ភាពជាសហគ្រិន Archives - Kampuchea Thmey Daily

ចង់ធ្វើថៅកែគេនឹងពិបាក បើមិនចេះជំនាញបឋមទាំងបួននេះសិន

Sonya — Fri, 22 Jan 2021 01:43:04 +0000

ឥឡូវនេះ យើងភាគច្រើន ត្រូវបានបំពុលដោយការលក់សំបុត្រឱ្យទៅអង្គុយ រៀនធ្វើ «អ្នកមាន»។ នេះជាការបោកបញ្ឆោតសម័យទំនើប ព្រោះគ្មានចំណេះដឹងណាមួយ ដែលនឹងរៀនទៅជាអ្នកមានទេ មានតែបង្កើតគំនិតវិជ្ជមាន និងភាពស្កប់ស្កល់នៃជីវិតប៉ុណ្ណោះដែលគេអាចបង្រៀនបាន។

ភាពជាសហគ្រិន អ្នកបង្រៀនខ្លះ មិនច្បាស់ខ្លួនឯងផង តែអាចបញ្ឆោតយុវវ័យឱ្យចំណាយពេលចំណាយប្រាក់ ដែលចុងក្រោយក្លាយជាការសិក្សាឬបង់ប្រាក់ដែលអសារឥតការ។

តើលក្ខណៈជាមូលដ្ឋាន នៃសហគ្រិនភាពត្រូវការអ្វីខ្លះជាចម្បងៗ៖

១ ភាពជាអ្នកដឹកនាំ

ភាពជាសហគ្រិនជោគជ័យ ត្រូវបានកំណត់ដោយកំណើនចំណូល ឬទីផ្សាររីកធំឡើង យ៉ាងឆាប់រហ័សនិងមានស្ថេរភាពផង។ នេះមានន័យថា ការជួលមនុស្សផ្សេងទៀតមកឱ្យធ្វើការជំនាញយើងត្រូវចេះដឹកនាំនិងគ្រប់គ្រងគេ។ ជាការសំខាន់ណាស់ សម្រាប់សហគ្រិនដែលត្រូវយកចិត្តទុកដាក់លើអ្វីគ្រប់យ៉ាងកំពុងតែកើតឡើងនៅក្នុងក្រុមហ៊ុនរបស់ខ្លួន ប្រសិនបើចង់អោយក្រុមហ៊ុនទទួលបានជោគជ័យ ត្រូវរៀនវិធីសាស្ត្រដែលជួលបានត្រឹមត្រូវសម្រាប់ការងារកំណត់ត្រឹមត្រូវហើយទុកឱ្យពួកគេបំពេញការងាររដោយសេរី និងមានទឹកចិត្ត។

២ ហិរញ្ញវត្ថុនិងការវាយតម្លៃ

សហគ្រិនម្នាក់ៗត្រូវវិនិយោគ ដូចជា លុយ ពេលវេលា ជំនាញឬកេរ្តិ៍ឈ្មោះតែក្នុងនោះផ្នែកទ្រព្យសម្បត្តិត្រូវការតាមដាននិងវាយតម្លៃច្បាស់លាស់ មិនថាជាសាច់ប្រាក់ ជាអចលនទ្រព្យឬកម្មសិទ្ធិបញ្ញា។ សហគ្រិនម្នាក់ណាដែលមិនចេះផ្នែកនេះឬគេចវ៉េះ រំពឹងថាអ្នកដទៃនឹងធ្វើជំនួសអាចប្រឈមនឹងការក្ស័យទុន។

៣ ទីផ្សារនិងទំនាក់ទំនង

អាជីវកម្មមួយជោគជ័យ ត្រូវការយុទ្ធសាស្ត្រទីផ្សារខ្លាំង។ អាជីវកម្មមួយចំនួនត្រូវដួលវិញភ្លាមៗបន្ទាប់ពីបើកដំណើរការមិនបានប៉ុន្មាន ដោយសារតែខ្សោយយុទ្ធសាស្រ្តទីផ្សារនិងមិនចេះផ្នែកនេះ ថែមទំាងរើសប្រធានទីផ្សារដែលមិនពូកែ។

ជំនួញនីមួយៗ ក៏ត្រូវការភា្ចប់ទំនាក់ទំនងល្អ តាមរយៈប្រព័ន្ធផ្សព្វផ្សាយធំៗ ល្បីៗ ច្បាស់ជាកេរ្តិ៍ឈ្មោះ ឬយីហោនៃផលិតផលរបស់យើងនឹងមានឥទ្ធិផលទៅដល់ទីផ្សារគោលដៅ។ បង្កើនកេរ្តិ៍ឈ្មោះឲ្យក្រុមហ៊ុនទទួលបានការចាប់អារម្មណ៍ពីអតិថិជន និងបង្កើនការលក់ ព្រោះបើយើងធ្វើទីផ្សារបានកាន់តែខ្លាំង ការលក់ក៏កាន់តែដាច់។ លុយដែលចំណាយទៅលើការធ្វើទីផ្សារតែងតែផ្តល់ផលមកវិញ ប៉ុន្តែតិចឫច្រើនគឺផ្អែកលើការចំណាយក្នុងទីផ្សារនេះឯង។

៤ ជំនាញទន់

ជំនាញទន់ គឺជាផ្នែកសំខាន់មួយនៃការស្វែងរកការទាក់ទាញចិត្តលើបណ្តាញ និងរក្សាអតិថិជន។ ជំនាញនេះ ជួយអ្នកឱ្យឈ្នះបានអតិថិជនថ្មី បានបុគ្គលិកល្អៗមកព្រមដើរតាម និងទទួលបានបណ្តាញកាន់តែច្រើនឡើងដែលមកទុកចិត្តសហការជាមួយ៕

ប្រែសម្រួល៖ សុភា

ប្រភព៖ Forbes

ចុចអាន៖ តើជំនាញអ្វីខ្លះ ដែលអាចផ្ទេរដល់គ្នាបានដោយមិនបាច់ទៅសាលារៀន?

ចុចអាន៖ ចង់ក្លាយជាលេខាធិការនៃកម្រិតអគ្គនាយក ត្រូវរៀនអ្វីខ្លះ?

The post ចង់ធ្វើថៅកែគេនឹងពិបាក បើមិនចេះជំនាញបឋមទាំងបួននេះសិន appeared first on Kampuchea Thmey Daily.

ទម្លាប់ល្អៗនៃសហគ្រិនជោគជ័យ ដែលយើងគួរចងចាំទុកជាមេរៀនជីវិត

សាង ស្រីល័ក្ខ — Mon, 11 Jan 2021 04:54:46 +0000

ភាគច្រើនគ្រប់គ្នាប្រាកដជាដឹងពីទម្លាប់ធម្មតារបស់មនុស្សជោគជ័យ ក្រោកពីព្រលឹមញ៉ាំអាហារពេលព្រឹក និងបង្កើតបណ្ដាញទាក់ទង។ ចុះយ៉ាងណា ចំពោះទម្លាប់ហិរញ្ញវត្ថុនៅពីក្រោយសហគ្រិនជោគជ័យ? តើពួកគេកំពុងធ្វើអ្វីខ្លះជារៀងរាល់ថ្ងៃ ដែលធ្វើឱ្យអាជីវកម្មរបស់ពួកគេទទួលបានជោគជ័យ?

