ជម្លោះចាស់ដែលស្ងប់ស្ងាត់អស់ប៉ុន្មានឆ្នាំទៅហើយ បែរជាត្រូវវែកញែកផ្អើលបណ្តាញសង្គមជាថ្មីក្នុងចង្កោមអ្នកគាំទ្រតារាស្រីទាំង ២ដួង គឺអ្នកនាង ពេជ្រ សូលីកា និងអ្នកនាង ហ្វីយ៉ាតា។

បើតាមសារឆ្លងឆ្លើយសម្តីរវាងអ្នកគាំទ្រ និងការប្រតិកម្មរបស់ idol រៀងៗខ្លួន ធ្វើឱ្យសាធារណជនមើលឃើញថា សារសម្តីធ្ងន់ៗរបស់ ពេជ្រ សូលីកា គឺសម្តៅដល់វីដេអូខ្លីមួយដែល ហ្វីយ៉ាតា បានបង្ហោះ ខណៈក្នុងវីដេអូនោះ គឺមានថតជាប់តារាចម្រៀង ពេជ្រ សូលីកា ។ ហើយអ្វីដែលបង្កជាការវែកញែកនោះ គឺសកម្មភាពដែល ហ្វីយ៉ាតា បង្ហាញក្នុងវីដេអូនោះ ដោយមតិខ្លះយល់ថា ជាចេតនាបញ្ឆិតបញ្ឋៀងដល់តារាចម្រៀង ពេជ្រ សូលីកា តែម្តង។

ដោយសារតែបែបនេះ ធ្វើឱ្យមតិភាគច្រើនជឿថា ជាមូលហេតុដែលធ្វើឱ្យតារាចម្រៀង ពេជ្រ សូលីកា ចេញសារមិនពេញចិត្តជាហូរហែរ ចាប់តាំងពីរាត្រីថ្ងៃទី២៣ រហូតមកដល់ថ្ងៃអង្គារ៍នេះ។

ជាក់ស្តែង តាមរយៈសារជាបន្តបន្ទាប់នោះ ពេជ្រ សូលីកា បានលើកឡើងពាក់ព័ន្ធនឹងរឿងរ៉ាវនៃទង្វើនរណាម្នាក់ ដែលបើទោះបីជាអាចអត់ឱនបាន តែមិនអាចបំភ្លេចស្ទើរតែមួយជីវិត។ អ្នកនាងក៏បានរំលឹកអតីតកាលឈឺចាប់កន្លងដែលធ្លាប់ជួបប្រទះ និងផ្តាំទៅបុគ្គលរូបនោះថា “បើជ្រុលតែអាត្មានិយមហើយ កុំស្ដាយស្រណោះនូវអ្វីដែលធ្លាប់កើតឡើង សំណាងហើយកាលណោះដែលខ្ញុំនិងកូនមិនកើតអី ជីវិតខ្ញុំដូចរស់សារជាថ្មីម្ដងទៀតអ៊ីចឹង”។

អ្នកនាងណែនាំដែរថា “សន្សំបុណ្យឱ្យយច្រើនៗទុកសម្រាប់កូនៗ វ័យនេះគឺវ័យសន្សំលុយ រកលុយ កាត់បន្ថយបញ្ហា រឿងធំទៅជាតូច រឿងតូចទៅជាគ្មានរឿង ស្ដាប់ដោយពិចារណាទៅ កុំសម្ដែង កុំDrama អីទៀត”។

តារាចម្រៀងរូបនេះ ក៏បញ្ជាក់ទៅកាន់បុគ្គលដែលមិនចូលចិត្តខ្លួនរូបនោះ ដោយគូសបញ្ជាក់ថា ខ្លួនពិតជាហត់នឹងរកលុយណាស់ គ្មានពេលគិតរឿងមិនបានការទេ ខណៈចិត្តគំនិតវិញ ក៏ជ្រះថ្លាខ្លាំង លែងមានគំនុំគំគួនអីមកយូរហើយ មិនស្អប់ មិនខឹង តែក៏មិនចង់ពាក់ព័ន្ធបន្ត ពោលគឺ ស្គាល់ត្រឹមប៉ុណ្ណឹងបានហើយ។

