ព្រះអង្គម្ចាស់ William និងព្រះអង្គម្ចាស់ Harry ធំឡើងក្នុងភាពប្រណីត រស់នៅក្នុងវិមាន kensington ហើយចំពេលមានព្រះរាជពិធីរបស់រាជវង្សអង់គ្លេស គ្មានអ្នកណាដែលធ្លាប់គិតថា កាលនៅក្មេង ទ្រងព្រះអង្គទាំងពីរធ្លាប់ជាអតិថិជនធម្មតានៃភោជនីយដ្ឋានអាហាររហ័សដ៏ល្បីលើពិភពលោកគឺ McDonald’s។

ទោះបីជាទ្រង់ទាំងពីរគឺជាសមាជិកជាន់ខ្ពស់នៃរាជវង្សអង់គ្លេស ដែលមានព្រះអង្គម្ចាស់ William គឺជាអ្នកដំបូងគេក្នុងជួររាជបល្ល័ង្ក ខណៈព្រះអង្គម្ចាស់ Harry បច្ចុប្បន្នមិនមែនជាសមាជិកផ្លូវការនៃរាជវង្សទេ។ ប៉ុន្តែ​ទ្រង់​ទាំងពីរ​ត្រូវ​បាន​ចិញ្ចឹម​បីបាច់​ដោយមាតាគឺ​ព្រះនាង​ Diana​ ដែល​មាន​ទស្សនៈ​ក្នុង​ការ​រស់នៅ​សាមញ្ញបំផុត។ ក្រោម​គោល​គំនិត​នៃ​ការ​រស់​នៅ​ក្នុង​ជីវិត​សាមញ្ញ និង​ស្និទ្ធស្នាល​ជាមួយ​មនុស្ស​សាមញ្ញ ព្រះនាង​មាន​បំណង​ឲ្យ​បុត្រា​យល់​ថា ពិភពលោក​មិន​មែន​មាន​តែ​បល្ល័ង្ក និង​មកុដ​ប៉ុណ្ណោះទេ។

អតីតមេចុងភៅរាជវង្សលោក Darren McGrady ដែលបានបម្រើការនៅវិមាន Kensington អស់រយៈពេល១៥ ឆ្នាំបានបង្ហាញពីហេតុផលនៅពីក្រោយការសម្រេចចិត្តរបស់ព្រះនាង ដែលកាលណោះទ្រង់បាននាំបុត្រាទៅហាងអាហារ McDonald’s។

ថ្លែងនៅក្នុងបទសម្ភាសន៍ជាមួយ Heart Bingo គាត់បាននិយាយថា នៅថ្ងៃមួយនៅពេលថ្ងៃត្រង់ នៅពេលដែលខ្ញុំកំពុងរៀបចំអាហារថ្ងៃត្រង់ ព្រះនាងបានចូលមក ហើយនិយាយថា ឈបធ្វើអាហារថ្ងៃត្រង់ថ្ងៃនេះ ពួកយើងនឹងយកក្មេងៗចេញក្រៅ។ ពេលនោះខ្ញុំបានសួរថា តើព្រះបុត្រានឹងទៅណា? ព្រះនាងបាននិយាយថា ទៅហាងអាហារ McDonald’s។ ភ្លាមៗ ខ្ញុំបានតបទៅវិញថា ខ្ញុំក៏អាចធ្វើហាំប៊ឺហ្គឺល្អជាង McDonald’s ទៀត។

ដោយមិនបង្អង់ព្រះនាងមានបន្ទូលតបវិញថា យើង​ដឹង​ហើយ Darren ប៉ុន្តែ​ក្មេងៗ​ចង់​បាន​របស់​ក្មេង​លេង​ដូចកុមារដទៃទៀត។ ប៉ុន្តែនៅពីក្រោយភាពសាមញ្ញនោះ ការឆ្លុះបញ្ចាំងពីគោលគំនិតដ៏ជ្រាលជ្រៅនៃការចិញ្ចឹមបីបាច់ថែរក្សាព្រះនាង Diana ចង់ឲ្យកូនៗរបស់ទ្រង់បានឃើញពិភពលោកពិត​ ពោលគឺពិភពលោកហួសពីជញ្ជាំងរាជវាំង។

