ក្នុងចំណោមនោះ ក្រៅពីក្រសួងស្ថាប័នរដ្ឋ គឺមានការចូលយ៉ាងផុសផុលពីសំណាក់អ្នកជំនួញ ម្ចាស់សហគ្រាស Influencer និងបណ្តាក្រុមសាធារណជនជាច្រើនផ្សេងទៀត។

យ៉ាងណា ដើម្បីជំរុញឱ្យតម្លៃសាមគ្គីភាពនេះបានពេញបរិបូណ៌ អ្នកពាក់ព័ន្ធគ្រប់រូប ស្នើឱ្យសប្បុរសជន ចូលរួមជាមួយនឹងប្រភពមូលនិធិផ្លូវការរបស់រដ្ឋ និងម្ចាស់មូលនិធិណាដែលអាចជឿទុកចិត្ត។ ការណែនាំនេះ ដោយសារបារម្ភថា មានអ្នកឆ្លៀតឱកាសនេះកេងចុះណេញពីការចូលរួមមហាជនខ្មែរ តាមគ្រប់រូបភាព។

ដោយឡែក ទាក់ទងនឹងមូលនិធិធំៗរួមមាន​​ ​មូលនិធិរបស់រដ្ឋាភិបាលរាជធានីភ្នំពេញ (២៦ កក្កដា ២០២៥); មូលនិធិក្រសួងទេសចរណ៍​​ ​​(ថ្ងៃទី២៧ ខែកក្កដា ឆ្នាំ២០២៥); មូលនិធិភូមិឃុំ​​ ស្រុកខណ្ឌ​តាមបណ្តារាជធានីខេត្ត;​ សមាគមសិល្បករខ្មែរ​ និងសប្បុរសជននានាជាច្រើនទៀត៕

The post រឿងជំនួយកងទ័ព និងជនភៀសសឹក ក្រៅពីមូលនិធិស្ថាប័នរដ្ឋ សប្បុរសជនត្រូវប្រាកដថា មូលនិធិដែលខ្លួនចូលរួម អាចជឿជាក់បាន appeared first on Kampuchea Thmey Daily.

លោកបណ្ឌិត គិន ភា បានលើកឡើងថា អ្នកដែលតាំងខ្លួនជាអ្នកស្រលាញ់ជាតិពិតប្រាកដ ត្រូវតែជួយជាតិ តាមរយៈមធ្យោបាយសមស្របណាមួយ បើមិនបានចូលរួមជាទឹកប្រាក់ទេ យ៉ាងហោចណាស់ក៏ចូលរួមជាទឹកចិត្តក្នុងការសាទរ មិនគួរធ្វើជាចរន្តទប់ស្កាត់ ឬធ្វើឱ្យខូចផែនការដ៏ល្អរបស់រដ្ឋាភិបាលនោះទេ។ 

លោកបណ្ឌិត ថ្លែងថា៖ «បើបងប្អូនពិតជាស្រលាញ់ជាតិ ស្រលាញ់ទឹកដី ស្រលាញ់ព្រំដែនយើងមែន សូមឱ្យចូលរួមចំណែកតិចក្តីច្រើនក្តី ជាកម្លាំងចិត្ត ជាផ្នែកស្មារតីផង ជាទឹកប្រាក់ផង រាជរដ្ឋាភិបាលអត់បានបង្ខំបងប្អូនទេ ហើយកុំគិតថាជាការជញ្ជក់ឈាមប្រជាពលរដ្ឋ មិនមែនជាការជញ្ជក់ទេ»។

លោកបណ្ឌិត បានអំពាវនាវដល់អ្នកដែលតាំងខ្លួនជាអ្នកស្នេហាជាតិបានតែសម្តី ប៉ុន្តែសកម្មភាពពិតបែរជារិះគន់បន្តុះបង្អាប់ការចូលរួមអភិវឌ្ឍប្រទេសនោះ គួរឈ្វេងយល់ឱ្យបានច្បាស់ពីគោលបំណងពិតរបស់រាជរដ្ឋាភិបាល ដែលមិនត្រឹមតែការពារទឹកដី ព្រៃឈើ ធនធានធម្មជាតិប៉ុណ្ណោះទេ ប៉ុន្តែថែមទាំងបម្រើវិស័យកសិកម្ម ដឹកជញ្ជូន ទេសចរណ៍ បង្កើតជាភូមិករស់រវើកសម្រាប់ពលរដ្ឋនៅតាមបណ្តោយព្រំដែន។

បណ្ឌិត គិន ភា បន្តថា៖ «បងប្អូនដែលមិនទាន់មានជំនឿ ឬទំនុកចិត្តលើការបង្កើតមូលនិធិហ្នឹង គឺសុំឱ្យគាត់ពិចារណាឡើងវិញ ហើយមូលនិធិនេះគឺមិនមែនជាការបង្ខិតបង្ខំ ជាការដាក់កាតព្វកិច្ច ឬដាក់កំណត់អីទេ គឺជាការចូលរួមចំណែកដោយស្ម័គ្រចិត្តសម្រាប់បងប្អូនប្រជាពលរដ្ឋខ្មែរ ដែលមានទឹកចិត្តស្នេហាជាតិ ស្នេហាទឹកដី ព្រៃភ្នំ ព្រំដែនរបស់យើង»។

