ភាគយន្តថៃ Archives - Kampuchea Thmey Daily

ផ្ទុះការសម្តែងមិនពេញចិត្តជាខ្លាំង នៅពេលដែលថៃយក«ផ្ការំដួល»តំណាងកម្ពុជាដាក់លើផ្ទាំងភាពយន្តរបស់ខ្លួន

vann sokunthea — Wed, 27 Jul 2022 05:43:29 +0000

កាលពីពេលថ្មីៗកន្លងទៅនេះ មានការផ្ទុះការមិនពេញចិត្តជាខ្លាំងពីសំណាក់ប្រជាជនកម្ពុជា ក្រោយពីមានបង្ហោះនូវផ្ទាំងរូបភាពរឿងភាគថៃមួយ ដែលបានយកផ្ការំដួលដែលជាផ្កាតំណាងជាតិកម្ពុជាទៅដាក់អមជុំវិញតួអង្គឯកប្រុសស្រីនៅក្នុងរឿងភាគនោះ។ បញ្ហានេះ បានបង្កើតជាការវែកញ៉ែកដ៏ក្តៅគគុកនៅលើបណ្តាញសង្គមហ្វេសបុក។

ក្រោយពីមានការលេចចេញនូវរូបភាពមួយសន្លឹករបស់ផលិកម្មភាពយន្តថៃ “GDH movie” នៅក្នុងរឿងបុព្វេសន្និវាសភាគទី២ ដែលមានដាក់រូបផ្ការំដួលនៅជុំវិញតួអង្គឯកប្រុស ស្រីទាំងពីររូបមក ទំព័រហ្វេសបុកមួយឈ្មោះថា “វិភាគកុន៖ Academic Film Critism” បានយករូបភាពនោះ មកបង្ហោះបន្តដោយភ្ជាប់សេចក្តីថា «WOW…ផ្កាតំណាងជាតិយើងទេតើ…ទីបំផុតសៀមរកនឹកឃើញរបស់ថ្មី របកគំហើញកេរតំណែលថ្មី ដើម្បីជួយផ្សព្វផ្សាយអ្វីដែលជាអត្តសញ្ញាណជាតិយើងទៀតហើយ.. សរសើរគេខំណាស់!»។

បន្ទាប់ពីមានការបង្ហោះបែបនេះ ក៏មានប្រជាជនកម្ពុជាជាច្រើនបានចូលទៅបញ្ចេញមតិដោយការមិនពេញចិត្តជាខ្លាំង។ ក្នុងនោះ គណនីហ្វេសបុកមួយបានបញ្ចេញមតិ ថា៖«ហេតុអី្វមិនយកផ្កាតំណាងប្រទេសខ្លួនឯងទៅផ្សព្វផ្សាយ? ផ្ការំដួលតំណាងឱ្យប្រទេសខ្មែរ Why you do like this ?? #រំដួលដំណាងប្រទេសខ្មែរ»។ ចំណែក គណនីមួយទៀតបានបញ្ចេញមតិបែបនេះថា៖«ថៃប្តឹងខ្មែររឿងរូបរ៉ាហូ ខ្មែរចេញលិខិតសុំទោសគេដូចដើម ចុះថៃយករូបផ្កា តំណាងខ្មែរវិញស្ងាត់ឱ្យជ្រាប កាន់តែហ៊ានហើយ»។ រីឯ គណនីហ្វេសបុកមួយទៀត ក៏បានសរសេរថា៖ «គេចូលចិត្តបំពានយើង។ តែយើងចូលចិត្តគាំទ្រគេដោយខ្វះការពិចារណា។ គាំទ្រគេ ដូចគាំទ្រឱ្យគេបំពាន។ ពិចារណាមុនចំណាយលុយ»។

