មហាសន្និបាត Archives - Kampuchea Thmey Daily

កម្ពុជាប្រាប់មហាសន្និបាតសុខភាពពិភពលោកយ៉ាងណាខ្លះ ដើម្បីគ្រប់គ្រងការរាតត្បាតជំងឺកូវីដ-១៩ ?

Kang Tola — Wed, 26 May 2021 11:20:06 +0000

មហាសន្និបាតសុខភាពពិភពលោកលើកទី៧៤ (WHA74) បានប្រារព្ធធ្វើឡើងពីថ្ងៃច័ន្ទ ទី២៤ ខែឧសភា ឆ្នាំ២០២១ រហូតដល់ថ្ងៃទី០១ ខែមិថុនា ឆ្នាំ២០២១ តាមប្រព័ន្ធវីដេអូ (Video Conference) ហើយមហាសន្និបាតសុខភាពពិភពលោកនេះ កម្ពុជាក៏បានចូលរួមផងដែរ។

លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាលតំណាងកម្ពុជាចូលរួមកិច្ចប្រជុំនោះបានថ្លែងថា កម្ពុជាជាប្រទេសតូចតែមានបេះដូងទូលាយ។ ប្រទេសកម្ពុជាបានគ្រប់គ្រងការឆ្លើយតបនឹងការរាតត្បាតជំងឺកូវីដ-១៩ ដោយជោគជ័យពេញមួយឆ្នាំ២០២០ ដោយមានករណីជាវិជ្ជមានតិចជាង ៥០០ករណី និងគ្មានអ្នកស្លាប់។

បើតាមលោកសាស្ត្រាចារ្យ ម៉ម ប៊ុនហេង កម្ពុជាពិតជាមានមោទនភាពចំពោះការខិតខំប្រឹងប្រែងដ៏អស្ចារ្យ របស់សង្គមជាតិទាំងមូល ដែលសមិទ្ធផលគួរឲ្យកត់សម្គាល់នេះកើតឡើង ក្រោមការដឹកនាំដ៏ឈ្លាសវៃ ប្រកបដោយគតិបណ្ឌិតរបស់សម្តេចតេជោ ហ៊ុន សែន ។ ដូចនឹងប្រទេសជាច្រើនទៀតដែរ វីរុសកូវីដ-១៩ នៅតែចរាចរក្នុងប្រទេសកម្ពុជា។ យើងកំពុងតែខិតខំប្រឹងប្រែងយ៉ាងខ្លាំង ដើម្បីបញ្ឈប់ការចម្លងវីរុសកូវី-១៩ តាមរយៈការអនុវត្ត “៣ការពារ ៣កុំ”។

លោករដ្ឋមន្ត្រីបានបន្តថា មេរៀនជាបទពិសោធន៍ អាចឲ្យយើងដាក់ចេញនូវវិធានការកាត់បន្ថយហានិភ័យ ដើម្បីធានាបានទាំងសុខភាពសាធារណៈ និងដំណើរការសេដ្ឋកិច្ច ដែលប្រការនេះ ទាមទារឲ្យមានការដាក់ចេញនូវ “អភិក្រមវិស័យសុខាភិបាល លើសពីការគិតត្រឹមសុខភាព និងការវិនិយោគប្រកបដោយភាពច្នៃប្រឌិត” មួយចំនួនសម្រាប់អនាគត។ លើសពីនេះ រាជរដ្ឋាភិបាលកម្ពុជា ក៏បានដាក់ចេញឲ្យអនុវត្តយន្តការ និងនីតិវិធីនៃការអនុវត្តកម្មវិធីជំនួយសង្គម សម្រាប់ប្រជាពលរដ្ឋ និងគ្រួសារប្រជាពលរដ្ឋ មានការលំបាកផ្នែកជីវភាព។

លោកសាស្ត្រាចារ្យ ម៉ម ប៊ុនហេង លើកឡើងដែរថា យុទ្ធនាការចាក់វ៉ាក់សាំងកូវីដ-១៩ បាននឹងកំពុងដំណើរការយ៉ាងសកម្ម ក្នុងគោលដៅសម្រេចឲ្យបានការចាក់វ៉ាក់សាំងជូនប្រជាជនចំនួន១០លាននាក់ ក្នុងចំណោម១៦លាននាក់ នៅខែមិថុនា ឆ្នាំ២០២២។ គិតត្រឹមថ្ងៃនេះ ប្រជាជនជាង២លាននាក់ បានទទួលវ៉ាក់សាំងកូវីដ-១៩ រួចហើយ រួមទាំងមន្ត្រីបុគ្គលិកសុខាភិបាល មនុស្សចាស់ ជនបរទេសដែលរស់នៅក្នុងប្រទេសកម្ពុជា និងក្រុមងាយរងគ្រោះផ្សេងទៀត។

