ការ​លើក​ឡើង​នេះ​​ ​ជា​ការឆ្លើយតប​ដោយប្រយោល ចំពោះ​ការគំរាមកំហែង​របស់​ប្រធានាធិបតី ដូណាល់ ត្រាំ ថា​ អ៊ីរ៉ង់​ប្រឈម​មុខនឹងការបំផ្លិចបំផ្លាញ​ជា​ថ្មី​ ប្រសិនបើ​ទីក្រុង​តេហេរ៉ង់​មិន​ចុះ​ចាញ់ជាមួយ​​អាមេរិក​។ នេះ​បើ​យោង​តាមបទសម្ភាសន៍​មួយ​កាលពីថ្ងៃចន្ទ​ ទី​០៤​ ខែឧសភា​ ឆ្នាំ​២០២៦ ជាមួយ​កាសែតអាមេរិក​​ New Yorker ។

លោក អូបាម៉ា លើក​ឡើងជាមួយ​កាសែត​ New Yorker ថា​៖ « ខ្ញុំជឿ​ថា ភាពជាអ្នក​ដឹកនាំអាមេរិក ដែល​តំណាងដោយប្រធានាធិបតី​អាមេរិក​ ត្រូវតែឆ្លុះបញ្ចាំង​ពីការគោរពជាមូលដ្ឋាន​ ចំពោះសេចក្តីថ្លៃថ្នូរ​របស់​មនុស្ស និងភាពសមរម្យ មិនត្រឹមតែនៅក្នុងព្រំដែនរបស់យើង​ប៉ុណ្ណោះ​ទេ ប៉ុន្តែលើសពីនេះ»។

ដោយសង្ស័យ​លើ​សង្គ្រាមប្រឆាំងនឹងអ៊ីរ៉ង់​មានផល​ប្រយោជន៍​ឬអត់ លោក អូបាម៉ា តប​ថា៖ « នាយក​រដ្ឋមន្ត្រី​អ៊ីស្រាអែល​ លោក​ បេន​ចាមីន​ ណេតាន់យ៉ាហ៊ូ បាន​ជំរុញទាំង​ខ្ញុំ​ និង លោក ត្រាំ​ ឱ្យ​ប្រឈមមុខ​ដាក់​គ្នាខាង​យោធាប្រឆាំង​នឹង​អ៊ីរ៉ង់​ ប៉ុន្តែខ្ញុំ​បដិសេធ»។

ដោយ​ឡែក ចំពោះ​ការគំរាមកំហែងរបស់ លោក ត្រាំ​ ប្រឆាំងនឹងអ៊ីរ៉ង់ ដែលអះអាង​​ថា​៖ « អរិយធម៌ទាំងមូលរបស់​អ៊ីរ៉ង់​នឹងស្លាប់ត្រឹម​តែ​មួយ​យប់​ មិនអាច​ត្រូវបាននាំមកវិញបានទេ»។  ដោយ​ការ​ឆ្លើយ​តប​ លោក អូបាម៉ា ថ្លែង​ដោយមិនបញ្ចេញឈ្មោះប្រធានាធិបតីអាមេរិក​ដោយផ្ទាល់​ តែ​ខ្លួន​លើក​ឡើង​ថា ភាសាបែបនេះផ្ទុយ​នឹងអ្វីដែលថ្នាក់​ដឹក​នាំ​អាមេរិក​គួរ​​តែមាន​។

លោក អូបាម៉ា បន្ត​​ថា៖ « ប្រសិនបើយើងមិនផ្តល់សំឡេង​ដល់តម្លៃស្នូល​ទាំង​នោះទេ មានមនុស្សស្លូតត្រង់​ក្នុងប្រទេស​​នឹង​​មានរដ្ឋាភិបាល​ដ៏​អាក្រក់! យើង​ត្រូវយកចិត្តទុកដាក់​ចំពោះមនុស្សទាំងនោះ ពួក​គេ​អាច​ធ្វើ​ខុស​ ប្រសិនបើយើង​មិនការពារប្រឆាំងនឹងភាព​ក្រអឺតក្រទម ហើយ​ទង្វើ​ទាំង​នោះ​ជា​ផល​ប្រយោជន៍​មេដឹក​នាំ​ផ្ទាល់ខ្លួន​សុទ្ធសាធ[…] ប្រសិនបើ​មេដឹក​នាំ​មិន​មានរបស់​ទាំងនោះទេ[តម្លៃស្នូល] ពិភពលោកអាចបែកបាក់​​អាក្រក់​បំផុត​»៕

ប្រែសម្រួល៖ ណឺ មិនា

The post អូបាម៉ា ហាក់​ព្រមាន​​ត្រាំ ដោយ​ប្រយោល​ ថា​ ​អាមេរិក​ប្រឈម​នឹងការបំផ្លិចបំផ្លាញ​ពិភពលោក​ធ្ងន់ធ្ងរ appeared first on Kampuchea Thmey Daily.

​បេក្ខជន​​​ប្រជែង​តំណែង​​អគ្គលេខា​ធិការ​អង្គការសហប្រជាជាតិ លោក Rafael Grossi ​បច្ចុប្បន្ន​អគ្គនាយក​ទីភ្នាក់ងារ​ថាមពលបរមាណូ​អន្តរ​ជាតិ (IAEA) ប្រាប់​អ្នកតំណាង​​ប្រទេសនានា​ថា៖ « យើង​នៅទីនេះ​ដើម្បី​ពិនិត្យ​ឡើង​វិញ​នូវឧបករណ៍​សំខាន់​បំផុត​មួយ​ក្នុងច្បាប់អន្តរជាតិ និង​ក្នុង​នយោបាយ​អន្តរជាតិទាំងមូល»។

គួរ​​កត់សម្គាល់ថាមាន​ប្រទេសចំនួន​១៩១ បាន​ពឹងផ្អែកលើ​កិច្ចព្រម​ព្រៀង​នេះ ចាប់តាំងពីចូលជាធរមាននៅឆ្នាំ ១៩៧០។ដោយ​អ្នក​ជំនាញ​​ហៅសន្ធិសញ្ញានេះថា ជា​ពន្លឺ​ភ្លើង​នៃភាពប្រាកដ​ប្រជា​​ក្នុងពិភពលោកដែល​មានបទដ្ឋានអន្តរជាតិកាន់​តែស្តើងទៅៗ។  

លោក Grossi និយាយថា៖ « កិច្ចព្រមព្រៀង​នេះ​នៅ​តែ​ជា​ចំណុច​ស្ថិរ​ភាព​ដ៏កម្រមួយ ​ពេល​មានភាពតានតឹងសកល សង្គ្រាមនិង​ការបែក​បាក់អន្តរជាតិ​កើនឡើង»។

លោកផ្តល់សញ្ញា​ជោគជ័យមួយលើកិច្ចខិតខំប្រឹងប្រែង​ ដើម្បី​បញ្ឈប់​ការរីករាលដាលនៃអាវុធនុយក្លេអ៊ែរ និង​លើក​ឡើង​ថា៖ « ពិភពលោក ជិតឈានដល់សកល​ភាពមួយ ដោយប្រទេស​សមាជិក​ទាំង​អស់ ​បាន​ចុះហត្ថលេខា​លើ​កិច្ចព្រមព្រៀង​ត្រួត​ពិនិត្យនុយក្លេអ៊ែរអន្តរជាតិ»​។

លោក Grossi ក៏​បានបង្ហាញពីការកើនឡើងយ៉ាងខ្លាំង នៅក្នុង​ប្រទេស​ដែលងាក​ទៅរកថាមពលនុយក្លេអ៊ែរ ហើយកត់សម្គាល់ថា៖ « តម្រូវ​ការកំពុងកើនឡើង នៅគ្រប់ទ្វីប ​វា​លែងត្រូវបាន​កំណត់​ចំពោះ​ក្រុមតូចមួយនៃមហាអំណាចនុយក្លេអ៊ែរប្រពៃណីទៀតហើយ»។

លោកមានប្រសាសន៍ថា៖ « យើងឃើញ​វាស្ទើរតែរាល់ថ្ងៃ ពីប្រទេស​បង់ក្លាដែស ដល់ប្រទេសតួកគី ដល់​ប្រទេសអេហ្ស៊ីប។ ប្រទេស​ជា​ច្រើន​កំពុងឈាន​ទៅរកការកេងប្រវ័ញ្ចនុយក្លេអ៊ែរ»។

