លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងគហរឿងញៀន បានបញ្ជាក់ថា ក្នុងកំឡុងពេលប្រតិបត្តិការជនល្មើសបានធ្វើការតដៃជាមួយសមត្ថកិច្ច បង្កឲ្យសម្ថតកិច្ចរងគ្រោះចំនួន ២រូប បច្ចុប្បន្នកំពុងជញ្ជូនទៅមន្ទីរពេទ្យកាល់ម៉ែត ដើម្បីធ្វើការសង្គ្រោះបន្ទាន់។

លោកឧត្តមសេនីយ៍ឯក ឃឹង សារ៉ាត់ គូសបញ្ជាក់ទៀតថា ក្នុងប្រតិបត្តិការនេះ កម្លាំងជំនាញបានចាប់ខ្លួនជនល្មើសសរុបចំនួន ៧នាក់ ក្នុងនោះមានមេក្លោងធំធ្វើការជួញដូរយ៉ាងសកម្ម ១នាក់ឈ្មោះ រាជ ដកវហូតបានវត្ថុតាងមួយចំនួនរួមមាន ៖ គ្រឿងញៀនមួយចំនួន ,កាំភ្លើងខ្លី ចំនួន ០៣ដើម, គ្រាប់កាំភ្លើង មួយចំនួន និង ជញ្ជីងសម្រាប់ថ្លឹងគ្រឿងញៀន ចំនួន ២គ្រឿង។

បច្ចុប្បន្នជនសង្ស័យនិងវត្ថុតាង ត្រូវបានកម្លាំងជំនាញកំពុងកសាងសំណុំរឿងចាត់ការបន្តតាមនីតិវិធី៕

The post សមត្ថកិច្ចមន្ទីរប្រឆាំងបទល្មើសគ្រឿងញៀន បង្រ្កាបករណីគ្រឿងញៀន នៅភូមិសាស្ត្រខេត្តតាកែវ ឃាត់ខ្លួនមេក្លោងធំ ១នាក់ រួមបក្ខពួក៧នាក់ អាវុធមួយចំនួន appeared first on Kampuchea Thmey Daily.

អនុវត្តតាមបទបញ្ជារបស់ លោកនាយឧត្តមសេនីយ៍ ស ថេត អគ្គស្នងការនគរបាលជាតិ, លោកឧត្តមសេនីយ៍ឯក ប៊ុន ប៉ាម៉ារីលុច អគ្គស្នងការរងទទួលដឹកនាំមន្ទីរប្រឆាំង បទល្មើសគ្រឿងញៀន និង លោក ឧត្តមសេនីយ៍ឯក ព្រុំ សន្ធរ អគ្គស្នងការរងទទួលសហការដឹកនាំ មន្ទីរប្រឆាំងគ្រឿនញៀន និងដឹកនាំបញ្ជាផ្ទាល់ពី លោកឧត្តមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន

លោកនាយកមន្ទីរប្រឆាំងបទល្មើសគ្រឿងញៀន បានបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២៦ វេលាម៉ោង ៤និង០០នាទីទាបភ្លឺ  កម្លាំងជំនាញរបស់មន្ទីរប្រឆាំងបទល្មើសគ្រឿងញៀន ដោយមានការសម្របសម្រួលពីព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ ដឹកនាំដោយលោក សេង ម៉េងស្រ៊ុន បានចុះបង្រ្កាបករណីស្តុកទុក និងចែកចាយ ដោយខុសច្បាប់នូវបារីអេឡិចត្រូនិច ស្ថិតនៅគោលដៅ ផ្ទះC5 ផ្លូវបេតុង ភូមិស្រុកចេក សង្កាត់ជើងឯក ខណ្ឌដង្កោ រាជធានីភ្នំពេញ ឃាត់ខ្លួនបានមនុស្ស ៥នាក់ វត្ថុតាង ចាប់បារីអេឡិចត្រូនិចប្រមាណ ៣០០,០០០ដើម។

បច្ចុប្បន្នជនសង្ស័យទាំង០៥នាក់ និងវត្ថុតាងត្រូវបាននាំយកមករក្សាទុក នៅមន្ទីរប្រឆាំងបទល្មើសគ្រឿងញៀន ដើម្បីចាត់ការតាមនីតិវិធី៕ អត្ថបទ ៖ រដ្ឋា

The post មន្ទីរប្រឆាំងបទល្មើសគ្រឿងញៀន បង្រ្កាបទីតាំងស្តុកចែក ចាយបារីអេឡិចត្រូនិចរកឃើញ៣០ម៉ឺនដើមឃាត់ ខ្លួនមនុស្ស០៥នាក់ appeared first on Kampuchea Thmey Daily.

