ពិធីដង្ហែនេះបានប្រារព្ធឡើងនៅថ្ងៃទី៦ ខែមេសា ឆ្នាំ២០២៦ ដោយមានការចូលរួមយ៉ាងអធិកអធមពីសំណាក់អាជ្ញាធរស្រុក មន្ត្រីកងកម្លាំងប្រដាប់អាវុធ ព្រះសង្ឃ លោកតា លោកយាយ និងប្រជាពលរដ្ឋយ៉ាងច្រើនកុះករ។

លោក សាន គឹមអ៊ាប អភិបាលស្រុកកែវសីមា ដែលបានចូលរួមក្នុងពិធីនេះ បានមានប្រសាសន៍ថា រូបសំណាកលោកតាត្រូវបានដាប់ឆ្លាក់ពីថ្មភ្នំសុទ្ធ នៅខេត្តកំពង់ធំ មានកម្ពស់ ៣ ម៉ែត្រ ទម្ងន់ជាង ៨ តោន ហើយបានចំណាយថវិកាទិញប្រហែល ៩,០០០ ដុល្លារអាមេរិក។

លោកបានបញ្ជាក់បន្ថែមថា៖ «នៅថ្ងៃនេះ យើងគ្រាន់តែដង្ហែរូបលោកតា ដើម្បីយកទៅតម្កល់នៅទីតាំងដែលបានគ្រោងទុកជាមុនសិនប៉ុណ្ណោះ។ ចំណែកថ្ងៃទី១០ ខែមេសា នឹងមានពិធីអភិសេកតាមប្រពៃណី ក្រោមវត្តមានអភិបាលខេត្តមណ្ឌលគិរី លោក ថង សាវុន»៕

អត្ថបទ៖ រៀម សុខហេង

The post បដិមាលោកតាក្រហម «ក» ទម្ងន់ជិត១០តោន ត្រូវបានដង្ហែទៅតម្កល់នៅភ្នំទឹកខួប ដើម្បីបន់ស្រន់តាមជំនឿប្រជាពលរដ្ឋ appeared first on Kampuchea Thmey Daily.

ពិធីសិតព្រះបដិមា បានរៀបចំឡើង នៅព្រឹកថ្ងៃទី ០៩ ខែមិថុនា នៅអាកាសយាន​ដ្ឋាន​អន្តរជាតិ​តេជោ ក្រោមព្រះរាជាធិបតី របស់សម្ដេចព្រះសង្ឃនាយក គណៈមហានិកាយ​ កម្ពុជា និងជាព្រះ​ចៅ​អធិការវត្តចំពុះក្អែក និងថ្នាក់ដឹកនាំក្រុមហ៊ុនកាណាឌីយ៉ា។

ពុទ្ធបដិមាស្ពាន់​មានកម្ពស់ ៩ ម៉ែត្រ និងទម្ងន់ ៩ តោន មានរចនាបថ​ទ្រង់ព្រះភ្នែនប្រទានពរ ដែល​​​​បង្ហាញពីការលើកតម្តើ​ង​​ព្រះពុទ្ធសាសនា ទៅកាន់ភ្ញៀវជាតិ និងអន្តរជាតិ។

លោកឧកញ៉ា ឆារស៍ វ៉ាន់ អភិបាលក្រុមហ៊ុន CAIC បានប្រាប់ឱ្យដឹងថា រូបសំណាកព្រះពុទ្ធរូប​ធំជាង​គេនៅអាកា​ស​យានដ្ឋានអន្តរជាតិតេជោ គឺត្រូវបានឆ្លងកាត់ការសម្រេច​ពីក្រសួងធម្មការ មុន​នឹង​សាងសង់ និងការចូលរួមសម្រេចពីសម្ដេចសង្ឃ ៧ អង្គ។

លោកប្រាប់ថា នៅក្នុង​អា​កា​ស​​យានដ្ឋាន​អន្តរជាតិតេជោ មានសុទ្ធសឹងជារូប​សំណាកពាក់ព័ន្ធនឹងព្រពៃណី សាសនា វប្ប​ធម៌ខ្មែរ៕

The post ព្រះបដិមាស្ពាន់ ក្នុងព្រលានយន្តហោះអន្តរជាតិតេជោមានកម្ពស់ ៩ ម៉ែត្រ ព្រះភ្នែនប្រទានពរ appeared first on Kampuchea Thmey Daily.

