បច្ចុប្បន្ន​គេសង្កេត​ឃើញថា ប្រជាពលរដ្ឋ​ក្នុង​ខេត្តបាត់ដំបង​ក្រោយ​ពី​មាន​បញ្ហា​ព្រំដែន​ជា​មួយ​ប្រទេស​ថៃ ដែល​ឈាន​ធ្វើ​ឲ្យ​ព្រំដែន​រវាង​ប្រទេស​ទាំង​ពីរ ឃើញ​ថា ប្រជាពលរដ្ឋ​កម្ពុជា​ក្នុង​ខេត្តបាត់ដំបង ងាកមក​គាំទ្រ​កសិផល​ក្នុងស្រុក​វិញ​យ៉ាងផុសផុល ធ្វើឲ្យ​ទីផ្សារ​នានា​ក្នុង​ខេត្ត​ធំទូលាយ​សម្រាប់កសិករ ដែលបាន​នាំ​យក​កសិផល​មក​តាំង​លក់​លើ​ទីផ្សារ​ទូទាំង​ខេត្ត និង​តាម​បណ្តា​ខេត្ត​ជិត​ខាង​មួយ​ចំនួន​ផង។

កសិករ​នៅ​ក្នុង​ស្រុក​បាណន់ នៃ​​ខេត្ត​បាត់ដំបង លោក ឈាង រុម រស់​នៅ​ក្នុង​ឃុំ​ចែង​មានជ័យ បាន​លើក​ឡើងថា តាំង​ពី​លោក បានវិលមកស្រុកកំណើតវិញ លោក​ក៏បាន​បន្តមុខ​របរកសិកម្ម​ដែល​មានស្រាប់ ហើយ​បច្ចុប្បន្ន​​ក៏​បាន​ពង្រីក​លើការដាំដុះ ក្រៅពីផលដំណាំពោត ក៏​បាន​ដាំ​បន្លែជា​ច្រើនប្រភេទ​ដូច​ជា សណ្តែកកួ ពពាយ ត្រប់ពុតញង ម្ទេស និងននោង ជាដើម សម្រាប់​ផ្គត់ផ្គង់​លើទីផ្សារ​នានា​ក្នុងខេត្ត។

បើតាមលោក ឈាង រុម “សម្រាប់ជីវិភាពប្រចាំថ្ងៃ គ្រួសារខ្ញុំមិនមានអ្វី​ឲ្យលំបាកនោះទេ ព្រោះ​ផល​ដំណាំ​ខ្ញុំ​បាន​ដាំ​ច្រើន​ប្រភេទ ហើយ​ក្នុង​មួយ​ថ្ងៃៗ ខ្ញុំ​បាន​ប្រមូល​ចូល​ទីផ្សារ​បាន​ស្ទើរ​រាល់ថ្ងៃ ដូច្នេះ​ក្នុងមួយថ្ងៃ យ៉ាងហោច​គ្រួសារខ្ញុំ អាច​រក​ចំណូលបានចន្លោះពី ៤ ទៅ ៦ ម៉ឺនរៀល ថ្ងៃខ្លះ​អាច​ឈាន​ដល់ ៩ ម៉ឺនរៀលផង បើមាន​ទឹក​ភ្លៀង ហើយ​ដំណាំ​លូតលាស់ល្អស្របគ្នា”។

ចំណែកស្រ្តីម្នាក់​ក្នុងវ័យ ៧៥ឆ្នាំ រស់​នៅ​ក្នុង​ឃុំ​ជាមួយគ្នា បាន​ឲ្យដឹងដែរថា ដោយសារតែអ្នកស្រីនៅមានកម្លាំង អ្នកស្រីក៏​បានប្រមូល​ផល​ដំណាំ​មួយ​ចំនួនលក់បន្តឲ្យឈ្មួញដែលដើរ​ទិញតាមភូមិ បានកម្រៃគ្រាន់បើដែរសម្រាប់ ទ្រទ្រង់​ជីវភាពគ្រួសារ មិនពិបាកខ្វល់ខ្វាយឡើយ។

សម្រាប់អ្នកស្រី វ៉ាន់ ថា “តាមពិតការ​ដាំដុះដំណាំ ប្រភេទ​ដំណាំ​ឆ្លងកាត់នេះ វា​ដូច​ជា​មិន​លំបាក​ណាស់ណា​នោះទេ ហើយ រយៈ​ពេលប្រមូលផលក៏មិនយូរដែរ ភ្លេចៗខ្លួនបានលក់ ឲ្យតែយើងឧស្សា​ថែទាំ ហើយ​យើងក៏​ត្រូវសួរ​នាំ​ខាង​មន្ត្រី​កសិកម្ម បើសិនជាបន្លែ ឬដំណាំផ្សេងៗរបស់យើងមានសុខភាពមិនល្អ នោះ​មន្ត្រី​គេ​នឹងណែនាំយើងហើយ”។