លោក បញ្ជាក់ថា អ្នកដែលបានចូលរួមជាមួយរាជរដ្ឋាភិបាល មិនមានចេតនាឱនលំទោន ឬទ្រពង ដូចមតិមួយចំនួន ចោទប្រកាន់នោះទេ ប៉ុន្តែជាទឹកចិត្តស្មោះសរបរិសុទ្ធពិតប្រាកដ ចង់ឃើញការអភិវឌ្ឍហេដ្ឋារចនាសម្ព័ន្ធរូបវន្តគ្រប់គ្រាន់នៅព្រំដែន៕

The post បណ្ឌិត គិន ភា អំពាវនាវខ្មែរក្រៅប្រទេសចូលរួម«មូលនិធិកសាងហេដ្ឋារចនាសម្ព័ន្ធតាមព្រំដែន»បើស្រលាញ់ជាតិ appeared first on Kampuchea Thmey Daily.

សម្រាប់លោកបណ្ឌិត ផុន កសិកា ការបង្កើតមូលនិធិរបស់រាជរដ្ឋាភិបាលកម្ពុជានេះ មិនមែនជារឿងអ្វីប្លែកទេ។ មិនប្លែក ដោយហេតុថា ការបង្កើតមូលនិធិ គឺជាទម្រង់មួយដែលនៅបរទេសក៏បានធ្វើដែរ ទាំងមូលនិធិអភិវឌ្ឍសង្គម និងមូលនិធិស្រាវជ្រាវជាដើម។ យ៉ាងណាមិញ ចំពោះមូលនិធិកសាងហេដ្ឋារចនាសម្ព័ន្ធតាមបណ្តោយព្រំដែន ដោយផ្តោតលើការកសាងផ្លូវក្រវាត់ព្រំដែននេះ លោកបណ្ឌិត បានទាញការចាប់អារម្មណ៍បែបនេះថា៖ «សង្គមខ្មែរ មានវប្បធម៌មួយដែលមានបន្តពីបុរាណដល់បច្ចុប្បន្ន គឺការជួយគ្នាទៅវិញទៅមក ដោយសហគមន៍មួយមានគំនិតធ្វើអ្វីមួយ ប្រជាពលរដ្ឋ ឬមនុស្សក្នុងសហគមន៍ តែងតែចូលរួមជាថវិកា សម្ភារៈ និងកម្លាំង ទៅតាមលទ្ធភាពជាក់ស្ដែង។ របៀបនេះ យើងនៅមានក្នុងតំបន់អង្គរ ខេត្តសៀមរាប ដែលពួកគាត់នៅរក្សាទំនៀម ជួយគ្នាទៅវិញ ប្រៀបបានជាការបង្កើត មូលនិធិ ដូចជា សង្កហៈ នៅតាមភូមិសម្រាប់ជួយដល់ប្រជាពលរដ្ឋដែលកំពុងមានបញ្ហា»។

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានប្រកាសបង្កើតមូលនិធិកសាងហេដ្ឋារចនាសម្ព័ន្ធ​តាមបណ្ដោយព្រំដែន​កាលពីថ្ងៃទី២២ ខែសីហា ឆ្នាំ២០២៤ កន្លងទៅ។ សម្តេចនាយករដ្ឋមន្រ្តី បានបញ្ជាក់ឱ្យដឹងថា ការបង្កើតមូលនិធីនេះ មានគោលដៅ២​ គឺទី១ ដើម្បីកៀរគរថវិកាបន្ថែម និងទី២ ដើម្បីអនុញ្ញាតឱ្យប្រជាពលរដ្ឋបានចូលរួមដោយផ្ទាល់ជាមួយរាជរដ្ឋាភិបាលកម្ពុជាក្នុងការសាងហេដ្ឋារចនាសម្ព័ន្ធ​តាមបណ្ដោយព្រំដែន។ ចាប់តាំងពីសម្តេចធិបតី ហ៊ុន ម៉ាណែត ប្រកាសបង្កើតមូលនិធិនេះមក គេសង្កេតឃើញមានមន្រ្តីរាជការគ្រប់លំដាប់ និងប្រជាពលរដ្ឋសឹងគ្រប់ស្រទាប់វណ្ណៈ បានចូលរួមបរិច្ចាគថវិកាផ្ទាល់ខ្លួនជាបន្តបន្ទាប់ទៅតាមលទ្ធភាពរបស់ខ្លួន។