នេះគឺជាទម្លាប់ហិរញ្ញវត្ថុចំនួន ៦ ដែលត្រូវបានលើកឡើងជាញឹកញាប់ របស់សហគ្រិនជោគជ័យ ៖

១. កសាងបណ្ដាញជាមួយអ្នកអាជីវកម្មដូចគ្នា

យើងអាចស៊ាំនឹងការបដិសេធ ប៉ុន្តែសហគ្រិនជោគជ័យមិនត្រឹមតែចូលចិត្តបណ្ដាញទេ ពួកគេក៏ចូលរួមពិធីជប់លៀងនិងពិធីជួបជុំអាជីវកម្មដែរ។ ពួកគេប្រើបណ្ដាញបង្កប់ន័យ។ ភាពជាដៃគូជាប្រសិទ្ធភាពមួយដើម្បីជួយទប់ស្កាត់ផលប៉ះពាល់ណាមួយ នៃផ្នែកហិរញ្ញវត្ថុរបស់អាជីវកម្មពួកគេ នាពេលអនាគត។

ហើយជាពិសេសបង្កើតទំនាក់ទំនងអាជីវកម្មជាមួយដៃគូ ដែលអាចជួយយើងឲ្យរីកចម្រើន។ សហគ្រិនជោគជ័យយល់ថាភាពជោគជ័យផ្នែកហិរញ្ញវត្ថុ មិនមែនជាសំណើរយៈពេលខ្លីទេ។

២. ចំណាយតិចតួចមុនពេលចំណាយធំ

ជាពិសេសនៅពេលទើបតែចាប់ផ្ដើម ត្រូវប្រយ័ត្នពីរបៀបដែលយើងត្រូវចំណាយលុយ។ ទិញតែអ្វីដែលចាំបាច់បំផុតដើម្បីធ្វើអាជីវកម្ម។ សហគ្រិនជោគជ័យមិនចាប់ផ្ដើមដោយការទិញវត្ថុប្រណីតទេ ពួកគេចាប់ផ្ដើមដោយការទិញតែរបស់ចាំបាច់ប៉ុណ្ណោះ។

៣. ដឹងពីបំណុល

សហគ្រិនជោគជ័យម្នាក់ ដឹងពីបំណុលហិរញ្ញវត្ថុអាជីវកម្មរបស់ពួកគេម្នាក់ៗ។ ពួកគេដឹងពីអ្វីដែលគួរធ្វើនិងមិនគួរធ្វើ ឬពេលណាមួយដែលអាជីវកម្មជួបការលំបាក។

នេះជាអ្វីរឿងចាំបាច់ដែលយើងត្រូវដឹង និងទទួលខុសត្រូវ នៅពេលវេលាណាមួយ។

៤. រៀនពីហានិភ័យហិរញ្ញវត្ថុតូចៗ

សហគ្រិនជោគជ័យជាច្រើនបានរកឃើញវិធីដើម្បីសម្របខ្លួន។ ជាជាងការដាក់លក់ផលិតផលជាមួយនឹងការវិនិយោគដ៏ច្រើន ពួកគេនឹងអភិវឌ្ឍគម្រោងសាកល្បង ហើយដាក់ចេញនូវសកម្មភាពហិរញ្ញវត្ថុតិចតួច ដើម្បីមើលថា តើទីផ្សារទទួលបានយ៉ាងដូចម្ដេច។ ហើយការដាក់ចេញនូវសកម្មភាពហិរញ្ញវត្ថុតិចតួចនេះគឺមានគោលបំណង២។

ទី១ សហគ្រិនសាកល្បងទីផ្សារដើម្បីមើលថា តើមានគេចាប់អារម្មណ៍ផលិតផលថ្មីដែរឬទេ។ ទី២ ការពារសហគ្រិនពីហានិភ័យ។
បើយើងវិនិយោគហិរញ្ញវត្ថុតិច ការបរាជ័យលើអាជីវកម្មក៏មានវិបត្តិហិរញ្ញវត្ថុតិចតួចដែរ។

៥. ដាក់ទីផ្សារមុន

សហគ្រិនជោគជ័យគ្រប់រូបត្រូវមើលទីផ្សារហើយដាក់ទីផ្សារមុនខ្លួនឯង និងគំនិតរបស់ពួកគេ។ មិនថាគំនិតនេះអស្ចារ្យប៉ុណ្ណាក៏ដោយ ចាំបាច់ត្រូវតែមានផ្នែកហិរញ្ញវត្ថុចូលទៅក្នុងទីផ្សារ ដើម្បីឲ្យមានតម្លៃ។ កុំធ្វើតាមអារម្មណ៍ មិនចឹងអាជីវកម្មអាចរងទុក្ខយ៉ាងខ្លាំង។

៦. ស្វែងយល់ពីសក្ដានុពលនៃលំហូរសាច់ប្រាក់

សហគ្រិននិងអ្នកនិពន្ធដែលលក់ដាច់បំផុតលោក Ed O’Keefe ពន្យល់ថា៖ ” គន្លឹះសំខាន់បំផុតសម្រាប់ការចាប់ផ្ដើមរកស៊ីគឺត្រូវគូសផែនទីអនាគតហិរញ្ញវត្ថុរបស់អ្នក។ មានសហគ្រិនថ្មីៗច្រើនធ្លាក់ចូលក្នុងអន្ទាក់បំភាន់ ដែលគ្រប់យ៉ាងហាក់ដូចជាកំពុងរីកចម្រើន។

ទាំងនោះរួមមាន ការទទួលបានរបស់អតិថិជនច្រើន ដោយដើរតាមទ្រឹស្ដីអាជីវកម្មជោគជ័យមួយ។ ប៉ុន្តែបើមិនមានលំហូរសាច់ប្រាក់វិជ្ជមានគ្រប់គ្រាន់ ដើម្បីទ្រទ្រង់ប្រតិបត្តិការក្នុងរយៈពេលខ្លីទេ នោះអាជីវកម្មអាចឈានទៅរកការបរាជ័យឥតដឹងខ្លួន។ មុនពេលចាប់ផ្ដើមត្រូវប្រាកដថា អ្នកអាចទប់ទល់ការចំណាយរយៈពេលយូរ ” ៕

ប្រែសម្រួល៖ សាង ស្រីល័ក្ខ

ចុចអាន៖៥ យ៉ាងលើកកម្ពស់ក្រមសីលធម៌រឹងមាំនៅក្នុងអង្គភាព

ចុចអាន៖ចង់បានក្រុមការងារពេញដោយថាមពល និងស្វាហាប់ ព្រមទាំងស្ថិតស្ថេរផងដែរ?

