ជនសង្ស័យទាំង៤នាក់មាន ឈ្មោះ YANG FU DE ភេទប្រុស ជនជាតិចិន, ឈ្មោះ TAN YANGY ភេទប្រុស ជនជាតិចិន, ឈ្មោះ WANG YINFU ភេទប្រុស ជនជាតិ ចិន,និង ឈ្មោះ CHEN ZHIQIN ភេទប្រុស ជនជាតិចិន។

ដោយអនុវត្តតាមបទបញ្ជារបស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និង លោកឧត្តមសេនីយ៍ឯក ជួន ណារិន្ទ អគ្គស្នងការរងកម្លាំងការិយាល័យ នគរបាលព្រហ្មទណ្ឌកម្រិតស្រាល បានធ្វើការសហការជាមួយ នគរបាលច្បារអំពៅ និងនគរបាលខណ្ឌទួលគោក តាមពាក្យបណ្តឹងជនរងគ្រោះ ស្រាវជ្រាវមុខសញ្ញាចំនួន ០៤នាក់ ដែលជាជនជាតិចិន ដើរធ្វើសកម្មភាព បន្លំលួចលុយ នៅកន្លែងដូរប្រាក់វីង ចំនួន ០៣ករណី ក្នុងភូមិសាស្រ្តរាជធានីភ្នំពេញ។ រហូតឈានដល់វេលាម៉ោង ០៦យប់ថ្ងៃដដែល នគរបាលជំនាញបានឃាត់ខ្លួនជនសង្ស័យចំនួន០៤នាក់ ដែលជាមុខសញ្ញាធើ្វសកម្មភាពយ៉ាងសកម្ម។

យោងតាមរបាយការណ៍ បានបញ្ជាក់ថាករណីទី១ បានធ្វើការឆបោក កាលពីថ្ងៃទី២១ ខែឧសភា ឆ្នាំ២០២៦ វេលាម៉ោង០៩ និ០៤នាទីព្រឹក ស្ថិតនៅចំណុច នៅផ្ទះ(ប្តូរប្រាក់វីង) ភូមិក្ដីតាកុយ សង្កាត់វាល់ស្បូវ ខណ្ឌច្បារអំពៅ រាជធានីភ្នំពេញ , ករណីទី២ ថ្ងៃទី២២ ខែឧសភាឆ្នាំ២០២៦ នៅផ្ទះ(ប្តូរប្រាក់វីង) ផ្លូវបេតុង ភូមិចុងព្រែក សង្កាត់ព្រែកឯង ខណ្ឌច្បារអំពៅ , ករណីទី ៣ នៅថ្ងែទី២៦ ខែឧសភាឆ្នំា២០២៦ វេលាម៉ោង៨ និង៥៧នាទី ស្ថិតនៅផ្ទះប្តូរប្រាក់វឹង ភូមិខ្ចៅ សង្កាត់បឹងធំ ខណ្ឌកំបូល រាជធានីភ្នំពេញ។

បច្ចុប្បន្ននគរបាលព្រហ្មទណ្ឌកម្រិតស្រាលរាជធានីភ្នំពេញ កំពុងធ្វើការសាកសួរតាមនីតិវិធី៕ អត្ថបទ ៖ រដ្ឋា

The post ចាប់ខ្លួនជនជាតិចិន០៤នាក់ ដែលជាមុខសញ្ញាដើរបន្លះដូរលុយ តាមផ្ទះដែលបើកអាជីវកម្មប្តូរប្រាក់ appeared first on Kampuchea Thmey Daily.

លោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល បានអោយដឹងថា ដោយអនុវត្តន៍តាមបទបញ្ជា លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នង ការនគរបាលរាជធានីភ្នំពេញ និងដឹកនាំដោយ លោកឧត្តមសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និង បញ្ជាដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកម្រិតស្រាល ស្រាវជ្រាវរយៈពេល ៣ថ្ងៃ ឃាត់ខ្លួនជនសង្ស័យ បានចំនួន ១១នាក់។

នាយការិយាល័យ បន្តថា នៅថ្ងៃទី១៧ រហូតដល់ថ្ងៃទី២០ ខែមេសា ឆ្នាំ២០២៦ កម្លាំងការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវឃាត់ខ្លួន ជនសង្ស័យជាបន្តបន្ទាប់សរុបចំនួន១១នាក់ ពាក់ព័ន្ធប្រព្រឹត្តបទល្មើស ធ្វើឲ្យខូចខាតដោយចេតនាមានស្ថានទម្ងន់ទោស (ប្រើដុំថ្ម ,មួកសុវត្ថិភាព ដៃ ជើង គប់ វាយ លើរថយន្តម៉ាក AVATAR ០៧ ព៌ណខ្មៅ ពាក់ផ្លាកលេខកម្ពុជាMUSTAFA បណ្តាលឲ្យបែកកញ្ចក់រថយន្តខាងមុខនិងខាងក្រោយ,បែកកញ្ចក់ទ្វារ មុខខាងស្តាំ,បែកកញ្ចក់ទ្វារក្រោយខាងឆ្វេង ,បាក់កញ្ចក់មើលក្រោយខាងឆ្វេង,បែកស្តុបខាងក្រោយសងខាង,កំពិត និងឆ្នូតចំហៀងរថយន្ត និង ពីក្រោយ បាត់ផ្លាកលេខរថយន្តកម្ពុជាMUSTAFA ចំនួន ០១ បន្ទះ) ប្រព្រឹត្តនៅចំណុចមុខ ហាងម៉ាស្សាយីហោម៉ាយូរ៉ា ផ្លូវលេខ៤៧ ក្រុម១៥ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី១៦ ខែមេសា ឆ្នាំ២០២៦ វេលាម៉ោង ១៩ និង ៣០ នាទី។