សូមបញ្ជាក់ថា កាលពីថ្ងៃទី១៦ ខែតុលា ឆ្នាំ២០២៥ TikTok ជនអនាមិកនោះបានចោទប្រកាន់ថា «ជនជាតិចិនគេចាប់បាន ជាង២០០នាក់ ត្រូវបានដោះលែងដោយប្រធានមន្ទីរគ្រឿងញៀន លោក យឹង សារ៉ាត់ ជាមួយនឹងថ្នូរលុយម្នាក់ ៣០០០០$ និងចាយលុយ ១លានដុល្លារ ឱ្យបើកក្លឹបដំណើរការធម្មតាវិញធ្វើព្រងើយ បើរដ្ឋាភិបាលបណ្តោយឱ្យ មានមន្រ្តីពុករលួយចឹង រាស្ត្ររស់នៅយ៉ាងម៉េច»។

មន្ទីរប្រឆាំងគ្រឿងញៀន សូមប្រកាសច្រានចោលយ៉ាងដាច់អហង្ការចំពោះការផ្សាយចោទប្រកាន់ដោយគ្មានមូលដ្ឋាន មានចរិតញុះញុង បំភ្លៃការពិតរបស់គណនីអនាមិកនេះ ដែលធ្វើឱ្យប៉ះពាល់យ៉ាងខ្លាំងដល់កិត្តិយស និង សេចក្តីថ្លៃថ្នូររបស់ថ្នាក់ដឹកនាំមន្ទីរប្រឆាំងគ្រឿងញៀន ក៏ដូចជាកងកម្លាំងទាំងអស់របស់មន្ទីរប្រឆាំងគ្រឿងញៀន ដែលបាននិងកំពុងខិតខំបំពេញការងារទាំងយប់ទាំងថ្ងៃ អនុវត្តយ៉ាងម៉ឺងម៉ាត់នូវបទបញ្ជារបស់រាជរដ្ឋាភិបាល លើការងារប្រយុទ្ធប្រឆាំងគ្រឿងញៀន។

ជុំវិញការបង្ក្រាបបទល្មើសគ្រឿងញៀននៅទីតាំងខារ៉ាអូខេឈ្មោះពេជ្រលើមេឃ មន្ទីរប្រឆាំងគ្រឿងញៀន សូមជម្រាបជូនសាធារណជនឱ្យបានជ្រាបថា កាលពីថ្ងៃទី១៦ ខែតុលា ឆ្នាំ២០២៥ វេលាម៉ោង ០០ និង ៣០នាទី ទៀបភ្លឺ កម្លាំងជំនាញមន្ទីរដោយទទួលបានគោលការណ៍ថ្នាក់ដឹកនាំ ដោយមានការដឹកនាំសម្របសម្រួលពីព្រះរាជអាជ្ញារងនៃ អយ្យការអមសាលាដំបូងរាជធានីភ្នំពេញ សហការជាមួយកម្លាំងជំនាញរបស់ស្នងការដ្ឋាននគរបាលរាជធានីភ្នំពេញ ធ្វើ ការបង្ក្រាបជាក់ស្តែងករណីជួញដូរ ចាត់ចែង សម្រួលឱ្យប្រើប្រាស់ និងប្រើប្រាស់គ្រឿងញៀនខុសច្បាប់នៅទីតាំងខារ៉ាអូ ខេខាងលើ ស្ថិតនៅលើផ្លូវតិរវិធីឆ្នេរទន្លេ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដោយលទ្ធផលចាប់ខ្លួនមនុស្ស សរុបចំនួន ២៥៧នាក់ (ស្រី១០៧នាក់) ក្នុងនោះ ជនជាតិខ្មែរ ៦២នាក់ (ស្រី២២នាក់) ជនជាតិបរទេសចំនួន១៩៥ នាក់ (ស្រី៨៥នាក់) និងចាប់យកសារធាតុញៀនសរុបទម្ងន់ ៦គីឡូ ៩១.៨៧ក្រាម។

