យោងតាមក្រសួងវប្បធម៌ក្រិកបានឱ្យដឹងថា ក្រុមអ្នកបុរាណវត្ថុវិទូដែលជីកប្រាសាទអាយុកាល ២ ៨០០ ឆ្នាំនៅប្រទេស ក្រិក បានរកឃើញវត្ថុបុរាណជាច្រើន រួមទាំងរូបចម្លាក់សត្វឆ្កែ ស្ត្រី និងពស់ផងដែរ ។ រូបចម្លាក់ទាំងនេះប្រហែលជាគ្រឿងបូជា ឬជាអំណោយដល់អាទិទេពសមុទ្រ Poseidon ។

កន្លែងដែលត្រូវឧទ្ទិសដល់អាទិទេព Poseidon មានទីតាំងនៅទីក្រុងបុរាណ Elikis នៅលើឆ្នេរសមុទ្រភាគខាងជើងនៃ Peloponnese ក្នុងប្រទេស ក្រិក ។

ក្រៅពីវត្ថុបុរាណ អ្នកបុរាណវិទូបានវិភាគលើដីល្បាប់នៅកន្លែងនោះ ហើយរកឃើញថា វាធ្លាប់លិចច្រើនដងប្រហែល ២ ៨០០ ឆ្នាំមុន ទើបគេបូជាដល់អាទិទេពសមុទ្រ ។

ការពិតទៅអ្នកបុរាណវត្ថុវិទូ បានព្យាយាមជីកកកាយកន្លែងនេះ អស់រយៈពេលជិត ២០ ឆ្នាំមកហើយ ។ របកគំហើញ និងទំនាក់ទំនងរបស់វាជាមួយអាទិទេព Poseidon ត្រូវបានកត់សម្គាល់នៅក្នុងឯកសារជាច្រើន ដែលបោះពុម្ពនៅចន្លោះឆ្នាំ ២០១១ និង ២០២២ ៕

ប្រែសម្រួល៖ វារី

ប្រភព៖ livescience

ចុចអាន៖ មកស្គាល់កំពូលអាទិទេព ១០ អង្គ នៅក្នុងទេវកថា ក្រិក

The post រូបចម្លាក់អាយុកាលជិត ៣០០០ ឆ្នាំ នៅប្រាសាទ ក្រិក សង្ស័យជាតង្វាយអាទិទេព Poseidon appeared first on Kampuchea Thmey Daily.

ការព្រមានបានមកពីទឹកចិត្តព្រួយបារម្ភរបស់អ្នកស្រលាញ់សត្វ ក្រោយដឹងថាមានមនុស្សមួយចំនួនយកសត្វឆ្មា ឆ្កែ និងទន្សាយ ទៅបូជាឲ្យអាទិទេព ។

WDT ដាស់តឿនបុគ្គលណាដែលបង្កគ្រោះថ្នាក់លើសត្វចិញ្ចឹម ឬបូជាវាដល់អាទិទេពដែលនៅក្បែរផ្លូវបំបែក Huai Khwang គឺជា បទល្មើសនឹងច្បាប់ស្ដីពីការធ្វើបាបសត្វនាំឲ្យមានទោសធ្ងន់ ។

បើតាមសាច់ញាតិរបស់ជាងចម្លាក់បានឲ្យដឹងថា ការពិតគ្រូកៃកែវយកតែផ្លែឈើ ឬបង្អែមជាសំណែនតែប៉ុណ្ណោះ ដូច្នេះការសែនជីវិតគឺខុសពីអ្វីដែលលោកចង់បាន ។

រូបចម្លាក់គ្រូកៃកែវកំពុងល្បីល្បាញយ៉ាងខ្លាំងនៅប្រទេសថៃ ជាពិសេសព្រឹកថ្ងៃទី ៩ ខែសីហា ខណៈគេកំពុងដឹករូបចម្លាក់នេះ មានការកកស្ទះចរាចរណ៍ប្រហែល ២ ម៉ោងឯណោះ ។