បន្ទាប់ពីមានការមិនពេញចិត្តបែបនេះ ក៏មានជនជាតិថៃ វៀតណាម និងកម្ពុជាមួយចំនួនបានចូលទៅបញ្ចេញមតិ និងបង្ហោះលើគេហទំព័ររបស់ខ្លួន ក្នុងន័យថា ផ្ការំដួលជាផ្កាតំណាងជាតិកម្ពុជាក៏ពិតមែន ប៉ុន្តែការដាក់ជាផ្ទាំងរូបភាព និងការយកទៅប្រើប្រាស់ផ្សេងៗក្រៅពីជនជាតិខ្មែរ គឺគ្មានអ្វីខូចខាតឡើយ។ យ៉ាងណាក៏ដោយ ក្រោយពីមានហេតុការណ៍បែបនេះ ផលិតកម្មភាពយន្តថៃ “GDH movie” បានប្តូរពីរូបផ្ការំដួលទៅជាផ្កា Chongko នៅក្នុងរូបភាពអមជុំវិញតួអង្គជំនួសវិញ។

គួររំលឹកថា ផ្ការំដួល គឺជាផ្កាតំណាងឱ្យប្រទេសកម្ពុជាដែលត្រូវបានព្រះមហាក្សត្រខ្មែរ ព្រះបាទ សម្ដេចព្រះបរមនាថ នរោត្តម សីហមុនី ប្រកាសព្រះរាជក្រឹត្យជាផ្កាតំណាងឱ្យអត្តសញ្ញាណជាតិ ចុះនៅថ្ងៃទី២១ ខែមីនា ឆ្នាំ២០០៥៕

ដោយ៖ អុន ស្រីមាន

The post ផ្ទុះការសម្តែងមិនពេញចិត្តជាខ្លាំង នៅពេលដែលថៃយក«ផ្ការំដួល»តំណាងកម្ពុជាដាក់លើផ្ទាំងភាពយន្តរបស់ខ្លួន appeared first on Kampuchea Thmey Daily.

សមត្ថភាពមិនធម្មតា! តារាស្រី ៣ ដួង មានឱកាសសម្ដែងក្នុងភាពយន្តរបស់ថៃ

Sorn Phanith — Mon, 06 Jun 2022 07:38:46 +0000

ទន្ទឹមនឹងវិស័យកុនខ្មែរកំពុងរីកចម្រើន តារាសម្ដែងប្រុសស្រីជាច្រើនកំពុងពង្រឹកខ្លួនមិនថា សម្រស់ សមត្ថភាព និងទេពកោសល្យ តែជាភ័ព្វសំណាងតារាស្រី ៣ ដួងនេះ ត្រូវបានផលិករថៃចាប់អារម្មណ៍ នឹងផ្ដល់ឱកាសឲ្យចូលរួមសម្ដែងក្នុងភាពយន្តថៃ។

១. កញ្ញា ថន លក្ខិណា

ផ្ទុះការចាប់អារម្មណ៍នៅតាមបណ្ដាញសង្គមក្រោយលេចមុខ ពិធីការី និងតារាសម្ដែង កញ្ញា ថន លក្ខិណា ចូលរួមសម្ដែងនៅក្នុងរឿង The Return ជាមួយតារាប្រុសថៃ Om Akapan ដែលបានចាក់ផ្សាយកាលពីឆ្នាំ ២០១៤។ លើសពីសមត្ថភាពសម្ដែង ទស្សនិកជនក៏បានកោតសរសើរទៅលើការប្រើប្រាស់ភាសាថៃរបស់កញ្ញា ថន លក្ខិណា ផងដែរ។

២. កញ្ញា ស៊ីន យូប៊ីន

ដោយសារសមត្ថភាពសម្ដែង បូករួមជាមួយទេពកោស្យក្នុងការនិយាយភាសាថៃបានយ៉ាងល្អ កញ្ញា ស៊ីន យូប៊ីន ត្រូវបានផលិករថៃចាប់អារម្មណ៍ នឹងបានផ្ដល់ឱកាសចូលរួមសម្ដែងនៅក្នុងរឿង The Protector ឬ កំពូលអង្គរក្សមុខខ្មូត កាលពីឆ្នាំ ២០២០។ លើសពីនោះទៅទៀត កញ្ញាក៏បានលេចមុខជាញឹកញយ នៅក្នុងប៉ុស្ត៍ទូរទស្សន៍ថៃផងដែរ។

