ភ្លៀងធ្លាក់ខ្លាំងបំផុត ត្រូវបានព្យាករណ៍នៅតំបន់ភាគខាងជើង ឦសាន និងខាងកើត ប្រទេសថៃ ជាពិសេសនៅខេត្ត Phitsanulok, Phetchabun, Loei, Chaiyaphum, Khon Kaen, Nakhon Ratchasima, Buri Ram, Chanthaburi និង Trat ។ ផ្នែកខ្លះនៃតំបន់កណ្តាល រួមទាំងទីក្រុងបាងកក ក៏នឹងប្រឈមនឹងភ្លៀងធ្លាក់ផងដែរ។

ការព្យាករណ៍នេះសន្មត់ថា អាកាសធាតុមានសភាពធ្ងន់ធ្ងរ ដោយសារខ្យល់មូសុងឆ្លងកាត់ភាគខាងជើង និងភាគឦសានខាងលើ ចូលទៅក្នុងប្រព័ន្ធសម្ពាធទាបលើប្រទេសឡាវ ដែលពង្រឹងដោយខ្យល់មូសុងនិរតីដ៏ខ្លាំងក្លាដែលគ្របលើសមុទ្រ Andaman ប្រទេសថៃ និងឈូងសមុទ្រថៃ។

លើសពីនេះក៏មានការ​ព្រមាន​អំពី​ដែន​សមុទ្រ​ ដោយរលក​សមុទ្រ​មាន​ពីកម្ពស់ពី ២-៣ ម៉ែត្រ​នៅ​សមុទ្រ​Andaman​ខាង​លើ និង​ជាង ៣ ម៉ែត្រ​នៅ​តំបន់​មាន​ខ្យល់​ព្យុះ។ ទូកតូចៗត្រូវបានណែនាំអោយនៅជាប់ច្រាំងយ៉ាងហោចណាស់មួយថ្ងៃទៀត ខណៈកប៉ាល់ទាំងអស់គួរតែប្រុងប្រយ័ត្នឲ្យបានខ្ពស់។

បន្ថែមលើក្តីបារម្ភ ព្យុះត្រូពិច Bualoi ដ៏ខ្លាំងក្លាកំពុងរំកិលពីប៉ាស៊ីហ្វិកចូលទៅក្នុងសមុទ្រចិនខាងត្បូង ហើយត្រូវបានគេរំពឹងថានឹងបោកបក់នៅភាគខាងជើងប្រទេសវៀតណាមចន្លោះពីថ្ងៃទី២៩ និង ៣០ ខែកញ្ញា។ អាជ្ញាធរថៃបារម្ភថាឥទ្ធិពលរបស់វាអាចធ្វើឱ្យមានភ្លៀងធ្លាក់នៅតំបន់ខ្លះនៃប្រទេសបន្ថែមទៀត។

គួរបញ្ជាក់ថានាយកដ្ឋានឧតុនិយមថៃកាលពីថ្ងៃទី២៤ ក៏បានចេញការព្រមានលើកទី ៩ របស់ខ្លួនចំពោះព្យុះទីហ្វុង Ragasa ដោយព្យាករណ៍ថានឹងមានភ្លៀងធ្លាក់ខ្លាំងនៅក្នុងខេត្តចំនួន ៣៦ នៅទូទាំងភាគខាងជើង ឦសាន កណ្តាល ខាងកើត និងទីក្រុងបាងកក ចាប់ពីថ្ងៃទី២៤ ដល់ថ្ងៃទី ២៦ ខែកញ្ញានេះផងដែរ៕

អត្ថបទ៖ ប៊ុន សុភាព

The post ថៃ ​​ប្រកាស​អាសន្ន​ភ្លៀង​ធ្លាក់​ខ្លាំង​ក្នុង​ខេត្ត​ចំនួន​៥២ ខណៈឥទ្ធិពលព្យុះថ្មីជិតមកដល់ appeared first on Kampuchea Thmey Daily.

