តាមរយៈសារលិខិតផ្ញើជូនសម្ដេចតេជោ ហ៊ុន សែន កាលពីថ្ងៃទី៥ ខែមេសា ឆ្នាំ២០២៤ ព្រះអង្គម្ចាស់ នរោត្តម ចក្រាវុធ ព្រះប្រធានគណបក្សហ្វ៊ុនស៊ិនប៉ិច និងជាសមាជិករដ្ឋសភា បានបង្ហាញហឫទ័យយ៉ាងដូច្នេះថា៖ «ក្មួយ មានហឫទ័យសោមនស្សរីករាយ សូមចូលរួមអបអរសាទរយ៉ាងកក់ក្តៅបំផុតចំពោះសម្តេចមា ដែលត្រូវបានសម័យប្រជុំលើកដំបូងនៃព្រឹទ្ធសភា នីតិកាលទី៥ បានបោះឆ្នោតជ្រើសតាំងជាប្រធានព្រឹទ្ធសភានៃព្រះរាជាណាចក្រកម្ពុជា សម្រាប់នីតិកាលទី៥ ។ មុខតំណែងដ៏មានកិត្យានុភាពនេះ គឺជាសក្ខីភាពនៃភាពជាអ្នក ដឹកនាំ ការលះបង់ និងការប្តេជ្ញាចិត្តក្នុងការបម្រើប្រជាពលរដ្ឋកម្ពុជារបស់ សម្តេចមា នាពេលកន្លងមក»។

ព្រះអង្គម្ចាស់ នរោត្តម ចក្រាវុធ មានបន្ទូលថា ភាពសម្បូរបែបនៃបទពិសោធន៍ ប្រាជ្ញា ស្មារតី និងភាពស្មោះត្រង់ចំពោះជាតិមាតុភូមិរបស់សម្តេចតេជោ ហ៊ុន សែន ប្រាកដជាដឹកនាំស្ថាប័នព្រឹទ្ធសភាក្នុងការបំពេញតួនាទីដ៏សំខាន់របស់ខ្លួន ដើម្បីជំរុញ អភិបាលកិច្ចល្អ និងវិបុលភាពនៅកម្ពុជា។ ព្រះអង្គម្ចាស់ បានសង្កត់ធ្ងន់ថា៖ «ក្មួយមានទំនុកចិត្តថា ក្រោមការគ្រប់គ្រងដោយផ្ទាល់របស់សម្តេចមា ព្រឹទ្ធសភា នឹងបន្តរួមចំណែកយ៉ាងសំខាន់ឆ្ពោះទៅរកភាពប្រសើរឡើងនៃប្រទេសជាតិ និងប្រជាពលរដ្ឋយើង»។

សារលិខិតរបស់ព្រះអង្គម្ចាស់ ចក្រាវុធ ដដែលនេះ ក៏បានបង្ហាញក្ដីរំពឹង និងទន្ទឹងរង់ចាំសមិទ្ធិផលដ៏អស្ចារ្យដែលសម្តេច តេជោ និងស្ថាប័នព្រឹទ្ធសភាកម្ពុជា សម្រេចបាននៅថ្ងៃខាងមុខនេះ ហើយព្រះអង្គម្ចាស់ បានជូនពរសម្តេចតេជោ ទទួលបានជោគជ័យក្នុងតួនាទីជាប្រវត្តិសាស្ត្រថ្មី ជាប្រធានព្រឹទ្ធសភានេះ។ ជាមួយគ្នានេះ ព្រះអង្គម្ចាស់ ចក្រាវុធ ក៏បានគូសបញ្ជាក់ពីការយកអស់លទ្ធភាពដើម្បីគាំទ្រដល់កិច្ចខិតខំប្រឹងប្រែងរបស់សម្តេចតេជោ ប្រធានព្រឹទ្ធសភា តាមរយៈការចូលរួមជួយគ្រប់បែបយ៉ាងដល់សម្តេចតេជោ តាមដែលអាចធ្វើទៅបាន៕

The post ព្រះអង្គម្ចាស់ ចក្រាវុធ៖ តំណែងប្រធានព្រឹទ្ធសភា ជាសក្ខីភាពនៃការលះបង់បម្រើជាតិរបស់សម្តេច តេជោ កន្លងមក appeared first on Kampuchea Thmey Daily.

