ជាក់ស្ដែង​កាលពី​រសៀល​ថ្ងៃទី ១៥ ខែ​កញ្ញា ឆ្នាំ ២០២៥ លោក ថេង សុថុល អភិបាល នៃ​គណៈ​អភិបាល​ខណ្ឌ ៧ មករា បាន​ចាត់ចែង​មន្ត្រី​ជំនាញ​ចុះ​បាញ់ថ្នាំ​កម្ចាត់​មូស​ក្នុង​សង្កាត់​អូរឫស្សី​ទី ២ ខណ្ឌ ៧ មករា រាជធានី​ភ្នំពេញ។

ក្រោយពី​កម្លាំង​បាញ់ថ្នាំ​របស់​រដ្ឋបាល​ខណ្ឌ ៧ មករា ចុះ​ទៅ​បាញ់ថ្នាំ​សម្លាប់​មូស​រួចរាល់ ប្រជាពលរដ្ឋ​ក្នុង​មូលដ្ឋាន​ខណ្ឌ បាន​សម្តែង​នូវ​ទឹកចិត្ត​រីករាយ​យ៉ាង​ក្រៃលែង​ជា​ខ្លាំង និង​សូម​ថ្លែង​អំណរ​គុណ​យ៉ាង​ជ្រាលជ្រៅ​ចំពោះ លោក​អភិបាល​រាជធានី​ភ្នំពេញ លោក​អភិបាលខណ្ឌ ៧ មករា និង​ក្រុម​ការងារ​រដ្ឋបាល​ខណ្ឌ ដែល​តែងតែ​គិតគូរ​ពី​សុខភាព​សាធារណៈ​របស់​ប្រជាពលរដ្ឋ​ស្ថិត​ក្នុង​មូលដ្ឋាន​ខណ្ឌ ៧ មករា ទាំងមូល៕

អត្ថបទ ៖ ម៉េង

The post អាជ្ញាធរខណ្ឌ ៧ មករា ចុះបាញ់ថ្នាំមូសក្នុងមូលដ្ឋាន បង្ការទប់ស្កាត់ជំងឺគ្រុនឈាម appeared first on Kampuchea Thmey Daily.

លោកស្រី ដោ សម្ផស្ស នាយិការរងរដ្ឋបាល និងជាអ្នកនាំពាក្យរដ្ឋបាលរាជធានីភ្នំពេញ បានឱ្យដឹងនៅព្រឹកថ្ងៃទី១៨កុម្ភៈនេះថា គិតមកដល់ពេលនេះ អនុវត្តទៅតាមការណែនាំរបស់លោក ឃួង ស្រេង អភិបាលនៃគណៈអភិបាលរាជធានីភ្នំពេញ សកម្មភាពនៃការបាញ់ថ្នាំសម្លាប់មូសនៅក្នុងមូលដ្ឋានរាជធានីភ្នំពេញបាននិងកំពុងធ្វើសកម្មភាពបាញ់ទៅវិញទៅមក ដើម្បីទប់ស្កាត់ជំងឺគ្រុនឈាម។

លោកស្រី ដោ សម្ផស្ស បានបន្តថា អាជ្ញាធរខណ្ឌទាំង១៤ ក្រោមការសហការជាមួយក្រុមការងាររបស់មន្ទីរសុខាភិបាល បានធ្វើសកម្មភាពបាញ់ថ្នាំសម្លាប់មូសយ៉ាងមមាញឹក ពោលគឺមិនទាន់បានសម្រាកនៅឡើយទេ។ នេះជាការគិតគូររបស់លោក ឃួង ស្រេង ចំពោះសុខភាពសាធារណៈប្រជាពលរដ្ឋ ដែលរស់នៅក្នុងរាជធានីភ្នំពេញ ។

