មន្ទីរពេទ្យព្រះអង្គឌួងបានដាក់ឱ្យដំណើរការម៉ាស៊ីនឡាហ្សែទំនើបនិងមានតែមួយគត់នៅក្នុងប្រទេសកម្ពុជាមានសមត្ថភាពខ្ពស់ក្នុងការបំបែកគ្រាប់គ្រួសក្នុងតម្រង់នោមបានលឿនរហ័សនិងប្រកបដោ យប្រសិទ្ធភាព។

ថ្លែងក្នុងពិធីដាក់ឱ្យដំណើរម៉ាស៊ីនឡាហ្សែម៉ាញ៉ាតូ សាយប៊ែតូកម្លាំង១៥០វ៉ាត់( Laser Magneto Cyberto 150W)នៅរសៀលថ្ងៃទី២ មិថុនានេះ លោក សាស្ត្រាចារ្យ រង លូ លីឃាង នាយកមន្ទីរពេទ្យព្រះអង្គឌួងបានមានប្រសាសន៍ថាម៉ាស៊ីនឡាហ្សែល កម្លាំង១៥០វ៉ាត់ ដ៏ទំនើបនេះមានតែមួយគត់និងជាលើកដំបូងនៅក្នុងប្រទេសកម្ពុជាខណៈ៥ឆ្នាំមុនមន្ទីរពេទ្យបានដាក់ឱ្យប្រើម៉ាស៊ីនឡាហ្សែលកម្លាំត្រឹម៦០វ៉ាត់ប៉ុណ្ណោះ។

លោកសាស្ត្រាចារ្យរង បានបន្តថាការដាក់ឱ្យប្រើប្រាស់ម៉ាស៊ីនដ៏ទំនើបនេះគឺដើម្បីឆ្លើយតបទៅនឹងតម្រូវការរបស់អ្នកជំងឺដែលតែងតែគាំទ្រដល់ការផ្តល់សេវាផ្សេងៗនៅក្នុងមន្ទីរពេទ្យដោយសារបច្ចុប្បន្នមានអ្នកជំងឺមកទទួលសេវានៅមន្ទីរពេទ្យបានកើនឡើងប្រមាណ៣៥០០នាក់ក្នុង១ថ្ងៃក្នុងនោះក៏មានអ្នកជំងឺមកទទួលពិនិត្យនិងព្យាបាលបញ្ហាគ្រួសក្នុងតម្រង់នោមផងដែរ ។

ទន្ទឹមនឹងមានឧបករណ៍ទំនើប និងមានវេជ្ជបណ្ឌិតជំនាញ លោកសាស្ត្រាចារ្យ រងលូ លីឃាង សង្ឃឹមថានឹងមានប្រជាពលរដ្ឋកាន់តែច្រើនបន្ថែមទៀតមកទទួលសេវានៅមន្ទីរពេទ្យ ។ដូចនេះស្នើឱ្យគ្រូពេទ្យយើងត្រូវបន្តការខិតខំប្រឹងប្រែងបន្ថែមទៀតពិសេសត្រូវប្រកាន់ភ្ជាប់នូវក្រមសីលធម៌វិជ្ជាជីវៈជាគ្រូពេទ្យដែលជាគោលការណ៍គន្លឹះរបស់មន្ទីរពេទ្យព្រះអង្គឌួងតាំងពីដើមរៀងមក។

លោកស្រីសាស្ត្រាចារ្យជំនួយ ជុកម៉ុល កុសុម៉ា នាយិការងនៃមន្ទីរពេទ្យព្រះអង្គឌួងបានឱ្យដឹងដែរថាការដាក់ឱ្យប្រើប្រាស់ម៉ាស៊ីនទំនើបនេះគឺជាបបច្ចេកវិទ្យាថ្មីមួយបង្ហាញឱ្យឃើញពីការអភិវឌ្ឍនៃវិស័យសុខាភិបាលនៅកម្ពុជាក៏ដូចជានៅក្នុងមន្ទីរពេទ្យមន្ទីរពេទ្យព្រះអង្គឌួងដែលាមនសមត្ថភាពខ្ពស់កម្លាំងធំនិងប្រសិទ្ធភាពជាងមុនខណៈថ្មីៗកន្លងទៅនេះមន្ទីរពេទ្យបានដាក់ឱ្យដំណើរការរួចមកហើយដូចជាម៉ាស៊ីនអង់ដូស្កុបទំនើប ម៉ាស៊ីន អាំម៉ារ៉ាយ ម៉ាស៊ីនស៊ីស៊ីធីស្កេន១៦០ស្លាយ សម្រាប់ពិនិត្យនិងព្យាបាលបញ្ហាក្នុងបំពង់ទឺកប្រមាត់ និងលំពែង និងអាចប្រើឡាហ្សែជំនួយក្នុងការបាញ់បំបែកក្រួសឱ្យតូចៗ ក្នុងករណីក្រួសធំៗមិនអាចចាប់បាននិងវះកាត់បាតខួរក្បាលជាដើម។

លោកស្រីសាស្ត្រាចារ្យជំនួយបានបន្តថាការមានម៉ាស៊ីនទំនើបទាំងនេះនឹងជួយបម្រើសេវាជូនប្រជាពលរដ្ឋកាន់តែបានល្អប្រសើរនិងប្រកបដោយគុណភាពដោយប្រជាពលរដ្ឋមិនចាំបាច់ទៅព្យាបាលនៅក្រៅប្រទេសនោះទេ ។

លោក វេជ្ជបណ្ឌិត តឹក សុខសាន្តឧត្តម ជាគ្រូពេទ្យវះកាត់សល្យសាស្រ្តព្រព័ន្ធទឹកម៉ូតនិងជាប្រធានផ្នែកសល្យសាស្ត្រព្រព័ន្ធទឹកម៉ូតនៃមន្ទីរពេទ្យព្រះអង្គឌួងបានបញ្ជាក់ថាម៉ាស៊ីនឡាហ្សែម៉ាញ៉ាតូ សាយប៊ែតូកម្លាំង១៥០វ៉ាត់ជាបច្ចេកវិទ្យាឡាស៊ែរជំនាន់ថ្មីបំផុត សម្រាប់ព្យាបាលផ្នែកសល្យសាស្ត្រប្រព័ន្ធទឹកម៉ូត។ដោយម៉ាស៊ីននេះ មានសមត្ថភាពខ្ពស់ ទាំងការបំបែកក្រួសរឹងខ្លាំងរឺបំបែកក្រួសឱ្យទៅជាម៉ត់ដូចម្សៅបានលឿន និងមានប្រសិទ្ធភាពខ្ពស់ ហើយការព្យាបាលជំងឺក្រពេញប្រូស្តាតក៏បានកាន់តែលឿន ហើយមានប្រសិទ្ធិភាពខ្ពស់។ជាងនេះទៀតជួយទប់ក្រួសកុំឱ្យរត់ក្នុងពេលព្យាបាល។មានប្រសិទ្ធភាពខ្ពស់ក្នុងការឃាត់ឈាម សម្រាប់ព្យាបាលជំងឺក្រពេញប្រូស្តាត ចៀសវាងការវះកាត់និងឆាប់បានជាសះស្បើយនិងបានត្រឡប់ទៅផ្ទះបានលឿន៕

អត្ថបទ៖ សំអឿន

The post មន្ទីរពេទ្យព្រះអង្គឌួងដាក់ឱ្យដំណើរការម៉ាស៊ីនឡាហ្សែលទំនើបមានសមត្ថភាពខ្ពស់ក្នុងការបំបែកគ្រាប់គ្រួសក្នុងតម្រង់នោម appeared first on Kampuchea Thmey Daily.

