ព្រាប សុវត្តិ Archives - Kampuchea Thmey Daily

«ឪខ្លា កូនខ្លា» សមត្ថភាពកូនប្រុសទាំង ៣ លោក ព្រាប សុវត្ថិ មានដុងសិល្បៈមិនចាញ់ឪពុក

Din Thary — Mon, 10 Oct 2022 05:03:46 +0000

មហាជន ទាំងប្រុស ស្រី ចាស់ ក្មេង ច្បាស់ជាបានស្គាល់ហើយពីវត្តមានរបស់កំពូលតារាចម្រៀងលោក ព្រាប សុវត្ថិ។ យ៉ាងណាមិញ តារារូបនេះបានចូលក្នុងរង្វង់សិល្បៈតាំងពីយូរណាស់មកហើយ ប៉ុន្តែទាំងរូបរាងនៅតែសង្ហា ហាក់ដូចមិនចាស់ទាល់តែសោះ បើទោះបីជា តារាមួយដួងមានគ្រួសារក៏ពិតមែន។ ទន្ទឹមនេះ គេសង្កេតឃើញថា លោក ព្រាប សុវត្ថិ មិនត្រឹមតែទទួលបានភាពជោគជ័យនៅក្នុងវិថីសិល្បៈទេ ចំណែកឯវិស័យមុខជំនួញរបស់លោកក៏មានភាពជោគជ័យមិនធម្មតាដែរ។

យ៉ាងណាមិញ បើក្រឡេកមកមើលពីកូនកំលោះទាំង ៣ របស់តារាចម្រៀងរូបនេះ ទាំងសង្ហា និងមានសមត្ថភាពខ្លាំងមិនចាញ់ឪពុកប៉ុន្មានដែរដូចពាក្យចាស់មួយបានពោលថា «ឪខ្លា កូនខ្លា»។

ជាក់ស្ដែងកូនប្រុសទាំង ០៣ របស់កំពូលតារាចម្រៀងលោក ព្រាប សុវត្ថិ ដែលមានដូចជា សុវត្ថិ មុន្នីវណ្ណ សុវត្ថិ មុន្នីនាគ សុវត្ថិ សិរីវុឌ្ឍ ដែលកំពុងតែឈរជើងនៅក្នុងវិថីសិល្បៈ ទទួលបានគាំទ្រពីមហាជន ពិសេសយុវវ័យ មិនចាញ់ពីឪពុកឡើយ។

១. សុវត្ថិ មុន្នីវណ្ណ

សុវត្ថិ មុន្នីវណ្ណ ដែលជាកូនប្រុសច្បងរបស់លោកព្រាប សុវត្ថិ មានអាយុ២៣ ឆ្នាំ។ មុន្នីវណ្ណ មិនត្រឹមតែលេចមុខក្នុងវិថីសិល្បៈ ហើយទទួលបានសន្ទុះនៃការគាំទ្រយ៉ាងខ្លាំងពីមហាជននោះ គេក៏សង្កេតឃើញថា រូបលោកបានលេចមុខនៅក្នុងការថតស្ពត ផលិតផលផ្សេងៗជាច្រើនផងដែរ។ ទន្ទឹមនេះ មុន្នីវណ្ណ ក៏បានបំពេញការងារនៅក្នុងជួរកងទ័ព ធ្វើជាព្រឹន្ទបាលឯក មានតួនាទីជាជំនួយការ ការិយាល័យទី៥ នៃកងទ័ពជើងគោក។

២. សុវត្ថិ មុន្នីនាគ

សុវត្ថិ មុន្នីនាគ ជាកូនប្រុសទី២ របស់លោកព្រាប សុវត្ថិ មានអាយុ ២១ ឆ្នាំ។ មុន្នីនាគ ក៏មានសមត្ថភាព និងមានភាពពេញនិយមមិនចាញ់បងប្រុសប៉ុន្មានដែរ។ តារារូបនេះ មានទេពកោសល្យអាចច្រៀង រាំ និពន្ធទំនុកច្រៀង ព្រមទាំងអាចលេងឧបករណ៍ប្រគំតន្ត្រី និងត្រូវបានម្ចាស់ពាណិជ្ជកម្មមួយចំនួនជួលថតផងដែរ។ លើសពីនេះទៅទៀត មុន្នីនាគ ក៏មានការងារដូចជាបងប្រុសដែរដោយធ្វើជាពលបាលទោ មានតួនាទីជាជំនួយការការិយាល័យទី៥ កងទ័ពជើងគោក។