គួរបញ្ជាក់ថា កាលពីដើមខែមករា ឆ្នាំ២០២៥ កន្លងមក លោក ឃួង ស្រេង បានណែនាំ ឱ្យអាជ្ញាធរទាំង១៤ សហការជាមួយក្រុមការងាររបស់មន្ទីរសុខាភិបាលរាជធានីភ្នំពេញ បើកយុទ្ធនាចុះធ្វើការបាញ់ថ្នាំសម្លាប់មូសក្នុងជុំទី១ ហើយកាលពីថ្ងៃ០៨កុម្ភៈ ឆ្នាំ២០២៥ លោកអភិបាល ក៏បានណែនាំឱ្យបើកយុទ្ធនាចុះធ្វើការបាញ់ថ្នាំសម្លាប់មូសក្នុងជុំទី២ទៀត ដោយសារ មើលឃើញថា មូស បានកើតមានឡើងវិញ និងមានចំនួនច្រើន ដែលអាចបង្កហានិភ័យដល់សុខមាលភាពប្រជាពលរដ្ឋបន្តទៀត។

គួរបញ្ជាក់បន្ថែមថា យុទ្ធនាការបាញ់ថ្នាំសម្លាប់មូសលើកទី១ បានបញ្ចប់កាលពីថ្ងៃទី២៩ ខែមករា ឆ្នាំ២០២៥ ដោយប្រើប្រាស់រយៈពេលបាញ់ចំនួន១៦ថ្ងៃ។ ចំណែកជុំទី២នេះ បានអនុវត្តកាលពីថ្ងៃ០៨កុម្ភៈ ឆ្នាំ២០២៥ ដោយបង្វែរការបាញ់ថ្នាំសម្លាប់មូស មកចូលក្នុងផ្ទះប្រជាពលរដ្ឋវិញ ដើម្បីសម្លាប់មូសគ្រប់ប្រភេទនៅតាមខ្នងផ្ទះប្រជាពលរដ្ឋ កាត់បន្ថការព្រួយបារម្ភរបស់បងប្អូនដោយសារតែកាលពីជុំទី១ ក្រុមការងារចុះបាញ់ថ្នាំមូសបានបាញ់នៅខាងក្រៅផ្ទះពោលគឺបាញ់នៅតាមប្រឡាយ លូ និងតាមព្រៃប៉ុណ្ណោះ ហើយសម្មភាពនេះ មកដល់ថ្ងៃទី១៨កុម្ភៈនេះ មិនទាន់បានបញ្ចប់នូវឡើយទេ៕

អត្ថបទ៖ ស្រីរ័ត្ន

The post សកម្មភាពបាញ់ថ្នាំសម្លាប់មូសក្នុងមូលដ្ឋានរាជធានី មិនទាន់បញ្ចប់នៅឡើយ appeared first on Kampuchea Thmey Daily.

លោក​វេជ្ជបណ្ឌិត​ ងី មាន​ហេង ប្រធាន​មន្ទីរ​សុខាភិបាល​រាជធានី​ភ្នំពេញ ​ឱ្យ​ដឹង​នៅ​ថ្ងៃ​ទី​ ២៤ មករា នេះ​ថា អនុវត្ត​តាម​ការ​ចង្អុល​ណែនាំ​ពី​លោក ​ឃួ​ង ស្រេង អភិបាល ​នៃ​គណៈ​អភិបាល​រាជធានី​ភ្នំពេញ ពាក់ព័ន្ធ​នឹង​សុខុមាលភាព​ប្រជាពលរដ្ឋ គិត​ថ្ងៃទី​ ២៤ មករា​នេះ យុទ្ធនាការ​បាញ់សម្លាប់​មូស​ខ្លា ក្នុង​មូលដ្ឋាន​ខណ្ឌ​ទាំង​ ១៤ នៅ​រាជធានី​ភ្នំពេញ ក្រោម​កិច្ចសហការ​រវាង​អាជ្ញាធរ​ខណ្ឌ​ និង​កងកម្លាំង​កងពលតូច​លេខ​ ៧០(​ង​ ៧០) បានបញ្ចប់​ដំណាក់កាល​ទី ​១ ​ចំនួន ​៧ ​ខណ្ឌ​ហើយ។ នៅ​ពេលនេះ​ ក្រុមការងារ​បាននិងកំពុង​បន្ត​បាញ់សម្លាប់​មូស​ខ្លា​នៅតាម​ខណ្ឌ​ចំនួន​ ៧ ​ទៀត។

