លោក Feng hui (ហ្វេង ហ៊ុយ )អ្នកទទួលខុសត្រូវ វិទ្យុមិត្តភាពកម្ពុជាចិន នៃអគ្គស្ថានីយវិទ្យុ និងទូរទស្សន៍មជ្ឈិមចិនប្រចាំនៅរាជធានីភ្នំពេញបានមានប្រសាសន៍ថា អ្នកថតវីដេអូភាពយន្តឯកសារនេះ គឺជាអវកាសយាននិក Shenzhou 13 ដែលមានលោក Zhai Zhigang (ចាយ ជីកាំង), លោកស្រីWag Yaping (វ៉ាង យ៉ាភីង)និង លោកYe Guangfu ( យេ កាំងហ្វូ)។ ក្នុងអំឡុងពេលបេសកកម្មរយៈពេលប្រាំមួយខែរបស់ពួកគេនៅក្នុងលំហបំពាក់ដោយកាមេរ៉ាកម្រិតខ្ពស់កម្រិត 8K ពួកគេបាននាំយក នូវភាពអស្ចារ្យនៃចក្រវាឡ របៀបធ្វើការលើស្ថានីយអវកាស និងការរស់នៅរបស់អាកាសយាននិកក្នុងលំហដ៏ធំទូលាយ។

បន្ទាប់ពីបានចូលរួមទស្សនាភាពយន្តឯកសាររបស់ចិននេះរួចមក​ លោក ហាក់ ស៊ីដែត នាយកវិទ្យាស្ថានខុងជឺភាគីកម្ពុជា នៃសាកលវិទ្យាល័យបច្ចេកវិទ្យា និងវិទ្យាសាស្ត្រកម្ពុជា-ចិន បានវាយតម្លៃខ្ពស់ចំពោះភាពយន្តនេះដែលមានរូបភាពច្បាស់ និងបង្ហាញពីភាពរីកចម្រើនផ្នែកបច្ចេកវិទ្យារបស់ចិន។ «តាមរយៈភាពយន្តឯកសារនេះ ធ្វើឱ្យយុវជនកម្ពុជាដែលរៀនផ្នែកបច្ចេកវិទ្យាពួកគាត់បានយល់ច្បាស់ពីភាពអស្ចារ្យនៃបច្ចេកវិទ្យារបស់ចិន ជាពិសេសយាន្តអវកាសតែម្ដង។ ខ្ញុំសង្ឃឹមថា កម្ពុជា និងចិននឹងបន្តកិច្ចសហការគ្នាបន្ថែមទៀត ជាពិសេសលើបច្ចេកវិទ្យា និងវិស័យអប់រំ »។

លោកស្រី Du Zenghui (ទូ ចឹងហ៊ុយ )នាយកវិទ្យាស្ថានខុងជឺភាគីចិន នៃសកលវិទ្យាល័យបច្ចេកវិទ្យា និងវិទ្យាសាស្ត្រកម្ពុជា-ចិន បានបង្ហាញនូវមោទនភាពខ្ពស់ ចំពោះភាពយន្តរបស់ចិននេះ ព្រោះវាបាន ជំរុញដល់និស្សិតកម្ពុជាកាន់តែច្រើនឱ្យខិតខំរៀនសូត្រពី បច្ចេកវិទ្យា និងវិទ្យាសាស្រ្តថ្មីៗដើម្បីចូលរួមចំណែកអភិវឌ្ឍន៍សេដ្ឋកិច្ច សង្គម និងបច្ចេកវិទ្យានៅកម្ពុជាឱ្យកាន់តែរីកចម្រើន។

ក្រុមសិស្សនិស្សិតដែលបានចូលរួមទស្សនាភាពយន្តរបស់ចិននេះ សុទ្ធតែបង្ហាញការពេញចិត្ត និងកោតសរសើរយ៉ាងខ្លាំងចំពោះបច្ចេកវិទ្យាថតរូប និងការការស្រាវជ្រាវរបស់អ្នកវិទ្យាសាស្រ្តចិននៅលើភពផ្សេងៗ ហើយអាចយកមកចែករំលែកដល់មនុស្សទូទាំងពិភពលោកបានឃើញ ៕

The post ភាពយន្តឯកសារលំហអាកាសកម្រិត 8Kដំបូងគេរបស់ប្រទេសចិនចាក់បញ្ចាំងនៅកម្ពុជា appeared first on Kampuchea Thmey Daily.