កម្ពុជាវាយតម្លៃខ្ពស់ចំពោះការសម្រេចចិត្តដ៏ត្រឹមត្រូវ ក្នុងការអនុវត្តគោលនយោបាយចិនតែមួយ ដែលបានចែងយ៉ាងច្បាស់ ក្នុងសេចក្តីសម្រេចចិត្តលេខ ២៧៥៨ នៃមហាសន្និបាតអង្គការសហប្រជាជាតិ និងសេចក្តីសម្រេចចិត្ត លេខ ២៥.១ នៃមហាសន្និបាតសុខភាពពិភពលោក។ គោលបំណងរួមរបស់យើង ក្នុងការបញ្ចប់ជំងឺរាតត្បាតជាសកលនេះ ទាមទារឲ្យមានសាមគ្គីភាព និងកិច្ចសហប្រតិបត្តិការ។ កម្ពុជា នឹងបន្តសហការជាមួយបណ្តាប្រទេសនានា អង្គការសុខភាពពិភពលោក និងដៃគូទាំងអស់ ដើម្បីអនាគតកាន់តែប្រសើរ ឈានទៅសម្រេចពិភពលោក ប្រកបដោយសុខភាព និងសុវត្ថិភាពបំផុត។

លោកសាស្ត្រាចារ្យ ម៉ម ប៊ុនហេង បានអះអាងដែរថា ប្រទេសកម្ពុជាគាំទ្រយ៉ាងពេញទំហឹង ចំពោះភាពជាអ្នកដឹកនាំ និងការសម្របសម្រួលរបស់អង្គការសុខភាពពិភពលោក ក្នុងការឆ្លើយតបជាសកលចំពោះជំងឺកូវីដ-១៩៕

ដោយ ៖ កោះកែវ

The post កម្ពុជាប្រាប់មហាសន្និបាតសុខភាពពិភពលោកយ៉ាងណាខ្លះ ដើម្បីគ្រប់គ្រងការរាតត្បាតជំងឺកូវីដ-១៩ ? appeared first on Kampuchea Thmey Daily.

សមភាពយេនឌ័រស្រ្តី កើនឡើង ចូលរួមអភិវឌ្ឍសង្គមជាតិ

Sorn Phanith — Wed, 27 Jan 2021 06:27:22 +0000

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រីថ្លែងថា ស្ថានភាពស្ត្រី និងសមភាពយេនឌ័រ មានការរីកចម្រើនជាបន្តបន្ទាប់ទាំងកំណើនសេដ្ឋកិច្ច និងការអភិវឌ្ឍសង្គមជាតិ ហើយក៏បានរុញច្រានមនុស្សជាច្រើន ឱ្យចាក ចេញពីភាពក្រីក្រ និងងាយរងគ្រោះ។

លោកជំទាវកិត្តិសង្គហបណ្ឌិត ម៉ែន សំអន រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ថ្លែងបែបនេះ ខណៈអញ្ជើញជាអធិបតីបិទសន្និបាតបូកសរុបលទ្ធផលការងារឆ្នាំ២០១៩-២០២០ និងលើកទិសដៅឆ្នាំ២០២១ របស់ក្រសួងកិច្ចការនារី នាថ្ងៃទី២៧ ខែមករា ឆ្នាំ២០២១ នៅសណ្ឋាគារភ្នំពេញ។

នៅក្នុងឱកាសបិទសន្និបាតនេះ លោកស្រីបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារីគូសបញ្ជាក់ថា ក្រោមម្លប់នៃសន្តិភាព និងការអភិវឌ្ឍន៍ ស្ត្រីកម្ពុជាជាកម្លាំងចលករ ដែលបានរួមចំណែកនៃកំណើនសេដ្ឋកិច្ច និងការអភិវឌ្ឍសង្គមកន្លងមក ហើយស្ត្រីមានកាលានុវត្តនភាព ក្នុងការទទួលបានសិទ្ធិ ការអភិវឌ្ឍ ចំណេះដឹង និងជំនាញបច្ចេកទេស ដែលជាមូលដ្ឋានគ្រឹះ ក្នុងការចូលរួមប្រកួតប្រជែងប្រកបដោយសក្តានុពល នៅក្នុងទីផ្សារសេដ្ឋកិច្ច ថ្នាក់ជាតិ និងនៅក្នុងតំបន់ ហើយក៏ជាអ្នកទទួលបានភាគផលពីកិច្ចអភិវឌ្ឍលើគ្រប់វិស័យ ដែលធ្វើឲ្យជីវភាពរស់នៅរបស់គេ និងគ្រួសារមានភាពប្រសើរឡើង បានកាត់បន្ថយភាពងាយរងគ្រោះ និងរួមចំណែកយ៉ាងសំខាន់ ក្នុងការកាត់បន្ថយភាពក្រីក្រ។

