ការលើកឡើងរបស់រដ្ឋមន្ត្រីក្រសួងអប់រំ ក្នុងឱកាសក្រសួងបានរៀបចំពិធីអបអរទិវាជាតិអំណានលើកទី១១ ក្រោមប្រធានបទ៖ «សំណេរ និងអំណានក្នុងបរិបទថ្មី» ក្នុងនោះ ក៏មានការពិព័រណ៍សៀវភៅផងដែរ។ បណ្ឌិតសភាចារ្យ បានលើកឡើងថា៖ “ការអាន និងការសរសេរ គឺជាមធ្យាបាយដ៏មានប្រសិទ្ធភាពបំផុត ក្នុងការសិក្សាជំនាញ ការលើកកម្ពស់ភាសាជាតិ ការលើកកម្ពស់លទ្ធផលសិក្សា និងការយល់ដឹងពិភពលោក”។ ជាពិសេស លោកបណ្ឌិតថា ក្នុងបរិបទថ្មីនេះ ការរិះរកមធ្យាបាយសម្រាប់ការអានមានច្រើនជម្រើស​ដូចជា ការអានសៀវភៅ ការអានលើឧបករណ៍អេឡិកត្រូនិក ការអានលើទូរសព្ទវៃឆ្លាត និងការអានលើឧបករណ៍ឌីជីថល។

លោក ហង់ជួន ណារ៉ុន មានប្រសាសន៍ថា៖ “ម្យ៉ាងទៀត អំណានដោយប្រើមធ្យោបាយបច្ចេកវិទ្យា ចំណាយពេលតិច ងាយស្រួលអាន និងជួយដល់បរិស្ថានផងដែរ។ នាពេលបច្ចុប្បន្ន សិស្ស និស្សិត និងយុវជនកម្ពុជាដែលស្រឡាញ់ការអាន កំពុងតែប្រើប្រាស់មធ្យោបាយអានទាំងនេះផងដែរ”។ ត្រង់ចំណុចនេះ លោករដ្ឋមន្ត្រី បានបន្តថា ប្រទេសជឿនលឿន ទោះបីជាបច្ចេករីកចម្រើនខ្លាំងយ៉ាងណា ក៏ការអានសៀវភៅនៅតែមានសន្ទុះខ្លាំងក្លា ហេតុនេះ ទើបក្រសួងអប់រំបន្តរៀបចំទិវាជាតិអំណានឡើង។

ទិវាជាតិអំណានលើកទី១១ នេះ ក៏មានការរៀបចំពិព័រណ៍សៀវភៅ រហូតដល់រយៈពេល ៥ថ្ងៃ ចាប់ពីថ្ងៃទី១១ ដល់ថ្ងៃទី១៥ ខែមីនា ឆ្នាំ២០២៦ ដើម្បីអបអរទិវាជាតិអំណានលើកទី១១ ក្រោមប្រធានបទ៖ «សំណេរ និងអំណានក្នុងបរិបទថ្មី» ក្នុងគោលបំណងជំរុញការអាននកម្ពុជាឱ្យកាន់តែប្រសើរ។ ពិពិរណ៍សៀវភៅចាប់ផ្តើមពីម៉ោង ៨ព្រឹក ដល់ម៉ោង ៨យប់ នៅវិទ្យាស្ថានបច្ចេកវិទ្យា (សាលាតិចណូ)។

ទាក់ទងនឹងប្រធានបទ «សំណេរ និងអំណានក្នុងបរិបទថ្មី» លោក កុក រស់ ប្រធាននាយកដ្ឋានសៀវភៅ និងការអាន នៃក្រសួងវប្បធម៌ និងវិចិត្រសិល្បៈ បានប្រាប់ កម្ពុជាថ្មី ថា ការអានមិនមែនផ្តោតតែទៅលើការអានតាមសៀវភៅនោះទេ ពោល គឺអាចអានតាមឧបករណ៍អេឡិកត្រូនិកក៏បាន។ លោក កុក រស់ និយាយថា៖ “ពេលដែលយើងអានច្រើនទៅគឺចំណេះដឹងយើង សតិបញ្ញាយើងហ្នឹងក៏កាន់តែរីកចម្រើន កាន់តែអភិវឌ្ឍន៍ដែរ”។

ជាមួយគ្នានេះ លោក កុក រស់ បានអំពាវនាវដល់កូនខ្មែរគ្រប់រូប ជាពិសេស គឺអាណាព្យាបាលតែម្តង ត្រូវតែជំរុញកូនៗឱ្យអានសៀវភៅឱ្យបានច្រើន ដូចជាសៀវភៅទាក់ទងនឹងមេរៀន ឬមានពេលទំនេរ អាចអានសៀវភៅប្រភេទផ្សេងៗឱ្យបានច្រើន ដើម្បីជាប្រយោជន៍ដល់ខ្លួនឯង។

