កំពុងតែរៀបចងបន្លែភ្លៅកង្កែបជាដុំៗសម្រាប់លក់លើទីផ្សារនិងដាក់ឲ្យម៉ូយផង អ្នកស្រី ឆន សារីន រស់នៅភូមិចំការសំរោង២ សង្កាត់ចំការសំរោង ក្រុងបាត់ដំបងបានឲ្យដឹងថា គិតមកដល់ពេលនេះ មាន​​រយះពេល​ជាង ១០ ឆ្នាំ ដែលអ្នកស្រីបានដាំបន្លែ​ភ្លៅកង្កែប​នៅ​លើដីទំហំ​កន្លះហិកតា ដើម្បី​រក​ចំណូលទ្រទ្រង់ការរស់នៅប្រចាំថ្ងៃ និង​ផ្គត់ផ្គង់ដល់កូនៗបាន​រៀនសូត្រ។

អ្នកស្រីថា ការប្រមូលផលម្តងៗ បើគិតលើផ្ទៃដីកន្លះហិកតាអាចបាន ១ តោន ខណៈ​តម្លៃមិនទៀងទាត់។ ខែដែលអាចលក់បាន​ថ្លៃ​ចន្លោះពី ៣ ០០០ ដល់ ៣ ៥០០ រៀល ក្នុងមួយគីឡូក្រាម​។ ចំណែកខែមករា និងខែកុម្ភៈ គឺជាខែដែលតែងតែធ្លាក់ថ្លៃ អាចលក់បានចន្លោះពី ១ ០០០ ទៅ ២ ០០០ រៀលក្នុងមួយគីឡូ។

អ្នកស្រីអះអាងថា តាមរយៈ​ដំណាំ​នេះ យ៉ាងហោច​អាច​ឲ្យ​អ្នកស្រីរកចំណូលបានចន្លោះពី ៣ លាន​រៀល​ ទៅ ៣ លានកន្លះដែរក្នុងមួយខែ សម្រាប់​ផ្គត់ផ្គង់តក្នុងគ្រួសារ ព្រមទាំងចំណាយទៅលើកូន​សិក្សារៀនសូត្រ៕

អត្ថបទ÷សៅ សារិទ្ធ

The post អ្នកស្រី ឆន សារីន ដាំ​បន្លែភ្លៅកង្កែប មួយខែ​រក​ចំណូ​លបាន​​​យ៉ាងហោច​ណាស់​ ៣ លាន​​រៀល appeared first on Kampuchea Thmey Daily.