បើតាមលោក យូ សុភា ភាពយន្តរឿង «ភូមិគ្រឹះអាគម» និងរឿងភាគទូរទស្សន៍ «រាជិនីភូមិគ្រឹះ» ជារឿងពីរផ្សេងគ្នា គ្រាន់តែឆ្លុះបញ្ចាំងពីសង្គមមួយក្នុងសម័យអាណានិគមបារាំងដូចគ្នាប៉ុណ្ណោះ ហើយពុំមានលក្ខណៈនៃសាច់រឿងដូចគ្នានោះទេ រាប់ចាប់ពីចំណុចចាប់ផ្តើមដល់បញ្ចប់នៃសាច់រឿង។

លោកគូសបញ្ចាក់ដែរថា ដ្បិតតែរឿងទាំងពីរលោកនិពន្ធក៏ពិតមែន ប៉ុន្តែសម្រាប់រឿង «ភូមិគ្រឹះអាគម» ចេញពីគំនិតផ្ទាល់របស់លោក សែម ឡង់ឌី (Peypey Dy) និងកែសម្រួលដោយលោក ពៅ មករា ខណៈក្នុងការដឹកនាំផលិតរឿងនេះ គឺមានការកែប្រែចំណុចខ្លះប៉ុណ្ណោះ។ តែទោះជាបែបនេះ លក្ខណៈនៃរឿងទាំងមូលមិនដូចគ្នានោះឡើយ។

លោកថា អ្វីដែលជាលក្ខណៈដូចគ្នានោះ​ គឺគ្រាន់តែរឿងទាំងពីរឆ្លុះបញ្ចាំងពីសង្គមមួយ ក្នុងសម័យអាណានិគមបារាំងដូចគ្នា មិនថាការរស់នៅ ឬផ្នត់គំនិតរបស់គ្រួសារអភិជននាសម័យនោះ ដែលទាក់ទងនឹងការយកប្រពន្ធច្រើន។ តែយ៉ាងណា រឿងទាំងពីរ ពុំមានលក្ខណៈនៃសាច់រឿងដូចគ្នានោះទេ រាប់ចាប់ពីចំណុចចាប់ផ្តើមដល់បញ្ចប់នៃសាច់រឿង ដោយមួយ ឆ្លុះបញ្ចាំងពីការច្រណែនឈ្នានីសគ្នាក្នុងរង្វង់គ្រួសារអភិជន “ប្រពន្ធដើម ប្រពន្ធចុង”។ ឯមួយទៀត ឆ្លុះបញ្ចាំងពីតថភាពរស់នៅក្នុងសង្គមជាក់ស្តែងមួយ ដែលប្រើប្រាស់អបិយជំនឿដើម្បីដោះស្រាយបញ្ហា ខណៈមានបង្កប់ទាំងចំណោទបញ្ហា និងការដោះស្រាយដោយរបៀបខុសគ្នា។

សូមស្តាប់វីដេអូលម្អិត៖

គួររំលឹកថា លោក យូ សុភា ជាអ្នកនិពន្ធមួយរូបដែលមានស្នាដៃតែងនិពន្ធច្រើន មិនថាភាពយន្តភាគ ឬរឿងខ្លី ដែលត្រូវបានផលិត និងចាក់ផ្សាយតាមប៉ុស្តិ៍ទូរទស្សន៍នៅកម្ពុជាឡើយ។ លោកចាប់ផ្តើមសរសេរប្រលោមលោក តាំងពីឆ្នាំ២០០០ ហើយបានទទួលពានរង្វាន់ និងមេដាយជាច្រើន លើការប្រកួតប្រជែងស្នាដៃអក្សរសិល្ប៍ ខណៈស្នាដៃខ្លះ ត្រូវបានបោះពុម្ពផ្សាយ និងខ្លះត្រូវបានផលិតជាភាពយន្ត៕

The post អ្នកនិពន្ធ ចេញមុខបញ្ជាក់ការពិត ក្រោយមានការបៀបធៀបរឿង «ភូមិគ្រឹះអាគម» និង «រាជិនីភូមិគ្រឹះ» appeared first on Kampuchea Thmey Daily.

ក្នុងនោះដែរ ភាពយន្តខ្នាតខ្លីកម្ពុជាចំណងជើង « Respoken » ទទួលបានពានរង្វាន់ Best Short Film Director និង ពានរង្វាន់ Best Short Film។ ចំណែកភាពយន្តរឿង « ភ្លើងឆេះក្លឹបក្រោមដី » របស់ផលិតកម្ម LD Entertainment ទទួលបានពានរង្វាន់តួឯកស្រីឆ្នើម “Best Leading Actress” ដែលមានកញ្ញា ជា សុភាព ជាតួសម្តែង។ នេះបើយោងតាមការផ្សព្វផ្សាយរបស់ ក្រសួងវប្បធម៌ និងវិចិត្រសិល្បៈ នៅព្រឹកថ្ងៃទី០៧ ខែកញ្ញា ឆ្នាំ២០២៥។