ទីក្រុងសេអ៊ូល និងទីក្រុងក្បែរៗនោះ រួមមាន Paju, Incheon និង Gimpo បានទទួលទឹកភ្លៀងពី ២៥០-៣០០មីលីម៉ែត្រ បណ្ដាលឲ្យទឹកទន្លេរហូរហៀនិងរថយន្តជាច្រើនជាប់គាំង។ ប្រជាពលរដ្ឋ​ជួប​ការលំបាក​ក្នុង​ការ​ជួយសង្គ្រោះ​ទ្រព្យសម្បត្តិ​ដែល​ខូចខាត​ដោយ​ទឹកជំនន់​ភ្លាមៗ​។

អាជ្ញាធរ​បាន​ចេញ​ការ​ព្រមាន​អំពី​ទឹកជំនន់ និង​បំណាក់ដី ជាពិសេស​នៅ​ជិត​ទន្លេ អូរ និង​ភ្នំ។ ក្រុមសង្គ្រោះបន្ទាន់បានជួយសង្គ្រោះមនុស្សយ៉ាងហោចណាស់ ១៤៥នាក់ និងឆ្លើយតបទៅនឹងការរំខានតាមផ្លូវរាប់រយ។ លើសពីនេះប្រជាពលរដ្ឋ​ប្រមាណ ៤.០០០ គ្រួសារ បានដាច់​ភ្លើង​ពេញ​មួយ​យប់។

ទីភ្នាក់ងារអាកាសធាតុរបស់កូរ៉េខាងត្បូងបាននិយាយថា ភ្លៀងធ្លាក់ខ្លាំងនឹងបន្តរហូតដល់ព្រឹកថ្ងៃព្រហស្បតិ៍នេះ។ អាជ្ញាធរបានបិទសួនច្បារមាត់ទន្លេ និងផ្លូវឡើងភ្នំជាង១០០ ហើយបានផ្ញើការជូនដំណឹងព្រមានប្រជាជនអំពីទឹកជំនន់ បំណាក់ដី និងអគារដែលមិនមានសុវត្ថិភាព។ ទោះយ៉ាងណាគ្មានជើងហោះហើរណាមួយត្រូវបានរងផលប៉ះពាល់ភ្លាមៗដោយព្យុះនោះទេ៕

អត្ថបទ៖ ប៊ុន សុភាព

The post ភ្លៀងធ្លាក់ខ្លាំងវាយប្រហាររដ្ឋធានីកូរ៉េខាងត្បូង ស្លាប់១នាក់ និងរាប់រយនាក់ត្រូវជម្លៀសចេញ appeared first on Kampuchea Thmey Daily.

នាយកដ្ឋានឧតុនិយមថៃ (TMD) ព្យាករថារយៈពេល ២៤ ម៉ោង ខ្យល់មូសុងនិរតីដ៏ខ្លាំងមួយកំពុងបក់កាត់សមុទ្រ Andaman ប្រទេសថៃ និងឈូងសមុទ្រថៃ។ ទន្ទឹមនឹងនេះ ខ្យល់មូសុងកំពុងលាតសន្ធឹងលើភាគខាងជើងប្រទេសថៃ ភាគខាងជើងឡាវ និងភាគខាងជើងប្រទេសវៀតណាម ដែលបណ្តាលឱ្យមានផ្គររន្ទះ និងភ្លៀងធ្លាក់ខ្លាំងក្នុងប្រទេសថៃ។

TMD ​ក៏​កំពុង​តាម​ដាន​ការ​កកើត​នៃ​ព្យុះ​ថ្មី​ចំនួន​បី​ក្នុង​តំបន់ផង​ដែរ បើ​ទោះ​បី​ជា​មិន​ទាន់​មាន​ការ​រំពឹង​ទុក​ថា​នឹង​ចូល​មក​ក្នុង​ប្រទេស​ថៃ​ឆាប់ៗក៏​ដោយ។

ខេត្ត​ដែល​មាន​ហានិភ័យ​រួម​មានខេត្ត Mae Hong Son, Chiang Mai, Tak, Kanchanaburi និង​ខេត្ត​ផ្សេង​ទៀត។ ថៃណែនាំប្រជាពលរដ្ឋនៅតំបន់ទាំងនេះ ត្រូវមានការប្រុងប្រយ័ត្នចំពោះទឹកជំនន់ភ្លាមៗ និងទឹកជន់ពីទន្លេ ជាពិសេសនៅតំបន់ទំនាប និងក្បែរភ្នំ។

