ្រ សឹង្ហៈ បន្ទាប់ពីប្រឡូកគុនខ្មែរស្ទើរគ្រប់សង្វៀនរួចហើយនេះ ឥឡូវដាក់គោលដៅឲ្យបានចេញទៅប្រកួតនៅឯក្រៅប្រទេស និងបន្តខំប្រឹងធ្វើយ៉ាងម៉េចឲ្យទទួលតម្លៃខ្លួនកាន់តែខ្ពស់នៅថ្ងៃខាងមុខនេះ។

រូបភាពលើផេក សឹង្ហៈ

ពេជ្រ សឹង្ហៈ បានឲ្យដឹងថា គោលដៅនៅថ្ងៃខាងមុខទៀតនោះគឺបន្តខំប្រឹងពង្រឹងសមត្ថភាពបន្ថែមទៀតដើម្បីក្រសោបឱកាសបានចេញទៅប្រកួតនៅឯក្រៅប្រទេស និងតាមកម្មវិធីធំៗជាដើម។ មួយវិញទៀតគឺខំប្រឹងទាំងហាត់ និងប្រកួតឲ្យរឹតតែមានសមត្ថភាពលេចធ្លោទទួលបានតម្លៃខ្លួនបានកាន់តែខ្ពស់។

រូបភាពលើផេក សឹង្ហៈ

ប្អូនប្រុស ពេជ្រ សម្បត្តិ រូបនេះបន្ថែមទៀតថា បើនិយាយពីចំណុចខ្វះខាតគឺរូបគេមើលឃើញថាក្បាច់នៅស្ទើរមិនទាន់សំបូរបែប ប៉ុន្តែកម្លាំងស៊ុហ្វមានល្អ។ ចំណែកអាវុធក៏នៅហាក់មានទម្ងន់ស្រាលផងដែរ។ ដូច្នេះហើយសរុបគឺមានតែបន្តខំប្រឹងហាត់បន្ថែមទៅទៀតទើបអាចសម្រេចក្ដីបំណងទាំងអស់ខាងលើនេះ។

រូបភាពលើផេក សឹង្ហៈ

បញ្ជាក់ដែរថា ពេជ្រ សឹង្ហៈ ជាកីឡាករវ័យក្មេងក្នុងក្លឹបប្រដាល់ពេជ្រសុផាន់គុនខ្មែរ និងត្រូវជាប្អូនប្រុសបង្កើតរបស់ ពេជ្រ សម្បត្តិ។ រូបគេជាកីឡាករដើមកំណើតពីខេត្តកំពង់ស្ពឺ និងបានចូលប្រឡូកគុនខ្មែរប្រហែល ៤ឆ្នាំមកហើយតាំងពីរូបគេមានអាយុ ១៤ឆ្នាំមកម្ល៉េះ៕

អត្ថបទដោយ៖ នួន ស៊ីណា

The post ជើងខ្លាំងវ័យក្មេង ពេជ្រ សឹង្ហៈ ដាក់គោលដៅប្រឡូកនៅក្រៅប្រទេស និងប្រឹងឲ្យបានតម្លៃខ្លួនខ្ពស់ appeared first on Kampuchea Thmey Daily.

ចូលរួមត្រេកអរ ពេជ្រ សម្បត្តិ និង ពេជ្រ សឹង្ហៈ ទទួលបានក្របខណ្ឌទាហាន

Sina Noun — Mon, 16 Jun 2025 02:01:02 +0000

ក្រោយប្រឡូកប្រដាល់គុនខ្មែរប្រហែល ៥ឆ្នាំ និងបានចេញផ្សព្វផ្សាយគុនខ្មែរឲ្យល្បីរន្ទឺទាំងក្នុងស្រុក និងក្រៅស្រុក រួមទាំងឈ្នះមេដាយកម្រិតថ្នាក់ជាតិផងនោះ ឥលូវ ពេជ្រ សម្បត្តិ រួមទាំង ពេជ្រ សឹង្ហៈ ទទួលបានក្របខណ្ឌជាទាហានហើយ។