អ្នកខ្លះជឿថា គ្រូកៃកែវ ឬ គ្រូបាកៃកែវ គឺជារាជគ្រូដែលព្រះបាទជ័យវរ្ម័នទី ៧ គោរព ប៉ុន្តែលោក តុងថុង ចាន់ដារ៉ាន់ស៊ូ អ្នកប្រាជ្ញប្រវត្តិសាស្ត្រមិនដែលឮពីពាក្យចចាមអារ៉ាមនេះទេ ៕

ប្រែសម្រួល៖ វារី

ប្រភព៖ bangkokpost

ចុចអាន៖ មកស្គាល់កំពូលអាទិទេព ១០ អង្គ នៅក្នុងទេវកថា ក្រិក

The post អ្នកយកសត្វចិញ្ចឹមទៅបូជាឲ្យរូបចម្លាក់នៅថៃ ប្រឈមមុខចំពោះការកាត់ទោស appeared first on Kampuchea Thmey Daily.

ចំណាត់ថ្នាក់ទី១០ ទេពធីតា អាតេមីស (Artemis)

អាតេមីស ជា​ទេពធីតា​ដែល​មាន​កិត្តិយស​បំផុត​ ក្នុង​ចំណោម​អាទិទេព​ក្រិក​បុរាណ ឈ្មោះ​រ៉ូមែន​របស់​ទ្រង់​គឺ ដាយ​អាណា។ ទ្រង់​ជា​ទេពធីតា​ផ្នែក​ប្រមាញ់ ផ្ដល់​កំណើត និង​បង្កើត​កូន ជា​ពិសេស​ព្រះ​នាង​ចូលចិត្ត​កាន់​ធ្នូ។

ចំណាត់ថ្នាក់ទី៩ អាទិទេព ហឺមីស (Hermes)

ព្រះនៃ​ចោរ និងអ្នកធ្វើដំណើរ ទ្រង់ជា​អាទិទេព​ពោរពេញ​ទៅ​ដោយ​ល្បិចកល​ ​ទើប​អាច​ធ្វើការ​ជាមួយ​ពួក​ខ្មោច​បិសាច​បាន។

ចំណាត់ថ្នាក់ទី៨ ទេពធីតា អាហ្វ្រូដាយធី (Aphrodite)

ព្រះនាងមានសម្រស់ស្រស់ស្អាតខ្លាំង ធ្វើឲ្យអាទិទេពធំចាប់នាងឲ្យរៀបការជាមួយកូនប្រុសខ្លួន ដើម្បីកុំឲ្យអាទិទេពផ្សេងៗមានជម្លោះ ប៉ុន្តែនាងបែរជាមានចិត្តស្រលាញ់សាច់ថ្លៃទៅវិញ។

ចំណាត់ថ្នាក់ទី៧  អាទិទេព អ៊ែរីស (Ares)

ទ្រង់ជាអាទិទេពនៃសឹកសង្គ្រាម ជាបុរសដែលទេពធីតា អាហ្វ្រូដាយធី ពេញចិត្តពួកទ្រង់ទាំងពីរនាក់មានកូនស្រីមួយអង្គព្រះនាម Harmonia – ទេពធីតានៃភាពសុខដុម។ ជាក់ស្ដែងអាទិទេព អ៊ែរីសចូលចិត្ដដើរលេងជាមួយព្រះ មិនសូវល្អដូចជា ព្រះនៃសេចក្ដីភ័យខ្លាច និងព្រះនៃជម្លោះ។

ចំណាត់ថ្នាក់ទី៦ អាទិទេព អាប៉ូឡូ (Apollo)