លោកសង្កត់ធ្ងន់​លើគោលការណ៍គ្រឹះនៃសន្ធិសញ្ញានេះ​ថា៖ « ប្រទេសមួយ​ចំនួន​តូច​មានអាវុធនុយក្លេអ៊ែរ​​គឺប្រសើរជាងប្រទេស​​ជា​​ច្រើនដែល​​​មានវា​ដែរ​។ ការរំសាយអាវុធនុយក្លេអ៊ែរ នៅ​តែជាការប្តេជ្ញាចិត្ត​របស់​យើង ហើយបច្ចេកវិទ្យានុយក្លេអ៊ែរត្រូវតែ​សម្រាប់​ទាំងអស់គ្នា និងវានៅតែមានសុពលភាពដូច​ថ្ងៃដែល​បានព្រាងឡើងជាលើកដំបូង»៕

ប្រែសម្រួល៖ ណឺ មិនា

The post នាយក IAEA ជំរុញ​ឱ្យ​មេដឹក​នាំ​ពិភពលោក ឈរ​លើ​សន្ធិសញ្ញាមិន​រីក​សាយ​ភាយ​នុយក្លេអ៊ែរ appeared first on Kampuchea Thmey Daily.

ជាការកត់សម្គាល់ដ៏ធំបំផុតមួយនោះគឺ ប្រធានាធិបតីរុស្ស៊ី និងមេដឹកនាំកូរ៉េខាងជើង ដែលបានធ្វើដំណើរទៅក្រៅប្រទេសដ៏កម្រមួយ ដើម្បីចូលរួមស្រាប់តែដើរទន្ទឹមនឹងលោក ស៊ី នៅពេលពួកគេឡើងទៅកាន់វេទិកាមើលពីលើទីលានធានអានមេន និងទស្សនាការបង្ហាញសម្ភារៈយោធា និងទាហានដើរក្បួន។ ក្រុម​អ្នក​សង្កេតការណ៍​និយាយ​ថា ការ​បង្ហាញ​ខ្លួន​រួម​នេះ​ជា​ការ​បង្ហាញ​ពី​ការ​រួបរួម​ប្រឆាំង​នឹង​សហរដ្ឋ​អាមេរិក។

ជាការចាប់អារម្មណ៍ធំ នៅពេលដែលអំណាចនុយក្លេអ៊ែរ​ទាំង​បីរូបដើរទន្ទឹមគ្នា នៅចំពីមុខមេដឹកនាំផ្សេងៗទៀត នោះនាំឲ្យផ្ទុះចម្ងល់ ទាក់ទឹននឹងទ្រព្យសម្បត្តិរបស់បុរសខ្លាំងទាំង៣រូបនេះ ថាតើមានទំហំច្រើនប៉ុន្មាននៅក្នុងឆ្នាំ ២០២៥នេះ?

ទី១ លោក ស៊ី ជីនពីង

ទ្រព្យសម្បត្តិដែលត្រូវបានប្រកាសជាផ្លូវការរបស់លោក ស៊ី ជីនពីង គឺតិចតួចបំផុត ត្រឹមតែប្រហែល ១ លានដុល្លារប៉ុណ្ណោះ។ ប៉ុន្តែការប៉ាន់ប្រមាណខាងក្រៅប្រែប្រួលយ៉ាងទូលំទូលាយ ចាប់ពីរាប់រយលានដល់ជាងមួយពាន់លាន ដែលភាគច្រើនផ្អែកលើការរំពឹងទុក និងសមាគមគ្រួសារដោយប្រយោល។ ដោយសារតែ កង្វះតម្លាភាពផ្នែកហិរញ្ញវត្ថុនៅក្នុងប្រព័ន្ធនយោបាយរបស់ប្រទេសចិន ទើបធ្វើឲ្យស្ទើរតែមិនអាចបញ្ជាក់ពីទ្រព្យសម្បត្តិពិតប្រាកដរបស់គាត់បាន។

យ៉ាងណា របាយការណ៍ស៊ើបការណ៍សម្ងាត់របស់សហរដ្ឋអាមេរិក បានលេចធ្លាយនៅដើមឆ្នាំ ២០២៥ គូសបញ្ជាក់ថា ក្រុមគ្រួសាររបស់លោកស៊ី ជីនពីង (បងប្អូនប្រុសស្រី ក្មួយប្រុស) អាចគ្រប់គ្រងទ្រព្យសម្បត្តិលើសពី១ពាន់លានដុល្លារ ជាពិសេសតាមរយៈការកាន់កាប់អចលនទ្រព្យ និងអាជីវកម្ម។ ប៉ុន្តែការកាន់កាប់ទាំងនេះត្រូវបានសន្មតថាជាសមាជិកគ្រួសារ មិនត្រូវបានបញ្ជាក់ថាជាទ្រព្យសម្បត្តិផ្ទាល់ខ្លួនរបស់លោកស៊ី នោះទេ។

ទី២ លោក វ៉្លាឌីមៀរ ពូទីន

ទោះបីជាប្រាក់ចំណូលផ្លូវការតិចតួចក៏ដោយ អ្នកវិភាគ និងអ្នកកាសែតស៊ើបអង្កេតជាច្រើនបានផ្តល់យោបល់ថាទ្រព្យសម្បត្តិពិតរបស់លោកពូទីនមានទំហំធំជាង – ជាទូទៅត្រូវបានលើកឡើងក្នុងចន្លោះពី ៧០ពាន់លានដុល្លារទៅ ២០០ពាន់លានដុល្លារ។ ជាពិសេសត្រូវបានភ្ជាប់ទៅនឹងទ្រព្យសម្បត្តិដូចជាវិមានរបស់ពូទីនដ៏ថ្លៃថ្លា។

ទ្រព្យសម្បត្តិរបស់លោក ពូទីន ត្រូវបានគេជឿថាត្រូវបានលាក់តាមរយៈបណ្តាញនានា គណនីនៅឯនាយសមុទ្រ និងសហការីដ៏មានឥទ្ធិពល ជាជាងចុះបញ្ជីនៅក្រោមឈ្មោះរបស់គាត់ផ្ទាល់។ ដូច្នេះ នាំឲ្យពិបាកប៉ាន់ស្មានថា មេដឹកនាំពិភពលោកមានទ្រព្យផ្លូវការប៉ុន្មាន។

ទី៣ លោក គីម ជុងអ៊ុន

យោងតាម Celebrity Net Worth រាយការណ៍ថា លោក គីម ជុងអ៊ុន មានទ្រព្យសរុបប៉ាន់ស្មាន ៥ ពាន់លានដុល្លារ ដោយលើកឡើងពីគណនីធនាគារដែលគ្រប់គ្រងដោយគ្រួសារនៅទូទាំងស្ថាប័នធនាគារបរទេសប្រហែល ២០០នៅកន្លែងដូចជាប្រទេសអូទ្រីស ស្វីស និងសិង្ហបុរី។ ការប៉ាន់ប្រមាណនេះ ក៏គិតទៅលើវិមានជាច្រើន រថយន្តទំនើប យន្តហោះឯកជន និងទូកកម្សាន្តផងដែរ៕

អត្ថបទ៖ សាង ស្រីល័ក្ខ

ចុចអាន៖ធ្លាយវីដេអូលោក Yoon ជាប់ឃុំក្នុងពន្ធធនាគារមួយកន្លែង

The post ​ទ្រព្យសម្បត្តិ មហាអំណាចនុយក្លេអ៊ែរ៣រូប ដែលមានវត្តមានក្នុងព្យុហយាត្រាយោធា​ ចិន appeared first on Kampuchea Thmey Daily.