The post ទម្លាប់ល្អៗនៃសហគ្រិនជោគជ័យ ដែលយើងគួរចងចាំទុកជាមេរៀនជីវិត appeared first on Kampuchea Thmey Daily.

ចង់បង្កើតក្រុមហ៊ុនទាំងកំពុងសិក្សានៅមហាវិទ្យាល័យ?

phea KPT — Tue, 24 Nov 2020 11:58:00 +0000

និស្សិតកាន់តែច្រើនឡើង កំពុងងាកទៅរកផ្ចង់ជីវិតក្នុងភាពជាសហគ្រិន ហើយមានរបាយការណ៍បង្ហាញថា តាមពិត ៦៧ ភាគរយ នៃសិស្សវិទ្យាល័យនៅអាមេរិក ចាប់អារម្មណ៍ក្នុងការចាប់ផ្តើមអាជីវកម្មទាំងរៀនមិនទាន់ចប់ ដូច្នេះមិនមានអ្វីជាការភ្ញាក់ផ្អើលទេដែលនៅមហាវិទ្យាល័យនៅអាស៊ីយើងក៏នឹងវិវត្តទៅរកនិន្នាការស្រដៀងគ្នាដែរ។

ដោយសារគំរូ នៃស្ថាបនិកហ្វេសប៊ុក Mark Zuckerbergs និង Larry Pages ការសម្រេចចិត្តបង្កើតក្រុមហ៊ុនទាំងវ័យនៅរៀននេះជាការប្តេជ្ញាចិត្តជា ក្នុងចំណោមមនុស្សជំនាន់ថ្មី។

ទោះយ៉ាងណាក៏ដោយមានអាថ៌កំបាំងជាច្រើនដេលយើងគួរដឹង មុនការចាប់ផ្តើមក្រុមហ៊ុនមួយទាំងធនធាន រួមទាំង ទេពកោសល្យនៃការ បំផុសគំនិតផងដែរ។ ភាពជាសហគ្រិនតម្រូវឱ្យមានវិន័យដើម្បីអភិវឌ្ឍគំនិតអាជីវកម្មទៅជាអ្វីមួយ ពិតប្រាកដមិនមែនស្រមើស្រមៃឡើយ។

មានវិធីបីយ៉ាងដើម្បីគ្រប់គ្រងសហគ្រិនភាពដំបូងរបស់យើងតាំងពីនៅមហាវិទ្យាល័យគឺ ៖

១ ចូលវគ្គសិក្សា

ត្រូវយកវគ្គសិក្សាសហគ្រិនភាពដែលនឹងជួយ ក្នុងការកសាងក្រុមហ៊ុនជ្រើសយកថ្នាក់គ្រប់គ្រងសហគ្រិ ដែលផ្តល់ឲ្យនូវការស្វែងយល់អំពីករណីសិក្សាមុនៗនៃអ្នករកស៊ីក្នុងស្រុកយើង ជួយឱ្យយល់ពីវិធីដែលក្រុមហ៊ុននានាបានផ្តោត បានពើបបញ្ហានិងដំណោញស្រាយការប្រឈម។

២ ជួបអ្នកជំនាញ

កុំខ្លាចក្នុងការទាញយកបទពិសោធន៍របស់ មនុស្សនៅជុំវិញយើង មិនថាអ្នកជោគជ័យ អ្នកបរាជ័យ មកពីមជ្ឈដ្ឋានផ្សេងៗគ្នា ដែលអាចទាញយកប្រយោជន៍សម្រាប់ការរីកចម្រើនផ្ទាល់ខ្លួននិងវិជ្ជាជីវៈក្នុងវិស័យដែលយើងចង់ធ្វើ។

៣ បង្កើតលក្ខខណ្ឌល្អជាមួយសាស្ត្រាចារ្យ

ពួកគេមានបណ្តាញនិងការតភ្ជាប់មិនគួរឱ្យជឿដែល អាចណែនាំ ឱ្យយើងបានស្គាល់ អ្នកជោគជ័យជាច្រើនបានជោគជ័យដោយសារការគាំទ្រនៃគ្រូៗរបស់ពួកគេ ។ ទោះគ្រូយើងមិនមានបានច្រើនតែក៏មានបទពិសោធជាច្រើនឆ្នាំដែលមានតម្លៃខ្លាំងណាស់សម្រាប់អ្វីៗមកជួយជាយោបល់លើគំនិតដ៏អាស្ចារ្សស្រាប់របស់យើងក្នុងសម័យកាលថ្មីនេះ។

៤ ចៀសវាងពីការវិលវល់

កំណត់រៀននិងទម្លាប់ឆ្លៀតពេល គឺវិធីសាស្ត្រប្រើពេលវេលា ច្បាស់លាស់មានសារៈសំខាន់ដូចជា រាល់ថ្ងៃទៅដើរលេងប៉ុន្មានម៉ោង internetស្រាវជ្រាវ ប៉ុន្មាន ហ្វេសប៊ុកប៉ុន្មាន ញាំកាហ្វេពិនិត្យមើលភាពស៊ីវិល័យរបស់អ្នកផងប៉ុន្មាន ចំណាយពេលជាមួយគ្រួសារ មិត្តភក្តិ កីឡាសុខភាព និងការអានមុនគេង។ រៀបចំឡើងវិញកាលវិភាគប្រចាំថ្ងៃ ធ្វើសមាធិឬអានសៀវភៅ ទៅប្រជុំពិភាក្សា កំណត់នូវអ្វីដែលសក្តិសមបំផុតសម្រាប់យើង ដើម្បីធ្វើឱ្យមានកម្លាំងចិត្ត មានភាពស្វាហាប់និងពេលវេលាធ្វើការជារៀងរាល់ថ្ងៃដោយពេញចិត្តនឹងដំណើរការនិមួយៗរបស់ខ្លួន។

៥ សិក្សាជានិច្ច

ពិតជាមានសារៈសំខាន់ណាស់ក្នុងការស្វែងរកចំណុច ទីផ្សារគោលដៅនិងស្វែងរកវិធីដើម្បីដោះស្រាយដើម្បីអាចរកប្រាក់បាន។ សូមចាំថា ទីផ្សារគោលដៅគួរតែមានទំហំធំល្មមសម្រាប់ទទួលយកទំនិញឬសេវាកម្មយើងយូរអង្វែងបាន។

នៅពេលដែលអ្នកណាម្នាក់ ក្មេងយ៉ាងណាក្តីដែលអាចមានលទ្ធភាពដោះស្រាយបញ្ហាបានយ៉ាងត្រឹមត្រូវទាក់ទិននិងអតិថិជន ទទួលបាននូវមតិប្រតិកម្មរបស់ពួកគេ គឺជាសញ្ញាដំបូងនៃការកសាងទីផ្សារបានហើយក៏ជាសហគ្រិនភាពដែលកំពុងដំណើរការដូចគ្នា៕

ប្រែសម្រួល ៖ សុភា

ប្រភព ៖ influencive

ចុចអាន៖ បះសក់! ស្គាល់មហាសេដ្ឋីជប៉ុនដែលទិញកៅអីយានអវកាស SPACEX ទាំងអស់ឬនៅ?