អ្នកស្រីបន្ត “សម្រាប់​ខ្ញុំក្រៅពី ដាំដំណាំឆ្លងកាត់ខ្លះៗ ខ្ញុំក៏បានចិញ្ចឹម​មាន់ស្រែ​ឲ្យ​ដើរស៊ីតាម​ដី​លំនៅដ្ឋានផងដែរ គ្រាន់​បានលក់ផ្សែផ្សំបន្ថែម​លើ​ផលដំណាំ ខ្ញុំគិតថា បើកសិករ​យើង​មាន​វ័យប្រហាក់ប្រហែលខ្ញុំ ធ្វើតែបែបនេះ ជីវភាព​ដូចជា​មិន​លំបាក​ទេ”។

បើតាម​អាជ្ញាធរមូលដ្ឋាន ក្នុងរយៈពេល ២ ខែ ចុង​ក្រោយនេះ ប្រជាពលរដ្ឋនៅតាមភូមិនីមួយៗ មានការ​ដាំ​ដំណាំ​តាម​ដីលំនៅដ្ឋាន​របស់​ពួកគាត់​ច្រើន​ជាង​គ្រា​មុន​សម្រាប់​ផ្គត់ផ្គង់​ក្នុងគ្រួសារ ហើយខ្លះ​ក៏​បាន​ប្រមូល​ផល​ចូល​ទីផ្សារ​ផងដែរ។ ក្រោយ​សង្កេត​ឃើញ​បែប​នេះ អាជ្ញាធរមូលដ្ឋានស្រុក​បានជំរុញឲ្យ​មន្ត្រីជំនាញ​កសិកម្ម​ក្នុងមូលដ្ឋានជួយណែ​នាំផ្នែកបច្ចេកទេស​ក្នុងការថែទាំផលដំណាំ ដើម្បី​កុំ​ឲ្យ​កសិករប្រើថ្នាំកសិកម្មផ្តេសផ្តាស នាំ​ឲ្យ​មាន​ផល​ប៉ះពាល់​ដល់សុខភាពអ្នកប្រើប្រាស់។

បើតាម​កញ្ញា ម៉ីគង់ ថាម៉ីវីរី មន្រ្តីកសិកម្មឃុំ តាគ្រាម ស្រុកបាណន់ ក្រោយពី​មានការ​យកចិត្ត​ទុកដាក់​ពីក្រសួង និងមន្ទីរ ក៏​ដូច​ជាអាជ្ញាធរស្រុក​កន្លង​ទៅ តែងតែ​ចុះ​ផ្សព្វផ្សាយ​តាម​ខ្នងផ្ទះ​ឲ្យកសិករបាន​ស្គាល់​ម្បីទាក់ទង​ជួយលើ​ផ្នែកវិស័យកសិកម្ម។ ក្នុងនាម​ជាមន្ត្រីកសិកម្មឃុំ តែងតែ​បាន​ចុះជួយ​សម្របសម្រួល និង​រកដំ​ណោះស្រាយ​ជូន​កសិករ​យ៉ាង​ស្និតស្នាលបំផុត៕

អត្ថបទ÷ សៅ សារិទ្ធ

The post កសិករបាត់ដំបង បង្កើនការដាំដំណាំកសិកម្មផ្គត់ផ្គង់ទីផ្សារ ខណៈទទួលបានបច្ចេកទេសថែទាំជីត្រូវតាមស្តង់ដារ appeared first on Kampuchea Thmey Daily.

ក្រសួងមុខងារសាធារណៈ នៅថ្ងៃទី០២ ខែសីហា នេះ បានរៀបចំការប្រឡងជ្រើសរើសមន្ត្រីឱ្យទៅបម្រើការក្រោមក្រសួង-ស្ថាប័នចំនួន២ ក្នុងថ្ងៃតែមួយ។ ការប្រឡងទី១ គឺជាការប្រឡងជ្រើសរើសមន្ត្រីកសិកម្មឃុំ ឱ្យចូលបម្រើការងារនៅតាមឃុំ-សង្កាត់ ក្នុងក្របខ័ណ្ឌក្រសួងកសិកម្ម រុក្ខាប្រមាញ់ និងនេសាទ ចំណែកទី២ គឺជាការប្រឡងប្រជែងជ្រើសរើសមន្ត្រីច្បាប់ ឱ្យចូលបម្រើការងារនៅអគ្គលេខាធិការដ្ឋានក្រុមប្រឹក្សាអ្នកច្បាប់ ក្នុងក្របខណ្ឌទីស្តីការគណៈរដ្ឋមន្ត្រី។

សម្រាប់ការប្រឡងជ្រើសរើសមន្ត្រីកសិកម្មឃុំ ដែលប្រព្រឹត្តិទៅនៅថ្ងៃនេះ មានបេក្ខជនចូលរួមប្រកួតប្រជែងសរុបជិត ៥ ០០០នាក់។ ការប្រឡងនេះ ប្រព្រឹត្តិទៅតែមួយដងប៉ុណ្ណោះ ដោយកំណត់ជ្រើសរើសអ្នកជាប់ ៣៧២នាក់ ដើម្បីទៅបំពេញការងារនៅឃុំ-សង្កាត់នៅតាមខេត្តចំនួន ២៣។ ការប្រឡងមន្ត្រីកសិកម្មឃុំ មាន ៣វិញ្ញាសា រួមមានការប្រឡងជំនាញឯកទេសពាក់ព័ន្ធជំនាញកសិកម្ម ការប្រឡងភាសាអង់គ្លេសកម្រិតមូលដ្ឋានពាក់ព័ន្ធកសិកម្ម និងការប្រឡងលើចំណេះដឹងទូទៅ។ ការប្រឡងនេះ ក៏ជាការប្រឡងចុងក្រោយ សម្រាប់ការជ្រើសរើសមន្ត្រីកសិកម្មឃុំផងដែរ។

