ការរៀបចំកម្មវិធីនេះ ដើម្បីឆ្លុះបញ្ចាំងពីវឌ្ឍនៈភាពនៃផែនការសកម្មភាពពីវេទិការៀនសូត្រកន្លងទៅ ចែករំលែកបទពិសោធន៍ ពាក់ព័ន្ធនឹងលទ្ធផលនៃការរៀនសូត្ររបស់កុមារ និងការស្វែងរកការគាំទ្រពីសំណាក់អាជ្ញាធរ និងអ្នកពាក់ព័ន្ធ ក្នុងការឆ្លើយតបបញ្ហាប្រឈមចំពោះគុណភាពនៃការសិក្សារបស់កុមារងាយគ្រោះ និងកុមារបាត់បង់ឱកាសសិក្សា។

ក្នុងឱកាសនោះ កញ្ញា ឡាយ ស៊ីថុន ប្រធានប្រតិបត្តិនៃអង្គការទស្សនៈពិភពលោកអន្តរជាតិ បានលើកឡើងថា ការគាំទ្រ និងរៀបចំកម្មវិធីនេះ ជាកិច្ចសហការដ៏ស្និទ្ធស្នាលមួយដើម្បីផ្តល់លទ្ធភាពឱ្យអង្គការ ទស្សនៈពិភពលោក នៅតែអាចរួមចំណែកធ្វើការអភិវឌ្ឍនៅក្នុងមូលដ្ឋានខេត្តកំពង់ធំ កាន់តែកក់ក្តៅ និងលើកកម្ពស់ការផ្លាស់ប្រែសហគមន៍ ពិសេសជុំវិញវិស័យអប់រំនៅតាមស្រុក និងឃុំបន្ថែមទៀត។ អង្គការនៅតែបន្តចូលរួមនៅក្នុងការពង្រឹងអភិបាលកិច្ចសាលារៀន ទាំងកម្រិតមត្តេយ្យ និងបឋមសិក្សា ដែលផ្តោតសំខាន់លើលទ្ធផលសិក្សារបស់សិស្ស ពិសេសសិស្សរៀនយឺត បច្ចេកទេសនៃការបង្រៀន និងរៀន ពង្រឹងការចូលរួមរបស់ សហគមន៍ ក៏ដូចជាគណនេយ្យភាពរបស់គណគ្រប់គ្រងសាលារៀន។

កញ្ញា បន្តថា ការលើកកម្ពស់ការចូលរៀនតាមរយៈការពង្រឹងលើសុខភាពសិក្សា បរិក្ខាអនាម័យ ទឹកស្អាត និងកម្មវិធីផ្តល់អាហារតាមសាលារៀន និងការពង្រឹងលើផែនការអភិវឌ្ឍសាលា ទាំងនៅកម្រិតមត្តេយ្យសហគមន៍ និងបឋមសិក្សា ជាសកម្មភាពស្នូល ដែលអង្គការទស្សនៈពិភពលោក បាននិងកំពុងដាក់បញ្ចូលលើផែនការប្រចាំឆ្នាំរបស់ខ្លួន និងផែនការប្រតិបត្តិអប់រំ ដែលបានរួមបញ្ចូលជាមួយមន្ទីរ អប់រំ និងអង្គការដៃគូនានាក្នុងខេត្តផងដែរ។

ជាមួយគ្នានេះ លោក ព្រឹម រដ្ឋា អភិបាលរងខេត្តកំពង់ធំ លើកឡើងថា យុទ្ធសាស្ត្រអប់រំឆ្នាំ ២០២៤-២០២៨ ក្រសួងអប់រំយុវជន និងកីឡា ផ្តោតសំខាន់លើកត្តាបីចំបង គឺ ទី១.គុណភាព សំដៅលើការកែ លម្អការបង្រៀន និងការរៀន តាមរយៈការបណ្តុះបណ្តាលគ្រូបង្រៀន ការបង្កើតកម្មវិធីសិក្សាថ្មី ដែលជំរុញ ការគិតវិភាគ សីលធម៌ និងការរៀនជីវិតពេញមួយជីវិត, ទី២.សមធម៌ គឺធានាឱ្យកុមារទាំងអស់ រួមទាំងកុមារ ក្រីក្រ កុមារដែលមានពិការភាព និងកុមារដែលនៅតំបន់ឆ្ងាយ ត្រូវបានអនុញ្ញាតឱ្យចូលរៀនដោយមានឱកាស ស្មើគ្នា និងទទួលបានសេវាអប់រំដែលសមស្រប និង ទី៣.ការចូលរួមសកម្មរបស់សហគមន៍ យើងលើកទឹកចិត្ត ឱ្យមាតាបិតា អាជ្ញាធរមូលដ្ឋាន អង្គការដៃគូ និងសហគមន៍ទាំងមូល ចូលរួមយ៉ាងសកម្មក្នុងការគ្រប់គ្រង សាលារៀន ការតាមដានលទ្ធផលសិក្សា និងការផ្តល់ការគាំទ្រដល់កុមារឆ្លើយតបនឹងសេចក្តីត្រូវការមូលដ្ឋាន របស់ពួកគេ។