ក្នុងនោះឃាត់ខ្លួនបានជនសង្ស័យចំនួន ១១នាក់ រួមមាន ឈ្មោះ ម៉ាន់ ឡុងថាដា ភេទ ប្រុស ឆ្នាំកំណើត២០០៨ ជនជាតិខ្មែរ មុខរបរ សិស្សវិទ្យាល័យ ព្រះស៊ីសុវត្ថិ , ឈ្មោះ សុខ ជា ភេទ ប្រុស ឆ្នាំកំណើត២០០៨ ជនជាតិខ្មែរ មុខរបរ កម្មករតម្លើងឧបករណ៍ហាត់ប្រាណ , ឈ្មោះ ឆុន រ៉ាយុទ្ធ ភេទ ប្រុស ឆ្នាំកំណើត២០០៨ ជនជាតិខ្មែរ មុខរបរ សិស្សវិទ្យាល័យវត្តភ្នំ , ឈ្មោះ ឯក សុខមាន់ ភេទ ប្រុស ឆ្នាំកំណើត២០០៨ ជនជាតិខ្មែរ មុខរបរ ដឹកជញ្ជូនម្ហូប , ឈ្មោះ នី សាគី ហៅភ្លោះ ភេទ ប្រុស ឆ្នាំកំណើត២០០៦ ជនជាតិខ្មែរ មុខរបរ លក់ដូរ , ឈ្មោះ នី រ៉វី ភេទ ប្រុស ឆ្នាំកំណើត២០០៦ ជនជាតិខ្មែរ មុខរបរ លក់ដូរ , ឈ្មោះ មឿន ពិសី ភេទ ប្រុស ឆ្នាំកំណើត២០០៨ ជនជាតិខ្មែរ មុខរបរ កម្មកររោងចក្រ , ឈ្មោះ ញ៉ ឆាលី ភេទ ប្រុស ឆ្នាំកំណើត២០០៨ ជនជាតិខ្មែរ មុខរបរ កម្មករសិប្បកម្មប្រេងខ្យង , ឈ្មោះ សូរ្យ វិសុទ្ធ ភេទប្រុស ឆ្នាំកំណើត២០០៨ ជនជាតិខ្មែរ , ឈ្មោះ ភឹម វិសាល ភេទ ប្រុស ឆ្នាំកំណើត២០០៩ ជនជាតិ ខ្មែរ , ឈ្មោះ ហូសាន់ សើហ្វីអី ភេទ ប្រុស ឆ្នាំកំណើត២០០៩ ជនជាតិខ្មែរ និងមានវត្ថុតាង ដុំថ្មចំនួន ០៤ដុំ , ស្លាកលេខរថយន្តចំនួន០១បន្ទះ រួមសំបកដូរចំនួន០១ផងដែល។

បច្ចុប្បន្នជនសង្ស័យទាំង ១១នាក់ បញ្ជូនទៅកាន់សាលាដំបូងរាជធានីភ្នំពេញ ដើម្បីផ្តន្ទាទោសតាមផ្លូវច្បាប់ ៕ អត្ថបទ ៖ រដ្ឋា

The post នគរបាលព្រហ្មទណ្ឌក្រុង បង្ហាញមុខក្រុមក្មេងទំនើង ១១នាក់រួចបញ្ជូនទៅតុលា ករណីប្រើដុំថ្ម គប់ វាយលើរថយន្តស៊េរីទំនើបនៅថ្ងៃបុណ្យចូលឆ្នាំ appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោក នាយឧត្តមសេនីយ៍ ស ថេត អគ្គស្នងការ នគរបាលជាតិ និងអនុវត្តន៍តាមបទបញ្ជាពីលោក ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ហារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ។