គួរ​បញ្ជាក់​ថា យុទ្ធនាការ​បាញ់សម្លាប់​មូស​ខ្លា ក្នុង​មូលដ្ឋាន​ខណ្ឌ​ទាំង ​១៤ នៅ​រាជធានី​ភ្នំពេញ បាន​ចាប់ផ្ដើម​ឡើង​កាលពី​ល្ងាច​ថ្ងៃទី​ ១៤ ខែមករា ​ឆ្នាំ​ ២០២៥ កន្លងមកនេះ ដែល​នេះ​ជា​កាដូ​ដ៏​មាន​តម្លៃ​របស់​ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី និង​លោកជំទាវ​បណ្ឌិត ពេជ ចន្ទ​មុន្នី ហ៊ុន ម៉ាណែត។

លោក ឃួង ស្រេង បានឱ្យដឹង​នាពេល​បើក​យុទ្ធនាការ​កន្លង​នេះ​ថា នៅ​ដើមឆ្នាំ​ ២០២៥​ នេះ នៅ​រាជធានី​ភ្នំពេញ ពិសេស​នៅតាម​ប្រឡាយ បានកើត​មូស​យ៉ាងច្រើន បង្កឱ្យមាន​ហានិភ័យ​ចំពោះ​សុខុមាលភាព​ប្រជាពលរដ្ឋ។ ក្នុង​នោះ ដោយ​មើល​ឃើញ​ពី​បញ្ហា​ប្រឈម​នេះ អាជ្ញាធរ​រាជធានី​ភ្នំពេញ សហការ​ជាមួយ​កងកម្លាំង​កងពល​តូច​លេខ​ ៧០ (​ង​ ៧០) បើក​យុទ្ធនាការ​បាញ់សម្លាប់​មូស​ខ្លា​នៅពេលនេះ​តែម្ដង។

ប្រជាពលរដ្ឋ នៅក្នុង​មូលដ្ឋាន​ខណ្ឌ​ទាំង ​៧ ដែល​ក្រុមការងារ​បាញ់សម្លាប់​មូស​ខ្លា​រួច បាន​សម្តែង​នូវ​ទឹកចិត្ត​រីករាយ​យ៉ាង​ក្រៃលែង ចំពោះ​អាជ្ញាធរ ក្រុមគ្រូពេទ្យ ​នៃ​អង្គភាព ​៧១១ កងពលតូច​លេខ​ ៧០ ដែល​បាន​ធ្វើ​យុទ្ធនាការ​បាញ់ថ្នាំ​មូស​ក្នុង​ភូមិឋាន​របស់​ពួកគាត់ ដើម្បី​ទប់ស្កាត់​ជំងឺគ្រុនឈាម ដែល​នេះ​បង្ហាញឱ្យឃើញ​ពី​កា​គិតគូរ​ពី​សុខុមាលភាព​សាធារណៈ​របស់​ប្រជាពលរដ្ឋ៕

អត្ថបទ ៖ ស្រីរ័ត្ន

The post យុទ្ធនាការបាញ់សម្លាប់មូសខ្លា ទាំង ១៤ ខណ្ឌ ក្នុងរាជធានីភ្នំពេញ សម្រេចបាន ៧ ខណ្ឌហើយ appeared first on Kampuchea Thmey Daily.