វគ្គបណ្តុះបណ្តាលនេះ បានប្រព្រឹត្តិទៅនៅរសៀលថ្ងៃទី៨ ខែឧសភា ឆ្នាំ២០២៦ នៅមន្ទីរពេទ្យព្រះអង្គឌួងក្រោមអធិបតីភាព លោក សាស្ត្រាចារ្យរង លូ លីឃាង នាយកមន្ទីរពេទ្យព្រះអង្គឌួងនិងលោក បាក់ តុក្យូ នាយកប្រចាំប្រទេស នៃ មូលនិធិ Fred Hollow កម្ពុជា។

លោកសាស្ត្រាចារ្យ គង់ ពិសិដ្ឋ នាយក​រង​មន្ទីរពេទ្យព្រះអង្គឌួង​បាន​មាន​ប្រសាសន៍​ថា វគ្គបណ្តុះបណ្តាលនេះ បង្កើតឡើង ក្នុងគោលបំណង ដើម្បី​ពង្រឹងគុណភាព និង ពង្រីកសេវាថែទាំសុខភាពភ្នែក នៅតាមមន្ទីរពេទ្យបង្អែកខេត្ត និង ស្រុក ជាពិសេសមន្ទីរពេទ្យដែលសម្ព័ន្ធមេត្រីរបស់មន្ទីរពេទ្យព្រះអង្គឌួង ក្នុងនោះមានសិក្ខាកាម​មក​ពី​តាម​បណ្តាខេត្ត ចំនួន ១១ នាក់បានបញ្ចប់ការសិក្សាដែលអញ្ជើញមកពី ខេត្ត កែប១ នាក់កំពត ៤ នាក់ តាកែវ ៥ នាក់និង កំពង់ចាម ១ នាក់។ ចំណែកវគ្គថ្មីមានចំនួន ១៤នាក់ មកពី ខេត្តកំពង់ចាម៤ នាក់ កំពត ២ នាក់ ពោធិ៍សាត់ ២ នាក់ កណ្តាល ១ នាក់ បាត់ដំបង ១ នាក់ ព្រៃវែង ១ នាក់បន្ទាយមានជ័យ ២ នាក់និងកោះកុង ១ នាក់។

លោកសាស្ត្រាចារ្យបានបន្តថា វគ្គបណ្តុះបណ្តាលនេះ មានរយៈពេល ៣ ខែ ដែល ការបណ្តុះបណ្តាលផ្តោត សំខាន់លើ ការពិនិត្យ និង ព្យាបាល ជំងឺភ្នែកបឋម ក៏​ដូចជាការសង្គ្រោះ និង បញ្ជូនទាន់ពេលវេលា ដែលរួមបញ្ចូលទាំង ទ្រឹស្តី និង ការអនុវត្តផ្ទាល់ទៅតាមកម្មវិធីសិក្សាស្នូលសម្រាប់បណ្តុះបណ្តាលគ្រូ ពេទ្យទូទៅផ្នែកចក្ខុរោគនៅមន្ទីរពេទ្យព្រះអង្គឌួង។

លោកសាស្ត្រាចារ្យបានបន្តទៀតថា​ វគ្គបណ្តុះបណ្តាល នេះ គាំទ្រដោយមូលនិធី Fred Hollow កម្ពុជា ដែលជាអង្គការមួយជួយដល់វិស័យចក្ខុរោគធំធេងណាស់ តាំងពី​ដើម​រហូត​មក​ទាំងការ​បណ្តុះបណ្តាល​បច្ចេកទេស ឧបករណ៍​សម្ភារៈ​វះកាត់ ការព្យាលនិងវះកាត់ដើម្បីទប់ស្កាត់ភាពពិការភ្នែកនៅកម្ពុជាបានយ៉ាងច្រើនរហូតមក​ដល់​បច្ចុប្បន្នហើយបានធ្វើឲ្យវិស័យ ចក្ខុរោគ​នៅ​កម្ពុជាមានការីកចំរើនដើម្បីទប់ស្កាត់ភាពពិការភ្នែកបានយ៉ាងទូលំទូលាយ ហើយបន្តគ្រប ដណ្តប់ទូទាំងប្រទេស។

លោក បាក់ តុក្យូ នាយកប្រចាំប្រទេស នៃ មូលនិធិ Fred Hollow កម្ពុជា​បាន​មាន​ប្រសាសន៍​ថា វគ្គបណ្តុះបណ្តាលនេះពិតជាមានសារសំខាន់ខ្លាំងក្នុងការផ្តល់ជំនាញផ្នែកចក្ខុរោគនេះដល់គ្រូពេទ្យនៅតាមមន្ទីរពេទ្យបង្អែកខេត្ត និង ស្រុកឱ្យទទួលបានជំនាញផ្នែកចក្ខុរោគនេះ។

លោកបានប្តេជ្ញាថាមូលនិធិ Fred Hollowនឹង​បន្ត​ជួយឧបត្ថម្ភគាំទ្រដល់មន្ទីរពេទ្យព្រះអង្គឌួងជាបន្តទៀតក្នុងការបណ្តុះបណ្តាលដល់គ្រូពេទ្យផ្នែកចក្ខុរោគនេះឱ្យបានកាន់តែច្រើនបន្ថែមទៀត។

លោក សាស្ត្រាចារ្យរង លូ លីឃាង នាយកមន្ទីរពេទ្យព្រះអង្គឌួងបានណែនាំដល់សិក្ខាកាមទាំងអស់ត្រូវខិតខំយកចិត្តទុកដាក់សិក្សារៀនសូត្រពីវគ្គបណ្តុះបណ្តាលនេះហើយពេលរៀនចប់វិលត្រឡប់ទៅកន្លែងធ្វើការរបស់ខ្លួនវិញត្រូវយកចំណេះជំនាញដែលបានមកពីការសិក្សានៅក្នុងវគ្គនេះទៅបម្រើសេវាជូនប្រជាពលរដ្ឋកាន់តែមានប្រសិទ្ធភាពនិងចូលរួមអភិវឌ្ឍមន្ទីរពេទ្យរបស់ខ្លួនឱ្យកាន់តែប្រសើរនិងរីកចម្រើនបន្ថែមទៀត។

លោកសាស្ត្រាចារ្យ រង បានថ្លែងអំណគុណដល់មូលនិធិ Fred Hollowដែលតែងតែបានជួយដល់មន្ទីរបេទ្យព្រះអង្គឌួងជារៀងរហូតមកពិសេសបានជួយឧបត្ថម្ភគាំទ្រទាំងថវិកានិងឧបករណ៍សម្រាប់ដំណើរការបណ្តុះបណ្តាលវគ្គសិក្សានេះ ដោយរលូនហើយសង្ឃឹមថាមូលនិធិ Fred Hollowនឹងបន្តជួយដល់មន្ទីរពេទ្យព្រះអង្គឌួងក្នុងការបើកបណ្តុះបណ្តាលផ្នែកចក្ខុរោគដល់គ្រូពេទ្យយើងជាបន្តបន្ទាប់ទៀត៕

អត្ថបទ ៖ សំអឿន

The post មន្ទីរពេទ្យព្រះអង្គឌួង បើក​វគ្គបណ្តុះបណ្តាល ចំណេះដឹងមូលដ្ឋានផ្នែកចក្ខុរោគ សម្រាប់​វេជ្ជបណ្ឌិតទូទៅ appeared first on Kampuchea Thmey Daily.