ចំណែកការប្រឡងមន្ត្រីច្បាប់ ក្របខណ្ឌទីស្ដីការគណៈរដ្ឋមន្ត្រីវិញ មានបេក្ខជនចូលរួមប្រកួតប្រជែងសរុបជិត ៣០០នាក់។ ការប្រឡងនៅថ្ងៃនេះ ជាការប្រឡងលើវិញ្ញាសាសរសេរលើកទី ១ ដែលនឹងជ្រើសរើសបេក្ខជនបន្តទៅប្រឡងលើវិញ្ញាសាសរសេរលើកទី ២ និងបន្តទៅវគ្គសម្ភាសន៍ ដែលនឹងជ្រើសរើសចំនួនអ្នកជាប់ចុងក្រោយជាមន្ត្រីចំនួន ៨នាក់ប៉ុណ្ណោះ។

ការប្រឡងនៅថ្ងៃទី ២ ខែសីហា ឆ្នាំ ២០២៥នេះ ដំណើរការទៅក្រោមការចូលរួមយ៉ាងសកម្មពីអ្នកសង្កេតការណ៍ មកពីអង្គភាពប្រឆាំងអំពើពុករលួយ សាធារណជន ក៏ដូចជាតំណាងមកពីសាកលវិទ្យាល័យ ក៏ដូចជាយុវជនស្ម័គ្រចិត្តនៃសហភាពសហព័ន្ធយុវជនកម្ពុជាផងដែរ។ ការប្រឡងនេះ ក៏មានការចូលរួមដោយផ្ទាល់ ពីឯកឧត្តម ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ ក្នុងការត្រួតពិនិត្យដំណើរការប្រឡង ជ្រើសរើសវិញ្ញាសាប្រឡង និងចូលរួមកាត់វិញ្ញាសាផងដែរ។

គួរឱ្យដឹងថាស្របតាមនិយាមនីតិវិធីប្រតិបត្តិ ស្តីពីការប្រឡង ប្រជែងជ្រើសរើសមន្ត្រីរាជការស៊ីវិល វិញ្ញាសាប្រឡងប្រជែង ត្រូវតាក់តែងនៅពេលព្រឹក។ ការប្រឡងប្រជែងនឹងត្រូវប្រព្រឹត្តទៅ នាពេលរសៀលក្នុងថ្ងៃតែមួយ។

ការតាក់តែងវិញ្ញាសាសម្រាប់ការប្រឡងនាថ្ងៃទីនេះ គឺធ្វើឡើងដោយគណៈកម្មការមេប្រយោគ យ៉ាងសស្រាក់សស្រាំ និងដោយសម្ងាត់ពីសាស្ត្រចារ្យជំនាញ។ រាល់ដំណើរការរៀបចំ តែងមានតាមដានមើលពីអ្នកសង្កេតការណ៍មកពី អង្គភាពប្រឆាំងអំពើពុករលួយ តំណាងសាកលវិទ្យាល័យនានា សហភាពសហព័ន្ធយុវជនកម្ពុជា និងសាធារណជនស្ម័គ្រចិត្ត៊ក្រោយពីបញ្ចប់ការប្រឡងទាំងពីរនេះ នៅថ្ងៃទី ៣ ខែសីហា។

នៅថ្ងៃស្អែកនេះ ក៏នឹងមានការរៀបចំការប្រឡងជ្រើសរើសមន្ត្រីក្របខណ្ឌក្រសួងការបរទេស និងសហប្រតិបត្តិការអន្តរជាតិ និងការប្រឡងជ្រើសរើសមន្ត្រីបច្ចេកទេសវិជ្ជាជីវៈសុខាភិបាល ផ្អែកលើកិច្ចព្រមព្រៀង ក្រមខណ្ឌក្រសួងសុខាភិបាលផងដែរ៕

The post បេក្ខជនជាង៥ពាន់នាក់ ប្រឡងក្នុងថ្ងៃតែមួយ ដើម្បីចូលបម្រើការងារនៅក្រសួង ស្ថាប័នពីរផ្សេងគ្នា ក្រោមការរៀបចំរបស់ក្រសួងមុខងារសាធារណៈ appeared first on Kampuchea Thmey Daily.