ចុចអាន៖ ចំណុចធំៗបង្ហាញថាជីវិតការងារកំពុងដើរលើផ្លូវត្រូវ

The post ចង់បង្កើតក្រុមហ៊ុនទាំងកំពុងសិក្សានៅមហាវិទ្យាល័យ? appeared first on Kampuchea Thmey Daily.

ប្រធានបទ៤ ដែលស្ថាបនិកអាជីវកម្មនានាគួរអាន ដើម្បីឆាប់រឹងមាំ

សាង ស្រីល័ក្ខ — Tue, 24 Nov 2020 08:38:00 +0000

ស្ថាបនិកដែលទើបតែបង្កើតអាជីវកម្មដំបូង គឺពិតជាក្មេងខ្ចីផ្នែកអាជីវកម្ម ទាំងចំណេះដឹងផ្សារភ្ជាប់មកនឹងភាពជាក់ស្តែង ទាំងវិធីសាស្ត្របត់បែន សម្រប ស្រុះស្រួលជាមួយអ្នកជុំវិញខ្លួន ។

នេះជាចំណេះសំខាន់៤ ដែលស្ថាបនិកចាប់ផ្ដើមដំបូងនានា គួរយកចិត្តទុកដាក់អាន ដើម្បីឆាប់ទទួលបានដោយជោគជ័យ៖

១. តើអ្វីដែលស្ថាបនិកត្រូវធ្វើអទិភាពនៅពេលសាងអាជីវកម្ម?

អ្វីដែលធ្វើឲ្យស្ថាបនិកពិសេស នោះគឺសមត្ថភាពរបស់ពួកគេក្នុងការទទួលបានការយល់ដឹងប្លែកៗ និងមើលឃើញពិភពលោកតាមរបៀបផ្សេង។ នោះហើយជាអ្វីដែលច្រើនតែនាំទៅរកដំណោះស្រាយដែលពួកគេបង្កើតឡើង។

ជាទូទៅស្ថាបនិកបានធ្វើឲ្យមានកំហុសក្នុងការមិននិយាយជាមួយមនុស្សនៅក្នុងទីផ្សារគោលដៅពួកគេ នៅដំណាក់កាលដំបូង នៃដំណើរការអភិវឌ្ឍន៍។

២. តើអាចសម្គាល់យ៉ាងណាថាអាជីវកម្មមួយសមនឹងយើង?

ស្ថាបនិកម្នាក់ត្រូវយកចិត្តទុកដាក់ទាំងបញ្ហានិងអ្នកប្រើប្រាស់ ព្រោះបញ្ហានេះនឹងជួយទ្រទ្រង់ពួកគេឆ្លងកាត់គ្រាលំបាកដែលនឹងប្រឈមមុខពេលកំពុងកសាងអាជីវកម្ម។

ស្ថាបនិកដែលចាប់ផ្ដើមក្រុមហ៊ុនជុំវិញបញ្ហាដែលពួកគេមិនយកចិត្តទុកដាក់ ចំពោះមនុស្សដែលពួកគេមិនអាចអភិវឌ្ឍការយល់ចិត្ត ពួកគេងាយនឹងត្រូវបានគេមើលងាយ នៅពេលមានបញ្ហាដំបូង។ ហើយមិនអាចសម្គាល់អាជីវកម្ម និងគិតថាមិនសមនឹងខ្លួន។

ការយកចិត្តទុកដាក់លើបញ្ហានេះ ក៏នឹងកើតមានផងដែរ នៅពេលដែលពួកគេកំពុងនិយាយជាមួយវិនិយោគិនដែលមានសក្ដានុពល។

៣. តើគួររកដំបូន្មានចាប់ផ្ដើមអាជីវកម្មនៅទីណាបានចម្លើយស្មោះត្រង់?

អានុភាពទីប្រឹក្សាគោលដៅ គឺពិតជាមានសារៈសំខាន់ ជាពិសេសសម្រាប់ស្ថាបនិកដំបូង។ ក្នុងនាមជាស្ថាបនិកចាប់ផ្ដើមដំបូងប្រាកដជាឯកោ។ លើសពីនេះស្ថាបនិកភាគច្រើនចាប់ផ្ដើមជាមួយនឹងគម្លាតចំណេះដឹង នៅក្នុងអ្វីដែលពួកគេត្រូវការ ដើម្បីបង្កើនល្បឿនឲ្យបានលឿន។

ការទទួលបានការគាំទ្រមិនត្រឹមតែពីមិត្តភ័ក្ដិនិងក្រុមគ្រួសាររបស់យើងប៉ុណ្ណោះទេ ដែលអាចជាវិធីដ៏ប្រសើរមួយនៃការប្រើជំនាញរបស់នរណាម្នាក់ ដើម្បីបំពេញចន្លោះចំណេះដឹង ក៏ដូចជាការផ្ដល់នូវសំឡេងសម្រាប់គំនិតថ្មីៗ។

អ្វីដែលស្ថាបនិកកំពុងធ្វើ គឺទទួលយកទីប្រឹក្សាឬដំបូន្មានពីនរណា ។ ទីប្រឹក្សាឬដំបូន្មាន ត្រូវបានប្រើដើម្បីបំពេញចន្លោះប្រហោង ថាតើស្ថាបនិកនឹងទៅជាយ៉ាងណា។

Save money for home cost

៤. ការស្វែងរកវិនិយោគិនត្រឹមត្រូវ

ស្វែងរកវិនិយោគិនត្រឹមត្រូវ គឺដូចជាការធ្វើលំហាត់មួយ។ យើងត្រូវតែស្រាវជ្រាវនិងស្វែងយល់ថាតើវិនិយោគិនណាខ្លះ ដែលវិនិយោគលើកិច្ចព្រមព្រៀងដូចជាយើងដែរ។ ការទទួលយកវិនិយោគិនទាំងនោះមកវិនិយោគលើយើង គឺដើម្បីឲ្យផែនការរឹងមាំ សម្រាប់អាជីវកម្មដែលអាចសម្រេចបាននិងអាចប្រាប់រឿងរ៉ាវបានល្អ។

ចំណេះដឹងនិងការស្រាវជ្រាវ គឺជាគន្លឹះឆ្ពោះទៅរកភាពជោគជ័យសម្រាប់យើង ដែលទើបចាប់ផ្ដើមអាជីវកម្ម។ ត្រូវយល់ពីទីផ្សារ ស្វែងយល់ពីវិនិយោគិនដែលមានសក្ដានុពលយល់ពីខ្លួនយើង និងស្វែងរកអ្នកប្រឹក្សាដែលអាចទុកចិត្តបាន ហើយប្រាប់យើងពីការពិត៕

ប្រែសម្រួល៖ សាង ស្រីល័ក្ខ

ប្រភព៖forbes

The post ប្រធានបទ៤ ដែលស្ថាបនិកអាជីវកម្មនានាគួរអាន ដើម្បីឆាប់រឹងមាំ appeared first on Kampuchea Thmey Daily.

