ការស្លាប់របស់ Cohen ត្រូវបានប្រកាសដោយអ្នកប្រវត្តិសាស្រ្តគំនូរជីវចលលោក Jerry Beck នៅក្នុងការបង្ហោះហ្វេសប៊ុកកាលពីថ្ងៃចន្ទ ជាកន្លែងដែលគាត់បានបញ្ជាក់ថាមូលហេតុនៃការស្លាប់គឺជំងឺមហារីក។ Beck បានសរសេរថា “ខ្ញុំទើបតែបានលឺថាមិត្តរបស់ខ្ញុំបានឆ្លងផុតពីជំងឺមហារីក គាត់គឺជាអ្នកនិពន្ធ អ្នកនិពន្ធ ផលិតករ ដែលជាអ្នកស្រលាញ់គំនូរជីវចល និងជាមិត្ត”។

លោក Cohen បានដើរតួយ៉ាងសំខាន់ក្នុងការបង្កើតការនិទានរឿងដ៏គួរឱ្យខ្លាច និងរឿងបែបប្រឌិត ដែលធ្វើអោយ Courage the Cowardly Dog ក្លាយជារឿងភាគគំនូរជីវចលរបស់កុមារដែលគួរឲ្យជក់ចិត្ត ដែលមិនទាន់បានដោះស្រាយនៅលើបណ្តាញគំនូរជីវចល។

ខណៈពេលដែលលោក John R. Dilworth បានបង្កើតកម្មវិធី លោក Cohen បានចូលរួមក្នុងក្រុមសរសេរនៅរដូវកាលទី 1 ហើយក្រោយមកបានក្លាយជាអ្នកសរសេរអត្ថបទ ដោយសរសេរវគ្គដែលគួរឱ្យចងចាំបំផុតនៅក្នុងរដូវកាលទី 2, 3 និងទី 4 ។ ការរួមចំណែកចុងក្រោយរបស់គាត់គឺជាវគ្គចុងក្រោយ មុនពេលដែលស៊េរីបានបញ្ចប់ក្នុងឆ្នាំ 2002 ។

វគ្គសំខាន់ៗមួយចំនួនរបស់ Cohen រួមមាន “Klub Katz” “1000 Years of Courage” “Forbidden Hat of Gold” និង “The Sand Whale Strikes” ។ ការងាររបស់គាត់បានរួមចំណែកដល់ការលាយបញ្ចូលគ្នានៃភាពភ័យរន្ធត់ កំប្លែងងងឹត និងការនិទានរឿងដ៏ស្មោះស្ម័គ្រ ដែលបង្ហាញថាក្មេងៗចូលចិត្តការនិទានរឿងដែលជំរុញដោយភាពភ័យខ្លាច។

លើសពីភាពក្លាហាន លោក Cohen ក៏បានសរសេរសម្រាប់ Balto, The Wubbulous World of Dr. Seuss និង Phil of the Future ដោយបង្ហាញពីភាពប៉ិនប្រសប់របស់គាត់នៅក្នុងគំនូរជីវចល និងទូរទស្សន៍របស់កុមារ។

អ្នកគាំទ្រ និងអ្នកជំនាញក្នុងឧស្សាហកម្មកំពុងកាន់ទុក្ខចំពោះការស្លាប់របស់គាត់ ដោយចងចាំពីឥទ្ធិពលដ៏ជ្រាលជ្រៅរបស់គាត់ចំពោះគំនូរជីវចល។ សូមចូលរួមរំលែកទុក្ខដល់ក្រុមគ្រួសារ មិត្តភ័ក្តិ និងមិត្តរួមការងារ។

The post David Steven Cohen អ្នកសរសេររឿង Courage the cowardly dog បានទទួលមរណភាពក្នុងវ័យ58ឆ្នាំ appeared first on Kampuchea Thmey Daily.