ស្ថានភាពចូលរួមដូចទឹកបាក់ទំនប់របស់ប្រជាពលរដ្ឋនេះ លោកបណ្ឌិត ផុន កសិកា បានអះអាងថា វា ជាភស្ដុតាងបង្ហាញថាប្រជាពលរដ្ឋខ្មែរស្រឡាញ់ទឹកដី មិនចង់ឱ្យទឹកដីខ្មែរបាត់បង់ទៅក្នុងដៃបរទេសណាទេ។ បន្ថែមលើនេះ ក៏ជាការឆ្លុះបញ្ចាំងឱ្យឃើញដែរថា ប្រជាពលរដ្ឋជឿជាក់លើរាជរដ្ឋាភិបាលកម្ពុជា ជឿជាក់លើការដឹកនាំ យុទ្ធសាស្ត្រ ក្នុងការគាំពារទឹកដីរបស់ខ្មែរ។ ប្រធានវិទ្យាស្ថានមនុស្សសាស្រ្ត និងវិទ្យាសាស្រ្តសង្គមនៃរាជបណ្ឌិត្យសភាកម្ពុជា ក៏បានឱ្យដឹងទៀតថា ការបង្កើតគម្រោងមូលនិធិកសាងហេដ្ឋារចនាសម្ព័ន្ធតាមព្រំដែននេះ ក៏រឹតតែធ្វើឱ្យប្រជាពលរដ្ឋយល់កាន់តែច្បាស់អំពីគម្រោងCLV គឺជាគម្រោងអភិវឌ្ឍតាមព្រំដែនដែលរដ្ឋាភិបាលបានគិតគូរក្នុងយុទ្ធសាស្ត្រតាមដំណាក់នីមួយៗ។ ដូច្នេះហើយ ការប្រឆាំងក៏ដូចជាការប៉ុនប៉ងបង្ខូចកេរ្តិ៍ឈ្មោះរាជរដ្ឋាភិបាល និងរារាំងការភិវឌ្ឍ ត្រូវតែថមថយ និងសាបរលាបបន្តិចម្ដងៗ។

អ្នកវិភាគបញ្ហាសង្គមរូបនេះ ក៏ថែមទាំងចាត់ទុកការចូលរួមរបស់ប្រជាពលរដ្ឋនេះថា ជាប្រពៃណីមួយដែលប្រជាពលរដ្ឋខ្មែរតែងតែជួយគ្នា រួមគ្នា ជាថវិកាក្ដី សម្ភារៈក្ដី កម្លាំងក្ដី ក្នុងការប្រមូលកៀងគរធនធានសម្រាប់ធ្វើកិច្ចការអ្វីមួយ ឬពិធីបុណ្យអ្វីមួយ។ លោកបណ្ឌិត ផុន កសិកា បានរំលេចប្រាប់ប្រជាពលរដ្ឋទាំងអស់ថា មហានគរកើតមានក៏ដោយសារព្រះមហាក្សត្រផង ប្រជានុរាស្ត្រផង ដែលជឿជាក់លើការដឹកនាំ ប្រឹងប្រែងកសាងទឹកដី ជាធ្លង់មួយ នាំមហានគរក្លាយជាអណាចក្រក្នុងតំបន់អាស៊ីអាគ្នេយ៍។ ដូចគ្នានេះដែរ លោកថា ប្រជាពលរដ្ឋនាពេលបច្ចុប្បន្ន សូមជឿជាក់លើរាជរដ្ឋាភិបាលដែលដឹកនាំដោយសម្ដេចនាយករដ្ឋមន្ត្រី មានចំណេះដឹងខ្ពង់ខ្ពស់ ប្រាជ្ញាឆ្លៀសវៃ គិតគូរវែងឆ្ងាយអំពីជោគវាសនាប្រទេសជាតិ។

ដោយ៖ អុន ស្រីមាន

The post អ្នកវិភាគសង្គម៖ ការបរិច្ចាគថវិកាយ៉ាងផុលផុសរបស់ពលរដ្ឋ គឺជាវប្បធម៌ជួយគ្នាទៅវិញទៅមករបស់ខ្មែរបន្តពីបុរាណដល់បច្ចប្បន្ន appeared first on Kampuchea Thmey Daily.

នៅក្នុងសំណេរនោះ ឯកឧត្តម ហ៊ុន ម៉ានី បង្ហាញពីការសាទរជាមួយសម្តេចតេជោ និងសម្តេចធិបតី  និងប្រជាពលរដ្ឋទូទាំងប្រទេស ចំពោះលទ្ធផលដ៏អស្ចារ្យនៃយុទ្ធនាការកៀរគរមូលនិធិកសាងហេដ្ឋារចនាសម្ព័ន្ធតាមខ្សែបន្ទាត់ព្រំដែន ដោយផ្តោតលើផ្លូវក្រវាត់ព្រំដែន ដែលជាគំនិតផ្តួចផ្តើមរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា។ ត្រឹមរយៈពេល ២ថ្ងៃប៉ុណ្ណោះ សន្ទុះនៃការគាំទ្រកើនឡើងខ្លាំងក្លា មិនថាពលរដ្ឋក្នុងស្រុក ឬក្រៅស្រុក គ្រប់វ័យសុទ្ធតែបានចូលរួមចំណែក ទោះតិច ឬច្រើនក្តី។

ឯកឧត្តម ហ៊ុន ម៉ានី បញ្ជាក់ថា៖ “ចលនាមហាសាមគ្គីជាតិដ៏ធំធេងនេះសរបញ្ជាក់ឱ្យឃើញថា ខ្មែររួបរួមគ្នាជាធ្លុងមួយ ស្រលាញ់ជាតិ ស្រលាញ់ទឹកដី និងចង់ឃើញអនាគតប្រទេសជាតិមានការរីកចម្រើន។ ម្យ៉ាងទៀត ការចូលរួមចលនាជាតិដ៏មានសារៈសំខាន់មួយនេះក៏ជាការបញ្ជាក់សារជាថ្មីម្តងទៀតថា ប្រជាពលរដ្ឋម្ចាស់ឆ្នោតគាំទ្ររាជរដ្ឋាភិបាល ដែលខ្លួនបានផ្តល់សេចក្តីទុកចិត្តតាមរយៈការបោះឆ្នោត និងបានផ្តល់ក្តីសង្ឃឹម ១០០% មកលើរាជរដ្ឋាភិបាលក្នុងការដឹកនាំនាវាកម្ពុជាឆ្ពោះទៅកាន់ត្រើយសុភមង្គល”។