ជាមួយគ្នានេះ ពេជ្រ សូលីកា ក៏ប្រាប់អ្នកស្គាល់ខ្លួនទុកមុនដែរថា កុំបាច់ចិត្តល្អ ចង់ surprised រឿងហ្នឹងអី ព្រោះខ្លួនមិនបានរំភើប។ អ្នកនាងថា “អ្នកមិនបាននៅក្នុងហេតុការណ៍ដែលខ្ញុំនិងកូនដែលកំពុងនៅក្នុងពោះ ខ្ញុំកំពុងជួបអ្វីខ្លះនោះទេ អ្នកស្ទើតែលែងឃើញមុខខ្ញុំនិងកូនលើលោកនេះទៅហើយ”។

ពេជ្រ សូលីកា បញ្ជាក់ទៀតថា ជីវិតខ្លួនពេលនេះរស់នៅបានល្អខ្លាំងណាស់ មិនខ្វះមុខខ្វះក្រោយ ឯកូនក៏បានរៀនសូត្រសាលាល្អ ទោះមិនមែនជាអ្នកមាន ប៉ុន្តែរបស់របរប្រើប្រាស់បើចង់ហើយ ត្រូវតែមាន។ អ្នកនាងពន្យល់ដែរថា បើទោះជាចរិតខ្លួនលេងសើចច្រើន ក៏ព្រោះចង់ឱ្យគេសប្បាយដែរ ប៉ុន្តែការងារវិញ គឺមួយៗ ច្បាស់ៗ បើមិនច្បាស់មិនមែនមានថ្ងៃនេះទេ។

គួររំលឹកថា ពេជ្រ សូលីកា និង ហ្វីយ៉ាតា (ថៃ នារីសុជាតា) គឺជាអតីតមិត្តភក្តិជិតស្និទ្ធដែលធ្លាប់មានទំនាក់ទំនងល្អនឹងគ្នា។ តែទោះជាយ៉ាងណា ទំនាក់ទំនងអ្នកទាំងពីរបានផ្លាស់ប្តូរទៅជាភាពរកាំរកូស រហូតកើតជាជម្លោះហែកហួររឿងរ៉ាវផ្ទាល់ខ្លួនម្ខាងទៀត។ តួយ៉ាង ជាង ៦ឆ្នាំមុន ហ្វីយ៉ាតា និង បែននីយុាំង បានព្យាយាមបំបាក់មុខអតីតមិត្ត ដោយទម្លាយរឿងរ៉ាវផ្ទាល់ខ្លួនគ្រប់សព្វបែបយ៉ាង ស្របពេលជីវិតគ្រួសារ ពេជ្រ សូលីកា ហាក់ដូចស្បៃអន្តរកាលគ្រប់ដណ្តប់មិនចប់មិនហើយ និងសូម្បីតែកំឡុងពេលពពោះកូនក្នុងផ្ទៃ ជាហេតុដែលមិនអាចផ្សះផ្សារទំនាក់ទំនងបាន៕

The post កម្រឃើញ! ពេជ្រ សូលីកា បោះសម្តីធ្ងន់ៗលើបណ្តាញសង្គមបន្តបន្ទាប់ ខណៈអ្នកគាំទ្រសង្ស័យគូជម្លោះចាស់ appeared first on Kampuchea Thmey Daily.

តាមរយៈបទចម្រៀងដ៏មានន័យដែលជាការច្រៀងរួមគ្នានេះ បានបង្ហាញពីអារម្មណ៍មិត្តភាពដ៏ជ្រាលជ្រៅរវាងតារាចម្រៀង ពេជ្រ សូលីកា និងតារាចម្រៀង ទេព បូព្រឹក្ស ដែលមានគ្រប់រសជាតិ ទាំងសំណើចក្អាកក្អាយ សោកសៅ និងក្តីស្រលាញ់កាន់តែជ្រាលជ្រៅឱ្យគ្នា។

ក្នុងសំណេរនៃបទចម្រៀងនេះ បង្ហាញថា ក្នុងទំនាក់ទំនងនៃមិត្តភាព ទោះឈ្លោះគ្នារាប់ភ្លេចដងតែមិនអាចបែកគ្នា ពេលខ្លះក៏យំ ពេលខ្លះក៏សើច ពេលខ្លះក៏ខឹង ហើយពេលខ្លះក៏មិនយល់ពីគ្នា ខណៈទោះពេលខ្លះស្អប់ តែចុងក្រោយក្តីស្រលាញ់និងមិត្តភាពពិតប្រាកដមិនអាចចោលគ្នាបានឡើយ។