ជាមួយគ្នានេះ ក្នុងអំឡុងឆ្នាំ២០២០ នៅក្នុងវិបត្តិជាសកលនៃការរីករាលដាលជំងឺកូវីដ-១៩ មានការសិក្សាស្រាវជ្រាវនានាបានបង្ហាញថា កូវីដ-១៩ មានផលប៉ះពាល់ជាអវិជ្ជមានមកលើស្ត្រីច្រើនជាងបុរស ទាំងក្នុងផ្នែកសេដ្ឋកិច្ចនិងផ្នែកសង្គម។ ទោះជាយ៉ាងណា នៅក្នុងវិបត្តិនេះ កម្ពុជាអាចគ្រប់គ្រងសភាពការណ៍បានល្អ និងបានកាត់បន្ថយផល ប៉ះពាល់ជាអវិជ្ជមាននានា ឲ្យស្ថិតក្នុងរង្វង់ដែលអាចគ្រប់គ្រងបាន តាមរយៈការដាក់ចេញ នូវវិធានការចាំបាច់ និងត្រឹមត្រូវប្រកបដោយគតិបណ្ឌិតរបស់សម្តេចតេជោ ខាងផ្នែកសង្គម-សេដ្ឋកិច្ចជាបន្តបន្ទាប់។

លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី មានប្រសាសន៍បញ្ជាក់ថា សន្តិភាពនិងស្ថិរភាពនយោបាយ គឺជាមូលដ្ឋានគ្រឹះសម្រាប់ការអភិវឌ្ឍ និងអ្វីៗទាំងអស់របស់កម្ពុជា ឈរលើមូលដ្ឋានសន្តិភាពទើបកម្ពុជា អាចងើបឈរឡើងវិញដោយខ្លួនឯង ហើយបាននិងកំពុងបោះជំហានទៅមុខលើវិថីអភិវឌ្ឍន៍។ ទន្ទឹមនឹងនេះ ស្ថានភាពស្ត្រី និងសមភាពយេនឌ័រ ក៏មានការរីកចម្រើនជាបន្តបន្ទាប់ ហើយកំណើនសេដ្ឋកិច្ច និងការអភិវឌ្ឍសង្គម ក៏បានរុញច្រានមនុស្សជាច្រើន ឲ្យចាកចេញពីភាពក្រីក្រ និងងាយរងគ្រោះ។

លោកជំទាវកិត្តិសង្គហបណ្ឌិត ម៉ែន សំអន ឧប នាយករដ្ឋមន្ត្រីបានបញ្ជាក់ថា ដូចបណ្តាប្រទេសដទៃដែរ កម្ពុជាបានដាក់ចេញនូវវិធានការជាច្រើន ប្រកបដោយភាពម៉ឺងម៉ាត់ និងហ្មត់ចត់ ដើម្បីទប់ស្កាត់ការរីករាលដាល និងកាត់បន្ថយផលប៉ះពាល់ពីវិបត្តិនេះ។ ជាក់ស្តែងទោះបី កម្ពុជាមានអ្នកឆ្លងជំងឺកូវីដ-១៩ ករណីនេះភាគច្រើនប្រភេទនាំចូល និងគ្មានអ្នកណាម្នាក់ស្លាប់នោះឡើយ។ កម្ពុជាអាចគ្រប់គ្រងសភាពការណ៍បានល្អ និងកាត់បន្ថយផលប៉ះពាល់ជាអវិជ្ជមាននានា ឲ្យស្ថិតក្នុងរង្វង់ដែលអាចគ្រប់គ្រងបាន តាមរយៈ វិធានការចាំបាច់ខាងផ្នែកសង្គម-សេដ្ឋកិច្ចជាបន្តបន្ទាប់។

