បើតាមមន្ត្រីរដ្ឋបាលខេត្តកំពង់ចាម បានឲ្យដឹងថា រយៈពេលបីថ្ងៃនៃសង្ក្រាន្តកំពង់ចាម នឹងមានកម្មវិធី និងព្រឹត្តិការណ៍ជាច្រើនដែលត្រូវបានចាត់តាំងរៀបចំឡើង បង្កបរិយាកាសកម្សាន្តសប្បាយជូនដល់ប្រជាពលរដ្ឋ និងភ្ញៀវទេសចរជាតិ និងអន្តរជាតិ ហើយព្រឹត្តិការណ៍ដ៏គួរឲ្យទាក់ទាញបំផុតមួយ គឺព្រឹត្តិការណ៍លៀសហាល ៥តោន ដែលនឹងរៀបចំនៅថ្ងៃទីពីរនៃសង្ក្រាន្ត ពោលគឺថ្ងៃទី១៥ ខែមេសា ឆ្នាំ២០២៦ ចាប់ពីម៉ោង ១១ព្រឹកតទៅ។

តាមរយៈកម្មវិធី និងព្រឹត្តិការណ៍ដែលបានរៀបចំ សង្ឃឹមថា ប្រជាពលរដ្ឋ និងភ្ញៀវទេសចរអាចទទួលបាននូវរសជាតិ និងបទពិសោធថ្មីៗ នៃសង្ក្រាន្តកំពង់ចាម និងសង្រ្កាន្តតាមបណ្តាស្រុក ហើយបងប្អូនអាចពិនិត្យមើលប្លង់តម្រាយផ្លូវ និងព័ត៌មានអំពីកម្មវិធី និងព្រឹត្តិការណ៍ដែលរៀបចំនៅតាមទីតាំងនីមួយៗ ដើម្បីអាចរៀបចំកញ្ចប់ដំណើរកម្សាន្តសង្ក្រាន្តតាមបំណងប្រាថ្នារបស់ខ្លួនរៀងៗខ្លួន៕

អត្ថបទ​​៖​ ឡេក​ ចាន់ពេជ្រ

The post រដ្ឋមន្ត្រីទេសចរណ៍ ចូលរួមព្រឹត្តិការណ៍លៀសហាល ៥តោន ជាមួយថ្នាក់ដឹកនាំ និងប្រជាពលរដ្ឋខេត្តកំពង់ចាម appeared first on Kampuchea Thmey Daily.

ក្នុងឱកាសដឹកនាំកិច្ចប្រជុំ នាថ្ងៃទី១៤ ខែមីនា ឆ្នាំ២០២៦ អភិបាលខេត្តបាត់ដំបង លោក សុខ លូ បានណែនាំដល់គ្រប់ភាគីពាក់ព័ន្ធត្រូវពន្លឿនការរៀបចំតុបតែងលម្អនៅតាមទីតាំងសំខាន់ៗឱ្យបានរួចរាល់មុនព្រឹត្តិការណ៍សង្រ្កាន្តចូលមកដល់។

បន្ទាប់ពីប្រារព្ធពិធីប្រុងពលីសុំសេចក្ដីសុខដើម្បីរៀបចំ“ព្រឹត្តិការណ៍សង្ក្រាន្តបាត់ដំបង២០២៦” នៅមុខរូបសំណាកលោកតាដំបងគ្រញូង រួចមក លោក សុខ លូ បានអញ្ជើញដឹកនាំមន្រ្តីជំនាញ និងអាជ្ញាធរពាក់ព័ន្ធប្រជុំពិនិត្យផែនការលម្អិត និងពិនិត្យទីតាំងជាក់ស្តែងសំដៅធ្វើយ៉ាងណាឱ្យការរៀបចំព្រឹត្តិការណ៍សង្រ្កាន្តបានប្រព្រឹត្តទៅដោយរលូន។

បើតាមលោកអភិបាលខេត្ត ការរៀបចំព្រឹត្តិការណ៍សង្ក្រាន្ត ដើម្បីជាផ្នែកមួយជួយបង្កលក្ខណៈសប្បាយរីករាយដល់ប្រជាពលរដ្ឋក្នុងខេត្ត និងបង្កើនទាក់ទាញភ្ញៀវទេសចរ ហើយព្រឹត្តិការណ៍សង្ត្រាន្តឆ្នាំនេះ គឺមិនមានការប្រគុំតន្ត្រីខ្នាតធំ ការប្រើរថយន្តបាញ់ទឹក និងការលេងប៉ាតម្ស៉ៅនោះទេ៕

The post ព្រឹត្តិការណ៍សង្រ្កាន្តបាត់ដំបងឆ្នាំនេះ នឹងរៀបចំឡើងតាមបែបសាសនា ប្រពៃណីទំនៀមទម្លាប់របស់ខេត្ត appeared first on Kampuchea Thmey Daily.