កាលពីថ្ងៃទី០៦ ខែកុម្ភៈ ឆ្នាំ២០២៦ កម្លាំងនគរបាលព្រហ្មទណ្ឌកំរិតស្រាល បានស្រាវជ្រាវឃាត់ខ្លួន មនុស្សសរុបចំនួន០៨នាក់ ពាក់ព័ន្ធនិងបទល្មើស ០៣ ករណី ដូចខាងក្រោម ៖ករណីទី០១ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ជិះម៉ូតូឆក់យកខ្សែកផ្លា កទីន ទម្ងន់០១តម្លឹង០២ជី)ប្រព្រឹត្តនៅចំណុចផ្លូវបេតុង ភូមិជង្រុក សង្កាត់ត្រពាំងក្រសាំង ខណ្ឌពោធិសែនជ័យ រាជ ធានីភ្នំពេញ កាលពីថ្ងៃទី២៧ ខែមករា ឆ្នាំ២០២៦ វេលាម៉ោង ១៥ និង ៥០ នាទី និងប្រើប្រាស់ដោយខុសច្បាប់នូវសារ ធាតុញៀន ប្រព្រឹត្តនៅចំណុចចំណុចផ្លូវបេតុង ភូមិភ្លផ្អែម សង្កាត់គោករកា ខណ្ឌព្រែកព្នៅ រាជធានីភ្នំពេញ , ករណីទី០២ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់យកកាបូបស្ពាយចំហៀង បណ្តាលឲ្យជនរងគ្រោះដួលម៉ូតូរងរបួសសម្រាកនៅមន្ទីរពេទ្យ ប្រព្រឹត្តនៅចំណុចផ្លូវលំ ភូមិព្រែកទាល់ សង្កាត់ស្ទឹង មានជ័យ២ ខណ្ឌមានជ័យ រាជធានីភ្នំពេញ កាលពីថ្ងៃទី០២ ខែកញ្ញា ឆ្នាំ២០២៤ វេលាម៉ោង០០ និង១៣ នាទី និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចភូមិដំណាក់ធំ៤ សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ នៅថ្ងៃទី០៦ ខែកុម្ភៈ ឆ្នាំ២០២៦ វេលាម៉ោង ១៧ និង ៤០ នាទី, ករណីទី០៣ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ប្រើដំបងឈើ,មួកសុវត្ថិភាព ដេញវាយ និងធាក់ផ្ដួលម៉ូតូជនរងគ្រោះប្លន់យកម៉ូតូម៉ាកស៊ុយស្អុយគីនិច ពណ៌ សលឿង សេរីឆ្នាំ២០២៥ ពាក់ ផ្លាក លេខស្វាយរៀង១៤ ០៥៣១) ប្រព្រឹត្តនៅចំណុចមុខបុរីអ័រគីដេ ផ្លូវណតប្រ៊ីដភូមិរអ័រគីដេ សង្កាត់អូរបែកក្អម ខណ្ឌសែន សុខ រាជធានីភ្នំពេញ កាលពីថ្ងៃទី០១ ខែកុម្ភៈ ឆ្នាំ២០២៦ វេលាម៉ោងប្រហែល០២ និង២០នាទី ក្រុមក្មេងទំនើងឈ្មោះ ក្រុមព្រែកទាល់(PT។

បច្ចុប្បន្នជនសង្ស័យទៅទាំង៨នាក់ រួមជាមួយនិងវត្ថុតាង ត្រូវបានកម្លាំងសមត្ថកិច្ចព្រហ្មទណ្ឌរាជធានីភ្នំពេញ បញ្ជូនទៅកាន់តុលាការ ដើម្បីអនុវត្តតាមនីតិវិធីច្បាប់៕

The post សមត្ថកិច្ចព្រហ្មទណ្ឌរាជធានីភ្នំពេញ ស្រាវជ្រាវបង្ក្រាបក្រុមចោរឆក់ ប្លន់ យ៉ាងសកម្ម ៨នាក់បញ្ជូនទៅតុលាការ appeared first on Kampuchea Thmey Daily.

ជាក់ស្តែងនារសៀលថ្ងៃទី ២៥ ខែវិច្ឆិកា ឆ្នាំ ២០២៥ នេះ ក្នុងស្នងការដ្ឋាននគរបាលរាជធានីភ្នំពេញ ដោយការិយាល័យព្រហ្មទណ្ឌកម្រិតធ្ងន់ និងការិយាល័យព្រហ្មទណ្ឌកម្រិតស្រាល បានយកជនសង្ស័យ ០៥ នាក់ មកបង្ហាញមុខជាសាធារណៈមុនបញ្ចូនទៅកាន់តុលាការ។

លោកវរសេនីយ៍ឯក អេង សោភា នាយការិយាល័យនគរបាលព្រហ្មទណ្ឌកម្រិតធ្ងន់ បានបញ្ជាក់ឲ្យដឹងថា ដោយមានការចង្អុលបង្ហាញពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានឲ្យលោកឧត្តមសេនីយ៍ត្រី ប៊ុន សត្យា ស្នងការរងទទួលផែនការងារនគរបាលព្រហ្មទណ្ឌ និងលោកឧត្តមសេនីយ៍ទោ ញ៉ុង រស់មេត្តា ស្នងការរងទទួលការិយាល័យនគរបាលព្រហ្មទណ្ឌកម្រិតធ្ងន់ បានបញ្ជា និងដោយមានការសម្រប សម្រួលពីលោក ស៊ីន រក្សា ព្រះរាជអាជ្ញារងអមសាលាដំបូរាជធានីភ្នំពេញ សហការជាមួយនគរបាលច្រកទ្វារអន្តរជាតិអន្តោប្រវេសន៍ក្រុងបាវិត រហូតឈានដល់ការស្រាវជ្រាវ និងកំណត់មុខសញ្ញា បានឈានដល់ការឃាត់ខ្លួនជនសង្ស័យ ០៥ នាក់។