“បើនិយាយពីអំណាន អានអីក៏មានប្រយោជន៍ដែរ។ អានអ្វីដែលអវិជ្ជមានក៏មានប្រយោជន៍ដែរ យើងចៀសវាងអ្វីដែលអវិជ្ជមាន។ ប៉ុន្តែបើយើងអានវិជ្ជមានច្រើន គឺធ្វើឱ្យគំនិតយើងហ្នឹងមានភាពវិជ្ជមាន” ។ នេះ បើតាមប្រសាសន៍លោក កុក រស់៕

The post រដ្ឋមន្ត្រីអប់រំ៖ ការអាន និងសរសេរ ជាមធ្យោបាយដ៏មានប្រសិទ្ធភាព ក្នុងការលើកកម្ពស់ភាសាជាតិ appeared first on Kampuchea Thmey Daily.

យោង​តាម​សារព៍ត៌មាន SCMP បាន​ឱ្យ​ដឹង​ថា​សេចក្តី​ព្រាង​ច្បាប់​ស្តីពី​ការ​លើក​កម្ពស់​ឯកភាពជាតិ និង​វឌ្ឍន​ភាព​បាន​ឆ្លង​កាត់​ការ​ត្រួត​ពិនិត្យ​ជា​លើក​ទីពីរ​ដោយ​គណៈ​កម្មា​ធិការ​អចិន្ត្រៃយ៍​នៃ​សភា​ប្រជាជនជាតិ (NPC) ដែល​ជាស្ថាប័ន​នីតិបញ្ញត្តិ​កំពូល​របស់​ប្រទេស​កាល​ពី​សប្តាហ៍​មុន ហើយ​​បើក​ឱ្យ​មាន​ការ​ពិគ្រោះ​យោបល់​ជា​សាធារណៈ​រហូត​ដល់​ថ្ងៃ​ទី២៥ ខែមករា។

ទន្ទឹម​នឹង​នេះ ការ​ផ្លាស់​ប្តូរ​លើក​ដំបូង​ចំពោះ​ច្បាប់​ស្តី​ពី​ស្តង់​ដារ​នៃ​​ការ​និយាយ​ និង​ការ​សរសេរ​ភាសា​ចិន​ក្នុង​រយៈពេល ២៥ឆ្នាំត្រូវ​បាន​អនុម័ត​ជា​ផ្លូវ​ការ​នៅ​ថ្ងៃ​សៅរ៍​ ហើយ​នឹង​ចូល​ជា​ធរ​មាន​នៅ​ថ្ងៃ​ចូល​ឆ្នាំ​ថ្មី​។

​​​​​​​ការ​​ប្រកាស​នៃ​ច្បាប់​នោះ​ បាន​លើក​ឡើង​ថា៖ «ច្បាប់​​នេះ​មាន​​សារៈ​​សំខាន់​​ក្នុង​ការ​​ជំរុញ​​ស្មារ​តី​​​​ប្រជាជន​ចិន​ឱ្យ​​​ចេះ​ស្នេហាជាតិ​»​ ដែល​ជា​​ពាក្យ​ស្លោក​​ផ្សព្វផ្សាយ​​ដោយ​​លោក​​​ប្រធានា​ធិបតី​ ស៊ី ជីន​ពីង​ លើកកម្ពស់​តម្លៃ​វប្បធម៌​ និង​​ទំនាក់​ទំនង​​សង្គម​​រួម​គ្នា​។

សមាជិក​សភា​បាន​អះអាង​ថា ភាសា​ដើម​​មាន​សារៈ​សំខាន់​ណាស់​សម្រាប់​ការ​ឯកភាពជាតិ ការអភិវឌ្ឍ​សេដ្ឋកិច្ច និងស្ថិរភាព​​ក្នុង​តំបន់​ចម្រុះ​ជាតិសាសន៍។

សេច​ក្តី​ព្រាង​ច្បាប់​ចុង​ក្រោយ​ស្តី​ពី​ការ​រួប​រួម​ជាតិ​រួម​មាន​បទ​ប្បញ្ញត្តិ ​«ការពារ​សេចក្តី​ថ្លៃថ្នូរ​នៃ​និមិត្ត​សញ្ញា​ជាតិ» រួម​ទាំង​ទង់​ជាតិ ភ្លេង​ជាតិ ​និង​និមិត្ត​សញ្ញា​ផ្សេង​ទៀត​ ទន្ទឹម​នឹង​នេះ​វា​ក៏​ដើរ​តួនាទី​សំខាន់​នៃ​ការ​អប់​រំ​ឱ្យ​ស្នេហា​ជាតិផង​​ដែរ​។