ក្នុងឱកាសអញ្ជីញជាអធិបតីភាព កម្មវិធីកម្រាលព្រំក្រហម និងប្រគល់ពានរង្វាន់នៃមហោស្រពភាពយន្តកម្ពុជាអាស៊ី លើកទី៣ កាលពីល្ងាចថ្ងៃទី៦ កញ្ញានេះ បណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ បានគូសបញ្ជាក់ពីតម្លៃការរៀបចំមហាស្រពភាពយន្តនេះ ថាបានលើកកម្ពស់ចំណងមិត្តភាព និងកិច្ចសហប្រតិបត្តិការលើវិស័យវប្បធម៌រវាងប្រទេសកម្ពុជា និងបណ្តាប្រទេសក្នុងតំបន់។

ជាពិសេសលើវិស័យភាពយន្ត ដោយចាត់ទុកថា ជាការផ្តល់ឱកាសសម្រាប់អ្នកដឹកនាំរឿង ផលិតករ សិល្បករ សិល្បការិនី និងអ្នកដែលមានអាជីពក្នុងវិស័យភាពយន្តបានជួបជុំគ្នា ចែករំលែកចំណេះដឹង បទពិសោធពីគ្នាទៅវិញទៅមក និងស្វែងរកឱកាសវិនិយោគថ្មីៗបន្ថែមទៀត ដើម្បីរួមចំណែកដល់ការអភិវឌ្ឍឧស្សាហកម្មភាពយន្ត និងវប្បធម៌នៃប្រទេសរបស់យើងទាំងអស់គ្នា។

បណ្ឌិតសភាចារ្យ សង្ឃឹមថា ភាពជាដៃគូដែលបានបង្កើតឡើងនៅទីនេះ នឹងត្រួសត្រាយផ្លូវសម្រាប់កិច្ចសហការផលិត ការផ្លាស់ប្តូរបច្ចេកទេស និងការចែករំលែកភាពច្នៃប្រឌិតរួមគ្នានៅក្នុងឧស្សាហកម្មភាពយន្តនាពេលអនាគត ដើម្បីរួមចំណែកដល់ការលើកកម្ពស់កំណើនប្រកបដោយនិរន្តរភាពនៃវិស័យភាពយន្ត និងរក្សាបាននូវភាពសំបូរបែបនៃបេតិកភណ្ឌវប្បធម៌របស់យើង។

សូមបញ្ជាក់ផងដែរ មហោស្រពភាពយន្តកម្ពុជាអាស៊ីលើកទី៣នេះ បានប្រព្រឹត្តទៅចាប់ពីថ្ងៃទី៤ ដល់ថ្ងៃទី៨ ខែកញ្ញា ឆ្នាំ២០២៥ ដោយមានកម្មវិធីអមមួយចំនួន ដូចជាការចាក់បញ្ចាំងភាពយន្ត វេទិកាជជែកអំពីឧស្សាហកម្មភាពយន្ត និងពិធីដើរលើកម្រាលព្រំក្រហមនិងប្រគល់ពានរង្វាន់។ មហោស្រពនេះសហការរៀបចំដោយនាយកដ្ឋានសិល្បៈភាពយន្តនិងផ្សព្វផ្សាយវប្បធម៌ និងគណៈកម្មការរៀបចំមហោស្រពភាពយន្តកម្ពុជា-អាស៊ី (CAFF) ព្រមទាំងមានការគាំទ្រពីក្រសួងវប្បធម៌និងវិចិត្រសិល្បៈ៕

The post ភាពយន្តខ្មែរ២រឿង ដណ្តើមបានពាន “Best Short Film” និង “Best Leading Actress” ក្នុងមហោស្រពភាពយន្តកម្ពុជាអាស៊ី លើកទី៣ appeared first on Kampuchea Thmey Daily.

ផលិតកររូបនេះ បានលើកឡើងថា កិច្ចប្រជុំពីភាពយន្តច្រើនឆ្នាំហើយ គឺដោះមិនចេញទើបតែលើកនេះដំណោះស្រាយត្រូវបានដោះចេញស្របពេលរដ្ឋបិទការបញ្ចាំងរឿងសៀម។

ផលិតកររឿងដើម្បីកូនលោក ហ៊ុយ យ៉ាឡេង បានបន្តទៀតថា លោកនឹងបន្តការតស៊ូរទៅមុខទៀតព្រោះយើងដើម្បីភាពយន្តខ្មែរ ។ ត្រង់នេះជាចំណុចមួយដែលទស្សនិកជនបង្ហាញការលើកទឹកចិត្ត និងគាំទ្រនូវឆន្ទ:របស់ផលិតករលោក ហ៊ុយ យ៉ាឡេង ឱ្យបន្តការផលិតភាពយន្តរបស់ខ្មែរជាមួយគុណភាព។