សេចក្តីប្រកាសព័ត៌មានរួមចេញផ្សាយ នៅថ្ងៃទី​១៥ ខែមករានេះ បានបញ្ជាក់ថា គម្រោង «​ចតុ» មានគោលដៅពង្រឹងសមត្ថភាពយុវជន យុវនារីកម្ពុជាដែលមានទេពកោសល្យក្នុងវិស័យសំខាន់ៗចំនួន៤ គឺ ​គំនូរជីវចល ភាពយន្ត តន្ត្រី និងការរាំ។ កម្មវិធីនេះផ្តោតជាពិសេសលើសារសំខាន់នៃការតែងនិពន្ធក្នុងដំណើរការច្នៃប្រឌិត ដែលជាមូលដ្ឋានគ្រឹះសម្រាប់ការអភិវឌ្ឍឧស្សាហកម្ម​វប្បធម៌ និងច្នៃប្រឌិត។ កម្មវិធីខាងលើមានគោលដៅបណ្តុះបណ្តាលអ្នកប្រកបវិជ្ជាជីវៈតាមរយៈការផ្តល់ការអប់រំមួយស្របតាមតម្រូវការជាក់ស្តែងក្នុងស្រុក និងគោលដៅនៃការអភិវឌ្ឍប្រកបដោយចីរភាពក្នុងឧស្សាហកម្មវប្បធម៌ និងច្នៃប្រឌិត។

លោកស្រី Fanny Pagès នាយិកាប្រតិភូ និងជាមន្ត្រីទទួលបន្ទុកផ្នែកវប្បធម៌នៃវិទ្យាស្ថានបារាំងនៅកម្ពុជា មានប្រសាសន៍ថា «យើងដាក់ឈ្មោះកម្មវិធីនេះថា ចតុ ដោយសារពាក្យនេះឆ្លុះបញ្ចាំងពីភាពច្នៃប្រឌិត និងលើកស្ទួយតម្លៃភាសា និងវប្បធម៌ខ្មែរ។ ចតុ មានន័យថាបួន ហើយជាពាក្យដ៏សំខាន់មួយនៅក្នុងវប្បធម៌ខ្មែរ។ ជាក់ស្តែង ពាក្យនេះត្រូវបានប្រើ​សំដៅលើទិសធំៗទាំងបួន សាលសន្និសីទចតុមុខដែលស្ថិតនៅចំណុចប្រសព្វនៃទន្លេទាំងបួន ឬ​ឈ្មោះ​ប្រវត្តិ​សាស្រ្ត​របស់រាជធានីភ្នំពេញជាដើម។  តាមរយៈឈ្មោះនេះ កម្មវិធីចតុស្ថិតនៅចំណុចប្រសព្វនៃវិស័យសំខាន់ៗបួន ដោយធ្វើឱ្យវិស័យទាំងនោះមានទំនាក់ទំនងគ្នា និងផ្តល់ភាពសម្បូរបែបឱ្យគ្នាទៅវិញទៅមក» ។ 

គម្រោង«ចតុ»មានគោលដៅសំខាន់ៗ៣គឺ៖ ការពង្រឹងសមត្ថភាពសិល្បៈ ការអភិវឌ្ឍសមត្ថភាពផ្នែកសហគ្រិនភាព​នៅក្នុង​វិស័យវប្បធម៌ និងការរៀបចំសិក្ខាសាលាកម្រិតតំបន់មួយ​ដែលផ្តោតលើឧស្សាហកម្មវប្បធម៌ និងច្នៃប្រឌិត។