សេចក្តី​ព្រាង​ច្បាប់​នេះ​ បាន​គូស​បញ្ជាក់​ពី​ភាព​ចាំ​បាច់​នៃ​ការ​លើក​កម្ពស់​ការ​ប្រើ​ប្រាស់​ភាសា​ចិន​តាម​ស្តង់​ដារ​ឱ្យ​ទូលំ​ទូលាយ​នៅ​ក្នុង​គ្រប់​​វិស័យ​​។ វា​ជា​ការ​ដាក់​បញ្ចូល​ការ​លើក​កម្ពស់​ភាសា​នៅ​ក្នុង​គោល​នយោបាយ​អភិវឌ្ឍន៍​សេដ្ឋកិច្ច​នៅ​តំបន់​ជនជាតិ​ភាគ​តិច ជនបទ និង​តំបន់​ដាច់​ស្រយាល​ផង​ដែរ​។

គោល​ដៅ​​ធំ​របស់​ទី​ក្រុង​ប៉េកាំង​គឺជំរុញ​ឱ្យ​​សិស្សានុសិស្ស​​​​បាន​រៀន​ទាំង​ភាសា​ដើម​​របស់​ពួកគេ និង​ភាសាចិន ក្នុង​គោល​បំណង​ធ្វើ​ឱ្យ​ប្រសើរ​ឡើង​​ផ្នែក​ទំនាក់ទំនង និង​លើក​កម្ពស់​ការ​ធ្វើ​សមាហរណ​កម្ម​ទៅ​ក្នុង​សង្គម​ចិនឱ្យ​កាន់​តែ​ទូលំ​ទូលាយ​តាមរយៈ​ការ​ផ្តល់​នូវ​ឱកាសផ្សេងៗ​កាន់​តែ​ប្រសើរ​ឡើង​បន្ថែម​ទៀត​៕

ប្រែសម្រួល៖ ណឺ មិនា​

The post ចិន​​អនុម័ត​​ឱ្យ​ប្រើ​ប្រាស់​ភាសា​ជាតិ«​​​ស្តង់​ដារ​» ​​​​ដើម្បី​​បង្ហាញការរួបរួម​ជាតិ​ appeared first on Kampuchea Thmey Daily.

ជាមួយគ្នានៃការអំពាវនាវនេះកញ្ញា ឆន ស្រីណេត បានបង្ហាញក្តីបារម្ភភាសាជាតិផងដែរព្រោះខ្លាចធ្លាក់ចុះនូវតម្លៃភាសាជាតិខណ:សង្កេតឃើញយុវជនខ្មែររួម ទាំងអ្នកលេងបណ្តាញសង្គមមួយចំនួនប្រើន័យឬការសរសេរខុសវេយ្យាករណ៍។

ក្នុងនោះបវរកញ្ញា ឆន ស្រីណេត បាននិយាយថា “បច្ចុប្បន្ននាងឃើញគេប្រើពាក្យ “ដែរ” និង “ដែល” ខុសច្រើនណាស់ខ្ញុំមិនបានរៀនខ្មែរច្រើនទេបងប្អូន តែអ្វីដែលខ្ញុំឃើញនៅលើ Social Media គឺខុសច្រើនខ្លាំងដូច្នេះហើយសូមស្នើដល់កូនខ្មែរជួយឱ្យតម្លៃភាសាជាតិយើងផងបងប្អូនជនរួមជាតិ”។

ឆន ស្រីណេត បាននិយាយបន្តថាកន្លងមកនាងធ្លាប់ចេញវីដេអូលើកឡើងបញ្ហាការប្រើប្រាស់ភាសារជាតិនេះម្តងរួចមកហើយឥឡូវដោយសង្កេយឃើញនៅតែ មានបងប្អូនមួយចំនួនប្រើពាក្យខ្លះខុសន័យនោះនឹងដោយការព្រួយបារម្ភផងទើបនាងចេញមកអំពាវនាវជាថ្មីដើម្បើសុំយុវជនខ្មែររួមគ្នាថែរក្សានឹងឲ្យតម្លៃភា សាជាតិ។

ស្រីណេត បន្តថា នាងពិតជាមានការភ័យបារម្ភខ្លាច យុវជនខ្មែរយើងនាអនាគត់ថ្ងៃក្រោយលែងស្គាល់ពា ក្យ “យាយតា បងប្អូន អ៊ុំ មីងពូ”ដោយសារតែសព្វថ្ងៃយុវជនយើងមួយចំនួនប្តូរពីការប្រើពាក្យខាងលើនេះមកនិយាយ”អ៊ី កុង ម៉ាឬចែជាដើម។នាងថាហេតុនេះហើយទើបនាងចេញតែបារម្ភខ្លាចថ្ងៃខាងមុខទៅពួក គាត់លែងស្គាល់និងប្រើពាក្យ”យាយតា បងប្អូន អ៊ុំ មី ងពូ”។