ជាការពិតលោក ហ៊ុយ យ៉ាឡេង ផលិករភាពយន្តនិងជាអ្នកដឹកនាំសម្តែងកត់សម្គាល់កន្លងមក លោកតែងលេចមុខខ្នះខ្នែង ក្នុងការចូលរួមលើកស្ទួយវិស័យភាពខ្មែរ តាមរយ:ការផលិតនិងផ្សព្វផ្សាយទៅកាន់ឆាកអន្តរជាតិជាដើម។

លើសពីនេះ លោក ហ៊ុយ យ៉ាឡេង ជារឿយៗក៏តែងបង្ហាញឆន្ទ:មិនបោះបង់ចោលក្តីស្រមៃរបស់ខ្លួន ក្នុងការនាំភាពយន្តខ្មែរទៅកាន់ឆាកអន្តរជាតិ ក៏ដូចជាកាគៀងគរផលិតករ ឬក្រុមហ៊ុនបរទេសចូលមកសហការផលិត និងថតភាពយន្តនៅក្នុងស្រុកផងដែរ៕ ចាន់រ៉ា

The post កថាជ័យ បង្ហាញឆន្ទៈក្នុងការផលិតភាពយន្ត ក្រោយជួបប្រជុំអំពីការពង្រឹងគុណភាពវិស័យភាពយន្តរបស់ជាតិ appeared first on Kampuchea Thmey Daily.

ការប្រកាសនេះ គឺក្រោយពេលប្រមុខរាជរដ្ឋាភិបាលកម្ពុជាឯកភាពលើការជូនយោបល់របស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា កាលពីរាត្រីថ្ងៃទី១២ ខែមិថុនា ឆ្នាំ២០២៥ ក្រោយក្រុមជ្រុលនិយមថៃនៅតែបន្តប្រមាថកម្ពុជា។ ខណៈដំណឹងនេះ ត្រូវបានមហាជនទូទាំងប្រទេសសម្តែងការសាទរនិងគាំទ្រ ពិសេសអ្នកស្ថិតក្នុងវិស័យភាពយន្តតែម្តង។

ទាក់ទងនឹងរឿងរ៉ាវនេះ លោក ឆាយ បូរ៉ា ផលិតករភាពយន្តដ៏មានកេរ្តិ៍ឈ្មោះបោះសំឡេងរបស់កម្ពុជា បានបង្ហាញការគាំទ្រយ៉ាងខ្លាំងដល់ការគិតគូររបស់ថ្នាក់ដឹកនាំកម្ពុជាគ្រប់ជាន់ថ្នាក់ ពិសេសយោបល់របស់សម្តេចតេជោ ក្នុងការឆ្លើយតបទៅកាន់ថៃវិញ។

សង្កត់ធ្ងន់លើវិស័យភាពយន្ត លោកថា នេះជាដំណឹងល្អសម្រាប់ផលិតករខ្មែរក្នុងដំណាក់កាលដំបូង។ ប៉ុន្តែទន្ទឹមនឹងការលើកឡើង លោកក៏ចោទជាសំណួរដែរថា “តើយើងត្រូវធ្វើកិច្ចការអ្វីទៀតសម្រាប់ភាពយន្តខ្មែរ? នេះជាសំណួរដែលផលិតករទាំងអស់ត្រៀមគិតត្រៀមធ្វើ”។

បើតាមការកត់សម្គាល់របស់លោក ឆាយ បូរ៉ា ចំពោះប្រភេទរឿងដែលដាក់បញ្ចាំងតាមរោងភាពយន្ត ភាគច្រើនសុទ្ឋសឹងតែប្រភេទរឿងរន្ឋត់ (ខ្មោច) ដែលទីផ្សារចំពោះរឿងប្រភេទនេះស្ទើរតែនៅទ្រឹង និងថមថយចំនួនទស្សនិកជន ដែលជាហេតុនាំឱ្យទំហំសេដ្ឋកិច្ចភាពយន្តមានការធ្លាក់ចុះ។ 

តួយ៉ាង បើតាមការសិក្សាស្រាវជ្រាវរបស់លោកលើប្រទេសជិតខាងកន្លងមក ដូចជា ប្រទេសចិន វៀតណាម និងម៉ាឡេស៊ី ជាដើម។ល។ ភាពរីកចម្រើនក្នុងវិស័យភាពយន្តរបស់ប្រទេសទាំងនោះ គឺអាស្រ័យតាមប្រភេទផ្សេងៗ។ ជាក់ស្តែង ក្រៅពីប្រភេទរឿងខ្មោច គឺគេផ្តោតលើប្រភេទភាពយន្តដូចជា Thriller, Drama, Comedy, Romance, និង Action ។ ឯប្រភេទរឿងរន្ឋត់បច្ចុប្បន្ន ហាក់ដូចជាច្រើនលើសលប់លើសពីសេចក្តីត្រូវការ និងមានភាពច្រំដែល តែវាជាសេរីភាពរបស់ផលិតករទេ។