គួររំលឹកថា កន្លងមក អ្នកទាំងពីរធ្លាប់បានទម្លាយរឿងរ៉ាវអន់ចិត្ត និងការឈឺចាប់គ្នារៀងខ្លួន រហូតដល់លែងរាប់រកគ្នា ប៉ុន្តែក្រោយពេលសាងគ្រួសារ និងមានបុណ្យរៀងខ្លួន អ្នកទាំងពីរក៏ងាកមកថ្នមថែមិត្តភាពជាថ្មី និងតែងគាំទ្រគ្នាគ្រប់កាលៈទេសៈ។

តួយ៉ាង តាមរយៈចម្រៀងបទនេះ អ្នកគាំទ្របានបង្ហាញការពេញចិត្តជាខ្លាំងនូវរបៀបដែលតារាចម្រៀងរូបនេះ បង្ហាញមិត្តភាពនឹងគ្នា និងមោទនភាពចំពោះមិត្តភាពពិតប្រាកដ។ វីដេអូ និងសារនៃបទចម្រៀង បានបង្ហាញភាពស្រស់ស្អាត និងភាពស្រស់ច្បាស់ក្នុងការបង្ហាញអារម្មណ៍មនុស្សក្នុងជីវិតមិត្តភាព៕

The post តារាចម្រៀងស្រី ២ដួង បង្ហាញគ្រប់រសជាតិនៃអារម្មណ៍មិត្តភាព តាមរយៈចម្រៀងរួមគ្នា បទ «មិត្តតជាតិ» appeared first on Kampuchea Thmey Daily.

តារាចម្រៀង ពេជ្រ សូលីកា កន្លងទៅក៏ត្រូវបានជាប់ឈ្មោះជាស្ត្រីម៉េម៉ាយ បន្ទាប់ពីបែកបាក់ជាមួយអតីតស្វាមីអាណិកជននៅក្រៅប្រទេស តែទោះបីយ៉ាងណាតារាចម្រៀងស្រីរូបនេះបានក្លាយជាបន្ទុកក្នុងការចិញ្ចឹមប្រុសម្នាក់តែម្នាក់ឯង ខណ:របួសផ្លូវចិត្តមកដល់បច្ចុប្បន្នបានធូស្រាលវិញដូចដើម។

ទន្ទឹមគ្នាដែលពេលវេលាបានកន្លងផុតទៅយូរឆ្នាំមកនោះ ពេជ្រ សូលីកា ក៏បានចេញមករំលឹកនូវរឿងរ៉ាវដែលធ្លាប់រងការឈឺចាប់និងភាពអយុត្តិធម៌របស់នាង។ សូលីកា បានរៀបរាប់ខ្លឹមសារថា “ភាពរងអយុត្តិធម៌ និងក្តីអាម៉ាស់ដែលខ្ញុំទទួលបានច្រើនឆ្នាំកន្លងទៅ ដែលខ្ញុំធ្លាប់ត្រូវបានគេលាបពណ៌ដោយមិនញញើត ដៃខ្ញុំមិនអង្គុយចាំមើលកម្មឱ្យផលទេ ព្រោះខ្ញុំជឿលើបុណ្យបាបបុណ្យដែលធ្វើចេញពីចិត្ត”។

តារាចម្រៀង ពេជ្រ សូលីកា បានបន្តថាអ្នកសាងអ្វីវា និងវិលរកម្ចាស់ដើមវាវិញគុណ និង១០ព្រោះរបួសផ្លូវចិត្តនាងពេលនោះ វាធ្ងន់ធ្ងររហូតមិនអាចទទួលការព្យាបាលបានយ៉ាងដំណំ។ ពេលនោះពិបាកបំផុតគឺនាងត្រូវប្រឈរមុខជាមួយរឿងការជាន់ឈ្លីកិត្តិយសមើលងាយជេរប្រមាថដែលនាងមិនបានធ្វើដូចគេចោទប្រកាន់។

ពេជ្រ សូលីកា បញ្ជាក់បន្ថែមទៀតថា ចរិត Scorpio រៀងចរិតចាស់ទុំបន្តិច មិនចូលចិត្តបកស្រាយពីភាពស្អាតស្អំខ្លួនឯងឱ្យគេដឹងឮច្រើនទេព្រោះនាងនៅតែជឿលើពេលវេលាដោយទុកឱ្យពេលវេលាជាអ្នកធ្វើការ រួចបន្តសាងអំពើល្អដោយមិនរង់ចាំការតបស្នង (បែកគ្នាយូរហើយចរិតនៅតែក្មេងបៀមដៃ) ៕ ដោយ ៖ ចាន់រ៉ា

The post ពេជ្រ សូលីកា រំលឹករឿងរងអយុត្តិធម៌ និងក្តីអាម៉ាស់ ធ្លាប់ត្រូវគេលាបពណ៌ឱ្យរបួសផ្លូវចិត្តជាច្រើនកន្លងទៅ appeared first on Kampuchea Thmey Daily.