អាប៉ូឡូ ជាព្រះនៃតន្ត្រី និងពន្លឺ មានរូបសង្ហាដាច់គេ ហើយមហាកំពូលរវល់។ ជនជាតិក្រិកតែងតែរៀបចំកម្មវិធីមួយជារៀងរាល់បួនឆ្នាំម្ដង ទុកជាការគោរពព្រះអាប៉ូឡូ កម្មវិធីនោះគឺការប្រកួតកីឡាអូឡាំពិកនោះឯង។

ចំណាត់ថ្នាក់ទី៥ ទេពធីតា ហឺរ៉ា (Hera)

ទ្រង់​គឺ​ជា​ទេពធីតា​ដែល​ស្អាត​បំផុត ហើយត្រូវបានគេស្គាល់ថា​ជាព្រះនៃ​អាពាហ៍ពិពាហ៍ និង​ការ​សម្រាល​កូន។ ទេពធីតា ហឺរ៉ា ជាមហេសីរបស់ហ្សូស។ រាល់ពេលដែលហ្សូសក្បត់ចិត្ត នាងតែងតែដាក់ទណ្ឌកម្មលើស្ត្រីទាំងនោះមិនលើកលែងសូម្បីតែកូនៗពួកគេ។

ចំណាត់ថ្នាក់ទី៤ អាទិទេព ហេឌីស (Hades)

អាទិទេព ហេឌីស ជាអ្នកគ្រប់គ្រងឋានក្រោម ទ្រង់មានចិត្តកាចសាហាវ សម្បូរមាសប្រាក់ ថែមទាំងមានមួកបំបាំងកាយទៀតផង។

ចំណាត់ថ្នាក់ទី៣ ទេពធីតា អាធីណា (Athena)

ទេពធីតាអាធីណា​​ ប្រសូត្រ​ចេញពីក្បាលរបស់ហ្សូស ​មានប្រាជ្ញា ពូកែ​ខាង​សិប្បកម្ម និង​ធ្វើ​សង្គ្រាម។ នាង​មាន​ចិត្ត​កាច​សាហាវ​នៅ​សមរភូមិ ដែល​តែង​តែ​យក​ចិត្ត​ទុកដាក់​ក្នុង​ការ​ប្រយុទ្ធ​ដើម្បី​យុត្តិធម៌ និង​សេចក្ដី​សុចរិត ហើយ​មិន​បង្ហាញ​កំហឹង​ទេ។ ​

ចំណាត់ថ្នាក់ទី២ អាទិទេព ផូសៃដុន (Poseidon)

អាទិទេពនៃសមុទ្ររូបនេះមានចិត្តមិនចេះស្ងប់ ជួនកាលគាត់បង្កើតកោះស្រស់ស្អាតមួយ លុះស្អែកឡើងកោះនោះមានព្យុះមានរញ្ជួយដីទៅវិញ។

ចំណាត់ថ្នាក់ទី១ អាទិទេព ហ្សូស (Zeus)

ហ្សូស គឺជាព្រះនៃមេឃក្នុងទេវកថាក្រិកបុរាណ។ ក្នុងនាមជាអាទិទេពក្រិក ហ្សូស ត្រូវបានចាត់ទុកថាជាអ្នកគ្រប់គ្រង អ្នកការពារ និងជាបិតានៃព្រះ និងមនុស្សទាំងអស់។ ជារឿយៗ​ ទ្រង់ជាបុរសចំណាស់ដែលមានពុកចង្ការ ហើយត្រូវបានតំណាងដោយនិមិត្តសញ្ញាដូចជា ផ្លេកបន្ទោរ និងឥន្ទ្រី៕

ប្រែសម្រួល៖ វារី

ចុចអាន៖មកស្គាល់នាងមច្ឆាទាំង ១២ ប្រភេទ ខុសៗគ្នា ក្នុងទេវកថាចម្រុះ

The post មកស្គាល់កំពូលអាទិទេព ១០ អង្គ នៅក្នុងទេវកថា ក្រិក appeared first on Kampuchea Thmey Daily.