វិធីសាស្រ្តស្វែងរកបុគ្គលិកល្អៗមកចូលរួមជ្រោមជ្រែងយើង

phea KPT — Sun, 22 Nov 2020 06:39:00 +0000

ការជ្រើសរើសបុគ្គលិកដែលមានគុណភាព មានសារៈសំខាន់ណាស់សម្រាប់ឆ្ពោះទៅរកជោគជ័យរបស់អង្គភាព ប៉ុន្តែពិតជាមានការលំបាកច្រើន។ ក្នុងការស្វែងរកបុគ្គលិកដែលមានជំនាញនិងគុណភាពពិតប្រាកដ សម្រាប់តួនាទីនីមួយៗចាំបាច់ណាស់ក្នុងការបញ្ចូលវិធីសាស្រ្ត ដូចខាងក្រោម៖

រុករកពិនិត្យប្រវត្តិរូបនិងចរិតលក្ខណៈលើបណ្តាញសង្គម

អ្នកដឹងទេថា ការដ្រាម៉ាជារៀងរាល់ថ្ងៃនឹងទម្លាក់ក្រេឌីតរបស់ខ្លួនព្រោះហ្វេសប៊ុក ជាកន្លែងដែលមនុស្សតាមវាយតម្លៃយើងពេលគេឃើញឈ្មោះក្នុង CV។ សូម្បីព័ត៌មានដែលយើងចែកចាយនិងអ្នកដែលយើង Follow គឺបង្ហាញពីចរិតលក្ខណៈនិងស្តង់ដារបស់យើង។ មានមនុស្សរាប់ពាន់នាក់បានដាក់ប្រវត្តិរូបសង្ខេបរបស់ពួកគេ នៅលើបណ្តាញពិតទាំងមិនដឹងខ្លួន ដែលមានន័យថាជារៀងរាល់ថ្ងៃគេបាន ស៊ែរអ្នកកំប្លែង អ្នកនិយាយលេងសើចគ្មានបានការ តួវីដេអូលើបណ្តាញដែលពង្វក់រឿងអត់ខ្លឹមសារ។ល។ ទាំងនេះ អាចជាវិធីដែល CV ត្រូវទម្លាក់ចោលភ្លាមៗ។

ទុកឱកាសចំបងឱ្យដល់បុគ្គលិកចាស់

ពេលចង់រើសបុគ្គលិកចូរពិនិត្យមើលទៅផ្នែកខាងក្នុងអង្គភាពសិន និងពិចារណាប្រសិនបើនិយោជិកបច្ចុប្បន្នកំពុងស្វែងរកការផ្លាស់ប្តូរតួនាទី ឬតំឡើងឋានៈ ហើយគេពិតជាបានបង្កើនសមត្ថភាពនឹងមានលក្ខណៈសមរម្យ។ យើងមិនត្រឹមតែដឹងពីភាពខ្លាំងនិងបទពិសោធន៍របស់បុគ្គលនោះប៉ុណ្ណោះទេ ថែមទាំងចំណេញពេលក្នុងការឱ្យពួកគេមកស្វែងយល់អំពីចំណេះដឹងមូលដ្ឋានជាវប្បធម៌ផ្ទៃក្នុងរបស់អង្គភាព។

ប្រើប្រព័ន្ធផ្សព្វផ្សាយសង្គម

បណ្តាញសង្គមផ្តល់នូវឱកាសដ៏ល្អមួយ ដើម្បីទទួលបានការនិយាយអំពីមុខតំណែងថ្មីដោយបើកចំហនិងចែកចាយលឿន។ ប៉ុន្តែប្រសិនបើចង់ប្រើបណ្តាញទាំងនេះដើម្បីចែករំលែកការប្រកាសការងារមានប្រសិទ្ធិភាពត្រូវប្រាកដថា យើងមានមនុស្សរង់ចាំឆ្លើយ comments ឬសរសេរ Caption ល្អៗក្នុងន័យ បង្កើតភាពរំភើបអំពីតួនាទីនិងកិត្យានុភាពនៃក្រុមហ៊ុនរបស់យើងឱ្យមនុស្សមានទេពកោសល្យនានាចង់ចូលរួមសាកល្បង។ ត្រូវចាំថាបុគ្គលិកល្អភាគច្រើនមានម្ចាស់ ដូច្នេះយើងត្រូវតែមានវិធីទាក់ទាញពួកគេ។

ពិចារណាអ្នកដែលទើបនឹងចេញស្វែងរកការងារថ្មីៗ
ដោយសារតែគេនោះមិនទាន់មានបទពិសោធច្រើននៅក្នុងវិស័យរបស់យើង មិនមានន័យថាគេនឹងក្លាយទៅជាបុគ្គលិកល្អនោះទេ ជាពិសេសប្រសិនបើពួកគេមានជំនាញទន់ខ្ពស់ និងបុគ្គលិកលក្ខណៈដែលយើងកំពុងស្វែងរក។

ជំនាញបណ្តុះបាន តែជំនាញទន់និងបុគ្គលិកលក្ខណៈមនុស្សទេដែលពិបាករក។ លុះត្រាតែតួនាទីដែលយើងកំពុងជួលតម្រូវឱ្យមានបទពិសោធក្នុងឧស្សាហកម្មនេះដាច់ខាត ដូចជាជំហរដឹកនាំដោះស្រាយទំនាស់ជាមួយអតិថិជន។ល។ គ្មានហេតុផលដែលពិចារណាបេក្ខជនទើបនឹងចេញពីសាលារៀនឬកំពុងស្វែងរកការផ្លាស់ប្តូរអាជីពនោះទេ។

ប្រើបុគ្គលិកឱ្យក្លាយជាឯកអគ្គរដ្ឋទូតម៉ាក
នៅពេលដែលនិយោជិកស្រឡាញ់កន្លែងធ្វើការរបស់ពួកគេ ពួកគេក្លាយជាអ្នកតស៊ូមតិផ្សព្វផ្សាយអំពីយើង បានយ៉ាងល្អ រហូតដល់មិត្តភក្តិនិងបងប្អូនចង់មកធ្វើការដែរ។ ពួកគេនឹងប្រាប់មិត្តភក្តិនិងក្រុមគ្រួសារអំពីបទពិសោធន៍ដ៏អស្ចារ្យ ចំណេះថ្មីនិងឱកាស។ សម្តីពួកគេមានអនុភាពជាការផ្សាយPRរាប់រយដង។