តាមការស៊ើបអង្កេត តាមការស្តាប់ចម្លើយ និងតាមការធ្វើតេស្តទឹកម៉ូត មន្ត្រីជំនាញបានស្រាវជ្រាវរកឃើញ មានអ្នកពាក់ព័ន្ធការប្រើប្រាស់គ្រឿងញៀនចំនួន ៣៥នាក់ (ស្រី២០នាក់) ក្នុងនោះ ជនជាតិវៀតណាមចំនួន៦នាក់ (ស្រី៥នាក់) ចិន២៤នាក់ (ស្រី១៤ នាក់) ជប៉ុន១នាក់ (ស្រី) កូរ៉េ៤នាក់(ប្រុស) ដោយត្រូវបានបណ្តេញចេញចំនួន៣៤នាក់ (ស្រី២០នាក់) និងបញ្ជូនទៅមណ្ឌលបន្សាបគ្រឿងញៀន០១នាក់ ជនជាតិកូរ៉េ សញ្ជាតិខ្មែរ។ ស្ថិតក្នុងរង្វង់កិច្ចប្រតិបត្តិការអ្នកពុំពាក់ព័ន្ធបទល្មើសចំនួន២១១នាក់ (ស្រី៧៩នាក់) ក្នុងនោះជនជាតិខ្មែរចំនួន៦២នាក់ ជនបរទេសចំនួន១៤៩នាក់ ត្រូវបានធ្វើការអប់រំ និងអនុញ្ញាតឱ្យត្រឡប់ទៅគេហដ្ឋានវិញ។ ចំពោះអ្នកពាក់ព័ន្ធបទល្មើសចំនួន ១១នាក់ (ស្រី០៥នាក់) ជនជាតិចិន និងវត្ថុតាងគ្រឿងញៀន មន្ទីរបានកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់វិធានការបន្តតាមនីតិវិធី៕

The post មន្ទីរប្រឆាំងគ្រឿងញៀន ច្រានចោលការផ្សព្វផ្សាយមិនពិតរបស់គណនី TikTok ឈ្មោះ «បក្សីចាំក្រុង» ជុំវិញការបង្ក្រាបនៅក្លឹបពេជ្រលើមេឃ appeared first on Kampuchea Thmey Daily.

នៅក្នុងពេលដឹកនាំកិច្ចប្រជុំបូកសរុបលទ្ធផលការងារប្រចាំខែរបស់មន្ទីរប្រឆាំងបទល្មើសគ្រឿងញៀន កាលពីថ្ងៃទី១ ខែតុលា ឆ្នាំ២០២៥ លោកឧត្តមសេនីយ៍ឯក ព្រុំ សន្ធរ បានថ្លែងកោតសរសើរនិងវាយតម្លៃខ្ពស់ចំពោះកិច្ចខិតខំប្រឹងប្រែងរបស់មន្ទីរប្រឆាំងបទល្មើសគ្រឿងញៀន ជាពិសេសកម្លាំងនៃការិយាល័យទាំង១១ និងមន្រ្តីគ្រប់ជំនាញដែលបានរួមគ្នាសហការលះបង់ទាំងកម្លាំងកាយចិត្តក្នុងស្មារតីទទួលខុសត្រូវបំពេញតួនាទីភារកិច្ចរបស់ខ្លួនយ៉ាងសកម្ម ព្រមទាំងទទួលបានលទ្ធផលល្អប្រសើរគួរឱ្យកត់សម្គាល់។