៣.សុវត្ថិ សិរីវុឌ្ឍ

សិរីវុឌ្ឍ ជាកូនពៅរបស់លោកព្រាប សុវត្ថិ មានអាយុ១៩ឆ្នាំប៉ុណ្ណោះ។ សិរីវុឌ្ឍ កាលពេលថ្មីៗនេះ បានចាកចេញពីផលិតកម្ម រស្មីហង្សមាស ក្លាយទៅជាអ្នកចម្រៀងឯករាជ្យ ហើយរូបគេក៏មានសមត្ថភាពមិនចាញ់់បងៗប៉ុន្មានដែរ។ សុវត្ថិ សិរីវុឌ្ឍ អាចច្រៀង រាំ លេងឧបករណ៍តន្ត្រីសម័យ និងចេះនិពន្ធ ទំនុកច្រៀង ហើយកន្លងមកក៏ធ្លាប់បាននិពន្ធចម្រៀងឲ្យឪពុកច្រៀងផងដែរ។ ជាមួយគ្នានេះ សិរីវុឌ្ឍ ក៏មានងារជាពលបាលទោ មានតួនាទីជាជំនួយការ ការិយាល័យទី៥ កងទ័ពជើងគោក៕

The post «ឪខ្លា កូនខ្លា» សមត្ថភាពកូនប្រុសទាំង ៣ លោក ព្រាប សុវត្ថិ មានដុងសិល្បៈមិនចាញ់ឪពុក appeared first on Kampuchea Thmey Daily.

បទថ្មីពី សុវត្ថិ-សីម៉ា ទើបចេញថ្ងៃនេះ ចាក់ដោតពីជីវិតគូស្នេហ៍ប្រេះឆា

Sorn Phanith — Wed, 17 Mar 2021 09:11:25 +0000

ព្រាប សុវត្ថិ និង តន់ ច័ន្ទ សីម៉ា ដែលបានជក់ខ្យល់ចេញបទសប្បាយៗសម្រាប់រាំលេងចូលឆ្នាំខ្មែរ១ប្រាវនោះ ឥឡូវនេះ បានងាកមកចេញបទថ្មីមួយបទថ្ងៃនេះ បង្កប់រឿង Sad ក្នុងចិត្តរួមគ្នា វិញម្ដង។

បទចម្រៀងមានចំណងជើងថា “មនុស្សស្រីចាំតែខុស មនុស្សប្រុសមានកំហុសពេលមួម៉ៅ” ជា ប្រភេទបទមនោសញ្ចេតនាស្នេហារបស់គូស្នេហ៍១គូ។ នេះជារសជាតិថ្មីបំផុតមួយ ដែល ប្រិយមិត្តខានបានជួបមួយរយៈធំមកហើយ។

ចំណុចគួរចាប់អារម្មណ៍ខ្លឹមសារនៃបទចម្រៀង គឺឆ្លុះបង្ហាញបញ្ហានានា ដែលកើតឡើងក្នុង ទំនាក់ទំនងរវាងមនុស្សប្រុសស្រី២នាក់ ដែលម្នាក់ៗមានការលំបាក និងបញ្ហារៀងខ្លួន តែពួកគេ មិនអាចរកពេល ឬវិធីពន្យល់គ្នាទៅវិញទៅមក បានរហូតធ្វើឲ្យបញ្ហាកាន់តែរីកធំទៅៗរកអ្នក ខុសរកអ្នកត្រូវមិនឃើញ។

ទំនាក់ទំនងណាមួយ ដែលមានកើតបញ្ហានេះ គឺម្នាក់ៗរមែងរង់ចាំភាគីម្ខាងទៀត យល់ចិត្តរៀង ៗខ្លួន តែពួកគេគ្មានវាសនាបានជួបរឿងនោះដូចគ្នា។ ដូច្នេះហើយទីបំផុតពួកគេ ក៏អាចឈាន ដល់ទីបំបែកថែមទៀត ក្នុងពេលដែលបញ្ហាពិតកើតនៅចំណុចកណ្ដាលរវាងពួកគេមិន ត្រូវបាន រកឃើញឬយកមកនិយាយ ។

ម្នាក់ៗសុទ្ធតែត្រូវរៀងខ្លួន ចុះនរណាអ្នកខុស? Sadណាស់! តោះ…ស្ដាប់ទាំងអស់គ្នា!