តាមរយៈការគាំទ្រ និងសាមគ្គីភាពរបស់ពលរដ្ឋនេះ ឯកឧត្តម ហ៊ុន ម៉ានី មានសុទិដ្ឋិនិយមខ្ពស់ចំពោះការកសាងជាតិក្រោមការដឹកនាំរបស់គណបក្សប្រជាជនកម្ពុជា ដែលធ្វើឱ្យប្រទេសមានសន្តិភាព និងការអភិវឌ្ឍកាន់តែរីកចម្រើនទៅមុខទៀត។

សូមបញ្ជាក់ថា កាលពីថ្ងៃទី២២ ខែសីហា ឆ្នាំ២០២៤ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានប្រកាសបង្កើត “មូលនិធិកសាងហេដ្ឋារចនាសម្ព័ន្ធតាមព្រំដែន” ដើម្បីកៀរគរថវិកាបន្ថែម សម្រាប់កសាងហេដ្ឋារចនាសម្ព័ន្ធតាមបណ្តោព្រំដែន ផ្តោតលើការកសាងផ្លូវក្រវាត់ព្រំដែន និងដើម្បីឱ្យពលរដ្ឋគ្រប់មជ្ឈដ្ឋាន ទាំងក្នុង និងក្រៅប្រទេស បានចូលរួមជាមួយរដ្ឋាភិបាលក្នុងការកសាងជាតិ។ ជាមួយគ្នានេះ នាយករដ្ឋមន្ត្រីកម្ពុជា ក៏បានអំពាវនាវឱ្យប្រជាពលរដ្ឋខ្មែរទាំងអស់ ចូលរួមវិភាគទានឱ្យបានច្រើនតាមការស្ម័គ្រចិត្តក្នុងមូលនិធិនេះ ដើម្បីសាមគ្គីគ្នា និងជំរុញការអភិវឌ្ឍតាមព្រំដែនកាន់តែរឹងមាំ និងប្រកបដោយចីរភាព៕

ដោយ៖ អុន ស្រីមាន

The post ឯកឧត្តម ហ៊ុន ម៉ានី៖ សន្ទុះនៃការចូលរួមមូលនិធិកសាងផ្លូវតាមព្រំដែន បង្ហាញពីការទុកចិត្តចំពោះការដឹកនាំរបស់សម្តេចធិបតី appeared first on Kampuchea Thmey Daily.

កាលពីថ្ងៃទី ២២ ខែមីនា ឆ្នាំ ២០២៣កន្លងទៅនេះ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញសេចក្ដីសម្រេច ស្ដីពី ការបង្កើតគណៈយុទ្ធមិត្តជំនាន់បម្រើកងទ័ពឆ្នាំ ១៩៧៨ ដែលហៅថា “យ.ជ.ប.ទ.”។

សេចក្ដីសម្រេច បានឲ្យដឹងថា គណៈយុទ្ធមិត្តជំនាន់បម្រើកងទ័ពឆ្នាំ ១៩៧៨នេះ មានសមាសភាព ដូចជា៖ ១. សម្តេចតេជោ ហ៊ុន សែន នាយករដ្ឋមន្តី ជាប្រធានកិត្តិយស, ២-លោកជំទាវ ម៉ែន សំអន ឧប​នាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា-ព្រឹទ្ធសភា និងអធិការកិច្ចជាប្រធាន, ៣-លោកនាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស ជាអនុប្រធាន។

គណៈយុទ្ធមិត្ដជំនាន់បម្រើកងទ័ពឆ្នាំ ១៩៧៨ មានតួនាទីភារកិច្ចដូចតទៅ៖ ថែរក្សាប្រពៃណី ស្នេហាជាតិ ការពារស្នាដៃ និងសមិទ្ធផល ព្រមទាំងសច្ចធម៌ប្រវត្តិសាស្ត្រ ជួយជ្រោមជ្រែងដល់ជីវភាពរស់នៅរបស់យុទ្ធមិត្ត ពិសេសអ្នកដែលមានជីវភាពទន់ខ្សោយ ជួបទុក្ខលំបាក និងរៀបចំសមាជិកដែលជាយុទ្ធជន យុទ្ធនារី បានបម្រើកងទ័ពឆ្នាំ ១៩៧៨ ដែលស្ថិតក្រោមការដឹកនាំបញ្ជារបស់សម្តេចតេជោ ហ៊ុន សែន នៅពេលនោះ។

គិតមកដល់ថ្ងៃទី ២៨ ខែមីនា ឆ្នាំ ២០២៣នេះ មានក្រុមហ៊ុន និងសប្បុរសជនចំនួន ៦ហើយ បានចូលរួមបរិច្ចាគថវិកា ដែលរួមមាន៖