រូបភាពហ្វេសបុកលោក ពេជ្រ សុផាន់

នេះបើតាមការបង្ហោះផ្សព្វផ្សាយនៅហ្វេសបុកលោក ពេជ្រ សុផាន់ នៅមុននេះអបជាមួយរូបភាពក្នុងឯកសណ្ឋានទាហានរួមមាន ពេជ្រ សម្បត្តិ ពេជ្រ សឹង្ហៈ គឺបញ្ជាក់ថាកូនសិស្សរបស់លោកពីររូបនេះទទួលបានឈ្មោះក្របខណ្ឌទាហានហើយ។

លោក ពេជ្រ សុផាន់

លោក ពេជ្រ សុផាន់ ធ្លាប់បានឲ្យដឹងថា កូនសិស្សរបស់លោកទាំងពីរខាងលើនេះដណ្ដើមមេដាយមាសថ្នាក់ជាតិ និងកីឡាជាតិនាពេលកន្លងទៅជូនក្រសួងការពារជាតិរួមផ្សំជាមួយសមត្ថភាពល្អ កេរ្តិ៍ឈ្មោះល្បីផងទើបទទួលបានការផ្ដល់ឱកាសក្លាយជាទាហាននៅពេលនេះ។

ឈ្មោះអ្នកទាំងពីរត្រូវបានថ្នាក់លើយកឈ្មោះទៅយូរដែរហើយ ប៉ុន្តែលោកមិនទាន់បញ្ចេញដំណឹងនេះជាផ្លូវការ។ ចំណែក សឹង្ហៈ ក៏ធ្លាប់បានប្រាប់ដែរអំពីការទទួលបានក្របខណ្ឌនេះ ប៉ុន្តែរូបគេរង់ចាំមើលការប្រកាសជាផ្លូវការពីថ្នាក់លើសិន។

សម្បត្តិ ពេលឈ្នះជើងខ្លាំងអេស្ប៉ាញ

បញ្ជាក់ដែរថា នៅព្រឹកមិញនេះហ្វេសបុកផេកលោក ពេជ្រ សុផាន់ បានបង្ហោះរូបភាពក្នុងឯកសណ្ឋានជាទាហានជាមួយកូនសិស្សឆ្នើមរបស់លោកទាំងពីរគឺ ពេជ្រ សម្បត្តិ និង ពេជ្រ សឹង្ហៈ។ កីឡាករទាំងពីររូបនេះសុទ្ធតែជាជើងខ្លាំងក្នុងវិស័យប្រដាល់គុនខ្មែរ និងបានចេញផ្សព្វផ្សាយតំណាឲ្យវិស័យកីឡាមួយនេះយ៉ាងផុលផុស៕

កីឡាករ ពេជ្រ សឹង្ហៈ

អត្ថបទដោយ៖ នួន ស៊ីណា

The post ចូលរួមត្រេកអរ ពេជ្រ សម្បត្តិ និង ពេជ្រ សឹង្ហៈ ទទួលបានក្របខណ្ឌទាហាន appeared first on Kampuchea Thmey Daily.

ផ្ទុះការសរសើរ ពេជ្រ សឹង្ហៈ មិនដាច់ពីមាត់ក្រោយ មហា ម៉ាត់ ផ្ដួលកីឡាករខ្មែរជាបន្តបន្ទាប់

Sina Noun — Tue, 10 Jun 2025 06:54:33 +0000

បន្ទាប់ពីកីឡាករ មហា ម៉ាត់ ផ្ដួលអ្នកលេងគុនខ្មែរជាបន្តបន្ទាប់រួចមកមហាជននឹករលឹក និងសរសើរ ពេជ្រ សឹង្ហៈ ថាចាញ់ឈ្នះយ៉ាងណាក៏ដោយកំដរកូនសិស្សលោក សេន ប៊ុនថេន រូបនេះដល់បញ្ចប់ទឹកជានិច្ច។