ថ្លែងក្នុងពិធីដាក់ឱ្យប្រើប្រាស់ជាផ្លូវការម៉ាស៊ីនអ៊ឹមរ៉ាយ ១.៥ តេស្លា ,ម៉ាស៊ីន CT-scan 160slice និងម៉ាស៊ីនអង់ដូស្តូប កាលពីរសៀលថ្ងៃទី២៩ ខែមេសា ឆ្នាំ២០២៦ លោកសាស្ត្រាចារ្យរង លូ លីឃាង ប្រធានមន្ទីរពេទ្យព្រះអង្គឌួង បានមានប្រសាសន៍ថា ការដាក់ឱ្យដំណើរការម៉ាស៊ីនទំនើបទាំង៣នេះ ដោយសារតែតម្រូវការអ្នកជំងឺមានការកើនឡើងពីមួយថ្ងៃទៅមួយថ្ងៃដោយកាលពីជាង១០ឆ្នាំមុនមានអ្នកជំងឺមកទទួលសេវានៅមន្ទីរពេទ្យតែ១៣០នាក់ទេ តែបច្ចុប្បន្នមានរហូតដល់ទៅ៣៥០០នាក់។ ដូចនេះទាមទារឱ្យមន្ទីរពេទ្យបំបាក់ឧបករណ៍ និងបរិក្ខាពេទ្យទំនើបៗដើម្បីបម្រើសេវាជូនអ្នកជំងឺឱ្យបានទាន់ពេលវេលា។

លោកសាស្ត្រាចារ្យរង លូលី ឃាង សង្ឃឹមថា ការបំពាក់ម៉ាស៊ីនទំនើបទាំងនេះនឹងជួយសម្រួលដល់ការពិនិត្យ និងព្យាបាលជំងឺជូនប្រជាពលរដ្ឋបានកាន់តែមានភាពងាយស្រួល លឿនរហ័សជាងមុនព្រោះថា ម៉ាស៊ីនទាំងនេះអាចមានសមត្ថភាពក្នុងការស្វែងរករោគវិនិច្ឆ័យឱ្យកាន់តែសុក្រឹតភាព និងប្រសិទ្ធភាពខ្ពស់ ពិសេសការវះកាត់បាតខួរទៅលើអ្នកជំងឺកើតមហារីកសាច់ដុំក្នុងច្រមុះ។

លោកស្រីសាស្ត្រាចារ្យជំនួយ ជុកម៉ុល កុសុម៉ា នាយិការងនៃមន្ទីរពេទ្យព្រះអង្គឌួងបានឱ្យដឹងដែរថា ម៉ាស៊ីនទំនើបទាំង៣នេះ បង្ហាញឱ្យឃើញពីការអភិវឌ្ឍនៃវិស័យសុខាភិបាលនៅកម្ពុជាព្រោះថា ម៉ាស៊ីនទាំងនេះបានជួយឱ្យការសម្រេចចិត្តរបស់គ្រូពេទ្យក្នុងការធ្វើរោគវិនិច្ឆ័យឱ្យកាន់តែច្បាស់ និងលឿនរហ័សជាងមុន និងប្រសិទ្ធភាពជាងមុន ជាពិសេស​ជួយឱ្យគ្រូពេទ្យធ្វើការសម្រេចចិត្តព្យាបាលបានលឿនរហ័សដូចជាវះកាត់បាតខួរក្បាលអ្នកជំងឺមហារីកដុំសាច់ច្រមុះ។លើសពីនេះទៀតតាមរយៈបច្ចេកវិទ្យានេះជួយឱ្យប្រជាពលរដ្ឋក្នុងការកាត់បន្ថយការចំណាយផ្សេងៗក្នុងការទៅព្យាបាលនៅក្រៅប្រទេសងាកមកព្យាបាលនៅមន្ទីរពេទ្យព្រះអង្គឌួងដែលមានប្រសិទ្ធភាពប្រើប្រាស់រយៈពេលខ្លី និងចំណាយតិចបំផុត។

លោកវេជ្ជបណ្ឌិត ជិន មករា ប្រធានផ្នែកវះកាត់ត្រចៀកច្រមុះបំពង់កងទី៤ នៃមន្ទិរពេទ្យព្រះអង្គឌួង បានពន្យល់ថាម៉ាស៊ីនវះកាត់បាតខួរក្បាលជាម៉ាស៊ីនមានបច្ចេកវិទ្យាជំនាន់ចុងក្រោយនេះជួយសម្រួលដល់ការវះកាត់បាតខួរក្បាល ដែលម៉ាស៊ីនទី១ មានឈ្មោះម៉ាស៊ីនអង់ដូស្ក្រូប ដែលមានសមត្ថភាពផ្តល់រូបភាព ៤K ផ្តល់លទ្ធភាពឱ្យគ្រូពេទ្យវះកាត់មើលឃើញសសៃឈាមតូចៗនៅបាតខួរក្បាល បែងចែងរវាងដុំសាច់ សសៃឈាម និងបាតខួរក្បារបានច្បាស់លាស់ និងពង្រីករូបភាពបានធំ និងច្បាស់ល្អព្រមទាំងផ្តល់គុណភាពពន្លឺច្បាស់ពេលចូលវះកាត់ទៅក្នុងផ្នែកជ្រៅក្នុងខួរក្បាលហើយពេលចូលដល់តំបន់ងងឹតវាបញ្ចេញពន្លឺដោយស្វ័យប្រវត្តិតែម្តង។ ចំណែកម៉ាស៊ីនមួយទៀតជាម៉ាស៊ីនជំនួយវះកាត់បាតខួរក្បាលដែរមានលទ្ធភាពស្វានបាតឆ្អឹងខួរក្បាលអ្នកជំងឺបានល្បឿនដល់ទៅ១៧០០០ស្វិត ក្នុង១ជុំធ្វើឱ្យស្វានឆ្អឹងបានលឿនកាត់បន្ថយពេលវេលាវះកាត់ពីវែងមកខ្លី មិនមានស្លាកស្នាមកាត់បន្ថយកាឈឺចាប់ការសម្រាកពេទ្យខ្លី។ លោកវេជ្ជបណ្ឌិតបានបន្តថា ការវះកាត់បាតកខួរក្បាលនេះគ្រូពេទ្យត្រូវសហការជាមួយផ្នែកផ្សេងៗទៀតដែររវាងគ្រូពេទ្យឯកទេសច្រមុះត្រចៀបំពងក និងគ្រូពេទ្យឯកទេសប្រព័ន្ធប្រសាទខួរក្បាល។