នាពេលបច្ចុប្បន្ននេះ គណបក្សហ៊្វុនស៊ិនប៉ិច បាននិងកំពុងដឹកនាំដោយព្រះអង្គម្ចាស់ នរោត្តម ចក្រាវុធ។ ព្រះអង្គម្ចាស់ នរោត្តម ចក្រាវុធ ត្រូវបានអង្គសមាជវិសាមញ្ញរបស់គណបក្សហ៊្វុនស៊ិនប៉ិច កាលពីថ្ងៃទី ៩ ខែកុម្ភៈ ឆ្នាំ ២០២២កន្លងទៅនេះ សម្រេចជ្រើសតាំងជាព្រះប្រធានគណបក្សហ៊្វុនស៊ិនប៉ិចជាផ្លូវការ ក្រោយពីការយាងចូលទិវង្គតរបស់សម្តេចក្រុមព្រះ នរោត្ដម រណឫទ្ធិ កាលពីខែវិច្ឆិកា ឆ្នាំ ២០២១។

ក្នុងការបោះឆ្នោតជ្រើសតាំង តំណាងរាស្រ្ដ នីតិកាលទី ៧នេះ ព្រះអង្គម្ចាស់ នរោត្តម ចក្រាវុធ បានឈរឈ្មោះជាបេក្ខជនពេញសិទ្ធិលេខរៀងទី ១ មណ្ឌលរាជធានីភ្នំពេញ នៃគណបក្សហ៊្វុនស៊ិនប៉ិច។ នៅថ្ងៃនេះសារព័ត៌មានកម្ពុជាថ្មី សូមបង្ហាញជូននូវព្រះជីវប្រវត្តិសង្ខេប ព្រះអង្គម្ចាស់ នរោត្តម ចក្រាវុធ ដូចខាងក្រោម៖

ព្រះអង្គម្ចាស់ នរោត្តម ចក្រាវុធ ទ្រង់ប្រសូត្រនៅថ្ងៃទី ១៣ ខែមករា ឆ្នាំ ១៩៧០ នៅរាជធានីភ្នំពេញ ព្រះរាជាណាចក្រកម្ពុជា។ ព្រះបិតា ព្រះនាម នរោត្តម រណឬទ្ធិ និងព្រះមាតា ព្រះនាម នរោត្តមម៉ារីរណឬទ្ធិ។ ព្រះអង្គជាព្រះបុត្រាច្បង ក្នុងចំណោមបុត្រា-បុត្រី ៣អង្គ។ តាំងពីកុមារភាព ព្រះអង្គម្ចាស់ នរោ ត្តម ចក្រាវុធ បានព្យាយាមរៀនសូត្រដោយក្តីអំណត់ និងបានទទួលព្រះឋាន:ជាបន្តបន្ទាប់។

+ពាក់ព័ន្ធនឹងកម្រិតវប្បធម៌របស់ព្រះអង្គម្ចាស់ នរោត្តម ចក្រាវុធ រួមមាន៖

-នៅឆ្នាំ ១៩៧៣: សិក្សានៅសាធារណរដ្ឋបារាំង

-ចាប់ពីឆ្នាំ ១៩៨៣ ដល់ឆ្នាំ ១៩៩៣: ព្រះអង្គ បានផ្លាស់ការសិក្សាពីប្រទេសបារាំង មកសិក្សានៅវិទ្យាល័យបារាំងក្នុងទីក្រុងបាងកក ប្រទេសថៃ ក្នុងអំឡុងពេលព្រះបិតារបស់ព្រះអង្គ ដឹកនាំការតស៊ូប្រឆាំងនឹងកងទ័ពបរទេសចូលលុកលុយកម្ពុជា

-ព្រះអង្គ បានទទួលបរិញ្ញាប័ត្រវិស្វករទូរគមនាគមន៍ នៃសាធារណរដ្ឋបារាំង, បរិញ្ញាប័ត្រវិស្វករអគ្គិសនី និងអេឡិចត្រិច នៅប្រទេសនូវែលសេឡង់

-ព្រះអង្គម្ចាស់ នរោត្តម ចក្រាវុធ ចេះភាសាខ្មែរ បារាំង អង់គ្លេស និងអេស្បាញ យ៉ាងស្ទាត់ជំនាញ។

+រីឯប្រវត្តិការងាររបស់ព្រះអង្គម្ចាស់ នរោត្តម ចក្រាវុធ វិញ រួមមាន៖

-ទសវត្សរ៍ ៩០ ក្រៅម៉ោងសិក្សា ព្រះអង្គបានដង្ហែព្រះបិតា និងព្រះមាតា ចូលរួមការងារសង្គមកិច្ច និង ជួរកងទ័ពជាតិសីហនុនិយម ក្នុងតំបន់តស៊ូព្រំដែនខ្មែរ-ថៃ

-ឆ្នាំ ១៩៩២ ព្រះអង្គ បានចូលបម្រើក្នុងកងកម្ម៉ង់ដូរនៃសាធារណរដ្ឋបារាំង         

-ឆ្នាំ ១៩៩៧ ដល់ ២០១១ ធ្វើការងារនៅក្រុមហ៊ុនឯកជន ACCOR នៅប្រទេសបារាំង

-ឆ្នាំ ២០១១ ដល់ ២០១៨ ធ្វើការនៅក្រុមហ៊ុនរថយន្ត Nissan / Nimo / RML in UK និងជាអ្នកប្រឹក្សាយោបល់នៅប្រទេសបារាំង។