សឹង្ហៈ ពេលប៉ះ មហា ម៉ាត់

កូនសិស្សលោក សេន ប៊ុនថេន គឺកីឡាករ មហា ម៉ាត់ កាន់តែល្បីខ្លាំងទៅៗហើយតាមរយៈការផ្ដួលដៃគូឲ្យសន្លប់ជាបន្តបន្ទាប់មកនេះ។ ថ្មីៗនេះរូបទើបផ្ដួលកីឡាករ នូវ វណ្ណី ឲ្យសន្លប់ក្នុងទឹកទី២ ដណ្ដើមយកពានរង្វាន់នៅសង្វៀនហង្សមាស។

សឹង្ហៈ ពេលប៉ះ មហា ម៉ាត់

មិនមែនមានតែ នូវ វណ្ណី នោះទេសូម្បី ឡៅ សៃណេត ក៏ធ្លាប់ចាញ់ដោយអាជ្ញាកណ្ដាបញ្ឈប់ដោយសារមានរបួសបែកធំផងដែរ។ មានអ្នកខ្លាំងផ្សេងៗមិនតិចអ្នកទេដែលចាញ់ក្រោមថ្វីដៃរបស់ មហា ម៉ាត់។ ដូច្នេះហើយមហាជនងាកទៅចាប់អារម្មណ៍ និងសរសើរ ពេជ្រ សឹង្ហៈ ឡើងវិញថាបើទោះជាចាញ់ពិន្ទុ មហា ម៉ាត់ ២ដងកន្លងទៅមែនតែស៊ូ និងវាយទៅវាយមកដោយមិនញញើតគ្នារហូតបញ្ចប់ការប្រកួតជាផ្លូវការ។

កីឡាករ មហា ម៉ាត់

មហាជនសរសើរថា សឹង្ហៈ សមត្ថភាពល្អ តស៊ូ និងអង់អាច ពិសេសនោះអាចឈរទឹកជាមួយកីឡាករអាហ្គានីស្ថានគឺ មហា ម៉ាត់ បាន និងបានវាយហ្គង់តូចទៀតផង។

បញ្ជាក់ដែរថា មហា ម៉ាត់ ជាជើងខ្លាំងប្រចាំទម្ងន់ស្រាល ៥១គីឡូក្រាម បច្ចុប្បន្នកំពុងហ្វឹកហាត់ជាមួយលោក សេន ប៊ុនថេន។ កីឡាកររូបនេះកំពុងឡើងកូដខ្លាំងស្ទើររកដៃគូប្រកួតមិនចង់បានទៅហើយនាពេលបច្ចុប្បន្ននេះ។ រូបគេធ្លាប់ឈ្នះពិន្ទុ ពេជ្រ សឹង្ហៈ ចំនួន២លើកមកហើយនៅសង្វៀនថោន និងហង្សមាស៕

អត្ថបទដោយ៖ នួន ស៊ីណា

The post ផ្ទុះការសរសើរ ពេជ្រ សឹង្ហៈ មិនដាច់ពីមាត់ក្រោយ មហា ម៉ាត់ ផ្ដួលកីឡាករខ្មែរជាបន្តបន្ទាប់ appeared first on Kampuchea Thmey Daily.

ពេជ្រ សឹង្ហៈ៖ ខ្ញុំហាត់ប្រដាល់ដំបូងៗរៀនអត់ចេះទេ គេហាត់ ១អាទិត្យចេះ ខ្ញុំហាត់ ១ខែកន្លះ

Sina Noun — Mon, 12 May 2025 09:28:09 +0000

កីឡាករ ពេជ្រ សឹង្ហៈ ថារូបគេមិននឹកស្មានថាអាចឈានដល់សព្វថ្ងៃនេះទេ ព្រោះចូលហាត់ប្រដាល់ដំបូងៗគឺហាត់អត់ចេះ ចាប់អត់បាន គ្រាន់តែរៀនដើរទៅមុខ-ថយក្រោយ និងហាត់វាយជង្គង់ ១ខែកន្លះទើបធ្វើចេះបានដូចគេឯងនៅក្លឹបជាមួយ។