យ៉ាងណាមិញ ចំពោះសេចក្តីស្រឡាញ់របស់ព្រះនាង Diana មិនត្រឹមតែបង្ហាញដោយភាពទន់ភ្លន់ប៉ុណ្ណោះទេ ប៉ុន្តែ​វា​នៅ​តែ​ស្ថិត​ក្នុង​បំណង​របស់​ទ្រង់​ក្នុង​ការ​បណ្តុះ​ចិត្ត​មេត្តា ស្មារតីនៃជំនួយ និងការយល់ដឹងពីសង្គមសម្រាប់បុត្រាទាំងពីរព្រះអង្គរបស់ទ្រង់។

សព្វ​ថ្ងៃ​នេះ ព្រះអង្គម្ចាស់ William ត្រូវ​បាន​គេ​មើល​ឃើញ​ថា ​កំពុង​បន្ត​ការ​ចិញ្ចឹម​បីបាច់​របស់​មាតា រួមគ្នាជាមួយភរិយារបស់ព្រះអង្គម្ចាស់ក្សត្រី Kate កំពុងចិញ្ចឹមកូនបីនាក់ព្រះអង្គម្ចាស់ George, ព្រះនាង Charlotte និងព្រះអង្គម្ចាស់ Louis ក្នុងវិធីសាមញ្ញ មនុស្សធម៌ និងជីវិតពិតជាក់ស្ដែង។ ព្រោះការធ្វើជាព្រះនាង-ព្រះអង្គម្ចាស់ មិនមានន័យថាទ្រង់មិនអាចសោយ McDonald’s បានទេ ហើយវាមិនមានន័យថាអ្នកត្រូវតែរស់នៅក្នុងជីវិតឯកោពីពិភពពិតនោះដែរ៕

អត្ថបទ៖ សាង ស្រីល័ក្ខ

ចុចអាន៖អធិរាជ ជប៉ុន បង្ហោះរូបភាពលើអ៊ីនធឺណិតលើកដំបូង ផ្ទុះការទាក់ចិត្តពីប្រជានុរាស្ត្រក្មេងៗចុចអាន៖

The post រឿងក្រោយឆាក ដែលព្រះនាង Diana បដិសេធក្រយាក្នុងវាំង ដើម្បីនាំបុត្រាសោយអាហារនៅហាងសាមញ្ញ appeared first on Kampuchea Thmey Daily.

រ៉ូបនៃការសងសឹកជា រ៉ូបដែលព្រះនាងគ្រងក្នុងថ្ងៃបែកព័ត៌មានដ៏ធំមួយចេញពីសែរាជវង្សប្រចាំប្រវត្តិសាស្ត្រតែម្ដង។ ជាក់ស្ដែង មានរឿងពីរកើតឡើងនៅយប់ដ៏សែនអាក្រក់នោះរួមមាន ព្រះនាង Diana បានបង្ហាញព្រះកាយជាសាធារណៈនៅក្នុងពិធីជប់លៀងមួយដែលរៀបចំដោយ Vanity Fair និងការចាក់បញ្ចាំងភាពយន្តឯកសារទាំងអស់របស់ព្រះអង្គម្ចាស់ Charles លើកញ្ចក់ទូរទស្សន៍ជាតិ ។

ភាពយន្តឯកសារនេះធ្វើឡើងក្នុងកិច្ចខិតខំប្រឹងប្រែងដើម្បីធ្វើឱ្យព្រះអង្គម្ចាស់ Charles ទទួលពន្លឺនៃក្ដីអាណិតអាសូរបន្ថែមទៀតពីមហាជនបន្ទាប់ពីការបែកគ្នានឹងព្រះនាង​ Diana ក្នុងឆ្នាំ ១៩៩១ ។