លោកផ្ដាំផ្ញើដល់អ្នកចូលរួមទាំងអស់ ជាពិសេសលោកគ្រូអ្នកគ្រូ ត្រូវយកចិត្តទុកដាក់ កែលម្អ និងអនុវត្តវិធីសាស្ត្របង្រៀន ស្របតាមកម្មវិធីសិក្សាថ្មី ដែលទទួលបានការបណ្តុះបណ្តាលពីក្រសួងអប់រំ និងអង្គការដៃគូនានា ឱ្យកាន់តែប្រសើរឡើង ដើម្បីជួយបំប៉នបន្ថែមដល់សិស្សរៀនយឺតក្នុងថ្នាក់របស់ខ្លួន និងជួយជំរុញឱ្យសិស្សអានបន្ថែមនៅបណ្ណាល័យ និងនៅផ្ទះ។ ហើយសាលាត្រូវពង្រឹងលើការ គ្រប់គ្រងវត្តមាន និងម៉ោងបង្រៀនរបស់លោកគ្រូអ្នកគ្រូ តាមដានកម្មវិធីបង្រៀន ការងារបរិស្ថាន ការទំនាក់ទំនងជាមួយមាតា បិតាសិស្សផងដែរ៕

អត្ថបទ៖ ឈាង មករា

The post មន្ទីរអប់រំខេត្តកំពង់ធំ រៀបចំវេទិការៀនសូត្រ និងឆ្លុះបញ្ចាំងថ្នាក់ខេត្ត ស្ដីអំពី ការអប់រំសម្រាប់ កុមារនៅបឋមសិក្សា appeared first on Kampuchea Thmey Daily.

បើ​តាម​មន្ត្រី នៃ​មន្ទីរអប់រំ​ខេត្ត​កំពង់ចាម បាន​ឲ្យ​ដឹង​ថា មន្ទីរអប់រំ យុវជន និង​កីឡា​ខេត្ត​កំពង់ចាម បាន​សហការ​ជាមួយ​ការិយាល័យ​អយក នៃ​រដ្ឋបាល​ក្រុង ស្រុក និង​នាយក​សាលា បាន​ទទួល​សិស្ស​ភៀស​សឹក ឲ្យ​ចូល​រៀន​បាន​ចំនួន ៣៨៥ នាក់ (ស្រី ២០១ នាក់)។

ជាមួយគ្នា​នោះ ខាង​មន្ទីរអប់រំ បាន​ឧបត្ថម្ភ​ដល់​សិស្ស​ទាំង ៣៨៥ នាក់ ដោយ​ក្នុង​សិស្ស​ម្នាក់ៗ ទទួល​បាន​សម្ភារៈ​សិក្សា​មាន​ដូចជា កាតាប​រៀន ១ សៀវភៅ ៥ ក្បាល និង​ប៊ិក ៥ ដើម ផង​ដែរ៕

អត្ថបទ និង រូបភាព ៖ ឡេក ចាន់ពេជ្រ

The post មន្ទីរអប់រំខេត្តកំពង់ចាម បន្តទទួលសិស្សភៀសសឹកឲ្យចូលរៀនចំនួន ៣៨៥ នាក់ appeared first on Kampuchea Thmey Daily.

បើយោងតាមសេចក្តីណែនាំ ស្តីពីការអប់រំសុវត្ថិភាពចរាចរណ៍តាមសាលារៀន ដើម្បីបង្ការ និងកាត់បន្ថយហានិភ័យគ្រោះថ្នាក់ចរាចរណ៍ មន្ទីរអប់រំ យុវជន និងកីឡា តម្រូវឱ្យនាយកសាលា រម្លឹក និងដាសតឿន នៅពេលគោរពទង់ជាតិ អំពីបទប្បញ្ញត្តិចរាចរណ៍ផ្លូវគោក រៀងរាល់ពេលគោរពទង់ជាតិ ណែនាំគ្រូបង្រៀនបញ្រ្ជាបខ្លឹមសារអំពីសុវត្ថិភាពចរាចរណ៍ ក្នុងជំហានណាមួយនៃដំណើរការបង្រៀន ទំនាក់ទំនង សហការជាមួយអាជ្ញាធរមូលដ្ឋាន ដើម្បីជំរុញ ផ្សព្វផ្សាយបទប្បញ្ញត្តិចរាចរណ៍ និងការអនុវត្តច្បាប់ចរាចរណ៍ផ្លូវគោក នៅតាមសាលារៀន។