អត្ថបទ៖ ស៊ុន ហួត

The post បទថ្មីពី សុវត្ថិ-សីម៉ា ទើបចេញថ្ងៃនេះ ចាក់ដោតពីជីវិតគូស្នេហ៍ប្រេះឆា appeared first on Kampuchea Thmey Daily.

Wow ! ស្ទើរមិនគួរឲ្យជឿ ៨បទ របស់ ព្រាប សុវត្ថិ មានអ្នកចូលមើលជាង ២០ លានដងត្រឹម៣សប្ដាហ៍ រហូតហ្វេនៗ comment (មានវីដេអូ)

Sorn Phanith — Thu, 18 Feb 2021 03:07:43 +0000

ចាប់តាំងពី កំពូលតារាចម្រៀង ព្រាប សុវត្ថិ បង្ហាញខ្លួន ក្នុងផលិតកម្ម Galaxy Navatra មកគេឃើញថា បទស្ទើរតែទាំងអស់ សុទ្ធតែទទួលបានការគាំទ្រយ៉ាងខ្លាំង ស្ទើរមិនគួរឲ្យជឿ និងនឹកស្មានដល់ មិនថាបទញាក់ ឬមនោសញ្ចេតនា ទេ គឺសុទ្ធតែទាក់បេះដូងអ្នកស្តាប់ឲ្យលង់ទៅតាមស្តាប់ហើយ ស្តាប់ទៀត មិនចេះធុញទ្រាន់ និងជិនណាយឡើយ។

ទន្ទឹមនឹងភាពជោគជ័យនេះ ខាងផលិតកម្ម Galaxy Navatra បានទម្លាយរឿងមួយ កាលពីម្សិលមិញប្រាប់ថា ៖ “Idol សមត្ថភាពគួរឲ្យសរសើរ អាចរ៉េប និងច្រៀងបត់បែន បានគ្រប់ទម្រង់ នៃបទចម្រៀង កំពូលតារាចម្រៀង ព្រាប សុវត្ថិ ចេញប្រាំបីបទ ត្រឹមតែ៣សប្តាហ៍មានអ្នកទស្សនាសរុបដល់ទៅជាង២០លានដង អរគុណបងប្អូនគាំទ្រទាំងអស់”។ ចំណែកអ្នកគាំទ្រឯណោះវិញ ក៏បានសាទរ ព្រមទាំងខមិនកោតសរសើរនៅជោគជ័យ ជាច្រើនផងដែរ។

តោះដើម្បីជ្រាប កាន់តែច្បាស់បន្ថែមទៀត សូមស្តាប់បទទាំង ៨ នេះទាំងអស់គ្នា ដែលបានភ្ជាប់ជូនខាងក្រោមនេះ៖

The post Wow ! ស្ទើរមិនគួរឲ្យជឿ ៨បទ របស់ ព្រាប សុវត្ថិ មានអ្នកចូលមើលជាង ២០ លានដងត្រឹម៣សប្ដាហ៍ រហូតហ្វេនៗ comment (មានវីដេអូ) appeared first on Kampuchea Thmey Daily.

ព្រាប សុវត្ថិ ចេញមួយបទនេះសុទ្ធតែយកលេសកុហកប្រពន្ធតែម្តង

Sorn Phanith — Wed, 17 Feb 2021 06:05:17 +0000

ថ្មី និង ប្លែកទៀតហើយ ! MV បទ «គ្រប់យ៉ាងក៏ព្រោះតែមេ» ដែលច្រៀង ដោយកំពូលតារាចម្រៀងល្បីឈ្មោះលោក ព្រាប សុវត្ថិ និងកញ្ញា តន់ ចន្ទសីម៉ា ដែលទើបនិង ចេញនៅថ្ងៃនេះរបស់ផលិតកម្ម Galaxy Navatra បានធ្វើឲ្យមានការចាប់អារម្មណ៍ពីគាំទ្រ យ៉ាងខ្មាំង ព្រោះតែចង្វាក់នៃបទចម្រៀងនេះស្តាប់ទៅពីរោះប្លែក និងស្រួលរាំទៀតផង ហើយស៊ីគ្នាទៅនឹងពិធីបុណ្យចូលឆ្នាំថ្មីប្រពៃណីជាតិនាពេលខាងមុខនេះតែម្តង ។