លោកវេជ្ជបណ្ឌិត ម៉ប់ ស៊ីហា អនុប្រធានវះកាត់ទូទៅនៃមន្ទីរពេទ្យព្រះអង្គឌួង បានបញ្ជាក់ថា ការបំពាក់ម៉ានស៊ីនទំនើបទាំងនេះ នឹងជួយឱ្យគ្រូពេទ្យមានសមត្ថភាពក្នុងការព្យាបាលអ្នកជំងឺបានប្រសើរជាងមុន ពិសេសជួយគ្រូពេទ្យក្នុងការវះកាត់អ្នកជំងឺបានស្រួល កាត់បន្ថយ ពិការភាព កាត់បន្ថយការហូរឈាម និងសម្រាកពេទ្យរយៈពេលខ្លី។

ចំណែកលោកវេជ្ជបណ្ឌិត ទុយ ពេជ្រ ប្រធានផ្នែក រូបភាពវេជ្ជសាស្ត្រនៃមន្ទីរពេទ្យព្រះអង្គឌួងបានលើកឡើងដែរថា ចំពោះម៉ាស៊ីនអាំម៉ារាយថ្មី១.៥ តេស្លា អាចថតឆ្លុះរាងកាយមនុស្សបានល្អប្រសើរក្នុងការកំណត់ជំងឺ និងធ្វើរោគវិនិច្ឆ័យឱ្យបានច្បាស់ជាងមុនដើម្បីព្យាបាលជំងឺឱ្យបានត្រឹមត្រូវ។ រីឯម៉ាស៊ីនស៊ីធីស្កែនថ្មី១៦០ស្លាយ បន្ថែមពីលើម៉ាស៊ីនដែលបំបាក់រួចហើយមាន៣គ្រឿងដូចជាម៉ាស៊ីម១៦ស្លាយ ម៉ាស៊ីន១២៣ស្លាយនិង១២៨ស្លាយ មានកម្លាំងខ្លាំងដើរលឿនពិនិត្យជំងឺកាន់តែច្បាស់ជាងមុន។

លោកសាស្ត្រាចារ្យ រង លូ លីឃាង បានលើកទឹកចិត្តឱ្យបុគ្គលិកទាំងអស់ចែករំលែកចំណេះដឹងគ្នាទៅវិញទៅមកដើម្បីបង្កើនជំនាញនិងចំណេះដឹងថ្មីៗឱ្យកាន់តែប្រសើរដើម្បីបម្រើសេវាជូនប្រជាពលរដ្ឋឱ្យកាន់តែមានប្រសិទ្ធភាព សក្តិសិទ្ធភាព សុជីវធម៌ និងក្រមសីលធម៏ដែលជាកក្តាសំខាន់បំផុតសម្រាប់មន្ទីរពេទ្យព្រះអង្គឌួងដើម្បីឱ្យប្រជាពលរដ្ឋកាន់តែមានទំនុកចិត្តមកលើមន្ទីរពេទ្យកាន់តែខ្លាំងបន្ថែមទៀត៕

អត្ថបទ៖ សំអឿន

The post មន្ទីរពេទ្យព្រះអង្គឌួង ដាក់ឱ្យប្រើប្រាស់ជាផ្លូវការម៉ាស៊ីនវះកាត់ បាតខួរក្បាលដ៏ទំនើបចុងក្រោយសម្រាប់ព្យាបាលអ្នកជំងឺមហារីកដុំសាច់ច្រមុះ appeared first on Kampuchea Thmey Daily.

លោកសាស្ត្រាចារ្យរង លូ លីឃាង បានមានប្រសាសន៍ថា ការចុះពិនិត្យសុខភាពភ្នែកនាពេលនេះ ក្នុងគោលបំណងដើម្បីចូលរួមចំណែកក្នុងការលើកកម្ពស់សុខភាពភ្នែករបស់ប្រជាពលរដ្ឋឱ្យបានល្អប្រសើរ ព្រោះថា សុខភាពភ្នែកមានសារសំខាន់ណាស់ក្នុងការរស់នៅប្រចាំថ្ងៃ។ ដូចនេះការទៅពិនិត្យភ្នែកឱ្យបានទៀងទាត់ យ៉ាងហោចណាស់ ១ ឆ្នាំម្តង ទោះបីជាភ្នែកមិនមានបញ្ហាក៏ដោយ និងការព្យាបាលភ្នែកឱ្យបានត្រឹមត្រូវ និងសុក្រឹតដោយក្រុមគ្រូពេទ្យជំនាញ នឹងជួយធ្វើឱ្យភ្នែករបស់ពលរដ្ឋមានសុខភាពល្អ។

លោកសាស្ត្រាចារ្យរង លូ លីឃាង បានបន្តថា ការចុះពិនិត្យភ្នែកនេះ មន្ទីរពេទ្យសហការជាមួយអង្គការ ហ្វ្រេដហូឡូ និង មូលនិធិ វ័ន សាញ ក្នុងនោះ មូលនិធិ វ័ន សាញ ចែកវ៉ែនតាជូនដល់ប្រជាពលរដ្ឋដោយឥតគិតថ្លៃនៅពេលគ្រូពេទ្យជំនាញពិនិត្យឃើញថា មានបញ្ហាគំហើញដែលតម្រូវឱ្យពាក់វ៉ែនតា ដើម្បីធ្វើឱ្យភ្នែកបានល្អប្រសើរ។ចំពោះប្រជាពលរដ្ឋដែលមានបញ្ហាភ្នែកឡើងបាយ ឬតម្រូវឱ្យការវះកាត់ភ្នែកអញ្ជើញទៅមន្ទីរពេទ្យព្រះអង្គឌួងឱ្យបានលឿនបំផុត ហើយការវះកាត់គឺមិនគិតថ្លៃទេ ដោយអង្គការហ្វ្រេដហូឡូជាអ្នកជួយឧបត្ថម្ភ។

លោកនាយកមន្ទីរពេទ្យ បានថ្លែងអំណរគុណយ៉ាងជ្រាលជ្រៅចំពោះអាជ្ញាធរស្រុក មន្ទីរសុខាភិបាល នៃរដ្ឋបាលខេត្តកំពង់ចាម ដែលបានសហការយ៉ាងជិតស្និទ្ធក្នុងការរៀបចំ កម្មវិធីដ៏មានអត្ថន័យនេះ ក៏សូមថ្លែងអំណរគុណចំពោះអង្គការ One Sight Essilor Luxottica Foundation, Bloomberg និងមូលនិធិ Fred Hollows Cambodia ដែលបានផ្តល់ការគាំទ្រផ្នែកបច្ចេកទេស និងថវិកា ដើម្បីធ្វើឱ្យកម្មវិធីនេះអាចប្រព្រឹត្តទៅបានដោយជោគជ័យ។

លោក គង់ នាត តំណាងអង្គការ Fred Hollows Foundation Cambodia បានអំពាវនាវដល់ប្រជាពលរដ្ឋ ដែលមានបញ្ហាភ្នែក អញ្ជើញទៅជួបជាមួយគ្រូពេទ្យមានជំនាញឯកទេសត្រឹមត្រូវ ហើយសូមកុំជឿការផ្សព្វផ្សាយតាមបណ្តាញសង្គមមិនមានប្រភពច្បាស់លាស់។ ជាមួយគ្នានេះ ប្រសិនបើពលរដ្ឋមានប័ណ្ណមូលនិធិសមធម៌ ប័ណ្ណ ប.ស.ស. មានលទ្ធភាព ឬមិនមានលទ្ធភាពក្តី សូមមេត្តាទៅឲ្យដល់ជួបជាមួយក្រុមគ្រូពេទ្យជំនាញ ឬក៏ទៅដល់មនី្ទរពេទ្យ ដើម្បីយើងធ្វើការពិនិត្យ ព្យាបាលជំងឺភ្នែកក្នុងមនី្ទរពេទ្យបង្អែកស្រីសន្ធរ ឬទៅមនី្ទរពេទ្យព្រះអង្គឌួងក៏បាន។

