មើមដំឡូងមី Archives - Kampuchea Thmey Daily

អាហារ ៥ មុខនេះអាចជួយរាងកាយជាសះស្បើយពីរបួស ឬជំងឺផ្សេងៗបានលឿន

Sonya — Wed, 16 Jun 2021 06:23:00 +0000

ក្រោយពីទទួលការវះកាត់ ឬកំពុងជាសះស្បើយពីជំងឺផ្សេងៗ អាហារ និងភេសជ្ជៈដែលយើងញ៉ាំអាចជួយឲ្យជាសះស្បើយលឿន ឬអាចធ្វើឲ្យជាសះសើ្បយយឺតយ៉ាវបាន។ អាហារមួយចំនួនដូចជាផ្លែឈើ បន្លែ និងអាហារមានប្រូតេអ៊ីនគឺអាចជួយបន្ថយការរលាក ពង្រឹងប្រព័ន្ធភាពស៊ាំ និងជួយដល់ការជាសះស្បើយ។ អត្ថបទនេះនឹងលើកឡើងពីអាហារដែលជួយឲ្យរាងកាយជាសះស្បើយលឿន។

១. ស៊ុត

ក្រោយពីវះកាត់ហើយ រាងកាយយើងត្រូវការប្រូតេអ៊ីនបន្ថែមចន្លោះ ១,៥-២ក្រាមក្នុងមួយគីឡូក្រាមនៃទម្ងន់របស់យើង។ បើយើងមានទម្ងន់ ៦៨គីឡូក្រាមមានន័យថាយើងត្រូវការប្រូតេអ៊ីន ១០៥-១៣៥ក្រាម។ ស៊ុតមិនត្រឹមតែសម្បូរប្រូតេអ៊ីនទេ វានៅផ្តល់សារធាតុចិញ្ចឹមផ្សេងទៀតដូចជាវីតាមីន A វីតាមីន B12 ជាតិស័ង្កសី និងជាតិដែក ដែលជួយទ្រទ្រង់ដល់សុខភាពប្រព័ន្ធភាពស៊ាំ និងការជាសះស្បើយរបស់របួស។

២. គ្រាប់ផ្លែឈើ (Nuts)

គ្រាប់ផ្លែឈើដូចជាគ្រាប់អាល់ម៉ុង គ្រាប់walnut និងគ្រាប់ផ្កាឈូករ័ត្នសុទ្ធតែអាចជួយដល់រាងកាយអំឡុងពេលវិវត្តទៅរកភាពជាសះស្បើយ។ គ្រាប់ផ្លែឈើទាំងនេះជាប្រភពល្អនៃជាតិស័ង្កសី វីតាមីន E ម៉ង់កាណែស និងម៉ាញេស្យូម។ វីតាមីន E ដើរតួជាសារធាតុប្រឆាំងអុកស៊ីតកម្មការពារការខូចខាតកោសិកា និងសំខាន់សម្រាប់សុខភាពប្រព័ន្ធភាពស៊ាំ។

៣. សាច់មាន់

សាច់មាន់សម្បូរដោយអាស៊ីដអាមីណូ glutamine និងarginine ដែលជួយដល់ការជាសះស្បើយ។ Glutamine ផ្តល់ការការពារដល់កោសិកាអំឡុងពេលស្ត្រេសដូចជាពេលឈឺ និងរងរបួស ចំណែកឯ arginine ជួយដល់ការផលិតខូឡាជេន និងការជាសះស្បើយរបស់របួស។

៤. គ្រឿងក្នុងសត្វ

គ្រឿងក្នុងសត្វសម្បូរដោយសារធាតុចិញ្ចឹមដែលជួយពង្រឹងដល់ប្រព័ន្ធភាពស៊ាំ។ សារធាតុចិញ្ចឹមទាំងនោះមានដូចជាវីតាមីន A ស័ង្កសី ជាតិដែក វីតាមីន B និងជាតិស្ពាន់។ វីតាមីន A សំខាន់សម្រាប់ការឆ្លើយតបរបស់ប្រព័ន្ធភាពស៊ាំ ជួយរារាំងការរលាកកោសិកា និងជួយឲ្យរបួសជាសះស្បើយឆាប់រហ័ស។ ម៉្យាងទៀត គ្រឿងក្នុងក៏សម្បូរប្រូតេអ៊ីនដែលសំខាន់សម្រាប់ការជាសះស្បើយក្រោយពីវះកាត់ ឬជាពីជំងឺផ្សេងៗផងដែរ។