មិនត្រឹមតែមានការណែនាំច្បាប់ ចរាចរណ៍នៅក្នុងលាសារៀននោះទេ មន្ទីរអប់រំយុវជន និងកីឡា ក៏ដាក់កំហិតឱ្យសិស្សានុសិស្ស ដែលកំពុងសិក្សារដ្ឋ និងឯកជនទាំងអស់ ត្រូវតែអនុវត្តន៍សកម្មភាព គោរពច្បាប់ចរាចរណ៍ ជាប្រចាំនៅពេលធ្វើដំណើរផងដែរ។ បញ្ហាចម្បង សិស្សានុសិស្សត្រូវស្វែងយល់អំពីសញ្ញាចរាចរណ៍ និងបទប្បញ្ញត្តិចរាចរណ៍ ដើម្បីអាចប្រើប្រាស់ផ្លូវ ប្រកបដោយសុវត្ថិភាព។ ពិនិត្យយានជំនិះមុនធ្វើដំណើរដោយធានាថាមានសុវត្ថិភាព និងមានស្ថានភាពល្អ ត្រូវពាក់មួកសុវត្ថិភាពនៅពេលជិះម៉ូតូ ឬកង់ ចាកចេញពីផ្ទះឱ្យទាន់ពេលវេលា ដើម្បីមិនចាំបាច់ប្រញាប់ប្រញាល់ ត្រូវគោរពច្បាប់ចរាចរណ៍ និងសញ្ញាចរាចរណ៍។

ជាពិសេសទៀតនោះមុនធ្វើដំណើរ ចាំបាច់ត្រូវ ត្រូវមានការប្រុងប្រយ័ត្ននៅពេលឆ្លងផ្លូវ ដោយត្រូវពិនិត្យ ឆ្វេង ស្តាំ ឱ្យបានត្រឹមត្រូវ មិនត្រូវបើកបរក្នុងល្បឿនលឿន និងប្រុងប្រយ័ត្នក្នុងការប្រើប្រាស់ផ្លូវ។ ត្រូវធ្វើដំណើរតាមផ្លូវកំណត់ (មិនបើកបរបញ្ច្រាសទិស) បើកបរប្រកបដោយសុជីវធម៌ សីលធម៌ មានការយោគយល់ និងអធ្យាស្រ័យគ្នាជិះកង់នៅពេលយប់គួរប្រើអាវការពារ ដែលមានភ្លើងសញ្ញាដើម្បីបង្កើនសុវត្ថិភាពធ្វើដំណើរ។ លើសពីនេះ ត្រូវផ្សព្វផ្សាយ ណែនាំបន្ត អំពីចំណេះដឹងស្តីពីសុវត្ថិភាពចរាចរណ៍ ដល់មិត្តភក្តិ និងសហគមន៍។

ស្របពេលជាមួយគ្នានេះដែរ អភិបាលខេត្តរតនគិរី លោក ញ៉ែម សំអឿន ក៏បានដាក់ចេញនូវវិធានការ យ៉ាងតឹងរ៉ឹងចំពោះសាលារៀន ពីបញ្ហាគ្រោះថ្នាក់ចរាចរណ៍ ដែលភាគច្រើនកើតមានទៅលើសិស្សសាលា បើកបរម៉ូតូដោយប្រើប្រាស់ផ្លូវសាធារណៈ ដោយមិនមានការប្រុងប្រយ័ត្ន មិនពាក់មួកសុវត្ថិភាព ពេលឃើញប៉ូលិសចរាចរណ៍ រត់គេចពីប៉ូលិសដែលអាចបង្កជា របួសស្នាមនិងបាត់ជីវិត។

លោកចៅហ្វាយខេត្ត ក៏បានជំរុញបន្ថែមទៀតផងដែរ ចំពោះកិច្ចខិតខំជំរុញ លោកគ្រូ អ្នកគ្រូ និងសិស្សានុសិស្ស ត្រូវតែអនុវត្តច្បាប់ចរាចរណ៍ ដោយម៉ឺងម៉ាត់ តាមរយៈការពាក់មួកសុវត្ថិភាព ជិះម៉ូតូដោយប្រុងប្រយ័ត្ន និងពិនិត្យម៉ូតូនៅមុនចេញដំណើរ ទៅសាលារៀន តម្រូវឱ្យពាក់សុវត្ថិភាពជាប្រចាំ នៅពេលជិះម៉ូតូ។ ចំពោះបញ្ហាគ្រោះថ្នាក់ចរាចរណ៍ ភាគច្រើនជាសិស្សមិនពាក់សុវត្ថិភាព ដែលគេចពីប៉ូលិសទើបធ្វើឱ្យមានការបាត់បង់ជីវិត។

ការគោរពច្បាប់ចរាចរណ៍នេះ មិនថាតែសិស្សសាលានោះទេ ដែលត្រូវគោរពច្បាប់ចររាចរណ៍ ត្រូវពាក់មួកសុវត្ថិភាព បើកបរឱ្យគោរពជីវិតមនុស្សនៅលើដងផ្លូវ មិនបំពានផ្លូវសារធារណៈ ទើបជៀសផុតពីគ្រោះបាត់បង់ជីវិត៕

ដោយ៖ ខៀវ ចាប

The post មន្ទីរអប់រំខេត្តរតនគិរី អំពាវនាវឱ្យសិស្សទាំងអស់ពាក់មួកសុវត្ថិភាព ជៀសវាងជួបប៉ូលិស បើករត់គេចបង្កជាគ្រោះថ្នាក់ appeared first on Kampuchea Thmey Daily.