លោកស្រីសាស្រ្តាចារ្យជំនួយ ជុកម៉ុល កុសុម៉ា នាយិការង នៃមនី្ទរពេទ្យព្រះអង្គឌួង បានបង្ហាញនូវសេចកី្តសប្បាយរីករាយយ៉ាងខ្លាំងដែលបានឃើញប្រជាពលរដ្ឋជាច្រើន អញ្ជើញមកទទួលការពិនិត្យសុខភាពភ្នែក ក៏ដូចជាទទួលវ៉ែនតា និងថ្នាំបន្តក់ភ្នែកត្រឡប់ទៅគេហដ្ឋានរៀងៗ ខ្លួនវិញ។

ក្នុងនោះ ក្រុមគ្រូពេទ្យជំនាញ បានផ្តល់សេវាអ្នកជំងឺសរុបចំនួន ២ ១២៨ នាក់ ស្រី ១ ៣៤៨ នាក់ , អ្នកជំងឺទទួលវ៉ែនតាមានចំនួន ១ ៧៨៤ នាក់ ស្រី ១ ១១៩ នាក់ , អ្នកជំងឺបញ្ជូន ១៨៩ នាក់ ស្រី ១២៧ នាក់ និងអ្នកជំងឺវះកាត់ ១៤ នាក់ ស្រី ៩ នាក់៕
អត្ថបទ ៖ សំអឿន

The post មន្ទីរពេទ្យព្រះអង្គឌួង ដឹកនាំក្រុមគ្រូពេទ្យចុះពិនិត្យសុខភាពភ្នែក និងចែកវ៉ែនតាដោយឥតគិតថ្លៃជូនពលរដ្ឋជាង ២ ០០០ នាក់ នៅខេត្តកំពង់ចាម appeared first on Kampuchea Thmey Daily.

ថ្លែងក្នុងសន្និសិទនៃការការថែទាំស្តីពីតួនាទីរបស់គិលានុបដ្ឋាក និងឆ្មប ក្នុងវិស័យសុខាភិបាលនៅព្រឹកថ្ងៃទី៧មេសានេះនៅមន្ទីរពេទ្យព្រះអង្គឌួង លោកសាស្ត្រាចារ្យរង លូ លីឃាង បានបន្តថា «ជាការពិតណាស់ គិលានុបដ្ឋាក និងឆ្មប គឺជាបុគ្គលិកសុខាភិបាលដែលមានតួនាទីសំខាន់យ៉ាងខ្លាំងក្នុងការថែទាំ និងតាមដានស្ថានភាពអ្នកជំងឺ ចាប់ពីពេលចូលមកទទួលសេវាពិនិត្យ និងព្យាបាល រហូតដល់ពេលសម្រាកព្យាបាល និងថែទាំនៅក្នុងមន្ទីរពេទ្យ។ ការងាររបស់គិលានុបដ្ឋាក និងឆ្មប មិនត្រឹមតែជាការថែទាំផ្នែករាងកាយអ្នកជំងឺប៉ុណ្ណោះទេ ប៉ុន្តែថែមទាំងជាកម្លាំងគាំទ្រផ្នែកផ្លូវចិត្ត ជាអ្នកសម្របសម្រួលក្នុងដំណើរការព្យាបាល និងជាអ្នកធានាសុវត្ថិភាពក្នុងការផ្តល់សេវាសុខាភិបាលផងដែរ»។

លោកនាយកមន្ទីរពេទ្យបានបន្តទៀតថា ដូចនេះសន្និសិទនេះរៀបចំឡើងក្នុងគោលបំណងសំខាន់ ដើម្បីពង្រឹងសមត្ថភាព និង បង្កើនចំណេះដឹងរបស់គិលានុបដ្ឋាក និងឆ្មប ពាក់ព័ន្ធនឹងការអនុវត្ត ក្រមសីលធម៌វិជ្ជាជីវៈ ការលើកកម្ពស់ ប្រសិទ្ធភាពនៃការថែទាំអ្នកជំងឺ ក្នុងអំឡុងពេលសម្រាកព្យាបាល និងថែទាំ ក៏ដូចជាការធានាសុវត្ថិភាព និងប្រសិទ្ធភាពក្នុងការផ្តល់ឱសថ ដល់អ្នកជំងឺ។ ចំណេះដឹង និងបទពិសោធន៍ដែលទទួលបានពីសិក្ខាសាលានេះ នឹងជួយលើកកម្ពស់គុណភាពសេវាសុខាភិបាល និងបង្កើនទំនុកចិត្តរបស់ប្រជាពលរដ្ឋចំពោះប្រព័ន្ធសុខាភិបាលរបស់យើង។

លោកនាយកមន្ទីរពេទ្យជឿជាក់ថា តាមរយៈការចូលរួមយ៉ាងសកម្មរបស់អ្នកចូលរួមទាំងអស់ សន្និសិទនេះ នឹងក្លាយជាវេទិកាសំខាន់សម្រាប់ការចែករំលែកបទពិសោធន៍ ការពិភាក្សាបញ្ហាប្រឈម និងដំណោះស្រាយជាក់ស្តែង ក្នុងការលើកកម្ពស់ស្តង់ដារថែទាំអ្នកជំងឺឱ្យកាន់តែមានគុណភាព ប្រសិទ្ធភាព និងសុវត្ថិភាពខ្ពស់។

លោកនាយកមន្ទីរពេទ្យសូមលើកទឹកចិត្តដល់គិលានុបដ្ឋាក និងឆ្មប ទាំងអស់ បន្តខិតខំបង្កើនសមត្ថភាពវិជ្ជាជីវៈ រក្សាក្រមសីលធម៌វិជ្ជាជីវៈ ធ្វើការងារដោយមានទំនួលខុសត្រូវខ្ពស់ ដើម្បីធានាថា អ្នកជំងឺទទួលបានវាថែទាំប្រកបដោយគុណភាព សុវត្ថិភាព និងប្រសិទ្ធភាពខ្ពស់បំផុត។

លោកស្រីសាស្ត្រាចារ្យ អ៊ឹម សិទ្ធិការ្យ រដ្ឋលេខាធិការក្រសួងសុខាភិបាលបានថ្លែងថា សន្និសីទនេះមានសារៈសំខាន់ណាស់ ក្នុងការលើកកម្ពស់សមត្ថភាពវិជ្ជាជីវៈ ក៏ដូចជា ការកំណត់ទិសដៅអភិវឌ្ឍន៍ធនធានមនុស្សក្នុងវិស័យសុខាភិបាល។