តែទោះជាបែបនេះ លោកលើកជាយោបល់បន្ថែមដែរថា ការគិតផលិតប្រភេទរឿងផ្សេងៗ អាចប្រឈមហានិភ័យច្រើន ដោយប្រឈមនឹងទីផ្សារថ្មី ទស្សនិកជនថ្មី និងការមិនសូវគាំទ្រពីរោងភាពយន្តលើកាលវិភាគបញ្ចាំងជាដើម។ល។ ហេតុនេះ ក្នុងនាមជាផលិតករ អ្វីដែលត្រូវគិតគឺយុទ្ឋសាស្ត្រដើម្បទ្រទ្រង់វិស័យភាពយន្តខ្មែរ ខណៈនេះជាចំណោទដដែលៗរាប់ឆ្នាំមកហើយក្នុងវិស័យភាពយន្ត៕

The post លោក ឆាយ បូរ៉ា យល់ថា ឈប់ផ្សាយភាពយន្តថៃ ជាឱកាសល្អសម្រាប់ផលិតករខ្មែរ ត្រូវគិតពីយុទ្ធសាស្ត្រដើម្បទ្រទ្រង់វិស័យភាពយន្តខ្មែរ appeared first on Kampuchea Thmey Daily.

គម្រោងរៀបចំសប្តាហ៍ភាពយន្តអ៉ីរ៉ង់លើកទី១ នេះ គ្រោងធ្វើចាប់ពីថ្ងៃទី៣០ ខែមេសា ដល់ថ្ងៃទី៤ ខែឧសភា ឆ្នាំ២០២៥ ហើយក្រៅពីចង់បង្កើនការយល់ដឹងដល់ប្រជាជនទាំង២ ក៏មានបំណងលើកកម្ពស់វិស័យភាពយន្តអ៉ីរ៉ង់ ផងដែរ។ ក្នុងឱកាសនេះ មានចាក់បញ្ចាំងភាពយន្តល្បីៗរបស់អ៉ីរ៉ង់ដោយឥតគិតថ្លៃ ចំនួន៥ចំណងជើង ដោយមានចំណងជើងរង (Subtitle) ជាភាសាអង់គ្លេស និងចាក់បញ្ចាំងនៅរោងភាពយន្តលេជេន ជាន់ទី៦ ផ្សារទំនើបអូឡាំព្យា។

បើតាមលិខិតសន្និសីទកាសែត ដែលចេញដោយក្រសួងវប្បធម៌ បានបង្ហាញពីការលើកឡើងរបស់ លោក អាលី អាកបារ ណាហ្សារី ឯកអគ្គរដ្ឋទូតនៃសាធារណរដ្ឋអ៊ីស្លាមអ៉ីរ៉ង់ប្រចាំកម្ពុជា ថា៖ “យើងរីករាយនៃការនាំយកភាពយន្តអ៊ីរ៉ង់មកកាន់បេះដូងនៃទីក្រុងភ្នំពេញ។ សប្តាហ៍ភាពយន្តនេះ គឺជាការប្រារព្ធពិធីនៃតម្លៃវប្បធម៌រួមគ្នារបស់យើង និងជាសក្ខីភាពមួយចំពោះថាមពលដ៏យូរអង្វែងនៃវិស័យភាពយន្ត ដើម្បីភ្ជាប់វប្បធម៌ និងជាតិសាសន៍”។

ក្រសួងបញ្ជាក់ទៀតថា ភាពយន្តដែលត្រូវបានជ្រើសរើសសម្រាប់ការចាក់បញ្ចាំង នឹងមានបង្ហាញអំពីក្ដីស្រឡាញ់ គ្រួសារ និងការតស៊ូផ្ទាល់ខ្លួន ព្រមទាំងផ្តល់ជូនទស្សនិកជននូវទិដ្ឋភាពប្លែកពីគេនៃវប្បធម៌និងសង្គមរបស់ប្រទេសអ៉ីរ៉ង់តែម្តង។

ខាងក្រោមនេះ គឺជាកាលវិភាគចាក់បញ្ចាំងភាពយន្ត៖

The post ក្រសួងវប្បធម៌ និងស្ថានទូតអ៊ីរ៉ង់ គ្រោងរៀបចំសប្តាហ៍ភាពយន្តអ៊ីរ៉ង់លើកទី១ ដើម្បីលើកកម្ពស់ការយល់ដឹងរវាងប្រជាជនទាំង២ appeared first on Kampuchea Thmey Daily.