ដើម្បីប្រសិទ្ធភាពការងារបន្ថែមទៀត លោកឧត្តមសេនីយ៍ឯក បានណែនាំដល់កម្លាំងមន្ទីរប្រឆាំងបទល្មើសគ្រឿងញៀនទាំងអស់ត្រូវបន្តពង្រឹង និងពង្រីកកិច្ចសហប្រតិបត្តិការ ទាំងក្របខណ្ឌទ្វេភាគី ពហុភាគី ក្នុងតំបន់ និងអន្តរជាតិឱ្យកាន់តែទូលំទូលាយ ជាពិសេសជាមួយប្រទេសជិតខាង ដើម្បីផ្លាស់ប្តូរព័ត៌មានទៅវិញទៅមកក្នុងកិច្ចសហប្រតិបត្តិការត្រួតពិនិត្យ និងបង្ក្រាបគ្រឿងញៀនឆ្លងកាត់ព្រំដែនឱ្យកាន់តែមានប្រសិទ្ធភាពខ្ពស់ សំដៅឈានទៅកសាងភូមិ“ស”គ្មានគ្រឿងញៀននៅតាមតំបន់ព្រំដែន។

លោកអគ្គស្នងការរងរូបនេះ បានសង្កត់ធ្ងន់ថា កងកម្លាំងទាំងអស់ត្រូវតែមានការប្តេជ្ញាចិត្ត ធ្វើយ៉ាងណាឱ្យប្រទេសកម្ពុជា ក្លាយជាប្រទេសគ្មានគ្រឿងញៀន និងរក្សាគ្រួសារនីមួយៗជាគ្រួសារស្អាតស្អំ គ្មានគ្រឿងញៀន តាមទស្សនវិស័យ«ចូលរួមទាំងអស់គ្នាដើម្បីជីវិត និងសហគមន៍គ្មានគ្រឿងញៀន»ហើយព្រមទាំងការជំរុញសកម្មភាពបោសសម្អាតការប្រើប្រាស់គ្រឿងញៀន និងឈានលុបបំបាត់ទីផ្សារគ្រឿងញៀនក្នុងផ្ទៃប្រទេស តាមគោលការណ៍«សម្អាតចកចេញពីផ្ទៃបឹង និងរក្សាផ្ទៃបឹងឱ្យថ្លាជាប្រចាំ»៕

The post អគ្គស្នងការរងណែនាំកម្លាំងបង្កើនកិច្ចសហការជាមួយប្រទេសជិតខាងបង្ក្រាបគ្រឿងញៀនឆ្លងព្រំដែន   appeared first on Kampuchea Thmey Daily.

ជាក់ស្ដែង​នៅ​រសៀល​ថ្ងៃ​ទី ១៦ ខែ​មិថុនា ឆ្នាំ ២០២៥ នេះ ជនសង្ស័យ​ម្នាក់ ដែល​ពាក់ព័ន្ធ​ជាមួយ​គ្រឿងញៀន ជាង ៤ គីឡូក្រាម ត្រូវ​បាន​កម្លាំង​ជំនាញ​បញ្ជូន​ទៅ​កាន់​តុលាការ ក្រោយ​បញ្ចប់​ការ​សាកសួរ។

តាម​ប្រភព​ពី​នគរបាល​ជំនាញ នៃ​មន្ទីរ​ប្រឆាំង​បទល្មើស​គ្រឿងញៀន បាន​ឲ្យ​ដឹង​ថា កាលពី​វេលា​ម៉ោង ៤ រសៀល ថ្ងៃ​ទី ១៣ ខែ​មិថុនា ឆ្នាំ ២០២៥ ដោយ​សហការ​ជាមួយ​ស្នងការដ្ឋាន​រាជធានី​ភ្នំពេញ និង​ដោយ​មាន​ការ​ដឹកនាំ សម្របសម្រួល ពី​ព្រះរាជអាជ្ញា​រង នៃ​អយ្យការ​អម​សាលាដំបូង​រាជធានី​ភ្នំពេញ លោក គឹម ហុងសាន បាន​ចុះ​ស្រាវជ្រាវ​ស៊ើបអង្កេត​រហូត​ឈាន​ដល់​ការ​បង្ក្រាប​ករណី រក្សាទុក ដឹកជញ្ជូន និង​ជួញដូរ ដោយ​ខុសច្បាប់​នូវ​សារធាតុ​ញៀន ស្ថិតនៅ​ចំណុច​ផ្លូវ​បេតុង ៥០ ម៉ែត្រ ភូមិ​ប្រការ សង្កាត់​ព្រៃ.ស ខណ្ឌ​ដង្កោ រាជធានី​ភ្នំពេញ។