កីឡាករ ពេជ្រ សឹង្ហៈ

ពេជ្រ សឹង្ហៈ បានឲ្យដឹងថា ឧបសគ្គនៃការចូលហាត់ប្រដាល់ដំបូងៗគឺរៀនក្បាច់មិនចេះតែម្ដង ស្របពេលគ្រូ និងបងប្រុសបង្កើតថាប្រហែលមិនទៅមុខទេមើលទៅជាកីឡាប្រដាល់គុនខ្មែរនេះ។ កីឡាករដទៃគេហាត់ដើរយ៉ាងយូរបំផុត ១សប្ដាហ៍ចេះហើយ ប៉ុន្តែរូបគេគ្រាន់តែដើរហ្នឹងចំណាយពេល ១ខែ ទៅ១ខែកន្លះ។ ចំពោះការរត់ហាត់មិនលំបាកនោះទេ ពោលអាចរត់បានដូចគ្នាឯង។

កីឡាករ ពេជ្រ សឹង្ហៈ

ចំណែកវគ្គរៀនជង្គង់ ឬវគ្គចូលសាកវាយជង្គង់គឺរឹតតែពិសេសសម្រាប់ សឹង្ហៈ ទៅទៀតទម្រាំធ្វើត្រូវ និងរៀនចេះស្នៀតមួយនេះ។ ទោះរៀនចាប់មិនសូវបាន ឬរៀនយឺតជាងគេឯង ប៉ុន្តែ សឹង្ហៈ នៅតែបន្តហាត់ដដែលជាដដែលរហូតដល់គ្រូដាច់ចេះដាក់ឲ្យឡើងប្រកួត។ បន្ទាប់ពីប្រកួតឈ្នះហើយរូបគេនៅតែបន្តប្រឹងហាត់ទៀតទោះមិនសូវចាប់បានក៏ដោយក៏មិនដែលមានគំនិតចង់ឈប់ពីកីឡាប្រដាល់គុនខ្មែរនេះឡើយរហូតតស៊ូមានឈ្មោះដូចគេឯងដូចសព្វថ្ងៃ។

កីឡាករ ពេជ្រ សឹង្ហៈ

បញ្ជាក់ដែរថា ពេជ្រ សឹង្ហៈ ជាកីឡាករថ្នាលមួយរូបដែលមានឈ្មោះល្បីផងដែរលើវិស័យប្រដាល់គុនខ្មែរនេះ។ រូបគេជាប្អូនបង្កើតរបស់កីឡាករ ពេជ្រ សម្បត្តិ ដែលជាជើងខ្លាំងប្រចាំទម្ងន់ ៦០គីឡូក្រាមនាពេលបច្ចុប្បន្ននេះ។ សឹង្ហៈ ជាកូនសិស្សលោក ពេជ្រ សុផាន់ នៃក្លឹបពេជ្រសុផាន់គុនខ្មែរ។ រូបគេធ្លាប់មេដាយមាសកីឡាជាតិ ឈ្នះមេដាយមាសជើងឯកថ្នាក់ជាត និងពានមួយចំនួនទៀត។ សឹង្ហៈ ប្រឡូកក្នុងវិស័យគុនខ្មែរនេះប្រហែលជិត៤ឆ្នាំមកហើយ៕

The post ពេជ្រ សឹង្ហៈ៖ ខ្ញុំហាត់ប្រដាល់ដំបូងៗរៀនអត់ចេះទេ គេហាត់ ១អាទិត្យចេះ ខ្ញុំហាត់ ១ខែកន្លះ appeared first on Kampuchea Thmey Daily.