យ៉ាងណាក្ដីលទ្ធផលមិនល្អដូចការរំពឹងទុករបស់ព្រះអង្គម្ចាស់សោះ អ្នកសម្ភាសន៍បានសួរសំណួរវាយប្រហារទ្រង់ចំៗថា “តើព្រះអង្គជាព្រះស្វាមីស្មោះត្រង់ និងផ្ដល់កិត្តិយសឲ្យព្រះនាងឬអត់?” ។ ចំណែកឯព្រះអង្គម្ចាស់វិញមានព្រះបន្ទូលទាំងម៉ឺងម៉ាត់ថា “ស្មោះរហូតដល់យើងទៅមុខលែងរួច” ព្រះបន្ទូលនេះហើយធ្វើឲ្យមានការបែកធ្លាយពីភាពមិនស្មោះត្រង់របស់ទ្រង់ចំពោះព្រះមហេសី ។

មហាជនបង្ហាញពីការស្អប់ខ្ពើមជាខ្លាំងចំពោះរឿងសាហាវស្មន់ដែលបែកធ្លាយជាមួយម្ចាស់ក្សត្រី Camilla បច្ចុប្បន្នជាម្ចាស់ក្សត្រីនៃចក្រភពអង់គ្លេស ជាពិសេសធ្វើឲ្យមានការសង្ស័យទៅលើរឿងព្រះនាង Diana គ្រោះថ្នាក់ចរាចរណ៍ផងដែរថា ព្រះអង្គម្ចាស់ Chales រៀបគម្រោងធ្វើគុតព្រះនាងដើម្បីម្ចាស់ក្សត្រី Camilla ៕

ប្រែសម្រួលដោយ ៖ វារី

ចុចអាន ៖ តារាល្បីម្នាក់ចំណាយប្រាក់ជិត ២០ម៉ឺនដុល្លារ ដេញថ្លៃបន្តោងខ្សែកព្រះនាង Diana

ចុចអាន ៖ រ៉ូបដែលព្រះនាង Diana សព្វព្រះរាជហឫទ័យ ជិតដល់ថ្ងៃដេញថ្លៃហើយ

The post រឿងពិតនៅពីក្រោយ “រ៉ូបពណ៌ខ្មៅ” របស់ព្រះនាង Diana appeared first on Kampuchea Thmey Daily.

លោក Kristian Sfforth ប្រធានផ្នែកគ្រឿងអលង្ការរបស់ Sotheby’s London មាន​សេចក្តី​សោមនស្សជាខ្លាំង​ចំពោះការដេញថ្លៃវត្ថុមានតម្លៃដោយអ្នកស្រី Kim ព្រោះនាងជាបុគ្គលល្បី និងសាកសមស្នងតំណែងជាម្ចាស់ជំនួសព្រះនាង Diana ឥតទាស់ ។ និយាយពីបន្តោងខ្សែកព្រះនាងវិញ វាបានធ្វើឡើងក្នុងឆ្នាំ ១៩២០ ដោយ Garrard និងជាវដោយលោក Naim Attallah ត្រូវជាមិត្តភក្តិព្រះនាង Diana ក្នុងឆ្នាំ ១៩៨០ ។ ព្រះនាងបានពាក់វាក្នុងឆ្នាំ ១៩៨៧ ខែតុលា ជាមួយរូប Catherine Walker ដើម្បីចូលរួមកម្មវិធីសប្បុរសធម៌ Birthright ក្នុងទីក្រុងឡុងដ៍ ។ 

ជាចុងក្រោយលោក Ramsay Attalah កូនប្រុសលោក Naim Attalah បានឲ្យដឹងថា ព្រះនាង Diana ជាមនុស្សតែម្នាក់គត់ដែលបានពាក់ខ្សែកនេះពីមុនមក ហើយលោក Ramsay មិនដែរឃើញនរណាផ្សេងក្រៅពីព្រះនាងពាក់វាឡើយសូម្បីម្ដង ៕

ប្រែសម្រួលដោយ ៖ វារី

ចុចអាន ៖ រ៉ូបដែលព្រះនាង Diana សព្វព្រះរាជហឫទ័យ ជិតដល់ថ្ងៃដេញថ្លៃហើយ

ចុចអាន ៖ ជនអនាមិកដេញថ្លៃខ្ពស់បំផុតលើរថយន្ត Ford Escort ដែលព្រះនាង Diana សព្វព្រះរាជហឫទ័យជាងគេ

The post តារាល្បីម្នាក់ចំណាយប្រាក់ជិត ២០ម៉ឺនដុល្លារ ដេញថ្លៃបន្តោងខ្សែកព្រះនាង Diana appeared first on Kampuchea Thmey Daily.