ការបណ្តុះបណ្តាលគឺជាចំណុចចាប់ផ្តើមនៃកម្មវិធីនេះ ហើយសិក្ខាកាមមកពីតំបន់នានានឹងទទួលការបណ្តុះបណ្តាល​ដែលបង្ហាត់បង្រៀនដោយគ្រូជនជាតិបារាំងទៅតាមជំនាញរបស់ខ្លួន។ វគ្គបណ្តុះបណ្តាលទាំងនេះត្រូវបានបង្កើតឡើងដើម្បីផ្តល់មធ្យោបាយចាំបាច់នានាដល់យុវជនក្នុងការដុសខាត់សមត្ថភាពបច្ចេកទេស និងពង្រីកវិសាលភាព​ ច្នៃប្រឌិតរបស់ពួកគេ។ ក្រោយពេលបញ្ចប់ការបណ្តុះបណ្តាល សិក្ខាកាមត្រូវអនុវត្ត​ជាក់ស្តែង ដោយបញ្ចេញសមត្ថភាពបង្កើតស្នាដៃសិល្បៈទៅតាមជំនាញរៀងខ្លួន ដូចជាផលិតគំនូរជីវចល សរសេរពាក្យពេចន៍តួអង្គ និពន្ធបទភ្លេង ឬបង្កើតក្បាច់រាំ ដែលបង្ហាញពីទម្រង់សិល្បៈចម្រុះនៃកម្មវិធីនេះ។

នៅចុងបញ្ចប់ ស្នាដៃសិល្បៈផ្សេងៗនឹងត្រូវបង្ហាញជូនសាធារណជនកម្ពុជាតាមរយៈព្រឹត្តិការណ៍មួយដែលអនុញ្ញាតឱ្យយុវជនយុវ​នា​​រីជាអ្នកច្នៃប្រឌិតបញ្ចេញស្នាដៃរបស់ខ្លួន។ ការបង្ហាញនេះមានគោលដៅធ្វើឱ្យមហា​ជន​ស្គាល់ពួកគេកាន់តែច្បាស់ និងរួមចំណែកយ៉ាងសកម្មក្នុងភាពរស់រវើកនៃវប្បធម៌ ដែលកំពុងរីកដុះដាលនៅកម្ពុជា។

ចំពោះដៃគូគម្រោង កម្មវិធីនេះផ្តល់ការបណ្តុះបណ្តាលអំពីការផលិតគំនូរជីវចលពីរឿងនិទាន ដោយសហការជាមួយ​គ្រឹះស្ថានបោះពុម្ពផ្សាយស៊ីប៉ា ការបណ្តុះបណ្តាលអំពីការសរសេរពាក្យពេចន៍តួអង្គ ដោយសហការជាមួយផលិតកម្ម Anti-Archive និងការបណ្តុះបណ្តាលជំនាញភ្លេងនិងតន្រ្តី ដោយសហការជាមួយផលិតកម្មកងចក្រ។ ក្រៅពីនេះ កម្មវិធីចតុក៏ជួយជ្រោមជ្រែងសិល្បករក្នុងការបង្កើតក្បាច់រំាំថ្មីៗផងដែរ ដោយសហការជាមួយអង្គការសិល្បៈខ្មែរអមតៈ។ ការបណ្តុះបណ្តាលមានថិរវេលាជាមធ្យម៨ថ្ងៃ និងត្រូវធ្វើឡើងដោយគ្រូជនជាតិបារាំង ដែលក្រៅពីការបង្ហាត់បង្រៀន នឹងជួយជ្រោមជ្រែងសិក្ខាកាមក្នុងការបង្កើតស្នាដៃសិល្បៈ។

ពាក់ព័ន្ធនឹងការជ្រើសរើសបេក្ខជនឱ្យចូលសិក្សាវិញ យុវជនកម្ពុជាត្រូវបានជ្រើសរើសតាមរយៈការប្រកាសទទួលបេក្ខភាពដែលត្រូវបាន​ផ្សព្វផ្សាយនៅលើគេហទំព័រ និងបណ្តាញសង្គមរបស់វិទ្យាស្ថានបារាំងនៅកម្ពុជា និងដៃគូ។ បេក្ខជនត្រូវមានសញ្ជាតិខ្មែរ មានបទពិសោធន៍ និងត្រូវបង្ហាញគម្រោងសិល្បៈមួយ ដែលខ្លួនចង់បង្កើតឡើងនៅក្នុងជំនាញរបស់ខ្លួន។ បេក្ខជន៦០នាក់ដែលត្រូវបានជ្រើសរើស(១៥នាក់ក្នុងមួយមុខជំនាញ) មានឱកាសចូលរួមក្នុងវគ្គសិក្សាពេញម៉ោងដឹកនាំដោយគ្រូជនជាតិបារាំង ដែលនឹងផ្តល់ឱ្យពួកគេនូវចក្ខុវិស័យអន្តរជាតិ និងសមត្ថភាពដ៏មុតស្រួចក្នុងជំនាញនីមួយៗ។