ក្នុងជំនួបពិភាក្សាជាមួយសមាគមទូរទស្សន៍ និងអ្នកសារព័ត៌មាន នាព្រឹកថ្ងៃទី២ ខែមីនា ឆ្នាំ២០២៦ នៅទីស្ដីការក្រសួងព័ត៌មាន លោក សុខ សប្បាយណា ប្រធានក្រុមការងារប្រតិបត្តិ និងសមាជិកគណៈអចិន្ត្រៃយ៍គណៈកម្មាធិការកណ្តាល នៃសហភាពសហព័ន្ធយុវជនកម្ពុជា បានបញ្ជាក់ថា ការរៀបចំព្រឹត្តិការណ៍នេះ មានគោលបំណងថែរក្សា និងការពារមរតកវប្បធម៌ដូនតា ដែលជាផ្នែកមួយនៃខឿនការពារជាតិ។ ព្រមទាំងចូលរួមជំរុញសេដ្ឋកិច្ចជាតិ ទាក់ទាញភ្ញៀវទេសចរមកកម្ពុជា ស្របតាមយុទ្ធនាការ «ចូលឆ្នាំខ្មែរ មកលេងស្រុកខ្មែរ – Home Coming» និងបង្ហាញពីសាមគ្គីភាព ឯកភាព និងភាពធន់របស់ជាតិ។

ឯកឧត្តមបានបន្ថែមថា ក្នុងឱកាសនោះ ក៏នឹងមានពិធីសាសនាឧទ្ទិសកុសលដល់វីរយុទ្ធជនពលី និងជនរងគ្រោះ ព្រមទាំងបួងសួងសុំសេចក្តីសុខ សុភមង្គលជូនប្រទេសជាតិផងដែរ។

ជាមួយគ្នានេះ ឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានលើកឡើងថា ពិធីបុណ្យចូលឆ្នាំថ្មី គឺជាឱកាសជួបជុំមហាគ្រួសារខ្មែរ ប៉ុន្តែជាមួយគ្នានោះ ក៏ជាឱកាសឱ្យប្រជាជនខ្មែរគ្រប់ទិសទី បង្ហាញសាមគ្គីភាព និងរំលឹកដល់វីរភាព ក៏ដូចជាការលះបង់របស់វីរយុទ្ធជននាពេលកន្លងមក។

ឯកឧត្តមបានសង្កត់ធ្ងន់ថា គណៈកម្មការរៀបចំព្រឹត្តិការណ៍ បានគិតគូរយ៉ាងម៉ត់ចត់អំពីសកម្មភាពដែលគួរធ្វើ និងមិនគួរធ្វើ ដើម្បីធានាថា ការសប្បាយរីករាយមិនភ្លេចវីរកងទ័ពជួរមុខ និងបងប្អូនជនភៀសសឹកដែលមិនទាន់បានត្រឡប់ទៅផ្ទះវិញ។ ព្រឹត្តិការណ៍នេះ គឺជាការពង្រឹងស្មារតីជាតិ អត្តសញ្ញាណជាតិ និងផ្សព្វផ្សាយអំពីអ្វីដែលជាខ្មែរ ទៅកាន់ឆាកអន្តរជាតិ។ នៅពេលប្រឈមបញ្ហា ប្រជាជនត្រូវរួមកម្លាំងគ្នា ស្មាគៀកស្មា ខិតខំអភិវឌ្ឍគ្រប់វិស័យ ជាពិសេសវិស័យសេដ្ឋកិច្ច។

សូមបញ្ជាក់ថា ព្រឹត្តិការណ៍ «នគរសង្ក្រាន្ត» នឹងប្រារព្ធឡើងរយៈពេល៦ថ្ងៃ នៅតំបន់សំខាន់ៗមួយចំនួនក្នុងរាជធានីភ្នំពេញ រួមមាន រមណីយដ្ឋានវត្តភ្នំ ផ្លូវថ្មើរជើងចតុមុខ សួនច្បារ Vattanac Capital Lifestyle ផ្សាររាត្រី និងទីតាំងផ្សេងៗទៀត។