លោក សុខ សម្បត្តិអភិបាលខណ្ឌបឹងកេងកង បានអោយដឹងថា ដោយអនុវត្តន៍តាមបទបញ្ជាលោក ឃួង ស្រេង អភិបាលនៃគណៈអភិបាលរាជធានីភ្នំពេញ លើការយកចិត្តទុកដាក់ពីសុខមាលភាពប្រជាពលរដ្ឋ និងដោយយោងទៅលើស្ថានភាពជាក់ស្ដែង នៃការរីករាលដាលជំងឺគ្រុនឈាមមានការកើនឡើង លោកបានដឹកនាំរដ្ឋបាលខណ្ឌបឹងកេងកង ចុះបាញ់ថ្នាំសម្លាប់មូស ប្រយុទ្ធប្រឆាំងជំងឺគ្រុនឈាមនៅតាមសង្កាត់ ទូទាំងមូលដ្ឋានខណ្ឌបឹងកេងកងតែម្តង។

ជាមួយគ្នានេះ លោក សុខ សម្បត្តិ អភិបាលខណ្ឌ បានអំពាវនាវឲ្យប្រជាពលរដ្ឋរស់នៅក្នុងមូលដ្ឋាន ចូលរួមលុបបំបាត់ជម្រកមូសខ្លា ដូចជាលុបបំបាត់ទឹកដក់ជាជម្រកមូសខ្លា (ទឹកដក់នៅក្នុងសំបកកង់ឡាន កង់ម៉ូតូ សំបកកំប៉ុង ដប វត្ថុដក់ទឹកភ្លៀងជាជម្រកមូសខ្លា)។ ដើម្បីរួមគ្នាលុបបំបាត់ជម្រកមូសខ្លា នៅក្នុងសហគមន៍របស់យើង នឹងរួមចំណែកទុបស្កាត់ការចម្លងជំងឺគ្រុនឈាម៕

អត្ថបទ៖ រដ្ឋា

The post រដ្ឋបាលខណ្ឌបឹងកេងកង បន្តយុទ្ធនាការបាញ់ថ្នាំសម្លាប់មូសជូនពលរដ្ឋក្នុងមូលដ្ឋាន appeared first on Kampuchea Thmey Daily.

លោក ងី មានហេង ប្រធានមន្ទីរសុខាភិបាលរាជធានីភ្នំពេញ បានឱ្យដឹងថា លទ្ធផលនៃយុទ្ធនាការបាញ់ថ្នាំមូស ក្នុងមូលដ្ឋានរាជធានីភ្នំពេញ ចាប់ផ្ដើមពីថ្ងៃទី២០ ខែសីហា ឆ្នាំ២០២៤មក គឺមានរយៈពេល៣ថ្ងៃហើយ មន្ទីរសុខាភិ បាលរាជធានី សហការជាមួយកងពលតូចលេខ៧០ និងអាជ្ញាធរដែនដី បានរួមសហការចុះបាញ់ថ្នាំមូសជូនប្រជាពលរដ្ឋបាន១២សង្កាត់ ក្នុងខណ្ឌដូនពេញ ,ខណ្ឌឫស្សីកែវ ,ខណ្ឌមានជ័យ,ខណ្ឌសែនសុខ,ខណ្ឌទួលគោក និងខណ្ឌពោធិ៍សែនជ័យ រួមមាន សង្កាត់ក្រាំងធ្នង់, សង្កាត់ឈ្មួញ, សង្កាត់កាកាបទី២,សង្កាត់ច្រាំងចំរេទី១,សង្កាត់ផ្សារដេប៉ូទី២,សង្កាត់ផ្សារដើមគរ,សង្កាត់ទំនប់ទឹក,សង្កាត់ផ្សារថ្មីទី២,សង្កាត់បឹងរាំង,សង្កាត់ផ្សារកណ្តាលទី១,សង្កាត់ច្បារអំពៅទី១ ,សង្កាត់ច្បារអំពៅទី២, ចំពោះលទ្ធផល នៃយុទ្ធនាការបាញ់ថ្នាំមូសក្នុងមូលដ្ឋាន នៅថ្ងៃទី២១ ខែសីហា វិញបានចំនួន១២សង្កាត់ ក្នុងខណ្ឌចំនួន៧ ។ ទី១,ខណ្ឌពោធិ៍សែនជ័យ,ទី២,ខណ្ឌឫស្សីកែវ, ទី៣,ខណ្ឌទួលគោក ។ ទី៤ខណ្ឌដូនពេញ។ ទី៥ខណ្ឌចំការមន។ទី៦ខណ្ឌ៧មករា និងទី៧ ខណ្ឌច្បារអំពៅ រួមមាន៖ សង្កាត់ត្រពាំងក្រសាំង, សង្កាត់សំរោងក្រោម, សង្កាត់ច្រាំងចំរេះទី២, សង្កាត់ស្វាយប៉ាក, សង្កាត់ផ្សារដេប៉ូទី១,សង្កាត់ផ្សារដេប៉ូទី៣,សង្កាត់ផ្សារដើមថ្កូវ,សង្កាត់មនោរម្យ,សង្កាត់វាលវង់,សង្កាត់ចតុមុខ,សង្កាត់ព្រែកថ្មី និងសង្កាត់និរោធ ។