១. ក្រុមហ៊ុន ជីបម៉ុង គ្រុប របស់អ្នកឧកញ៉ា ភាព ហៀក បានឧបត្ថម្ភថវិកាចំនួន ៥០ម៉ឺនដុល្លារ។

២. ក្រុមហ៊ុន ក្រុមហ៊ុន LYP គ្រុប របស់អ្នកឧកញ៉ា លី យ៉ុងផាត់ បានឧបត្ថម្ភថវិកាចំនួន ៥០ម៉ឺនដុល្លារ។

៣. អ្នកឧកញ៉ា ជឹង សុភាព និងអ្នកឧកញ៉ា ឡាវ ម៉េងឃិន បានឧបត្ថម្ភថវិកាចំនួន ៥០ម៉ឺនដុល្លារ។

៤. ឧកញ៉ា ថៃ ជាហួត អគ្គនាយក្រុមហ៊ុនប៉េងហួត និងលោកជំទាវ បានឧបត្ថម្ភថវិកាចំនួន ២០ម៉ឺនដុល្លារ។

៥. ឧកញ៉ា អ៊ាន អេឡែន អគ្គនាយិកាសណ្ឋាគារសែនហា និងសហការី បានឧបត្ថម្ភថវិកាចំនួន ៥ម៉ឺនដុល្លារ។

៦. អ្នកឧកញ៉ា លី ហុង អគ្គនាយកក្រុមហ៊ុនឆាយហេង និងលោកជំទាវ បានឧបត្ថម្ភថវិកាចំនួន ៥ម៉ឺនដុល្លារ៕

អត្ថបទ៖ វិមាន

The post រាយនាមឧកញ៉ា និងសប្បុរសជន បរិច្ចាគថវិកាដល់គណៈយុទ្ធមិត្តជំនាន់បម្រើកងទ័ពឆ្នាំ ១៩៧៨ appeared first on Kampuchea Thmey Daily.

នៅក្នុងជំនួបនេះលោក សាសាកាវ៉ា បានជម្រាបជូនសម្ដេចតេជោ អំពីសកម្មភាពរបស់មូលនិធិសាសាកាវ៉ា នៅព្រះរាជាណាចក្រកម្ពុជា។ គួរបញ្ជាក់ថា មូលនិធិសាសាកាវ៉ានេះ គឺជាផ្នែកមួយ នៃមូលនិធិ នីប៉ុន ហើយសព្វថ្ងៃនេះ មូលនិធិនេះ កំពុងតែមានសកម្មភាព លើវិស័យ៖

ទី១- បង្កើតសាលាផលិតអវយវៈសិប្បនិម្មិត ដែលមានអាយុកាលប្រមាណ ៣០ឆ្នាំមកហើយ។ សាលានេះ ផលិតអវៈយវៈសិប្បនិម្មិត មានគុណភាពខ្ពស់ បច្ចេកទេសខ្ពស់ និងទទួលបានការគោរព និងមានប្រទេសចំនួន ២៨ បានបញ្ជូនសិស្សមកសិក្សាការផលិតអវយវៈសិប្បនិម្មិត នៅកម្ពុជា។

ទី២- ជួយសិស្សានុសិស្សនៅតាមជនបទ តាមរយៈការបង្រៀនភាសាអង់គ្លេស និងផ្ដល់អាហាររូបករណ៍ ដល់សិស្សចំនួនប្រមាណ ២ម៉ឺន ៥ពាន់នាក់ ឲ្យបានទទួលការសិក្សានៅភ្នំពេញផង និងនៅក្រៅប្រទេសផង។

ទី៣- ចូលរួមជាមួយក្រសួងសុខាភិបាល ក្នុងការប្រយុទ្ធប្រឆាំងជំងឺឃ្លង់ ដែលលោកបានមានប្រសាសន៍​ថា មកដល់ពេលនេះ ប្រទេសកម្ពុជា ស្ទើរតែអស់អ្នកជំងឺ ដែលមានជំងឺឃ្លង់ហើយ។

ទី៤- សកម្មភាពរបស់មូលនិធិនីប៉ុន នៅប្រទេសមីយ៉ាន់ម៉ា ជួយដល់ស្ត្រី និងកុមារ ខាងផ្នែកមនុស្សធម៌។

ជាការឆ្លើយតប សម្ដេចតេជោ ហ៊ុន សែន បានសម្ដែងនូវការរីករាយចំពោះការរីកចម្រើននូវសកម្មភាព របស់មូលនិធិរបស់លោកសាសាកាវ៉ា នៅព្រះរាជាណាចក្រកម្ពុជា ដែលមិនត្រឹមតែជួយដល់ប្រជាជនកម្ពុជាទេ គឺជួយដល់ប្រជាជនប្រទេសដទៃទៀតផង លើការផលិតអវយវៈសិប្បនិម្មិត។