លោកស្រី រដ្ឋលេខាធិការសូមថ្លែងអំណរគុណយ៉ាងជ្រាលជ្រៅចំពោះ SingHealth ដែលបាននាំយកអ្នកជំនាញមកចែករំលែកបទពិសោធន៍លើវិស័យអប់រំតាមរយៈការធ្វើត្រាប់ និងការអភិវឌ្ឍវិជ្ជាជីវៈ ព្រមទាំងចុះជួយវាយតម្លៃសមត្ថភាព គិលានុបដ្ឋាកនៅផ្នែកសង្គ្រោះបន្ទាន់ ផ្នែកសង្គ្រោះជំងឺធ្ងន់ និង NICU ដើម្បីជួយរៀបចំកម្មវិធីបណ្តុះបណ្តាលគិលានុបដ្ឋាកឱ្យមានសមត្ថភាពគ្រប់គ្រាន់ក្នុងការបំពេញការងារថែទាំ ប្រកបដោយគុណភាព សុវត្ថិភាព និងប្រសិទ្ធភាពខ្ពស់និងសូមថ្លែងអំណរគុណចំពោះលោកសាស្រ្តាចារ្យរង លូ លីឃាង នាយកមន្ទីរពេទ្យព្រះអង្គឌួង ដែលបានជួយជ្រុំជ្រែងសន្និសីទនេះដំណើរការបានល្អ៕

អត្ថបទ៖ សំអឿន

The post គិលានុបដ្ឋាក និងឆ្មបជាកម្លាំងស្នូលដ៏សំខាន់ក្នុងការផ្តល់សេវាសុខាភិបាលជូនប្រជាពលរដ្ឋប្រកប​ដោយគុណភាពខ្ពស់ appeared first on Kampuchea Thmey Daily.

បើតាមលោកស្រី សាស្ត្រាចារ្យជំនួយ ជុក ម៉ុល កុសុម៉ា នាយិការង មន្ទីរពេទ្យព្រះអង្គឌួងបានមានប្រសាសន៍ថាម៉ាស៊ីនឡាហ្សែ អាយ ភី អិល នេះជាបច្ចេកវិទ្យាទំនើបចុងក្រោយរបស់សហរដ្ឋអាមេរិក ហើយមានតែមួយគត់នៅក្នុងប្រទេសកម្ពុជា ពោលគឺមានតែនៅក្នុងមន្ទីរពេទ្យព្រះអង្គឌួងប៉ុណ្ណោះ ហើយម៉ាស៊ីននេះមានសមត្ថភាពខ្ពស់ក្នុងការ ព្យាបាលជំងឺភ្នែកស្ងួត ដែលមិនមានការវះកាត់ និងជួយកាត់បន្ថយការប្រើប្រាស់ថ្នាំបន្តក់ភ្នែកច្រើនដង។

លោកស្រីបានបន្តថា ការប្រើប្រាស់បច្ចេកវិទ្យា អាយ ភី អិលនេះ គឺការប្រើប្រាស់ពន្លឺកម្រិតខ្ពស់ទៅលើស្បែកជុំវិញត្របកភ្នែក ដែលជួយកាត់បន្ថយសរសៃឈាមដែលរលាក និងកម្ចាត់បាក់តេរី ដែលបង្កឱ្យមានការរលាកត្របកភ្នែក។ អត្ថប្រយោជន៍ដ៏សំខាន់បំផុត គឺជួយផ្ដល់កម្ដៅដល់ក្រពេញខ្លាញ់ ត្របកភ្នែកដើម្បីរំលាយខ្លាញ់ដែលកកស្ទះ ធ្វើឱ្យស្រទាប់ទឹកភ្នែកមានគុណភាពល្អ ភ្នែកមានសំណើម និងផាសុកភាពហើយការព្យាបាលចំណាយពេលប្រហែល ១៥ ទៅ ២០ នាទី និងមិនមានការឈឺចាប់ខ្លាំងនោះទេ។

លោកស្រីបានបន្តឱ្យដឹងថា «ការព្យាបាលដោយម៉ាស៊ីន ឡាហ្សែនេះ មិនមានគ្រោះថ្នាក់ឬបង្ករផលប៉ះពាល់ដល់បងប្អូនប្រជាពលរដ្ឋនោះទេ ហើយបន្ទាប់ពីប្រើប្រាស់ការព្យាបាលដោយម៉ាស៊ីននេះហើយ បងប្អូនអាចកាត់បន្ថយការប្រើថ្នាំដែលតែងតែរំខានដល់បងប្អូនក្នុង១ថ្ងៃត្រូវបន្តក់ថ្នាំ៦ដង ឬក៏២ម៉ោងម្តង។ អីចឹងការប្រើប្រាស់ ឡាហ្សែនេះអាចជួយកាត់បន្ថយការប្រើប្រាស់ថ្នាំក៏ដូចជាលើកកម្ពស់គុណភាពជីវិតរបស់បងប្អូនក្នុងការងារប្រចាំថ្ងៃដោយមិនចាំបាច់ដាក់ថ្នាំភ្នែកញឹកញាប់ដូចមុន ឬអាចឈប់ប្រើប្រាស់ក៏ថាបាន»។

លោកស្រីបានបន្តទៀតថា ក្រៅពីនេះមន្ទីរពេទ្យព្រះអង្គឌួងក៏មានឧបករណ៍វិភាគភ្នែកស្ងួតជាប្រព័ន្ធថតរូបភាពវេជ្ជសាស្ត្រកម្រិតខ្ពស់ ប្រើសម្រាប់ពិនិត្យសុខភាពផ្ទៃភ្នាសភ្នែក និងស្រទាប់ទឹកភ្នែកដោយមិនមានការឈឺចាប់។ ឧបករណ៍នេះ ជួយឱ្យគ្រូពេទ្យអាចកំណត់រោគវិនិច្ឆ័យបានច្បាស់លាស់ថា តើបញ្ហាភ្នែកស្ងួតបណ្តាលមកពីការខ្វះជាតិទឹកភ្នែក ឬការឆាប់ហួតខ្លាំងដែលផ្តល់ភាពងាយស្រួលក្នុងការរៀបចំផែនការព្យាបាលឱ្យចំគោលដៅ និងតាមដានប្រសិទ្ធភាពនៃការព្យាបាលបានយ៉ាងត្រឹមត្រូវ។

លោកស្រីបានពន្យល់ថា ការព្យាបាលបញ្ហាភ្នែកស្ងួតអាស្រ័យតាមកម្រិត ដូចជាការប្រើប្រាស់ទឹកភ្នែកសិប្បនិម្មិត ក្នុងកម្រិតដំបូង និងការព្យាបាលដោយបច្ចេកវិទ្យាទំនើបដូចជាការស្អំភ្នែក និងការព្យាបាលដោយ ឡាហ្សែ អាយភីអិលក្នុងកម្រិតមធ្យមទៅធ្ងន់។ ការប្រើប្រាស់ឧបករណ៍ស្អំភ្នែក ផ្ដល់អត្ថប្រយោជន៍យ៉ាងខ្លាំងក្នុងការបង្កើនសំណើមដល់ផ្ទៃភ្នាសភ្នែក និងជួយរំលាយខ្លាញ់ដែលស្ទះក្នុងក្រពេញខ្លាញ់ត្របកភ្នែក។ វិធីសាស្ត្រនេះជួយកាត់បន្ថយអាការៈរមាស់ ផ្សា ក្រហមភ្នែក និងជួយឱ្យភ្នែកមានភាពស្រស់ថ្លាឡើងវិញ។ ភ្នែកស្ងួតមានរោគសញ្ញាដែលអ្នកជំងឺជួបជាញឹកញាប់មានដូចជា ក្តៅ ផ្សារ ក្រហាយ ភ្នែកក្រហម មើលមិនច្បាស់ ឬភ្នែកឆាប់នឿយហត់ មានអារម្មណ៍ខ្លាចពន្លឺ រកាំ និងមានអារម្មណ៍ដូចជាមានអ្វីមួយនៅក្នុងភ្នែក មានចេញទឹកភ្នែកច្រើន។