សម្រាប់ឯកសារដែលត្រូវភ្ជាប់មកមានដូចជា៖

១- វិញ្ញាបនបត្របណ្តោះអាសន្នមធ្យមសិក្សាបឋមភូមិ (ថតចម្លង) ចំនួន ០១ សន្លឹក

២- វិញ្ញាបនបត្របញ្ចប់ការសិក្សាថ្នាក់ទី១២ (ថតចម្លង) ចំនួន ០១ សន្លឹក

៣- សេចក្តីចម្លងសំបុត្របញ្ជាក់កំណើត ឬសំបុត្របញ្ជាក់កំណើត (ថតចម្លង) ចំនួន ០១ សន្លឹក

៤- បង្កាន់ដៃបងសិទ្ធិប្រឡង ចំនួន ០១ សន្លឹក

៥- រូបថត Digital ចំនួន ០១ សន្លឹក

ការរៀបឯកសារដូចខាងលើ បានគ្រប់ហើយត្រូវយកទៅដាក់នៅ មន្ទីរអប់រំខេត្តរតនគិរី នៅរៀងរាល់ថ្ងៃម៉ោងធ្វើការ ។ ចាប់ទទួលពាក្យពីថ្ងៃ ការផ្តល់ពាក្យចាប់ពី ថ្ងៃទី ០៣ ខែ មីនា ឆ្នាំ២០២៥ ឈប់ទទួលពាក្យនៅ ថ្ងៃទី ២៦ ខែ មីនា ឆ្នាំ២០២៥ ។ មណ្ឌលប្រឡងនៅវិទ្យាល័យភូមិថ្មី ខេត្តរតនគិរី ។

សូមជម្រាបថា ការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០២៥ នឹងប្រព្រឹត្តទៅនៅថ្ងៃទី១៨ ខែសីហា ឆ្នាំ២០២៥៕

ដោយ៖ ខៀវ ចាប

The post មន្ទីរអប់រំ ខេត្តរតនគិរី អំពាវនាវឲ្យអ្នកដែលប្រឡងបាក់ឌុបធ្លាក់ រូតរះទៅដាក់ពាក្យប្រឡងស្វៃរិន appeared first on Kampuchea Thmey Daily.

កិច្ចប្រជុំនេះដោយមានការចូលរួម លោក យឹម សំណាង អភិបាលរងខេត្តបន្ទាយមានជ័យ លោក ឈូ ប៊ុនរឿង ប្រធានមន្ទីរអប់រំ យុវជន និងកីឡាខេត្ត លោក ជាម សុក ប្រធានក្រុមប្រឹក្សាក្រុងសិរីសោភ័ណ លោក ប៊ុក ឡាយជី ប្រធានមន្ទីរពាណិជ្ជកម្មខេត្ត ប្រធានមន្ទីរពាក់ព័ន្ធ  លោក លោកស្រី ថ្នាក់ដឹកនាំ សាស្ត្រាចារ្យ លោកគ្រូ អ្នកគ្រូ និងមន្ត្រីរអប់រំ ជាង ១០០នាក់។

ក្នុងកិច្ចប្រជុំនោះ លោក ឈូ ប៊ុនរឿង បានអានសេចក្តីណែនាំ លេខ ៧១ អយក សណន ស្តីពី ការហាមឃាត់ការទទួលទាន ការចែកចាយ ការតាំងលក់ និងការផ្សព្វផ្សាយពាណិជ្ជកម្ម ផលិតផលភេសជ្ជៈប៉ូវកម្លាំងគ្រប់ប្រភេទ នៅក្នុង និងជុំវិញជាប់ បរិវណ គ្រឹះស្ថានសិក្សាចំណេះទូទៅសាធារណៈ និងឯកជន និងគ្រឹះស្ថានអប់រំបច្ចេកទេសជាដើម។

លោក ឈូ ប៊ុនរឿងបានមានប្រសាសន៍បន្តទៀតថា យោងតាមអនុសាសន៍របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចេញបទបញ្ជាយ៉ាងតឹងរឹងដល់ក្រសួងអប់រំ យុវជននិងកីឡា សម្តេចបានដាក់បទបញ្ជា

ឱ្យ​យកចិត្តទុកដាក់លើបញ្ហាសុខភាព របស់សិស្ស បង្ការហានិភ័យនៃជំងឺមិនឆ្លង ជាពិសេសជំងឺទឹកនោមផ្អែម ដែលពាក់ព័ន្ធនឹងទម្លាប់ ទទួលទានចំណីអាហារ ភេសជ្ជៈផ្អែម និងភេសជ្ជៈប៉ូវកម្លាំងរបស់សិស្ស។