ផ្សាយអត្ថប្រយោជន៍
ប្រាក់ឈ្នួលប្រកួតប្រជែង ពេលម៉ោងបត់បែន ពេលវេលាឈប់សម្រាកដ៏ល្អ ឱកាសរៀនពីការងារ ក្តីទាំងអស់នេះ សុទ្ធតែទាក់ទាញយកបានមនុស្សមានទេពកោសល្យ៕

ប្រែសម្រួល៖ សុភា

ប្រភព៖ indeed

ចុចអាន៖ ៤ប្រការ មេដឹកនាំមិនគួរធ្វើចំពោះបុគ្គលិក

The post វិធីសាស្រ្តស្វែងរកបុគ្គលិកល្អៗមកចូលរួមជ្រោមជ្រែងយើង appeared first on Kampuchea Thmey Daily.

ពីក្រោយជោគជ័យ នៃក្រុមហ៊ុន nike

Sonya — Sat, 21 Nov 2020 15:57:00 +0000

NIKE ជាយីហោក្រុមហ៊ុនផលិតសម្ភារៈកីឡា និងស្បែកជើងដ៏ធំបំផុតមួយ ត្រូវបានបង្កើតឡើងនាឆ្នាំ ១៩៦៤ ដោយស្ថាបនិកពីររូប គឺលោក Phil Knight និង Bill Bowerman។

ជាងកន្លះសតវត្សមកហើយ NIKE បានក្លាយជាប្រេនពេញនិយមក្នុងចំណោមប្រេនដទៃដូចជា ADIDAS និង PUMA ជាដើម ដែលបច្ចុប្បន្នក្រុមហ៊ុនយក្ខនេះមានទ្រព្យសកម្មប្រមាណ ៣៩.១ ប៊ីលានដុល្លារ និងមានទីតាំងលក់ប្រមាណជា ១១៨២ កន្លែងទូទាំងសកលលោក។ នេះបើតាមការចុះផ្សាយរបស់ទស្សនាវដ្ដី Forbes។

តើមានគន្លឹះអ្វីខ្លះដែលនាំឲ្យស្ថាបនិក Phil Knight អាចសម្រេចជោគជ័យក្នុងការបើកយីហោមួយនេះ?

១. មិនខ្លាចចាប់ផ្ដើម

ដើមឡើយ Phil Knight បាននាំយកស្បែកជើងពីប្រទេសជប៉ុនទៅលក់នៅឯសហរដ្ឋអាមេរិកទាំងខ្លួនឯងគ្មានប្រាក់ក្នុងខ្លួន ព្រមទាំងគ្មានជំនាញផ្នែកលក់ផង។ លោកបានស្នើណាត់ជួបជាមួយនាយកផ្នែកប្រតិបត្តិរបស់រោងចក្រផលិតស្បែកជើងម៉ាក Tiger នៅទីក្រុង Onitsuka ប្រទេសជប៉ុន ដើម្បីពិភាក្សាការងាររកស៊ី ហើយបានសន្យាថា នឹងទិញស្បែកជើងពីរោងចក្រនោះទាំងដែលការពិតលោកគ្មានអ្វីឡើយ។

បន្ទាប់ពីនោះ ស្ថានិករូបនេះត្រឡប់មកសហរដ្ឋអាមេរិកវិញ ដោយបានបើកក្រុមហ៊ុន Blue Ribbon Sports និងក្រោយមកបានប្តូរមកជា NIKE។

២. ប្រឹងប្រែងពេញទំហឹង

ខណៈកំពុងមានអាជីវកម្មផ្ទាល់ខ្លួន Knight ធ្លាប់បម្រើការងារជាគណនេយ្យករ និងជាជំនួយការសាស្ត្រាចារ្យនៅសាកលវិទ្យាល័យ ២-៣ ឆ្នាំដែរ។ កាលណោះដោយសារលោកត្រូវការចំណូលដើម្បីទប់ការចំណាយផ្ទាល់ខ្លួនខ្លះ ហើយជួយទ្រទ្រង់អាជីវកម្មដែលទើបនិងបើកដំបូងខ្លះ។

យ៉ាងណាក្ដី ប៉ុន្មានឆ្នាំក្រោយមក លោកបានបោះការងារនោះចោល ហើយងាកមកចំណាយពេលសម្រាប់តែ Blue Ribbon Sports ប៉ុណ្ណោះ។

៣. មានផែនការទីពីរត្រៀម

មេរៀនសំខាន់មួយទៀតដែលនាំឲ្យ Phil Knight អាចសម្រេចជំនួញយ៉ាងជោគជ័យ គឺលោកតែងតែត្រៀមផែនការការទីពីរជានិច្ច។ តាំងពីដំបូងលោកដឹងថា ក្រុមហ៊ុនផ្គត់ផ្គង់ទំនិញនៅឯ Onitsuka ប្រទេសជប៉ុនមានទំនាក់ទំនងរកស៊ីជាមួយក្រុមហ៊ុនថ្មីនៅសហរដ្ឋអាមេរិក ប៉ុន្តែ Phil បានគម្រោងបន្ទាប់រួចជាស្រេច ដើម្បីផលិតស្បែកជើងដោយខ្លួនឯង។ បែបនេះហើយ ទើប NIKE អាចលេចរូបរាងឡើង ក្រោយពេលក្រុមហ៊ុននៅជប៉ុនផ្ដាច់ការទាក់ទងធ្វើជំនួញជាមួយ។

៤. ផ្តល់ការជឿជាក់ដល់បុគ្គលិក

ក្រោយផ្តាច់ទំនាក់ទំនងពីក្រុមហ៊ុននៅ Onitsuka ប្រទេសជប៉ុន NIKE បានជួបភាពរង្គោះរង្គើខ្លះ ព្រោះបាត់ខ្នងបង្អែក។ យ៉ាងណាក៏ដោយ ស្ថាបនិកក្រុមហ៊ុន ខិតខំជំរុញកូនចៅរបស់ខ្លួនដោយផ្តល់ទំនុកចិត្ត និងក្តីសង្ឃឹមថា ការប្រឹងប្រែងរបស់បុគ្គលិកទាំងអស់ គឺជាកត្តាកំណត់ពីជោគជ័យ ឬបរាជ័យឲ្យ NIKE ដាច់ខាត មិនមែនពឹងពាក់លើក្រុមហ៊ុននៅ Onitsuka ទាំងស្រុងនោះទេ។