នៅក្នុងវីដេអូមួយ គេឃើញប្រធានាធិបតីអាមេរិកវ័យ៧៨ឆ្នាំ បានបង្ហាញសកម្មភាពឱប​ថើប​ប្រពន្ធពីខាងក្រោយ ខណៈគាត់ដើរចូលទៅជិតឧទ្ធម្ភាគចក្រ Marine One ដែលចតនៅលើវាលស្មៅនៃសេតវិមាន។ ​​កាយវិការ​​របស់​​ប្រមុខរដ្ឋអាមេរិក​រូប​នេះ បង្ហាញ​ពី​ពេលវេលាដ៏រ៉ូមែនទិកនិងកម្រមួយរបស់គូស្នេហ៍ដ៏មានឥទ្ធិពលបំផុតរបស់អាមេរិក ខណៈពេលដែលម្តងម្កាលលោកតែងតែបង្ហាញក្តីស្រលាញ់ចំពោះភរិយាក្នុងទឹកមុខស្ងប់ស្ងាត់ និងចៀសឆ្ងាយពីគ្នាប៉ុណ្ណោះ។

​ក្នុង​ពេល​កាន់អំណាច​របស់​ប្រធានាធិបតី​ត្រាំ​ក្នុង​អាណត្តិដំបូង (២០១៧ -​២០២១​) ប្រព័ន្ធផ្សព្វផ្សាយជាច្រើនធ្លាប់​បានចុះផ្សាយថា ​ជំទាវ​ទី​១​ មេឡានៀ ច្រានចោលការប៉ុនប៉ងរបស់ស្វាមី ដើម្បីកាន់ដៃគាត់​នៅក្នុងព្រឹត្តិការណ៍សាធារណៈមួយ។ អាកប្បកិរិយា​នេះ​បាន​ធ្វើ​ឲ្យ​អ្នកទាំងពីរ ត្រូវ​បាន​គេ​សង្ស័យ​ម្តង​ហើយ​ម្តង​ទៀត​ថា ​មាន​បញ្ហាល្អក់កករក្នុងនាមជាគូស្វាមីភរិយា និងអាចកំពុងត្រៀម​ខ្លួន​សម្រាប់​ការ​លែង​លះថែមទៀតផង។

មិនតែប៉ុណ្ណោះ នៅក្នុងសៀវភៅអនុស្សាវរីយ៍របស់ជំទាវទីមួយអាមេរិក ដែលបានចេញផ្សាយក្នុងខែតុលា ឆ្នាំ ២០២៤ លោកស្រីបានលើកឡើងពីការចោទប្រកាន់ថា បានទះដៃស្វាមីក្នុងអំឡុងពេលដំណើរទស្សនកិច្ចទៅកាន់ប្រទេសអ៊ីស្រាអែលក្នុងឆ្នាំ ២០១៧។

យោងតាមពិធីសារស្វាគមន៍ លោក ត្រាំ ដែលពេលនោះជាប្រធានាធិបតីអាមេរិក ត្រូវដើរទន្ទឹមគ្នាជាមួយនាយករដ្ឋមន្ត្រីអ៊ីស្រាអែល លោក Benjamin Netanyahu និងប្តីប្រពន្ធរបស់ពួកគេនៅពីក្រោយ។ គ្រាន់តែគ្រានោះ លោក Netanyahu បាន​កាន់​ដៃ​ភរិយា​របស់​លោក ដែល​នាំ​ឲ្យ​អ្នក​ទាំង​បី​ដើរ​ទន្ទឹម​គ្នាពុំកើត។

អតីតតារាបង្ហាញម៉ូដរូបនេះថែមទាំង​អះអាងទៀត​ថា «កម្រាលព្រំក្រហមមិនមានកន្លែងគ្រប់គ្រាន់សម្រាប់ពួកយើងទាំងបួននាក់ដើរក្បែរគ្នានោះទេ។ ខ្ញុំបានអនុញ្ញាតឲ្យស្វាមគីខ្ញុំបន្តដើរជាមួយនាយករដ្ឋមន្រ្តី និងភរិយា ដោយជ្រើសរើសដើរពីក្រោយគាតវិញ។ ពេលប្តីខ្ញុំលើកដៃខ្ញុំបដិសេធដោយនិយាយថា ខ្ញុំសប្បាយចិត្តណាស់ដែលបានដើរដោយខ្លួនឯង។ វាជាកាយវិការតូចមួយ គ្មានអ្វីលើសពីនេះទេ»។

ទោះជាយ៉ាងក៏ដោយ ដំណើរទៅកាន់បុរីវ៉ាទីកង់ក៏ជាព្រឹត្តិការណ៍មួយក្នុងចំណោមព្រឹត្តិការណ៍មួយចំនួនដែលលោកស្រី មេឡានៀ បានចូលរួមជាមួយលោកត្រាំ ចាប់តាំងពីការវិលត្រឡប់មកកាន់សេតវិមាន។ ក្នុងអំឡុងពេលអាណត្តិទីពីររបស់ស្វាមី លោកស្រីនៅតែកម្របណ្ដើរគ្នាជាមួយស្វាមីដដែល។ លើកចុងក្រោយដែលស្រ្តីវ័យ៥៥ឆ្នាំបង្ហាញមុខជាសាធារណៈជាមួយស្វាមី គឺនៅក្នុងព្រឹត្តិការណ៍ Easter egg roll កាលពីថ្ងៃទី ២១ ខែមេសា៕

អត្ថបទ៖ សាង ស្រីល័ក្ខ

ចុចអាន៖ជំទាវទី១អាមេរិក នៅតែបញ្ចេញឥទ្ធិពលខ្លាំង និងលេចធ្លោពេលបណ្ដើរជាមួយស្វាមី

The post កាយវិការស្និទ្ធស្នាលរបស់ លោកត្រាំ និងជំទាវទី១ ​ក្នុងអាណត្តិនេះ ខុស​ឆ្ងាយ​ពី​អាណត្តិ​មុន​ appeared first on Kampuchea Thmey Daily.

លោកស្រីទទួលបានសំឡេងគាំទ្រ៣១៩ ក្នុងការបោះឆ្នោតរបស់រដ្ឋសភា ដើម្បីឡើងកាន់អំណាចបន្តពីលោក សេដ្ឋា ថាវីស៊ីន ដែលត្រូវតុលាការធម្មនុញ្ញថៃ ចេញសាលក្រមដកហូតតំណែង ជុំវិញការតែងតាំងទណ្ឌិត ឲ្យចូលធ្វើការក្នុងគណៈរដ្ឋមន្ត្រី។

ស្របពេលពិភពលោកកំពុងផ្តោតការយកចិត្តទុកដាក់ចំពោះវ័យរបស់លោកស្រី ថ្ងៃនេះ កម្ពុជាថ្មី សូមបង្ហាញជូនប្រមុខដឹកនាំពិភពលោកបច្ចុប្បន្នទាំង១០រូប ដែលមានវ័យក្មេងបំផុត៖

1. នាយករដ្ឋមន្ត្រីបារាំង Gabriel Attal ៖ កើតថ្ងៃទី១៦ ខែមីនា ឆ្នាំ១៩៨៩ (អាយុ៣៥ឆ្នាំ)
2. ប្រធានាធិបតីស្តីទី បួគីណាហ្វាសូ Ibrahim Traoré ៖ កើតថ្ងៃទី១៤ ខែមីនា ឆ្នាំ១៩៨៨ (អាយុ៣៦ឆ្នាំ)
3. ប្រធានាធិបតីអេក្វាទ័រ Daniel Noboa ៖ កើតថ្ងៃទី៣០ ខែវិច្ឆិកា ឆ្នាំ១៩៨៧ (អាយុ៣៦ឆ្នាំ)
4. នាយករដ្ឋមន្ត្រីម៉ុងតេណេហ្គ្រោ Milojko Spajić ៖ កើតថ្ងៃទី២៤ ខែកញ្ញា ឆ្នាំ១៩៨៧ (អាយុ៣៦ឆ្នាំ)
5. ប្រធានាធិបតីម៉ុងតេណេហ្គ្រោ Jakov Milatović ៖ កើតថ្ងៃទី៧ ខែធ្នូ ឆ្នាំ១៩៨៦ (អាយុ៣៧ឆ្នាំ)
6. នាយករដ្ឋមន្ត្រី សាធារណរដ្ឋអៀរឡង់ ៖ កើតថ្ងៃទី១៧ ខែតុលា ឆ្នាំ១៩៨៦ (អាយុ៣៧ឆ្នាំ)
7. នាយករដ្ឋមន្ត្រីថៃ Paetongtarn Shinawatra ៖ កើតថ្ងៃទី២១ ខែសីហា ឆ្នាំ១៩៨៦ (អាយុ៣៧ឆ្នាំ)
8. ប្រធានាធិបតី​ឈីលី Gabriel Boric៖ កើត​ថ្ងៃ​ទី១១ ខែ​កុម្ភៈ ឆ្នាំ១៩៨៦ (អាយុ៣៨ឆ្នាំ)
9. នាយករដ្ឋមន្ត្រីអារ៉ាប៊ីសាអូឌីត Mohammed bin Salman ៖ ប្រសូតថ្ងៃទី៣១ ខែសីហា ឆ្នាំ១៩៨៥ (ព្រះជន្ម៣៨វស្សា)
10. ប្រធានាធិបតីឆាដ Mahamat Déby ៖ កើតថ្ងៃទី៤ ខែមេសា ឆ្នាំ១៩៨៤ (អាយុ៤០ឆ្នាំ)៕

អត្ថបទ៖ សុខ សុវណ្ណ

ចុចអាន៖ កូនស្រីពៅលោកថាក់ស៊ីន បង្កើតប្រវត្តិសាស្រ្តថៃ ក្លាយជានាយករដ្ឋមន្ត្រីក្មេងជាងគេបំផុត

The post មកស្គាល់ មេដឹកនាំពិភពលោក វ័យក្មេងបំផុត ទាំង១០រូប នាពេលបច្ចុប្បន្ន appeared first on Kampuchea Thmey Daily.