៣. កញ្ញា យឹម ស្រីពេជ្រ

កាលពីពេលថ្មីៗ រូបថតក្រុងពាលីរឿងភាគថៃ ត្រូវបានចែកចាយពេញបណ្ដាញសង្គមដោយគេបានឃើញ កញ្ញា យឹម ស្រីពេជ្រ លេចមុខជាតួអង្គស្រីនៅពេលនោះ ធ្វើឲ្យមហាជនជាច្រើនមានភ្ងាក់ផ្អើលជាខ្លាំង។ លើសពីនោះរឿងថ្មីនោះ ក៏មានការចូលរួមសម្ដែងពីតារាប្រុសថៃជួរមុខលោក Toey Pongsakorn ជាតារាសម្ដែងប្រុសប្រចាំស្ថានីយទូរទស្សន៍លេខ ៣ ថៃផងដែរ៕

អត្ថបទ៖ ផានិត

The post សមត្ថភាពមិនធម្មតា! តារាស្រី ៣ ដួង មានឱកាសសម្ដែងក្នុងភាពយន្តរបស់ថៃ appeared first on Kampuchea Thmey Daily.

ទម្រាំថតចប់មួយរឿងមិនងាយស្រួលទេ! នេះជាមូលហេតុដែលធ្វើឲ្យ ” Girl From Nowhere ” ល្បីសឹងគ្រប់ប្រទេស

សាង ស្រីល័ក្ខ — Fri, 28 May 2021 08:40:59 +0000

” Girl from Nowhere“ ត្រូវបានគេស្គាល់ជាភាសាថៃថា ” Dek Mai ” ចាក់បញ្ចាំងជាលើកដំបូងនៅលើទូរទស្សន៍ GMM 25 នៅខែ សីហា ឆ្នាំ ២០១៨ ។ វាជាស៊េរីរឿងភ័យរន្ធត់ដែលមានក្មេងស្រីម្នាក់ឈ្មោះថា Nanno ជាមនុស្សដែលមានគេច្រណែនច្រើន និងឧស្សាហ៍ប្ដូរសាលារៀនដើម្បីស្វែងរកការងារខាងក្នុងដ៏គួរឲ្យស្អប់របស់ស្ថាប័ននីមួយៗ រាប់ចាប់ពីគ្រូបឋម ដល់សិស្សដែលរំលោភបំពាន។

សាច់រឿងនេះត្រូវបានបំផុសគំនិតដោយព្រឹត្តិការណ៍ពិត ផ្អែកលើរបាយការណ៍ព័ត៌មានដែលបានកើតឡើងនៅក្នុងប្រទេសថៃ។ ជាពិសេសវាបង្ហាញពីករណីនៃការរំលោភបំពានផ្សេងៗគ្នា ការសម្លុតធ្វើបាប រំលោភផ្លូវភេទ រំលោភសេពសន្ថវៈ ការលួចគេចម៉ោងសិក្សា និងគ្រោះថ្នាក់នៃវប្បធម៌ស្ត្រេស ជាពិសេសគឺការកេងប្រវ័ញ្ចជីវិតពិតរបស់ក្មេងស្រី ដែលមកពីសាលារៀនផ្សេងទៀត ។

ភាគនីមួយៗទាំង ១៣ ត្រូវបានដឹកនាំដោយអ្នកដឹកនាំផ្សេងគ្នា និងមានស្ទីលដ៏អស្ចារ្យនៃខ្សែភាពយន្ត ។ តួឯកស្រីនាង Kitty Chicha Amatayakul ដែលបានសំដែងជា Nanno ធ្លាប់បានថ្លែងនៅក្នុងបទសម្ភាសន៍មួយថា” ខ្ញុំពិតជារីករាយណាស់ដែលបានលេងជាតួ Nanno រាល់សប្ដាហ៍ខ្ញុំចូលរួមសិក្ខាសាលាស្ដីពីការសម្ដែង ហើយធ្វើការជាមួយអ្នកដឹកនាំដែលទទួលបន្ទុករឿងភាគបន្ត ” ។