ព្រះអង្គម្ចាស់ នរោត្តម ចក្រាវុធ បានទទួលព្រះឱវាទ និងការបណ្តុះបណ្តាលយ៉ាងស៊ីជម្រៅពីសម្តេចក្រុមព្រះ ព្រះបិតា អំពីនយោបាយ និងកិច្ចការសង្គម ចាប់តាំងពីក្នុងអំឡុងនៃការតស៊ូ រហូតដល់ប្រទេសកម្ពុជា មានសន្តិភាព ជាព្រះរាជាណាចក្រកម្ពុជាទី ២ ក្នុងបុព្វហេតុបណ្តុះមនសិការជាតិ ស្រឡាញ់ប្រជារាស្ត្របម្រើ ការពារឧត្តមប្រយោជន៍ជាតិ។

ព្រះអង្គម្ចាស់ នរោត្តម ចក្រាវុធ ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសប្រទានតែងតាំងជាសមាសភាពឧត្តមក្រុមប្រឹក្សាពិគ្រោះ និងផ្តល់យោបល់ នៃរាជរដ្ឋាភិបាលកម្ពុជា។

ថ្ងៃទី ៨ ខែសីហា ឆ្នាំ ២០១៨ ព្រះអង្គម្ចាស់ នរោត្តម ចក្រាវុធ ត្រូវបានសម្តេចក្រុមព្រះ សព្វព្រះហរទ័យ តែងតាំងជាព្រះប្រធាន ស្តីទី គណបក្សហ៊្វុនស៊ិនប៉ិច បន្ទាប់ពីសម្តេចក្រុមព្រះ បានជួបគ្រោះថ្នាក់ចរាចរណ៍ បណ្តាលឲ្យរងរបួសធ្ងន់ធ្ងរ។

នៅទី ២២ ខែវិច្ឆិកា ឆ្នាំ ២០២២ សម្តេចក្រុមព្រះ នរោត្តម រណឫទ្ធិ បានទ្រង់ឈ្វេងយល់នូវព្រះគោលបំណងចុងក្រោយ ទើបសម្រេចប្រទានសិទ្ធិថ្វាយព្រះអង្គម្ចាស់ នរោត្តម ចក្រាវុធ ដឹកនាំគណបក្សហ៊្វុនស៊ិនប៉ិច ជំនួសព្រះអង្គ ខណ:ដែលកំពុងព្យាបាលព្រះសុខភាព នៅក្រៅប្រទេស។

ក្រោយទៀត នៅថ្ងៃទី ៩ ខែកុម្ភៈ ឆ្នាំ ២០២២ សមាជវិសាមញ្ញគណបក្សហ៊្វុនស៊ិនប៉ិច បានសម្រេចជាឯកច្ឆ័ន្ចជ្រើសតាំង ព្រះអង្គម្ចាស់ នរោត្តម ចក្រាវុធ ជាព្រះប្រធានដឹកនាំបន្តវេនពីសម្តេចក្រុមព្រះ ព្រះបិតា។ ក្នុងព្រះឋានៈជាព្រះប្រធាន ព្រះអង្គបានយាងដឹកនាំ និងចុះពង្រឹងរចនាសម្ពន្ធជួបក្រុមការងារបោះឆ្នោត និងគណៈកម្មាធិការប្រតិបត្តិ រាជធានី-ខេត្ត និងរួបរួមសាមគ្គីគ្នាចាប់តាំងពីថ្នាក់កណ្តាល រហូតដល់មូលដ្ឋាន៕

The post មកដឹងពីប្រវត្តិសិក្សា និងការងាររបស់ព្រះអង្គម្ចាស់ ចក្រាវុធ ប្រធានគណបក្សហ៊្វុនស៊ិនប៉ិច appeared first on Kampuchea Thmey Daily.