ក្នុង​រង្វង់​ប្រតិបត្តិការ​នេះ​ដែរ នគរបាល បាន​ចាប់​ជនសង្ស័យ ១ នាក់ ភេទ​ប្រុស ជនជាតិ​ខ្មែរ អាយុ ៣២ ឆ្នាំ និង​ដកហូត​វត្ថុ​តាង​គ្រឿងញៀន​ប្រភេទ​កេ​តា​មីន (Ketamine) ទម្ងន់ ៧០៧.៥៩ ក្រាម​ , គ្រឿងញៀន​ប្រភេទ​អ៊ិ​ច​ស្តា​ស៊ី (MDMA) ទម្ងន់ ២០៦៦,០៥ ​ក្រាម ​, គ្រឿងញៀន​ប្រភេទ មេ​តំ​ហ្វេ​តា​មីន (WY,ICE) ទម្ងន់ ១២៩២.០៥ ​ក្រាម សរុប​រួម​សារធាតុ​ញៀន​ទម្ងន់​ជាង ៤ គីឡូក្រាម។

បច្ចុប្បន្ន ជនល្មើស និង​វត្ថុតាង ត្រូវ​បាន​កម្លាំង​ជំនាញ​កសាង​សំណុំរឿង​បញ្ជូន​ខ្លួន​ទៅកាន់​សាលា​ដំបូង​រាជធានី​ភ្នំពេញ ដើម្បី​ចាត់ការ​តាម​នីតិវិធី៕

អត្ថបទ ៖ រដ្ឋា

The post មន្ទីរប្រឆាំងគ្រឿងញៀន បញ្ជូនជនសង្ស័យម្នាក់ និងថ្នាំញៀនជាង ៤ គីឡូក្រាម ទៅតុលាការ appeared first on Kampuchea Thmey Daily.

មន្ទីរ​ប្រឆាំង​បទល្មើស​គ្រឿងញៀន សូម​អនុញ្ញាត​រំលឹក​ជូន​សាធារណជន​ថា គណនី​ឈ្មោះ Chean Dron បាន​បង្កើត​ព័ត៌មាន​ក្លែងក្លាយ​វាយប្រហារ​មកលើ​ថ្នាក់ដឹកនាំ​មន្ទីរ​ប្រឆាំង​បទល្មើស​គ្រឿង ញៀន ជា​បន្តបន្ទាប់ ហើយ​មន្ទីរ​ក៏​ធ្លាប់បាន​បំភ្លឺ​ជូន​សាធារណជន​ផងដែរ ប៉ុន្តែ​ម្ចាស់​គណនី​ក្លែងក្លាយ នេះ នៅតែ​បន្តទៅ​បង្កើត​គណនី TikTok ឈ្មោះ Chean Dron ដដែល​បង្កើត​ព័ត៌មាន​ក្លែងក្លាយ​បន្ថែម ទៀត ដោយ​វាយប្រហារ​ថ្នាក់ដឹកនាំ​រាជរដ្ឋាភិបាល និង​មន្ទីរ​ប្រឆាំង​បទល្មើស​គ្រឿងញៀន​ថែមទៀត​។ ជាថ្មី​ម្តងទៀត មន្ទីរ​ប្រឆាំង​បទល្មើស​គ្រឿងញៀន សូម​បដិសេធ​ទាំងស្រុង នូវ​ព័ត៌មាន​ក្លែងក្លាយ របស់​គណនី​ហ្វេ​ស​ប៊ុ​ក និង TikTok ឬក៏​បណ្តាញ​ទំនាក់ទំនង​សង្គម​ផ្សេងទៀត​របស់​ឈ្មោះ Chean Dron​។ ពួកគេ​បង្កើត​ព័ត៌មាន​ក្លែងក្លាយ​នេះ​ឡើង ក្នុង​បំណង​វាយប្រហារ លាប​ពណ៌ ធ្វើឱ្យ​ខូច​កិត្តិយស ដល់​ថ្នាក់ដឹកនាំ​មន្ទីរ​ប្រឆាំង​គ្រឿងញៀន ដែល​កំពុង​ខិតខំ​បំពេញការងារ​ទាំងយប់​ទាំង​ថ្ងៃ តស៊ូ​បង្ក្រាប បទល្មើស​គ្រឿងញៀន ដើម្បី​ចូលរួមចំណែក​រក្សា​សន្តិសុខ សណ្តាប់ធ្នាប់ និង​សុខុមាលភាព​សាធារណៈ​ជូន​ប្រជាពលរដ្ឋ ស្របតាម​គោលនយោបាយ​របស់​រាជ​រដ្ឋាភិបាល​។​