លោក យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ មាន​ប្រសាសន៍ថា មន្រ្តីកសិកម្មឃុំ កំពុងបន្តដើរតួនាទីយ៉ាងសំខាន់ក្នុងការជំរុញផលិតកម្ម បង្កើនគុណភាពផលិតផលកសិកម្ម និងសម្របសម្រួលទីផ្សារកសិផលជូនកសិករ។

លើសពីនេះទៀត មន្រ្តីកសិកម្មឃុំបានចូលរួមផ្សព្វផ្សាយពីកម្មវិធីអភិវឌ្ឍន៍វិស័យកសិកម្ម និងតម្លៃស្រូវសើម ដោយផ្ទាល់ជាមួយកសិករ និងតាមប្រព័ន្ធបណ្ដាញសង្គមយ៉ាងសកម្ម។ 

លោក យ៉ង សាំងកុមារ បញ្ជាក់ថា មន្ត្រីកសិកម្មឃុំ ដើរតួជាអ្នកសម្របសម្រួលរវាងកសិករ និងអ្នកពាក់ព័ន្ធ ការងារផលិតកម្ម និងទីផ្សារ ដែលមន្ត្រីត្រូវមានជំនាញសម្របសម្រួល ខណៈការដាក់ពង្រាយ​ដំបូងត្រូវការបណ្ដុះបណ្ដាលតម្រង់ទិសច្រើន។

The post រដ្ឋាភិបាល ដាក់ពង្រាយមន្ត្រីកសិកម្មឃុំចំនួន ១០០០ នាក់បន្ថែមទៀត នៅក្នុងឆ្នាំ ២០២៥ appeared first on Kampuchea Thmey Daily.

លោក បណ្ឌិត យ៉ង សាំង​កុមារ បាន​បញ្ជាក់ថា​ ការ​ដាក់​​ពង្រាយមន្រ្តីកសិកម្មឃុំ ដើម្បី​ធ្វើការ​ជាមួយ​កសិករ ជាលទ្ធផល​មន្រ្តីកសិកម្មឃុំកំពុងសកម្មក្នុងការដោះស្រាយបញ្ហាទីផ្សារ និងរក្សាស្ថិរភាពថ្លៃស្រូវក្នុងកម្រិតសមរម្យ ដោយធ្វើការសម្របសម្រួលតម្រង់ទិសកសិករឲ្យមានការសហការគ្នាជាក្រុមផលិតផ្សារភ្ជាប់មកទីផ្សារ ដោយជ្រើសរើសកសិករផលិតពូជដូចគ្នា ប្រមូលផលពេលដូចគ្នា (ក្រុមសមកាល) ដើម្បីសហការគ្នាច្រូតស្រូវលក់ក្នុងពេលដូចគ្នាដោយបរិមាណសមស្របទៅតាមសមត្ថភាពនៃការដឹកជញ្ជូន និងការបញ្ជារទិញពីរោងម៉ាស៊ីន និងធ្វើការប្រមូលផ្តុំស្រូវនៅកន្លែងកំណត់រួមមួយ។

ដើម្បីធ្វើកិច្ចការនេះជោគជ័យ គឺទាមទារឲ្យមានការសហការចូលរួមពីកសិករ ដោយចាប់ផ្តើមពីក្រុមគំរូណាមួយនៅតាម​ឃុំ​គោលដៅមុននឹងឈានទៅដល់រៀបចំរចនាសម្ព័ន្ឌសហគមន៍ផលិតផ្សារភ្ជាប់មកទីផ្សារសម្រាប់កសិករជាងមួយលានគ្រួសារនៅគ្រប់ភូមិឃុំទូទាំងប្រទេស ដែលអាចត្រួវការពេល ៣ ទៅ ៥ ឆ្នាំទៀត។ ដើម្បីសម្រេចបេសកកម្មនេះបានកាន់តែ​ឆាប់ រាជរដ្ឋាភិបាលកំពុងធ្វើការជ្រើសរើសមន្រ្តីកសិកម្មឃុំថែមចំនួន ១០០០ នាក់ទៀតនៅចុងឆ្នាំ២០២៤ និង​ឈានទៅជ្រើសរើសឲ្យបានចំនួន ១៦០០ នាក់ ដើម្បីដាក់ពង្រាយឲ្យបានគ្រប់ទូទាំងឃុំសង្កាត់ដែលមានសក្តានុពលកសិកម្មទូទាំងប្រទេស។

លោក​បណ្ឌិត យ៉ង សាំងកុមារ បាន​លើក​ឡើង​ថា ស្រូវ​មាន​គុណភាព​ល្អ​នឹង​ជួយ​ឲ្យ​កសិករ​មាន​ទីផ្សារ ទទួល​​បាន​តម្លៃ​ល្អ កាត់​បន្ថយ​ការ​បាត់បង់​​ក្រោយ​ពេល​ប្រមូល​ផល និង​ជួយ​លើកស្ទួយ​វិស័យ​ស្រូវ​អង្ករ​របស់​ជាតិ​ទាំងមូល។ ក្នុង​នោះ ពាក់ព័ន្ធ​និង​កម្រិត​នៃ​កាក​សំណល់​ថ្នាំ​កសិកម្ម​នៅ​ក្នុង​គ្រាប់​អង្ករ (ការប្រីថ្នាំកសិកម្មហួសកំណត់ ឬការប្រើថ្នាំ​កសិកម្ម​ខុសស្តង់ដា) ក៏​ជា​កត្តា​ដែល​មាន​ហានិភ័យ​ដល់​ទីផ្សារ​ផងដែរ ជា​ពិសេស​ការ​នាំចេញអង្ករ។