នាយការិយាល័យកម្រិតធ្ងន់ បន្តថា ករណីទី១ នៅថ្ងៃទី ២៤ ខែវិច្ឆិកា ឆ្នាំ ២០២៥ វេលាម៉ោង ០១ រសៀល បានឃាត់ខ្លួនបក្ខពួកសេសសល់ចំនួន ០១ នាក់ ក្នុងករណីចាប់ឃុំឃាំង និង បង្ខាំងមនុស្សដោយខុសច្បាប់ជំរិតទារប្រាក់ចំនួន ៥ ម៉ឺន ២ ពាន់ដុល្លារ កាលពីថ្ងៃទី ១៥ ខែវិច្ឆិកា ឆ្នាំ ២០២៥ ម៉ោងប្រហែង ០២ និង ៣០ នាទី , ករណីទី២ ករណី លួចមានស្ថានទម្ងន់ទោស គាស់ទ្វារផ្ទះ លួចយកទ្រព្យសម្បត្តិ នៅចំណុចបុរី ភ្នំពេញផាក ផ្លូវចំប៉ា ក្រុមទី១៩ ភូមិខ្ទរ សង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ , ករណី ៣ ផ្ទុះអាវុធចំនួន ០៥គ្រាប់ នៅចំណុចតំបន់បឹងកក់ កាលពីថ្ងៃទី ២៨ ខែវិច្ឆិកា ឆ្នាំ២០២៥ ។

ក្នុងនោះដកហូតវត្ថុតាងបានរួមមាន អាវុធខ្លីម៉ាក K ៥៤ លេខ៧៤៨១ ចំនួន ៨គ្រាប់ , អាវុធខ្លីម៉ាក Zoraki M906 ចំនួន 0៤គ្រាប់ , នាឡិការដៃ ចំនួនជាច្រើនគ្រឿង (របស់ជនរងគ្រោះ) , ខ្សែកពណ៌ទឹកចំនួន០២ខ្សែ (របស់ជនរងគ្រោះ) , ខ្សែដៃពណ៌ទឹកប្រាក់ចំនួន០២ខ្សែ(របស់ជនរងគ្រោះ) , ប៉ាស្ទ័រចំនួន ០២ក្បាល , ម៉ូតូ Honda Custom ស្លាកលេខភ្នំពេញ1-HN-1587 ពណ៌ស្លែចំនួន0១គ្រឿង (ជាម៉ូតូធ្វើសកម្មភាព) , ទូរស័ព្ទ ម៉ាក Honor ពណ៌ខ្មៅ ០១គ្រឿង , ញញួរ ពណ៌លឿងលាយខ្មៅចំនួន ០១ (សម្រាប់ធ្វើសកម្មភាពវាយកញ្ចក់ផ្ទះ) , កាបូបស្ពាយ ពណ៌ប្រផេះ ចំនួន០១ , មួកខ្មៅ ០១ និងមួកសុវត្ថិភាព ពណ៌ស ចំនួន០២។

បច្ចុប្បន្នជនសង្ស័យខាងលើត្រូវបាននគរបាលព្រហ្មទណ្ឌកម្រិតធ្ងន់ និងនគរបាលព្រហ្មទណ្ឌកម្រិតស្រាល កំពុងធ្វើនីតិវិធីបញ្ជូនទៅសាលាដំបូងរាជធានីភ្នំពេញចាត់ការតាមផ្លូវច្បាប់៕

អត្ថបទ ៖ រដ្ឋា

The post នគរបាលព្រហ្មទណ្ឌ បង្ហាញមុខជនសង្ស័យ ០៥ នាក់ ពាក់ព័ន្ធ ០៣ ករណី ផ្សេងគ្នា ក្នុងភូមិសាស្ត្ររាជធានីភ្នំពេញ appeared first on Kampuchea Thmey Daily.