តំបន់ឆ្នេរក៏កំពុងប្រឈមនឹងស្ថានភាពសមុទ្រដ៏គ្រោះថ្នាក់ដែរ ដោយសមុទ្រ Andaman ខាងលើ និងឈូងសមុទ្រថៃភាគខាងលើ មានរលកសមុទ្រកម្ពស់ពី ២-៣ ម៉ែត្រ ហើយតំបន់ដែលមានផ្គររន្ទះ អាចនឹងមានរលកខ្ពស់លើសពី ៣ ម៉ែត្រឯណោះ។ TMD ណែនាំនាវាទាំងអស់ឱ្យធ្វើនាវាចរណ៍ដោយប្រុងប្រយ័ត្នបំផុត ហើយព្រមានទូកតូចៗនៅក្នុងតំបន់ដែលរងផលប៉ះពាល់ឱ្យនៅជាប់ច្រាំងមួយថ្ងៃទៀតសិន។

នៅតំបន់ភាគខាងជើង និងខាងកើត និង តំបន់ភាគឦសានក៏កំពុងប្រឈមនឹងព្យុះផ្គររន្ទះផងដែរ ខណៈខេត្ត Chiang Rai, Sukhothai, Mukdahan និង Nakhon Sawan នឹងមានភ្លៀងធ្លាក់ខ្លាំង។ ចំណែកភាគខាងត្បូងនឹងមានភ្លៀងធ្លាក់រាយប៉ាយ ជាពិសេសនៅតាមឆ្នេរសមុទ្រនៃខេត្ត Prachuap Khiri Khan, Ranong និង Phang Nga។

គួរបញ្ជាក់ថាខេត្តថៃមួយចំនួនទើបតែរងគ្រោះហើយពីខ្យល់បក់ខ្លាំងនិងទឹកជំនន់ ដោយសារឥទ្ធិពលព្យុះវីពផា ដូចជាខេត្ត Nan ជាដើមកំពុងបញ្ជាជម្លៀសពលរដ្ឋចេញជាបន្ទាន់ ខណៈទឹកជំនន់ឡើងដល់កម្រិតធ្ងន់ធ្ងរបំផុត៕

អត្ថបទ៖ ប៊ុន សុភាព

The post ខេត្តថៃ ២៤ កំពុងប្រឈមភ្លៀង​ធ្លាក់​ខ្លាំង ខណៈព្យុះថ្មីចំនួន៣នឹងមកដល់ appeared first on Kampuchea Thmey Daily.

ការព្រមាននេះចេញចំពោះតំបន់នានា រួមមានខេត្ត Gansu នៅភាគពាយ័ព្យ និងខេត្ត Liaoning នៅភាគឦសាន បន្ទាប់ពីព្យុះនាពេលថ្មីៗនេះបានបណ្តាលឱ្យមានអ្នកស្លាប់ និងរបួសជាច្រើននាក់ និងការខូចខាតយ៉ាងធ្ងន់ធ្ងរ។

នៅក្នុងខេត្ត Henan មនុស្ស ៥ នាក់បានស្លាប់ និង ៣នាក់ទៀតកំពុងបាត់ខ្លួនដោយសារទឹកទន្លេហក់ឡើងបង្កឲ្យមានការជន់លិច។ បុគ្គលិកសង្គ្រោះជាង ១,០០០ នាក់ត្រូវបានដាក់ពង្រាយដើម្បីជួយសង្គ្រោះពលរដ្ឋ។

ចំណែកនៅខេត្ត Gansu ការបាក់ដីនៅការដ្ឋានសំណង់មួយកន្លែង​បានសម្លាប់មនុស្សពីរនាក់។ លើសពីនេះក្នុងទីក្រុង Xianfeng ភាគកណ្តាលខេត្ត Hubei បានជួបប្រទះនូវភ្លៀងធ្លាក់ខ្លាំងបំផុត ដោយបរិមាណ​ទឹកភ្លៀងក្នុងរយៈពេលត្រឹមតែ ១២ម៉ោងប៉ុណ្ណោះ ស្មើ​នឹង​បរិមាណទឹក​​ភ្លៀង​ជាង​មួយ​ខែឯណោះ។