ជាការពិតណាស់ កាលពីថ្មីៗនេះ អ្នកនាង ទេព បូព្រឹក្ស និងលោក ជី ដេវីត បានប្រកាសត្រៀមរៀបចំព្រឹត្តិការណ៍វប្បធម៌ដ៏ធំមួយឈ្មោះថា “ខ្លឹមនៃព្រះនគរ” ដែលនឹងធ្វើឡើងនៅថ្ងៃទី១១ ខែមករា ឆ្នាំ២០២៦ ឆាប់ៗខាងមុខនេះ ខណ:អ្នកគាំទ្រជាច្រើនបានបង្ហាញការគាំទ្រយ៉ាងពេញទំហឹង។

បើតាមការបញ្ជាក់នៃការបង្កើតព្រឹត្តិការណ៍វប្បធម៌ “ខ្លឹមនៃព្រះនគរ” នេះដែរ អ្នកនាង ទេព បូព្រឹក្ស និងលោក ជី ដេវីត ធ្វើឡើងក្នុងគោលបំណងដាស់ស្មារតីស្នេ ហាជាតិនិង វប្បធម៌ជាតិក៏ដូចជាក្រើនរំឭក និងលើក តម្កើងនូវសម្បត្តិវប្បធម៌ជាតិយើងឱ្យកាន់តែខ្លាំងជាងមុន។ចំណែកថវិកាដែលទទួលបានពីការលក់សំបុត្រចូលរួមកម្មវិធីនឹងយកទៅចូលរួមជួយដល់កងទ័ពជួរមុខ។

ទន្ទឹមគ្នានឹងការប្រកាសលក់សំបុត្រចូលរួមកម្មវិធីវប្បធម៌នេះ អ្នកនាង ទេព បូព្រឹក្ស ក៏បានបង្ហាញពីកា រចូលរួមរបស់តារាចម្រៀង ពេជ្រ សូលីកា ដែលបានចំណាយថវិកាផ្ទាល់ខ្លួនចំនួន២០០០ដុល្លារទិញសំបុ ត្រចូលរួមជូនអ្នកគាំទ្រ ដើម្បីជាការរួមចំណែកជួយលើកស្ទួយផ្សព្វផ្សាយវប្បធម៌ផងនិងជួយដល់វីរកងទ័ពជួរមុខ។

អ្នកនាងទេព បូព្រឹក្សបានបញ្ជាក់ឱ្យដឹងថា “មិត្តសម្លាញ់របស់ខ្ញុំ Pich Solikah បានចូលរួមទិញសំបុត្រ ២០០០ដុល្លារដូចនេះស្អែក Fan Fan អាចមកយកសំបុត្រ free បានណា ឬឆាតចូល page ដើម្បីយកសំបុត្រ free”។ ចំណែក ពេជ្រ សូលីកា បានឱ្យដឹងដែរថា ៣សំបុត្រមួយសន្លឹករបស់បងប្អូនស្មើនឹងការចូលរួមជួយទៅដល់ស្បៀងកងទ័ពជួរមុខ។ Top Fan នាងខ្ញុំ អាចទាក់ទង Tep Boprek ដើម្បីទទួលសំបុត្រ free”៕ ដោយ : ចាន់រ៉ា

The post ពេជ្រ សូលីកា ចំណាយលុយ ២ពាន់ដុលារ ទិញសំបុត្រកម្មវិធី “ខ្លឹមនៃព្រះនគរ” ដើម្បីរួមចំណែកជួយកងទ័ព appeared first on Kampuchea Thmey Daily.