ខាង​ក្រោម​នេះ​ គឺ​ជា​បុរស​សង្ហា ឬ​សិចស៊ី​បំផុត​ទាំង ១០ ដែល​បច្ចុប្បន្ន​កំពុង​កាន់​តំណែង​ជា​មេដឹកនាំ​នយោបាយ​ក្នុង​ពិភពលោក​ សម្រាប់​​ឆ្នាំ​ខាង​មុខ។

១ Emmanuel Macron Emmanuel Macron​​ អាយុ​ ៤៤ ឆ្នាំ

កើត​នៅ​ថ្ងៃទី ២១ ខែធ្នូ ឆ្នាំ ១៩៧៧ លោកជា​អ្នក​នយោបាយ ​បាន​កាន់​តំណែង​ជា​ប្រធានាធិបតី​បារាំង​តាំងពី​ថ្ងៃ​ទី ១៤ ឧសភា ២០១៧។ មុន​ពេល​ឈរ​ឈ្មោះ​ជា​ប្រធានាធិបតី លោក​ធ្លាប់​ធ្វើ​ជា​រដ្ឋមន្ត្រី​ក្រសួង​សេដ្ឋកិច្ច ឧស្សាហកម្ម និង​កិច្ចការ​ឌីជីថល។ Emmanuel Macron ក្លាយ​ជា​មេដឹកនាំ​វ័យ​ក្មេង​បំផុត​របស់​បារាំង ​ចាប់​តាំង​ពី​ណាប៉ូឡេអុង ។

២ Jigme Khesar Namgyel Wangchuck ព្រះជន្ម ៤១

ព្រះអង្គជា Druk Gyalpo ឬ “ស្តេច​នាគ” នៃព្រះរាជាណាចក្រ​ប៊ូតាន។ ទ្រង់មាន​ភាព​ល្បីល្បាញ​លើ​ពិភពលោក ដោយសារ​រូបរាង​ដ៏​ល្អ​ជាមួយ​នឹង​ទម្រង់​មុខ និង​បុគ្គលិក​លក្ខណៈ​រឹងមាំ ។ ព្រះចៅអធិរាជ Jigme Khesar Namgyel Wangchuck បាន​ក្លាយ​ជា​ស្ដេច​នៃ​ប្រទេស​ប៊ូតាន​នៅ​អាយុ ២៦ ឆ្នាំ នា​ខែ​តុលា ឆ្នាំ ២០១១ ។ ប្រព័ន្ធ​ផ្សព្វផ្សាយ​បាន​ដាក់​ឈ្មោះ​ទ្រង់​​ថា “ព្រះអង្គម្ចាស់​មន្ត​ស្នេហ៍” បន្ទាប់ពី​ទ្រង់​បាន​បង្កើត​ចំណាប់​អារម្មណ៍​យូរអង្វែង​ជាមួយ អ្នក​កោតសរសើរ​ស្ត្រី។

៣ Justin Trudeau អាយុ ៤៩ ឆ្នាំ

នាយករដ្ឋមន្ត្រី​កាណាដារូបនេះ​ មានភាព​ទាក់ទាញ​ដែល​មិន​អាច​ប្រកែក​បាន ធ្វើ​ឲ្យ​គាត់​ក្លាយ​ជា​តារា​នៃ​រឿង “Mr Steal Your Girl” ជាច្រើនបន្ទាប់ពីរូបភាពរបស់ Ivanka Trump, Emma Watson, Kate Middleton និងសូម្បីតែ Donald Trump កំពុង​សម្លឹង​មើល​គាត់​ដោយ​ការ​កោតសរសើរ។ Justin Trudeau គឺ​ជា​នាយករដ្ឋមន្ត្រី​កាណាដា ​ដែល​សង្ហា​និង​អស្ចារ្យ​បំផុត​មិន​ធ្លាប់​បាន​ឃើញ​ និង​ត្រូវ​បាន​គេ​បោះឆ្នោត​​ឲ្យ​ឡើង​កាន់​តំណែង ដោយ​ពីមុន​គាត់​គឺ​ជា​គ្រូ​បង្វឹក​ជិះកង់ និង​ជា​អ្នក​ប្រដាល់​មួយ​រូបប៉ុណ្ណោះ។

៤ លោក Mark Rutte នាយករដ្ឋមន្ត្រី​ហូឡង់ (បុរស​នៅលីវ)

កើត​ថ្ងៃទី ១៤ ខែ​កុម្ភៈ ឆ្នាំ ១៩៦៧ ជា​អ្នក​នយោបាយ​ហូឡង់ ដែល​បាន​ធ្វើ​ជា​នាយករដ្ឋមន្ត្រី​នៃ​ប្រទេស​នេះ​តាំង​ពី​ថ្ងៃ​ទី ១៤ ខែ​តុលា ឆ្នាំ២០១០ និង​ជា​មេដឹកនាំ​គណបក្ស​ប្រជាជន​ដើម្បី​សេរីភាព និង​លទ្ធិប្រជាធិបតេយ្យ ចាប់​តាំង​ពី​ថ្ងៃទី ៣១ ខែ​ឧសភា ឆ្នាំ ២០០៦។ Mark Rutte មិន​ទាន់​រៀបការ​ទេ និងជា​សមាជិក​នៃ​សាសនា​ចក្រប្រូតេស្តង់​នៅ​ប្រទេស​ហូឡង់។

៥ Borut Pahor អាយុ ៥៨

នាយករដ្ឋមន្ត្រី​ពីឆ្នាំ ២០០៨ ដល់ឆ្នាំ ២០១២ ប្រធានាធិបតីពីឆ្នាំ ២០១២ ដល់បច្ចុប្បន្ន លោក Borut Pahor ដែល​មាន​អាយុ ៥៨ ឆ្នាំគឺជាការប្រកួតនៃនយោបាយស្លូវេនី ។ Borut Pahor កើតនៅថ្ងៃទី ២ ខែវិច្ឆិកា​ឆ្នាំ ១៩៦៣ នៅ Postojna ។ គាត់មានសញ្ញាបត្រផ្នែកវិទ្យាសាស្ត្រនយោបាយ ដោយផ្តោតលើ​ទំនាក់ទំនង​អន្តរជាតិ។ នៅឆ្នាំ ១៩៨៧ លោកបានឈ្នះពានរង្វាន់ Prešeren និង Zore ពីមហាវិទ្យាល័យ​សង្គមវិទ្យា វិទ្យាសាស្រ្តនយោបាយ និងសារព័ត៌មាន សាកលវិទ្យាល័យ Ljubljana សម្រាប់​និក្ខេបបទ​បញ្ចប់​ការសិក្សារបស់​លោក។

៦ Harry ព្រះជន្ម​ ៣៧ រាជបុត្រ នៃ Wales

ព្រះអង្គម្ចាស់ Harry គឺ​ជា​សមាជិក​នៃ​គ្រួសារ​រាជវង្ស​អង់គ្លេស។ ទ្រង់​ប្រសូតនៅថ្ងៃទី ១៥ ខែ កញ្ញា ឆ្នាំ ១៩៨៤។ ក្នុងនាមជាបុត្រ​ពៅរបស់ Charles ព្រះអង្គម្ចាស់នៃប្រទេស Wales និង Diana, Princess of Wales គឺជាអ្នកទី ៦ នៅក្នុងជួរនៃការស្នងរាជ្យរបស់ចក្រភពអង់គ្លេស។ ប្រសូត្រនៅមន្ទីរពេទ្យ St Mary’s Hospital ទីក្រុងឡុងដ៍ Harry បានទទួលការអប់រំនៅសាលា Wetherby សាលា Ludgrove និងមហាវិទ្យាល័យ Eton ។