លោកជំទាវកិត្តិសង្គហបណ្ឌិត ម៉ែន សំអន បន្ថែមថា វិធានការណ៍របស់រដ្ឋាភិបាលកម្ពុជាចំពោះជំងឺកូវីដ-១៩កន្លងមកនេះ ត្រូវបានអង្គការសុខភាពពិភពលោកទទួលស្គាល់ថា ជាអភិក្រមដ៏មាន ប្រសិទ្ធភាពទូទាំងអន្តរក្រសួង-ស្ថាប័ន និងសង្គម ជាតិទាំងមូល និងអមជាមួយវិធានការផ្នែកសង្គម-សេដ្ឋកិច្ច។ នៅក្នុងវិធានការនានារបស់រាជរដ្ឋាភិបាលក្នុងវិបត្តិកូវីដ-១៩កន្លងមក បានឆ្លើយតប និងផ្តល់នូវអត្ថប្រយោជន៍ដោយផ្ទាល់ជាច្រើនដល់ស្ត្រី និងក្រុមជនងាយរងគ្រោះ ពិសេស តាមរយៈគោលនយោបាយជាតិគាំពារសង្គម ការដាក់ចេញវិធានការអន្តរាគមន៍ជំនួយសង្គម ការផ្តល់ប្រាក់ឧបត្ថម្ភសម្រាប់បុគ្គលិកក្នុងវិស័យកាត់ដេរ និងទេសចរណ៍ ការរៀបចំកម្មវិធីហិរញ្ញប្បទាន ពិសេសជួយស្តារលទ្ធភាព និងលើកកម្ពស់អាជីវកម្មសហគ្រាសធុនតូច និងមធ្យមជាដើម។

ក្នុងស្មារតីនេះ រាជរដ្ឋាភិបាលយល់ច្បាស់ថា ការគាំទ្រ និងឆ្លើយតបនឹងតម្រូវការនិងតួនាទីរបស់ស្ត្រី នៅក្នុងបរិការណ៍អំឡុង និងក្រោយវិបត្តិកូវីដ-១៩ ជាកិច្ចការអាទិភាព ក្នុងលក្ខខណ្ឌសង្គមផង និងជាសក្តានុពល សម្រាប់ការវិនិយោគ ដ៏វៃឆ្លាតនៅក្នុងការស្តារ និងពន្លឿនកំណើនសេដ្ឋ កិច្ច-សង្គមក្រោយវិបត្តិផង៕

អត្ថបទ៖ វិមាន

The post សមភាពយេនឌ័រស្រ្តី កើនឡើង ចូលរួមអភិវឌ្ឍសង្គមជាតិ appeared first on Kampuchea Thmey Daily.

មហាសន្និបាតលើកទី៤១របស់AIMFនឹងធ្វើឡើងនៅទីក្រុងគីកាលី ប្រទេសរវ៉ាន់ដានៅឆ្នាំ២០២១

Sokhom Khon — Fri, 11 Dec 2020 13:41:41 +0000

មហាសន្និបាតលើកទី៤០ និងកិច្ចប្រជុំការិយាល័យអចិន្ត្រៃយ៏លើកទី៩២ នៃសមាគមអន្តរជាតិអភិបាលក្រុងប្រើប្រាស់ភាសាបារាំង(AIMF)ដែលបានធ្វើឡើងតាមរយះការបញ្ជូនរូបភាព និងសំឡេងពីទីក្រុង ទុយនីស ប្រទេស ទុយនេ ស៊ី ត្រូវបានបញ្ចប់នារាត្រីថ្ងៃទី១០ ខែធ្នូ យប់ម៉ិញ។

រាជធានីភ្នំពេញគឺជាសមាជិកអចិន្ត្រៃយ៏នៃសមាគមអន្តរជាតិអភិបាលក្រុងប្រើប្រាស់ភាសាបារាំង(AIMF) បានចូលរួមប្រជុំនិងអនុមត័តាមរយះប្រពន្ធ័បញ្ជូនរូបភាពនិងសំឡេងពីទីក្រុងទុយនីស ក្រោមអធិបតីភាពលោក ឃួង ស្រេង អភិបាលនៃគណៈអភិបាលរាជធានីភ្នំពេញ។