សម្ដេចតេជោ ហ៊ុន សែន ក៏បានថ្លែងអំណរគុណចំពោះលោក សាសាកាវ៉ា ដែលបានជួយដល់កម្ពុជា លើវិស័យអប់រំ, លើវិស័យសុខាភិបាល ប្រយុទ្ធប្រឆាំងនឹងជំងឺឃ្លង់ ហើយមិនត្រឹមតែជួយដល់កម្ពុជាទេ បានជួយទៅដល់ប្រទេស មីយ៉ាន់ម៉ាទៀត ដោយជួយដល់កុមារ និងស្ត្រី លើវិស័យមនុស្សធម៌។ ជាមួយគ្នានេះ សម្ដេចតេជោនាយករដ្ឋមន្ត្រី ក៏បានស្នើសុំឲ្យលោក សាសាកាវ៉ា ប្រធានមូលនិធិនីប៉ុន បន្តជួយដល់ប្រទេសកម្ពុជាបន្តទៀត៕

The post សម្ដេចតេជោ ហ៊ុន​ សែន ថ្លែងអំណរគុណដល់ប្រធានមូលនិធិនីប៉ុន ដែលជួយដល់ប្រទេសកម្ពុជាលើវិស័យអប់រំ និងវិស័យសុខាភិបាល appeared first on Kampuchea Thmey Daily.

លោក ឈួរ សុបញ្ញា បានថ្លែងបែបនេះ ខណៈចូលរួមជាមួយលោក សុខ ប៊ុនថា អនុរដ្ឋលេខាធិការតំណាងលោក វង សូត រដ្ឋមន្រ្តីក្រសួងសង្គមកិច្ច អតីតយុទ្ធជន និងយុវនីតិសម្បទា ក្នុងការដឹកនាំក្រុមការងាររៀបចំអនុក្រឹត្យ ស្តីពី “ការបង្កើតមូលនិធិជាតិជំនួយសង្គម” ម.ជ.ជ. និងជាភាសាអង់គ្លេស National Social Assistance Fund ( NSAF) ស្ថិតក្រោមអាណាព្យាបាលបច្ចេកទេស របស់ក្រសួងសង្គមកិច្ច អតីតយុទ្ធជន និងយុវនីតិសម្បទា និងស្ថិតក្រោមអាណាព្យាបាលហិរញ្ញវត្ថុ របស់ក្រសួងសេដ្ឋកិច្ច និងហិរញ្ញវត្ថុ ចូលរួមក្នុងកិច្ចប្រជុំពិនិត្យ និងពិភាក្សាលើសេចក្តីព្រាងអនុក្រឹត្យ ស្តីពី ការបង្កើតមូលនិធិជាតិជំនួយសង្គម ជាគ្រឹះស្ថានសាធារណៈរដ្ឋបាលក្រោមលោក នូវ សុខសម្បត្តិ អនុរដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុម ការងារបច្ចេកទេសកែទម្រង់គ្រឹះស្ថានសាធារណៈរដ្ឋបាលតាម ប្រព័ន្ធអនឡាញ (Zoom) នៅថ្ងៃទី ១០ ខែមករា ឆ្នាំ ២០២២។

លោក ឈួរ សុបញ្ញា ប្រធាននាយកដ្ឋានសុខុមាលភាពសង្គម បានថ្លែងថា មូលនិធិជាតិជំនួយសង្គមមានសមត្ថកិច្ចជាប្រតិបត្តិករ របស់ក្រសួងសង្គមកិច្ច អតីតយុទ្ធជន និងយុវនីតិសម្បទា និងមូលនិធិជនពិការ(ម.ជ.ព.) ពាក់ព័ន្ធនឹងការអនុវត្តកិច្ចគាំពារសង្គម ព្រមទាំងសមត្ថកិច្ចជាប្រតិបត្តិករ របស់បេឡាជាតិសន្តិសុខសង្គម សម្រាប់មន្ត្រីរាជការស៊ីវិល (ប.ជ.ស.) និងសមត្ថកិច្ចជាប្រតិបត្តិករ របស់បេឡាជាតិអតីតយុទ្ធជន(ប.ជ.អ.) ដូចមានចែងក្នុងច្បាប់ និងលិខិតបទដ្ឋានគតិយុត្តពាក់ព័ន្ធ ត្រូវផ្ទេរឲ្យស្ថិតនៅក្រោមការគ្រប់គ្រងរបស់ មូលនិធិជាតិជំនួយសង្គម ដែលមានភារកិច្ចដូចតទៅគឺ ទី១.គ្រប់គ្រង និងចាត់ចែងកម្មវិធីជាតិជំនួយសង្គម និងរបបសន្តិសុខសង្គម ដូចមានចែងក្នុងមាត្រា ៣នៃអនុក្រឹត្យនេះ។ ទី២. គ្រប់គ្រង និងចាត់ចែងកម្មវិធីជាតិជំនួយសង្គមផ្សេងទៀត ដែលកំណត់ដោយបទដ្ឋានគតិយុត្តដោយឡែក។