មហោស្រពភាពយន្តអន្តរជាតិកម្ពុជា លើកទី១៤ នឹងរៀបចំចាប់ពីថ្ងៃទី២១ ដល់ថ្ងៃទី២៩ ខែមីនា ឆ្នាំ២០២៥។ ក្នុងចំណោមប្រទេសទាំង៤១ ប្រទេសកម្ពុជា ក៏មានភាពយន្តចំនួន ៦០រឿង។ ចំពោះភាពយន្តទាំង១៥១រឿង មានទាំងប្រភេទរឿងប្រតិដ្ឋកម្ពុជា រឿងប្រតិដ្ឋអន្តរជាតិ រឿងរ៉ាវជុំវិញពិភពលោក ពិភពគួរឱ្យខ្លាចខ្នាតខ្លី ភាពយន្តឯកសារ ជាដើម។

ក្នុងកម្មវិធីសន្និសីទសារព័ត៌មាន ដែលបានរៀបចំនៅព្រឹកថ្ងៃទី១២ ខែមីនា ឆ្នាំ២០២៥ លោក Cedric Eloy ប្រធានមហោស្រព CIFF បានលើកឡើងថា ឆ្នាំ២០២៥នេះ គឺជាខួបទី៥០ នៃការកាន់អំណាចរបស់ខ្មែរក្រហម ហើយប្រធានបទឆ្នាំនេះ ក៏ធ្វើឡើងដើម្បីរម្លឹកពីការចូលកាន់កាប់របស់ខ្មែរក្រហម ដោយមានបញ្ចាំងភាពយន្តដែលនិយាយពីរបបដ៏ខ្មៅងងឹតនេះ តាមរយៈរឿង “ជីវិតកូនថ្លៃ កូនត្រូវតែរស់” ដែលបានបង្ហាញពីសោកនាដកម្មប្រវិត្តសាស្ត្រ ដែលនឹងបង្ហាញតាមរយៈបទពិសោធពិភពនិមិ្មត ព្រមទាំងផ្តល់ការទស្សនាដោយសេរីនៅមជ្ឈមណ្ឌលបុប្ផាណា។ លោកបានបញ្ជាក់ទៀតថា ឆ្នាំនេះ មហោស្រពភាពយន្តអន្តរជាតិកម្ពុជា លើកទី១៤ មិនត្រឹមតែនាំយកការបញ្ចាំងភាពយន្តឥតគិតថ្លៃទេ ក៏សកម្មភាពប្លែកពីឆ្នាំមុនៗផងដែរ ដូចជាមានជាកិច្ចពិភាក្សាផ្សេងៗសម្រាប់ឱ្យអ្នកចូលរួមទទួលបានបទពិសោធថ្មីលើវិស័យភាពយន្តទៀតផង។

ក្នុងឱកាសនេះ លោក ជា សុភាព ក៏បានលើកឡើងដែរថា ភាពយន្តសំខាន់ៗដែលពាក់ព័ន្ធនឹងរបបខ្មែរក្រហម នឹងត្រូវយកមកចាក់បញ្ចាំងនៅក្នុងពិធីមហោស្រពភាពយន្តអន្តរជាតិកម្ពុជា លើកទី១៤ តាមរោងភាពយន្តធំៗនៅកម្ពុជា។ បន្ថែមពីនេះ ក៏មានការចាក់បញ្ចាំងភាពយន្តនៅសាកលវិទ្យាល័យភូមិនភ្នំពេញផងដែរ ដែលនេះគឺជាលើកទី១ ក្នុងការរៀបចំបញ្ចាំងភាពយន្ត out door បែបនេះ ហើយលោកជឿជាក់ថា នឹងទទួលបានបទពិសោធថ្មីមួយទៀតសម្រាប់ពិធីនេះ។ លើសពីនេះ លោកក៏លើកឡើងមិនខុសពី លោក Cedric Eloy ឡើយ គឺឆ្នាំនេះ នឹងមានសកម្មភាពច្រើន ប្លែកពីឆ្នាំមុន ហើយក៏មានជាកិច្ចពិភាក្សា ចែករំលែកបទពិសោធ និងមានកម្មវិធីភពផែនដីដ៏ស្រស់ស្អាត ដោយផ្តោតសំខាន់ពីសារៈសំខាន់របស់ទឹកតែម្តង។