សម្រាប់រយៈពេលវែង  កម្មវិធី«ចតុ»មានគោលដៅគាំទ្រដល់ខឿនវប្បធម៌ខ្មែរ ដោយផ្តល់ដល់យុវជន ដែលមានទេពកោសល្យនូវមធ្យោ​បាយចាំបាច់ដើម្បីអភិវឌ្ឍគម្រោងច្នៃប្រឌិតរបស់ខ្លួន។ អ្នកទទួលផលចុងក្រោយគឺមហាជន​កម្ពុជា ដែលអាចទស្សនាស្នាដៃនានាបង្កើតឡើងក្នុងពេលបណ្តុះបណ្តាល និងរួមចំណែកលើកស្ទួយកិត្យា​នុភាព​នៃឧស្សាហកម្មវប្បធម៌កម្ពុជា។ «ចតុ»មានគោលដៅយូរអង្វែង ដើម្បីពង្រឹងចំណងវប្បធម៌ និងច្នៃប្រឌិតរវាងកម្ពុជា និងបារាំង ដោយលើកកម្ពស់ភាពសម្បូរបែប និងភាពចម្រុះនៃទេពកោសល្យកម្ពុជា៕ 

The post កម្ពុជាកំពុងបោះជំហានទៅឧស្សាហកម្មវប្បធម៌ ភាពយន្ត ការតែងនិពន្ធ និងថ្នាលគំនូរជីវចល appeared first on Kampuchea Thmey Daily.

យុវជន ឈៀង សេងលី និស្សិតជំនាញផ្នែកគំនូរឌីជីថល បានប្រាប់ កម្ពុជាថ្មី ថា លោកបានចាប់ផ្ដើមសិក្សា និងបម្រើការក្នុងជំនាញនេះ តាំងពីឆ្នាំ ២០១៨ ពោលគឺចាប់តាំងពីពេលយុវជនរូបនេះ បានជ្រើសរើសជំនាញសិក្សាផ្នែកគំនូរឌីជីថល នៃសាលាអង្គការមួយ ដែលស្ថិតនៅក្រុងបាត់ដំបង។

សេងលី បានប្រាប់ឱ្យដឹងទៀតថា មូលហេតុដែលលោកជ្រើសរើសជំនាញសិក្សាផ្នែកគំនូរឌីជីថលនេះ ដោយសារតែទីផ្សារនាពេលបច្ចុប្បន្នកំពុងមានតម្រូវការខ្ពស់ ទាក់ទងនឹងជំនាញផ្នែកគំនូរ និងវីដេអូ បែបឌីជីថល សម្រាប់យកទៅធ្វើការផ្សព្វផ្សាយពាណិជ្ជកម្មផលិតផលផ្សេងៗ ស្របតាមយុគសម័យឌីជីថល មិនថាជាការងារក្នុងស្រុក ឬក្រៅស្រុក សុទ្ធតែមានតម្រូវការដូចគ្នា។

កើតចេញពីត្រកូលកសិករមួយ នៃស្រុកឯកភ្នំ ខេត្តបាត់ដំបង សេងលី ជាកូនប្រុសច្បង ក្នុងគ្រួសារតូចមួយមានបងប្អូនបង្កើតប្រុសស្រីចំនួន៣នាក់។ យុវជនរូបនេះ មានទេពកោសល្យ​ និងចំណង់ចំណូលចិត្តផ្នែកគំនូរតាំងពីកុមារភាពមកម្ល៉េះ ទើបបណ្ដាលឱ្យលោកអាចបន្តការសិក្សាជំនាញគំនូរឌីជីថល ក្រោយបញ្ចប់ថ្នាក់មធ្យមសិក្សាទុតិយភូមិ (បាក់ឌុប) ក្នុងឆ្នាំ២០១៧ គិតមកទល់បច្ចុប្បន្ន សេងលី ចេះជំនាញនេះ ជាង៧ឆ្នាំមកហើយ។