នាងបាននិយាយថា នាងមានការពិបាកខ្លះៗក្នុងការសំដែងជាតួអង្គមួយនេះណាស់ ដោយសារតែ Nanno មិនមែនជាមនុស្សពិតដូចតួអង្គផ្សេងទៀត។ តារាសម្ដែងរូបនេះបានហាត់ពត់ខ្លួនឲ្យស៊ាំជាមួយតួអង្គប្រភេទនេះ នាងបានព្យាយាមមិនដកដង្ហើម មិនញ៉ាំអ្វី មិនផឹកទឹកនិងដេក ក៏ដើម្បីចង់ឲ្យការសំដែងនេះចេញមកល្អនិងលេចធ្លោខ្លាំង។

វគ្គនីមួយៗនៅក្នុងរឿងតួ Nanno ត្រូវផ្លាស់ប្ដូរទឹកមុខនិងអារម្មណ៍ឥតឈប់ឈរ។ បើទោះបីជាស្មុគស្មាញនិងគួរឲ្យខ្លាចនៅពេលខ្លះ Kitty នៅតែខំប្រឹងធ្វើតួនាទីនេះឲ្យបានល្អ។ តួយ៉ាងភាគទី ២ នៃឈុតនេះតម្រូវឲ្យតួស្រីត្រូវគេកប់ទាំងរស់និងប្រើហិង្សា ប៉ុន្តែនាងមិនបានប្រើតួជំនួសនោះទេ ដោយនាងបានទទូចសំដែងឈុតនេះដោយខ្លួនឯង ណាមួយ Kitty ចង់ឲ្យវាកាន់តែមើលទៅដូចធម្មជាតិនិងពិតប្រាកដ ។

Girl from Nowhere តួអង្គ Nanno មិនមែនជាខ្មោចទេ ប៉ុន្តែនាងក៏មិនមែនជាមនុស្សដែរ។ នាងគឺជាកូនស្រីរបស់សាតានឬពស់មកពីសួនច្បារអេដែន នាងមកផែនដីនេះដើម្បីផ្ដល់ផ្លែឈើហាមឃាត់ដល់មនុស្ស។ នាងនៅទីនេះដើម្បីសាកល្បងថា តើមនុស្សអាក្រក់អាចជាមនុស្សបែបណា។

Kitty បន្តថា “ ខ្ញុំឃើញថាវាពិបាកខ្លាំងណាស់។ ខ្ញុំចំណាយពេលយូរដើម្បីយល់ពីចរិតលក្ខណៈរបស់តួអង្គ ហើយបង្ហាញតាមរបៀបដែលមិនគួរឲ្យជឿ។ តួអង្គនេះមិនមែនជាមនុស្សទេ ដូច្នេះ Nanno មិនមានអារម្មណ៍ដូចមនុស្សទាំងការយល់ចិត្តឬការដឹងកំហុស។ ខ្ញុំត្រូវប្រើការស្រមើស្រមៃរបស់ខ្ញុំ ដើម្បីរកមើលថាតើមនុស្សបែបនោះ នឹងត្រូវធ្វើចរិតយ៉ាងម៉េច។

ចុងក្រោយសាច់រឿងនេះបានបង្ហាញពីបញ្ហានៅវ័យជំទង់ ការសម្លុតគំរាមពីសាលារៀន និងភាពក្លាហានតាមរបៀបមួយដ៏អស្ចារ្យ ជាពិសេសគឺមានធាតុផ្សំនៃភាពជាស្ត្រីផងដែរ។ ស្ត្រីលែងមានឆន្ទៈក្នុងការក្លាយជាជនរងគ្រោះ ហើយត្រៀមខ្លួនប្រយុទ្ធប្រឆាំងនឹងពួកគេវិញ៕

សូមទស្សនាវីដេអូខាងក្រោម៖

ប្រែសម្រួល៖ សាង ស្រីល័ក្ខ

ប្រភព៖preview N cosmo

ចុចអាន៖មិនធម្មតា! គ្រាន់សម្ដែងរឿងចប់ភ្លាម តួអង្គ Nano កើនអ្នកចុចតាមដាន IG វ៉ាដាច់ Lisa Blackpink

The post ទម្រាំថតចប់មួយរឿងមិនងាយស្រួលទេ! នេះជាមូលហេតុដែលធ្វើឲ្យ ” Girl From Nowhere ” ល្បីសឹងគ្រប់ប្រទេស appeared first on Kampuchea Thmey Daily.