នៅក្នុង MV បទចម្រៀងថ្មីនេះដែរក្រោយស្តាប់ចប់ គឺអត្ថន័យបានបង្ហាញពីការអាណិតលោក ព្រាប សុវត្ថិ ព្រោះនេះជាការលះបង់របស់កូនចៅចំពោះមេរបស់ខ្លួន ពិតជាធំធេងណាស់ ហើយជាមួយនិងការសម្តែងកាយវិការបែបក្រមិចក្រមើម របស់តារាប្រុស-ស្រីល្បីឈ្មោះទាំង ពីរដួងនេះផងនោះ បទ «គ្រប់យ៉ាងក៏ព្រោះតែមេ» ពិតជាមើលទៅមានភាពរស់រវើកមើល ហើយចង់មើលទៀត និង ថែមទាំងគួរឲ្យចង់រាំតាមថែមទៀតផង ។

ពិតជាមិនធម្មតាទេបទចម្រៀងរបស់លោក ព្រាប សុវត្ថិ និង តន់ ចន្ទសីម៉ា ចេញមកមួយណា ក៏ផ្ទុះការគាំទ្រដែរ ហើយក្រៅពីបទ «គ្រប់យ៉ាងក៏ព្រោះតែមេ» ដែលត្រៀមសម្រាប់រីករាយ ក្នុងឱកាសចូលឆ្នាំខ្មែរខាងមុខនេះហើយនោះ គេបានសង្កេតឃើញថា ផលិតកម្ម Galaxy Navatra បានសម្រុកចេញបទចម្រៀងយ៉ាងច្រើន ដើម្បីអបអរក្នុងពិធីបុណ្យចូលឆ្នាំខ្មែរនា ពេលខាងមុខនេះផងដែរ។ ការចេញបទចម្រៀងថ្មីស្ទើរតែរាល់ថ្ងៃបែបនេះ អាចចាត់ទុកថា ផលិតកម្ម Galaxy Navatraគឺជាផលិតកម្មតែមួយគត់ដែលបានចេញបទចម្រៀងថ្មីច្រើនជាងគេ នៅក្នុងប្រទេសកម្ពុជានាពេលបច្ចុប្បន្ន ៕

ចង់ដឹងច្បាស់ សូមទស្សនា MV បទ «គ្រប់យ៉ាងក៏ព្រោះតែមេ» ទាំងអស់គ្នា ៖

The post ព្រាប សុវត្ថិ ចេញមួយបទនេះសុទ្ធតែយកលេសកុហកប្រពន្ធតែម្តង appeared first on Kampuchea Thmey Daily.

មិនធ្លាប់ស្គាល់ បឹងយក្សឡោម អាចមើលបទ “រកស៊ីជាមួយយក្ស” ហើយទើបដឹងស្រស់ស្អាតយ៉ាងណា

Sorn Phanith — Wed, 10 Feb 2021 05:03:56 +0000

បទ “រកស៊ីជាមួយយក្យ” របស់កំពូលតារាចម្រៀង ព្រាប សុវត្ថិ និង តន់ ចន្ទសីម៉ា ដែលបាន ថតនៅទេសភាពស្អាតៗជាច្រើន នៅរមណីយដ្ឋានបឹងយក្សឡោមនោះ កំពុងតែទទួលបានការ ចាប់អារម្មណ៍និងគាំទ្រខ្លាំង ក្នុងមួយសប្ដាហ៍សោះមានអ្នកviews២លាន៣សែនដង។

បច្ចុប្បន្នអាល់ប៊ុបរបស់កំពូលតារាចម្រៀង ព្រាប សុវត្ថិ និង កំពូលតារាចម្រៀងវ័យក្មេង តន់ ចន្ទស៊ីម៉ា កំពុងស្ទុះឡើងរហូតគ្មានគូប្រជែង ហើយរឿងដែលពិសេសនោះ គឺគាត់កំពុងតែផ្សារភ្ជាប់ជាមួយរមណីយដ្ឋាននានា នៅព្រះរាជាណាចក្រកម្ពុជា ដើម្បីជំរុញកំណើនទេសចរណ៍ ក្នុងស្រុក ដោយឡែកសម្រាប់បទរកស៊ីជាមួយយក្សនេះ គាត់បានទៅថតផ្តិតយកវីដេអូនៅបឹងយក្សឡោមខេត្តរតនគិរី។ បើនិយាយពីបឹងយក្សឡោម បងប្អូនពិតជាធ្លាប់ឮហើយ បឹងយក្សឡោមគឺជាបឹង ដែលមាននៅក្នុងរឿងព្រេងនិទានខ្មែរ ហើយក៏ជារមណីយដ្ឋាន ដែលមានប្រជាប្រិយភាពមួយនៅក្នុងព្រះរាជាណាចក្រកម្ពុជា៕

អត្ថបទ៖ ស៊ុន ហួត

The post មិនធ្លាប់ស្គាល់ បឹងយក្សឡោម អាចមើលបទ “រកស៊ីជាមួយយក្ស” ហើយទើបដឹងស្រស់ស្អាតយ៉ាងណា appeared first on Kampuchea Thmey Daily.