ដោយឡែកនៅថ្ងៃទី២២ ខែសីហាឆ្នាំ២០២៤ ក្រុមការងារ បានចុះបាញ់ថ្នាំសម្លាប់មូស តាមបណ្តាខណ្ឌក្នុងរាជធានីភ្នំពេញ បានចំនួន៧ខណ្ឌបន្ដទៀត បានចំនួន ១២សង្កាត់ ក្នុងនោះរួមមាន ខណ្ឌចំការមន ក្នុងសង្កាត់ទន្លេបាសាក់,ខណ្ឌ៧មករា ក្នុងសង្កាត់ អូឬស្សីទី១ និងសង្កាត់អូឬស្សីទី២, ខណ្ឌច្បារអំពៅ បាន២សង្កាត់គឺសង្កាត់ ព្រែកប្រា និងសង្កាត់វាលស្បូវ ,ខណ្ឌព្រែកព្នៅ បាន២សង្កាត់ គឺសង្កាត់គោករកា និងសង្កាត់ព្រែកព្នៅ,ខណ្ឌដង្កោ បាន២សង្កាត់ គឺសង្កាត់ដង្កោ និងសង្កាត់ពងទឹក ,ខណ្ឌកំបូល បាន២ សង្កាត់គឺសង្កាត់ ភ្លើងឆេះរទេះ និងសង្កាត់កំបូល, ខណ្ឌជ្រោយចង្វារ បាន១ សង្កាត់ គឺសង្កាត់ព្រែកតាសេក៕

អត្ថបទ៖ សុខា

The post យុទ្ធនាការបាញ់ថ្នាំសម្លាប់មូស រយៈពេល៣ថ្ងៃ​ ក្នុងរាជធានីភ្នំពេញបាន៧ខណ្ឌក្នុង៧៣សង្កាត់ appeared first on Kampuchea Thmey Daily.

ការចុះបាញ់ថ្នាំបង្ការការចម្លងជំងឺគ្រុនឈាមខាងលេីនេះ​ ធ្វេីឡេីងនៅតាមបន្ទប់ជួលរបស់កម្មករ​ កម្មកានីរោងចក្រ​ ដែលស្ថិតនៅចំណុច​ភូមិតាកេរ្តិ៍​ សង្កាត់កំបូល ខណ្ឌកំបូល រាជធានីភ្នំពេញ។