ក្នុងឱកាសនោះផងដែរ ឯកឧត្តមឧបនាយករដ្ឋមន្ត្រី ហ៊ុន ម៉ានី បានថ្លែងអំណរគុណដល់ក្រសួងព័ត៌មាន សមាគមទូរទស្សន៍ និងអ្នកសារព័ត៌មាន ដែលបានចូលរួមផ្សព្វផ្សាយព័ត៌មានបានត្រឹមត្រូវ និងទាន់ពេលវេលា ជាពិសេសព្រឹត្តិការណ៍សំខាន់ៗរបស់ជាតិ៕

The post ព្រឹត្តិការណ៍ «នគរសង្ក្រាន្ត» ២០២៦ ផ្សារភ្ជាប់សាមគ្គីភាពជាតិ និងគាំទ្រវីរកងទ័ពជួរមុខ appeared first on Kampuchea Thmey Daily.

១.នំ​អន្សម​យក្ស

នំអន្សមយក្ស ដែលធ្វើឡើងដើម្បីអបអរព្រឹត្តការណ៍អង្គរសង្រ្កាន្តឆ្នាំ២០១៥ បានបំបែកឯតទគ្គកម្ម “នំអន្សមធំជាងគេលើពិភពលោក”។ ក្រុម​ការងារ​កំណត់​ត្រាពិភពលោក បាន​ចុះ​ឈ្មោះ​នំអន្សមយក្ស​កម្ពុជា ​ចូល​ក្នុងបញ្ជី Guinness World Records​​ កាលរសៀល​ថ្ងៃទី​១៣ ខែមេសា ឆ្នាំ​២០១៥។ នំ​អន្សម​យក្ស​ទម្ងន់ជាង ៤តោន (៤,០៤០គីឡូក្រាម) ដែលមានមុខកាត់​ ១ម៉ែត្រ និង​បណ្តោយ​៥ម៉ែត្រ ចម្អិន​ដោយក្រុម​ការងារ​សមាគមចុងភៅ​កម្ពុជា ក្រោម​ការផ្តួចផ្តើម​របស់​សហភាព​សហព័ន្ធយុវជន​កម្ពុជា ដើម្បី​ចូល​រួម​ក្នុងកម្មវិធីអង្គរសង្ក្រាន្តឆ្នាំថ្មី ឆ្នាំមមែ ដែលពិធីនេះ រៀបចំធ្វើនៅមុខ​ទីលានជល់​ដំរី ខេត្ត​សៀមរាប។

២. រាំម៉ាឌីហ្សូន

នៅក្នុងព្រឹត្តិការណ៍អង្គរសង្រា្កន្តឆ្នាំ២០១៥ ដដែល កម្ពុជាបានបំបែកឯកត្តកម្មពិភពលោក Guinness World Records រាំម៉ាឌីហ្សូនដែលមានអ្នករាំសរុបជាង ២ ០១៥នាក់ ដែលធ្វើឡើងនៅ​ទី​លាន​ជល់​ដំរី ខេត្ត​សៀមរាប កាលពី​ថ្ងៃទី​១៥ ​មេសា​ ឆ្នាំ២០១៥។ ក្នុងឆ្នាំ ២០២៣ កម្ពុជាបានបំបែកឯតទគ្គកម្មពិភពលោកសារជាថ្មីម្តងទៀត ដែលមានអ្នកចូលរួមរាំឌីហ្សូនច្រើនជាងគេ ដោយជោគជ័យ ខណៈមានចំនួនអ្នកចូលរួមរាំសរុបចំនួន ៤ ៩៩៩ នាក់ នៅម៉ោង ១០៖៣៦នាទីព្រឹក ថ្ងៃទី១៥ ខែមេសា ឆ្នាំ២០២៣ ក្នុងព្រឹត្តិការណ៍អង្គរសង្រ្កាន្ដ ឆ្នាំ២០២៣ នៅទីតាំងព្រះលានជល់ដំរី។

៣. ការបត់បេះដូងក្រដាស

ក្នុងព្រឹត្តិការណ៍អង្គរសង្ក្រាន្តឆ្នាំ២០២៣ កម្ពុជាក៏បានបំបែកឯតទគ្គកម្ម «ការបត់បេះដូងក្រដាស់ច្រើនជាងគេនៅលើពិភពលោក» ជាផ្លូវការ ដែលមានចំនួនរហូតដល់ ៣ ៩១៧ ៨០៥ បេះដូង ដែលត្រូវបានពិនិត្យ និងវាយតម្លៃដោយស្ថាប័ន Guinness World Records កាលពីរសៀលថ្ងៃទី១១ ខែមេសា ឆ្នាំ២០២៣ នៅបរិវេណប្រាសាទអង្គរវត្ត ក្រោមការអបអរសាទរពីគ្រប់ទិសទី៕

The post នៅចាំទេ! តាមរយៈព្រឹត្តិការណ៍អង្គរសង្ក្រាន្ត កម្ពុជាបំបែកឯតទគ្គកម្មពិភពលោកអ្វីខ្លះ? appeared first on Kampuchea Thmey Daily.