៥. ដំឡូងជ្វា

ដំឡូងជ្វាជាអាហារមានកាបូអ៊ីដ្រាតខ្ពស់ ហើយកាបូអ៊ីដ្រាតអាចផ្ដល់ថាមពលដែលកោសិកាត្រូវការសម្រាប់ការជាសះស្បើយ។ ការទទួលបានកាបូអ៊ីដ្រាតមិនគ្រប់គ្រាន់អាចធ្វើឲ្យការជាពីរបួសមានភាពយឺតយ៉ាវ។ ដំឡូងជ្វាក៏មានវីតាមីន C ម៉ង់កាណែស និងសារធាតុ carotenoid ដែលជួយដល់ការឆ្លើយតបរបស់ប្រព័ន្ធភាពស៊ាំ និងជួយរាងកាយជាសះស្បើយ។

ក្រៅពីរបបអាហារល្អហើយ យើងក៏អាចពន្លឿនការជាសះស្បើយបានតាមរយៈ៖

ការសម្រាក៖ ការគេងឲ្យបានគ្រប់គ្រងអាចជួយដល់ដំណើរការជួសជុលរបស់រាងកាយបាន។
ការផឹកទឹក៖ ការផឹកទឹកឲ្យគ្រប់គ្រាន់ជួយដល់ការជាសះស្បើយមិនថាពេលរងរបួស ឬពីជំងឺដែលបង្កឲ្យមានការបាត់បង់ជាតិទឹកដូចជាគ្រុនក្ដៅ និងរាករូស។
ចៀសវាងបារី និងគ្រឿងស្រវឹង៖ បារី និងគ្រឿងស្រវឹងអាចពន្យារការជាសះស្បើយ និងធ្វើឲ្យប្រព័ន្ធភាពស៊ាំចុះខ្សោយ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ហូបតែបៃតង៣ដង ក្នុង១សប្តាហ៍បង្ការជំងឺបានច្រើន ហើយជួយខួរក្បាលទៀត

ចុចអាន៖ ទាំងស្លឹកនិងមើមដំឡូងមីឃើញចឹងទេ តែមានគុណប្រយោជនដ៏មហាសាល ដល់ប្រព័ន្ធភាពស៊ាំ

The post អាហារ ៥ មុខនេះអាចជួយរាងកាយជាសះស្បើយពីរបួស ឬជំងឺផ្សេងៗបានលឿន appeared first on Kampuchea Thmey Daily.

ទាំងស្លឹកនិងមើមដំឡូងមីឃើញចឹងទេ តែមានគុណប្រយោជនដ៏មហាសាល ដល់ប្រព័ន្ធភាពស៊ាំ

សាង ស្រីល័ក្ខ — Wed, 16 Jun 2021 01:51:16 +0000

ដំឡូងមីគឺជាប្រភពនៃសារធាតុ niacin, riboflavin, thiamine, និងវីតាមីន C នៅពេលដែលសារធាតុរ៉ែនិងវីតាមីនទាំងអស់នេះដំណើរការជាមួយគ្នា ប្រព័ន្ធភាពស៊ាំរបស់មនុស្សម្នាក់ៗកាន់តែរឹងមាំ។

វាមានន័យថា រាងកាយនឹងត្រូវបានការពារពីការចម្លងរោគនៃជំងឺឆ្លង ដែលអាចកើតមានក្នុងវិបត្តិរោគរាតត្បាតនេះ។ ប្រព័ន្ធភាពស៊ាំរបស់យើងកាន់តែខ្លាំង គឺរាងកាយមានសុខភាពល្អនិងរឹងមាំជាងមុន។