ជាមួយគ្នានេះ លោក ឃឹម ស៊ុនសូដា ក៏បានអំពាវនាវឲ្យប្រជាពលរដ្ឋចូលរួមលុបបំបាត់ជម្រកមូសខ្លា ដូចជាលុបបំបាត់ទឹកដក់ថ្លាជាជម្រកមូសខ្លា ទឹកដក់នៅក្នុងសំបកកង់ឡាន កង់ម៉ូតូ សំបកកំប៉ុង ដប វត្ថុដក់ទឹកភ្លៀងជាជម្រកមូសខ្លា។ រួមគ្នាលុបបំបាត់ជម្រកមូសខ្លា នៅក្នុងសហគមន៍ដើម្បីរួមចំណែកទុបស្កាត់ការចម្លងជំងឺគ្រុនឈាម៕

អត្ថបទ៖ សុខា

The post អាជ្ញាធរខណ្ឌកំបូលចុះបាញ់ថ្នាំកម្ចាត់មូស ដើម្បីបង្ការការចម្លងជំងឺគ្រុនឈាម​នៅតាមបន្ទប់ជួលកម្មករ​កម្មការិនីរោងចក្រ​ appeared first on Kampuchea Thmey Daily.

លោក ងី មានហេង ប្រធានមន្ទីរសុខាភិបាលរាជធានីភ្នំពេញ បានឱ្យដឹងនៅថ្ងៃទី១៤សីហានេះថា អនុវត្តតាមការណែនាំផ្ទាល់ពីលោកឃួង ស្រេង អភិបាលរាជធានីភ្នំពេញ ដែលលោកតែងតែយកចិត្តទុកដាក់ពីសុខភាពប្រជាពលរដ្ឋ ក្នុងរដូវភ្លៀងនេះ មន្ទីរសុខាភិបាលរាជធានីភ្នំពេញបានណែនាំបន្តឱ្យមន្ត្រីមណ្ឌលសុខភាពកតាមខណ្ឌនានាបចុះអប់រំផ្សព្វផ្សាយសុខភាពស្តីពីជំងឺគ្រុនឈាម និងដាក់ថ្នាំអាប៊ែតសម្លាប់ដង្កូវទឹកតាមផ្ទះនិងភូមិរបស់ប្រជាពលរដ្ឋ។

លោកបន្តថា ជាក់ស្ដែងកាលពីថ្ងៃទី១៣ខែសីហា ឆ្នាំ២០២៤មន្ត្រីមណ្ឌលសុខភាពកន្ទោកបានចុះអប់រំផ្សព្វផ្សាយសុខភាពស្តីពីជំងឺគ្រុនឈាម និងដាក់ថ្នាំអាប៊ែតសម្លាប់ដង្កូវទឹក នៅភូមិកំរៀង ភូមិស្រែក្នុង ស្ថិតក្នុងសង្កាត់កន្ទោក ខណ្ឌកំបូល រាជាធានីភ្នំពេញ។

ប្រធានមន្ទីរសុខាភិបាលរាជធានីភ្នំពេញ ក៏បានអំពាវនាវឱ្យប្រជាពលរដ្ឋរស់នៅរាជធានីភ្នំពេញ ចូលរួមលុបបំបាត់ជម្រកមូសខ្លា។ ទឹកដក់ថ្លាជាជម្រកមូសខ្លា (ទឹកដក់នៅក្នុងសំបកកង់ឡាន កង់ម៉ូតូ សំបកកំប៉ុង ដប វត្ថុដក់ទឹកភ្លៀងជាជម្រកមូសខ្លា)។ ពលរដ្ឋត្រូវរួមគ្នាលុបបំបាត់ជម្រកមូសខ្លា នៅក្នុងសហគមន៏ ដើម្បីរួមចំណែកទុបស្កាត់ការចម្លងជំងឺគ្រុនឈាម។