ក្រោយប៉ះគ្នា២ដង អ្នកលេងគុនខ្មែរ ពេជ្រ សឹង្ហៈ សរសើរ មហាម៉ាត់ បែបនេះ…

Sina Noun — Mon, 17 Mar 2025 02:15:48 +0000

អ្នកលេងគុនខ្មែរមកពីខេត្តកំពង់ស្ពឺ ពេជ្រ សឹង្ហៈ បន្ទាប់ពីប្រកួតគ្នាបាន២ដងរួចមកជាមួយ មហាម៉ាត់ រូបគេសរសើរកីឡាករបរទេសដែលហ្វឹកហាត់នៅកម្ពុជាម្នាក់នេះពិតជាល្អពិសេសស្នៀតជង្គង់ និងកែង។

ពេជ្រ សង្ហឹៈ (ក្រហម)

ក្រោយបញ្ចប់ការប្រកួតដណ្ដើមខ្សែក្រវាត់ ពេជ្រ សឹង្ហៈ បានឲ្យដឹងថា ជំនួបជាមួយ មហាម៉ាត់ នេះពិតជាស្វិតស្វាញមែនទម្រាំដឹងចាញ់ឈ្នះ។ បើប្រៀបធៀបទៅជំនួបលើកទី១ គឺជំនួបទី១ ពិបាកជាង ព្រោះត្រូវប្រកួត២ដងអស់កម្លាំងជាងស្របពេលលើកនេះដែរម្នាក់ៗត្រៀមសម្រាប់តែជំនួបនេះតែម្ដង។

សឹង្ហៈ ប៉ះ មហាម៉ាត់

កូនសិស្សគ្រូឆ្នើមរូបនេះបន្ថែមទៀតថា ឧបសគ្គសម្រាប់ខ្លួននាជំនួបនេះគឺ កែង និងជង្គង់របស់ មហាម៉ាត់ ល្អ និងធ្វើឲ្យខ្លួនពិបាកចូលវាយ។ យ៉ាងណារូបគេគិតថាជំនួបនេះខ្លួនធ្វើបានល្អហួសពីការរំពឹងទុកទៅទៀត។

សឹង្ហៈ ប៉ះ មហាម៉ាត់

ឆ្លើយតប និងសំណួរ ថាចង់ជួប មហាម៉ាត់ ទៀតទេ សឹង្ហៈ មិនចង់ជួបទេ។ ជួបគ្នាប៉ុណ្ណឹងសិនបានហើយវាយជាមួយអ្នកផ្សេងៗទៀតឲ្យច្រើនសិន ប៉ុន្តែបើគេរៀបចំឲ្យប៉ះគ្នាទៀតក៏ទទួលយក។ អ្នកលេងគុនខ្មែររូបនេះថ្លែងអំណរគុណដល់អ្នកគាំទ្រដែលតែងតែស្រឡាញ់លើកទឹកចិត្ត និងមកទស្សនារហូតមក។

សឹង្ហៈ ប៉ះ មហាម៉ាត់

បញ្ជាក់ដែរថា កាលពីថ្ងៃអាទិត្យ ទី១៥ ខែមីនា ឆ្នាំ២០២៥ កន្លងទៅនេះកីឡាករ ពេជ្រ សឹង្ហៈ និង មហាម៉ាត់ ប្រកួតគ្នាដណ្ដើមខ្សែក្រវាត់ទំនេរ ១ខ្សែ នៅសង្វៀនហង្សមាស។ ក្រោយបញ្ចប់ ៥ទឹកលទ្ធផលគឺ មហាម៉ាត់ ឈ្នះពិន្ទុលើ សង្ហឹៈ បានគ្រងខ្សែក្រវាត់ X TREME ទម្ងន់ ៥១គីឡូក្រាម។ សឹង្ហៈ ចាញ់ កីឡាករប៉ាគីស្ថាន មហាម៉ាត់ ២ដងហើយគិតទាំងលើកនេះដោយលើកទី១ ចាញ់ពិន្ទុក្នុងជុំផ្ដាច់ព្រ័ត្រម៉ារ៉ាតុងនៅសង្វៀនថោន៕

The post ក្រោយប៉ះគ្នា២ដង អ្នកលេងគុនខ្មែរ ពេជ្រ សឹង្ហៈ សរសើរ មហាម៉ាត់ បែបនេះ… appeared first on Kampuchea Thmey Daily.