​មន្ទីរ​ប្រឆាំង​បទល្មើស​គ្រឿងញៀន នឹង​បន្ត​សហការ​ជាមួយ​សមត្ថកិច្ច​ពាក់ព័ន្ធ ដើម្បី​ស៊ើប អង្កេត ស្រាវជ្រាវ​រក មុខសញ្ញា​ដែល​កាន់កាប់ ឬ​ប្រើប្រាស់​ហ្វេ​ស​ប៊ុ​ក និង TikTok ឈ្មោះ Chean Dorn ដើម្បី​យកមក​ផ្តន្ទាទោស​តាមច្បាប់​។ ប្រសិនជា​សាធារណជន​ណា អាច​ផ្តល់ព័ត៌មាន​សម្ងាត់​ពី​អត្ត សញ្ញាណ​ម្ចាស់​គណនី Chean Dorn នេះ​បាន មន្ទីរ​ប្រឆាំង​បទល្មើស​គ្រឿងញៀន នឹង​ផ្តល់រ​ង្វាន់​ជាទី គាប់ចិត្ត និង​រក្សា​ការសម្ងាត់​ជូន៕

អត្ថបទ ៖ ម៉េង

The post មន្ទីរ​ប្រឆាំង​គ្រឿងញៀន​បាន​ចេញ​សេចក្ដីបំភ្លឺ បន្ទាប់ពី​មានការ​បង្ហោះ​ព័ត៌​មាន​ក្លែងក្លាយ​លើ​គណនី​Tiktok ឈ្មោះ “Chean Drone” appeared first on Kampuchea Thmey Daily.

របាយការណ៍របស់មន្ទីរប្រឆាំងគ្រឿងញៀន បានឱ្យដឹងថា «ក្នុងត្រីមាសទី១ ឆ្នាំ២០២៤ មន្ទីរប្រឆាំងគ្រឿងញៀន បង្ក្រាបបាន១៨១ករណី ឃាត់ខ្លួនជនសង្ស័យ៥៤៨នាក់ (ស្រី ៣៥នាក់) ធ្វើការរឹបអូសគ្រឿងញៀនបានចំនួន១តោន ៧៨៣ គីឡូក្រាម និង២០៩.៨៣ក្រាម ស្មើនឹង ៩៥.៦៨%»។ ជាមួយគ្នានេះ សម្រាប់ក្របខណ្ឌស្នងការដ្ឋាននគរបាលរាជធានី-ខេត្តទាំង២៥ គឺបង្ក្រាបបានបទល្មើសគ្រឿងញៀន១ ៦៣១ករណី ឃាត់ខ្លួនជនសង្ស័យ៣ ៩០៣នាក់ (ស្រី២៧០នាក់) ដោយរឹបអូសគ្រឿងញៀនបានចំនួន៨០គីឡូក្រាម និង៣៩៥.១២ក្រាម ស្មើនឹង ៤.៣២%។