យោងតាមការចុះផ្សាយរបស់អាជ្ញាធរជាតិអប្សរានៅរសៀលថ្ងៃទី១០ ខែមីនា ទើបតែបានបង្ហាញនូវការរកឃើញរបស់ខ្លួនកាលពីថ្ងៃទី២ ខែកុម្ភៈ កន្លងទៅនូវដងខ្លួនពុទ្ធបដិមាមួយនេះ។ តាមការបញ្ជាក់គឺក្រោយពេលដែលយកទៅផ្ដុំជាមួយនឹងបំណែកដៃ និងប្រអប់ជើង ដែលរកឃើញកាលពីខែកក្កដា ឆ្នាំ២០២៤គឺត្រូវគ្នា១០០% ហើយអ្វីដែលកាន់តែភ្ញាក់ផ្អើលនិងរំភើបនោះបំណែកដងខ្លួននេះត្រូវគ្នាជាមួយព្រះសិរដែលមានចុះបញ្ជីលេខ DCA.6883-N139 រកឃើញនៅគោបុរៈខាងកើតទី៤នៃប្រាសាទតាព្រហ្ម ក្នុងឆ្នាំ១៩២៧ បច្ចុប្បន្នរក្សាទុកនៅអភិរក្សដ្ឋានអង្គរ។

អាជ្ញាធរអប្សរាបញ្ជាក់ថា៖ «ដូចនេះផ្នែកផ្សេងៗនៃពុទ្ធបដិមាខាងលើដែលបាក់បែក ត្រូវបានផ្គុំឡើងវិញស្ទើរតែពេញលេញទម្រង់ដើម។ ចំពោះផ្នែកដែលបាត់បង់ដែលស្វែងរកមិនទាន់ឃើញ គឺបាត់ព្រះសហ្តស្តាំតែប៉ុណ្ណោះ»។

សូមបញ្ជាក់ថា កិច្ចការកំណាយនេះធ្វើឡើងក្នុងគោលបំណងរៀបចំវត្ថុសិល្បៈក្នុងបរិវេណប្រាសាទតាព្រហ្ម ដោយសារតែមានរូបចម្លាក់ជាច្រើនបាននៅរាយប៉ាយតាមកំពែងឬក៏នៅក្នុងរោងទង៕

អត្ថបទដោយ ហ៊ុន​ សិរីវឌ្ឍន៍

The post ជិត១០០ឆ្នាំនៃការស្វែងរកទីបំផុតព្រះសិរពុទ្ធបដិមាមួយរកឃើញដងខ្លួនវិញហើយ appeared first on Kampuchea Thmey Daily.

ចាប់តាំងពីភាគីទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការកាលពីថ្ងៃទី២៨ ខែមិថុនា ឆ្នាំ២០២៤មក គម្រោងបដិមាព្រះពុទ្ធសក្យមុនីបានទទួលការចាប់អារម្មណ៍យ៉ាងទូលំទូលាយ។ ការសាងសង់បដិមាព្រះពុទ្ធនេះមិនត្រឹមតែបង្ហាញពីកិច្ចខិតខំប្រឹងប្រែងរួមគ្នារបស់ប្រទេសចិន និងកម្ពុជាក្នុងវិស័យវប្បធម៌ និងស្មារតីប៉ុណ្ណោះទេ ប៉ុន្តែថែមទាំងនាំមកនូវឱកាសអភិវឌ្ឍន៍ថ្មីៗដល់តំបន់តារាសាគរផងដែរ។ បដិមាព្រះពុទ្ធកម្ពស់ ១០៨ ម៉ែត្រ តំណាងឱ្យកង្វល់ទាំង ១០៨ ក្នុងប្រពៃណីព្រះពុទ្ធសាសនា ចំណែករូបសំណាកព្រះពុទ្ធសក្យមុនី តំណាងឱ្យប្រាជ្ញា និងមេត្តា រំឭកសត្វលោកឱ្យឆ្លងផុតទុក្ខ និងសម្រេចបាននូវសន្តិភាព និងសុខដុមរមនាខាងក្នុង តាមរយៈជំនឿ និងការអនុវត្ត។

បដិមាព្រះពុទ្ធសក្យមុនីក្នុងនាមជាស្នូលនៃវត្តអារាមមហាពុទ្ធិ ហ៊ុំព័ទ្ធជុំវិញទីលានសន្តិភាព បណ្តុំនៃវត្តអារាមមកពីប្រទេសអាស៊ានទាំងដប់ និងប្រទេសចិន ជប៉ុន និងកូរ៉េ នឹងត្រូវបានសាងសង់ដើម្បីបង្កើតជាអាណាចក្រពុទ្ធសាសនា-វត្តអារាមព្រះពុទ្ធម៉ឺនអង្គ។ ភាពទាក់ទាញដ៏ល្បីនេះបានពង្រឹងយ៉ាងខ្លាំងដល់ការទាក់ទាញទេសចរណ៍របស់តារាសាគរជួយលើកកម្ពស់ការអភិវឌ្ឍសេដ្ឋកិច្ចក្នុងតំបន់ ហើយក្នុងពេលជាមួយគ្នានោះបាននាំមកនូវខ្សែចក្ខុដ៏ទាក់ទាញយ៉ាងខ្លាំង និងបទពិសោធន៍ខាងវិញ្ញាណយ៉ាងជ្រាលជ្រៅ។