៥. ចេះបញ្ឈប់បញ្ហា

ចាប់ពីគ្រាដំបូងដែល NIKE បានដំណើរការ Phil Knight បានយកឈ្នះឧបសគ្គជាច្រើនរាប់តាំងពី កង្វះលុយទ្រទ្រង់ក្រុមហ៊ុន ការតវ៉ាស្វែងរកសិទ្ធិធ្វើអាជីវកម្មស្របច្បាប់ជាមួយក្រុមហ៊ុនផ្តល់ការផ្គត់ផ្គង់នៅ Onitsuka រួមទាំងការតតាំងជាមួយរដ្ឋាភិបាលសហរដ្ឋអាមេរិកដែលបានចោទប្រកាន់លោកពីបទមិនបានបង់ពន្ធនាំចូលឲ្យស្មើភាព។

យ៉ាងណាក្ដី នាយកក្រុមហ៊ុនរូបនេះ បានយល់ព្រមបញ្ចប់ទំនាស់ជាមួយដៃគូរកស៊ី Onitsuka ដោយក្រុមហ៊ុននោះ យល់ព្រមសងថ្លៃពាក់កណ្ដាលមកឲ្យ NIKE។ ចំណែករូបលោកផ្ទាល់ បានយល់ព្រមបង់ថ្លៃ ១ ភាគ ៣ នៃតម្លៃពន្ធនាំចូលដែលរដ្ឋាភិបាលសហរដ្ឋអាមេរិកបានទាមទារ។

ដ្បិតតែបញ្ហាទាំងនេះ ហាក់ចម្រូងចម្រាសខ្លាំង ធ្វើឲ្យលោកបាក់មុខបន្តិចក៏ពិតមែន ប៉ុន្តែ Phil Knight មានសមត្ថភាពអាចបញ្ឈប់ការវិវាទបានដោយរលូន៕

ប្រែសម្រួល ៖ សន្យា

ប្រភព ៖ Forbes

ចុចអាន៖ ទាយលេង Nike និង Adidas មួយណាខ្លាំងជាង?

ចុចអាន៖ ពីដៃគូពាណិជ្ជកម្មមកជាសត្រូវធំ រឿងពិតនៃបងប្អូនបង្កើតពីរនាក់ដែលសាង Adidas និង Puma

The post ពីក្រោយជោគជ័យ នៃក្រុមហ៊ុន nike appeared first on Kampuchea Thmey Daily.

៣ ជំហានជំរុញទំនុកចិត្តលើអាជីវកម្ម និងហក់ទៅមុខបានរហ័ស

សាង ស្រីល័ក្ខ — Sat, 21 Nov 2020 11:16:00 +0000

ការចាប់ផ្ដើមអាជីវកម្មដំបូង អាចជោគជ័យឬបរាជ័យ ប៉ុន្តែ អ្វីដែលយើងត្រូវធ្វើ គឺរកវិធីកសាងផលិតផលឬសេវាកម្មណាដែលទីផ្សារចុងក្រោយពិតជាកំពុងត្រូវការ។

សាកល្បងអនុវត្តតាមជំហានទាំងបីនេះ ដើម្បីកសាងទំនុកចិត្តសហគ្រិនកាន់តែរឹងមាំ អាជីវកម្មដើរទៅមុខរហ័ស៖

១. សម្ភាសអ្នកណាម្នាក់ដែលយើងអាចរៀនបានពីគេ

ដំណាក់កាលដំបូងនៃរាល់ការចាប់ផ្ដើមថ្មី គឺជាដំណាក់កាលស្រាវជ្រាវ។ យើងត្រូវសិក្សាទីផ្សារដែលមានស្រាប់ ដើម្បីកំណត់ពីឱកាសដែលមិនទាន់មាន ហើយចាប់ផ្ដើមបង្កើតសម្មតិកម្មរបស់ខ្លួនឯងអំពីវិធីដែលយើងអាចដោះស្រាយបញ្ហាទាំងនោះបាន។

ការសម្ភាសន៍ស្ថាបនិកណាម្នាក់ដែលមានអាជីវកម្មឈានមុខគេ មិនត្រឹមតែជាឱកាសដើម្បីទទួលបានការបំផុសគំនិតពីរឿងជោគជ័យថ្មីៗប៉ុណ្ណោះទេ ប៉ុន្តែក៏ជាឱកាសដ៏កម្រមួយដើម្បីសួរដៃគូប្រកួតប្រជែងនាពេលអនាគត អំពីទីផ្សារអតិថិជន និងតម្រូវការរបស់ពួកគេដែរ។ រាល់ការសម្ភាសន៍គឺជាឱកាសដើម្បីកសាងនិងបណ្ដុះទំនាក់ទំនងថ្មី។

២. ចែករំលែកដំណើរការរបស់យើង

បង្កើតប្លក់ដើម្បីប្រកាសបទសម្ភាសន៍ និងមេរៀនដែលយើងបានរៀន។ ប្លក់នឹងជួយយើងបង្កើតមនុស្សមកជុំវិញយើង។ បើយើងចង់ចែករំលែកការបើកដំណើរការផលិតផល នោះយើងនឹងមានក្រុមអតិថិជនចាំគាំទ្រត្រៀមខ្លួន ដើម្បីសាកល្បងដំណោះស្រាយ រួមទាំងជួយយើងផ្សព្វផ្សាយដែរ។

ការចែករំលែកដំណើរតាមរយៈប្លក់ នឹងជួយយើងឲ្យកាន់តែក្លាហាន ថែមទាំងបង្កើតភាពជឿជាក់ដល់ខ្លួនឯងថែមទៀត។ សំខាន់ជាងនេះទៅទៀតក៏ធ្វើឲ្យយើងមានទំនួលខុសត្រូវចំពោះមនុស្សដែលមានវត្តមាននៅក្នុងប្លុកនេះ។ រាល់ការសន្ទនាដែលបានផ្សព្វផ្សាយ គឺជាជំហានទៅមុខ ហើយជំហានទាំងនោះ នឹងបន្ថែមជំហានទៅមុខយ៉ាងលឿន មួយកម្រិតថែមទៀត។

៣. សួរពីការតភ្ជាប់របស់យើងជាមួយពួកគេ

ទស្សនិកជនដែលនៅក្នុងប្លុក យើងក៏អាចមានឱកាសជាច្រើនដើម្បីសាកសួរពួកគេ ហើយក៏អាចបង្កើតគំនិតចាប់ផ្ដើមនិងដំណើរការសាកល្បងមុនពេលបង្កើតផលិតផលឡើងមក។ មិនថាយើងកំពុងកំណត់គោលដៅអាជីវកម្ម ឬប្រើប្រាស់វិធីមួយដែលអាចសាកល្បងបាន ប្រសិនបើអ្នកទិញចាប់អារម្មណ៍នឹងផលិតផលរបស់យើងតាមរយៈការលក់ នោះហើយគឺជាដំណោះស្រាយមួយដែលបានចាប់ផ្ដើម។

ប៉ុន្តែបើយើងទាក់ទងមនុស្សចម្លែកជាមួយនឹងគំនិតឬគំរូដើម អាចនឹងត្រូវគេបដិសេធភ្លាមៗ។ ប៉ុន្តែបើយើងចូលទៅកាន់មនុស្សដែលបានភ្ជាប់ទំនាក់ទំនងជាមួយ ទោះបីជាពួកគេមិនចាប់អារម្មណ៍ក៏ដោយ ពួកគេនឹងចំណាយពេលចែករំលែកមតិយោបល់ និងហេតុផលរបស់ពួកគេមកកាន់យើងដែរ៕

ប្រែសម្រួល៖ សាង ស្រីល័ក្ខ

ប្រភព៖ forbes

ចុចអាន៖ការលាយបញ្ចូលគ្នារវាងគណនីឯកជននិងគណនីសម្រាប់អាជីវកម្មល្អដែរ?