ជាក់ស្តែង នៅពេលថ្មីៗនេះ រដ្ឋបាលខេត្តកំពង់ធំ បានរៀបចំបំពាក់ប្រព័ន្ធកាមេរ៉ាសុវត្ថិភាពតាមទីសាធារណៈសំខាន់ៗដោយជំហានទី១ មានចំនួន ២៣ទីតាំង ស្មើនឹង ៦២គ្រឿង។ នេះបើតាម លោក នួន ផារ័ត្ន អភិបាលខេត្តកំពង់ធំ បានប្រាប់«កម្ពុជាថ្មី» នាថ្ងៃទី១៨ ខែមីនា ឆ្នាំ២០២៥។

លោកអភិបាលខេត្ត បានបញ្ជាក់ថា ការរៀបចំបំពាក់ប្រព័ន្ធកាមេរ៉ាសុវត្ថិភាពនេះ មានគោលបំណងក្នុងការចូលរួមពង្រឹងសន្តិសុខ សុវត្ថិភាព និងសណ្ដាប់ធ្នាប់សាធារណៈ ជូនដល់ប្រជាពលរដ្ឋក្នុងខេត្តកំពង់ធំ និងប្រជាពលរដ្ឋដែលអញ្ជើញធ្វើដំណើរឆ្លងកាត់ខេត្តកំពង់ធំ ជាពិសេស ដើម្បីការពារឥស្សរជនជាន់ខ្ពស់ គណៈប្រតិភូ ភ្ញៀវទេសចរជាតិ-អន្តរជាតិ នៅក្នុងព្រឹត្តិការណ៍សំខាន់ផ្សេងៗ ដែលប្រារព្ធធ្វើឡើងក្នុងបរិវេណក្រុងស្ទឹងសែន ខេត្តកំពង់ធំ។

ទន្ទឹមនេះ ការរៀបចំបំពាក់ប្រព័ន្ធកាមេរ៉ាសុវត្ថិភាពនេះ គឺជាផ្នែកមួយនៃការរៀបចំហេដ្ឋារចនាសម្ព័ន្ធទីក្រុងវៃឆ្លាត សំដៅចូលរួមបម្រើដល់ការរស់នៅរបស់ប្រជាពលរដ្ឋឱ្យកាន់តែប្រសើរឡើង ស្របតាមគោលនយោបាយឌីជីថលរបស់រាជរដ្ឋាភិបាលកម្ពុជា។ នេះជាការបញ្ជាក់បន្ថែមរបស់លោកអភិបាលខេត្ត។

បើតាមលោកអភិបាលខេត្ត គោលបំណងទី១ របស់រដ្ឋបាលខេត្តកំពង់ធំ ក្នុងការរៀបចំតុបតែងសង្រ្កាន្តកំពង់ធំ គឺដើម្បីរៀបចំទីតាំងកំសាន្តសប្បាយជូនដល់ប្រជាពលរដ្ឋខេត្តកំពង់ធំ ទាំងអ្នកក្រុងស្ទឹងសែន និងពលរដ្ឋដែលអញ្ជើញមកពីស្រុកទាំង៨ របស់ខេត្តកំពង់ធំ បានកំសាន្តសប្បាយអបអរសាទរឆ្នាំថ្មី។

ជាមួយគ្នានេះ រដ្ឋបាលខេត្តកំពង់ធំ មានគោលបំណងប្រែក្លាយខេត្តកំពង់ធំ ជាទីតាំងដែលធ្លាប់ត្រូវបានស្គាល់ថាជា « ខេត្តដែលគេទៅហួសមកហួស » ក្លាយជាគោលដៅជាទីចាប់អារម្មណ៍មួយសម្រាប់ទេសចរជាតិ និងអន្តរជាតិ ចូលមកកំសាន្តលេង បានស្គាល់ចំណុចពិសេសរបស់ខេត្តកំពង់ធំ ដែលជាទឹកដីនៃអតីតរាជធានីមួយរបស់កម្ពុជានៅសម័យមុនអង្គរ។