បដិមាព្រះពុទ្ធសក្យមុនីដ៏អស្ចារ្យនេះ មិនត្រឹមតែជាមរតក និងលើកតម្កើងវប្បធម៌ព្រះពុទ្ធសាសនាប៉ុណ្ណោះទេ ប៉ុន្តែក៏ជានិមិត្តរូបនៃមិត្តភាពរវាងចិន និងកម្ពុជាផងដែរ។ ការដាក់បង្ហាញនេះនឹងក្លាយទៅជាចំណុចលេចធ្លោនៃតារាសាគរ រហូតដល់ប្រទេសកម្ពុជាទាំងមូល ដែលទាក់ទាញភ្ញៀវទេសចរមកពីជុំវិញពិភពលោកឱ្យមកធ្វើធម្មយាត្រា និងទស្សនាកម្សាន្ត។

នៅថ្ងៃខាងមុខ យើងទន្ទឹងរង់ចាំបដិមាព្រះពុទ្ធនេះ ក្លាយជាតំណភ្ជាប់ដ៏សំខាន់មួយ ភ្ជាប់ចិត្តមនុស្ស និងបង្ហាញពីក្តីស្រឡាញ់ និងសន្តិភាព ដែលអនុញ្ញាតឱ្យមនុស្សកាន់តែច្រើនស្វែងរកសន្តិភាព និងសុខដុមរមនានៅទីនេះ។ ជាមួយគ្នានេះ យើងក៏ទន្ទឹងរង់ចាំតំបន់តារសាគរឆ្ពោះទៅកាន់ថ្ងៃអនាគតដ៏ល្អប្រសើរក្រោមពន្លឺនៃបដិមាព្រះពុទ្ធនេះ។

Hotline：017346393、070203077

Telegram：0975720964

Facebook：Coastal City

Official site：http://www.coastalcitygroup.net/

The post រឿងព្រេងនិទានថ្មីនៃតារាសាគរ៖ បដិមាព្រះពុទ្ធសក្យមុនីកម្ពស់ ១០៨ ម៉ែត្រ ចំណាយអស់៥០០លានដុល្លារ ត្រូវបានដាក់បង្ហាញយ៉ាងភ្ញាក់ផ្អើល appeared first on Kampuchea Thmey Daily.

ទំព័រដដែលថែមទាំងបញ្ចាក់ទៀតថា សម័យសុវណ្ណខុមខម គឺជាឈ្មោះនៃនគរបុរាណមួយនៅតាមដងទន្លេមេគង្គ។ វា​ទាក់ទង​នឹង​ប្រវត្តិសាស្ត្រ​ថៃ​ និង​ឡាវ មានទីតាំងនៅក្នុងតំបន់ ស្រុក Ton Phueng នៃប្រទេសថៃ និង Muang Ton Phueng នៃប្រទេសឡាវ។ សព្វថ្ងៃនេះ នៅតំបន់ក្រុងទនភឿង នៅមានទីតាំងបុរាណជាច្រើនដែលគេជឿថាជាដាននៃទីក្រុងសុវណ្ណខុមខម ដែលត្រូវបានបាត់បង់រាប់រយឆ្នាំ ហើយផ្នែកខ្លះបានបាត់ទៅក្នុងទន្លេមេគង្គ។

វត្ថុ​ដែល​បាន​រក​ឃើញ​ក្នុង​ថ្ងៃ​ប្រទះ​ឃើញ​រួម​មាន​៖ ១.​ព្រះកេស​ព្រះពុទ្ធ​អង្គ​ធំ​ធ្វើ​អំពី​លង្ហិន ២.​ព្រះពុទ្ធ​រូប​តូច​មួយ​អង្គ រក​ឃើញត្រឹម​តែ​ព្រះកាយ​ប៉ុណ្ណោះ។ ក្រោយមក គេបានរកឃើញព្រះពុទ្ធបដិមាមួយអង្គទៀត នៅថ្ងៃទី ១៦ ខែ មីនា ឆ្នាំ ២០២៤ និងមានទទឹង ៨៨ សង្ទីម៉ែត្រ ដែលមានលក្ខណៈពេញលេញជាព្រះពុទ្ធដ៏ស្រស់ស្អាត និងល្អឥតខ្ចោះ និងត្រូវបានគេដាក់ឈ្មោះថា “ព្រះអម្ចាស់នៃសំរិទ្ធមាស”។