បណ្ឌិត យ៉ង សាំងកុមារ បាន​ចង្អុលបង្ហាញ​ថា ស្រូវ​មាន​ទីផ្សារ និង​មាន​តម្លៃល្អអាស្រ័យ​លើកត្តា​សំខាន់​ៗ ៥ ចំណុច គឺ​ ប្រភេទ​ពូជ, គុណ​ភាព​ស្រូវ (កម្រិត​នៃភាពសុទ្ធ សំណើម និង​កម្រិត​នៃភាពទុំ), បរិមាណ​ស្រូវ​ប្រមូល​បាន​ក្នុង​មួយ​ថ្ងៃ, ទីតាំងដែល​ប្រមូលផ្តុំស្រូវ និង​ ពេលវេលាដែល​ដឹងមុន ឬប្រាប់​អំពី​ការ​មានស្រូវលក់ (បាន 5 ថ្ងៃមុនល្អ)។ នេះជាកត្តា​ និងគោលការណ័ ដែលមន្រ្តី​កសិកម្ម​ឃុំ ត្រូវយក​ចិត្តទុកដាក់​ក្នុងការ​ធ្វើការជាមួយ​កសិករដើម្បី​ដោះស្រាយបញ្ហា​ទីផ្សារ និងតម្លៃស្រូវ​ផង​ដែរ​៕

The post បណ្ឌិត យ៉ង សាំងកុមារ៖ ការពង្រឹងគុណភាពស្រូវ ចាប់ផ្តើមពីការពង្រឹងសមត្ថភាពមន្រ្តីកសិកម្មឃុំ appeared first on Kampuchea Thmey Daily.

កញ្ញា គង់ គីមឡេង មន្ត្រីកសិកម្មឃុំផ្ទះរុង ស្រុកតាលោសែនជ័យ ខេត្តពោធិ៍សាត់ ប្ដេជ្ញាធ្វើការជាមួយកសិករ ចែក​រំលែក​ចំណេះដឹង បច្ចេកទេស ជំរុញឱ្យពលរដ្ឋបង្កើនការដាំដុះឱ្យទទួលបានទិន្នផលច្រើនដើម្បីបង្កើនប្រាក់ចំណូល។

លោក កាំង សុភានី មន្ត្រីកសិកម្មឃុំក្បាលត្រាច ស្រុកក្រគរ ខេត្តពោធិ៍សាត់ ជឿថា ចូល​រួមវគ្គបណ្តុះបណ្តាលតម្រង់ ទិសដំបូងនៅថ្ងៃទី ១៣-១៦ ខែកុម្ភៈ ឆ្នាំ ២០២៤នេះ នៅសាកលវិទ្យាល័យ​ភូមិន្ទ​កសិកម្ម នឹងធ្វើឱ្យលោកមានសមត្ថភាពធ្វើការជាមួយកសិករនៅតាមមូលដ្ឋាន។

មន្ត្រីទាំង ២៥០ នាក់នេះ គឺនឹងដាក់ពង្រាយនៅតាមខេត្តដែលសម្បូរផលិតកម្មស្រូវ ដូចជាខេត្តស្ថិត​នៅ​ជុំវិញបឹងទន្លេសាប ដែលមានខេត្តកំពង់ធំ សៀមរាប បន្ទាយមានជ័យ ឧត្តរមានជ័យ ពោធិ៍សាត់ បាត់ដំបង កំពង់ឆ្នាំង កំពង់ចាម តាកែវ ព្រៃវែង និងខេត្តស្វាយរៀង។

លោក យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ការទទួលខុសត្រូវរបស់មន្ត្រីកសិកម្មឃុំ សង្កាត់ គឺត្រូវកំណត់បញ្ហាប្រឈមរបស់កសិករ និងតម្រូវការរបស់កសិករ ហើយលើកបញ្ហាដើម្បីស្វែង រកដំណោះស្រាយពីស្ថាប័នជំនាញ និងអង្គភាពពាក់ព័ន្ធ។

ក្រៅពីនេះ គឺសម្រសម្រួលដឹកនាំដើម្បីរកដំណោះស្រាយជូនដល់កសិករ ព្រមទាំងសម្របសម្រួលគាំទ្រកសិករក្នុងផលិត​កម្មផ្សារភ្ជាប់ទីផ្សារ កសាងចង្វាក់ផលិតកម្ម និងតម្លៃទីផ្សារ និងប្រមូលស្ថិតិកសិកម្ម ដែលធ្វើឱ្យក្រសួងកសិកម្មខិតនៅជិត​កសិករធ្វើឱ្យកសិករមានភាពកក់ក្ដៅ ដែលមានអ្នកជួយដោះស្រាយបញ្ហាទាន់ពេលវេលា។