ក្រសួងអប់រំ យុវជន និងកីឡាលេខ ១ អយក.សពត បានចេញសេចក្តីណែនាំជាបន្តបន្ទាប់ពាក់ព័ន្ធនឹងការលើក កម្ពស់សុខភាព អនាម័យ និងសុវត្ថិភាព ចំណីអាហារតាមសាលារៀនដើម្បីពង្រឹងវិធានការអនុវត្តក្នុងការលើកកម្ពស់សុវត្ថិភាព និងសុខុមាល​ភាព​ចំណី អាហារ​នៅ​តាម​គ្រឹះស្ថាន​សិក្សា ចំណេះទូទៅ​សាធារណៈ​ និង ឯកជន ក្រសួងអប់រំ​បាន​សង្កេត​ឃើញថា អាហារនៅតាមគ្រឹះស្ថានសិក្សាចំណេះទូទៅសាធារណៈនិងឯកជន នៅមិនទាន់អនុវត្តឲ្យបានគ្រប់ជ្រុងជ្រោយតាមសេចក្ដីណែនាំនៅឡើយ។

ក្នុងកិច្ចប្រជុំបន្ទាន់នោះ លោក យឹមសំណាង បានមានប្រសាសន៍ថា អនុវត្តតាមសេចក្តីណែនាំ លេខ ៧១ អយក សណន ស្តីពី របស់ក្រសួងអប់រំ ១/ហាមឃាត់ដាច់ខាតនូវការទទួលទាន ការចែកចាយ ការតាំងលក់ និងការផ្សព្វផ្សាយពាណិជ្ជកម្ម ផលិតផលភេសជ្ជៈប៉ូវកម្លាំងគ្រប់ប្រភេទ នៅក្នុង និងជុំវិញជាប់បរិវេណគ្រឹះស្ថានសិក្សា ២/ត្រូវអនុវត្តឲ្យបានម៉ឺងមាត់នូវបទប្បញ្ញត្តិនានា ដែលពាក់ព័ន្ធនឹងការលើកកម្ពស់សុវត្ថិភាពចំណី អាហារ និងអាហារប្រកបដោយសុខភាពនៅតាមគ្រឹះស្ថានសិក្សា ដែលក្រសួងបានណែនាំកន្លងមក៣/ត្រូវដាក់បញ្ចូលបន្ថែមក្នុងបទបញ្ជាផ្ទៃក្នុង ឬក្រមប្រតិបត្តិរបស់គ្រឹះស្ថានសិក្សាស្តីពី ការហាមឃាត់ ការទទួលទាន ការចែកចាយ ការតាំងលក់ និងការផ្សព្វផ្សាយពាណិជ្ជកម្មផលិតផលភេសជ្ជៈប៉ូវកម្លាំងគ្រប់ប្រភេទ នៅក្នុង និងជុំវិញជាប់បរិវេណគ្រឹះស្ថានសិក្សា ៤/ត្រូវអប់រំ ក្រើនរំឮក និងផ្សព្វផ្សាយអំពីផលប៉ះពាល់នៃការទទួលទានភេសជ្ជៈប៉ូវកម្លាំង នៅពេលគោរពទង់ជាតិ កិច្ចប្រជុំ ឬកម្មវិធីប្រមូលផ្ដុំផ្សេងៗរបស់គ្រឹះស្ថានសិក្សា/៥ត្រូវចលនាអ្នកសិក្សា និងបុគ្គលិកអប់រំឲ្យចូលរួមក្នុងការផលិតស្លាកសញ្ញា ឬសារអប់រំ ៦/ត្រូវពិនិត្យតាមដានរាល់សកម្មភាពនៃការទទួលទាន ការចែកចាយ ការតាំងលក់ ការផ្សព្វផ្សាយ ពាណិជ្ជកម្មគ្រប់ប្រភេទ នៅក្នុង និងជុំវិញបរិវេណគ្រឹះស្ថានសិក្សា ដើម្បីមានវិធានការដោះស្រាយ

តាមស្ថានភាពជាក់ស្ដែង ដូចជា បញ្ឈប់ការទទួលទាន ការចែកចាយ ការតាំងលក់ ការផ្សព្វផ្សាយពាណិជ្ជកម្ម និងការដកហូតភេសជ្ជៈប៉ូវកម្លាំង គ្រប់ប្រភេទនៅនឹងកន្លែង និងបញ្ឈប់កិច្ចសន្យាលក់ដូរ៧/ត្រូវសហការជាមួយស្ថាប័ន និងអាជ្ញាធរមានសមត្ថកិច្ចពាក់ព័ន្ធនៅតាមមូលដ្ឋានគ្រប់លំដាប់ថ្នាក់ដើម្បីចូលរួមអនុវត្តសេចក្ដីណែនាំនេះសំដៅធ្វើ​ឱ្យ “គ្រឹះស្ថានសិក្សា គ្មានភេសជ្ជៈប៉ូវកម្លាំង” ឱ្យ​បាន​ដាច់​ខាត៕

ដោយ ៖ វ៉ាន់ ណាង

The post មន្ទីរអប់រំ​ខេត្តបន្ទាយមានជ័យចេញ​សេចក្ដីណែនាំ ហាមការ​ចែកចាយ ការតាំងលក់ ភេសជ្ជៈប៉ូវកម្លាំងគ្រប់ប្រភេទ នៅក្នុងជុំវិញបរិវណគ្រឹះស្ថានចំណេះទូទៅសាធារណៈ appeared first on Kampuchea Thmey Daily.