ទ្រង់​បានចំណាយពេលផ្នែកខ្លះនៃឆ្នាំខ្វះចន្លោះរបស់ទ្រង់ នៅក្នុងប្រទេសអូស្ត្រាលី និងឡេសូតូ បន្ទាប់មកបានទទួលការបណ្តុះបណ្តាលមន្ត្រីនៅ Royal Military Academy Sandhurst ។ ទ្រង់ត្រូវបានតែងតាំងជា cornet ចូលទៅក្នុងក្រុម Blues និង Royals ដោយបម្រើជាបណ្តោះអាសន្នជាមួយព្រះអង្គម្ចាស់ William ដែលជាប្អូនប្រុសរបស់ទ្រង់ ហើយបានបញ្ចប់ការបណ្តុះបណ្តាលជាមេដឹកនាំកងទ័ព។ ក្នុងឆ្នាំ ២០០៧-២០០៨ ព្រះអង្គ បានបម្រើការអស់រយៈពេលជាងដប់សប្តាហ៍នៅក្នុងខេត្ត Helmand ប្រទេសអាហ្វហ្គានីស្ថាន។ ទ្រង់បានត្រលប់ទៅអាហ្វហ្គានីស្ថានវិញសម្រាប់ការដាក់ពង្រាយរយៈពេល ២០ សប្តាហ៍ក្នុងឆ្នាំ ២០១២-២០១៣ ជាមួយ Army Air Corps ។

៧ Mohammed bin Salman ព្រះជន្ម ៣៨ ព្រះអង្គម្ចាស់ នៃប្រទេសអារ៉ាប៊ីសាអូឌី

Mohammed bin Salman គឺជា​ព្រះអង្គម្ចាស់​នៃ​ប្រទេស​អារ៉ាប៊ីសាអូឌីត ដែល​ស្នង​មរតក​ពី​ស្តេច Salman។ ដោយមនុស្សជាច្រើនមើលឃើញថា ជាអំណាចនៅពីក្រោយបល្ល័ង្ករបស់ឪពុកដែលកំពុងឈឺ ដូច្នោះទ្រង់ក៏បានដឹកនាំកំណែទម្រង់ដែលត្រូវការច្រើន ប៉ុន្តែត្រូវបានជាប់គាំងនៅក្នុងជម្លោះបរទេស និងក្នុងស្រុកជាបន្តបន្ទាប់។

ទ្រង់ក៏កាន់តំណែងជាឧបនាយករដ្ឋមន្ត្រីទីមួយ រដ្ឋមន្ត្រីក្រសួងការពារជាតិ និងជាប្រធានក្រុមប្រឹក្សាកិច្ចការសេដ្ឋកិច្ច និងអភិវឌ្ឍន៍។ Salman ត្រូវបានតែងតាំងជាព្រះអង្គម្ចាស់នៅឆ្នាំ ២០១៧ បន្ទាប់ពីបានឈ្នះការតស៊ូអំណាចជាមួយអ្នកស្នងមរតក ដែលត្រូវបានតែងតាំង។

មិនដូចព្រះអង្គម្ចាស់អារ៉ាប៊ីសាអូឌីតដែលមានឋានៈខ្ពស់ផ្សេងទៀតទេ ព្រះអង្គមិនបានទទួលការអប់រំនៅលោកខាងលិចទេ។

៨ Felipe VI ព្រះជន្ម ៥៣ ស្តេចនៃប្រទេសអេស្ប៉ាញ

ទោះបីជាព្រះអង្គ ទើបតែឡើងសោយរាជ្យជាស្តេចអេស្ប៉ាញតាំងពីឆ្នាំ ២០១៤ ក៏ដោយ Felipe VI តែងតែជាស្តេចនៃដួងចិត្តរបស់ប្រជាជនគ្រប់គ្នា។

Felipe VI ឬ Philip VI គឺជាស្តេចនៃប្រទេសអេស្ប៉ាញ។ ព្រះអង្គបានឡើងសោយរាជ្យនៅថ្ងៃទី ១៩ ខែមិថុនា ឆ្នាំ ២០១៤ បន្ទាប់ពីការដាក់រាជ្យរបស់បិតាព្រះអង្គ Juan Carlos I. មាតារបស់ព្រះអង្គគឺម្ចាស់ក្សត្រី Sofía ហើយទ្រង់មានបងស្រីច្បងពីរនាក់គឺ Infanta Elena, Duchess of Lugo និង Infanta Cristina ។

៩ Hamdan bin Mohammed al Maktoum ព្រះជន្ម ៣៨ ឆ្នាំ

ព្រះអង្គម្ចាស់នៃទីក្រុងឌូបៃ ប្រទេសអារ៉ាប់រួម Sheikh Hamdan bin Mohammed bin Rashid Al Maktoum គឺជា​ព្រះអង្គម្ចាស់​នៃ​ទីក្រុង​ឌូបៃ ប្រទេស​អារ៉ាប់រួម។ ទ្រង់ត្រូវបានគេស្គាល់ជាទូទៅថា Fazza ដែលជាឈ្មោះដែលទ្រង់បានបោះពុម្ពកំណាព្យទ្រង់ដែលមានន័យថា “អ្នកជួយ” ជាភាសាអារ៉ាប់។ ក្នុងនាមជាអ្នកជិះសេះ រាជបុត្រ Maktoum គឺជាម្ចាស់ជើងឯកពិភពលោកជាច្រើន នៅក្នុងព្រឹត្តិការណ៍កីឡាជិះសេះពិភពលោក។

១០ ព្រះអង្គម្ចាស់ Amedeo នៃប្រទេសបែលហ្ស៊ិក ព្រះជន្ម ៣៥ ឆ្នាំ

ព្រះអង្គម្ចាស់ Amedeo នៃប្រទេសបែលហ្ស៊ិក Archduke of Austria-Este គឺជាចៅប្រុសរបស់ស្តេច Albert II នៃប្រទេសបែលហ្ស៊ិក ។ ទ្រង់ក៏ជាអ្នកស្នងមរតកពីប្រមុខនៃ House of Austria-Este ដែលជាសាខាកម្មាភិបាលនៃ House of Habsburg-Lorraine និងជាតំណែងទីប្រាំមួយនៅក្នុងជួរបល្ល័ង្កនៃប្រទេសបែលហ្ស៊ិកផងដែរ៕

ប្រែសម្រួល៖ សាង ស្រីល័ក្ខ

ចុចអាន៖តារាកំប្លែងកម្ពស់ទាប Kevin Hart មានជីវប្រវត្តិតស៊ូ សឹងមិនជឿ

ចុចអាន៖ប្រវត្តិព្រឺក្បាល នៃផ្នូរអធិរាជ ឈិនស៊ី កប់ស្នំទាំងរស់ ១ ម៉ឺននាក់ និងអាមាត្យ ឲ្យនៅហែហមសពទ្រង់

The post កំពូលមេដឹកនាំនយោបាយលើពិភពលោក ១០ រូប ល្បីថាសង្ហាខ្លាំង ទាក់ទាញ ស្រីៗឲ្យលង់ស្នេហ៍ appeared first on Kampuchea Thmey Daily.