ឆន ស្រីណេត និយាយបន្ថែមថារឿងនេះពិតជាសំខាន់ ដូច្នេះនាងក៏អំពាវនាវដល់កូនខ្មែរទាំងអស់កុំមើលស្រាលឱ្យសោះព្រោះចំណុចនេះសំខាន់ណាស់ព្រោះឥឡូវយើងគិតថាវាមិនទាន់អីទេ ប៉ុន្តែខ្លាចថ្ងៃអនាគត់ក្រោយយើងត្រូវបាត់បង់។ ម្យ៉ាងទៀតអ្វីក៏ដោយយើងគួរឲ្យតម្លៃទៅលើភាសារនិងអក្សរជាតិហើយចូលរួករក្សានូវពាក្យខ្មែរយើងដែលជីដូនជីតាបានបន្សល់ទុកនឹងរួមគ្នាថែរក្សាឲ្យបានកាន់តែល្អថែមទៀត៕ អត្ថបទ៖ ចាន់រ៉ា

The post ឆន ស្រីណេត ស្នើយុវជនខ្មែររួមគ្នាថែរក្សានិងឱ្យតម្លៃភាសាជាតិ ខណៈអ្នកខ្លះប្រើខុសន័យខុសវេយ្យាករណ៍ appeared first on Kampuchea Thmey Daily.

ជាការពិតលោកដួង សុខគា ជារឿយៗតែងចេញសារដាស់តឿនអារម្មណ៍កូនខ្មែរ ក៏ដូចជាអ្នកប្រើប្រាស់បណ្តាញសង្គមហ្វេសប៊ុកទាំងអស់ ត្រូវចូលរួមថែរក្សាភាសាជាតិ អក្សរជាតិ ដោយគោរពនិងថែរក្សាឱ្យបានគង់វង្សក្នុងតម្លៃខ្ពស់។

យ៉ាងណាមិញ នេះពុំមែនជាលើកទីមួយទេ ដែលតារាប្រុសលោក ដួង សុខគា ចេញមុខបំផុសស្មារតីដល់យុវជន ដែលជាកូនខ្មែរគ្រប់រូបត្រូវនាំគ្នាចូលរួមថែរក្សាតម្លៃវប្បធម៌ អរិយធម៌ និង ភាសាជាតិអក្សរជាតិ ដែលជាកេរតំណែលមរតកដូនតាខ្មែរ។

ជាការអំពាវនាវ លោក ដួង សុខគា រៀបរាប់ថា “បងប្អូនអ្នកស្នេហាអក្សរជាតិទាំងឡាយជាទីគោរព ពេលវេលានេះ មានតែយើងទេ ដែលត្រូវតែស្ម័គ្រជួយគ្នាម្នាក់បន្តិច ទប់ខ្លះ ពន្យល់ខ្លះ បើមិនច្នោះការប្រើភាសាជាតិយើង អាចនឹងក្លាយរង្គើររបូតចេញពីក្រឹត្យក្រមវេយ្យាករណ៍​អស់ហើយ។

តារាពហុជំនាញរួបនេះ លើកឡើងបែបនេះ ដោយសារតែសង្កេតឃើញ ការផលិតមាតិកាវីដេអូ រួមទាំងអ្នកអធិប្បាយជូនដំណឹងផ្សេងៗផង លែងខ្វល់ពីរឿងខុសត្រូវអស់ហើយ។

កត់សម្គាល់ដែរថា តារាពហុជំនាញអាចលេងបានគ្រប់ទម្រង់ទាំងសម័យ និងបុរាណ ដួង សុខគា ជារឿយៗលោកតែងបង្ហាញពីឆន្ទ:បំផុសស្មារតីដល់យុវ ជនដែលជាកូនខ្មែរគ្រប់រូបត្រូវនាំគ្នាដើម្បីចូលរួមថែរក្សាតម្លៃវប្បធម៌ អរិយធម៌ និងភាសាជាតិអក្សរជាតិដែលជាកេរ្តិ៍តំណែលមរតកដូនតាដ៏ល្អផូរផង់របស់ខ្មែរ៕ អត្ថបទ៖ ចាន់រ៉ា

The post លោក ដួង សុខគា បារម្ភការប្រើភាសាជាតិ អាចនឹងក្លាយចេញពីក្រឹត្យក្រមវេយ្យាករណ៍ appeared first on Kampuchea Thmey Daily.