ទី៣.គ្រប់គ្រង និងចាត់ចែងថវិកា សម្រាប់ការអនុវត្តកម្មវិធី និងរបបស្ថិតនៅក្រោមសមត្ថកិច្ចរបស់ ម.ជ.ជ. ដែលហិរញ្ញប្បទានដោយថវិការដ្ឋ ដៃគូអភិវឌ្ឍន៍ និងពីប្រភពស្របច្បាប់ផ្សេងៗ។ ទី៤.ធានាការបើកផ្ដល់តាវកាលិកទាំងឡាយ សម្រាប់អត្ថគាហកក្រោមកម្មវិធី និងរបបក្រោមសមត្ថកិច្ចរបស់ ម.ជ.ជ.។ ទី៥. ធានាការអនុវត្តលក្ខខណ្ឌនៃកម្មវិធី និងរបបក្រោមសមត្ថកិច្ចរបស់ ម.ជ.ជ. ឱ្យមានប្រសិទ្ធភាព តម្លាភាព និងគណនេយ្យភាព ស្របតាមបទប្បញ្ញត្តិជាធរមាន។

ទី៦.សិក្សា និងលើកសំណើពាក់ព័ន្ធ នឹងការជ្រើសរើស និងការកំណត់ក្រុមគោលដៅ រួមទាំងការគណ​នាចំណាយ ដើម្បីស្នើសុំការអនុម័តថវិកា សម្រាប់ការអនុវត្តកម្មវិធី និងរបបក្រោមសមត្ថកិច្ចរបស់ ម.ជ.ជ.។ ទី៧. សិក្សា និងធ្វើផែនការ ដើម្បីអភិវឌ្ឍបច្ចេកទេសគ្រប់គ្រងកម្មវិធី និងរបបក្រោមសមត្ថកិច្ចរបស់ ម.ជ.ជ. ឱ្យស្របតាមស្ថានភាពសេដ្ឋកិច្ច និងសង្គម។

ទី ៨ សិក្សា និងរៀបចំលិខិតបទដ្ឋានគតិយុត្ត ពាក់ព័ន្ធនឹងការគ្រប់គ្រងកម្មវិធី និងរបប ក្រោមសមត្ថកិច្ចរបស់ ម.ជ.ជ. និងអប់រំ ផ្សព្វផ្សាយ និងលើកកម្ពស់ការយល់ដឹង អំពីអត្ថប្រយោជន៍នៃកម្មវិធី និងរបប ក្រោមសមត្ថកិច្ចរបស់ ម.ជ.ជ. ឱ្យបានគ្របដណ្តប់ជាអតិបរមាដល់ក្រុមគោលដៅ។ ទី.៩បណ្តុះបណ្តាល និងពង្រឹងសមត្ថភាពមន្ត្រីពាក់ព័ន្ធ ក្នុងការគ្រប់គ្រង និងអនុវត្តកម្មវិធី និងរបប ក្រោមសមត្ថកិច្ចរបស់ ម.ជ.ជ.។ ទី១០ រៀបចំ និងគ្រប់គ្រងប្រព័ន្ធបច្ចេកវិទ្យាព័ត៌មាន សម្រាប់គ្រប់គ្រងដំណើរការកម្មវិធី។

ទី១១. សហការជួយរៀបចំកម្លាំងសេវាសង្គម ក្នុងក្របខណ្ឌកម្មវិធីជំនួយសង្គម។ ទី១២. ផ្តល់ការគាំទ្រ និងពង្រឹងកិច្ចសហការ ជាមួយក្រសួងស្ថាប័ន-អង្គភាព និងដៃគូអភិវឌ្ឍន៍ពាក់ព័ន្ធ ដែលគាំទ្រដល់ការអនុវត្តកម្មវិធី និងរបបក្រោមសមត្ថកិច្ចរបស់ ម.ជ.ជ.។ ទី១៣. រៀបចំរបាយការណ៍វឌ្ឍនភាពនៃការគ្រប់គ្រងកម្មវិធី និងរបប ក្រោមសមត្ថកិច្ចរបស់ ម.ជ.ជ. ជូនក្រុមប្រឹក្សាជាតិគាំពារសង្គម។ ទី.១៤ រៀបចំ និងចងក្រងស្ថិតិ និងទិន្នន័យនៃការគ្រប់គ្រងកម្មវិធី និងរបប ក្រោមសមត្ថកិច្ចរបស់ ម.ជ.ជ.។ ទី១៥. បំពេញភារកិច្ចដទៃទៀត តាមការចាំបាច់ តាមការកំណត់របស់រាជរដ្ឋាភិបាល៕

អត្ថបទ៖ វិមាន

The post មូលនិធិជាតិជំនួយសង្គម មានភារកិច្ចប្រតិបត្តិការនូវអត្ថប្រយោជន៍ ១៥ទិសដៅសំខាន់ៗ ដល់សង្គមនិងពលរដ្ឋ appeared first on Kampuchea Thmey Daily.

នៅ​ព្រឹក​ថ្ងៃទី១២ ខែឧសភា ឆ្នាំ២០២១​នេះ ​ដោយ​យោងតាម​សេចក្តីប្រកាស់​ព័ត៌មាន​របស់​កាកបាទ​ក្រហម​កម្ពុជា សេចក្តីអំពាវនាវ​ជូន​ឯកឧត្តម លោក​ឧកញ៉ា លោកជំទាវ លោក លោកស្រី ក្នុង​ស្ថាប័នរដ្ឋ និង​វិស័យ​ឯកជន​នៅក្នុង និង​ក្រៅ​ខេត្ត បាន​ឆ្លើយតប​ចូលរួម​ឧបត្ថម្ភ ជា​បន្តបន្ទាប់​ទោះបី​ការផ្អាក​ប្រារព្ធ​មេ​ទ្ទីងទាំង​ថ្នាក់កណ្តាល និង​ថ្នាក់​សាខាក៏​ដោយ។