១ Narendra Modi (នាយករដ្ឋមន្ត្រី​នៃ​ប្រទេស​ឥណ្ឌា) ៧០ភាគរយ

កើតថ្ងៃ ១៧ ខែកញ្ញា ឆ្នាំ ១៩៥០ នៅ Vadnagar, Mehsana Gujarat នាយករដ្ឋមន្ត្រី Narendra Modi បានឈរ​លើគេនៃចំណាត់ថ្នាក់ ‘Global Leader Approval’ជាលើកទី២ ជាមួយ​នឹង​ការ​វាយតម្លៃ​ខ្ពស់​បំផុត ៧០ភាគរយ។ កាល​ពីដើម​ឆ្នាំនេះ ក្រុមហ៊ុន Morning Consult បាន​ហៅ​លោក​ Modi ថា​ជា “ប្រមុខរដ្ឋាភិបាល​ដែល​មាន​ប្រជាប្រិយ​បំផុត” នៅ​ក្នុង​ការ​ស្ទង់មតិ​មួយ។ សូម្បីតែ​នៅ​ក្នុង​ខែ​ កញ្ញា ​ឆ្នាំ២០២១ លោក Modi ក៏​ត្រូវ​បាន​អនុម័ត​ច្រើន​បំផុតដែរ។

២ López Obrador (ប្រធានាធិបតី​ម៉ិកស៊ិក) ៦៦ ភាគរយ

Lopez Obrador កើត​នៅថ្ងៃទី ១៣ ខែវិច្ឆិកា ឆ្នាំ ១៩៥៣ នៅរដ្ឋ Tabasco ភាគខាងត្បូងម៉ិកស៊ិក ដែលជាទីតាំងសម្បូរប្រេង ជាមួយនឹងធនធានធម្មជាតិដ៏សម្បូរបែប។ លោក Lopez ជា​មេដឹកនាំ​ដ៏​ស្មោះត្រង់ និងសន្សំសំចៃ​ដោយ​បានប្រែក្លាយទិដ្ឋភាពសង្គម នយោបាយ និង​សេដ្ឋកិច្ច​នៃ​ទីក្រុង​ម៉ិកស៊ិក​ឲ្យ​ទូលំទូលាយ។

៣ Mario Draghi (PM Of Italy) ៥៨ ភាគរយ

Mario Draghi គឺជា​សេដ្ឋវិទូ ធនាគារិក និងជាសាស្រ្តាចារ្យ​ដែលបានជួយនាំយក​កំណែ​ទម្រង់​សេដ្ឋកិច្ច​ដល់​ស្ថាប័ន​សាជីវកម្ម និងហិរញ្ញវត្ថុធំៗមួយចំនួនរបស់​អ៊ីតាលី មុនពេលក្លាយជា​នាយករដ្ឋមន្ត្រី​របស់​ប្រទេសនៅឆ្នាំ ២០២១។ កើតនៅថ្ងៃទី ៣ ខែកញ្ញា ឆ្នាំ ១៩៤៧ Draghi ធំធាត់​នៅ​ទីក្រុង​រ៉ូម ជាកន្លែងដែលគាត់​បានសិក្សា​នៅក្រោមពួក Jesuits ។ បន្ទាប់ពីការដួលរលំ​នៃរដ្ឋាភិបាល ​ដោយសារតែ​ការដោះស្រាយជំងឺ​រាតត្បាតកូវីដ Draghi បានឈ្នះ​ការបោះឆ្នោត​ទំនុក​ចិត្ត​ នៅ​ក្នុង​សភា​ជាន់​ទាប​របស់​អ៊ីតាលី​។

៤ Angela Merkel (អាល្លឺម៉ង់) ៥៤ ភាគរយ

Angela Merkel គឺជាអ្នកនយោបាយអធិការបតីស្ត្រីដំបូងគេរបស់​អាល្លឺម៉ង់ បន្ទាប់​ពី​ការ​បោះឆ្នោត​ជាតិ​ឆ្នាំ ២០០៥ និងជាស្ថាបត្យករម្នាក់នៃ​សហភាពអឺរ៉ុប។ លោកស្រី​បានទទួលការ​បណ្ដុះបណ្ដាល​ជា​រូបវិទូ​និង​បានចូលប្រឡូកក្នុងនយោបាយ ក្រោយ​ការដួលរលំ​នៃជញ្ជាំងប៊ែរឡាំង​ឆ្នាំ ១៩៨៩ ។ ។ Merkel គឺជាឥស្សរជនដ៏លេចធ្លោមួយរូប​នៅក្នុង​សហភាព​អឺរ៉ុប ហើយបានជួយប្រែក្លាយ​អាល្លឺម៉ង់​ ទៅ​ជា​ប្រទេស​ឈាន​មុខ​គេមួយ​របស់​ពិភពលោក។

៥ Scott Morrison (PM of Australia) ៤៧ ភាគរយ

Scott Morrison កើតថ្ងៃទី ១៣ ខែឧសភា ឆ្នាំ ១៩៦៨ Bronte រដ្ឋ New South Wales ប្រទេស​អូស្ត្រាលី គឺ​ជាអ្នកនយោបាយអភិរក្សនិយម ដែលបានក្លាយជាមេដឹកនាំ​គណបក្ស​សេរី​និយម និង​ជា​នាយករដ្ឋមន្ត្រី​នៃ​ប្រទេស​អូស្ត្រាលី​ក្នុង​ខែសីហា ឆ្នាំ ២០១៨។

៦ Justin Trudeau ៤៥ ភាគរយ

Justin Trudeau កើត​ថ្ងៃទី ២៥ ខែធ្នូ ឆ្នាំ ១៩៧១ គឺជានាយករដ្ឋមន្ត្រីទី ២៣ របស់​ប្រទេស​កាណាដា​ និង​បាន​សិក្សា​ផ្នែក​អក្សរសាស្ត្រ​នៅ​សាកលវិទ្យាល័យ McGill ដោយ​បាន​បញ្ចប់​ថ្នាក់​បរិញ្ញាបត្រ​សិល្បៈ (B.A.) ក្នុង​ឆ្នាំ ១៩៩៤ ។ Justin បានចូលប្រឡូកក្នុងនយោបាយ ​ដើម្បីធ្វើការផ្លាស់ប្តូរ​និងបម្រើប្រជាជនកាណាដាទាំងអស់ ​កាន់តែប្រសើរ។ ក្នុងឆ្នាំ ២០០៧ គាត់បាន​បង្កើត​យុទ្ធនាការ​សហគមន៍​មូលដ្ឋាន​ ដើម្បី​ឈ្នះ​ការ​តែងតាំង​គណបក្ស​សេរី​និយម​ក្នុង​ការ​ជិះសេះ Montréal នៃ Papineau ។ លោក​បាន​ជាប់​ឆ្នោត​ក្នុង​ឆ្នាំ ២០០៨ ហើយ​បាន​ជាប់​ឆ្នោត​ឡើង​វិញ​ក្នុង​ឆ្នាំ ២០១១, ២០១៥, និង ២០១៩ ។

៧ Joe Biden ៤៤ ភាគរយ

លោក Joe Biden ជា​ប្រធានាធិបតី​សហរដ្ឋអាមេរិក។ លោក​ក៏​ធ្លាប់​ធ្វើ​ជា​អនុ​ប្រធានាធិបតី​របស់​លោក Barack Obama ពី​ឆ្នាំ ២០០៨ ដល់ ២០១៦។ លោក Biden បាន​តស៊ូឆ្លងកាត់​ឆ្នាំដំបូង​ដ៏​លំបាក ​ក្នុង​នាម​ជាប្រធានាធិបតី ដោយ​សហរដ្ឋអាមេរិក ដោយ​បាន​ប្រឈមមុខ​នឹងការកើន​ឡើង​នៃ​ករណី​កូវីដ ការកើនឡើងអត្រាអតិផរណា តួលេខ ការងារ​ដែល​ខកចិត្ត និងការធ្លាក់ចុះជាសកល ពីការ​ដកខ្លួន​ចេញ​ពី​ប្រទេស​អាហ្វហ្គានីស្ថាន ​ក្នុង​ខែ ​សីហា។

៨ Fumio Kishida ៤២ ភាគរយ

Fumio Kishida កើតថ្ងៃទី ២៩ ខែកក្កដា ឆ្នាំ ១៩៥៧ ជាអ្នកនយោបាយជប៉ុន កាន់តំណែងជា​នាយករដ្ឋមន្ត្រី​ចាប់តាំងពីថ្ងៃទី ៤ ខែតុលា ឆ្នាំ ២០២១។ គាត់ក៏បានធ្វើជាប្រធានគណបក្ស Liberal Democratic Party (LDP) ចាប់តាំងពីថ្ងៃទី ២៩ ខែកញ្ញា ឆ្នាំ ២០២១។ លោក​ធ្លាប់​ធ្វើ​ជា​រដ្ឋមន្ត្រី​ក្រសួង​ការ​បរទេស​ពីឆ្នាំ ២០១២ ដល់ឆ្នាំ ២០១៧ និងជា​រដ្ឋមន្ត្រី​ក្រសួង​ការពារ​ជាតិ​ស្តីទី​ក្នុង​ឆ្នាំ ២០១៧។