តាមផែនការរបស់រាជរដ្ឋាភិបាលអាណត្តិទី៧ គឺគ្រោងដាក់មន្ត្រីកសិកម្មឃុំឱ្យ​បានគ្រប់ឃុំនៅទូរទាំងប្រទេសដែលមានចំនួនសរុបរហូតដល់ ១ ៦០០ នាក់ ដែលបច្ចុប្បន្នក្រសួង​កសិកម្មជ្រើសរើសបាន ២៥០ នាក់រួចហើយ ខណៈខែមេសា ឆ្នាំ ២០២៤ ខាងមុខនេះ នឹងជ្រើសរើសបន្ថែម ៨០០ នាក់ទៀត។

ផែនការដាក់ពង្រាយមន្ត្រីឃុំ-សង្កាត់ នឹងបញ្ចប់ត្រឹមឆ្នាំ ២០២៥ ក្រោយមកទើបធ្វើការពង្រឹងការងារមន្ត្រីជាដំណាក់កាលៗ៕

អត្ថបទ៖ ឡេង ដេត

The post ​មន្ត្រីកសិកម្ម​ឃុំ​ប្ដេជ្ញាជួយ​ពលរដ្ឋ ដាំដុះ ​និងសម្របសម្រួលទីផ្សារ​ appeared first on Kampuchea Thmey Daily.

មន្ត្រីទាំង ២៥០ នាក់នេះ គឺនឹងដាក់ពង្រាយនៅតាមខេត្តដែលសម្បូរផលិតកម្មស្រូវ ដូចជាខេត្តស្ថិត​នៅ​ជុំវិញបឹងទន្លេសាប ដែលមានខេត្តកំពង់ធំ សៀមរាប បន្ទាយមានជ័យ ឧត្តរមានជ័យ ពោធិ៍សាត់ បាត់ដំបង កំពង់ឆ្នាំង កំពង់ចាម តាកែវ ព្រៃវែង និងខេត្តស្វាយរៀង។

លោកបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា តាមផែនការរបស់រាជរដ្ឋាភិបាលអាណត្តិទី៧ គឺគ្រោងដាក់មន្ត្រីកសិកម្មឃុំឱ្យ​បានគ្រប់ឃុំនៅទូរទាំងប្រទេសដែលមានចំនួនសរុបរហូតដល់ ១ ៦០០ នាក់ ដែលបច្ចុប្បន្នក្រសួង​កសិកម្មជ្រើសរើសបាន ២៥០ នាក់រួចហើយ ខណៈខែមេសា ឆ្នាំ ២០២៤ ខាងមុខនេះ នឹងជ្រើសរើសបន្ថែម ៨០០ នាក់ទៀត។

លោកបញ្ជាក់ថា ផែនការដាក់ពង្រាយមន្ត្រីឃុំ-សង្កាត់ នឹងបញ្ចប់ត្រឹមឆ្នាំ ២០២៥ ក្រោយមកទើបធ្វើការពង្រឹងការងារមន្ត្រីជាដំណាក់កាលៗ។

បើតាមលោក យ៉ង សាំងកុមារ ការទទួលខុសត្រូវរបស់មន្ត្រីកសិកម្មឃុំ សង្កាត់ គឺត្រូវកំណត់បញ្ហាប្រឈមរបស់កសិករ និងតម្រូវការរបស់កសិករ ហើយលើកបញ្ហាដើម្បីស្វែងរកដំណោះស្រាយពីស្ថាប័នជំនាញ និងអង្គភាពពាក់ព័ន្ធ។

ក្រៅពីនេះ គឺសម្រសម្រួលដឹកនាំដើម្បីរកដំណោះស្រាយជូនដល់កសិករ ព្រមទាំងសម្របសម្រួលគាំទ្រកសិករក្នុងផលិត​កម្មផ្សារភ្ជាប់ទីផ្សារ កសាងចង្វាក់ផលិតកម្ម និងតម្លៃទីផ្សារ និងប្រមូលស្ថិតិកសិកម្ម ដែលធ្វើឱ្យក្រសួងកសិកម្មខិតនៅជិត​កសិករធ្វើឱ្យកសិករមានភាពកក់ក្ដៅ ដែលមានអ្នកជួយដោះស្រាយបញ្ហាទាន់ពេលវេលា៕

​

The post មន្ត្រីកសិកម្មឃុំ ២៥០ នាក់ចាប់ផ្ដើមចូលរួមបណ្ដុះបណ្ដាលដំបូង​នៅថ្ងៃស្អែក appeared first on Kampuchea Thmey Daily.