ចុចអាន៖ ពីក្រោយជោគជ័យ នៃក្រុមហ៊ុន nike

The post ៣ ជំហានជំរុញទំនុកចិត្តលើអាជីវកម្ម និងហក់ទៅមុខបានរហ័ស appeared first on Kampuchea Thmey Daily.

ការកែលម្អវប្បធម៌ក្រុមហ៊ុនអាចជួយបង្កើនជោគជ័យទ្វេដង!

phea KPT — Fri, 20 Nov 2020 20:30:00 +0000

នៅពេលដែលមនុស្សគិតអំពីវប្បធម៌របស់ក្រុមហ៊ុន ពួកគេនឹងជោគជ័យខ្ពស់ ព្រោះវប្បធម៌ក្រុមហ៊ុនល្អមួយ បង្កើតបាននូវផលិតភាពល្អនិងបរិយាកាសការងាររីករាយ។

ស្វែងយល់ពីមូលហេតុដែលវប្បធម៌ក្រុមហ៊ុនមានសារៈសំខាន់

នៅក្នុងការស្ទង់មតិឆ្នាំ ២០១៥ របស់ពាក់កណ្តាលនៃនិយោជិកនៅ Apple ពួកគេមានអារម្មណ៍ថាវប្បធម៌ក្រុមហ៊ុនផលប៉ះពាល់ផ្ទាល់ទៅលើផលិតភាព ការច្នៃប្រឌិតនិងផលចំណេញនៃអាជីវកម្ម។ ៩៥ ភាគរយនៃនិយោជិកបាននិយាយថា វប្បធម៌របស់ក្រុមហ៊ុន មានសារៈសំខាន់ដូចគ្នានឹងប្រាក់ឈ្នួល។ ពិចារណាថា វប្បធម៌ក្រុមហ៊ុន គឺជាចំណុចខ្លាំងដែលនាំមកនូវកម្លាំងល្អៗនិង នាំមកនូវកម្មភាពប្រកបដោយផ្លែផ្កា។

យោងទៅតាមការត្រួតពិនិត្យអាជីវកម្មរបស់សាកលវិទ្យាល័យ ហាវឺដ វប្បធម៌របស់ក្រុមហ៊ុនគឺដូចជាការបំពេញចន្លោះប្រហោងបង្កើតជាកំផែងរឹងមាំ ដូច្នេះកម្លាំងពលកម្ម បុគ្គលិកពិតជាអាចបំពេញការងាររបស់ពួកគេបានដោយស៊ីសង្វាក់។

នៅពេលដែលនិយោជិកត្រូវធ្វើការសម្រេចចិត្តណាមួយ វប្បធម៌ក្រុមហ៊ុន ជួយពួកគេតាមរយៈ វប្បធម៌ចែករំលែក វប្បធម៌តក្រង់ទៅត្រង់មក និង តំកល់ប្រយោជន៍រួមជាធំ ព្រោះពួកគេ មានតម្លៃគ្រប់គ្នានៅក្រោមឆ័ត្រជោគជ័យ។ ឱ្យធ្វើដូច្នេះបានគឺនៅពេលអារម្មណ៍ពួកគេជឿជាក់លើក្រុមហ៊ុន។

វប្បធម៌របស់ក្រុមហ៊ុនគឺជាស្វយ័តដឹកនាំ សូម្បីមេដឹកនាំមិនចាំបាច់នៅទីនោះ

វប្បធម៌របស់ក្រុមហ៊ុនកាច់ចង្កូតទៅរកទិសដៅដោយឯកឯង។ នៅក្នុងការស្ទង់មតិឆ្នាំ ២០១៥ អ្នកឆ្លើយតប ៧០ ភាគរយបាននិយាយថា ការអភិវឌ្ឍវប្បធម៌ក្រុមហ៊ុនគឺអាស្រ័យលើអ្នកដឹកនាំក្រុមហ៊ុន ចេះបង្កើតវាឡើងដោយសកម្មភាពគំរូ បទដ្ឋានក្រមសីលធម៌ ទម្លាប់លើកទឹកចិត្តនិងវិធីសាស្រ្តសម្គាល់យក ឥរិយាបថឬអាកប្បកិរិយាវិជ្ជមានមកជាធំ។

អ្នកដឹកនាំ ត្រូវបំបាត់ ភាពហៃអើ បក្សពួក និងមនុស្សអែបអប ល្បិចកល ដោយការកែលម្អរ បង្រៀន លើកទឹកចិត្តឱ្យផ្លាស់ប្តូរ។

កុំពឹងផ្អែកលើចិត្តមេត្តា
វប្បធម៌ក្រុមហ៊ុនដ៏អស្ចារ្យបំផុតនៅលើពិភពលោក នឹងមិនមានពាក់ព័ន្ធអ្វីច្រើនចំពោះមនោសញ្ចេតនាទេ តែពឹងលើវិន័យ នឹងឱកាសកែខ្លួនឬរៀនសូត្រ។ ប្រសិនបើនិយោជិកមិនចូលរួមនៅក្នុងនេះ ដោយកាត់ក្តីតាមអារម្មណ៍ចូលចិត្តឬស្អប់ គឺជាបញ្ហា ពិសេសប្រសិនបើវប្បធម៌របក្រុមហ៊ុនមួយ ផ្អែកលើអារម្មណ៍មេដឹកនាំ វាងាយស្រួលសម្រាប់និយោជិកជ្រើសរើស មិនជឿជាក់ ហើយចាប់ផ្តើមធ្វើសង្គ្រាមការពារខ្លួន៕

ប្រែសម្រួល៖ សុភា

ប្រភព៖ wheniwork

ចុចអាន៖ ចង់លេចធ្លោដល់ថ្នាក់លើចំណាំយើងបានពេលទើបចូលធ្វើការភ្លាម?

The post ការកែលម្អវប្បធម៌ក្រុមហ៊ុនអាចជួយបង្កើនជោគជ័យទ្វេដង! appeared first on Kampuchea Thmey Daily.