ក្រោយមកក្នុងពេលតែមួយ ព្រះ​ពុទ្ធ​មួយ​អង្គ​ទៀត​ក៏​ត្រូវ​បាន​លើក​ឡើង​ពី​ទន្លេ​មេគង្គ​ ខណៈមួយអង្គនេះ​មើល​ទៅ​ល្អ​ឥត​ខ្ចោះ ប៉ុន្តែ​មាន​ទំហំ​តូច​ជាងទើបគេហៅ “ព្រះចៅចក្រី សំផៅខាម” ត្រូវបានរកឃើញនៅវេលាម៉ោង ៤ រសៀល ថ្ងៃទី ១៦ ខែមីនា ឆ្នាំ ២០២៤។ ប្រជាជននៅទីនោះជឿថា ការរកឃើញព្រះពុទ្ធរូបនេះនឹងនាំមកនូវភាពរុងរឿងដល់ប្រទេសជាតិផងដែរ។

លើសពីនេះទៀតដែរ នៅមុនម៉ោងប្រហែល៥ល្ងាច ថ្ងៃទី១៦ ខែមីនា គេនៅតែប្រទះឃើញព្រះពុទ្ធរូបមួយទៀត។ ប៉ុន្តែគ្មានព្រះកេសទេដោយ​មាន​ទទឹង​ភ្លៅ​ប្រវែង ៤០ អ៊ី​ញ អាច​ជា​សព​ព្រះ​សិរសា​របស់​ព្រះពុទ្ធ​ដែល​គេ​រក​ឃើញ​នៅ​ថ្ងៃ​ទី ១១ មីនា ។

យ៉ាងណាមិញ បន្ទាប់ពីជីករកឃើះព្រះពុទ្ធបដិមាជាច្រើនអង្គរួចរាល់ ទំព័រ Art and Culture of Laos បានរាយការណ៍ថា កន្លែងនេះគឺជាទីក្រុងចាស់ និងជាប្រាសាទបុរាណដ៏សំខាន់ និងពិសិដ្ឋក្នុងសម័យសុវណ្ណខុមខម​។ របកគំហើញ​នេះ​ត្រូវ​បាន​គេ​ចាត់​ទុក​ថា​ជា​រឿង​ល្អ​សម្រាប់​ពុទ្ធសាសនា និង​ភូមិ​ឃុំ។ ជាពិសេស តំបន់​នេះ​ត្រូវ​បាន​មន្ត្រី​ពី​ភូមិ ក្រុង និង​ស្រុក​ ការការពារនិងថែទាំត្រូវបានរៀបចំ ២៤ ម៉ោងក្នុងមួយថ្ងៃ ដើម្បីបង្កើនសុវត្ថិភាព និងរក្សាសន្តិភាព និងសណ្តាប់ធ្នាប់យ៉ាងតឹងរ៉ឹងបំផុតផងដែរ៕

អត្ថបទ៖ សាង ស្រីល័ក្ខ

ចុចអាន៖មីយ៉ាន់ម៉ា គ្រោងភ្ជាប់ជើងហោះហើរត្រង់មកកាន់ទីក្រុង ឡាវ

The post ឡាវ ជីកកាយឃើញព្រះពុទ្ធបដិមាជាច្រើនអង្គ នៅច្រាំងទន្លេមេគង្គ appeared first on Kampuchea Thmey Daily.

• ម៉ោង ២ៈ៣០ រសៀល ជួបជុំពុទ្ធបរិស័ទជិតឆ្ងាយ នៅការដ្ឋានសាងសង់ព្រះពុទ្ធប្បដិមាកម្ពស់ ១០៨ម៉ែត្រ ស្ថិតនៅតំបន់វាលស្រែ៥០០ លើខ្នងភ្នំបូកគោ
• ម៉ោង ៣ៈ៣០ រសៀល ជួបជុំពុទ្ធបរិស័ទជិតឆ្ងាយ ធ្វើបទនមស្ការព្រះរតនត្រ័យ សមាទានសីល និងនិមន្តព្រះសង្ឃ ចម្រើនព្រះបរិត្ត ស្ថិតនៅការដ្ឋានសាងសង់ព្រះពុទ្ធប្បដិមាកម្ពស់ ១០៨ម៉ែត្រតំបន់វាល ស្រែ៥០០ លើខ្នងភ្នំបូកគោ
• នៅពេលរាត្រី ក្រុមសិល្បៈល្ខោនបាសាក់អប្សរាសម្តែងជូនទស្សនាទល់ភ្លឺនៅមុខ សណ្ឋាគារ ឋានសួគ៌ សុខា (លើភ្នំបូកគោ)