ក្នុងវគ្គមួយ Harry សរសេរពីការចងចាំពេលទ្រង់កាន់ទឹកអប់របស់ព្រះនាង Diana រួចបើកគំរបទឹកអប់ស្រង់ក្លិនមាតាដើម្បីបំបាត់ភាពនឹករលឹកដែលពិបាកទ្រាំនៅក្នុងខ្លួន ។ ព្រះអង្គម្ចាស់ Harry ស្រង់ក្លិនទឹកអប់ប្រៀបបីដូចជាឱសថ LSD ដែលមានសមត្ថភាពផ្លាស់ប្ដូរអារម្មណ៍យ៉ាងមានឥទ្ធិពល ហើយទឹកអប់នោះគឺ First ដោយ Van Cleef & Arpels ។

ទឹកអប់នេះផងដែរ គេផ្សំវាពី hyacinth, ផ្កាកុលាប, ផ្កាម្លិះ, amber និង sandalwood យ៉ាងណាមិញវាមិនមែនជាទឹកអប់សំណព្វចិត្តតែមួយរបស់ព្រះនាងទេ នៅមានទឹកអប់ផ្សេងៗទៀតដូចជា  Penhaligon’s Bluebell, Hermès 24 Faubourg និង Houbigant Paris Quelques Fleurs ។

ក្រៅពីទឹកអប់ព្រះនាង Diana ព្រះអង្គម្ចាស់ Harry នៅចាំក្លិនមួយទៀតដែលព្រះអង្គម្ចាស់ Charles ជាបិតាបាញ់មុនថ្ងៃកើតហេតុគឺ Dior Eau Sauvage ៕

ប្រែសម្រួលដោយ ៖ វារី

ចុចអាន ៖ រ៉ូបដែលព្រះនាង Diana សព្វព្រះរាជហឫទ័យ ជិតដល់ថ្ងៃដេញថ្លៃហើយ

ចុចអាន ៖ ព្រះអង្គម្ចាស់ Harry បង្ហើបថា ធ្លាប់ប្រើថ្នាំផ្លូវចិត្តបន្ទាប់ពីបាត់បង់មាតាជាទីស្រលាញ់ 

The post ទើបតែដឹងថាព្រះអង្គម្ចាស់ Harry ហិតទឹកអប់ព្រះមាតា ដើម្បីបំបាត់ចិត្តនឹករលឹក appeared first on Kampuchea Thmey Daily.

វា​ជា​រ៉ូប​ដ៏​លេចធ្លោមួយក្នុងចំណោមរ៉ូបជាច្រើន​របស់​ព្រះនាង ទ្រង់ធ្លាប់ស្លៀកវាដើម្បីថតរូបជាមួយព្រះអង្គម្ចាស់ Charles ក្នុងឆ្នាំ ១៩៩១ ដោយមានព្រះអង្គម្ចាស់ Snowdon ជាអ្នកថត ។ នៅឆ្នាំដដែលនោះ វិចិត្រករ Douglas Hardinge Anderson បានគូររូបព្រះនាងស្លៀករ៉ូបស្វាយខាងលើនេះម្ដងទៀតដើម្បីដាក់តាំងនៅមន្ទីរពេទ្យ Royal Marsden (ជាមន្ទីរពេទ្យដែលទទួលជំនួយពីព្រះនាង) ។ ក្រោយមក ក្នុងឆ្នាំ ១៩៩៨ ក្រុមហ៊ុនផលិតតុក្កតា Franklin Mint ក៏ធ្វើតុក្កតាព្រះនាង ​Diana ស្លៀករ៉ូបស្វាយនេះជាផលិតផលចំនួនមានកំណត់ទៀតផង ។