បើតាមការគូសបញ្ជាក់របស់ឧត្តមសេនីយ៍ឯក ព្រុំ សន្ធរ អគ្គស្នងការរងនគរបាលជាតិ ទោះបីកងកម្លាំងបង្រ្កាបបទល្មើសគ្រឿងញៀន ទទួលបានលទ្ធផលល្អប្រសើរ យ៉ាងណាក៏ដោយ ក៏បញ្ហាគ្រឿងញៀននេះ នៅតែមិនមានសញ្ញាថមថយនៅឡើយ។ លោកឧត្តមសេនីយ៍ឯក បញ្ជាក់បន្តថា ថ្មីៗនេះ លោកបានចូលរួមកិច្ចប្រជុំនៅប្រទេសជិតខាង ហើយផ្អែកតាមរបាយការណ៍ គឺថាមិនមានប្រទេសណាមួយ ដែលបានថមថយនូវបញ្ហាគ្រឿងញៀននេះទេ។ ដូច្នេះកម្ពុជា ក៏ជាប្រទេសដែលរងគ្រោះនូវបញ្ហាគ្រឿងញៀននេះដែរ។

តែយ៉ាងណា ថ្លែងក្នុងកិច្ចប្រជុំបូកសរុបសភាពការណ៍ និងកិច្ចប្រតិបត្តិការបង្រ្កាបបទល្មើសគ្រឿងញៀន នៅថ្ងៃទី៩ ខែមេសា ឆ្នាំ២០២៤ លោកឧត្តមសេនីយ៍ឯក អគ្គស្នងការរងនគរបាលជាតិ បានលើកឡើងពីការខិតខំរបស់រាជរដ្ឋាភិបាល នីតិកាលទី៧នេះ ក្រោមការដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា លោក ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ ក៏ដូចជាអគ្គស្នងការនគរបាលជាតិ គឺបានយកចិត្តទុកដាក់ខ្ពស់លើការងារប្រយុទ្ធប្រឆាំងគ្រឿងញៀននេះ ដែលជាកិច្ចការអាទិភាពរបស់រាជរដ្ឋាភិបាល អាណត្តិថ្មីនេះ៕

The post ៣ខែឆ្នាំនេះ មន្ទីរប្រឆាំងគ្រឿងញៀន បង្ក្រាបបានបទល្មើស១៨១ករណី ឃាត់ខ្លួនជនសង្ស័យ ៥៤៨នាក់ appeared first on Kampuchea Thmey Daily.

បើតាមមន្ទីរប្រឆាំងបទល្មើសគ្រឿងញៀន លេខទូរស័ព្ទទាន់ហេតុការណ៍ (Hotline) ដែលប្រជាពលរដ្ឋអាចទំនាក់ទំនង ដើម្បីរាយការណ៍ពីករណីគ្រឿងញៀនបាន គឺលេខ ៦៧០ អាចហៅចូលដោយឥតគិតថ្លៃ ឬតាមរយៈលេខទូរស័ព្ទ ០៩៣ ៤៥៦ ៨៨៨, ០១១ ២៤៨ ៨៨៨, ០១៥ ២២២ ២២៦ និងលេខ ០៦៦ ៦៦១ ៦៦១។

ប្រព័ន្ធទំនាក់ទំនងទាន់ហេតុការណ៍ រៀបចំឡើងស្របតាមផែនការណែនាំរបស់ប្រមុខរាជរដ្ឋាភិបាលកម្ពុជា សម្ដេចធិបតី ហ៊ុន ម៉ាណែត ដែលបានណែនាំឱ្យស្ថាប័នមានសមត្ថកិច្ចរៀបចំប្រព័ន្ធទូរស័ព្ទទាន់ហេតុការណ៍ (Hotline) ដើម្បីដាក់ឱ្យដំណើរការក្នុងការទទួលព័ត៌មាន ចាត់វិធានការដោះស្រាយ និងអន្តរាគមន៍នៅពេលមានបណ្ដឹង ព័ត៌មាន ឬសំណូមពរពីមជ្ឈដ្ឋាននានាពាក់ព័ន្ធបទល្មើសគ្រឿងញៀន។