លោកបណ្ឌិត យ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានឱ្យដឹងនៅថ្ងៃទី ១០ ខែមករា ឆ្នាំ ២០២៤នេះថា តាមផែនការរបស់រាជរដ្ឋាភិបាលអាណត្តិទី៧ គឺគ្រោងដាក់មន្ត្រីកសិកម្មឃុំឱ្យបានគ្រប់ឃុំនៅទូរទាំងប្រទេសដែលមានចំនួនសរុបរហូតដល់ ១ ៦០០ នាក់ ដែលបច្ចុប្បន្នក្រសួងកសិកម្មជ្រើសរើសបាន ២៥០ នាក់រួចហើយ ខណៈចន្លោះខែមីនា ឬខែមេសា ឆ្នាំ ២០២៤ ខាងមុខនេះ នឹងជ្រើសរើសបន្ថែម ៨០០ នាក់ទៀត។

លោកបញ្ជាក់ថា ផែនការដាក់ពង្រាយមន្ត្រីឃុំ-សង្កាត់ នឹងបញ្ចប់ត្រឹមឆ្នាំ ២០២៥ ក្រោយមកទើបធ្វើការពង្រឹងការងារមន្ត្រីជាដំណាក់កាលៗ។

បើតាមលោក យ៉ង សាំងកុមារ ការទទួលខុសត្រូវរបស់មន្ត្រីកសិកម្មឃុំ សង្កាត់ គឺត្រូវកំណត់បញ្ហាប្រឈមរបស់កសិករ និងតម្រូវការរបស់កសិករ ហើយលើកបញ្ហាដើម្បីស្វែងរកដំណោះស្រាយពីស្ថាប័នជំនាញ និងអង្គភាពពាក់ព័ន្ធ។

ក្រៅពីនេះ គឺសម្រសម្រួលដឹកនាំដើម្បីរកដំណោះស្រាយជូនដល់កសិករ ព្រមទាំងសម្របសម្រួលគាំទ្រកសិករក្នុងផលិតកម្មផ្សារភ្ជាប់ទីផ្សារ កសាងចង្វាក់ផលិតកម្ម និងតម្លៃទីផ្សារ និងប្រមូលស្ថិតិកសិកម្ម ដែលធ្វើឱ្យក្រសួងកសិកម្មខិតនៅជិតកសិករធ្វើឱ្យកសិករមានភាពកក់ក្ដៅ ដែលមានអ្នកជួយដោះស្រាយបញ្ហាទាន់ពេលវេលា។

មន្ត្រីជាន់ខ្ពស់ក្រសួងកសិកម្មរូបនេះ បានបញ្ជាក់ថា គោលដៅដាក់ពង្រាយមន្ត្រីកសិកម្មឃុំនេះ គឺសំដៅបង្កើនប្រសិទ្ធ​ភាពសេដ្ឋកិច្ច បង្កើនប្រាក់ចំណូលជូនកសិករតាមរយៈការជំរុញការអនុវត្តកសិកម្ម និងឱនភាព ​កសិកម្មដែលធន់ និងការផ្លាស់ប្ដូរអាកាសធាតុ និងការកសាងចង្វាក់ផលិតកម្មផ្សារភ្ជាប់ និងទីផ្សារ។

លោកអំពាវនាវដល់ប្រជាពលរដ្ឋដែលចាប់អារម្មណ៍ចង់ក្លាយជាមន្ត្រីកសិកម្មឃុំ ចូលរួមឱ្យបានច្រើន និងចង់ឃើញប្រជាកសិករមានភាពអត់ធ្មត់ ខណៈរដ្ឋាភិបាលត្រូវការពេលវេលាដាក់ពង្រាយ និងពង្រឹងសមត្ថភាពរបស់មន្ត្រី ដែលយ៉ាងយូរបំផុតចំណាយពេល ២ ឆ្នាំ និងចប់សព្វគ្រប់។

សូមជម្រាបថា អាណត្តិទី ៧ នេះ តាមការណែនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្រសួងកសិកម្ម រុក្ខាប្រមាញ់ និងនេសាទ បានចាប់ផ្ដើមដំណើរការដាក់ពង្រាយមន្ត្រីកសិកម្មឃុំបន្ថែមចំនួន ២៥០ នាក់ ស្ថិតនៅ ១៧ ខេត្ត។

ចំពោះមន្ត្រីទាំង ២៥០ នាក់នេះ គឺដាក់ពង្រាយនៅតាមខេត្តដែលសម្បូរផលិតកម្មស្រូវ ដូចជាខេត្តស្ថិតនៅជុំវិញបឹងទន្លេសាប ដែលមានខេត្តកំពង់ធំ សៀមរាប បន្ទាយមានជ័យ ឧត្តរមានជ័យ ពោធិ៍សាត់ បាត់ដំបង កំពង់ឆ្នាំង កំពង់ចាម តាកែវ ព្រៃវែង និងខេត្តស្វាយរៀងជាដើម។

នៅខែកុម្ភៈ ឆ្នាំ ២០២៤ ខាងមុខ ក្រសួងនឹងចាប់ផ្ដើមបណ្ដុះបណ្ដាលមន្ត្រីទាំង ២៥០ នាក់ រយៈពេល ១ ខែ ហើយចាប់ផ្ដើមដាក់ពង្រាយទៅតាមឃុំគោលដៅនៅខែមីនា ព្រមទាំងបន្តការធ្វើការបណ្ដុះបណ្ដាលប្រចាំខែ និងរាល់ ៣ ខែម្ដងទៅលើវគ្គស៊ីជម្រៅលើមុខជំនាញពាក់ព័ន្ធការងារសំខាន់ៗ៕

អត្ថបទ៖ ឡេង ដេត

The post ក្រសួងគ្រោងជ្រើសមន្ត្រីកសិកម្មឃុំចំនួន ៨០០ នាក់ បន្ថែមទៀតនៅឆ្នាំថ្មីនេះ appeared first on Kampuchea Thmey Daily.