យ៉ាងណាមិញ រ៉ូបនេះត្រូវបានគេដាក់ដេញថ្លៃនៅថ្ងៃទី២៧ ខែមករា ខាងមុខនេះហើយ ។ នាយកផ្នែកសិល្បៈ និងវត្ថុសកលរបស់ Sotheby រំពឹងថានឹងអាចដេញថ្លៃបានរហូតដល់ ១២ម៉ឺនដុល្លារ ឯណោះ ទោះបីជាធ្លាប់មានអ្នកទិញម្ដងរួចមកហើយកាលពីឆ្នាំ ១៩៩៧៕ 

ប្រែសម្រួលដោយ ៖ វារី

ចុចអាន ៖ ជនអនាមិកដេញថ្លៃខ្ពស់បំផុតលើរថយន្ត Ford Escort ដែលព្រះនាង Diana សព្វព្រះរាជហឫទ័យជាងគេ

ចុចអាន ៖ មកទស្សនាបណ្ដុំសំលៀកបំពាក់ Meghan តែងប្រើប្រាស់ស្ទីលស្រដៀងព្រះនាង Diana ដែលជាមាតាក្មេក

The post រ៉ូបដែលព្រះនាង Diana សព្វព្រះរាជហឫទ័យ ជិតដល់ថ្ងៃដេញថ្លៃហើយ appeared first on Kampuchea Thmey Daily.

ទ្រង់មានបន្ទូលថា “ខ្ញុំមានអារម្មណ៍ធ្ងន់ទ្រូងជាច្រើនឆ្នាំ ហើយខ្ញុំមិនអាចយំចេញសោះ ដូច្នេះទើបខ្ញុំព្យាយាមរកវិធីដើម្បីយំ” ។ ក្រោយមកព្រះអង្គម្ចាស់ Harry ងាកទៅរកការព្យាបាលដោយប្រើប្រាស់ព្រះឱសថដូចជា ayahuasca, psilocybin និងផ្សិតជាដើម ។ ទ្រង់បន្តទៀតថា “ខ្ញុំមិនណែនាំអ្នកឲ្យប្រើឱសថទេ ប៉ុន្តែប្រើដើម្បីបំភ្លេចមនុស្សសំខាន់ៗបាន បើអ្នកកំពុងជួបទុក្ខលំបាកវេទនាខ្លាំង” ។

ព្រះអង្គម្ចាស់ Harry បញ្ជាក់ប្រាប់ថាថ្នាំនេះរំសាយអារម្មណ៍កើតទុក្ខ និងជួយដាស់តឿននូវអ្វីដែលមាតាចង់បានសម្រាប់បុត្រគឺ “សេចក្ដីសុខ” ។ ក្រៅពីនេះព្រះអង្គម្ចាស់ក៏បានបន្ទោសខ្លួនឯងជាច្រើនឆ្នាំដោយសារតែមិនសូវព្រះកន្សែងអំឡុងពេលបុណ្យសពព្រះនាង Diana ផងដែរ ការពិតទៅមិនមែនទ្រង់មិនសោយទុក្ខនោះទេ មកពីព្រះអង្គនៅក្មេងពេកមិនសូវយល់ការ និងមិនព្រមទទួលស្គាល់ការពិត ណាមួយទ្រង់ទើបតែមានអាយុ ១២ ព្រះវស្សាប៉ុណ្ណោះកាលពីថ្ងៃទី៣១ ខែសីហា ឆ្នាំ ១៩៩៧ (ជាឆ្នាំនៃគ្រោះថ្នាក់ចរាចរណ៍) ។

ខណៈមិនអស់ចិត្តនឹងការសោយទិវង្គតរបស់ព្រះមាតា ព្រះអង្គ Harry នៅតែព្យាយាមរំលឹក និងវែកញែកអំពីគ្រោះថ្នាក់រហូត ថែមទាំងបន្ទោសអ្នកតាមថតរូបយកព័ត៌មានថា “Paparazzi គឺជាចំណែកនៃគ្រោះថ្នាក់នេះ ប៉ុន្តែគ្រប់គ្នាបែរជារួចខ្លួនទៅវិញ” ៕

ប្រភព ៖ CBS

ចុចអាន ៖ រឿងរ៉ាវដ៏គួរឲ្យភ្ញាក់ផ្អើល ៧ យ៉ាង អំពីព្រះនាង Diana

The post ព្រះអង្គម្ចាស់ Harry បង្ហើបថា ធ្លាប់ប្រើថ្នាំផ្លូវចិត្តបន្ទាប់ពីបាត់បង់មាតាជាទីស្រលាញ់  appeared first on Kampuchea Thmey Daily.