ចំណែក លោក ឡុង ឌីម៉ង់ អភិបាលរងខេត្តព្រះសីហនុ បានឱ្យ«កម្ពុជាថ្មី» ដឹងដែរថា ក្នុងឱកាសពិធីបុណ្យចូលឆ្នាំថ្មីប្រពៃណីជាតិខ្មែរ ខាងមុខនេះ រដ្ឋបាលខេត្ត នឹងរៀបចំសង្ក្រាន្តឆ្នាំថ្មី នៅកៀកនឹងក្រុងកំពង់សោម ជាប់នឹងក្រុងព្រះសីហនុ កន្លែងទីតាំងលោកយាយម៉ៅ។ លោកថា ការរៀបចំព្រិត្តិការណ៍សង្ក្រាន្ត នៅក្នុងខេត្តព្រះសីហនុ ក៏ដូចទៅនឹងបណ្តាទីតាំងផ្សេងៗទៀតនៅក្នុងប្រទេសកម្ពុជាដែរ គឺមានល្បែងកម្សាន្តប្រជាប្រិយ ដូចជា លេងអង្គញ់ ចោលឈូង ទាញព្រ័ត្រ វាយក្អម និងឡើងសសរខ្លាញ់ជាដើម។

បន្ថែមពីនេះ ក៏មានព្រឹត្តិការណ៍ផ្សេងៗទៀត ដូចជាការប្រគុំតន្ត្រី ការប្រឡងប្រណាំងធ្វើម្ហូបខ្មែរ ពីសំណាក់យុវជន សិស្ស និស្សិត នៅក្នុងខេត្ត។ ទន្ទឹមនោះ ទីតាំងផ្សេងៗទៀត ដែលជាទីប្រជុំជនក្នុងក្រុងព្រះសីហនុ និងនៅតាមទីតាំងរមណីដ្ឋាន ទីប្រជុំជន វត្តអារាម ផ្សេងៗនៅតាមក្រុង ស្រុក ទាំងអស់ ក៏បានណែនាំឱ្យមានការរៀបចំព្រឹត្តិការណ៍សង្ក្រាន្តផងដែរ។

លើសពីនេះ លោកក៏បានណែនាំ ឱ្យបណ្តាមន្ទីរ អង្គភាពពាក់ព័ន្ធ ក៏ដូចជាស្ថាប័នទាំងអស់ចំណុះខេត្ត រៀបចំការតុបតែងលម្អ បដាពាក្យស្លោក ព្រះឆាយល័ក្ខព្រះមហាក្សត្រ និងសារជូនពរជាដើម។ រីឯអាជ្ញាធរខេត្ត ក៏បានរៀបចំការបំពាក់ភ្លើង ការរៀបចំភ្លើងពណ៌នៅតាមទីប្រជុំជនក្នុងក្រុងផងដែរ។

ដោយឡែក រដ្ឋបាលខេត្តបន្ទាយមានជ័យ នាពេលថ្មីៗនេះ ក៏បានប្រកាសរៀបចំកម្មវិធីសង្ក្រាន្ដ ចាប់ពីថ្ងៃទី១៤-១៧ ខែមេសា ឆ្នាំ២០២៥ នៅសួនតេជោ ឈ្នះ ឈ្នះ ក្រុងសិរីសោភ័ណ ដើម្បីអបអរពិធីបុណ្យចូលឆ្នាំខ្មែរ។ ព្រមទាំងបានចេញសេចក្តីណែនាំមួយចំនួនដល់ស្នងការដ្ឋាននគរបាលខេត្ត បញ្ជាការដ្ឋានកងរាជអាវុធហត្ថខេត្ត បញ្ជាការដ្ឋានតំបន់ប្រតិបត្តិ ការសឹករងខេត្ត កងកម្លាំងឈរជើងក្នុងខេត្ត គណៈបញ្ហាការឯកភាពរដ្ឋបាលគ្រប់ក្រុង-ស្រុក ត្រូវមាន ផែនការណែនាំជាក់ស្តែង ដល់អង្គភាពក្រោមឱវាទ ចាត់តាំងក្រុមប្រចាំការ២៤ម៉ោង លើ២៤ម៉ោង ដើម្បីបង្កើនកិច្ចសហការការពារថែរក្សាសន្តិសុខរបៀបរៀបរយ សណ្តាប់ធ្នាប់សង្គម បង្កបានភាពសប្បាយ រីករាយ ធានាសុវត្ថិភាពជូនមហាជន ភ្ញៀវជាតិ អន្តរជាតិ មុន-ក្រោយ និងក្នុងពេលប្រារព្ធពិធីបុណ្យ ប្រពៃណីជាតិនេះផងដែរ៕

ដោយ៖ គេន ម៉ាលិះ

The post បណ្តារាជធានី-ខេត្ត ចាប់ផ្តើមតុបតែងត្រៀមរៀបចំសង្ក្រាន្តឆ្នាំថ្មី ដោយខេត្តខ្លះបានបំពាក់កាមេរ៉ាសុវត្ថិភាពដើម្បីង្រឹងសន្តិសុខ appeared first on Kampuchea Thmey Daily.