ថ្ងៃទី២/ ថ្ងៃសៅរ៍ ៧រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០២ ខែមីនា ឆ្នាំ២០២៤

• ម៉ោង ៧ៈ០០ ព្រឹក ប្រគេនយាគូ និងចង្ហាន់ពេលព្រឹកដល់ព្រះសង្ឃ នៅសណ្ឋាគារ ឋានសួគ៌ សុខា (លើភ្នំបូកគោ)
• ម៉ោង ១១ៈ០០ ព្រឹក វេរភត្តាហារ ប្រគេន ព្រះសង្ឃ នៅសណ្ឋាគារ ឋានសួគ៌ សុខា (លើភ្នំបូកគោ )
• ម៉ោង ៣ៈ៣០ រសៀល ជួបជុំពុទ្ធបរិស័ទជិតឆ្ងាយ ធ្វើបទនមស្ការព្រះរតនត្រ័យ សមាទានសីល និងនិមន្តព្រះសង្ឃចម្រើនព្រះបរិត្ត បន្ទាប់មកសម្តេចព្រះព្រហ្មរតនមុនី ពិន សែម សមាជិកថេរសភាពុទ្ធសាសនានៃព្រះរាជាណាចក្រកម្ពុជា សម្តែងធម្មទេសនា នៅការដ្ឋានសាងសង់ព្រះពុទ្ធប្បដិមាកម្ពស់១០៨ម៉ែត្រ លើខ្នងភ្នំបូកគោ។ ពិធីនេះប្រព្រឹត្តទៅក្រោមព្រះអធិបតីភាព សម្តេចព្រះពោធិវ័ង្ស អំ លីមហេង។
• នៅពេលរាត្រី ក្រុមសិល្បៈល្ខោនបាសាក់អប្សរាសម្តែងជូនទស្សនាទល់ភ្លឺនៅមុខសណ្ឋាគារ ឋានសួគ៌ សុខា (លើភ្នំបូកគោ)

ថ្ងៃទី៣/ ថ្ងៃអាទិត្យ ៨រោច ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី០៣ ខែមីនា ឆ្នាំ២០២៤

• ម៉ោង ៧ៈ០០ ព្រឹក ប្រគេនយាគូ និងចង្ហាន់ពេលព្រឹកដល់ព្រះសង្ឃ នៅសណ្ឋាគារ ឋានសួគ៌ សុខា (លើភ្នំបូកគោ)
• ម៉ោង ៨ៈ០០ ព្រឹក ពិធីរាប់បាត្រ ព្រះសង្ឃ ១,០០០ អង្គ ក្រោមព្រះអធិបតីភាព សម្តេចព្រះពោធិវ័ង្ស អំ លីមហេង អ្នកឧកញ៉ា សុខ គង់ និងលោកជំទាវ ស្ថិតនៅការដ្ឋានសាងសង់ព្រះពុទ្ធប្បដិមាកម្ពស់ ១០៨ម៉ែត្រ តំបន់វាលស្រែ៥០០ លើខ្នងភ្នំបូកគោ។

សូមយាង និមន្ត និងគោរពអញ្ជើញ ព្រះតេជគុណគ្រប់ព្រះអង្គ សម្ដេច ទ្រង់ ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា ពុទ្ធបរិស័ទគ្រប់មជ្ឈដ្ឋានជិតឆ្ងាយ មេត្តាចូលរួមដោយក្ដីសោមនស្សរីករាយ និងជួយឧបត្ថមគាំទ្រ ចាប់មគ្គផល និងអនុមោទនាទទួលយកផល្លានិសង្សតាមសទ្ធាជ្រះថ្លារៀងៗខ្លួន។