គេហទំព័រ​របស់ Silverstone បាន​ពិពណ៌នា​អំពី​រថយន្ត​នេះ​ថា ​ជា​រថយន្ត Ford Escort ចុងក្រោយ និងជាកម្មសិទ្ធិរបស់ព្រះ​នាង​នៃ​ប្រទេស​វែលស៍​រវាង​ឆ្នាំ ១៩៨៥និង ១៩៨៨ ដែល​មាន​ចម្ងាយ២៤,៩៦១ ម៉ាយ​តាម​នាឡិកា។

ទោះ​យ៉ាងណា​​ ព្រះនាងត្រូវ​បាន​គេ​ឃើញ​ជា​ញឹកញាប់​ថា ​ទ្រង់​​បាន​បើកបរ​នេះ​រថយន្ត​នៅ​ជុំវិញ Chelsea និង Kensington ហើយ​បាន​កំណត់​ល្បឿន ៦,៨០០ម៉ាយ។ ជាពិសេស​ទ្រង់​បានបើកឡាន​នេះ ​ជុំវិញ​ទីក្រុង​ជាមួយបុត្រា ​គឺ​ព្រះអង្គម្ចាស់ William កាល​ទ្រង់​នៅ​ក្មេង។ រថយន្ត​នេះ​មាន​ម្ចាស់​ជាច្រើន មុនពេលធ្វើដំណើរ​ត្រឡប់ទៅក្រុមហ៊ុន Ford នេះ​បើ​យោង​តាម​គេហទំព័រ Silverstone បាន​បញ្ជាក់​យ៉ាង​ដូច្នោះ។

គេហទំព័រ Silverstone ក៏បាន​បន្ថែម​ទៀតថា ​ការដេញ​ថ្លៃនេះ​ ក៏​បាន​ទាក់ទាញចំណាប់អារម្មណ៍ពីក្រុមហ៊ុន​ជាច្រើន​ជុំវិញពិភព​លោក ហើយវាជាការ​ដេញ​ថ្លៃ​ដ៏​សាហាវ និងថ្លៃខ្លាំង។ ជាមួយ​នឹង​ការ​ដេញ​ថ្លៃ​ខ្ពស់​បំផុត​តាម​ទូរសព្ទ​ក្នុង​រយៈ​ពេល​មួយ​ទសវត្សរ៍ ការ​ដេញ​ថ្លៃ​បាន​ចាប់​ផ្ដើម​ក្នុង​តម្លៃ ១១០,៩២០.០០ដុល្លារ មុន​ពេល​តម្លៃ​ឡើង​ថ្លៃ ពីអ្នកទិញមកពីចក្រភពអង់គ្លេស​ ដែល​ជា​ជន​អនាមិក។

គួររឭកដែរថា ​កាលពី​ថ្ងៃ​ទី ៣១ខែសីហា ឆ្នាំ ២០២២ គឺជាថ្ងៃគម្រប់ខួប២៥ឆ្នាំ នៃការ​សោយទិវង្គត​របស់ព្រះនាង Diana នៃ​ប្រទេសវែលស៍។ ដូច្នេះ​មាន​សកម្មភាព ដើម្បី​រំលឹក​ដល់​ការ​សោយទិវង្គត​របស់​ទ្រង់ ​ក្នុង​ការ​ចងចាំ​របស់​មនុស្ស​ជុំវិញ​ពិភពលោក។ សកម្មភាព​មួយ​ដែល​ទទួល​បា​នការ​ចាប់អារម្មណ៍​មិន​តិច​នោះគឺ គឺជាការដេញថ្លៃរថយន្ត Ford Escort RS Turbo ពណ៌ខ្មៅ។ វា​ត្រូវ​បាន​ប្រើ​អស់​រយៈ​ពេល​ជាង​បី​ឆ្នាំ​ ចាប់​តាំង​ពី​ខែ​សីហា​ឆ្នាំ ១៩៨៥ នៅ​ពេល​ដែល​វា​ត្រូវ​បាន​ដាក់​ដេញ​ថ្លៃ​ក្នុង​តម្លៃ​ ៧២១,៣៣១.០០ ដុល្លារ​កាលពី​ថ្ងៃ​ទី ២៧ ខែ​សីហា៕