លោកបានលើកឡើងបែបនេះ នៅក្នុងកិច្ចប្រជុំអនុគណៈកម្មការដឹកនាំរៀបចំពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៥ ដែលរៀបចំនៅសាលប្រជុំ ផអ៣ សាលាខេត្ត នាព្រឹកថ្ងៃទី១២ ខែមីនា ឆ្នាំ២០២៥។ កិច្ចប្រជុំនេះ ក៏មានការអញ្ជើញចូលរួមពីសំណាក់ លោក លោកស្រី ជាប្រធាន-អនុប្រធានមន្ទីរអង្គភាព តំណាងក្រុមហ៊ុនវឌ្ឍនៈ និងមន្ត្រីពាក់ព័ន្ធជាច្រើននាក់។

លោក ហាន កុសល បានលើកឡើងថា នៅសល់ពេលតែ ១ខែទៀតប៉ុណ្ណោះ កាលបរិច្ឆេទ នៃការរៀបចំពិធីបុណ្យប្រពៃណីជាតិខ្មែរ នឹងឈានមកដល់។ លោកបានបញ្ជាក់ថា «តួនាទី ភារកិច្ច នៃគណៈកម្មធិការខេត្តបានបែងចែករួចហើយ គឺអនុគណៈកម្មការមានភារកិច្ចរៀបចំព្រឹត្តិការណ៍ និងសោភ័ណ្ឌភាពសង្ក្រាន្តកំពង់ចាម នារយៈពេល ៣ថ្ងៃ នៃថ្ងៃសង្ក្រាន្ត ប៉ុន្តែភារកិច្ចនេះ អ្នកពាក់ព័ន្ធទាំងអស់ត្រូវទទួលខុសត្រូវមុនថ្ងៃប្រារព្ធពិធីដែលនឹងឈានមកដល់»។ ដូច្នេះ សូមឱ្យសមាជិក នៃអនុគណៈកម្មការនិងមន្ត្រីពាក់ព័ន្ធទាំងអស់ ត្រូវយកចិត្តទុកដាក់ អនុវត្ត នូវតួនាទី ភារកិច្ច និងការទទួលខុសត្រូវ របស់ខ្លួន ដោយធ្វើយ៉ាងណា ជំរុញឱ្យការរៀបចំព្រឹត្តិការណ៍សង្ក្រាន្ត នៅខេត្តកំពង់ចាម បានដំណើរការល្អប្រសើរ និងអធិកអធម ជាងបណ្ដាឆ្នាំមុនៗ។

គូសបញ្ជាក់ថា ដើម្បីចូលរួមអបអរសាទរពិធីបុណ្យចូលឆ្នាំថ្មី ឆ្នាំម្សាញ់ព.ស ២៥៦៩ នាពេលខាងមុខនេះ រដ្ឋបាលខេត្តកំពង់ចាម គ្រោងរៀបចំកម្មវិធីកំសាន្តសប្បាយៗ ជាច្រើន មានដូចជា ការប្រគុំតន្ត្រី ប្រដាល់គុណខ្មែរ តាំងពិព័ណភូមិ១ ផលិតផល១ ពិព័ណម្ហូបអាហារ ប្រចាំតំបន់ ក្នុងខេត្តកំពង់ចាម ល្បែងប្រជាប្រិយ និងកម្មវិធីកំសាន្តសប្បាយផ្សេងៗ ជាច្រើនទៀត ផងដែរ នារយៈពេល ៣ថ្ងៃ គឺថ្ងៃទី១៤, ១៥ និងថ្ងៃទី១៦ ខែមេសា ឆ្នាំ២០២៥ ខាងមុខនេះ៕

The post អភិបាលរងខេត្តកំពង់ចាម ជំរុញមន្ត្រីពាក់ព័ន្ធយកចិត្តទុកដាក់រៀបចំព្រឹត្តិការណ៍សង្ក្រាន្ត ឱ្យបានល្អជាងឆ្នាំមុនៗ appeared first on Kampuchea Thmey Daily.