លោក យី គឹមថាន់ នាយករងរបស់អង្គការភ្លែនប្រចាំប្រទេសបានលើកឡើងថា ការសិក្សាក្នុងកម្រិតបឋមសិក្សារបស់ក្មេងស្រី នៅភូមិភាគ­ឦសាន រួមទាំងខេត្តរតនគិរី គឺមានបញ្ហាប្រឈមជាច្រើន។ បញ្ហាទាំងនោះ មានដូចជា ខ្វះសម្ភារៈសិក្សា មិនមានប្រព័ន្ធការពារគ្រប់គ្រាន់ សាលានៅឆ្ងាយពីភូមិ និងសមត្ថភាពរបស់គ្រូបង្រៀននៅមានកម្រិត។

ដោយសារបញ្ហាទាំងអស់នេះហើយ ទើបអង្គការភ្លែនជួយដល់កុមារដែលមិនបានទៅសាលារៀន និងលើសអាយុចូលរៀន អាចឱ្យពួកគេមានឱកាសបានសិក្សាជាថ្មីតាមរយៈការសិក្សាពីចម្ងាយតាមប្រព័ន្ធអនឡាញ។ លោក យី គឹមថាន់ថា ក្នុងចំណោមសិស្សដែលមិនបានបន្តការសិក្សាទាំងជាង ៥ពាន់នាក់នោះ គឺមកពីសាលាគោលដៅចំនួន ២៥ ក្នុងស្រុកចំនួន ៤ នៅខេត្តរតនគិរី។

លោកបញ្ជាក់ថា ចំពោះគម្រោងនេះ គឺនឹងរៀបចំបរិក្ខារសិក្សាតាមប្រព័ន្ធឌីជីថល នៅតាមអនុវិទ្យាល័យ និងវិទ្យាល័យចំនួន១០ នៅស្រុកតាវែង ស្រុកអូរជុំ ស្រុកអង្គអណ្តូងមាស និងស្រុកវឿនសៃ ខេត្តរតនគិរី។ បរិក្ខារទាំងនោះរួមមាន កុំព្យូទ័រ ម៉ាស៊ីនបញ្ចាំង LCD និងការតភ្ជាប់អ៊ីនធឺណិតសម្រាប់ថ្នាក់រៀន។ ចំណែកគ្រូបង្រៀននៅក្នុងទីក្រុង នឹងបង្រៀនសិស្សតាមប្រព័ន្ធ Zoom និង Google Meet ហើយសិស្សអាចឆ្លងឆ្លើយ និងសួរសំណួរគ្រូបាន។

ដំណើរការនេះ នឹងចាប់ផ្តើមឆ្នាំសិក្សា ២០២៣-២០២៤ ក្នុងអនុវិទ្យាល័យ និងវិទ្យាល័យ១០។ ក្នុងនោះ កម្រិតវិទ្យាល័យចំនួន ៨សាលា បង្រៀន៤មុខវិជ្ជា គឺគណិតវិទ្យា គីមីវិទ្យា រូបវិទ្យា និងភាសាអង់គ្លេស។ កម្រិតអនុវិទ្យាល័យបង្រៀន២សាលា មាន៣មុខវិជ្ជា គឺគណិតវិទ្យា គីមីវិទ្យា និងភាសាខ្មែរ៕

The post អង្គការភ្លែន និងមន្ទីរអប់រំខេត្តរតនគិរី នឹងប្រមូលសិស្សមិនបានសិក្សាជាង ៥ពាន់នាក់ ឳ្យរៀនតាមឌីជីថល appeared first on Kampuchea Thmey Daily.

លោក ង៉ែត ឡឹង ប្រធាន​មន្ទីរអប់រំ យុវជន និង​កីឡា​ខេត្តកោះកុង តាមរយៈ​លិខិត​ចុះ​ថ្ងៃទី​៨ ខែសីហា ឆ្នាំ​២០២៣ បាន​ប្រាប់​ទៅកាន់​លោក លោកស្រី អភិបាលក្រុង​ស្រុក​ថា យោង​តាម​របាយការណ៍​របស់​មន្ត្រី​សុខាភិបាល និង​ការ​ផ្តល់​ព័ត៌មាន​ពី​អាណាព្យាបាល​សិស្ស​បាន​សង្កេតឃើញ​ថា មាន​លោកគ្រូ អ្នកគ្រូ បុគ្គលិក​សិក្សា និង​សិស្សានុសិស្ស​មួយ​ចំនួន​នៅ​តាម​គ្រឹះស្ថានសិក្សា​ចំណេះ​ទូទៅ​សាធារណៈ និង​ឯកជន រង​ផល​ប៉ះពាល់​បញ្ហា​សុខភាព មាន​អាការៈ​ពុល​នំចំណី​អាហារ​ដែល​បណ្តាល​មកពី​ការ​បរិភោគ​នំចំណី​អាហារ​មិនបាន​ត្រួតពិនិត្យ ឬ​ចំណីអាហារ​ចម្អិន​មិនបាន​ល្អ​ត្រឹមត្រូវ ចំណីអាហារ​មិនបាន​ត្រួតពិនិត្យ​ច្បាស់លាស់ និង​ចំណីអាហារ​ដែល​មាន​រស​ជាតិ​ផ្អែម ឬ​ប្រៃ​ខ្លាំង​ដែល​ដាក់លក់​នៅតាម​គ្រឹះស្ថានសិក្សា​។