សម្រាប់ពេលបច្ចុប្បន្ននេះ សេងលី កំពុងបម្រើការក្នុងក្រុមហ៊ុនផលិតផលមួយ នៅក្នុងរាជធានីភ្នំពេញ ដោយបានវិវត្តខ្លួនពីអ្នកជំនាញគំនូសឌីជីថល មកជាបុគ្គលិកផ្នែកផលិតវីដេអូបែបឌីជីថល សម្រាប់ផ្សព្វផ្សាយពាណិជ្ជកម្មផលិតផលផ្សេងៗ តែអ្វីដែល សេងលី គឺលោកអាចស្វែងរកប្រាក់ចំណូលចេញពីជំនាញមួយនេះ បានចន្លោះពី ៦០០ដុល្លារ ទៅ៧០០ដុល្លារ ក្នុងមួយខែ។

យុវជនរូបនេះ ក៏សូមលើកទឹកចិត្តដល់សិស្សានុសិស្សជំនាន់ក្រោយ គួរនាំគ្នាសិក្សាជំនាញផ្នែកគំនូសឌីជីថលនេះ ឱ្យបានច្រើនតាមដែលអាចធ្វើទៅបាន ខណៈដែលជំនាញនេះហាក់ពុំសូវមានសិស្ស-និស្សិត មកសិក្សាច្រើនក៏ពិតមែន ប៉ុន្ដែទីផ្សារការងារកំពុងមានតម្រូវការខ្ពស់ នៅក្នុងប្រទេសកម្ពុជា ពិសេសនៅតាមបណ្ដាក្រុមហ៊ុនឯកជន និងស្ថាប័នរដ្ឋមួយចំនួនផងដែរ៕

អត្ថបទ ៖ សួស សិត

The post កូនអ្នកបាត់ដំបងម្នាក់ ចេះជំនាញគំនូរឌីជីថល រកចំណូលជិត១០០០ដុល្លារ appeared first on Kampuchea Thmey Daily.

ខ្សែភាពយន្តគំនូរជីវចលរឿង Spider-Man ដែលធ្លាប់ទទួលពានរង្វាន់អូស្ការកាលពីឆ្នាំ២០១៨ ត្រូវបានប្រកាសថ្ងៃចាក់បញ្ចាំងនៅថ្ងៃទី២ ខែមិថុនា នៅសហរដ្ឋអាមេរិក ហើយត្រូវបានកំណត់សម្រាប់ការចាក់បញ្ចាំងនៅបណ្ដាប្រទេសផ្សេងៗ នៅថ្ងៃទី២២ ខែមិថុនា។

មុនថ្ងៃចាក់បញ្ចាំងមកដល់ បណ្ដារោងកុននៅអារ៉ាប់រួម បានប្រកាសថា ខ្សែភាពយន្ត “Spider Man: Into the Spider-Verse” មិនអនុញ្ញាតឱ្យចាក់បញ្ចាំងឡើយ។ បណ្ដារោងកុនធំៗនៅក្នុងប្រទេសអារ៉ាប៊ីសាអូឌីត កាតា គុយវ៉ែត អូម៉ង់ និងបារ៉ែន សុទ្ធតែពុំមានកាលវិភាគចាក់ផ្សាយរឿងនេះ។