តបទៅនឹងចម្ងល់ខាងលើ តារាចម្រៀង ពេជ្រ សូលីកា បានឱ្យដឹងថា ឈប់ឆ្ងល់ទៅសម្រាប់អ្នកដែលហួងហែងឆ្ងល់ពីជីវិតនាងឃើញនាងដើរលេង ឬប្រើជីវិតរស់នៅបែបហុឺហារ តាមពិតទៅនាងមិនមានអី្វទេគ្រាន់តែរឿងវាបែបនេះ។ នាងបញ្ជាក់ថា រាល់ថ្ងៃខ្លួនខំណាស់មិនមែនសុខៗលុយធ្លាក់ពីលើមេឃមកឱ្យទេ។

អ្នកនាងបន្តថា ដ្បិតបច្ចុប្បន្ន មានឈ្មោះល្បីល្បាញនិងមានអ្នកគាំទ្រស្រលាញ់ចូលចិត្តច្រើនក៏ពិតមែន ប៉ុន្តែមិនមែនសុខៗ ខ្លួនទទួលបានក្ដីស្រលាញ់មកស្រួលៗទេ ក៏ដោយសារតែការខំហាត់ពត់លត់ដំខ្លួនជាប់ជានិច្ចរបស់ខ្លួនផងដែរ។ តារាចម្រៀងស្រីរូបបន្តថា ទន្ទឹមនឹងការដុះខាត់សមត្ថភាព ខ្លួនក៏តែងរៀបចំអត្តចរិតឫកពារថ្លៃថ្នូរឱ្យស័ក្តិសមជាម្ដាយគេ និងជាគំរូល្អ ឱ្យស័ក្តិសមជាមនុស្សជាទីស្រលាញ់របស់មហាជនផងដែរ។

មិនតែប៉ុណ្ណោះ ខ្លួនអ្នកនាងផ្ទាល់ ក៏មិនដែលអំនួតនឹងខ្លួនឯង ហើយតែងតែខិតខំវិវត្តន៍ខ្លួនឯងពិតមែន។ អ្នកនាងថា “ត្រូវចាំ ផលល្អគឺមិនកាន់ជើងអ្នកមានអំនួតក្អេងក្អាងឡើយ។ ខ្ញុំខំស្រែកច្រៀងរាល់ថ្ងៃមិនមែនខ្ញុំច្រៀង free ឬ បញ្ចុះតម្លៃឱ្យតូចទាបសុំគេច្រៀងដើម្បីឱ្យមើលមកខ្ញុំមាន credit ល្អ ឬល្បីខ្លាំង ប៉ុន្តែខ្ញុំច្រៀងដើម្បីជីវភាពគ្រួសារខ្ញុំ”។

ចំណែកឯទាក់ទងនឹងការតែងនិពន្ធបទថ្មី និងចេញចម្រៀងថ្មីជាញឹកញាប់ ពេជ្រ សូលីកា បញ្ជាក់ថា មិនមែនសុខៗខ្លួនចេញអត់ប្រយោជន៍នោះដែរ ដ្បិតអីអាជីពតារាចម្រៀងគឺបែបនេះ “មានសមត្ថភាពក៏និពន្ធចម្រៀងទុកច្រើនទៅមានចម្រៀងថ្មីក៏ចេញរហូតទៅ”។ ឯតម្លៃខ្លួនចេញច្រៀង performance ផ្សេងៗ តារាចម្រៀងស្រីរូបនេះ ថា “មិនចាំបាច់ខ្ញុំនិយាយតាមបណ្ដាផាប់ គឺបានដឹងប៉ុន្តែបើនៅឆ្ងល់ចង់ដឹងខ្លាំងតេសួរផាប់ខ្លួនឯង។ នៅខ្ញុំទទួលថតប្រូម៉ូតផលិតផល ឬBAធំៗផ្សេងទៀត សុទ្ធតែជាចំណូល តែខ្ញុំក៏ត្រូវការចំណាយលើបន្ទុកគ្រួសារព្រោះ ខ្ញុំជាមេគ្រួសារ”។