​នៅក្នុង​ពិធី​ប្រគល់​នេះ​ឯកឧត្តម ម៉ែន វិបុល ក្នុងនាម​ប្រធាន​គណៈកម្មាធិការ​សាខា បាន​ថ្លែងអំណរគុណ​យ៉ាង ជ្រាលជ្រៅ​បំផុត​ចំពោះ អ្នកគ្រប់គ្រង​តំបន់​សេដ្ឋកិច្ច​ពិសេស​មេន​ហាត​ធេ​ន និង​លោក​ប្រធាន​អង្គភាព​អគ្គិសនី ស្វាយរៀង ដល់​សាខា​កាកបាទក្រហមកម្ពុជា​ខេត្ត នា​ថ្ងៃនេះ​ប្រកបដោយ​ទឹកចិត្ត​មនុស្សធម៌ ។ សូម​ជម្រាប​ផងដែរ​ថា កាលពី​ថ្ងៃទី ១០ ខែ ឧសភា ឆ្នាំ ២០២១ កន្លងទៅនេះ​ឯកឧត្តម នាយ​ឧ​ត្ត​ម​សេនីយ៍ សៅ សុខា អគ្គ​មេបញ្ជាការរង នៃ កងយោធពល​ខេមរភូមិន្ទ និង​ជា​មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស និង​សហការី បាន​ចូលរួម ឧបត្ថម្ភ នូវ​ថវិកា ១២០,០០០ ដុល្លារ (​មួយរយ​ម្ភៃ​ពាន់​ដុល្លារ​) ផ្ទេរ​ចូល​គណនេយ្យ​សាខា តាមរយៈ​ប្រព័ន្ធ​ធនាគារ រួចហើយ ។ សាខា​នឹង​បន្ត​យកចិត្តទុកដាក់​ប្រើប្រាស់​អំណោយ​ដ៏​សប្បុរស​នេះ ដើម្បី​បម្រើ​សកម្មភាព​មនុស្សធម៌ ជួយ​ដល់​ប្រជាពលរដ្ឋ ដែល​ជួប​ការលំបាក​ដោយ​គ្រោះធម្មជាតិ និង​គ្រោះមហន្តរាយ​ផ្សេងៗ​ឲ្យ​បាន​ទាន់ពេលវេលា។

​ទោះបី​ឆ្នាំនេះ​សាខា​មិនបាន​រៀបចំ​ពិធី​ដើម្បី​អបអរ​ខួប​ទី ១៥៨ ទិវា​ពិភពលោក​កាកបាទក្រហម អឌ្ឍចន្ទ​ក្រហម ដូច​ធ្លាប់បាន​ធ្វើជា​រៀងរាល់ឆ្នាំ​ក្តី សាខា​កាកបាទក្រហមកម្ពុជា​ខេត្តស្វាយរៀង នៅតែ​បន្ត​កៀរគរ​មូលនិធិ និង ស្វាគមន៍​ចំពោះ​ការចូលរួម​វិភាគទាន​ថវិកា សម្ភារ ពី​សំណាក់ ឯកឧត្តម លោក​ឧកញ៉ា លោកជំទាវ លោក លោកស្រី ជា​សប្បុរសជន នៅ​រាជធានី​ភ្នំពេញ តាមរយៈ​លោកជំទាវ​កិត្តិ​សង្គហ​បណ្ឌិត ម៉ែន សំអន លោកជំទាវ ដួង វណ្ណា ក្នុងនាម​ប្រធានកិត្តិយស​សាខា និង​ឯកឧត្តម នាយ​ឧ​ត្ត​ម​សេនីយ៍ សៅ សុខា អគ្គ​មេបញ្ជាការរង នៃ​កង យោធពលខេមរភូមិន្ទ និង​ជា​មេបញ្ជាការ​កងរាជអាវុធហត្ថ​លើ​ផ្ទៃ​ប្រទេស នៅ​ថ្នាក់​ខេត្ត​ឯកឧត្តម ម៉ែន វិបុល ប្រធាន​គណៈកម្មាធិការ​សាខា។ ហើយ​ការចូលរួម​ឧបត្ថម្ភ​គាំទ្រ​ថវិកា និង​សម្ភារ ដល់​សាខា​កាកបាទក្រហមកម្ពុជា​ខេត្តស្វាយរៀង កន្លងមក ក៏​ដូចជា​ពេលនេះ​ពិតជា​មាន​សារៈសំខាន់ ដើម្បី​ឆ្លើយតប​សេចក្តីត្រូវការ​ចំពោះ​ជនរងគ្រោះ និង​ងាយ​រងគ្រោះ មហន្តរាយ​នៅក្នុង​ខេត្ត​បាន​ទាន់ពេលវេលា​៕

អត្ថបទ៖ ​គឹម​សេង​

The post សាខា​កាកបាទក្រហមកម្ពុជា ​ខេត្តស្វាយរៀង ​បាន​ទ​ទួល​មូលនិធិ​ពី​សប្បុរសជន​ ជាង​២០០០០​ដុល្លារ appeared first on Kampuchea Thmey Daily.