ទេសភាពស្រស់ស្អាតយ៉ាងនេះ តើប្រិយមិត្តស្គាល់តំបន់ទេសចរណ៍ ” មាន់កម្សត់ “នៅទីណាទេ?

Sorn Phanith — Tue, 09 Feb 2021 07:02:48 +0000

ក្នុងចំណោមអាល់ប៊ុមចូលឆ្នាំថ្មី របស់ ផលិតកម្ម Galaxy Navatra បទ” មាន់កម្សត់ ” ដែលជាការ ច្រៀងរួមគ្នារបស់កំពូលតារាចម្រៀង លោក ព្រាប សុវត្ថិ និង កញ្ញា តន់ ចន្ទលីម៉ា បានក្លាយជា បទចម្រៀងមួយ កំពុងតែទទួលបានគាំទ្រច្រើន ដោយគិតមកដល់ថ្ងៃនេះ មានអ្នកviewsជា ច្រើនលានដង ត្រឹមត រយៈពេលដ៏ខ្លីប៉ុណ្ណោះ។

អ្វីដែលជាការចាប់អារម្មណ៍ ក្រៅពីទឹកដមសំនៀងឆ្លើយឆ្លងដ៏ពីរោះរណ្ដំរបស់កំពូលតារាចម្រៀង ទាំងពីរប្រិយមិត្ត មានចាប់អារម្មណ៍លើទេសភាពនៃតំបន់ទេសចរណ៍ ក្នុងវីដេអូបទចម្រៀងនោះ ដែរឬទេថា តើថតនៅទីតាំងណា?

ទឹកជ្រោះដ៏ស្រស់ស្អាត ក្នុងវីដេអូ ដែលប្រិយមិត្តបានឃើញនោះ គឺស្ថិតនៅទឹកដីខេត្តរតនគិរី ឈ្មោះ ថា”ទឹកជ្រុះ៧ជាន់”។ ស្ថិតនៅក្នុងដែនជម្រកសត្វព្រៃភ្នំណាមលៀរ ក្នុងភូមិទី១ ឃុំប៊ូស្រា ស្រុកពេជ្រាដា នៅភាគខាងជើង ក្រុងសែនមនោរម្យ នៃទីប្រជុំជន ខេត្តរតនគិរី ជាប់នឹង ព្រំប្រទល់ប្រទេសវៀតណាម។

ជារឿយៗគេតែងឃើញផលិតកម្ម Galaxy Navatra បានចុះថត MV របស់ខ្លួននៅរមណីយដ្ឋានជា ច្រើន នៅក្នុងប្រទេសកម្ពុជា ដើម្បីចែកជូនអ្នកគាំទ្របានទស្សនា។ ជាក់ស្ដែង ក្នុងចំណោមអាល់ប៊ុមចូលឆ្នាំថ្មីនេះ ទេសភាពធម្មជាតិល្បីៗជាច្រើន ក្នុងប្រទេសកម្ពុជា ត្រូវបានផលិតកម្មបញ្ជូន ក្រុមផលិតចុះថត ហើយពេលខ្លះថែមទាំងប្រើយន្តហោះដឹកតួ ចុះទៅថតដោយផ្ទាល់ក៏មាន។

តាមការឲ្យដឹង ពីក្រុមអ្នកថតរបស់ផលិតកម្ម Galaxy Navatra បទ ” មាន់កម្សត់ ” ត្រូវបានថត២ ទីតាំងមាន”ទឹកជ្រុះ៧ជាន់” និងលើរីស៊តរបស់កំពូលតារាចម្រៀង ព្រាប សុវត្ថិ ដែលនៅម្ដុំបឹង យក្សឡោមតែម្ដង។

អត្ថបទ៖ ស៊ុន ហួត

ដើម្បីឲ្យស្គាល់កាន់តែច្បាស់តោះ! ទៅទស្សនាបទ ” មាន់កម្សត់ ” នេះម្ដងទៀតទាំងអស់គ្នា៖

The post ទេសភាពស្រស់ស្អាតយ៉ាងនេះ តើប្រិយមិត្តស្គាល់តំបន់ទេសចរណ៍ ” មាន់កម្សត់ “នៅទីណាទេ? appeared first on Kampuchea Thmey Daily.