គួរបញ្ជាក់ថា ទោះបីជាប្រទេសចិនមានប្រព័ន្ធត្រួតពិនិត្យអាកាសធាតុទូទាំងប្រទេសក៏ដោយ ក៏អ្នកជំនាញនិយាយថា វានៅតែពិបាកក្នុងការទស្សន៍ទាយពីពេលវេលា និងកម្លាំងនៃព្យុះក្នុងតំបន់ ជាពិសេសនៅតំបន់ជនបទដែលមានភូមិសាស្ត្រស្មុគស្មាញ។ បម្រែបម្រួល​អាកាសធាតុ​កំពុង​ធ្វើ​ឲ្យ​បញ្ហាអាកាសធាតុកាន់តែ​ធ្ងន់ធ្ងរនិង​កាន់​តែ​មិន​អាច​ទាយទុកជាមុន​បាន។

កាល​ពី​ឆ្នាំ​មុន ភ្លៀង​ធ្លាក់​តាម​រដូវ​កាល​ស្រដៀង​គ្នា បាន​នាំ​ឲ្យ​មាន​ការ​ខាត​បង់​សេដ្ឋកិច្ច​ជាង ១០ ពាន់​លាន​ដុល្លារ​នៅ​ទូទាំង​ប្រទេសចិន៕

អត្ថបទ៖ ប៊ុន សុភាព

The post ចិន​​ប្រកាស​អាសន្ន​ ខណៈ​ភ្លៀង​ធ្លាក់​ខ្លាំង​បង្កជាទឹក​ជំនន់ និង​បំណាក់​ដី appeared first on Kampuchea Thmey Daily.

ក្រសួងឧតុនិយម​របស់​ព្រះរាជាណាចក្រ​ថៃ បានរាយការណ៍នៅថ្ងៃពុធនេះថា ខ្យល់បក់ពីទិសខាងកើតដែលផ្លាស់ទីកាត់ឈូងសមុទ្រថៃ ភាគខាងត្បូង និងសមុទ្រ Andaman កំពុងនាំមកនូវភ្លៀងធ្លាក់បន្ថែមទៀតដល់ខេត្តភាគខាងត្បូង។

ខេត្តនៅ​ភាគខាងត្បូង​​ចំនួន​១៦​ដែលរង​កា​រព្រមាន​ដោយផ្ទាល់ រួម​មាន​ ខេត្ត​ Prachuap Khiri Khan, Chumphon, Surat Thani, Nakhon Si Thammarat, Phatthalung, Songkhla, Pattani, Yala, Narathiwat, Phang Nga, Krabi, Trang, Satun, Phetchaburi, Ranong និង Phuket។

ក្រសួងព្រមានថាប្រជាពលរដ្ឋ​ត្រូវ​ប្រុងប្រយ័ត្ន​ចំពោះ​ភ្លៀង​ធ្លាក់​ខ្លាំង​ ដែល​អាច​បង្ក​ជា​ជំនន់​នៅ​តំបន់​ភ្នំ​។ ចំណែករលកនៅឈូងសមុទ្រត្រូវបានគេរំពឹងថានឹងកាន់តែខ្លាំង ដែលមានកម្ពស់ប្រហែល២ម៉ែត្រ និងច្រើនជាងនេះក្នុងអំឡុងពេលមានផ្គររន្ទះ។ ទូក​តូចៗ​ត្រូវ​បាន​ព្រមាន​ឱ្យ​ថតនៅ​លើ​ច្រាំង។

ប្រទេស​ថៃ​​ជារឿយៗ​បានរងនូវផ្ដល់ប៉ះពាល់ជាច្រើនពីគ្រោះធម្មជាតិ ដូចជា រលកកម្ដៅខ្ពស់,ភ្លៀងធ្លាក់ខ្លាំង, ខ្យល់ពុល ,ភ្លើងឆេះព្រៃដែលកំពុងតែបន្តរាលដាលនៅខេត្តឈៀងម៉ៃ និងគ្រោះរញ្ជួយដីកាលពីថ្ងៃទី២៨ខែមីនាដែលបណ្ដាលឲ្យមានអ្នករងរបួសចំនួន៣៤នាក់ និងអ្នកស្លាប់ចំនួន ២២ នាក់នៅក្នុងរាជធានី គិតត្រឹមម៉ោង៤រសៀលថ្ងៃអង្គារ។ ក្នុង​នោះ​អគារ​ការិយាល័យ​សវនកម្ម​រដ្ឋ​ដែល​បាក់រលំ​មាន​អ្នក​របួស ១៩ នាក់ និង​អ្នក​ស្លាប់១៤នាក់​៕

អត្ថបទ៖ ប៊ុន សុភាព

The post អាជ្ញាធរ​ថៃ​ព្រមានពីភ្លៀងធ្លាក់ខ្លាំង និងទឹកជំនន់​​នៅភាគខាងត្បូងប្រទេស​ appeared first on Kampuchea Thmey Daily.

