ប្រយ័ត្នពាក្យសរសើរ ៥ ឃ្លា អាចមានន័យបន្លំមាក់ងាយ

Boa Sokunveary — Wed, 12 Apr 2023 09:40:00 +0000

គ្រប់គ្នាសុទ្ធតែមានមិត្តភ័ក្តិ ឬស្គាល់នរណាម្នាក់ដែលតែងតែនិយាយសរសើរខ្លួនមិនដាច់ពីមាត់ ប៉ុន្តែបើគិតឲ្យច្បាស់ទើបដឹងថាជាពាក្យបន្លំមាក់ងាយសោះ ។ ខាងក្រោមនេះជាពាក្យគេនិយមប្រើ ៥ ឃ្លាដើម្បីបន្លំមាក់ងាយផងសរសើរផង ៖

១. រូបថតរបស់អ្នកស្អាតណាស់មើលសឹងមិនស្គាល់

គេនិយាយដើម្បីសរសើរថារូបរបស់អ្នកស្អាត និងបន្លំចង់និយាយថាអ្នកមានមុខអាក្រក់នៅខាងក្រៅទើបគេមើលមិនស្គាល់ ។

២. មិននឹកស្មានថាអ្នកអាចធ្វើវាបានសោះ

ឧទាហរណ៍ពេលយើងទទួលបានការងារល្អមួយ ហើយគេនិយាយបែបនេះសំដៅថាអ្នកមិនសមនឹងមានការងារល្អធ្វើឡើយបណ្ដាលឲ្យពួកគេនឹកស្មានមិនដល់ ។

៣. ខ្ញុំចូលចិត្តមនុស្សដែលមិនខ្វល់ពីសំដីអ្នកដទៃដូចអ្នក

និយាយឲ្យត្រង់ទៅគេមានន័យថា អ្នកមិនខ្វល់ពីមតិអ្នកដទៃឬមិនចេះកែតម្រូវខ្លួនឯង ។

៤. ស្អាតបែបហ្នឹងមិនសមគ្មានអ្នកស្រលាញ់

ស្ដាប់មួយភ្លែតអាចគ្មានន័យអ្វីអាក្រក់ តាមពិតគេកំពុងសង្ស័យថាអ្នកមានចំណុចអាក្រក់ទើបគ្មាននរណាយក ។

៥. ផាត់មុខស្អាតណាស់

បុគ្គលនោះកំពុងមានន័យថាមុខមិនផាត់មិនស្អាតទេ ទាល់តែផាត់កែច្នៃបានស្អាត ។

ពាក្យសំដីខាងលើចាត់ទុកជា backhand-compliment ក្នុងភាសាអង់គ្លេស ជួនកាលបុគ្គលនោះអាចនិយាយមិនគិត ឬមានន័យបន្លំមាក់ងាយយើងក៏ថាបាន ដូច្នេះអ្នកគួរសង្កេតជំពូកមនុស្សពិសពុលជៀសវាងរាប់អានច្រឡំ ៕

ប្រែសម្រួល ៖ វារី

ចុចអាន ៖ វិធីការពារអារម្មណ៍ខ្លួនឯង នៅពេលមានគេបំពានទឹកចិត្តមាក់ងាយមកលើយើង

The post ប្រយ័ត្នពាក្យសរសើរ ៥ ឃ្លា អាចមានន័យបន្លំមាក់ងាយ appeared first on Kampuchea Thmey Daily.

វិធីការពារអារម្មណ៍ខ្លួនឯង នៅពេលមានគេបំពានទឹកចិត្តមាក់ងាយមកលើយើង

សាង ស្រីល័ក្ខ — Wed, 21 Apr 2021 08:00:10 +0000

មនុស្សមិនល្អតែងប្រើទម្លាប់អាក្រក់របស់គេមកបំពានលើយើង ហើយយើងតែងទម្លាប់យកចិត្តទុកដាក់ ចំពោះរឿងដែលមនុស្សនោះកំពុងគិតឬធ្វើ។ យើងអាចឈឺចាប់ស្រែកយំ តែកុំហួសហេតុឲ្យអារម្មណ៍ទោរទន់តាមប្រភេទមនុស្សធុនហ្នឹង! ទោះគេលើកទាំងបក្សមកទៀត ក៏កុំភ័យខ្លាច គួរបង្រៀនខ្លួនឲ្យនឹងនជាមួយអារម្មណ៍ដែលអ្នកទាំងនោះព្យាយាមសាបព្រូសដាក់យើង ។

១. យកចិត្តទុកដាក់ ប៉ុន្តែកុំបារម្ភជ្រុលពេក

ការព្រួយបារម្ភ បញ្ហាគឺមាននៅគ្រប់ទីកន្លែងក្នុងជីវិតរបស់មនុស្សម្នាក់ៗ ។ កុំចំណាយពេលជាមួយអារម្មណ៍មិនសប្បាយចិត្ត ឬថប់បារម្ភពីអ្នកដទៃ ដែលគិតមិនល្អពីយើង។ ព្យាយាមកុំឲ្យអារម្មណ៍របស់យើងមានបញ្ហា ហើយកុំចំណាយពេលវេលាដើម្បីព្យាយាមអានគំនិតអ្នកដទៃ។

២. កុំយកយោបល់របស់ពួកគេជាសារៈសំខាន់សម្រាប់យើង

ឈប់ខ្វល់ពីអ្វីដែលជនចម្លែកទាំងនោះគិតពីយើង ប្រសិនបើចូលចិត្តច្រៀងនៅពេលយើងដើរក្នុងឧទ្យានឬក្នុងតំបន់របស់យើង ហើយមានអ្នកណាម្នាក់ដែលឆ្លងកាត់មើលយើងប្លែកៗ កុំបារម្ភ កុំខ្វល់ រឿងណាដែលធ្វើឲ្យយើងសប្បាយចិត្ត ក៏ធ្វើទៅ បើរឿងនោះមិនបានធ្វើឲ្យគេឈឺចាប់។