ជនសង្ស័យទាំង០២នាក់ ទី១ ឈ្មោះ ធឿន ប្រុសពៅ ភេទប្រុស អាយុ២០ឆ្នាំ ជនជាតិខែ្មរ មុខរបរមិនពិតប្រាកដ មានទីលំនៅផ្ទះគ្មានលេខ ផ្លូវបេតុង  ភូមិខ្មែរលើ សង្កាត់គោករកា ខណ្ឌព្រែកព្នៅ រាជធានីភ្នំពេញ។២-ឈ្មោះអាង សុខជាតិ ភេទប្រុស អាយុ២៤ឆ្នាំ ជនជាតិខែ្មរ មុខរបរមិនពិតប្រាកដ មានទីលំនៅផ្ទះលេខ៧៣៨ ផ្លូវបេតុង  ភូមិអណ្ដូង៥ សង្កាត់គោករកា ខណ្ឌព្រែកព្នៅ រាជធានីភ្នំពេញ។

តាមនគរបាលបានឲ្យដឹងថា ជនសង្ស័យទាំង០២នាក់ត្រូវបានសមត្ថកិច្ចឃាត់ខ្លួននៅវេលាម៉ោងប្រមាណ ០១រសៀល ថ្ងៃទី២០ខែវិច្ឆិកាឆ្នាំ២០២៥ កម្លាំងប៉ុស្តិ៍នគរបាលរដ្ឋបាលគោករកា  នៃអធិការដ្ឋាននគរបាលខណ្ឌព្រែកព្នៅ បានសហការ ជាមួយកម្លាំងអធិការដ្ឋាននគរបាលខណ្ឌពោធិ៍សែនជ័យ កម្លាំងការិយាល័យព្រហ្មទណ្ឌកម្រិតស្រាល នៃស្នងការដ្ឋាននគរបាលរាជធានីភ្នំពេញ ឃាត់ខ្លួនបាននៅចំណុចនៅខាងកើតវត្តជុំ ក្នុងភូមិខ្មែរលើ សង្កាត់គោករការ ខណ្ឌព្រែកព្នៅ រាជធានីភ្នំពេញ។

គូបញ្ជាក់ថា កាលពីវេលាម៉ោង១១និង៤៤នាទីថ្ងៃត្រង់ ថ្ងៃទី១៨ខែវិច្ឆិកា ឆ្នាំ២០២៥ កន្លងទៅ ជនសង្ស័យមានគ្នាចំនួន ០៣នាក់ជិះម៉ូតូមួយគ្រឿងបានធ្វើសកម្មភាពឆក់ទូរស័ព្ទពីក្មេងកំពុងលេងហ្គេមនៅមុខក្បែរផ្ទះ ភូមិតឹក្ខប្បញ្ញោ សង្កាត់សំរោងក្រោម ខណ្ឌពោធិ៍សែនជ័យ។ បន្ទាប់ពីឆក់ទូរស័ព្ទបានសម្រេចក្មេងបានស្រែកឆោឡោ ក្រោយមកក៏មានការបង្ហោះវីដេអូ ពីសកម្មភាពនៅក្នុងបណ្ដាញសង្គមនិងស៊ែរតៗគ្នាលុះរំលងបានពីរថ្ងៃជនសង្ស័យត្រូវបានសមត្ថកិច្ចស្រាវជ្រាវឃាត់ខ្លួនបានចំនួន០២នាក់និងម្នាក់ទៀតបានរត់គេចខ្លួនបាត់។

បច្ចុប្បន្នជនសង្ស័យទាំង០២នាក់ត្រូវបានសមត្ថកិច្ចបញ្ជូនទៅកាន់ការិយាល័យនគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលរាជធានីភ្នំពេញដើម្បីសាកសួរនិងចាត់ការតាមនីតិវិធី៕ អត្ថបទ៖សុភា

The post ជនសង្ស័យមួយក្រុមធើ្វសកម្មភាពឆក់ទូរស័ព្ទដៃ ក្មេងកំពុងអង្គុយលេងហ្គេមរត់គេចខ្លួនបាន២ថ្ងៃ ត្រូវជាប់ខ្នោះសមត្ថកិច្ច appeared first on Kampuchea Thmey Daily.

ដោយអនុវត្តតាមអនុសាសន៍ដឹកនាំដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ និងអនុវត្តតាមបទបញ្ជាផ្ទាល់ពី លោកឧត្តមសេនីយ៍ឯក ជួន ណារិន្ទ អគ្គ ស្នងការរង និងជាស្នងការនគរបាលរាជធានីភ្នំពេញ ដឹកនាំដោយលោកឧត្តមសេនីយ៍ត្រី ប៊ុន សត្យា ស្នងការរង ទទួលផែនការងារព្រហ្មទណ្ឌ បញ្ជាដោយផ្ទាល់ ដោយលោកវរសេនីយ៍ឯក ម៉ម សាវន នាយការិយាល័យព្រហ្មទណ្ឌកម្រិតស្រាលរាជធានីភ្នំពេញ ។

លោកវរសេនីយ៍ឯក ម៉ម សាវន បានបញ្ជាក់ថា បន្ទាប់ពីទទួលបានពត៌មានថា មានករណីក្រុមជនសង្ស័យជិះម៉ូតូធើ្វសកម្មភាពកាប់ប្លន់យកម៉ូតូពីជនរងគ្រោះ កាលពីវេលាម៉ោង ៣ ទៀបភ្លឺ ថ្ងៃទី១៥ ខែវិច្ចិកា ឆ្នាំ ២០២៥ នៅត្រង់ចំណុចផ្លូវបេតុង ក្នុងសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ កម្លាំងសមត្ថកិច្ចបានបើកការស្រាវជ្រាវភ្លាមៗ រហូតឈានដល់ការឃាត់ខ្លួនជនសង្ស័យបានចំនួន២នាក់ នឹងអ្នកទទួលទិញ២នាក់ យកមកស្នងការនរគបាលរាជធានីភ្នំពេញ។