៩ Moon Jae-in (ប្រធានាធិបតីកូរ៉េខាងត្បូង) ៤១ ភាគរយ

លោក Moon Jae-in ត្រូវបានបោះឆ្នោតជ្រើសរើសជាប្រធានាធិបតីនៃសាធារណរដ្ឋកូរ៉េ ហើយ​បានចាប់ផ្តើមអាណត្តិរយៈពេល៥ឆ្នាំ​ នៅក្នុងខែ ឧសភា ២០១៧ ។ លោក Moon កើតនៅលើកោះ Geoje ប្រទេសកូរ៉េខាងត្បូង នៅថ្ងៃទី ២៤ ខែមករា ឆ្នាំ ១៩៥៣។ ឪពុកម្តាយរបស់លោក បានភៀសខ្លួនចេញ​ពីរបបកុម្មុយនិស្តកូរ៉េខាងជើង ដោយតស៊ូដើម្បីរក្សាគ្រួសារ​ឲ្យ​រួចផុតពីភាពក្រីក្រ។ លោកប្រធានាធិបតីរូបនេះ បាននិពន្ធសៀវភៅជាច្រើន រួមទាំងជីវប្រវត្តិរបស់គាត់​ក្នុងឆ្នាំ ២០១១ Moon Jae-in: The Destiny ។

១០ Boris Johnson នាយករដ្ឋមន្ត្រី​នៃចក្រភពអង់គ្លេស) ៤០ភាគរយ

Boris Johnson កើតនៅថ្ងៃទី ១៩ ខែមិថុនា ឆ្នាំ ១៩៦៤ នៅទីក្រុងញូវយ៉ក សហរដ្ឋអាមេរិក ។ គាត់​ត្រូវបាន​គេ​ស្គាល់​ដោយសារ​ការងារ​នៅ​លើ Have I Got News for You (1990), EastEnders (1985) និង PMQs (2010) ។ គាត់​ក៏​ជាកូនប្រុស​រ​បស់ Stanley Johnson អ្នកបរិស្ថានដ៏លេចធ្លោម្នាក់ ​ជាអ្នកនយោបាយ ជាអ្នក​និពន្ធ​ដែល​បាន​បម្រើការជា MEP និង Charlotte Johnson Wahl ដែល​ជា​សិល្បករ៕

ប្រែសម្រួល៖ សាង ស្រីល័ក្ខ

ចុចអាន៖បុគ្គលល្បីៗ មានឥទ្ធិពលខ្លាំងប្រចាំឆ្នាំ ២០២១-២០២២

ចុចអាន៖លំអិត​ពី​អាថ៌កំបាំង​ទ្រព្យ​សម្បត្តិមេ​ដឹកនាំ​ពិភព​លោក​បែក​ធ្លាយដ៏​ធំ

The post កំពូលមេដឹកនាំទាំង ១០ រូប មាន​ប្រជាប្រិយភាព​និង​ឥទ្ធិពលខ្លាំង ​លើពិភពលោក appeared first on Kampuchea Thmey Daily.

មេ​ដឹក​នាំ​បច្ចុប្បន្ន​ប្រហែល​ជា​៣៥​នាក់ ​អតីត​មេ​ដឹក​នាំ និង​មន្ត្រី​សាធារណៈ​ជាង​៣០០​នាក់ មហា​សេដ្ឋី​ជាង​១០០​នាក់​​ត្រូវ​បាន​បង្ហាញ​នៅ​ក្នុង​ឯកសារ​ពី​ក្រុម​ហ៊ុន​បរទេស​​ដែល​ហៅ​ឈ្មោះ​ថា Pandora Papers។

ពួក​គេបាន​បង្ហាញ​ថា ព្រះ​មហាក្សត្រ​របស់​ប្រទេស​ហ្សកដានីបាន​​ប្រមូល​​ប្រាក់​ប្រមាណ​​៩៤​​លាន​ដុល្លារ​​អាមេរិក​ពី​ទ្រព្យ​​សម្បត្តិ​នៅ​ចក្រភព​អង់គ្លេស និង​សហរដ្ឋ​អាមេរិក។ ពួកគេ​ក៏​បាន​បង្ហាញ​ដែរ​ពី​របៀប​ដែល​អតីត​នាយក​រដ្ឋ​មន្ត្រី​អង់គ្លេស​លោក Tony Blair និង​ភរិយា​បាន​សន្សំ​ប្រាក់​ប្រមាណ ៤២២ ៤៥៧ ​ដុល្លារ​​​ពី​ការ​គេច​ពន្ធ​នៅ​ពេល​ពួក​គាត់​បាន​ទិញ​ការិយាល័យ​មួយ​នៅ​ទី​ក្រុង​ឡុងដ៍។

ការ​បែក​ធ្លាយ​ក៏​ភ្ជាប់​ទំនាក់​ទំនង​​​នឹង​លោក​ប្រធានាធិបតី​រុស្ស៊ី​ វ្លាឌីមៀរ ពូទីន អំពី​ទ្រព្យ​សម្បត្តិ​អាថ៌កំបាំង​នៅ​ប្រទេស​ម៉ូណាកូ និង​បង្ហាញ​ពី​លោក​នាយក​រដ្ឋ​មន្ត្រី​ឆែក Andrej Babis បាន​បរាជ័យ​ក្នុង​ការ​ប្រកាសក្រុម​ហ៊ុន​វិនិយោគ​នៅ​ក្រៅ​ប្រទេស​មួយ​បាន​ប្រើ​ដើម្បី​ទិញ​វីឡា​ពីរ​កន្លែង​ដែល​ទឹក​ប្រាក់​ ១៦​លាន​ដុល្លារ​នៅ​ភាគ​ខាង​ត្បូង​ប្រទេស​បារាំង។

នេះ​ជា​ការ​លាត​ត្រដាង​នៅ​ក្នុង​ការ​បែក​ធ្លាយ​​ថ្មី​បំផុត​ក្នុង​រយៈ​ពេល​៧​ឆ្នាំ​កន្លង​ទៅ​នេះ​ បន្ទាប់​ពី​ឯកសារ FinCen Files, Paradise Papers, Panama Papers និង LuxLeaks។ តាម​រយៈ​នេះ​សារព័ត៌មាន BBC បាន​ចូល​រួម​ស៊ើប​អង្កេត​ជា​មួយ Guardian ព្រម​ទាំង​សារព័ត៌មានដៃគូ​​ផ្សេង​ៗ​ទៀត​ទទួល​បាន​ឯកសារ​ជិត​១២​លានច្បាប់​ពី​ក្រុម​ហ៊ុនសេវាហិរញ្ញវត្ថុ​ចំនួន​១៤​នៅ​​ក្នុង​ប្រទេស​នានា​ដូច​ជា​ កោះ Virgin របស់អង់គ្លេស ប៉ាណាម៉ា បេលីស ស៊ីប អេមីរ៉ាតអារ៉ាប់រួម សិង្ហបុរី និងស្វីស។

ឥស្សរជន​មួយ​ចំនួន​បាន​កំពុងង​ប្រឈម​នឹង​បទ​ចោទ​ប្រកាន់​ពី​អំពើ​ពុក​រលួយ ការ​លាង​លុយ​កខ្វក់ និង​ការ​គេច​ពន្ធជា​សកល។ ប៉ុន្តែ​ការ​បង្ហាញ​ដ៏​ធំ​បំផុត​មួយ​ថា​តើ បុគ្គល​​​ល្បីៗ​ និង​សំបូរ​ទ្រព្យ​សម្បត្តិ​បាន​បង្កើត​ក្រុម​ហ៊ុន​ស្រប​ច្បាប់​ដើម្បី​ទិញ​ទ្រព្យ​សម្បត្តិ​ដោយ​សម្ងាត់​នៅ​ចក្រភព​អង់គ្លេស​ដោយ​របៀប​ណា។

ឯកសារ​បង្ហាញ​ថា ម្ចាស់​ក្រុមហ៊ុន​ក្រៅ​ប្រទេស​មួយ​ចំនួន​ក្នុង​ចំណោម​ ៩៥០០០​ក្រុម​ជា​អ្នក​ស្ថិត​​នៅ​ពី​ក្រោយ​នៃ​ការ​ទិញ។