ពេជ្រ សឹង្ហៈ Archives - Kampuchea Thmey Daily

ពេជ្រ​ សឹង្ហៈ​ ទើប​ឈ្នះ​ខ្សែក្រវាត់ ​១ ខ្សែ​ថ្មីៗ ពេល​នេះមាន​​ឱកាស​ជម្រះ​បញ្ជី​ ឌឹម​ សារុំ​​

ពេជ្រ​ សឹង្ហៈ៖ បច្ចុប្បន្ន​នេះ​ទម្ងន់​ ៥១គីឡូក្រាម​នេះពិបាក​រក​អ្នក​ស៊ី​ មហាម៉ាត់​ ណាស់​

ជើងខ្លាំងវ័យក្មេង ពេជ្រ សឹង្ហៈ ដាក់គោលដៅប្រឡូកនៅក្រៅប្រទេស និង​ប្រឹង​ឲ្យ​បាន​តម្លៃ​ខ្លួន​ខ្ពស់​

ចូលរួម​ត្រេកអរ ពេជ្រ សម្បត្តិ​ និង​ ពេជ្រ​ សឹង្ហៈ​ ទទួល​បាន​ក្របខណ្ឌ​ទាហាន​

ផ្ទុះ​ការ​សរសើរ​ ពេជ្រ​ សឹង្ហៈ​ មិន​ដាច់​ពី​មាត់​ក្រោយ​ មហា ម៉ាត់​ ផ្ដួល​កីឡាករ​ខ្មែរ​ជា​បន្តបន្ទាប់​

ពេជ្រ​ សឹង្ហៈ៖​ ខ្ញុំ​ហាត់​ប្រដាល់​ដំបូង​ៗរៀន​អត់​ចេះទេ​ គេ​ហាត់​ ១អាទិត្យ​ចេះ​ ខ្ញុំ​ហាត់​ ១ខែ​កន្លះ​

ក្រោយប៉ះ​គ្នា២​ដង អ្នក​លេង​គុន​ខ្មែរ​ ពេជ្រ សឹង្ហៈ សរសើរ​ មហាម៉ាត់​ បែប​នេះ​…​

ពេជ្រ សឹង្ហៈ ទើបឈ្នះខ្សែក្រវាត់ ១ ខ្សែថ្មីៗ ពេលនេះមានឱកាសជម្រះបញ្ជី ឌឹម សារុំ

ពេជ្រ សឹង្ហៈ៖ បច្ចុប្បន្ននេះទម្ងន់ ៥១គីឡូក្រាមនេះពិបាករកអ្នកស៊ី មហាម៉ាត់ ណាស់

ជើងខ្លាំងវ័យក្មេង ពេជ្រ សឹង្ហៈ ដាក់គោលដៅប្រឡូកនៅក្រៅប្រទេស និងប្រឹងឲ្យបានតម្លៃខ្លួនខ្ពស់

ចូលរួមត្រេកអរ ពេជ្រ សម្បត្តិ និង ពេជ្រ សឹង្ហៈ ទទួលបានក្របខណ្ឌទាហាន

ផ្ទុះការសរសើរ ពេជ្រ សឹង្ហៈ មិនដាច់ពីមាត់ក្រោយ មហា ម៉ាត់ ផ្ដួលកីឡាករខ្មែរជាបន្តបន្ទាប់

ពេជ្រ សឹង្ហៈ៖ ខ្ញុំហាត់ប្រដាល់ដំបូងៗរៀនអត់ចេះទេ គេហាត់ ១អាទិត្យចេះ ខ្ញុំហាត់ ១ខែកន្លះ

ក្រោយប៉ះគ្នា២ដង អ្នកលេងគុនខ្មែរ ពេជ្រ សឹង្ហៈ សរសើរ មហាម៉ាត់ បែបនេះ…