ពេជ្រ សូលីកា បន្ថែមទៀតថា “គ្រប់យ៉ាងគ្មានអ្វីបានមកដោយស្រួលនោះទេ បើគ្មានកាដោះដូរទៅវិញទៅមក និងភាពរីកចម្រើនទាំងសងខាងការខិតខំប្រឹងប្រែងនិងព្យាយាមរបស់គេទើបគេអាចនឹងមានថ្ងៃនេះ ឬក៏ធ្វើមើលរំលងក៏តាមហ្នឹង”។ សម្រាប់ខ្លួនឯងផ្ទាល់ ពេជ្រ សូលីកា ថា អ្នកនាងក៏មិនបានចាត់ទុកថាខ្លួនជាមនុស្សស្រីជោគជ័យអ្វីនោះដែរគ្រាន់តែមិនសូវលំបាកដូចមុន។ លើលោកនេះ គ្មានអ្វីបានមកដោយស្រួលទេ កាន់តែមិនងាយស្រួលនៅពេលដែលយើងពឹងគេឱ្យជួយរហូត។ អ៊ីចឹង ឈប់អង្គុយឆ្ងល់ពីជីវិតខ្ញុំ ថាវាធ្វើអីម៉េចបានវាមានលុយចាយហុឺហាមាំម្ល៉េះ”៕ ដោយ ៖ ចាន់រ៉ា

The post ពេជ្រ សូលីកា បញ្ជាក់ច្បាស់ៗទៅកាន់អ្នកអង្គុយហួងហែងជីវិតផ្ទាល់ខ្លួន appeared first on Kampuchea Thmey Daily.

ជាការកត់សម្គាល់ អំឡុងដែលកម្ពុជាកំពុងរងការឈ្លានពានពីសំណាក់កងទ័ពសៀម ដែលប៉ងលួចទាំងដី ទាំងវប្បធម៌ សិល្បករសិល្បការិនីខ្មែរជាច្រើនរូប កាន់តែបន្តផុសផុលផ្សព្វផ្សាយកេរតំណែលមិនអាចកាត់ថ្លៃរបស់ខ្មែរទ្វេដង មិនថាវប្បធម៌ ឬទេសចរណ៍នោះឡើយ ខណៈបើក្រឡេកមើលតារាចម្រៀងដ៏មានប្រជាប្រិយ ពេជ្រ សូលីកា ក៏មិនខុសគ្នានោះដែរ។

តាមរយៈឈុតសហម័យ អមដោយកាយវិការបញ្ជាក់ន័យពីភាពទន់ភ្លន់ ទន្ទឹមនឹងភាពរឹងមាំដែលខ្មែរមាន តារាចម្រៀងស្រីរូបនេះ ក៏ទទួលបានការស្រលាញ់ពេញចិត្តពីសាធារណជន ពិសេសអ្នកគាំទ្រផងដែរ។

The post ពេជ្រ សូលីកា ចាយសម្រស់ក្បែរប្រាង្គចំណាស់របស់ខ្មែរ ជាមួយឈុតសហសម័យ ឆ្លុះបញ្ចាំងពីកេរដំណែលមិនអាចកាត់ថ្លៃ appeared first on Kampuchea Thmey Daily.

ពេជ្រ សូលីកា បានរៀបរាប់នៅលើសារលើទំព័រហ្វេសប៊ុកផ្ទាល់ខ្លួនដូច្នេះ “អបអរសាទរមិត្តសម្លាញ់ និងមិត្តថ្លៃ ឆ្លងព្យុះភ្លៀងច្រើនហើយ ពីពេលនេះទៅ នឹងកាន់តែមានសេចក្ដីសុខផ្លូវចិត្តជាមួយគ្រួសារតូចដ៏កក់ក្ដៅមួយនេះនឹងមានសុភមង្គលជានិរន្តរ៍”។

តាមរយៈសារជូនពរ និងរូបភាពជាច្រើនសន្លឹក មហាជនដែលជាអ្នកគាំទ្រអ្នកទាំងពីរ បានចូលរូមអបអរនិងជូនពរផងដែរ។ ភ្ជាប់នឹងសារជូនពរសាម៉ីដើមការ អ្នកគាំទ្ររបស់អ្នកនាង ពេជ្រ សូលីកា ក៏មិនភ្លេចនូវរឿងរ៉ាវកម្សត់នៃជីវិតរបស់រាជិនីមនោសញ្ចេតនានេះនោះឡើយ ដោយបានជូនពរតារាចម្រៀងរូបនេះបានជួបនឹងគូគាប់ជីវិត មានសំណាងនឹងជីវិតគូដូចជាមិត្តសម្លាញ់ដែរ។