រូបចម្លាក់ “Corona Devi” ចំនួន ២ អង្គត្រូវបានបង្កើតឡើងនៅភាគខាងត្បូងនៃទីក្រុង Coimbatore ក្នុងរដ្ឋ Tamil Nadu ដែលក៏រងការវាយប្រហារយ៉ាងធ្ងន់ធ្ងរដោយជំងឺកូវីដ ១៩ ដែរ ដោយក្នុងនោះបានសម្លាប់មនុស្ស ១០០,០០០ នាក់ ក្នុងរយៈពេលបួនសប្តាហ៍ចុងក្រោយនេះ ។

ប្រាសាទ Kamatchipuri Adhinam ត្រូវបានបិទសម្រាប់អ្នកគោរពបូជា ដោយសារតែអត្រាឆ្លងខ្ពស់របស់ទីក្រុង Coimbatore ប៉ុន្តែអាចារ្យកំពុងគោរពសក្ការៈ នៅចំពោះមុខព្រះដែលធ្វើពីឈើមួយ និងមួយទៀតធ្វើពីថ្ម ។

ពួកគេបានទុកអាហារ និងតង្វាយផ្សេងៗទៀត ហើយបន់ស្រន់បួងសួងដល់ព្រះ សុំឲ្យបញ្ឈប់រោគរាតត្បាត និងស្រង់ទឹកឲ្យរូបព្រះដោយទឹករមៀត និងទឹកដោះគោ ។

អ្នកគ្រប់គ្រងប្រាសាទលោក Anandbharathi បាននិយាយថា “យើងមានប្រាសាទស្រដៀងៗគ្នា សម្រាប់បួងសួងឲ្យជាជំងឺអុតស្វាយ និងប៉េស្តកាលពីអតីតកាល” ។

លោកបានបន្ថែមថា “យើងកំពុងគោរពបូជាវីរុសក្នុងទម្រង់ជាទេពធីតា ហើយអធិស្ឋានដល់ព្រះនាងរាល់ថ្ងៃ ដើម្បីកាត់បន្ថយផលប៉ះពាល់នៃជំងឺនេះ” ។

លោក Anandbharathi បានបន្តថា “សូម្បីតែគ្រូពេទ្យ ក៏មិនអាចដោះស្រាយ ស្ថានការណ៍ដ៏ធំធេងនេះបានដែរ ។ ដូច្នេះយើងងាកទៅរកជំនឿ និងព្រះជាមធ្យោបាយចុងក្រោយ” ។

ទន្ទឹមនោះ ក្រុមអាចារ្យដែលធ្វើពិធីនេះ គ្រោងនឹងបន្ដអធិស្ឋានរបស់ពួកគេ ដល់រូបព្រះ “Corona Devi” រយៈពេល ៧ សប្តាហ៍ទៀត ។

គួរបញ្ជាក់ថា គិតត្រឹមពេលនេះ ប្រទេសឥណ្ឌា មានករណីឆ្លងជំងឺកូវីដ ១៩ ជាង ២៧ លានករណី និងមានអ្នកស្លាប់ ៣១៥,២៦៣ នាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ គ្រូល្បីឈ្មោះ ឥណ្ឌា អះអាងថា មនុស្សរាប់ម៉ឺននាក់ស្លាប់ដោយសារកូវីដ ព្រោះមិនជឿឱសថបុរាណ ផឹកតែថ្នាំសម័យទំនើប

ចុចអាន ៖ វីរុស​បំប្លែង​ខ្លួន ​ឥណ្ឌា កំពុង​សាយ​ភាយ​ដល់​ប្រទេស​ជាង ៥៣ ហើយ

The post ទៀតហើយ! ក្រុមអាចារ្យនៅ ឥណ្ឌា បួងសួងសុំសេចក្តីមេត្តាពីព្រះអាទិទេព ជួយការពារកូវីដ ក្រោយអស់ជំនឿលើគ្រូពេទ្យ appeared first on Kampuchea Thmey Daily.