លោក ង៉ែត ឡឹង ក៏​ជំរុញ​ដល់​លោក​ប្រធាន​ការិយាល័យ​អប់រំ យុវជន និង​កីឡា​នៃ​រដ្ឋបាល​ក្រុង​ស្រុក​ជុំវិញ​ខេត្តកោះកុង ត្រូវ​ចុះ​ត្រួតពិនិត្យ​ការលក់ដូរ​នំចំណី​អាហារ និង​ធ្វើ​អនាម័យ​តាម​គ្រឹះស្ថានសិក្សា​សាធារណៈ និង​ឯកជន​ដូច​តាម​សេចក្តី​ណែនាំ​របស់​ក្រសួង​អប់រំ យុវជន និង​កីឡា កាលពី​ថ្ងៃទី​២ ខែឧសភា ឆ្នាំ​២០១៩​។

គួរ​រម្លឹក​ដែរ​ថា ចំណីអាហារ និង​ភេសជ្ជៈ​ដែល​ក្រសួង​អប់រំ ហាមឃាត់​មិន​ឱ្យ​តាំង​លក់ដូរ​ក្នុង​សាលារៀន រួមមាន​៖ ទី​១-​ចំណីអាហារ​គ្រប់​ប្រភេទ​ដែល​ហួសកំណត់​កាលបរិច្ឆេទ​​ទី​-២. គ្រឿង​ស្រវឹង និង​ផលិតផល​ថ្នាំជក់​គ្រប់​ប្រភេទ ទី​-៣. ចំណីអាហារ​ដែល​មិន​មាន​ប្រភព​ច្បាស់លាស់ ទី​-៤. ភេសជ្ជៈ​ប៉ូវ​កម្លាំង ភេសជ្ជៈ​ផ្អែម​ខ្លាំង កាហ្វេ ការ៉េម ទឹក​ស៊ីរ៉ូប៍​គ្រប់​ប្រភេទ​ទី​-៥. ស្ករ​សូកូឡា ស្ករ​គ្រាប់ និង​ស្ករ​កៅស៊ូ​គ្រប់​ប្រភេទ និង​ទី​-៦. ចាហួយ​គ្រប់​ប្រភេទ នំ​ដូ​ណាត់ នំ​ផ្អែម​ខ្លាំង​។

ក្រសួង​អប់រំ យុវជន និង​កីឡា បាន​អះអាង​ទៀត​ថា ការរៀបចំ​យុទ្ធនាការ​នេះ​គឺ​ដើម្បី​ធានា​ថា ចំណីអាហារ​នៅ​ក្នុង​សាលារៀន​មិន​មាន​សារធាតុ​គីមី និង​មាន​អនាម័យ​ល្អ និង​ធានា​បាន​ថា សិស្សានុសិស្ស​មិន​ទទួលរង​ផល​ប៉ះពាល់​អវិជ្ជមាន​ពី​ចំណីអាហារ​ក្នុង​សាលារៀន ជា​ពិសេស​នៅ​តាម​បណ្ដា​ខេត្ត​នានា និង​តំបន់​ដាច់ស្រយាល​។

លោក ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ យុវជន និង​កីឡា ចាត់ទុកថា យុទ្ធនាការ​នេះ​ត្រូវ​ធ្វើបាន​ធ្វើឡើង ដើម្បី​បញ្ជ្រាប​ចំណេះដឹង​អ្នកលក់ដូរ ដែល​ជា​គោលដៅ​សំខាន់ ឱ្យមាន​បញ្ហា​សុខភាព​ដល់​សិស្សានុសិស្ស ជាពិសេស​កុមារ​តូចៗ​៕

អត្ថ​ប​ទ ៖ សិរី​វឌ្ឍនៈ

The post មន្ទីរអប់រំ​ខេត្តកោះកុង ស្នើ​ឱ្យ​ពិនិត្យ​ការលក់ដូរ​ចំណីអាហារ​នៅ​តាម​គ្រឹះស្ថានសិក្សា​រដ្ឋ និង​ឯកជន​ appeared first on Kampuchea Thmey Daily.