ប្រែសម្រួល៖ សាង ស្រីល័ក្ខ

ចុចអាន៖មកទស្សនាបណ្ដុំសំលៀកបំពាក់ Meghan តែងប្រើប្រាស់ស្ទីលស្រដៀងព្រះនាង Diana ដែលជាមាតាក្មេក

ចុចអាន៖រឿងរ៉ាវដ៏គួរឲ្យភ្ញាក់ផ្អើល ៧ យ៉ាង អំពីព្រះនាង Diana

The post ជនអនាមិកដេញថ្លៃខ្ពស់បំផុតលើរថយន្ត Ford Escort ដែលព្រះនាង Diana សព្វព្រះរាជហឫទ័យជាងគេ appeared first on Kampuchea Thmey Daily.

ព្រះនាង ​Diana ប្រៀប​ដូចជាតារា ​ហើយទាក់ទាញចំណាប់អារម្មណ៍​ពីមហាជនអស់​មិនសល់​សម្រាប់​ព្រះអង្គ​ម្ចាស់ Charles ឡើយ។ ជារៀងរាល់ពេលមាន​ព្រឹត្តិការណ៍​ណាមួយ មនុស្ស​គ្រប់គ្នា​តែងតែ​រង់ចាំមើលវត្តមានរបស់ព្រះនាងជាទីស្រលាញ់របស់ពួកគេ បើសិន​ជា​ព្រះនាង​មិន​បាន​ចូលរួម​ នោះ​ពួកគេ​សំដែង​ការ​ខកចិត្ត​ជា​ខ្លាំង​ ដែល​នាំ​ឲ្យ​ព្រះអង្គ​ម្ចាស់ Charles ជាស្វាមីមាន​អារម្មណ៍​ថា​ចាញ់ប្រៀប។

យ៉ាងណាមិញ រឿងរ៉ាវខាងក្រោម​នេះ ជារឿងសំខាន់ៗក្នុងជីវិត​របស់ព្រះ​នាង Diana ដែល​យើងគួរដឹង​ពី​ទ្រង់ មុនពេលទ្រង់​សោយទិវង្គត​ ដោយ​គ្រោះថ្នាក់​ចរាចរណ៍។

១. ព្រះ​នាង​ចង់​ក្លាយ​ជា​អ្នក​រាំ​របាំ​បាឡេ

ព្រះ​នាង​មិន​អាច​សម្រេច​ក្ដី​សុបិន​មួយនេះទេ ដោយសារ​តែ​ទ្រង់​មាន​កម្ពស់​ខ្ពស់​ពេក។ ដូច្នេះ​ហើយ ទើប​ទ្រង់​មិន​អាច​សម្រេច​ក្ដី​សុបិន​មួយ​នេះ​បាន។

២. ព្រះអង្គ​ម្ចាស់ Charles ធ្លាប់​មាន​ទំនាក់ទំនង​ស្នេហា​ជាមួយ​បងស្រី​របស់​ព្រះ​នាង​មុន

បងស្រី​របស់ព្រះនាងឈ្មោះ Sarah ពោល​ថា “ខ្ញុំ​ជា​មេ​អណ្ដើក” ហើយ​គាត់​គឺ​ជា​មនុស្ស​តែ​ម្នាក់​គត់​ ដែល​ព្រះ​នាង​ទុកចិត្ត។