ដើម្បីបានចូលរួមចំណែកជ្រះថ្លាក្នុងការកសាងព្រះពុទ្ធប្បដិមាកម្ពស់១០៨ម៉ែត្រនេះពុទ្ធបរិស័ទអាចមានឪកាសចាប់យកកុសលផលបុណ្យចូលរួមភ្ជាប់និស្ស័យកសាងព្រះពុទ្ធអង្គធំនេះដោយសទ្ធាជ្រះថ្លា ជាពិសេសពុទ្ធបរិស័ទទាំងអស់អាចចាប់មគ្គផលកុសលផលបុណ្យជាវព្រះអង្គតូចៗដែលមានទំហំ កម្ពស់ ០.៣១ម៉ែត្រ ,បណ្តោយ ០.២៥ម៉ែត្រ និង ទទឹង ០.១៦៥ម៉ែត្រ មាន៤ថ្នាក់៩ជាន់ ហើយអាចចារឹកឈ្មោះផ្ទាល់ខ្លួន , ឈ្មោះអ្នកមានគុណ ,លោកតាលោកយាយ, កូន ,ក្មួយ ដើម្បីទទួលបានកុសលផលបុណ្យផងដែរ ហើយដំកល់ទុកនៅក្នុងខឿនក្រោមព្រះអង្គធំ ទុកជាប្រវត្តិសាស្រ្តយូរអង្វែងតគ្រប់ជំនាន់ដល់កូនចៅជំនាន់ក្រោយបានគោរពជាទីសក្ការ: ។
អ្នកឧកញ៉ា បណ្ឌិត សុខ គង់ មានចក្ខុវិស័យ និងសទ្ធាជ្រះថ្លាប្រកបដោយបញ្ញា ក្នុងការកសាងព្រះពុទ្ធប្បដិមាដ៏ស្កឹមស្កៃនេះ ដើម្បីរក្សានូវអត្តសញ្ញាណជាតិនៃវប្បធម៍សាសនា។ ព្រះពុទ្ធប្បដិមាអង្គនេះ នឹងគង់នៅជាសម្បត្តិវប្បធម៍សាសនាជាតិ តជំនាន់សម្រាប់ជាទីសក្ការ:ដ៏ឧត្តុងឧត្តមរបស់ពុទ្ធសាសនិកជនទាំងអស់គ្នា ជារហូតតរៀងទៅ ។
ពុទ្ធបរិស័ទដែលមានសទ្ធាជ្រះថ្លា ចង់ភ្ជាប់និស្ស័យជាមួយនិងការកសាងព្រះពុទ្ធប្បដិមាដ៏ស្កឹមស្កៃនេះ សូមទំនាក់ទំនង : 014 7777 108 , 014 777 108 , 015 777 108 ឬ
ទូរស័ព្ទទទួលបច័្ចយ៖ 085 430 999 | 097 430 9999
គណនីទទួលបច្ច័យ :
ABA Bank: 106 108 108 (KHR), 107 108 108 (USD)
WING Bank: 9 108 108 108 (KHR), 8 108 108 108 (USD)
NAME: PHEAR PUTH PADIMA 108M

The post បុណ្យផ្ការស្មីសាមគ្គីជាតិ កសាងព្រះពុទ្ធប្បដិមាកម្ពស់១០៨ម៉ែត្រ និងព្រះពុទ្ធប្បដិមាអង្គតូច៨៤,០០០អង្គនៅលើខ្នងភ្នំបូកគោ appeared first on Kampuchea Thmey Daily.

ស្ថាបត្យករក្រុមហ៊ុនសុខាគ្រុប លោក អ៊ុន ចាន់ណារើន បានបញ្ជាក់ឱ្យដឹងថា គម្រោងកសាងព្រះពុទ្ធប្បដិមាដែលមានកម្ពស់១០៨ម៉ែត្រនៅលើខ្នងភ្នំបូកគោត្រង់ចំណុចវាលស្រែ៥០០ត្រូវបានពង្រីកដោយគ្រោងកសាងព្រះពុទ្ធប្បដិមាអង្គតូៗចំនួន៨ម៉ឺន៤ពាន់ព្រះអង្គបន្ថែមទៀត សម្រាប់តម្កល់នៅលើជញ្ជាំងផ្នែកខាងក្នុងនៃខឿនក្រោមបល្ល័ង្កព្រះពុទ្ធប្បដិមាអង្គធំកម្ពស់១០៨ម៉ែត្រ នេះគម្រោងទាំងមូលប្រើពេលសាងសង់៣ទៅ៤ឆ្នាំ ចំណាយថវិកាប្រមាណ ៦០-៧០ លានដុល្លា។

នៅក្នុងបទបង្ហាញស្តីពីគម្រោងកសាងព្រះពុទ្ធប្បដិមាកម្ពស់១០៨ម៉ែត្រនាពេលនោះ  លោក អ៊ុន ចាន់ណារើន បានបញ្ជាក់ថា បច្ចុប្បន្នក្រុមហ៊ុនសុខាគ្រុប បានយកចិត្តទុកដាក់ និងសិក្សាលម្អិតពង្រីកគម្រោងកសាងព្រះពុទ្ធបដិមាកម្ពស់១០៨ម៉ែ ឲ្យកាន់តែស្អាតទាក់ទាញ និងមានអត្ថន័យគ្រប់ជ្រុងជ្រោយតាមប្រវត្តិ និងខ្លឹមសាររបស់សាសនាព្រះពុទ្ធដែលជាសាសនារដ្ឋ  ហើយទទួលបានការចូលរួមគាំទ្រពីក្រសួងជំនាញពាក់ព័ន្ធ និងរាជរដ្ឋាភិបាលកម្ពុជា។