មិនធម្មតា! គ្រាន់សម្ដែងរឿងចប់ភ្លាម តួអង្គ Nano កើនអ្នកចុចតាមដាន IG វ៉ាដាច់ Lisa Blackpink

សាង ស្រីល័ក្ខ — Thu, 27 May 2021 10:00:16 +0000

តារាសម្ដែងដែលដកជាប់បេះដូងទស្សនិកជន តួអង្គ Nano ដែលមានឈ្មោះពិតថា Kitty Chicha បានធ្វើឲ្យអ្នកទស្សនារឿង Girl From Nowhere ទាំងពីរវគ្គ ពេញចិត្តនឹងអត្តចរិតរបស់នាងនៅក្នុងរឿងជាខ្លាំង។

ដោយសារតែបែបនេះហើយ ទើបធ្វើឲ្យគណនី Ig របស់តួអង្គ Nano សម្រាប់ខែ ឧសភា នេះ មានចុចតាមដានបន្ថែមរហូតដល់ ១,៧៥២,៦៥៥ នាក់ថែមទៀត។

ងាកមកចាប់អារម្មណ៍ ទៅលើគណនី Ig របស់ Lisa Blackpink ដែលធ្លាប់តែឈរនៅតារាងលេខរាល់ខែ ពេលនេះធ្លាក់ត្រឹមលំដាប់លេខ ២។ ដោយអ្នកចុចតាមដាន Ig ក្នុងខែនេះ មានត្រឹមតែ ១,៣៩១,៩២០ ប៉ុណ្ណោះ។

ទាំងនេះ ជាតួរលេខមួយដែលធ្វើឲ្យអ្នកតាមដាន និងអ្នកគាំទ្រភ្ញាក់ផ្អើល ហើយចាប់អារម្មណ៍ជាខ្លាំងជាមួយប្រជាប្រិយភាពរបស់ Kitty តួអង្គ Nano៕

ប្រែសម្រួល៖Poraman

ចុចអាន៖មានអីទៀត! Toon ត្រៀមលុយ ១លានបាត ប្រសិនជា Koi បង្កើតបានកូនស្រីឲ្យគាត់

ចុចអាន៖ខ្មាសអៀនអី! Heize សារភាពអារម្មណ៍ពិតពេលបានសម្ដែង MV ជាមួយ Song JoongKi

The post មិនធម្មតា! គ្រាន់សម្ដែងរឿងចប់ភ្លាម តួអង្គ Nano កើនអ្នកចុចតាមដាន IG វ៉ាដាច់ Lisa Blackpink appeared first on Kampuchea Thmey Daily.

រង់ចាំយូរអត់! ភាពយន្តរឿង My Sassy Girl ថតបន្តពីកូរ៉េ កៀកថ្ងៃចាក់បញ្ចាំងហើយ

សាង ស្រីល័ក្ខ — Thu, 06 May 2021 08:33:02 +0000

ភាពយន្តរឿង My Sassy girl របស់កូរ៉េ ធ្លាប់ទទួលបានប្រជាប្រិយភាពយ៉ាងខ្លាំងកាលពីឆ្នាំ ២០០១ មកម្លេះ។ ដែលកាលនោះ វាជាការសម្ដែងពីកំពូលតារាសម្ដែងស្រី លំដាប់ជួរមុខក្នុងប្រទេសកូរ៉េខាងត្បូង Jun JiHyun ជាមួយតារាប្រុសសង្ហាលោក Cha Tae Hyun ។