៣. ព្រះនាង​ជា​រាជវង្ស​ដំបូង​បង្អស់ ​ក្នុង​ការ​ប្រសូត​បុត្រ​ក្នុង​មន្ទីរពេទ្យ

ព្រះអង្គ​ម្ចាស់ William និង Henry សុទ្ធ​តែ​ប្រសូត​នៅ​មន្ទីរពេទ្យ St Mary ទាំងពីរ។

៤. ព្រះ​នាង​ត្រូវ​សង្គម​ពេញចិត្ត​មែនទែន​ចំពោះ​សកម្មភាព​លើក​ទឹកចិត្ត​អ្នក​ជំងឺ​អេដស៍

កាលណោះ​ចំណេះដឹង​អំពី​ជំងឺ​នេះ​មិន​ទាន់​ទូលំទូលាយ​នៅ​ឡើយទេ គ្រប់គ្នា​គិត​ថា​ជំងឺ​អេដស៍​អាច​ឆ្លង​តាម​រយៈការចាប់ដៃ ឬ​ឱប​គ្នា ចំណែក​ឯ​ព្រះនាង Diana វិញ​បែរ​ជា​ជិតដិត​មិន​រើសអើង​អ្នក​ជំងឺ​សោះ។

៥. ព្រះនាង​មាន​ឯកសារ​វីដេអូ​និយាយ​អំពីរឿង​ក្នុង​ចិត្ត

ក្នុងនោះមានការនិយាយអំពីការសាហាវស្មន់របស់ព្រះអង្គម្ចាស់ Charles និង Camilla ដែលជាមហេសីបច្ចុប្បន្ននេះផងដែរ។ ប៉ុន្តែរឿរ៉ាវយ៉ាងណា ក៏មិនទាន់មានអ្នកណាដឹងច្បាស់ឡើយ។

៦. លេចឮព័ត៌មាន​ព្រះនាង​មាន​ស្នេហា​លួចលាក់​ ជាមួយ​នឹង​អង្គរក្ស​របស់​ខ្លួន

សម័យ​បច្ចុប្បន្ន​នេះ​ គេ​មិនទាន់​ដឹង​ថា ​វា​ជា​រឿង​ពិត​ឬ​យ៉ាងណា​នោះ​ទេ។ ដឹង​ត្រឹម​ថា ​គ្រាន់​តែ​ជា​ពាក្យ​ចចាមអារ៉ាម​ដែល​ចេញ​ពី​រាជវាំង​ប៉ុណ្ណោះ​។ រហូត​ដល់​ថ្ងៃ​ព្រះនាង Diana ជួប​គ្រោះថ្នាក់​ចរាចរណ៍​ ក៏​គេ​មិន​ទាន់​ដឹង​មូលហេតុ​ផិត​ក្បត់មួយនេះ​ដែរ។

៧. ការ​ស្លាប់​របស់​ព្រះនាង​ពិតជា​គួរ​ឲ្យ​សង្ស័យ

គេ​ជឿជាក់​ថា​ ព្រះនាង​មិនមែន​ជួប​គ្រោះថ្នាក់​ដោយ​ចៃដន្យ​ទេ មកទល់​បច្ចុប្បន​ មហាជន​នៅតែមានការសង្ស័យ​ទៅ​លើ​ខ្សែររាជវង្ស​ដដែល។

ទោះបីជា​ព្រះនាង Diana មិនមានវត្តមាននៅលើលោកនេះទៀតក៏ដោយ ប៉ុន្តែ​ព្រះនាង​នៅ​តែ​ស្ថិត​នៅ​ក្នុង​បេះដូង​មនុស្ស​រាប់លាន់​អ្នក ​ដោយសារ​តែ​អំពើ​ល្អ​របស់ព្រះនាងនោះហើយ៕

ប្រែសម្រួល៖ វារី

ចុចអាន៖មកទស្សនាបណ្ដុំសំលៀកបំពាក់ Meghan តែងប្រើប្រាស់ស្ទីលស្រដៀងព្រះនាង Diana ដែលជាមាតាក្មេក

The post រឿងរ៉ាវដ៏គួរឲ្យភ្ញាក់ផ្អើល ៧ យ៉ាង អំពីព្រះនាង Diana appeared first on Kampuchea Thmey Daily.