ផ្ទុះការសរសើរខ្លាំង ក្រោយលោក ព្រាប សុវត្ថិ ចេញបទ “Gang Gang” ហើយត្រូវជនបរទេសយកទៅ Reaction ផ្អើលពេញ youtube

Sorn Phanith — Mon, 08 Feb 2021 07:40:13 +0000

នៅប៉ុន្មានឆ្នាំចុងក្រោយ ជនជាតិបរទេសបានធ្វើ Reaction លើបទចម្រៀងខ្មែរជាច្រើន ប៉ុន្តែនេះ ជាលើកទី១ ដែលឃើញពួកគេ បានធ្វើវីដេអូ Reaction លើបទចម្រៀងរបស់កំពូលតារាចម្រៀង លោក ព្រាប សុវត្ថិ លើបទ “Gang Gang”។

បទ “Gang Gang” គឺជាស្នាដៃរបស់កូនពៅរបស់ លោក ព្រាប សុវត្ថិ និពន្ធឡើងឲ្យឪពុកច្រៀង ដោយបានចេញកាលពីសប្ដាហ៍មុន។ បទនេះ បានធ្វើឲ្យមានការចាប់អារម្មណ៍ខ្លាំង ដោយសារ ថា នេះជាលើកទី១ ដែលលោក ព្រាប សុវត្ថិ ល្បីឈ្មោះប្រមាណ២ទសវត្សរ៍ហើយ ទើបមាន ចេញបទចម្រៀងប្រភេទ Hip Hop នាដើមឆ្នាំ២០២១នេះ។ ភ្លាមៗបានធ្វើឲ្យក្រុមតារាចម្រៀងរ៉េប បានសម្ដែងបានការភ្ញាក់ផ្អើលនិងមិនគួរឲ្យជឿ។

សូម្បីលោក ងួន ចាន់ដេវីដ តារារ៉េបពេញនិយមមួយរូប ក៏បានបញ្ចេញសារក្នុងន័យថា លោក នឹងទៅរកស៊ីបញ្ចូលបទភ្លេងវិញ ប្រសិនបើតារារ៉េបច្បង បានលុកលុយមកដល់សិល្បៈចម្រៀងរ៉េបទៅហើយ។ ជាមួយគ្នានេះ ប្រិយមិត្តរបស់តារាចម្រៀងផ្ទាល់ ក៏ភ្ញាក់ផ្អើលនិងមិនគិតថា កំពូល តារាចម្រៀងរបស់ពួកគេ អាចឈានមកលុកលុយបទប្រភេទឡើយ។ យ៉ាងណាក៏ដោយ គេមើលឃើញថា តារាចម្រៀងជើងចាស់ នៅតែធ្វើបានល្អ និងបានទទួលការ សរសើរជាច្រើនដែរថា លោកពិតជាតារាចម្រៀង ដែលមានទេពកោសល្យខ្ពស់ អាចច្រៀងបាន គ្រប់ប្រភេទបទ ហើយក្នុងនោះប្រិយមិត្តខ្លះ លើកឡើងថា លោករ៉េបបានញាប់ជាងតារារ៉េប អាជីពទៅទៀត។

ស្ថានភាពនេះ ហើយបានល្បីសុះសាយទៅដល់ក្រុមធ្វើ Reaction បរទេសរហូតពួកគេ នៅមិន សុខចេញមក Reaction លើបទរបស់លោក ព្រាប សុវត្ថិ ជាលើកដំបូង។ ក្រុមនោះគេឃើញមាន ជនជាតិអាមេរិក៣នាក់ យកមកធ្វើ Reaction ដែរ ប៉ុន្តែមិនដឹងពួកគេនិយាយអ្វីខ្លះនោះទេ។ យ៉ាង ណាអ្នកធ្វើ Reaction ជាជនជាតិខ្មែរមួយរូបបានលើកឡើងថា បទរបស់កំពូលតារាចម្រៀងរូប នេះ ពិតជាផ្ទុះខ្លាំងហើយថា អ្វីដែលលោក ព្រាប សុវត្ថិ បានធ្វើគឺថា មានភាពខុសប្លែកខ្លាំងមែន ទែន!