ជាមួយគ្នានេះ សម្ដេច ហ៊ុន​ ម៉ាណែត ក៏បានថ្លែងអំណរគុណដល់ពលរដ្ឋ  និងភ្ញៀវបរទេសទាំងអស់ ដែលបានចូលរួមលេងកំសាន្តប្រកបដោយភាពរីករាយ  ព្រមទាំងថែរក្សាបាននូវប្រពៃណីវប្បធម៌ដ៏ផូរផង់របស់ខ្មែរ។  តាមសម្ដេចធិបតី ពលរដ្ឋអាចសប្បាយរីករាយក្នុងពិធីបុណ្យចូលឆ្នាំថ្មីប្រពៃណីជាតិខ្មែរ ព្រោះតែកត្តាចម្បងបំផុត  គឺម្លប់នៃសុខសន្តិភាព ដែលបានផ្តល់នូវឱកាសឱ្យប្រជាជនខ្មែរគ្រប់រូប  អាចរួមរស់ប្រកបដោយកុសលធម៌ និងសាមគ្គីធម៌ ក្នុងធ្លុងជាមហាគ្រួសារខ្មែរតែមួយ នៅលើទឹកដីមាតុភូមិអង្គរដ៏បវរជាទីស្នេហា និងក្នុងសេចក្តីសុខក្សេមក្សាន្ត កិត្តិយស និងសេចក្តីថ្លៃថ្នូរ ជាដរាបតរៀងទៅ។

ជាចុងក្រោយ សម្ដេចនាយករដ្ឋមន្ត្រី ប្រគេនពរដល់ព្រះតេជព្រះគុណគ្រប់ព្រះអង្គ និងជូនពរដល់សម្ដេច ប្រជាពលរដ្ឋខ្មែរទាំងអស់ ឱ្យជួបប្រទះតែសុខភាពល្អ សុភមង្គល និងទទួលបានសិរីសួស្តីជោគជ័យគ្រប់ប្រការ ព្រមជាមួយនឹងពុទ្ធពរទាំងឡាយបួនប្រការ គឺអាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។ បន្ថែមពីនេះ សម្ដេច ក៏បានជូនពរដល់ប្រជាពលរដ្ឋ ដែលមិនមែនជាពុទ្ធសាសនិកជន នៅពរជ័យសិរីសួស្ដី ជ័យជម្នះគ្រប់ប្រការ កុំបីអាក់ខានឡើយ និងធ្វើដំណើរប្រកបដោយភាពប្រុងប្រយ័ត្ន និងសុខសុវត្ថិភាព។

គួរជម្រាបថា តាមរបាយការណ៍ស្ថិតិទេសចរណ៍ រយៈពេល៣ថ្ងៃ នៃពិធីបុណ្យចូលឆ្នាំថ្មីប្រពៃណីជាតិខ្មែរ រាប់ចាប់ពីថ្ងៃទី១៣​ ដល់ថ្ងៃទី១៥ ខែមេសា មានភ្ញៀវទេសចរជាតិចំនួន១៣ ២៧៧ ៥៥៦ នាក់ និងទេសចរបរទេស៨១ ៧៤៥ នាក់បានដើរលេងកម្សាន្តនៅទូទាំងប្រទេសកម្ពុជា៕

The post នាយករដ្ឋមន្ត្រីអរគុណអ្នកអនាម័យ អាជ្ញាធរ ដែលរៀបចំបុណ្យចូលឆ្នាំខ្មែរបានរលូនពេញដោយក្ដីរីករាយ appeared first on Kampuchea Thmey Daily.

ការថ្លែងបែបនេះក្នុងឱកាសដែលលោក ស សុខា អញ្ជើញសំណេះសំណាល និងថ្លែងអំណរគុណដល់កងកម្លាំង ក្រុមគ្រូពេទ្យ បុគ្គលិកអនាម័យ និងក្រុមការងាររៀបចំព្រឹត្តិការណ៍សង្ក្រាន្តព្រៃវែង ឆ្នាំ២០២៤ នាព្រឹកថ្ងៃទី១៦ ខែមេសានេះ។

លោក ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រៃវែង បានថ្លែងអំណរគុណយ៉ាងចំពោះថ្នាក់ដឹកនាំ និងសមាជិក សមាជិកា នៃអនុគណៈកម្មការ ក្រុមការងារពាក់ព័ន្ធ ជាពិសេសកងកម្លាំង ក្រុមគ្រូពេទ្យ និងបុគ្គលិកអនាម័យ បរិស្ថានទាំងអស់ ដែលបានខិតខំបំពេញការងារយ៉ាងសស្រាក់សស្រាំ ធ្វើឱ្យព្រឹត្តិការណ៍សង្ក្រាន្តព្រៃវែង រយៈពេល៤ថ្ងៃកន្លងមកនេះ បានប្រព្រឹត្តទៅប្រកបដោយជោគជ័យយ៉ាងត្រចះត្រចង់។