យ៉ាងណា មហោស្រពភាពយន្តអន្តរជាតិកម្ពុជា លើកទី១៤ នឹងមានចាក់បញ្ចាំងភាពយន្តឥតគិតថ្លៃ មាននៅរោងភាពយន្ត Legend (Exchange Square, Olympia), រោងភាពយន្ត Major Cineplex (AEON Mall 1, AEON Mall 3), រោងភាពយន្តFable សណ្ឋាគារ Rosewood វិទ្យាស្ថានបារាំង មជ្ឈមណ្ឌលសហប្រតិបត្តិការកម្ពុជា-ជប៉ុន STP Gallery និង Cine Hub។ ចំពោះសំបុត្រគឺមិនគិតថ្លៃឡើយ ហើយទស្សនិកជនអាចទទួលសំបុត្រ មុនភាពយន្តចាក់បញ្ចាំងមួយម៉ោង។

សូមជម្រាបថា មហោស្រពភាពយន្តអន្តរជាតិកម្ពុជា គឺជាព្រឹត្តិការណ៍ភាពយន្ត និងវប្បធម៌អន្តរជាតិដ៏ធំមួយនៅកម្ពុជា ហើយមហោស្រពនេះ បានចាប់ផ្តើមដំបូងនៅឆ្នាំ២០១០ គិតមកដល់ពេលនេះ មានរយៈពេល ១៤ឆ្នាំហើយ ដែលប្រមូលអ្នកចូលរួមច្រើនជាង២ម៉ឺននាក់ ជារៀងរាល់ឆ្នាំ។ លើសពីនេះ មហោស្រពភាពយន្តអន្តរជាតិកម្ពុជា ក៏បានផ្សារភ្ជាប់រវាងកម្ពុជា និងពិភពលោក តាមរយៈភាសាសកលនៃភាពយន្ត និងវប្បធម៌។ មហោស្រពនេះ ក៏បានជំរុញដល់ការចរាចរភាពយន្តក្នុងតំបន់ និងធ្វើឱ្យភាពយន្តកម្ពុជាមានភាពល្បីល្បាញលើឆាកអន្តរជាតិផងដែរ៕

អត្ថបទ៖ អុន ស្រីមាន

The post ភាពយន្ត ១៥១រឿង មកពី៤១ប្រទេស នឹងត្រូវចាក់បញ្ចាំងឥតគិតថ្លៃនៅរោងកុនខាងមុខ appeared first on Kampuchea Thmey Daily.

សិស្សានុសិស្សទាំងអស់​បាន​ផលិត​នូវ​វីឌីអូ​អប់រំ​ជាច្រើន​ប្រភេទ​ដែល​បាន​បង្ហាញ​អំពីរឿងរ៉ាវនិង​បញ្ហាសំខាន់ៗដោយ​ផ្តោតទៅលើ គោលដៅអភិវឌ្ឃន៏ប្រកបដោយចីរភាព​របស់អង្គការសហប្រជាជាតិ។​ សម្រាប់ក្រុម​របស់​ប្រទេសកម្ពុជា​ មានការ​ចូលរួម​ជាថ្មីម្តងទៀត​ពីសាលាបញ្ញាសាស្ត្រអន្តរជាតិ និង​សាលា Singapore Cambodia International Academy (SCIA) ដើម្បី​ចូលរួម​ប្រកួត​ជាមួយកុមារ​មក​ពី​ប្រទេសផ្សេងៗទៀត។​

KWN គឺជា​ផ្នែក​មួយ​នៃ​សកម្មភាព​គាំទ្រ ​ការ​អភិវឌ្ឍន៍​យុវជន​ជំនាន់​ក្រោយ​របស់ Panasonic ដែល​ក្នុង​នោះ​ក្រុមហ៊ុន Panasonic បាន​ផ្តល់កាមេរ៉ា​ឧបករណ៍​ថត​វី​ដេ​អូ​ដោយ​ឥត​គិតថ្លៃ ដល់​គ្រប់​សិស្សានុសិស្ស​ដែល​បាន​ចូលរួម ទាំង 9 ប្រទេស ដើម្បី​គាំទ្រ​ដល់​ការ​ផលិតភាព​យន្ត​ខ្លី​ ។ សិស្សានុសិស្ស​ដែល​បាន​ចូលរួមទាំងអស់ បាន​បង្ហាញ​ពី​គំនិត​ច្នៃប្រឌិត​របស់​ពួក​គេ​តាម​រយៈ​ ការ​ផលិតភាព​យន្ត​ខ្លី អំពី​បញ្ហាបរិស្ថាន និង​ការ​អភិវឌ្ឍន៍​ប្រកបដោយ​ចីរភាព។ ​ក្រុម​កុមារ​នៅកម្ពុជាបាន​ប្រើប្រាស់​កាមេរ៉ា Panasonic Lumix SI ក្នុង​ការ​ផលិត​វីឌីអូដែលមាន​គុណភាព​ល្អសម្រាប់​ការ​ប្រ​កួត​របស់ពួកគេ។​