លោកស្រីបានបញ្ជាក់ថា ការនាំយកម៉ាស៊ីន និងឧបករណ៍ទំនើបៗមកមន្ទីរពេទ្យនេះដោយសារបច្ចុប្បន្នជំងឺភ្នែកស្ងួតមានកើនឡើងច្រើនទៅលើគ្រប់វ័យដោយសារមានកកត្តាមួយចំនួនរួមមាន វ័យចាស់ មើលអេក្រង់កុំព្យូទ័រ ឬទូរស័ព្ទច្រើន អ្នកនៅកន្លែងស្ងួត ខ្យល់ច្រើន ឬមានម៉ា ស៊ីនត្រជាក់គ្រប់ពេល អ្នកពាក់ contact len ជាប្រចាំ ការផ្លាស់ប្តូអរម៉ូន ពិសេសស្ត្រីក្រោយមានផ្ទៃពោះ ការប្រើថ្នាំមួយចំនួនដូចជាថ្នាំប្រឆាំងអាលែហ្សី, ថ្នាំបន្ធូរការតឹងច្រមុះ, និងជំងឺ រលាកសន្លាក់ ជាដើម។

លោកស្រីសាស្ត្រាចារ្យជំនួយ ជុក ម៉ុល កុសុម៉ា បានអំពាវនាវដល់ប្រជាពលរដ្ឋកុំធ្វេសប្រហេស ចំពោះភ្នែកស្ងួតឱ្យសោះព្រោះវាអាចនាំឱ្យមានបញ្ហាគំហើញនិង ប៉ះពាល់ការរស់ នៅប្រចាំថ្ងៃហើយប្រសិនបមានបញ្ហាភ្នែកស្ងួតសូមប្រញាប់ទៅពិគ្រោះនិងព្យាបាលជាមួយគ្រូពេទ្យជំនាញ៕

អត្ថបទ៖ សំអឿន

The post មន្ទីរពេទ្យព្រះអង្គឌួង នាំយកម៉ាស៊ីន ឡាហ្សែ ទំនើបចុងក្រោយពីអាមេរិកជាលើកដំបូងមកកម្ពុជាសម្រាប់ព្យាបាលជំងឺភ្នែកស្ងួត appeared first on Kampuchea Thmey Daily.

វគ្គបណ្តុះបណ្តាលនេះ គាំទ្រដោយមូលនិធិ Fred Hollows ដែលជាអង្គការមួយជួយដល់វិស័យចក្ខុរោគ ទាំងការបណ្តុះបណ្តាលបច្ចេកទេស ឧបករណ៍សម្ភារៈវះកាត់ ការព្យាបាលនិងវះកាត់ដើម្បីទប់ស្កាត់ភាពពិការភ្នែកនៅកម្ពុជាបានយ៉ាងច្រើនរហូតមកដល់បច្ចុប្បន្ន។

ថ្លែងក្នុងពិធីបើកវគ្គបណ្តុះបណ្តាល ចំណេះដឹងមូលដ្ឋានផ្នែកចក្ខុរោគ សម្រាប់វេជ្ជបណ្ឌិតទូទៅនៅព្រឹកថ្ងៃទី២កម្ភៈនេះ លោកសាស្ត្រាចារ្យ គង់ ពិសិដ្ឋ នាយករងមន្ទីរពេទ្យព្រះអង្គឌួង មានប្រសាសន៍ថាវគ្គបណ្តុះបណ្តាលដែលមានរយៈពេល៣ខែនេះបង្កើតឡើងក្នុងគោលបំណង ដើម្បីពង្រឹងគុណភាព និងពង្រីកសេវាថែទាំសុខភាពភ្នែកនៅតាមមន្ទីរពេទ្យ បង្អែកខេត្ត-ស្រុក ជាពិសេសមន្ទីរពេទ្យដែលជាសម្ព័ន្ធមេត្រីរបស់មន្ទីរពេទ្យព្រះអង្គឌួង ដោយមានសិក្ខាកាមមកពីតាមបណ្តាខេត្ត ចំនួន ១១ នាក់ក្នុងនោះមកពី ខេត្តកែប ១ នាក់ កំពត ៤ នាក់ តាកែវ ៥ នាក់ និងខេត្តកំពង់ចាម ១ នាក់។

លោកបន្តថា វគ្គបណ្តុះបណ្តាលនេះផ្តោតសំខាន់លើ ការពិនិត្យ និងព្យាបាលជំងឺភ្នែកបឋម ក៏ដូចជាការសង្គ្រោះ និង បញ្ជូនទាន់ពេលវេលា ដែលរួមបញ្ចូលទាំង ទ្រឹស្តី និងការអនុវត្តផ្ទាល់ទៅតាមកម្មវិធីសិក្សាស្នូលសម្រាប់បណ្តុះបណ្តាលគ្រូពេទ្យទូទៅផ្នែកចក្ខុរោគនៅមន្ទីរពេទ្យព្រះអង្គឌួង។

លោកសាស្ត្រាចារ្យរង  លូ  លីឃាង នាយកមន្ទីរពេទ្យព្រះអង្គឌួង បានថ្លែងអំណរគុណដល់មូលនិធិ Fred Hollows ដែលជានិច្ចកាលតែងតែជួយដល់មន្ទីរពេទ្យព្រះអង្គឌួងនិងមន្ទីរពេទ្យនានា។ នាឱកាសនេះ លោកបានណែនាំដល់សិក្ខាកាមទាំងអស់ត្រូវខិតខំត្រងត្រាប់ស្តាប់គ្រូពន្យល់ ហើយបើមានចម្ងល់អ្វីត្រូវហ៊ានសាកសួរដើម្បីទទួលបាននូវចំណេះដឹងថ្មីៗយកទៅបម្រើសេវាថែទាំនិងព្យាបាលជំងឺភ្នែកនៅតាមមន្ទីរពេទ្យឱ្យបានល្អប្រសើរ ពិសេសការពារនិងទប់ស្កាត់ភាពពិការភ្នែកឲ្យមានគុណភាព និងប្រសិទ្ធិភាព។

លោកស្រី សម សុជា នាយកកម្មវិធីនៃមូលនិធិ Fred Hollows សង្ឃឹមយ៉ាងមុតមាំថាតាមរយៈវគ្គបណ្តុះបណ្តាលនេះនឹងជួយពង្រឹងសមត្ថភាពបន្ថែមទៀតដល់វេជ្ជបណ្ឌិត យកទៅអនុវត្តការងារថែទាំសុខភាពភ្នែកនៅតាមមន្ទីរពេទ្យរបស់ខ្លួនកាន់តែប្រសើរឡើង និងប្រកបដោយគុណភាព។ លោកស្រីបញ្ជាក់ថា ក្រៅពីការងារបណ្តុះបណ្តាលនេះ មូលនិធិ Fred Hollows បានជួយការងារទៅលើអ្នកជំងឺដែលមានបញ្ហាឡើងបាយភ្នែក និងផ្តល់វ៉ែនតាដល់អ្នកជំងឺដែលមានបញ្ហាគំហើញព្រមទាំងជួយផ្តល់ជាសម្ភារៈចក្ខុរោគមួយចំនួនតាមមន្ទីរពេទ្យផងដែរ៕

អត្ថបទ៖ សំអឿន

The post មន្ទីរពេទ្យព្រះអង្គឌួង ផ្តល់វគ្គបណ្តុះបណ្តាលដល់វេជ្ជបណ្ឌិតពង្រឹងគុណភាពសេវាថែទាំតាមមន្ទីរពេទ្យបង្អែកខេត្ត appeared first on Kampuchea Thmey Daily.