យោងតាមប្រភពពីលោកស្រី យន់ សុផល ចៅសង្កាត់វាលស្បូវបានឲ្យដឹងថា បន្ទាប់ពីភ្លៀងធ្លាក់ផ្ទួនៗគ្នារាល់ថ្ងៃបង្កឲ្យលិចភូមិពិសេសលិចផ្លូវសម្រាប់ធ្វើដំណើរទើបលោកស្រីបានដឹកនាំកម្លាំងចុះកាយប្រឡាយបង្ហូទឹកកុំឲ្យទឹកដក់លើផ្លូវដែលងាយនិងបាក់ស្រុត។

លោក ស្រីចៅសង្កាត់វាលស្បូវបានបន្តថា ទីតាំងដែលលិចមួយចំនួនត្រូវដាក់ម៉ាសុីនបូមទឹកចេញព្រោះទឹកច្រើនពេកហើយទីតាំងដែលទឹកដក់លើផ្លូវគឺត្រូវជីកចង្អូដើម្បីបង្ហូទឹកចេញ។ ក្នុងនោះតំបន់ដែលរងការលិចលង់ជ្រៅជាងគេ លោកស្រីចៅសង្កាត់បាននាំយកអំណោយទៅផ្តល់ជូនដើម្បីជាការដោះទាល់បានខ្លះៗ។

គួរបញ្ជាក់ថាសង្កាត់វាលស្បូវស្ថិតក្នុងខណ្ឌច្បារអំពៅ រាជធានីភ្នំពេញជាប់ដងទន្លេមេគង្គក្រោម៕

ដោយ៖ នរា

The post អាជ្ញាធរសង្កាត់វាលស្បូវចុះកាយចង្អូរកុំឲ្យទឹកដក់លើផ្លូវ appeared first on Kampuchea Thmey Daily.

ប្រភពពីប្រជាពលរដ្ឋ បានឱ្យដឹងថា នៅពាក់កណ្តាលអាធ្រាតថ្ងៃទី៥ ខែតុលា មានភ្លៀងធ្លាក់យ៉ាងខ្លាំងបង្កឱ្យលិចលង់ផ្ទះសម្បែងប្រជាពលរដ្ឋនៅតំបន់ផ្សារបឹងព្រលឹត សង្កាត់ព្រែកប្រា ខណ្ឌច្បារអំពៅ ហើយភ្លឺស្រាងៗឡើងស្រាប់តែទឹកលិចក្នុងភូមិតែម្តង។ ប្រជាពលរដ្ឋ បាននិយាយថា ក្នុងអំឡុងពេលមួយខែមុន ទោះភ្លៀងធ្លាក់ខ្លាំងយ៉ាងណាក៏មិនអាចលិចលង់ដូចថ្ងៃនេះដែរដោយសារអាជ្ញាធរបានស្តាប្រឡាយព្រែកប្រាបង្ហូចូលទៅក្នុងទន្លេ ប៉ុន្តែទឹកទន្លេហក់ឡើងខ្ពស់ជាងព្រែក ដូច្នេះមិនអាចបង្ហូទៅបានទើបលិចលង់បែបនេះ។