លោក ស សុខា បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់រដ្ឋបាលខេត្តព្រៃវែង ក៏ដូចជាអង្គភាពពាក់ព័ន្ធគ្រប់ផ្នែកទាំងអស់ ជាពិសេសក្រុមយុវជនស្ម័គ្រចិត្ត ស.ស.យ.ក ខេត្តព្រៃវែង ដែលបានយកចិត្តទុកដាក់បំពេញការងាររបស់ខ្លួនទៅតាមតួនាទី និងភារកិច្ច ប្រកបដោយការទទួលខុសត្រូវខ្ពស់ រក្សាបាននូវសន្តិសុខ សុវត្ថិភាព និងសណ្តាប់ធ្នាប់របៀបរៀបរយល្អ បង្កបរិយាកាសសប្បាយរីករាយជូនដល់ប្រជាពលរដ្ឋ ដែលមកលេងកម្សាន្តក្នុងព្រឹត្តិការណ៍នេះ ដោយពុំមានការភ័យខ្លាច និងសុខសុវត្ថិភាព។

លោក ស សុខា បានគូសបញ្ជាក់ថា តាមរយៈការចូលរួមដោយផ្ទាល់របស់លោក នៅក្នុងព្រឹត្តិការណ៍សង្ក្រាន្តព្រៃវែង ឆ្នាំ២០២៤ ក្នុងសកម្មភាពនានា ទាំងសកម្មភាពសាសនា ក៏ដូចជាប្រពៃណីទំនៀមទម្លាប់ រួមទាំងការចូលរួមលេងល្បែងប្រជាប្រិយខ្មែរមួយចំនួនផងនោះ លោក បានកត់សម្គាល់ឃើញនូវស្នាមញញឹមនៅលើផ្ទៃមុខបង្កប់ដោយភាពសប្បាយរីករាយ ប្រកបដោយក្តីសង្ឃឹមជឿជាក់របស់ប្រជាពលរដ្ឋ ជាពិសេសយុវជនចំពោះការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។

ជាងនេះទៅទៀត លោកឧបនាយករដ្ឋមន្ត្រី ស សុខា ក៏មានជំនឿជឿជាក់ថា ស្នាមញញឹមបែបនេះ មិនមែនកើតឡើងសម្រាប់ប្រជាពលរដ្ឋខេត្តព្រៃវែងប៉ុណ្ណោះទេ ស្នាមញញឹមប្រកបដោយក្តីសង្ឃឹមនេះ ក៏មុខជាឃើញប្រាកដឡើងនៅលើផ្ទៃមុខរបស់ប្រជាពលរដ្ឋខ្មែរនៅទូទាំងប្រទេសដូចគ្នាជាក់ជាមិនខាន។ លោក ថា នេះហើយជាផ្លែផ្កានៃសន្តិភាព និងស្ថិរភាពនយោបាយ កើតចេញពីលទ្ធផលនៃនយោបាយឈ្នះឈ្នះ ដែលមានសម្តេចតេជោ ហ៊ុន សែន អតីតនាយករដ្ឋមន្ត្រី ជាស្ថាបនិក។

លោក បន្តទៀតថា ពាក់ព័ន្ធនឹងការរៀបចំព្រឹត្តិការណ៍សង្ក្រាន្តនេះដែរ សម្តេចតេជោ ហ៊ុន សែន ក៏ធ្លាប់បានថ្លែងនៅពេលដែលសម្តេច អញ្ជើញបើកព្រឹត្តិការណ៍អង្គរសង្ក្រាន្តឆ្នាំ២០២៣ នៅខេត្តសៀមរាប ថា សុខសន្ដិភាព ស្ថិរភាពខាងនយោបាយ គឺជាកត្តាដ៏សំខាន់ ដែលផ្ដល់ឱកាសសម្រាប់ការសប្បាយរីករាយរបស់ប្រជាជនយើង គ្មានការសប្បាយណាមួយដែលអាចកើតឡើងនៅក្រោមគ្រាប់បែក គ្រាប់ផ្លោង និងក្នុងសង្រ្គាមនោះទេ៕

The post លោក ស សុខា៖ សង្ក្រាន្តព្រៃវែង បានបង្ហាញនូវមហាកម្លាំងសាមគ្គីភាពរវាងខ្មែរ និងខ្មែរ ក្រោមម្លប់សន្តិភាព appeared first on Kampuchea Thmey Daily.