លោក ញឿន រ៉ាដែន អ្នកនាំពាក្យគណបក្សហ៊្វុនស៊ិនប៉ិច បានឲ្យដឹងថា នៅក្នុងឱកាសនោះ ព្រះអង្គម្ចាស់ ព្រះប្រធានគណបក្ស បានរំលឹកនូវអនុស្សាវរិយ៍ ភាពតស៊ូ ពលីកម្មដ៏អង់អាចក្លាហាន នៃវីរៈជនទាំងអស់ក្នុងបុព្វហេតុ ជាតិ សាសនា ព្រះមហាក្សត្រ និងការប្រយុទ្ធប្រឆាំងការឈ្លានពានទឹកដីរបស់កងទ័ពជាតិ សីហនុនិយម ANS និងការបង្កើតឡើង រណសិរ្សរួបរួមជាតិ ដើម្បីកម្ពុជា ឯករាជ្យ សន្តិភាព និងសហប្របត្តិការ ហៅកាត់ថា (FUNCINPEC) ដែលមានគ្រប់ចលនាទាំងអស់ ក្រោមព្រះរាជកិច្ចដឹកនាំ នៃសម្តេចព្រះបរមរតនកោដ្ឋ ជាព្រះបិតាស្ថាបនិក។  

ព្រះអង្គម្ចាស់ បានមានព្រះបន្ទូលថា ទីនេះហើយ ជាកន្លែងប្រារព្ធពិធីសមាជនាឆ្នាំ ១៩៩១ ដែលបានប្តូរឈ្មោះ រណសិរ្សហ៊្វុនស៊ិនប៉ិច មកជាគណបក្សហ៊្វុនស៊ិនប៉ិច ហើយព្រះករុណាព្រះបាទ សម្តេចព្រះ នរោត្តម សីហនុ បានប្រោសប្រទានថ្វាយគណបក្សហ៊្វុនស៊ិនប៉ិច ដល់សម្តេចក្រុមព្រះ នរោត្តម រណឫទ្ធិ ដឹកនាំបន្ត ដើម្បីចូលរួមក្នុងការបោះឆ្នោតជាតិនាឆ្នាំ ១៩៩៣។

ព្រះអង្គម្ចាស់ នរោត្តម ចក្រាវុធ បានបន្ទូលថា «ពេលនេះ យើងមានសុខសន្តិភាព ស្ថេរភាព និងការអភិវឌ្ឍជាលំដាប់ គឺការផ្តើមចេញពីនយោបាយបង្រួបបង្រួមជាតិ ផ្សះផ្សាជាតិ ឯកភាពជាតិ នៃសម្តេចព្រះ ព្រះបរមរតនកោដ្ឋ និងជាពិសសមានប្រមុខដឹកនាំជាតិ បានរួបរួមគ្នា កសាងមាតុភូមិមួយនេះ ឲ្យមានសេចក្តីសុខក្សេមក្សាន្ត រុងរឿងរហូតមក»។

ជាមួយគ្នានេះ ព្រះអង្គម្ចាស់ នរោត្តម ចក្រាវុធ បានអំពាវនាវសហជីវិន-សហជីវិនី បន្តរួបរួមសាមគ្គី ជាធ្លុងមួយ ឯកភាព ក្រោមដំបូលគណបក្សរាជានិយមហ៊្វុនស៊ិនប៉ិច និងប្រមែលប្រមូលអ្នកសីហនុនិយម រណឫទ្ធិនិយម អ្នកសេហ្នាជាតិទាំងអស់ ការពារសន្តិភាព ឧត្តមប្រយោជន៍ជាតិ សម្រាប់ប្រជារាស្ត្រខ្មែរ៕

The post ព្រះអង្គម្ចាស់ នរោត្តម ចក្រាវុធ រំលឹកអំពីប្រវត្តិនៃការប្តូរឈ្មោះ រណសិរ្សហ៊្វុនស៊ិនប៉ិច មកជាគណបក្សហ៊្វុនស៊ិនប៉ិច appeared first on Kampuchea Thmey Daily.

នៅក្នុងឱកាសនោះ ព្រះអង្គម្ចាស់ នរោត្តម ចក្រាវុធ មានព្រះបន្ទូលកោតសរសើរចំពោះសមាជិក-សមាជិកា ដែលតែងតែមាន បេះដូងភក្តីស្មោះត្រង់ ក្នុងការបំរើ និងបំពេញការងារជូនគណបក្សហ៊្វុនស៊ិនប៉ិច គ្រប់កាលៈទេសៈ នាពេលកន្លងមក ។

ព្រះអង្គម្ចាស់ ក៏បានមានព្រះបន្ទូលសង្កត់ធ្ងន់ថា គណបក្សហ៊្វុនស៊ិនប៉ិច គឺកេរ្តិ៍ដំណែលដ៏ពិសិដ្ឋ នៃ ព្រះករុណាព្រះបរម រតនកោដ្ឋ មានប្រវត្តិសាស្ត្រច្បាស់លាស់។ ដូច្នេះហើយ សមាជិក-សមាជិកាទាំងគ្នា ជាកូនចៅ ចៅទួត ចាំបាច់ត្រូវមានភារកិច្ច រួបរួមសាមគ្គីគ្នា ដើម្បីការពារមរតកមួយនេះ ឲ្យបានគង់វង្ស។