ថ្មីៗនេះ ខាងសារព័ត៌មានក្នុងស្រុកថៃ បានកំពុងចាប់អារម្មណ៍ទៅនឹងភាយន្ត My Sassy Girl Thai ដែលជាការទិញសិទ្ធិថតថ្មីពីប្រទេសកូរ៉េ និងបានថតចប់សព្វគ្រប់រយៈពេល ២ឆ្នាំមកហើយ។ ដោយភាពយន្តមួយនេះ សម្ដែងដោយតួស្រីនាង Kaew Jarin ដែលតម្រូវអោយនាងសម្ដែងជានារីមានអត្តចរិតខិលខូច កាចឆ្នាស់ និងព្រមចុះចាញ់នរណាម្នាក់ងាយៗនោះទេ។

យ៉ាងណាមិញ បន្ទាប់ពីរង់ចាំអស់រយៈពេលជាង ២ឆ្នាំមកនេះ ទស្សនិកជនហាក់សប្បាយចិត្តឡើងវិញ ក្រោយពេលដឹងថា រឿង My Sassy Girl Thai នឹងមានវត្តមាននៅលើរោងកុនឆាប់ៗ៕

អត្ថបទផ្ដល់ដោយ៖Poraman

ចុចអាន៖រៀបការអស់ច្រើនឆ្នាំ! តារាថៃទាំងនេះ ទើបតែដាច់ចិត្តបង្ហើបថា ពួកគេកំពុងចង់បានកូន

ចុចអាន៖តារាថៃ៧រូបសាងប្រជាប្រិយភាពឲ្យខ្លួនឯងបានយ៉ាងលឿន ទាំងដែលម្នាក់ៗទើបអាយុជាង ២០ឆ្នាំ

The post រង់ចាំយូរអត់! ភាពយន្តរឿង My Sassy Girl ថតបន្តពីកូរ៉េ កៀកថ្ងៃចាក់បញ្ចាំងហើយ appeared first on Kampuchea Thmey Daily.

ខ្សែភាពយន្តដំបូងរបស់ Weir Sukollawat និង Aom Sushar នឹងមានវត្តមានលើ Netflix តែមួយប៉ុណ្ណោះ

សាង ស្រីល័ក្ខ — Wed, 21 Apr 2021 09:24:11 +0000

មិនប៉ុន្មានថ្ងៃមុន តារាស្រីតូចច្រឡឹងនាង Aom Sushar ទើបនឹងបានបង្ហោះរូបភាពមួយចំនួន ក្នុងថ្ងៃសម្ពោធរឿងថ្មីរបស់នាងជាមួយរៀមច្បង Weir Sukollawat។

បើតាមប្រភពព័ត៌មានបានបញ្ជាក់ថា រឿង «Bangkok Breaking» នឹងមានវត្តមានចាក់ផ្សាយនៅលើ App Netflix តែមួយគត់។

គួរបញ្ជាក់ផងដែរថា សម្រាប់ស៊េរីរឿងខាងលើនេះ ជាការសម្ដែងជាមួយគ្នាលើកដំបូងសម្រាប់កំពូលតារាប្រុស Sukollawat និងតួស្រី Aom Sushar បើទោះបីពួកគេទាំងពីរប្រឡូកក្នុងវិស័យសម្ដែងជាច្រើនឆ្នាំក៏ដោយ។

ទន្ទឹមគ្នានេះ យើងឃើញមាន រឿង «Girl From Nowhere: Season 2» ដែលជាការសម្ដែងរបស់ James Theeradon, Patricia Good និង Minnie Phantira នឹងមានវត្តមានក្នុង Netflix ផងដែរ៕

អត្ថបទផ្ដល់ដោយ៖ Porman

ចុចអាន៖គិតត្រឹមចុងខែ២! តារាថៃទាំង ១០រូបនេះ មានសន្ទុះគាំទ្រខ្លាំងពីអ្នកគាំទ្រ ទាំងក្នុងនិងក្រៅប្រទេស

The post ខ្សែភាពយន្តដំបូងរបស់ Weir Sukollawat និង Aom Sushar នឹងមានវត្តមានលើ Netflix តែមួយប៉ុណ្ណោះ appeared first on Kampuchea Thmey Daily.