តោះ…ទស្សនាពួកគេទាំងអស់គ្នា៖

អត្ថបទ៖ ស៊ុន ហួត

The post ផ្ទុះការសរសើរខ្លាំង ក្រោយលោក ព្រាប សុវត្ថិ ចេញបទ “Gang Gang” ហើយត្រូវជនបរទេសយកទៅ Reaction ផ្អើលពេញ youtube appeared first on Kampuchea Thmey Daily.

ប្រហែលពិបាកទប់ទល់ Galaxy Navatra ហើយឆ្នាំនេះ បទផ្ទុះស្ទើរតែទាំងអស់

Sorn Phanith — Fri, 05 Feb 2021 04:42:36 +0000

ដូចប្រិយមិត្តធ្លាប់បានដឹងហើយថា ផលិតកម្ម Galaxy Navatra កំពុងតែសម្រុកផលិតបទចម្រៀង ចូលឆ្នាំជាច្រើន ខណៈដែលផលិតកម្មផ្សេងទៀត ហាក់មិនទាន់បានបញ្ចេញច្រើននៅឡើយ។

គិតមកដល់ថ្ងៃនេះ មានបទចម្រៀងមិនក្រោមជាង១០បទឡើយ ដែលផលិតករផលិតកម្មGalalaxy Navatra បានបញ្ចេញ ហើយការបញ្ចេញនោះ គឺធ្វើឡើងជារៀងរាល់ថ្ងៃតែម្ដង។ ស្ទើរ គ្រប់បទចម្រៀងទាំងអស់ សុទ្ធតែទទួលបានការគាំទ្រខ្លាំង មិននឹកស្មានដល់ដោយគ្រាន់តែ ចេញភ្លាមមានអ្នក views រាប់លានគ្រប់បទ។

កំពូលតារាចម្រៀង ព្រាប សុវត្ថិ និងកំពូលតារាវ័យក្មេង តន់ ចន្ទសីម៉ា ត្រូវបានគេមើលឃើញថា មានបទចម្រៀងច្រើនជាងគេ ទាំងបទឆ្លើយឆ្លង និងបទច្រៀងទោលម្នាក់ឯង។ ចំពោះបទឆ្លើយ ឆ្លងអ្នកទាំងពីរ មានរហូតដល់ទៅ៦បទមកហើយ ក្នុងនោះដូចជា ទី១បទ”កាត់ឆុង”, ទី២បទ” ប្រហុក”, ទី៣បទ”រកស៊ីជាមួយយក្ស “, ទី៤បទ” អរគុណ កាមេរ៉ា”, ទី៥បទ”មាន់ កម្សត់” ទី៦ បទ “ឡានទំនើប”។

បទចម្រៀងទាំង៦បទ ដែលកំពូលតារាចម្រៀងទាំងពីរច្រៀងរួមគ្នានេះ ត្រូវបានគេសង្កេតឃើញថា ភាគច្រើនជាបទរាំលេងកម្សាន្តបែបសប្បាយៗ មានគ្រប់ចង្វាក់ដែលងាយស្រួល សម្រាប់បង ប្អូនរាំលេងពេលជួបជុំគ្នាយ៉ាងសប្បាយរីករាយ ហើយគ្រប់បទចម្រៀងនីមួយៗមានអ្នក views រាប់លានដង។ ចំណុចទាំងនេះ បានធ្វើឲ្យមហាជនវាយតម្លៃថា សម្រាប់ឆ្នាំនេះប្រហែលពិបាក ទប់ទល់នឹងផលិតកម្ម Galaxy Navatra ហើយឆ្នាំនេះ ត្បិតអីបទស្ទើរតែទាំងអស់បែបនេះនោះ។

ផ្អែកលើផេក Galaxy Navatra ក៏បានបង្ហាញចំនួនពិតអ្នកចូល views បទចម្រៀងរបស់ខ្លួនផង ដែរ គឺពិតជាមានរាប់លានដងគ្រប់បទច្រៀង ដែលបានចេញក្នុង អាលប៊ុម ចូលឆ្នាំនេះ ដែល ចំនួននេះមានការទទួលលើសការរំពឹងទុក។ ជាមួយគ្នានោះដែរ អ្នកគាំទ្រជាច្រើនអ្នក បានចូល Comment លើ Channel youtube Galaxy Navatra ដោយកោតសរសើរព្រមទាំងបង្ហាញការ ពេញចិត្តជាខ្លាំង។