ព្រះអង្គម្ចាស់ នរោត្តម ចក្រាវុធ បានប្តេជ្ញាធ្វើយ៉ាងណាឲ្យគណបក្សហ៊្វុនស៊ិនប៉ិច មានគាំទ្រសាជាថ្មី និងទទួលបានអាសនៈក្នុងរដ្ឋសភាជាតិ ដើម្បីរួមចំណែកអភិវឌ្ឍប្រទេសកម្ពុជា ឲ្យកាន់តែរីកចម្រើននិងសម្បូរសប្បាយរុងរឿងជានិរន្តរ៍៕

The post ព្រះអង្គម្ចាស់ នរោត្តម ចក្រាវុធ យាងសំណេះសំណាលជាមួយសមាជិក-សមាជិកា ក្នុងក្រុងសៀមរាប appeared first on Kampuchea Thmey Daily.

បន្ទាប់ពីលេចមុខក្នុងឆាកនយោបាយមក គេមិនសូវមិនដឹងអំពីព្រះជីវប្រវត្តិរបស់ព្រះអង្គម្ចាស់ នរោត្តម ចក្រាវុធ ប៉ុន្មានឡើយ។ ដោយសារមានការផ្ដល់ឯកសារពីមន្ត្រីជាន់ខ្ពស់ គណបក្សហ្វ៊ុនស៊ិនប៉ិចនោះ នៅថ្ងៃនេះសារព័ត៌មានកម្ពុជាថ្មី សូមបង្ហាញជូននូវព្រះជីវប្រវត្តិសង្ខេប ព្រះអង្គម្ចាស់ នរោត្តម ចក្រាវុធ ដូចខាងក្រោម៖

ព្រះអង្គម្ចាស់ នរោត្តម ចក្រាវុធ ទ្រង់ប្រសូត្រនៅថ្ងៃទី ១៣ ខែមករា ឆ្នាំ ១៩៧០ នៅរាជធានីភ្នំពេញ ព្រះរាជាណាចក្រកម្ពុជា។ ព្រះបិតា ព្រះនាម នរោត្តម រណឬទ្ធិ ព្រះមាតា ព្រះនាម នរោត្តមម៉ារីរណឬទ្ធិ ។ព្រះអង្គជាព្រះបុត្រាច្បងក្នុងចំណោមបុត្រាបុត្រីបីអង្គ។

តាំងពីកុមារភាព ព្រះអង្គម្ចាស់ នរោត្តម ចក្រាវុធ បានព្យាយាមរៀនសូត្រដោយក្តីអំណត់ និងបានទទួលព្រះឋាន:ជាបន្តបន្ទាប់ដូចខាងក្រោម៖

អំពីកម្រិតវប្បធម៌        

-នៅឆ្នាំ ១៩៧៣ : សិក្សានៅ សាធារណរដ្ឋបារាំង

-ចាប់ពីឆ្នាំ ១៩៨៣ ដល់ឆ្នាំ ១៩៩៣: ព្រះអង្គបានផ្លាស់ការសិក្សាពីប្រទេសបារាំង មកសិក្សានៅវិទ្យាល័យបារាំងក្នុងទីក្រុងបាងកក ប្រទេសថៃ ក្នុងអំឡុងពេលព្រះបិតារបស់ព្រះអង្គ ដឹកនាំការតស៊ូប្រឆាំងនឹងកងទ័ពបរទេសចូលលុកលុយកម្ពុជា

– ព្រះអង្គបានទទួលបរិញ្ញាប័ត្រវិស្វករទូរគមនាគមន៍ នៃសាធារណរដ្ឋបារាំង, បរិញ្ញាប័ត្រវិស្វករអគ្គិសនី និងអេឡិចត្រិច នៅប្រទេសនូវែលសេឡង់

– ព្រះអង្គចេះភាសា ខ្មែរ បារាំង អង់គ្លេស និងអេស្បាញ យ៉ាងស្ទាត់ជំនាញ

ប្រវត្តិការងារ

– ទសវត្សរ៍ ៩០ ក្រៅម៉ោងសិក្សាព្រះអង្គបានដង្ហែព្រះបិតា និងព្រះមាតា ចូលរួមការងារសង្គមកិច្ច និង ជួរកងទ័ពជាតិសីហនុនិយម ក្នុងតំបន់តស៊ូព្រំដែនខ្មែរ-ថៃ

– ឆ្នាំ ១៩៩២ ព្រះអង្គបានចូលបំរើក្នុងកងកម្ម៉ង់ដូរនៃសាធារណរដ្ឋបារាំង          

-ឆ្នាំ ១៩៩៧ ដល់ ២០១១ ធ្វើការងារនៅក្រុមហ៊ុនឯកជន ACCOR នៅប្រទេសបារាំង

-ឆ្នាំ ២០១១ ដល់ ២០១៨ ធ្វើការក្រុមហ៊ុនឡាន Nissan / Nimo / RML in UK និងជាអ្នកប្រឹក្សាយោបល់នៅប្រទេសបារាំង។