គួររំលឹកថា តារាចម្រៀងទាំងពីរដួង គឺជាមិត្តភក្តិស្និទ្ធស្នាលនឹងគ្នាក្នុងអាជីពសិល្បៈ ខណៈកន្លងមកក៏ធ្លាប់បានទម្លាយពីការងក់ងរមិននិយាយស្តីរកគ្នាជាយូរ រហូតចូលមកបន្តមិត្តភាពនេះឡើងវិញ។ ក្រោយត្រូវរូវគ្នាវិញ អ្នកនាងហាក់កាន់តែស្និតខ្លាំងជាងមុន ធ្វើឱ្យអ្នកគាំទ្រ ស្ញប់ស្ញែងនឹងមិត្តភាពនេះផងដែរ៕

The post ពេជ្រ សូលីកា ក្តុកក្តួលរំភើបចិត្តក្រោយឃើញមិត្តអង្គុយផ្ទឹមនឹងគូគាប់ជីវិត ដ្បិតឆ្លងព្យុះភ្លៀងរាប់មិនអស់ appeared first on Kampuchea Thmey Daily.

តារាចម្រៀងពេជ្រ សូលីកា បានរៀបរាប់ថា “ថ្ងៃនេះនាងខ្ញំ ពេជ្រ សូលីកា រួមទាំងក្រុមការងារបានពាំនាំយកថវិកាក៏ដូចជាអំណោយផ្សេងៗ បរិច្ចាគទៅកាន់មូលនិធិជូនមន្ទីរពេទ្យគន្ធបុប្ផា ដែលទទួលបានមកពីការលក់សំបុត្រ Twilight The First Concert បរិច្ចាកចំនួន ៣៥.៥៥២.០០០រៀល និងបាយចំនួន ១០០០ប្រអប់ ព្រមទាំងភេសជ្ជៈ ៩០កេសផងដែរ។

ពេជ្រ សូលីកាបន្តទៀតថា ក្នុងនោះក៏មានការចូលរួមចំណែកពីមហាជនដែលជាអ្នកគាំទ្រនាង ចំពោះការជួយទិញសំបុត្រចូលរួមទស្សនា Concert របស់នាង។ ហេតុដូច្នេះហើយ នាងសម្តែងការគោរពអរគុណអ្នកគាំទ្រជាខ្លាំង ដោយគូសបញ្ជាក់ថា “បងប្អូនទាំងអស់គ្នា ក៏ជាចំណែកយ៉ាងធំ សម្រាប់មូលនិធិមួយនេះដូចគ្នា”។

អ្នកនាង ពេជ្រ សូលីកា បានបន្ថែមថា ជាចុងបញ្ចប់នាងខ្ញុំសូមជូនពរដល់ក្មួយៗ ដែលកំពុងទទួលការព្យាបាលទទួលបានជោគជ័យ និងឆាប់ជាសះស្បើយពីជំងឺផ្សេងៗ (ការងារសង្គមមូលនិធិគន្ធបុប្ផាកម្ពុជា)។ តាមរយ:សកម្មភាពសប្បុរសធម៌នេះដែរ ពេជ្រ សូលីកា ក៏ទទួលបានការគាំទ្រជាច្រើនពីមហាជនផងដែរ ។

ទង្វើនេះ ក៏ត្រូវបានទស្សនិកជន និងអ្នកប្រើប្រាស់បណ្តាញសង្គមហ្វេសប៊ុកចាត់ទុកថា ជាសកម្មភាពមនុស្សធម៌ដ៏គំរូល្អមួយក្នុងការងារចូលរួមចំណែកជួយដល់សង្គម។ នាងក៏ត្រូវបានអ្នកនិយមលេងបណ្តាញសង្គមហ្វេសប៊ុកជាច្រើន បានដាក់ក្តីរំពឹងថា តារាស្រីរូបនេះនឹងបន្តធ្វើស​កម្មភាពមនុស្សធម៌នេះបន្ថែមទៀត ដើម្បីក្លាយជាតារាគំរូល្អដល់តារាប្រុស-ស្រីដទៃទៀត ដែលគួតែឆ្លៀតឱកាស ឬពេលវេលាផ្ទាល់ខ្លួន រួមចំណែកការងារសង្គមនេះផងដែរ៕ អត្ថបទ៖ ចាន់រ៉ា

The post ពេជ្រ សូលីកា នាំយកថវិកាជិត ១ម៉ឺនដុល្លារ ពីការលក់សំបុត្រ Concert ឧបត្ថម្ភដល់មូលនិធិមន្ទីរពេទ្យគន្ធបុប្ផា appeared first on Kampuchea Thmey Daily.