លោកបានបន្តថា បច្ចុប្បន្នក្រៅពីការកសាងព្រះពុទ្ធបដិមាដ៏ធំសម្រាប់ជាទីសក្ការៈដល់ពុទ្ធសាសនិក ក្រុមហ៊ុនសុខា គ្រុបបានផ្ដួចផ្ដើមកសាងព្រះពុទ្ធបដិមាអង្គតូចៗចំនួន ៨៤០០០អង្គ  ដោយយោងទៅតាមព្រះធម៌របស់ព្រះសម្មាសម្ពុទ្ធ ទាំង​៨៤០០០ព្រះធម្មក្ខន្ធ សម្រាប់តម្កល់នៅលើជញ្ជាំងផ្នែកខាងក្នុងនៃខឿនក្រោមបល្ល័ង្កព្រះពុទ្ធប្បដិមាអង្គធំកម្ពស់១០៨ ម៉ែត្រ។

ព្រះពុទ្ធប្បដិមាអង្គតូចៗទាំងនោះ មានទំហំកម្ពស់០.៣១ម៉ែត្រ, បណ្តោយ ០.២៥ម៉ែត្រ និង ទទឹង ០.១៦៥ម៉ែត្រ មាន៤ថ្នាក់ ៩ជាន់ ធ្វើអំពីថ្មភ្នំបូកគោនេះតាមការសិក្សាគម្រោងទាំងមូលនឹងសាងសង់ឲ្យរួចរាល់ក្នុងរយៈពេល ៣ទៅ៤ឆ្នាំ ដោយគ្រោងចំណាយថវិកាប្រមាណ៦០ ទៅ៧០លានដុល្លា។

លោកបានបញ្ជាក់បន្ថែមថា គម្រោងនេះផុសចេញពី គំនិតរបស់អ្នកឧកញ៉ាបណ្ឌិត សុខ គង់ ដែលលោកមានចក្ខុវិស័យ និងសទ្ធាជ្រះថ្លាយ៉ាងមុតមាំ ក្នុងការកសាងព្រះពុទ្ធប្បដិមាកម្ពស់១០៨ម៉ែត្រ ដែលជាព្រះពុទ្ធប្បដិមាដ៏ធំ ហើយខ្ពស់ជាងគេនៅក្នុងព្រះរាជាណាចក្រកម្ពុជា និងស្ថិតក្នុងចំណោមព្រះពុទ្ធប្បដិមាខ្ពស់ៗនៅលើពិភពលោក។

គម្រោងសាងសង់ព្រះពុទ្ធប្បដិមានេះដែរ ជាការរក្សានូវអត្តសញ្ញាណ និងសាសនាជាតិ ព្រោះព្រះពុទ្ធប្បដិមាទាំងនោះនឹងគង់នៅជាសម្បត្តិវប្បធម៌ជាតិតជំនាន់សម្រាប់ជាទីសក្ការៈដ៏ឧត្តុងឧត្តមរបស់ពុទ្ធសាសនិកជនទាំងអស់គ្នា និងទុកជាស្នាដៃនៃកេរ្តិ៍មរកត ដល់កូនចៅជំនាន់ក្រោយ។

ព្រះពុទ្ធបដិមាកម្ពស់១០៨ម៉ែត្រមានទម្រង់ជាព្រះពុទ្ធមារវិជ័យ ឬផ្ចាញ់មារ ទៅតាមរចនាប័ទ្មបាយ័នជា រចនាប័ទ្មកំពូល នៃព្រះពុទ្ធសាសនាក្នុងរជ្ជកាលព្រះបាទជ័យវ័រ្មនទី៧ នាសតវត្សរ៍ទី១៣ និងសាងសង់ពី បេតុងអាម៉េពណ៌មាសបែរព្រះ ភក្ត្រនៅទិសខាងកើត បច្ចុប្បន្នសម្រេចការសាងសង់រង្វង់២៥%៕

អត្ថបទ៖ សឹង រ៉ាត់

The post គម្រោងសាងសង់ព្រះបដិមាលើភ្នំបូកគោគ្រោងពង្រីកបន្ថែម ៨ ម៉ឺន ៤ ពាន់អង្គតូចៗ ចំណាយថវិកាកើនឡើង​ទ្វេដង appeared first on Kampuchea Thmey Daily.