លោក ហែម​ស៊ី ណា​រ៉េត ប្រធាន​មន្ទីរអប់រំ យុវជន និង​កីឡា​រាជធានី​ភ្នំពេញ បាន​មាន​ប្រសាសន៍ កាលពី​ព្រឹក​ថ្ងៃ​ទី ២៧ មករា​នេះ​ថា «យើង​មិន​មាន​អ្វី​កែប្រែ​ទេ រហូត​មក​ដល់​ម៉ោង​នេះ បទបញ្ជា​ផ្ទៃក្នុង​សាលា​នៅតែ​រក្សា​ដដែល​ទេ ពិសេស​វិន័យ​សិស្ស​ក្នុង​ការ​ស្លៀក​សំលៀកបំពាក់​ឯកសណ្ឋាន​សិស្ស សក់​ក្បាល ពិសេស​សក់​ក្បាល​លាប​ពណ៌ ទុក​សក់​វែង​មិន​ស័ក្ដិសម​ជា​សិស្ស​នៅតែ​បន្ត​អនុវត្ត​វិធានការ​ដដែល​ដោយ​មិន​អនុញ្ញាត​ឲ្យ​ចូល​សាលា​ទេ ដោយ​ធ្វើ​យ៉ាងណា​ឲ្យ​សិស្ស​កាត់សក់​ឲ្យ​ខ្លី​សមរម្យ និង​ឈប់​លាប​ពណ៌​»។

លោក​ប្រធាន​មន្ទីរ​បាន​បន្ត​ថា ប្រសិនបើ​មាន​សិស្ស​ណា​ម្នាក់​ទុក​សក់​វែង ជា​ជំហាន​ដំបូង​ត្រូវ​ហៅ​សិស្ស​នោះ​មក​អប់រំ​ណែនាំ​គាត់​ឲ្យ​កាត់សក់​ឲ្យ​បាន​ខ្លី​សមរម្យ។ ក្នុង​ករណី​មិន​ស្ដាប់​តាម​ការ​ណែនាំ​ទេ ជំហាន​បន្ទាប់ សាលា​នឹង​ធ្វើការ​អញ្ជើញ​មាតាបិតា ឬ​អ្នកអាណាព្យាបាល​សិស្ស មក​ជួប​ពិភាក្សា​ដើម្បី​ប្រាប់​គាត់​ពី​បទបញ្ជាផ្ទៃក្នុង​របស់​សាលា​ឲ្យ​គាត់​យល់​ណែនាំ​ដល់​កូន​គាត់​បន្ត។

លោក​ប្រធាន​មន្ទីរ​បាន​បន្ត​ទៀត​ថា តាមរយៈ​ការ​អប់រំ​ណែនាំ​សិស្ស និង​ការ​អញ្ជើញ​អាណាព្យាបាល​សិស្ស​មក​ជួប​នេះ នឹង​ធ្វើ​ឲ្យ​សិស្ស​អនុវត្ត​ដោយ​កាត់សក់​ដោយ​ខ្លួនឯង ព្រោះថា​មន្ទីរ​មិន​មាន​គោលការណ៍​ណាមួយ​ឲ្យ​សាលា​អនុវត្ត​វិន័យ​កាត់សក់​ចំពោះ​សិស្ស​ណា​ទុក​សក់​វែង​នោះ​ទេ ខណៈ​វិន័យ​បែបនេះ​ធ្លាប់​អនុវត្ត​តាំងពី​យូរ​ឆ្នាំ​ហើយ។ ប៉ុន្តែ​ប៉ុន្មាន​ឆ្នាំ​មកនេះ មិន​មាន​ទៀត​ទេ។

នៅ​ក្នុង​ពិធី​ប្រគល់​សញ្ញាបត្រ​ជូន​និស្សិត​ជ័យលាភី នៃ​សាកលវិទ្យាល័យ​វេ​ស្ទើ​ន ជាង ៣ ពាន់​នាក់ កាលពី​ព្រឹក​ថ្ងៃ​ទី ២៦ ខែ​មករា សម្ដេច​តេ​ជោ ហ៊ុន សែន នាយករដ្ឋមន្ត្រី នៃ​កម្ពុជា បាន​ស្នើ​ឲ្យ​លោកគ្រូ​នៅ​នៅ​វិទ្យាល័យ​សម្ដេច​តេ​ជោ ហ៊ុន សែន សំពៅ​លូន រៀបចំ​កាត់សក់​ឲ្យ​សិស្ស​ទាំងនោះ​តែម្ដង​ទៅ ដោយ​មិន​ចាំបាច់​យក​ត្រង់ដឺ ទៅ​ឈូស​សក់​សិស្ស​បែប​នោះ​ទៀត​ឡើយ។

គួរ​បញ្ជាក់​ថា ថ្មីៗ​នេះ គ្រូ​នៅ​សាលា​វិទ្យាល័យ​សម្ដេច​តេ​ជោ ហ៊ុន សែន សំពៅ​លូន​ខេត្ត​បាត់ដំបង បាន​អនុវត្ត​វិន័យ​សាលា​ដោយ​បាន​កាត់សក់​សិស្ស​ប្រុសៗ ខូច បណ្ដាល​ឲ្យ​មាន​ការ​រិះគន់​ពេញ​ហ្វេស​ប៊ុក ដោយ​គ្រាន់តែ​សិស្ស​ទាំងនោះ​ទុក​សក់​វែង​បន្តិច​៕

អត្ថបទ ៖ សំអឿន

The post មន្ទីរអប់រំភ្នំពេញ ណែនាំឲ្យនាយកសាលា បន្តការដាក់វិន័យចំពោះសិស្សលាបពណ៌សក់ និងទុកសក់វែង appeared first on Kampuchea Thmey Daily.