លោកសាស្ត្រាចារ្យរងបានបន្តថា ដូច្នេះ ការអភិវឌ្ឍចំណេះដឹង វិជ្ជាជីវៈ សំដីសំដៅ អត្តចរិត និងក្រមសីលធម៌ក្នុងការថែទាំ គឺជាគន្លឹះសំខាន់ ក្នុងការធានាសុវត្ថិភាពអ្នកជំងឺ ការកែលម្អគុណភាព សេវាសុខាភិបាល និងការបង្កើនទំនុកចិត្តពីសង្គមចំពោះមន្ទីរពេទ្យរបស់យើង។

ថ្លែងក្នុងវគ្គបណ្តុះបណ្តាលស្តីពី ផ្នែកថែទាំសម្រាប់គិលានុដ្ឋាកនៅព្រឹកថ្ងៃទី២១ ខែមករា ឆ្នាំ២០២៦ នៅមន្ទីរពេទ្យព្រះអង្គឌួង លោកសាស្ត្រាចារ្យរង លូ លីឃាងបាន លើកទឹកចិត្តដល់បុគ្គលិកគិលានុដ្ឋាក-យិកាទាំងអស់ ចូលរួម សិក្សា ស្តាប់ និងផ្លាស់ប្តូរបទពិសោធន៍ ឱ្យបានយ៉ាងសកម្ម និងយកចំណេះដឹងដែលទទួលបាន ពីវគ្គបណ្តុះបណ្តាលនេះ ទៅអនុវត្តជាក់ស្តែងក្នុងការងារប្រចាំថ្ងៃ ដើម្បីលើកកម្ពស់គុណភាព និងស្តង់ ដារនៃការថែទាំអ្នកជំងឺឱ្យកាន់តែល្អប្រសើរ។ព្រោះថាវគ្គបណ្តុះបណ្តាលនេះផ្តោតទៅលើការពង្រឹងសមត្ថភាពដល់បុគ្គលិកដែលជាគិលានុបដ្ឋាក គិលានុបដ្ឋាយិកាទាំងអស់ នៃមន្ទីរពេទ្យ ព្រះអង្គឌួង និងមន្ទីរពេទ្យសម្ព័ន្ធមេត្រី ឱ្យទទួលបាននូវចំណេះដឹង និងជំនាញថ្មីៗ ក្នុងការអនុវត្ត ការថែទាំប្រកបដោយសីលធម៌ សុវត្ថិភាព គុណភាព និងប្រសិទ្ធភាព ជាពិសេសការផ្តោតលើអ្នក ជំងឺជាចម្បង (Patient Centered Care)។

លោកស្រី សាស្ត្រាចារ្យ អ៊ឹម សិទ្ធិការ្យ រដ្ឋលេខាធិការក្រសួងសុខាភិបាលបានមានប្រសាសន៍ថាវិជ្ជាជីវៈគិលានុបដ្ឋាក និងឆ្មប គឺជាឆ្អឹងខ្នងនៃប្រព័ន្ធសុខាភិបាល។ ការផ្តល់សេវាថែទាំអ្នកជំងឺ មិន មែនទាមទារតែជំនាញបច្ចេកទេសប៉ុណ្ណោះទេ ប៉ុន្តែថែមទាំងត្រូវការនូវ សីលធម៌ សុវត្ថិភាព និងគុណភាព ខ្ពស់បំផុត។

លោកស្រី សាស្ត្រាចារ្យសង្ឃឹមយ៉ាងមុតមាំថា បន្ទាប់ពីបញ្ចប់វគ្គនេះ បងប្អូនគិលានុបដ្ឋាក-យិកា និងឆ្មបទាំងអស់ នឹង យកចំណេះដឹងទាំងនេះទៅអនុវត្តដោយផ្ទាល់នៅតាមផ្នែករៀងៗខ្លួន ដើម្បីបង្កើនប្រសិទ្ធភាពនៃការថែទាំ និងកសាងទំនុកចិត្តកាន់តែខ្លាំងពីសំណាក់ប្រជាពលរដ្ឋដែលមកទទួលសេវា។ព្រោះថាគិលានុបដ្ឋាក និងឆ្មបសារៈសំខាន់នៃវិជ្ជាជីវៈនិងជាកម្លាំងចលករដ៏ ចម្បងក្នុងការសម្រេចបាននូវ ការគ្របដណ្តប់សុខភាពជាសកល។ ដូច្នេះហើយបានជាក្រសួងសុខាភិបាលតែងតែចាត់ទុកការបណ្តុះបណ្តាលធនធានមនុស្សក្នុងវិស័យថែទាំ ជាអាទិភាពខ្ពស់ បំផុត ដើម្បីធានាបាននូវការផ្តល់សេវាប្រកបដោយសមធម៌ សុវត្ថិភាព និងគុណភាព។ ការពង្រឹងសមត្ថភាព លើ «ផ្នែកថែទាំសម្រាប់គិលានុដ្ឋាក និងឆ្មប» នៅថ្ងៃនេះគឺជាផ្នែកមួយនៃយុទ្ធសាស្រ្តពង្រឹងប្រព័ន្ធសុខាភិបាល ជាតិឱ្យកាន់តែរឹងមាំ។

លោកស្រី សាស្ត្រាចារ្យបានលើកឡើងថាក្រសួងសុខាភិបាលសូមវាយតម្លៃខ្ពស់ចំពោះកិច្ចការរបស់លោក លោកស្រី ទាំងអស់ជាពិសេសក្នុងពេលដែលប្រទេសកម្ពុជាផលប៉ះពាល់ពីសង្គ្រាមនពាន ជាមួយសត្រូវ។ ដូច្នេះ ការអភិវឌ្ឍសមត្ថភាពក្នុងថ្ងៃនេះ មិនមែនសម្រាប់តែខ្លួនបងប្អូនម្នាក់ៗនោះទេ ប៉ុន្តែគឺដើម្បីបុព្វហេតុ សុខភាពសាធារណៈទាំងមូល ចាប់ពីថ្នាក់មន្ទីរពេទ្យរហូតដល់សហគមន៍៕

អត្ថបទ៖ សំអឿន

The post គិលានុដ្ឋាកយិកា គឺជាកម្លាំងស្នូលដ៏សំខាន់មួយក្នុងការធានាសុវត្ថិភាពអ្នកជំងឺ និងបង្កើនទំនុកចិត្តពីសង្គមចំពោះមន្ទីរពេទ្យ appeared first on Kampuchea Thmey Daily.