បើតាមការបង្ហោះរបស់ គណនីហ្វេសប៊ុក វត្តវាល ក្រុងពោធិ៍សាត់ ខេត្តពោធិ៍សាត់ នៅថ្ងៃទី១៧ ខែសីហា ឆ្នាំ២០២៣នេះ បានឱ្យដឹងថា ចំពោះការជួសជុលព្រះពុទ្ធរូបសារជាថ្មីនេះ ជាង យកតម្លៃ ១២ ៥០០ ដុល្លារ។

អាស្រ័យហេតុដូចបានជម្រាបជូនខាងលើនេះ ព្រចៅអធិការ អាចារ្យ គណៈកម្មការវត្ត សង្ឃឹមលើ ញាតិញោមពុទ្ធបរិស័ទទាំងអស់ មេត្តាជួយបំពេញនូវតម្រូវការខ្វះខាតនេះ ដោយក្តីអនុគ្រោះ ចូលរួមមានសទ្ធាជ្រះថ្លា ក្នុងការកសាងជួសជុលជាបន្តទៀត។

គួររម្លឹកថា កាលពីយប់ថ្ងៃទី២៧ ខែមិថុនា ឆ្នាំ២០២៣នេះ រដ្ឋបាលខេត្តពោធិ៍សាត់ បានចេញសេចក្ដីបំភ្លឺថា នាពេលថ្មីៗនេះមានការចុះផ្សព្វផ្សាយតាមបណ្តាញព័ត៌មានសង្គម អំពីព្រះពុទ្ធរូបផ្ចាញ់មារ ១ព្រះអង្គ ស្ថិតនៅក្នុងបរិវេណវត្តវាល ភូមិផ្សារលើ សង្កាត់លលកស ក្រុងពោធិ៍សាត់ ខេត្តពោធិ៍សាត់ មានលក្ខណៈមិនស្អាតល្អ។ តាមការចុះពិនិត្យស្រាវជ្រាវ និងវាយតម្លៃរបស់មន្ទីរធម្មការ និងសាសនាខេត្ត បង្ហាញថា ព្រះពុទ្ធរូបផ្ចាញ់មារ ១ព្រះអង្គនេះ ត្រូវបានកសាងឡើងតាំងពីឆ្នាំ២០០៩ មកម៉្លេះ ក្រោមការផ្តួចផ្តើមរបស់ព្រះចៅអធិការវត្តវាល។

ព្រះពុទ្ធរូបអង្គនេះ កើតចេញរូបរាងឡើងដោយកម្លាំងមហាសាមគ្គីរបស់សប្បុរសជនខ្មែរនានាដែល មានសទ្ធាជ្រះថ្លាក្នុងវិស័យព្រះពុទ្ធសាសនា ហើយសង់ឡើងមានកម្ពស់ ២៩ម៉ែត្រ ព្រះភ្នែន ២១ម៉ែត្រ។ តាមព្រះចៅអធិការវត្តវាល ព្រះនាម ជុំ សារឿន មានដីកាថា ការកសាងព្រះពុទ្ធរូបផ្ចាញ់មារនេះ បានប្រើប្រាស់ជាងដែលមានចំណេះដឹងតិចតួច និងបច្ចេកទេសសូនរូបនៅមានកម្រិត ពុំមានរចនាប័ទ្មបានត្រឹមត្រូវតាម ក្បួនខ្នាតនោះទេ ដែលអាចមានការខុសឆ្គងខ្លះៗ។ តាមការពិនិត្យជាក់ស្ដែង បើមើលចំពីមុខ ព្រះភក្ត្រ ព្រះអង្គ ពិតជាមានទម្រង់សមរម្យជាងមើលពីចំហៀង។

ហេតុដូចនេះ រដ្ឋបាលខេត្តពោធិ៍សាត់ នឹងណែនាំដល់មន្ទីរជំនាញ សហការជាមួយអ្នកបច្ចេកទេស និងព្រះចៅ អធិការវត្តដើម្បីបន្តពិនិត្យ និងវាយតម្លៃ ព្រះពុទ្ធរូបផ្ចាញ់មារ ១ព្រះអង្គ ឱ្យបានល្អិតល្អន់នូវចំណុចខ្វះខាត ឆ្គាំឆ្គងណាដែលគួរធ្វើការកែលម្អ ឱ្យបានសមរម្យ៕

អត្ថបទ៖ ច័ន្ទ វីរៈ

The post ធ្លាប់ទើសចិត្តរិះគន់ អាចចូលរួមកែកុន ព្រះភ័ក្ត្រព្រះពុទ្ធផ្ចាញ់មារ តម្លៃខ្ទង់ម៉ឺនដុល្លារ appeared first on Kampuchea Thmey Daily.