កុំបារម្ភថាអផ្សុក! រឿងភាគថ្មីៗរបស់តារាស្រីទាំង ៨រូបនេះ នឹងចាក់ផ្សាយឲ្យទស្សនាឆាប់ៗនេះហើយ

សាង ស្រីល័ក្ខ — Sun, 18 Apr 2021 09:00:00 +0000

ដូចទស្សនិកជនមួយចំនួនបានដឹងហើយថា នៅក្នុងវិស័យឧស្សាហកម្មថៃ ពិសេសទាក់ទងទៅនឹងវិស័យខ្សែភាពយន្ត រឿងភាគ កំពុងត្រៀមនឹងចាក់ផ្សាយជាបណ្តើរៗក្នុងឆ្នាំ ២០២១នេះ។

ជាក់ស្ដែង តាមប្រភពព័ត៌មានមួយបានឲ្យដឹងថា បណ្តុំរឿងភាគថ្មីៗដែលសម្ដែងដោយកំពូលតារាសម្ដែងស្រីថៃទាំង ៨រូប នឹងមានវត្តមាននៅលើកញ្ចក់ទូរទស្សន៍ឆាប់ៗក្នុងឆ្នាំ ២០២១។

តោះ!! ចង់ដឹងថាមានតារាស្រីរូបណាខ្លះ ដែលនឹងបង្ហាញវត្តមាននៅក្នុងរឿងភាគថ្មីឆាប់ៗនេះ សូមមកតាមដាននៅខាងក្រោមទាំងអស់គ្នា៖

១. Bella Ranee

រឿងភាគថ្មីរវាងតារាសម្ដែងស្រីនាង Bella ជាមួយតួឯកប្រុសវ័យក្មេង Kongthab Peak ក្នុងរឿង «Dare to Love: Hai Ruk Pipaksa»។

២. Yaya Yurassaya

តាមប្រភពបានបញ្ចាក់ថា រឿង «Bad Romeo» នឹងចាក់ផ្សាយនៅពាក់កណញតាលឆ្នាំ ២០២១។

៣. Mai Davika

សម្រាប់រឿង «You are my Heartbeat» សម្ដែងជាមួយ Dj Push ចាក់ផ្សាយពាក់កណ្តាលឆ្នាំ ២០២១។

៤. Baifern Pinchanok

ឆ្នាំ ២០២១ នេះ Baifern មានបីរឿងផ្ទួនៗគ្នា រឿង «Sroi Sabunga», «46 Days» និង «Sinaeha Saree»។

៥. Kimmy Kimberly

រឿងភាគថ្មី Kimberly ជាមួយ James Ma ទទួលបានចាប់អារម្មណ៍យ៉ាងខ្លាំងពីទស្សនិកជន ក្នុងរឿង «Song Sanaeha»។

៦. Taew Natapohn

សម្តែងជាមួយ Mark Prin ក្នុរងរឿង «Game Lah Torrachon» ។

៧. Mew Nittha

រឿង «Duang Tah Tee Sarm» នឹងចាក់ផ្សាយឆាប់ៗ ក្នុងឆ្នាំ ២០២១។

៨. Now Tisanart

រឿង «Mae Bia» សម្ដែងដោយតួប្រុស Es Kantapong នឹងចាក់ផ្សាយឆាប់ៗនេះ ក្នុងប៉ុស្តិ៍លេខ ៧ថៃ៕

អត្ថបទផ្ដល់ដោយ៖ Poraman

The post កុំបារម្ភថាអផ្សុក! រឿងភាគថ្មីៗរបស់តារាស្រីទាំង ៨រូបនេះ នឹងចាក់ផ្សាយឲ្យទស្សនាឆាប់ៗនេះហើយ appeared first on Kampuchea Thmey Daily.