ព្រះអង្គម្ចាស់ នរោត្តម ចក្រាវុធ បានទទួលព្រះឱវាទ និងការបណ្តុះបណ្តាលយ៉ាងស៊ីជម្រៅពីសម្តេចក្រុមព្រះ ព្រះបិតា អំពីនយោបាយ និងកិច្ចការសង្គម ចាប់តាំងពីក្នុងអំឡុងនៃការតស៊ូ រហូតដល់ប្រទេសកម្ពុជាមានសន្តិភាព ជាព្រះរាជាណាចក្រកម្ពុជាទីពីរ ក្នុងបុព្វហេតុបណ្តុះមនសិការជាតិ ស្រឡាញ់ប្រជារាស្ត្របំរើ ការពារឧត្តមប្រយោជន៍ជាតិ។

ព្រះអង្គម្ចាស់ នរោត្តម ចក្រាវុធ ត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសប្រទានតែងតាំងជាសមាសភាពឧត្តមក្រុមប្រឹក្សាពិគ្រោះ និងផ្តល់យោបល់ នៃរាជរដ្ឋាភិបាលកម្ពុជា។

ថ្ងៃទី ៨ ខែសីហា ឆ្នាំ ២០១៨ ព្រះអង្គម្ចាស់ នរោត្តម ចក្រាវុធ  ត្រូវបានសម្តេចក្រុមព្រះ សព្វព្រះហរទ័យ តែងតាំងជាព្រះប្រធានស្តីទី គណបក្សហ៊្វុនស៊ិនប៉ិច បន្ទាប់ពីសម្តេចក្រុមព្រះ បានជួបគ្រោះថ្នាក់ចរាចរណ៍ បណ្តាលឲ្យរងរបួសធ្ងន់ធ្ងរ។

នៅទី ២២ ខែវិច្ឆិកា ឆ្នាំ ២០២២ សម្តេចក្រុមព្រះ នរោត្តម រណឫទ្ធិ បានទ្រង់ឈ្វេងយល់នូវព្រះគោលបំណងចុងក្រោយ ទើបសម្រេចប្រទានសិទ្ធិថ្វាយព្រះអង្គម្ចាស់ នរោត្តម ចក្រាវុធដឹកនាំគណបក្សហ៊្វុនស៊ិនប៉ិច ជំនួសព្រះអង្គ ខណ:ដែលកំពុងព្យាបាលព្រះសុខភាព នៅក្រៅប្រទេស។

នៅថ្ងៃទី ៩ ខែកុម្ភៈ ឆ្នាំ ២០២២ សមាជវិសាមញ្ញគណបក្សហ៊្វុនស៊ិនប៉ិច បានសម្រេចជាឯកច្ឆ័ន្ច ជ្រើសតាំងព្រះអង្គម្ចាស់ នរោត្តម ចក្រាវុធ ជាព្រះប្រធានដឹកនាំ បន្តវេនពីសម្តេចក្រុមព្រះ ព្រះបិតា។ ក្នុងព្រះឋានៈជាព្រះប្រធាន ព្រះអង្គបានយាងដឹកនាំ និងចុះពង្រឹងរចនាសម្ពន្ធជួបក្រុមការងារបោះឆ្នោត និងគណៈកម្មាធិការប្រតិបត្តិ រាជធានី-ខេត្ត និងរួបរួមសាមគ្គីគ្នាចាប់តាំងពីថ្នាក់កណ្តាល រហូតដល់មូលដ្ឋាន ៕

អត្ថបទ៖ ឃួន សុភ័ក្រ

The post ព្រះអង្គម្ចាស់ នរោត្តម ចក្រាវុធ ទទួលបានការបណ្តុះបណ្តាលយ៉ាងស៊ីជម្រៅពីសម្តេចក្រុមព្រះ អំពីកិច្ចការនយោ​​​បាយ និងសង្គម appeared first on Kampuchea Thmey Daily.