១ ស្លឹកដំឡូងមីមានផ្ទុកប្រូតេអ៊ីន

ប្រូតេអ៊ីនមិនមែនមានតែក្នុងសាច់ឡើយ។ បន្លែដូចជាស្លឹកដំឡូងមីអាចផ្ដល់ ២៥% នៃប្រូតេអ៊ីនប្រចាំថ្ងៃ ដែលរាងកាយត្រូវការដើម្បីដំណើរការបានល្អ។ វាជាអាហារបំប៉នដ៏ល្អនិងមានសុខភាពល្អ សម្រាប់អ្នកដែលចង់បានប្រូតេអ៊ីនបន្ថែម ដោយមិនចាំបាច់ងាកទៅរកសាច់និងផលិតផលកែច្នៃឡើយ។

២ ទប់ស្កាត់ហើមពោះឬទល់លាមក

ដំឡូងមីមានប្រយោជន៍ជាពិសេសក្នុងការចិញ្ចឹមបាក់តេរី ពោះវៀនដែលមានប្រយោជន៍នៅក្នុងរាងកាយ។ តាមរយៈនេះ ប្រព័ន្ធរំលាយអាហារទាំងមូលត្រូវបានជួយ ព្រោះវាជួយសម្រួលដល់ការរំលាយអាហារដែលមានសុខភាពល្អ ក៏ដូចជាចលនាពោះវៀនមានដំណើរការល្អជាទៀងទាត់។ ការទល់លាមកឬហើមពោះអាចត្រូវបានរារាំងដោយសារការហូបដំឡូងមី។

៣ ផ្ទុកទៅដោយសារធាតុរ៉ែសារធាតុចិញ្ចឹមនិងវីតាមីនច្រើនប្រភេទ

ដំឡូងមីមួយពែងមានជាតិកាល់ស្យូម (៣៣ មិល្លីក្រាម) កាឡូរី (៣៣០) កាបូអ៊ីដ្រាត (៧៨,៤ ក្រាម) ជាតិសរសៃ (៣.៧ ក្រាម) ម៉ាញ៉េស្យូម (៤៣ មិល្លីក្រាម) ប៉ូតាស្យូម (៥៥៨ មិល្លីក្រាម) ប្រូតេអ៊ីន (២,៨ ក្រាម) វីតាមីនC (៤២,៤ មិល្លីក្រាម) ។ ជាមួយនឹងមាតិកាទាំងអស់នេះ មិនត្រឹមតែដំឡូងមីទេដែលល្អបំផុតទាក់ទងនឹងរសជាតិ ប៉ុន្តែវាក៏មានប្រយោជន៍ផងដែរនៅក្នុងសារធាតុចិញ្ចឹមនៃរាងកាយ៕

ប្រែសម្រួល៖ សាង ស្រីល័ក្ខ

ប្រភព៖practicalheal

ចុចអាន៖របបអាហារផ្ដោតលើរុក្ខជាតិ មិនត្រឹមជួយឲ្យសុខភាពល្អ តែកាត់បន្ថយអាការធ្ងន់ធ្ងរនៃកូវីដបានល្អប្រសើរ

ចុចអាន៖ធ្លាប់តែបរិភោគផ្លែស៊ូ តិចអត់ដឹងថាបន្លែពណ៌ខៀវនេះ មានអត្ថប្រយោជន៍ច្រើនចំពោះសុខភាពរាងកាយ

The post ទាំងស្លឹកនិងមើមដំឡូងមីឃើញចឹងទេ តែមានគុណប្រយោជនដ៏មហាសាល ដល់ប្រព័ន្ធភាពស៊ាំ appeared first on Kampuchea Thmey Daily.

មើមដំឡូងមី Archives - Kampuchea Thmey Daily

អាហារ ៥ មុខនេះអាច​ជួយរាងកាយជាសះស្បើយពីរបួស ឬជំងឺផ្សេងៗ​បាន​លឿន

១. ស៊ុត

២. គ្រាប់​ផ្លែឈើ (Nuts)

៣. សាច់​មាន់

៤. គ្រឿង​ក្នុង​សត្វ