តួស្រីថៃល្បីៗទាំងនេះ បានសម្ដែងរឿងភាគ និងភាពយន្តល្បី រឿង «Mae Nak» តាមជំនាន់

សាង ស្រីល័ក្ខ — Thu, 01 Apr 2021 04:43:35 +0000

ថ្មីៗនេះ ព័ត៌បានចុះផ្សាយថា តារាសម្ដែងស្រីលំដាប់ប្រទេសនាង Kwan Usamanee នឹងមានវត្តមានសម្ដែងក្នុងរឿងភាគល្បីមួយឡើងវិញគឺ រឿង «Mae Nak Phra Khanong» សម្រាប់ឆ្នាំ ២០២១។

ទន្ទឹមគ្នានេះផងដែរ បើយើងរម្លឹកពីតារាស្រីថៃមួយចំនួនទៀត ដែលធ្លាប់បានសម្ដែងជាតួអង្គសំខាន់ នៅក្នុងរឿងភាគ ក៏ដូចជាប្រភេទខ្សែភាពយន្តដ៏ល្បីនេះ មានសរុបចំនួន ៧រូប។ តារាស្រីទាំង ៧រូប ខាងក្រោមនេះ សុទ្ធសឹងតែជាតារាស្រីដែលមានកេរ្តិ៍ឈ្មោះក្នុងវិស័យសម្ដែងក្នុងប្រទេសថៃផងដែរ៕

ឥឡូវ! មកស្គាល់ពីតារាស្រីដែលសម្ដែងក្នុងរឿង «Mae Nak» ទាំង ៧រូបខាងក្រោមនេះ៖

១. Tik Kanyarat

តារាស្រីជើងចាស់ Tik សម្ដែងជាតួអង្គក្នុងរឿងភាគ «Mae Nak Phra Nakhon» ក្នុងឆ្នាំ ១៩៩៦។

២. Sai Charoenpura

នាងសម្ដែងក្នុងខ្សែភាពយន្ត រឿង «Nang Nak» ក្នុងឆ្នាំ ១៩៩៩។

៣. Aum Patchrapa

កំពូលតារាសម្ដែងលំដាប់ប្រទេស Aum សម្តែងរឿងភាគ «Mae Nak» អោយប៉ុស្តិ៍លេខ ៧ថៃ ក្នុងឆ្នាំ ១៩៩៩ ជាមួយដៃគូ Pete Thongjure។

៤. Namfon Kullanat

តារាស្រីដ៏ល្បី Namfon សម្ដែងជាតួអង្គក្នុងរឿងភាគ «Mae Nak Phra Khanong» អោយប៉ុស្តិ៍លេខ ៣ថៃ ក្នុងឆ្នាំ ២០០០។

៥. Mai Davika

កាលពីឆ្នាំ ២០១៣ Mai សម្តែងខ្សែភាពយន្ត រឿង «Pee Mak» ជាមួយតារាប្រុស Mario Maurer។

៦. Baitoey Suteewan

ក្នុងឆ្នាំ ២០១៦ តួសម្ដែងរឿង «Mae Nak» សម្ដែងដោយតារាចម្រៀងស្រស់ស្អាតនាង Baitoey។

៧. Kwan Usamanee

សម្រាប់ឆ្នាំ ២០២១ នេះ រឿងភាគ «Mae Nak Phra Khanong» សម្ដែងដោយ Kwan Usamanee ដែលនឹងមានវត្តមាននៅលើកញ្ចក់ទូរទស្សន៍ឆាប់ៗនេះ៕

អត្ថបទផ្ដល់ដោយ៖ Poraman

ចុចអាន៖ភ្លេចៗខ្លួន! រឿង «Song Sanaeha» James Ma និង Kimberley ជិតដល់ថ្ងៃចាក់ផ្សាយហើយ

ចុចអាន៖ញាក់សាច់! ពេលដឹងតម្លៃរ៉ូបនៅលើខ្លួន Aum Patchrapa អាចទិញកូនវិឡាមួយនៅបាន

The post តួស្រីថៃល្បីៗទាំងនេះ បានសម្ដែងរឿងភាគ និងភាពយន្តល្បី រឿង «Mae Nak» តាមជំនាន់ appeared first on Kampuchea Thmey Daily.