លោកប្រធានមន្ទីរបញ្ជាក់ថា មូសខ្លាជាភ្នាក់ងារចម្លងជំងឺគ្រុនឈាម រីឯមូសអង្កាមមិនមែនជាភ្នាក់ងារចម្លងជំងឺគ្រុនឈាមទេ។ ការទុកដាក់សំបកកង់ឡាន ម៉ូតូហាលភ្លៀងនៅក្នុងសហគមន៏ គឹជាការបង្កើតជម្រកមូសខ្លាក្រោយពេលភ្លៀងធ្លាក់។មូសខ្លាមិនពងដាក់ក្នុងទឹកស្អុយ លូ និងទឹកល្អក់ទេ។ មូសខ្លាពងដាក់ក្នុងទឹកដក់ថ្លា គ្មានក្លិនស្អុយ ទឹកក្នុងថូផ្កា ទឹកក្នុងទម្រជើងទូចាន ទឹកដក់នៅក្នុងចានស្នោនិងកែវជ័រដែលចោលហាលភ្លៀង ទឹកដក់លើថង់ប្លាស្ទិកចោលហាលភ្លៀង ។ល។ ការដាក់អាបែតក្នុងពាងនិងអាងទឹកដើម្បីសម្លាប់ដង្កូវទឹកជាការរួមចំណែកទុបស្កាត់ការកកើតមូសខ្លាដែលជាភ្នាក់ងារចម្លងជំងឺគ្រុនឈាម៕

អត្ថបទ៖ ស្រីរ័ត្ន

The post មន្ទីរសុខាភិបាលរាជធានី ចុះដាក់ថ្នាំសម្លាប់ដង្កូវទឹក និងអំពាវនាវឱ្យបំបាត់ជម្រកមូសខ្លា ទើបគ្មានជំងឺគ្រុនឈាម appeared first on Kampuchea Thmey Daily.

គួររំលឹកថា៖ អនុវត្តតាមការចង្អុលបង្ហាញពីសម្ដេចមហាបវរធិបតីហ៊ុន ម៉ាណែត នាយករដ្ឋមន្ត្រី លើការយកចិត្តទុកដាក់សុខមាលភាពប្រជាពលរដ្ឋ និងដោយយោងទៅលើស្ថានភាពជាក់ស្ដែងនៃការរីករាលដាលជំងឺគ្រុនឈាមមានការកើនឡើង លោក ឃួង ស្រេង អភិបាលនៃគណៈអភិបាលរាជធានីភ្នំពេញ បានដឹកនាំប្រជុំជាមួយអាជ្ញាធរ និងមន្ត្រីជំនាញពាក់ព័ន្ធ ដើម្បីចាត់វិធានជាបន្ទាន់ ដោយចាត់ក្រុមការងារនៃមន្ទីរសុខាភិបាលរាជធានីភ្នំពេញ និងដោយមានកិច្ចសហការ ពីកងពលតូចលេខ៧០ ចុះបាញ់ថ្នាំមូសនៅសង្កាត់ទាំង១០៥ ទូទាំងរាជធានីភ្នំពេញសំដៅធ្វើយ៉ាងណាលុបបំបាត់ឱ្យអស់មូសខ្លា និងគ្មានជំងឺគ្រុនឈាម។

ក្រុមការងារនេះបានចាប់ផ្តើមអនុវត្តកាលពីល្ងាចថ្ងៃទី ២៣កុម្ភៈឆ្នាំ២០២៤ នៅខណ្ឌចំនួន៥ដែលជាខណ្ឌមានបញ្ហាប្រឈម ជំងឺគ្រុនឈាមខ្លាំងជាងគេ នោះគឺខណ្ឌដង្កោ ខណ្ឌកំបូល ខណ្ឌពោធិ៍សែនជ័យ ខណ្ឌសែនសុខ និង
ខណ្ឌមានជ័យ តែពេលនេះបានបន្តរហូតដល់៩ខណ្ឌស្មើនិង៤២សង្កាត់ហើយ៕

អត្ថបទ៖ ស្រីរ័ត្ន

The post យុទ្ធនាការបាញ់សម្លាប់មូសខ្លា នៅក្នុងភូមិសាស្ត្ររាជធានីភ្នំពេញ appeared first on Kampuchea Thmey Daily.