លោកបានបន្តទៀតថា កាលពីថ្ងៃទី១៣ និងថ្ងៃទី១៦ ខែវិច្ឆកា ឆ្នាំ ២០២៥ ការិយាល័យព្រហ្មទណ្ឌកម្រិតស្រាលរាជធានីភ្នំពេញ បានធ្វើការស្រាវជ្រាវឃាត់ក្រុមក្មេងទំនើងបានសរុបចំនួន១៦នាក់ ស្រី ១នាក់ ពាក់ព័ន្ធករណីហិង្សាដោយចេតនា។ ក្មេងទំនើង ករណីទី១ បានធើ្វសកម្មភាពនៅចំណុចបន្ទប់ទឹកមាត់ទន្លេ ក្នុងកោះពេជ្រ ផ្លូវផ្សាររាត្រី ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ កាលពីវេលាម៉ោង ១ និង ៣០ នាទី ថ្ងៃទី៨ ខែវិច្ឆិកា ឆ្នាំ២០២៥ (ក្រុមក្មេងទំនើងឈ្មោះបឹងត្របែក (BTB)។ ករណីទី២ ហិង្សាដោយចេតនាមានស្ថានទម្ងន់ទោស និងកាន់កាប់ ឬដឹកជញ្ជូនអាវុធដោយគ្មានការអនុញ្ញាត (ព្រួតគ្នាប្រើដុំថ្ម និងកាំបិតប៉័ងតោ ដេញគប់ និងកាប់លើជនរងគ្រោះ) ប្រព្រឹត្តនៅចំណុចមុខផ្សារ K-MALL មហាវិថីចោមចៅ(វេងស្រេង) ភូមិត្រពាំងថ្លឹង១ សង្កាត់ចោមចៅ១ ខណ្ឌ ពោធិ៍សែនជ័យ រាជធានីភ្នំពេញ កាលពីវេលាម៉ោង ១ និង៣០នាទី ថ្ងៃទី១៣ ខែវិច្ឆិកា ឆ្នាំ២០២៥។

បច្ចុប្បន្ន ជនសង្ស័យ រួមទាំងវត្ថុតាង ត្រូវបានកម្លាំងសមត្ថកិច្ចកសាងសំណុំរឿងបញ្ជូនទៅកាន់តុលាការ ដើម្បីអនុវត្តតាមនីតិវីធីច្បាប់៕

ដោយ ៖ ម៉េង

The post សមត្ថកិច្ចព្រហ្មទណ្ឌរាជធានី ស្រាវជ្រាវបង្ក្រាបចោរកាប់ប្លន់ម៉ូតូ ៤ នាក់ និង ក្រុមក្មេងទំនើង ១៦ នាក់ យកមកបង្ហាញមុខមុនបញ្ជូនទៅតុលាការ appeared first on Kampuchea Thmey Daily.

ប្រតិបត្តិការ​ចុះ​បង្ក្រាប​ឃាត់ខ្លួន​ក្រុម​ក្មេង​ទំនើង​នេះ​បាន​ធ្វើ​ឡើង​កាលពី​ថ្ងៃ​ទី ២៥ ខែ​ធ្នូ ឆ្នាំ ២០២៤ ដោយ​អនុវត្ត​តាម​បទបញ្ជា​ផ្ទាល់​របស់ លោក​ឧត្ដមសេនីយ៍​ឯក ជួន ណារិន្ទ អគ្គ​ស្នងការ​រង និង​ជា​ស្នងការ​នគរបាល​រាជធានី​ភ្នំពេញ ក្រោម​ការ​បញ្ជា​ពី លោក​ឧត្ដមសេនីយ៍​ត្រី ប៊ុន សត្យា ស្នងការ​រង​ទទួល​ផែន​ព្រហ្មទណ្ឌ ចាត់​ឲ្យ​លោក​វរសេនីយ៍ឯក ម៉ម សាវន នាយការិយាល័យ​នគរបាល​ព្រហ្មទណ្ឌ​កម្រិត​ស្រាល ដឹកនាំ​កម្លាំង​ចុះ​បង្ក្រាប​ដោយ​ផ្ទាល់ និង​ឃាត់ខ្លួន​ជនសង្ស័យ​ចំនួន ០៩ នាក់ ព្រមទាំង​ដកហូត​វត្ថុតាង​មួយ​ចំនួន​ផង​ដែរ។