លោក យឹម តាស្រង់ ក៏បានសរសើរមិនដាច់ពីមាត់ថា កំពូលតារាចម្រៀង លោក ព្រាប សុវត្ថិ និ ង តន់ ចន្ទសីម៉ា គឺពិតជាដៃគូស័ក្ដិសមបំផុត សម្រាប់បទចម្រៀងចូលឆ្នាំនេះ ផលិតកម្ម Galaxy Navatra នឹងបន្តផលិតបទចម្រៀងឲ្យអ្នកទាំងពីរជាច្រើនបទបន្ថែមទៀត៕

អត្ថបទ៖ ស៊ុន ហួត

ទី១/បទ”កាត់ឆុង”

ទី២/បទ “ប្រហុក”

ទី៣/បទ “រកស៊ីជាមួយយក្ស”

ទី៤/បទ “អរគុណកាមេរ៉ា”

ទី៥/បទ “មាន់កម្សត់”

ទី៦/បទ “GANG GANG “

The post ប្រហែលពិបាកទប់ទល់ Galaxy Navatra ហើយឆ្នាំនេះ បទផ្ទុះស្ទើរតែទាំងអស់ appeared first on Kampuchea Thmey Daily.

ព្រាប សុវត្តិ Archives - Kampuchea Thmey Daily

«ឪខ្លា កូនខ្លា» ​សមត្ថភាព​​កូន​ប្រុស​ទាំង ៣ លោក ព្រាប សុវត្ថិ មាន​ដុង​សិល្បៈ​មិន​ចាញ់ឪពុក

បទថ្មីពី សុវត្ថិ​-​សី​ម៉ា ទើប​ចេញ​ថ្ងៃ​នេះ ចាក់​ដោត​ពី​ជីវិត​គូស្នេហ៍​ប្រេះឆា

ព្រាប សុវត្ថិ ចេញ​មួយ​បទ​នេះ​សុទ្ធតែ​យក​លេស​កុហក​ប្រពន្ធ​តែម្តង​

​មិន​ធ្លាប់​ស្គាល់ បឹង​យក្ស​ឡោម អាចមើលបទ​ “​រកស៊ី​ជាមួយ​យក្ស​” ហើយ​ទើបដឹងស្រស់​ស្អាតយ៉ាងណា

ទេសភាព​ស្រស់ស្អាតយ៉ាងនេះ តើប្រិយមិត្តស្គាល់តំបន់ទេសចរណ៍ ” មាន់កម្សត់ “​នៅទីណាទេ​?

ផ្ទុះ​ការ​សរសើរ​ខ្លាំង ក្រោយ​លោក ព្រាប សុវត្ថិ ចេញ​បទ “Gang Gang” ហើយ​ត្រូវ​ជន​បរទេស​យក​ទៅ​ Reaction ផ្អើល​ពេញ youtube​

ប្រហែលពិបាកទប់ទល់ Galaxy Navatra ហើយឆ្នាំនេះ បទផ្ទុះ​ស្ទើរតែទាំងអស់​

«ឪខ្លា កូនខ្លា» សមត្ថភាពកូនប្រុសទាំង ៣ លោក ព្រាប សុវត្ថិ មានដុងសិល្បៈមិនចាញ់ឪពុក

បទថ្មីពី សុវត្ថិ-សីម៉ា ទើបចេញថ្ងៃនេះ ចាក់ដោតពីជីវិតគូស្នេហ៍ប្រេះឆា

ព្រាប សុវត្ថិ ចេញមួយបទនេះសុទ្ធតែយកលេសកុហកប្រពន្ធតែម្តង

មិនធ្លាប់ស្គាល់ បឹងយក្សឡោម អាចមើលបទ “រកស៊ីជាមួយយក្ស” ហើយទើបដឹងស្រស់ស្អាតយ៉ាងណា

ទេសភាពស្រស់ស្អាតយ៉ាងនេះ តើប្រិយមិត្តស្គាល់តំបន់ទេសចរណ៍ ” មាន់កម្សត់ “នៅទីណាទេ?

ផ្ទុះការសរសើរខ្លាំង ក្រោយលោក ព្រាប សុវត្ថិ ចេញបទ “Gang Gang” ហើយត្រូវជនបរទេសយកទៅ Reaction ផ្អើលពេញ youtube

ប្រហែលពិបាកទប់ទល់ Galaxy Navatra ហើយឆ្នាំនេះ បទផ្ទុះស្ទើរតែទាំងអស់