ការប្រកាសនេះ គ្រាដែលព្រះអង្គម្ចាស់ នរោត្តម ចក្រាវុធ នៅថ្ងៃទី ១១ ខែកុម្ភៈ ឆ្នាំ ២០២២នេះ បានយាងជួបសំណេះ សំណាល សួរសុខទុក្ខ ថ្នាក់ដឹកនាំខេត្ត ក្រុង/ស្រុក ឃុំ/សង្កាត់ ជារចនាសម្ព័ន្ធ ពេលព្រឹក ក្នុងស្រុកព្រៃនប់ និងពេលរសៀល នៅទីស្នាក់ការគណបក្ស ក្រុងព្រះសីហនុ។

នៅក្នុងឱកាសនោះ ព្រះអង្គម្ចាស់ នរោត្តម ចក្រាវុធ បានថ្លែងនូវការកោតសរសើរ ចំពោះទឹកចិត្តដ៏អង់អាចក្លាហាន របស់សហជីវិន-សហជីវិនី ដែលបានចូលរួមយ៉ាងសកម្ម ជាមួយគណបក្សហ៊្វុនស៊ិនប៉ិច និងបានដង្ហែតាមសម្តេចក្រុមព្រះ ជារៀងរហូតមក។

ជាមួយគ្នានេះ ក្នុងឋានៈព្រះអង្គម្ចាស់ នរោត្តម ចក្រាវុធ ជាព្រះប្រធានគណបក្សហ៊្វុនស៊ិនប៉ិច បន្តពីព្រះបិតារបស់ព្រះអង្គ នឹងការពារគណបក្សហ៊្វុនស៊ិនប៉ិច ឲ្យបានគង់វង្សជាអមតៈ។ បន្ថែមពីលើនេះ ព្រះអង្គ ក៏បានបន្តអំពាវនាវ ឲ្យបានថ្នាក់ដឹកនាំក្នុងខេត្ត ត្រូវប្រមែលប្រមូលអ្នករាជានិយម អ្នកសីហនុនិយ​ម អ្នករណឫទ្ធិនិយម រួបរួមគ្នា សាមគ្គីគ្នា ដើម្បីគណ បក្សហ៊្វុនស៊ិនប៉ិច ទទួលបានការគាំទ្រសាជាថ្មី៕

អត្ថបទ៖ ឃួន សុភ័ក្រ

The post ព្រះអង្គម្ចាស់ ចក្រាវុធ ប្រកាសការពារគណបក្សហ៊្វុនស៊ិនប៉ិច ឲ្យបានគង់វង្សជាអមតៈ appeared first on Kampuchea Thmey Daily.

លោក ញឿន រ៉ាដែន បានថ្លែងប្រាប់កម្ពុជាថ្មីនៅថ្ងៃទី២៧ ខែមករា នេះថា គណបក្សហ្វ៊ុនស៊ិនប៉ិច នឹងរៀបចំធ្វើសមាជវិសាមញ្ញ នៅសប្តាហ៏ទី១ ខែក្រោយនេះ។ ចំពោះរបៀបវារៈ គឺទី១ យាងព្រះអង្គម្ចាស់ នរោត្តម ចក្រាវុធ ជាព្រះប្រធានគណបក្សហ្វ៊ុនស៊ិនប៉ិច ហើយនឹងធ្វើវិសោធនកម្មលក្ខន្តិកៈគណបក្សមួយចំនួន ព្រមទាំងការប្រកាសសមាសភាពថ្នាក់ដឹកនាំមួយចំនួនទៀត ដែលមានអនុប្រធានជាដើម និងអនុម័តគោលនយោបាយគណបក្សផងដែរ។

សូមបញ្ជាក់ថា សម្តេចក្រុមព្រះ នរោត្តម រណឫទ្ធិ ព្រះប្រធានគណបក្សហ្វ៊ុនស៊ិនប៉ិច បានយាងចូលព្រះទិវង្គត នៅថ្ងៃអាទិត្យ ទី២៨ ខែវិច្ឆិកា ឆ្នាំ២០២១ វេលាម៉ោង៩ និង៤០ នាទីព្រឹក នៅប្រទេសបារាំង ត្រូវនឹងម៉ោង៣ និង៤០នាទីរសៀល ម៉ោងនៅកម្ពុជា ក្នុងព្រះជន្មាយុ៧៧ព្រះវស្សា ដោយព្រះរោគាពាធ។ ព្រះសពរបស់សម្តេចក្រុមព្រះ ដែលជាប្រធានឧត្តមក្រុមប្រឹក្សាផ្ទាល់ព្រះមហាក្សត្រផងនោះ ត្រូវបានដង្ហែតាមជើងយន្តហោះពិសេសពីប្រទេសបារាំងមកដល់ប្រទេសកម្ពុជា នៅថ្ងៃទី៥ ខែធ្នូ ឆ្នាំ២០២១ និងបានតម្កល់ធ្វើបុណ្យតាមប្រពៃណីសាសនា នៅព្រះរាជដំណាក់ព្រះអង្គ នៅផ្លូវសម្តេចប៉ាន ស្ថិតនៅសង្កាត់បឹងរាំង ខណ្ឌដូនពេញ រាជធានីភ្នំពេញ មានរយៈពេល៤ថ្ងៃ ចាប់ពីថ្ងៃទី៥ ដល់ថ្ងៃទី៨ ខែធ្នូ ឆ្នាំ២០២១។