នគរបាល នៃ​ការិយាល័យ​ព្រហ្មទណ្ឌ​កម្រិត​ស្រាល បាន​ឲ្យ​ដឹង​ថា ប្រតិបត្តិការ​នេះ ដោយ​មាន​ការ​សហការ​ជាមួយ​កម្លាំង​ជំនាញ​ផែន​ព្រហ្មទណ្ឌ នៃ​អធិការដ្ឋាន​នគរបាល​ខណ្ឌ​មានជ័យ បាន​ស្រាវជ្រាវ​បង្ក្រាប​ក្រុម​ក្មេង​ទំនើង​ដែល​បង្ក​ករណី​ហិង្សា​ដែល​ចេតនា​មាន​ស្ថាន​ទម្ងន់​ទោស និង​ឃាត់ខ្លួន​ក្រុម​ទាំងនេះ។

នគរបាល​ជំនាញ​ព្រហ្មទណ្ឌ បាន​បញ្ជាក់​ថា នគរបាល​ការិយាល័យ​ជំនាញ​កំពុង​ស្រាវជ្រាវ​បន្ត​យក​បក្ខពួក​សេសសល់​បន្ត​ទៀត។ ចំពោះ​មុខសញ្ញា​សេសសល់ និង​រត់​គេច​ខ្លួន ដែល​ធ្វើ​សកម្មភាព​ហិង្សា​ដោយ​ចេតនា ក្មេង​ទំនើង សមត្ថកិច្ច​នឹង​តាម​បង្ក្រាប​ឲ្យ​ដល់​ឫសគល់ ដោយ​មិន​យោគយល់​នោះ​ឡើយ។

គួរ​បញ្ជាក់​ថា កាលពី​វេលា​ម៉ោង ២៣ និង ៣០ នាទី ថ្ងៃ​ទី ១៩ ខែ​ធ្នូ ឆ្នាំ ២០២៤ នៅ​ចំណុច​ផ្លូវជាតិ​លេខ ០២ សង្កាត់​ចាក់​អង្រែ​លើ ខណ្ឌ​មានជ័យ រាជធានី​ភ្នំពេញ មាន​ក្រុម​ក្មេង​ទំនើង ០១ ក្រុម បាន​ជិះ​ម៉ូតូ​បង្ក​ហិង្សា​ដោយ​ចេតនា ដោយ​ជិះ​ទៅ​ធាក់​ម៉ូតូ​អ្នក​ធ្វើ​ដំណើរ រួច​ទៅ​វាយ​ស្ត្រី​ម្នាក់​រង​របួស ធ្វើឲ្យ​បាត់បង់​សណ្ដាប់ធ្នាប់ និង​សុខ​សុវត្ថិភាព​ដល់​ប្រជាពលរដ្ឋ ជាពិសេស​បង្ក​របួស​ស្នាម​ដល់​អ្នកដទៃ។

បច្ចុប្បន្ន ជនសង្ស័យ និង​វត្ថុតាង ត្រូវ​បាន​កម្លាំង​នគរបាល​ជំនាញ​ការិយាល័យ​ព្រហ្មទណ្ឌ​កម្រិត​ស្រាល ឃាត់ខ្លួន និង​កសាង​សំណុំរឿង​បញ្ជូន​ទៅ​សាលាដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី៕

អត្ថបទ ៖ សំណាង

The post ព្រហ្មទណ្ឌកម្រិតស្រាល ស្រាវជ្រាវបង្ក្រាបឃាត់ខ្លួនក្រុមក្មេងទំនើងចំនួន ០៩ នាក់ appeared first on Kampuchea Thmey Daily.

ដោយ​មាន​បទបញ្ជា​ពី លោក​ឧត្ដមសេនីយ៍​ឯក ជួន ណា​រិន្ទ អគ្គ​ស្នងការ​រង​នគរបាល​ជាតិ និង​ជា​ស្នងការ​នគរបាល​រាជធានី​ភ្នំពេញ និង​លោក​ឧត្ដមសេនីយ៍ ប៊ុន សត្យា ស្នងការ​រង​នគរបាល​រាជធានី​ភ្នំពេញ ទទួល​ផែន​នគរបាល​ព្រហ្មទណ្ឌ និង​មាន​ការ​ដឹកនាំ​បញ្ជា​ផ្ទាល់​ដោយ​លោក​ឧត្ដមសេនីយ៍​ទោ លី ប៊ុនអេង ស្នងការ​រង​ទទួល​ដឹកនាំ​ការិយាល័យ លោក​វរសេនីយ៍ឯក ម៉ម សាវន ប្រធាន​ការិយាល័យ​ព្រហ្មទណ្ឌ​កម្រិត​ស្រាល នៃ​ស្នងការដ្ឋាន​នគរបាល​រាជធានី​ភ្នំពេញ បាន​ឲ្យ​ដឹង​ថា កម្លាំង​នគរបាល​ការិយាល័យ​ព្រហ្មទណ្ឌ​កម្រិត​ស្រាល បាន​ធ្វើការ​ស្រាវជ្រាវ​ឃាត់ខ្លួន​ជនសង្ស័យ​ជា​បន្តបន្ទាប់​បាន​ចំនួន ១៣ នាក់ កាលពី​ថ្ងៃ​ទី ៦-៧ និង​ថ្ងៃ​ទី ៨ ខែ​ធ្នូ ឆ្នាំ ២០២៤។ ការិយាល័យ​នគរបាល​ព្រហ្មទណ្ឌ​កម្រិត​ស្រាល​រាជធានី​ភ្នំពេញ ធ្វើការ​ស្រាវជ្រាវ​ឃាត់ខ្លួន​ជនសង្ស័យ​ដែល​ធ្វើ​សកម្មភាព​លួច​ម៉ូតូ​របស់​ប្រជាពលរដ្ឋ និង​ក្រុម​ក្មេង​ទំនើង​ឈ្មោះ ក្រុម ដើម​ពោធិ៍​(DP),​ក្រុម​បឹង​សាឡាង​ស្រួល (BSL),​ក្រុម​ទឹកថ្លា (TTK) ក្រុម​កាហ្វេ​កែង​ចិន (CKJ) សរុប​ចំនួន ១៣ នាក់ ដែល​បាន​ប្រព្រឹត្ត​បទល្មើស ហិង្សា​ដោយ​ចេតនា​មាន​ស្ថាន​ទម្ងន់​ទោស​(​វាយ​កាប់​គ្នា​) ចំនួន ៥ ករណី យក​មក​កាន់​ស្នងការដ្ឋាន​នគរបាល​រាជធានី​ភ្នំពេញ។