អង្គសន្និបាតបានសំរេចជ្រើសរើស ទីក្រុងបរ័ដូ ប្រទេសបារាំងធ្វើជាកន្លែង ប្រជុំការិយាល័យអចិន្ត្រៃយ៏នៅខែមិនា និងជ្រើសរើសទីក្រុងគីកាលី ប្រទេសរវ៉ាន់ដា(RWonda)ធ្វើជាម្ចាស់ផ្ទះនៃមហាសន្និបាតAIMF លើកក្រោយនៅក្នុងខែកក្ដដា ឆ្នាំ២០២១។

កិច្ចប្រជុំដែលទើបបានបញ្ចប់ទៅនេះ បានបែងចែកជា៣ផ្នែកធំៗគឺ៖ សន្និសិទស្តីទីក្រុងកំពុងមានការអភិវឌ្ឍន៏ និងឌីជីថល,កិច្ចប្រជុំការិយាល័យអចិន្ត្រៃយ៏លើកទី៩២របស់សមាគមAIMF ,កម្មវិធីបើកមហាសន្និបាតលើកទី៤០របស់សមាគមAIMFដែលមាន២ផ្នែក។

កិច្ចប្រជុំ នេះមានការចូលរួមពីប្រតិភូនៃសមាគមAIMFចំនួន១៣០ទីក្រុងក្រោមការសម្របសម្រួលពីលោកជំទាវAnne Hidalgo អភិបាលក្រុងប៉ារីស និងជាប្រធានសមាគម AIMF ផងដែរ។

របៀបវារះជាច្រើនត្រូវបានលើកយកមកពិនិត្យពិភាក្សានិងអនុមត័ ក្នុងនោះមានការធ្វើបច្ចុប្បន្នភាពនៃបញ្ជីសមាជិក,ការអនុម័តលើកំណត់ហេតុ មហាសន្និបាតរបស់សមាគមលើកទី៣៩ដែលបានធ្វើ ឡើងនៅរាជធានីភ្នំពេញ កាលពីថ្ងៃទី៤ ខែធ្នូ ឆ្នាំ២០១៩។ របាយការណ៏សកម្មភាពឆ្នាំ២០១៩,របាយការណ៏នៃ ការអនុវត្តថវិកាឆ្នាំ២០១៩ និងសេចក្តីថ្លែងការរបស់លោករតនាគារឹក,ការអនុម័ត លើគណនីឆ្នាំសារពើពន្ធ័ និងរបាយការណ៏ចំណាយឆ្នាំ២០១៩,ការអនុម័តលើ បញ្ជីសមាជិកភាពការិយា ល័យអចិន្ត្រៃយ៏សំរាប់ឆ្នាំ២០២១.២០២២,ការទទួលសមាជិកថ្មីក៏ដូចជាការកំណត់កាលបរិច្ឆេទ,ទី តាំងនិងប្រធានបទមហាសន្និបាត សំរាប់ឆ្នាំបន្ទាប់ផងដែរ៕

អត្ថបទ៖ ស្រីរ័ត្ន

The post មហាសន្និបាតលើកទី៤១របស់AIMFនឹងធ្វើឡើងនៅទីក្រុងគីកាលី ប្រទេសរវ៉ាន់ដានៅឆ្នាំ២០២១ appeared first on Kampuchea Thmey Daily.

មហាសន្និបាត Archives - Kampuchea Thmey Daily

កម្ពុជា​ប្រាប់​មហាសន្និបាត​សុខភាព​ពិភពលោក​យ៉ាងណា​ខ្លះ ដើម្បី​គ្រប់គ្រង​ការ​រាតត្បាត​ជំងឺ​កូ​វីដ​-១៩ ?

សមភាព​យេនឌ័រ​ស្រ្តី​ កើន​ឡើង ចូលរួម​អភិវឌ្ឍ​សង្គមជាតិ​

មហាសន្និបាត​លើក​ទី​៤១​របស់​AIMF​នឹងធ្វើ​ឡើង​នៅ​ទីក្រុង​គី​កាលី​ ប្រទេសរ​វ៉ាន់ដា​នៅ​ឆ្នាំ​២០២១

កម្ពុជាប្រាប់មហាសន្និបាតសុខភាពពិភពលោកយ៉ាងណាខ្លះ ដើម្បីគ្រប់គ្រងការរាតត្បាតជំងឺកូវីដ-១៩ ?

សមភាពយេនឌ័រស្រ្តី កើនឡើង ចូលរួមអភិវឌ្ឍសង្គមជាតិ

មហាសន្និបាតលើកទី៤១របស់AIMFនឹងធ្វើឡើងនៅទីក្រុងគីកាលី ប្រទេសរវ៉ាន់ដានៅឆ្នាំ២០២១