៣. ប្រើមតិប្រតិកម្មទៅវិញ

ប្រសិនបើយើងទទួលបានប្រតិកម្មអវិជ្ជមានពីមនុស្សសំខាន់នៅក្នុងជីវិត ដូចជាចៅហ្វាយឬមនុស្សជាទីស្រលាញ់ សាកល្បងគិតមើលសិន កុំទាន់អាលខឹង។ បើចៅហ្វាយនិយាយត្រូវ ហើយយើងបែរជាមិនយកចិត្តទុកដាក់ មិនផ្លាស់ប្ដូរអាកប្បកិរិយាឲ្យប្រសើរ នោះគាត់ពិតជានិយាយត្រូវមែនហើយ។

តែបើចៅហ្វាយសើចចំអក នៅពេលដែលយើងធ្វើរឿងត្រឹមត្រូវដែលមិនបានប៉ះពាល់កិត្តិយសអ្នកណា នោះចាំប្រតិកម្ម។ កុំធ្វើការសន្មតពីអ្វីដែលមនុស្សផ្សេងទៀតកំពុងគិត ទោះបីយ៉ាងណាត្រូវប្រាកដថាយើងពិតជាមានភស្តុតាងត្រឹមត្រូវ។

៤. ដាក់គោលដៅរបស់យើងជាមុនសិន

យើងប្រហែលជាមានគោលដៅខុសគ្នាខ្លាំង ចំពោះគ្រួសារនិងមិត្តភ័ក្ដិ។ ឬចង់រៀនបានពិន្ទុខ្ពស់នៅសាលាប៉ុន្តែមិត្តភ័ក្ដិរបស់យើងបែរជាសើចចំអកយើង។ នេះមិនមែនជាបញ្ហាឡើយ ដែលពួកគេគិតលើយើងបែបនោះ សំខាន់គឺគោលដៅរបស់យើងទៅវិញទេ។

គោលដៅរបស់យើងមិនត្រូវបានកំណត់ដោយមនុស្សផ្សេងទៀតឡើយ។ បើគ្មានគោលដៅច្បាស់លាស់ទេនោះអាចជាមូលហេតុដែលធ្វើឲ្យយើងជាមនុស្សងាយនឹងខ្វល់ខ្វាយ ពីអ្វីដែលអ្នកដទៃគិតលើយើង ព្រោះយើងពិតជាគ្មានផែនការសម្រាប់ជីវិតខ្លួនឯងដូចគេថាមែន។

៥. ផ្ដល់តម្លៃដល់គុណតម្លៃរបស់ខ្លួនឯង

បើគេចំអកមើលងាយដល់គុណតម្លៃរបស់យើងជារឿងរបស់ពួកគេ ដាច់ខាត កុំវាយដំ កុំវាយតម្លៃខ្លួនឯងព្រោះសំដីរបស់គេ។ ទោះបីស្ថិតក្នុងស្ថានភាពបែបណាក៏ដោយ ត្រូវប្រកាន់ខ្ជាប់នូវគុណតម្លៃរបស់ខ្លួនឯងជាជាងត្រូវបានបោកបញ្ឆោតដោយអ្នកដទៃ។

៦. ត្រូវចងចាំថាយើងមិនចាំបាច់ជាមនុស្សមានប្រជាប្រិយទេ

ជីវិតមិនមែននៅរៀនវិទ្យាល័យទេ នេះមិនមែនជាបញ្ហាឡើយ ប្រសិនបើយើងមិនមែនជាអ្នកមាន ខ្ពស់សង្ហា ឆ្លាត ពូកែគ្រប់រឿង ហើយមិនមែនជាមនុស្សមានប្រជាប្រិយភាព។

យើងតែម្នាក់មិនអាចផ្គាប់ចិត្តមនុស្សគ្រប់គ្នាបានទេ ដូច្នេះកុំព្យាយាមនាំឈឺចាប់។ និយាយទេ ចំពោះរឿងដែលយើងមិនចង់ធ្វើ។ ត្រូវមានឆន្ទៈធ្វើអ្វីមួយដែលប្រឆាំងនឹងហ្វូងមនុស្សអវិជ្ជមាន ប្រសិនបើគ្រប់រឿងដែលយើងកំពុងធ្វើគឺត្រឹមត្រូវ៕

ប្រែសម្រួល៖ សាង ស្រីល័ក្ខ

ចុចអាន៖ធ្វើយ៉ាងម៉េចដើម្បីរកខ្លួនឯងឃើញ នៅក្នុងពិភពលោកនេះ ថាអ្នកជានរណា

ចុចអាន៖ហេតុអ្វីតន្ត្រី ត្រូវទុកថាជាឱសថព្យាបាលមនុស្សបាក់ទឹកចិត្តបាន

The post វិធីការពារអារម្មណ៍ខ្លួនឯង នៅពេលមានគេបំពានទឹកចិត្តមាក់ងាយមកលើយើង appeared first on Kampuchea Thmey Daily.

មាក់ងាយ Archives - Kampuchea Thmey Daily

ប្រយ័ត្នពាក្យសរសើរ ៥ ឃ្លា អាចមានន័យបន្លំមាក់ងាយ

វិធី​ការពារ​អារម្មណ៍​ខ្លួនឯង នៅ​ពេល​មាន​គេ​បំពាន​ទឹក​ចិត្ត​មាក់ងាយ​មក​លើ​យើង

វិធីការពារអារម្មណ៍ខ្លួនឯង នៅពេលមានគេបំពានទឹកចិត្តមាក់ងាយមកលើយើង