នៅ​រសៀល​ថ្ងៃ​ទី ៩ ខែ​ធ្នូ ឆ្នាំ ២០២៤ នេះ កម្លាំង​សមត្ថកិច្ច​ព្រហ្មទណ្ឌ​កម្រិត​ស្រាល​បាន​បង្ហាញ​មុខ​ជា​សាធារណៈ​មាន​ចំនួន ១៣ នាក់ ក្នុង​នោះ ១-ឈ្មោះ សៅ សង្ខារ​មីន ហៅ ចាក់​គូ ភេទ​ប្រុស អាយុ ២១ ឆ្នាំ , ២-​ឈ្មោះ សាន់ ហាន​ស៊ុ​ង ភេទ​ប្រុស​ អាយុ ​១៧​ ឆ្នាំ ​, ៣-​ឈ្មោះ ម៉េង លី​ធឿន ភេទ​ប្រុស អាយុ​ ១៦ ​ឆ្នាំ ​, ៤-ឈ្មោះ ម៉េត ភក្ត្រា ភេទ​ប្រុស អាយុ ១៧ ឆ្នាំ ​,៥-​ឈ្មោះ យូ គីម​ហ៊ាង ភេទ​ប្រុស អាយុ ១៧ ឆ្នាំ , ៦-​ឈ្មោះពិន សៀវ​លិក ភេទ​ប្រុស អាយុ ១៦ ឆ្នាំ ​, ៧-​ឈ្មោះ​ ភា រ៉ា​ដូ ភេទ​ប្រុស​ អាយុ​ ១៦ ឆ្នាំ ​, ៨-​ឈ្មោះ​ តាំង លី​ឆាយ ភេទ​ប្រុស​ អាយុ​ ១៦ ឆ្នាំ ​, ៩-​ឈ្មោះ​ ហៃ វ​ឌ្ឍ​នា ហៅ​ វឌ្ឍន៍ ភេទ​ប្រុស អាយុ ​១៦ ​ឆ្នាំ ​, ១០-​ឈ្មោះ ​វី ចរិយា ហៅ ខ្មៅ ភេទ​ប្រុស អាយុ​ ១៦​ ឆ្នាំ ​, ១១-​ឈ្មោះ​ អន សុ​វណ្ណា ហៅ វណ្ណា ភេទ​ប្រុស អាយុ​ ១៦​ ឆ្នាំ , ១២-​ឈ្មោះ សែម ភ​ត្រា ភេទ​ប្រុស និង ១៣-​ឈ្មោះ ឃន ពេជ្រ ភេទ​ប្រុស អាយុ ១៩ ឆ្នាំ។

បច្ចុប្បន្ន ក្រុម​ក្មេង​ទំនើង​ទាំង ១៣ នាក់ រួម​នឹង​វត្ថុ​តាង ត្រូវ​បាន​កម្លាំង​សមត្ថកិច្ច​ជំនាញ​ព្រហ្មទណ្ឌ​កម្រិត​ស្រាល​ នៃ​ស្នងការ​នគរបាល​រាជធានី​ភ្នំពេញ កសាង​សំណុំរឿង​បញ្ជូន​ទៅ​កាន់​តុលាការ៕

អត្ថបទ ៖ ម៉េង

The post កម្លាំងព្រហ្មទណ្ឌកម្រិតស្រាល បង្ហាញមុខក្រុមក្មេងទំនើង ១៣ នាក់ បង្កហិង្សា ៥ ករណី appeared first on Kampuchea Thmey Daily.