ដើម្បីបន្តចាត់តាំងអនុវត្តឱ្យមានប្រសិទ្ធភាពលើបញ្ហាគ្រឿងញៀន រាជរដ្ឋាភិបាលកម្ពុជា អាណត្តិទី៧ បានបន្តយុទ្ធនាការប្រយុទ្ធប្រឆាំងគ្រឿងញៀនខុសច្បាប់លើកទី៩ ឆ្នាំ២០២៤ ដោយខិតខំចាត់វិធានការបង្ការ ទប់ស្កាត់ និងបង្ក្រាបឧក្រិដ្ឋកម្មគ្រឿងញៀន ដោយធ្វើយ៉ាងណាបញ្ចៀសមិនឱ្យប្រទេសកម្ពុជាក្លាយជាគោលដៅនៃការប្រព្រឹត្តបទល្មើសគ្រឿងញៀន និងមិនឱ្យគ្រឿងញៀនបង្កឥទ្ធិពលញាំញី និងបំផ្លិចបំផ្លាញសង្គមជាតិបន្តទៀតឡើយ។

តាមផែនការណែនាំ នាពេលថ្មីៗនេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់ជាគោលការណ៍រួមមួយចំនួនដល់ភាគីមានសមត្ថកិច្ចពាក់ព័ន្ធក្នុងការអនុវត្តយុទ្ធនាការប្រយុទ្ធប្រឆាំងគ្រឿងញៀនខុសច្បាប់នេះ ដោយក្នុងនោះ ត្រូវបំផុសចលនាលើកទឹកចិត្តឱ្យមានការចូលរួមច្រើនកុះករពីគ្រប់សមាសភាពនៃសង្គម សំដៅបង្កើតបានជាកម្លាំងសរុប មធ្យោបាយសរុប វិធានការសរុប ជាពិសេសស្រទាប់យុវជនក្នុងការប្រយុទ្ធប្រឆាំងគ្រឿងញៀនខុសច្បាប់ ស្របតាមទិសស្លោក «៣កុំ ១រាយការណ៍»។

ទន្ទឹមនេះ ត្រូវជំរុញចលនាផ្សព្វផ្សាយគោលនយោបាយ «ភូមិ ឃុំ-សង្កាត់មានសុវត្ថិភាព» ឱ្យបានសកម្មផុលផុសតាមគ្រប់រូបភាព គ្រប់ទីកន្លែង ចំគោលដៅ និងចំមុខសញ្ញា ជាពិសេសសិស្សានុសិស្ស កម្មករ ពលករ ដើម្បីបានជ្រួតជ្រាប យល់ដឹងអំពីគ្រោះថ្នាក់ដោយសារគ្រឿងញៀន និងច្បាប់ស្តីពីការត្រួតពិនិត្យគ្រឿងញៀន សំដៅឈានទៅលុបបំបាត់ទីផ្សារគ្រឿងញៀន។

សម្ដេច នាយករដ្ឋមន្ត្រី ក៏បានជំរុញឱ្យអនុវត្តវិធានការច្បាប់ និងវិធានការរដ្ឋបាលឱ្យបានម៉ឺងម៉ាត់ និងដូចភ្លៀងរលឹម សំដៅស្រាវជ្រាវវែករកឱ្យឃើញបណ្តាញអង្គការចាត់តាំងនៃក្រុមឧក្រិដ្ឋជនគ្រឿងញៀន ឧបាយកល សកម្មភាពទំនាក់ទំនង ការដឹកជញ្ជូន កែច្នៃ ផលិត ជួញដូរគ្រឿងញៀន រួមទាំងទីតាំងប្រមូលផ្តុំការប្រើប្រាស់គ្រឿងញៀន ដើម្បីបើកប្រតិបត្តិការបង្ក្រាបឱ្យដល់ឫសគល់ប្រកបដោយប្រសិទ្ធភាព៕

The post ពលរដ្ឋអាចប្រាប់ពីករណីគ្រឿងញៀនតាមប្រព័ន្ធ Hotline របស់មន្ទីរប្រឆាំងបទល្មើសគ្រឿងញៀន ដោយរក្សាការសម្ងាត់ appeared first on Kampuchea Thmey Daily.