លោក Hisakazu Maeda អគ្គនាយកនៃក្រុមហ៊ុន Panasonic Cambodia

បាន​សម្តែង​ការ​កោតសរសើរដល់​សិស្សានុសិស្ស​ ព្រមទាំង​អំណរអរគុណ​ទៅដល់​សាលាទាំង​ពីរ និង​ដៃគូសហការ ចំពោះការ​រួមចំណែក​ដ៏មាន​តម្លៃ​របស់​ពួកគេ “ខ្ញុំសូមថ្លែងអំណរគុណយ៉ាងជ្រាលជ្រៅចំពោះរដ្ឋបាលសាលាបញ្ញាសាស្ត្រអន្តរជាតិ និង​សាលា Singapore Cambodia International ដែលបានចូលរួមយ៉ាងសកម្ម។ ការគាំទ្ររបស់អ្នកបានផ្តល់នូវឱកាសឱ្យសិស្ស ដើម្បីចូលរួមក្នុងការប្រកួតប្រជែងជាសកល និងចែករំលែកគំនិតរបស់ពួកគេនៅលើឆាកអន្តរជាតិ។

គាត់​ក៏បាន​និយាយបន្តថា “ខ្មុំ​មាន​សេចក្តី​សោមនស្ស​រីករាយ​ចំពោះ​ការ​ខិតខំ​ប្រឹង ​របស់​សិស្សានុសិស្សទាំងអស់ និង​បាន​បង្កើត​ឱកាសអោយ​ពួកគេបាន​បញ្ចេញ​គំនិត​ច្នៃប្រឌិត តាម​រយះ​ការ​បង្កើត​ភាពយន្ត​ខ្លី” គាត់​ក៏​បាន​ថ្លែង​អំណរគុណ​ទៅដល់ ក្រុមហ៊ុន​ Sabbay Nash ដែល​បាន​ផ្តល់​នូវ​កាម៉េរា Lumixសម្រាប់​អោយ​សិស្សប្រើប្រាស់ថតវីឌីអូ និង​លោក Jerry Thai ដែល​បាន​ចំណាយ​ពេលវលាដ៏មាន​តម្លៃផ្តល់​ការ​បណ្តុះបណ្តាល​ខ្លី​ៗ​អំពី​ការ​ប្រើប្រាស់​កាមេរ៉ា និង​ការ​ថត​វី​ដេ​អូ។

អ្នកតំណាង​ដែល​មក​ពីសា​លា​ទាំង​ពីរ​បាន​មាន​ប្រសាសន៍​ថា៖ «យើង​ពិតជា​កោតសរសើរដល់​ក្រុម​ហ៊ុន​ Panasonic ដែល​បាន​បង្កើត​កម្មវិធីនេះ​ ផ្តល់ឱកាសដល់​សិស្សានុសិស្សទាំង​អស់​បាន​ស្វែងយល់អំពីប្រធានបទថ្មីៗ ពង្រឹងការងារជាក្រុម និងទទួលបាន​បទពិសោធន៍សម្រាប់​នាពេលអនាគត។

Kid Witness News គឺជា​ការ​ប្រកួតប្រជែង​ផលិតភាព​យន្ដ​អន្តរជាតិ​សម្រាប់​សិស្សានុសិស្ស​ដែល​ផ្តោត​លើ​ការ​អភិវឌ្ឍ​ជំនាញ​ទន់​សំខាន់​ៗ​ដូច​ជា ការ​ច្នៃប្រឌិត ការ​ទំនាក់ទំនង និង​ការ​ធ្វើ​ការងារ​ជា​ក្រុម។ កម្មវីធីនេះ​បាន​ផ្តល់​ឱកាសដល់សិស្សថ្នាក់បឋមសិក្សា​ មធ្បមសិក្សា និង​ថ្នាក់វិទ្យាល័យ ​អនុញ្ញាត​ឱ្យ​ពួក​គេ​បង្ហាញ​ពី​ទេពកោសល្យ​របស់​ពួក​គេ​នៅ​លើ​ឆាក​អន្តរជាតិ​។

ស្វែងយល់បន្ថែម​អំពីកម្មវិធី Kid Witness News ចូលទៅកាន់គេហទំព័រ

https://holdings.panasonic/global/corporate/sustainability/citizenship/kwn.html

The post កម្មវិធី Kid Witness News: សិស្សានុសិស្សកម្ពុជា​បាន​ចូលរួមការ​ប្រកួតប្រជែង​ផលិតភាព​យន្ដ​អន្តរជាតិ appeared first on Kampuchea Thmey Daily.