​លោក យ៉ង សាំងកុមារ រដ្ឋលេខាធិការ ​ក្រសួងកសិកម្ម រុក្ខាប្រមាញ់ និងនេសាទ ​បានឱ្យដឹង​នៅថ្ងៃទី ០៣ ខែមករា ឆ្នាំ ២០២៤ នេះថា ការបណ្ដុះបណ្ដាលមន្ត្រីកសិកម្មឃុំដំបូង ចាប់ផ្ដើមនៅខែក្រោយ ដែលទី១ បណ្ដុះបណ្ដាលពីប្រព័ន្ធរដ្ឋបាលទូរទៅរបស់ក្រសួងកសិកម្ម ទី២ ផ្ដោតលើវិធីសាស្ត្រផ្សព្វផ្សាយកសិកម្ម វិធីសាស្ត្រធ្វើការជាមួយកសិករ ទី៣ ផ្ដោតទៅលើបច្ចេកទេស​កសិកម្ម ​ទាក់ទងនឹងដំណាំស្រូវ។

​លោកបញ្ជាក់ថា បន្ទាប់ពីវគ្គបណ្ដុះបណ្ដាលដំបូង ​នឹងមានការ​បណ្ដុះបណ្ដាលបន្ថែម រយៈពេល ១ ខែម្ដង និង ៣ ខែម្ដង ដែលវគ្គ ៣ ខែម្ដង មានលក្ខណៈស៊ីជម្រៅ ដែលមានជំនាញបច្ចេកទេស​ផ្សេងៗ ដូចជា ផលិតកម្ម ដំណាំទូរទៅ ផលិត​កម្មសត្វ វារីវប្បកម្មជាដើម។​

​បើតាម​រដ្ឋលេខាធិការរូបនេះ ​ក្រសួងកសិកម្មកំពុងរៀបឱ្យមានក្រុមពហុជំនាញ​ ដែលមកពីអង្គភាព​ជំនាញរបស់ក្រសួង ​ដើម្បីធ្វើជាគ្រូត្រៀមបណ្ដុះបណ្ដាលមន្ត្រីកសិកម្មឃុំ និងគាំទ្រការងារបច្ចេក​ទេស​បន្ថែម។​

​លោកបញ្ជាក់ថា ​សម្រាប់ឃុំ ២៥០ ដំបូងផ្ដោតទៅលើឃុំដែលសម្បូរដំណាំស្រូវ ប៉ុន្តែក៏មានកសិករ​ចិញ្ចឹមសត្វ ដាំបន្លែចិញ្ចឹមត្រី ដែលការបណ្ដុះបណ្ដាលទៅតាមតម្រូវការជាក់ស្ដែងផងដែរ។

ក្រសួងមុខងារសាធារណៈ ប្រកាសលទ្ធផលសម្រាប់ការប្រឡងប្រជែង ជ្រើសរើសមន្រ្តីកសិកម្មឃុំ ឆ្នាំ២០២៣ ឲ្យចូលបម្រើការងារក្នុងក្របខណ្ឌក្រសួងកសិកម្ម រុក្ខាប្រមាញ់ និងនេសាទ នៅថ្ងៃទី ២២ ខែធ្នូ ឆ្នាំ ២០២៣នេះ។​  ក្នុងនោះ បេក្ខជនដែលប្រឡងជាប់មានចំនួន ២៥០នាក់ ហើយមានស្ត្រីចំនួន ៩៤នាក់។

ការប្រឡងប្រជែងជ្រើសរើសមន្រ្តីកសិកម្មឃុំ ឆ្នាំ២០២៣ បានធ្វើឡើងកាលពីថ្ងៃទី ១៧ ខែធ្នូ ឆ្នាំ ២០២៣កន្លងទៅនេះ នាមណ្ឌលប្រឡង ស្ថិតក្នុងសាកលវិទ្យាល័យភូមិន្ទភ្នំពេញ។

ការប្រឡងប្រជែងនេះ មានបេក្ខជនចូលរួមប្រឡងចំនួនសរុប ៣,៣៨១នាក់ ហើយជ្រើសរើសចំនួន ២៥០នាក់ ក្នុងឆ្នាំ ២០២៣នេះ។

បន្ទាប់ប្រឡងជាប់ហើយ បេក្ខជនទាំង ២៥០នាក់ នឹងត្រូវចូលរួមវគ្គបណ្ដុះបណ្ដាលរយៈពេល ១ឆ្នាំ ឲ្យស្របទៅតាមជំនាញជាក់ស្ដែង ទើបអាចចាប់ផ្ដើមបំពេញការងារជាមន្ត្រីកសិកម្មឃុំបាន៕

អត្ថបទ៖ ឡេង ដេត

​​

The post ​មន្ត្រីកសិកម្មឃុំ​ ចាប់ផ្ដើមចូលរៀន ​វគ្គបណ្ដុះបណ្ដាល​ដំបូងនៅខែក្រោយ​ appeared first on Kampuchea Thmey Daily.