ជុំវិញមូលហេតុហាមឃាត់នេះ ពុំមានមន្ត្រីវិចិត្រសិល្បៈមកបញ្ជាក់ជាផ្លូវការឡើយ ប៉ុន្តែបើតាមការអត្ថាធិប្បាយរបស់ក្រុមប្រឹក្សាប្រព័ន្ធផ្សព្វផ្សាយ UAE កាលពីថ្ងៃចន្ទបាននិយាយនៅលើ Twitter ថា “អារ៉ាប់រួមនឹងមិនអនុញ្ញាតឱ្យមានការផ្សព្វផ្សាយ ឬការបោះពុម្ពផ្សាយខ្លឹមសារសាច់រឿងដែលផ្ទុយនឹងគុណតម្លៃ និងគោលការណ៍របស់ខ្លួនឡើយ” ។ តាមការអះអាងមួយនេះ គេអាចដឹងបានថា ការហាមឃាត់ខ្សែភាពយន្ត “Spider Man: Into the Spider-Verse” តាមបណ្ដារោងកុននៅអារ៉ាប់រួម មកពីរឿងនេះមានឈុតឆាកបង្ហាញពីទំនាក់ទំនងផ្លូវភេទ ដែលផ្ទុយទៅនឹងប្រពៃណីប្រទេសមជ្ឈិមបូព៌ាមួយនេះ៕

ប្រែសម្រួល៖ សន្យា

ចុចអាន៖ Charlie Puth និពន្ធបទចម្រៀងអាល់ប៊ុមចុងក្រោយ ពេលកំពុងរួមភេទ

ចុចអាន៖ ទស្សនិកជនរិះគន់សមត្ថភាពសម្ដែងរបស់ Dilraba ថាមិនសមជាកំពូលតារា

The post ភាពយន្ត “Spider Man” ថ្មី មិនអនុញ្ញាតឱ្យចាក់បញ្ចាំងនៅអារ៉ាប់រួម appeared first on Kampuchea Thmey Daily.

ពិសេស សម្រាប់ទស្សនិកជនដែលចូលចិត្តភាពយន្តខ្នាតធំបែបគំនូរជីវចល ធានាថាភាពយន្តរឿងទាំង ៨ខាងក្រោមនេះ នឹងធ្វើឱ្យ​ទ​ស្ស​និក​ជនពេញចិត្តស្តូកមិនខាន។ ជាមួយនឹងទស្សនីយភាពដ៏ល្អឯកនៅក្នុងភាពយន្ត ដែលនឹងធ្វើអោយអ្នកទស្សនាមាន​អារម្ម​ណ៍​​ថាដូចមើលភាពយន្តសម្ដែងដោយមនុស្សពិតៗ។

គួររម្លឹកផងដែរថា បើតាមការបង្ហោះសារជាផ្លូវការណ៍របស់ Legend Cinema បានបញ្ជាក់ថា ភាពយន្តគំនូរជីវចលខាងក្រោម​នេះ ​​នឹងមានវត្តមាននៅក្នុងឆ្នាំ ២០២១នេះហើយ។

ចង់ដឹងថាមានភាពយន្តអ្វីខ្លះ? សូមតាមដានខាងក្រោមនេះ៖
១. រឿង «Raya and The last Dragon»
២. រឿង «LUCA»

៣. រឿង «Tom and Jerry»
៤. រឿង «Stand by Me»

៥. រឿង «Fate Grand Order»
៦. រឿង «Demon Player»

៧. រឿង «Peter Rabbit 2»
៨ . រឿង «ណាចាចាប់ជាតិ»

អត្ថបទផ្ដល់ដោយ៖ Poraman

ចុចអាន៖តារា​​កូរ៉េទាំង​១០​រូបនេះ ​ក្រៅពីមាន​សមត្ថភាព​សម្ដែង​ហើយ ​អាច​និយាយ ​អង់គ្លេស​បានយ៉ាង​ស្ទាត់ទៀត​

ចុចអាន៖ជិតចេញអាល់ប៊ុមទោលដំបូង! Wendy សមាជិក Red Velvet បញ្ចេញរូបស្អាតៗមានមន្តស្នេហ៍ខ្លាំង

The post ភាពយន្តគំនូរជីវចល ៨រឿង ធានាត្រូវចិត្តទស្សនិកជន សម្រាប់ឆ្នាំ ២០២១នេះ appeared first on Kampuchea Thmey Daily.