ការយាងចូលព្រះទិវង្គត់របស់សម្តេចក្រុមព្រះនេះ បានឲ្យធ្វើផ្ទៃក្នុងគណបក្សហ្វ៊ុនស៊ិនប៉ិច ដែលតែងតែមានភាពប្រេះស្រាំស្រាប់នោះ បានឈានទៅបែកបាក់កាន់តែធ្ងន់ធ្ងរ ដោយថ្នាក់ដឹកនាំបានបែកចេញជាពីរក្រុម គឺទីមួយ ក្រុមខាងព្រះអង្គម្ចាស់ នរោត្តម ចក្រាវុធ ដែលជាបុត្រារបស់សម្តេចក្រុមព្រះ និងមួយក្រុមទៀត គឺក្រុមលោក សាយ ហាក់ លោក ហេង ចន្ថា លោក ញ៉េប ប៊ុនជិន និងលោក ផាន់ សិទ្ធី ជាដើម។ ក្រុមនេះ បានគ្រោងយាងព្រះអង្គម្ចាស់ នរោត្តម អរុណ រស្មី ធ្វើជាប្រធានបក្ស។

ជាការកត់សម្គាល់ ថ្នាក់ដឹកនាំទាំងពីរក្រុម តែងតែអះអាងថា ក្រុមមួយធ្វើសកម្មភាពដោយខុសច្បាប់ ខុសលក្ខន្តិកៈ ហើយក្រុមមួយទៀត ក៏ប្រកាសដូចគ្នា។ ដូច្នេះ គេមិនដឹងថា ក្រុមណាខុស ក្រុមណាត្រូវនោះទេ។ កាលពីថ្មីៗនេះ ក្រសួងមហាផ្ទៃ បានចេញលិខិតមួយថ្វាយព្រះអង្គម្ចាស់ នរោត្តម ចក្រាវុធ ដើម្បីធ្វើការសម្របសម្រួលផ្ទៃក្នុង មុននឹងធ្វើសសមាជរៀបចំក្បាលម៉ាស៊ីនដឹកនាំបក្ស។ ក្រសួង បានបញ្ជាក់យ៉ាងដូច្នេះថា ៖ «ក្រសួងមហាផ្ទៃស្នើឲព្រះអង្គម្ចាស់ ត្រូវធ្វើការសម្របសម្រួលផ្ទៃក្នុងគណបក្ស ដើម្បីរៀបចំសមាជជ្រើសរើសក្បាលម៉ាស៊ីនដឹកនាំគណបក្ស ឲ្យស្របតាមខ្លឹមសារប្រការ១៦ ប្រការ១៧ថ្មី ប្រការ១៩ ប្រការ២០ ប្រការ២៤ និងប្រការ៣៥ នៃលក្ខន្តិកៈគណបក្ស ដែលតម្កល់ទុកនៅក្រសួងមហាផ្ទៃ ព្រមទាំងបញ្ញត្តិមាត្រា១៨ថ្មី នៃច្បាប់ស្តីពីគណបក្សនយោបាយ»។

បើទោះបីជាមានលិខិតពីក្រសួងមហាផ្ទៃនេះក្តី ក៏ផ្ទៃក្នុងគណបក្សហ្វ៊ុនស៊ិនប៉ិច ជាពិសេស ថ្នាក់ដឹកនាំទាំងពីរក្រុម នៅតែមិនអាចសម្របសម្រួលគ្នាឡើយ។ កាលពីថ្ងៃទី២៥ ខែមករា កន្លងទៅថ្មីៗនេះ ក្រុមមួយដែលអះអាងថា ជាក្រុមគណៈកម្មាធិការនាយកគណបក្សហ្វ៊ុនស៊ិនប៉ិច បានចេញលិខិតសម្តែងការសោកស្តាយចំពោះការមិនឆ្លើយតបរបស់ព្រះអង្គម្ចាស់នរោត្តម ចក្រាវុធ បន្ទាប់ពីការិយាល័យអ្នកនាំពាក្យរបស់គណៈកម្មាធិការគណបក្ស ផ្ញើលិខិតយាងព្រះអង្គ ដើម្បីប្រជុំសម្របសម្រួលតាមការស្នើសុំរបស់ក្រសួងមហាផ្ទៃ៕

អត្ថបទ ៖ កោះកែវ

The post គណបក្សហ៊្វុនស៊ិនប៉ិច គ្រោងធ្វើសមាជ ដើម្បីរៀបចំក្បាលម៉ាស៊ីនដឹកនាំនៅដើមខែក្រោយនេះ appeared first on Kampuchea Thmey Daily.