បើតាមប្រសាសន៍ លោក ចេង មុនីរ៉ា អភិបាលខណ្ឌច្បារអំពៅ បានបញ្ជាក់ថា លោកបានដឹកនាំកម្លាំងជំនាញចុះសិក្សាពីបញ្ហាបញ្ជៀសទឹកកុំឱ្យលិចលង់ផ្ទះសម្បែងប្រជាពលរដ្ឋ ហើយចៃដន្យភ្លៀងមួយមេធំកាលពីយប់មិញនេះ គឺមិនថាឡើយតែតំបន់ព្រែកប្រា មានតំបន់ជាច្រើនក្នុងភូមិសាស្ត្រខណ្ឌច្បារអំពៅ ក៏រងការលិចលង់ដែរ។ លោកអភិបាលខណ្ឌច្បារអំពៅបានឱ្យមន្ត្រីប្រចាំការនៅស្ថានីយ៍បូមទឹកព្រែកបារាំងត្រូវរួសរាន់បូមដើម្បីកុំឱ្យទឹកលិចលង់យូនាំឱ្យប៉ះពាល់ដល់សុខភាពប្រជាពលរដ្ឋ។ ចំណែក តាមបណ្តាភូមិត្រូវចុះស្តាសំរាមចេញពីមុខលូដើម្បីឲ្យទឹកហូចូលលូងាយឆាប់ស្រកទៅវិញ៕

ដោយ៖នរា

The post ភ្លៀងមួយមេធំយប់មិញ បង្កឱ្យលិចផ្ទះសម្បែងប្រជាពលរដ្ឋនៅសង្កាត់ព្រែកប្រា ខណ្ឌច្បារអំពៅ appeared first on Kampuchea Thmey Daily.

VN Express បានចុះផ្សាយកាលពីថ្ងៃអាទិត្យទី២២ខែកញ្ញាឆ្នាំ២០២៤ថា ភ្លៀងធ្លាក់ខ្លាំងរយៈពេល៣ថ្ងៃនៅទីនោះបានជន់លិចផ្លូវនិងផ្ទះប្រជាពលរដ្ឋ ជាពិសេសតំបន់ឆ្នេរសមុទ្រជាកន្លែងរងគ្រោះខ្លាំងជាងគេ។

ទន្ទឹម យោងតាមសេចក្តីប្រកាសរបស់រដ្ឋបាលឧតុនិយមកូរ៉េ, នៅតំបន់ភ្នំនៃកោះ Jeju ភ្លៀងធ្លាក់បានឈានដល់កម្រិត ៧៧០មិល្លីម៉ែត្រគិតចាប់ពីថ្ងៃទី១៩ដល់ថ្ងៃទី២១ខែកញ្ញា ចំណែកនៅទីក្រុង Yeosu ក្នុងខេត្ត Jeolla ខាងត្បូង ទឹកភ្លៀងបានឈានដល់កម្រិត៤០០មិល្លីម៉ែត្រ។ 

ចំណែកនៅ ទីក្រុង Changwon ក្នុងខេត្ត Gyeongsang ឯណោះវិញ, កាលពីថ្ងៃទី២១ខែកញ្ញាទឹកភ្លៀង បានបង្អុរមកក្នុងកម្រិត៥៣០មិល្លីម៉ែត្រ ដែលនេះជាកម្រិតភ្លៀងធ្លាក់ខ្លាំងបំផុតត្រឹមមួយថ្ងៃមិនធ្លាប់មានសោះចាប់តាំងពីដើមឆ្នាំមក។

លើសពីនេះ ការវាយប្រហារដោយភ្លៀងធ្លាក់ ​បាន​បង្ក​ការ​ខូចខាត​យ៉ាង​ធ្ងន់ធ្ងរ​ដល់សំណង់​ហេដ្ឋារចនាសម្ព័ន្ធនិង​ទ្រព្យសម្បត្តិនានា ខណៈក្រសួងមហាផ្ទៃបានចេញរបាយការណ៍ថា សំណង់ចំនួន១៦២ត្រូវខូចខាត ផ្លូវលិចទឹកចំនួន១០៧ខ្សែ បាក់ដី២១ករណី ផ្ទះ​​១៧០​ខ្នង​ត្រូវ​ទឹក​ជន់​លិច ហើយ​ដី​ស្រែ​ជាង ​៤ ១០០​ហិកតា​ត្រូវ​លិច​ទឹក​៕

អត្ថបទ៖ សុខ សុវណ្ណ

ចុចអាន៖ ប្រទេសថៃ​ នឹងមានភ្លៀងធ្លាក់ខ្លាំង រហូតដល់ឆ្នាំក្រោយ

The post ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ appeared first on Kampuchea Thmey Daily.