វា​បាន​បង្ហាញ​ពី​បរាជ័យ​​របស់​រដ្ឋាភិបាល​ចក្រភព​អង់គ្លេស​ដើម្បី​ណែនាំ​ការ​ចុះ​បញ្ជី​ម្ចាស់​ទ្រព្យ​សម្បត្តិ​បរទេស បើ​ទោះ​ជា​មាន​ការ​សន្យា​ម្តង​ហើយ​ម្តង​ទៀត​ដើម្បី​ធ្វើ​រឿង​បែប​នេះ ចំពេល​មាន​ការ​ព្រួយ​បារម្ភ​ពី​អ្នក​ទិញ​ទ្រព្យ​សម្បត្តិ​មួយ​ចំនួន​អាច​កំពុង​ត្រូវ​បាន​លាក់​បាំង​អំពី​សកម្មភាព​លាង​លុយ​កខ្វក់។

ប្រធានាធិបតី​ប្រទេសអាស៊ែបៃហ្សង់​លោក Ilham Aliyev និង​ក្រុម​គ្រួសារ​​ដែល​ត្រូវ​បាន​ចោទ​ប្រកាន់​ពី​ការ​លួច​ប្លន់ប្រទេស​របស់​ខ្លួន​គឺ​ជា​គំរូឧទាហរណ៍​សម្រាប់។ ការ​ស៊ើប​អង្កេត​​រក​ឃើញ​ថា លោក Aliyevs និង​អ្នក​ជិត​ស្និទ្ធ​បាន​ពាក់​ព័ន្ធ​នឹង​កិច្ច​ព្រម​ព្រៀង​ទ្រព្យ​សម្បត្តិ​នៅចក្រភព​អង់គ្លេស​ដែល​មាន​តម្លៃជាង​៥៤១​លាន​ដុល្លារ។

ទ្រព្យ​សម្បត្តិ​នៅ​អង់គ្លេស​មាន​ម្ចាស់​ជា​មេ​ដឹក​នាំ​បរទេស

ការ​លាត​ត្រដាង​អាចបញ្ជាក់​ពី​ភាព​អាម៉ាស់​សម្រាប់​រដ្ឋាភិបាល​អង់គ្លេស ពី​ព្រោះលោក Aliyevs ទំនង​ជា​ទទួល​បាន​ប្រាក់​ចំណេញ​ ៤១​លាន​ដុល្លារ បន្ទាប់​ពី​លក់ទ្រព្យ​សម្បត្តិ​របស់ខ្លួន​នៅ​ទី​ក្រុង​ឡុងដ៍​ទៅ​ឲ្យ​ក្រុម​ហ៊ុន​អចលនទ្រព្យ Crown Estate ដែល​ជាក្រុម​ហ៊ុន​ទ្រព្យ​សម្បត្តិ​របស់មហាក្សត្រិយ៍​គ្រប់​គ្រង​ដោយរតនាគារ និង​រៃ​អង្គាស​ប្រាក់​សម្រាប់​ប្រទេស​ជាតិ។

ប៉ុន្តែលោក Fergus Shiel មក​ពី​សម្ព័ន្ធអ្នកសារព័ត៌មានស៊ើបអង្កេតអន្តរជាតិ (ICIJ) បាន​លើក​ឡើង​ថា ៖«មិន​មាន​អ្វី​នៅ​លើ​មាត្រដ្ឋាន​​នេះ​ទេ ហើយវា​បង្ហាញ​ពី​ការ​ពិត​នៃ​អ្វី​ដែល​ក្រុម​ហ៊ុន​បរទេស​អាចផ្តល់​ការ​ជួយ​ដល់​មនុស្ស​ដែលលាក់​សាច់​ប្រាក់ ឬ​គេច​ពន្ធ»។

ICIJ ជឿ​ជាក់​ថា ការ​ស៊ើប​អង្កេត​គឺ​កំពុង​បើក​ប្រអប់អំពី​រឿង​រ៉ាវ​ជា​ច្រើន ហេតុ​ដូច្នេះ​ហើយ​បាន​ជា​ដាក់​ឈ្មោះ​ការ​លាត​ត្រដាង​នេះ​ថា Pandora Papers។

ទ្រព្យ​សម្បត្តិ​នៅទី​ក្រុង Malibu របស់ស្តេ​ច​ហ្សកដានី

ឯកសារ​ហិរញ្ញវត្ថុបែក​ធ្លាយ​បង្ហាញ​ពី​របៀប​ដែល​ស្តេច​ហ្សកដានីប្រមូលលុយ​ជា​សម្ងាត់​ពី​ទ្រព្យ​សម្បត្តិ​នៅ​ចក្រភព​អង់គ្លេស និង​សហរដ្ឋ​អាមេរិក​ដែល​មាន​តម្លៃ​ជាង​១០០​លាន​ដុល្លារ។

ពួក​គេ​បាន​គូស​បញ្ជាក់​ពី​បណ្តាញ​នៃ​ក្រុម​ហ៊ុន​ក្រៅ​ប្រទេស​នៅ​កោះ Virgin របស់​ចក្រភព​អង់គ្លេស និង​កន្លែង​បង់​ពន្ធ​ផ្សេង​ទៀត​ដែល​ត្រូវ​បាន​ប្រើដោយ​ស្តេច Abdullah II bin Al-Hussein ដើម្បី​ទិញ​គេហដ្ឋាន​១៥​កន្លែង​ចាប់​តាំង​ពី​ព្រះ​អង្គ​កាន់​អំណាច​នៅ​ឆ្នាំ​១៩៩៩។

ពួក​គេ​បានបញ្ចូល​ប្រាក់​៦៧​លាន​​ដុល្លារ​លើ​ទ្រព្យ​សម្បត្តិ​ដ៏​អស្ចារ្យ​​៣​កន្លែង​គឺនៅទី​ក្រុង​ Malibu ក្នុង​​រដ្ឋកាលីហ្វញ៉ា ទ្រព្យ​សម្បត្តិ​នៅទី​ក្រុង​ឡុងដ៍ និង​ក្រុង Ascot ចក្រភព​អង់គ្លេស។

ផល​ប្រយោជន៍​របស់​ព្រះ​អង្គ​ត្រូវ​បាន​បង្កើត​ឡើង​ ខណៈ​​ព្រះ​អង្គ​ Abdullah ត្រូវ​បាន​ចោទ​ប្រកាន់​ពីបទ​ដឹក​នាំ​របប​​ផ្តាច់​ការ។

ក្រុម​មេធាវីរបស់​ស្តេច Abdullah បាន​និយាយ​ថា ទ្រព្យ​សម្បត្តិ​ទាំង​អស់​បាន​ទិញ​​ដោយទ្រព្យ​សម្បត្តិ​ផ្ទាល់​ខ្លួន​ដែលព្រះ​អង្គ​ក៏​បាន​ប្រើ​ដើម្បី​ជា​មូលធិនិ​សម្រាប់​ប្រជា​ជន​ហ្សកដានី។

ពួក​គេ​និយាយ​ថា វា​ជា​ការ​អនុវត្ត​ទូ​ទៅ​សម្រាប់​ឥស្សរជន​ល្បី​ដើម្បី​ទិញ​ទ្រព្យ​សម្បត្តិ​តាម​រយៈ​ក្រុម​ហ៊ុន​ក្រៅ​ប្រទេស​ស​ម្រាប់​ហេតុផល​ឯកជន និង​សុវត្ថិភាព។

បុគ្គល​ល្បី​ៗដែល​ត្រូវ​បាន Pandora Papers លាត​ត្រដាង​មាន​ដូច​ជា៖

• ប្រធានាធិបតី​កេនយ៉ាលោក Uhuru Kenyatta និង​សមាជិក​គ្រួសារ​របស់​លោក​៦​នាក់ជា​ម្ចាស់​បណ្តាញ​ក្រុម​ហ៊ុន​ក្រៅ​ប្រទេសជា​សម្ងាត់​មួយ​ចំនួន។  ពួក​គេ​ពាក់​ព័ន្ធ​នឹង​ក្រុម​ហ៊ុន​ចំនួន​១១ ដែល​ក្នុង​នោះ​​មាន​មួយ​កំពុង​គ្រប់​គ្រង​ទ្រព្យ​សម្បត្តិ​តម្លៃ៣០​លាន​ដុល្លារ។
• សមាជិក​នាយក​រដ្ឋ​មន្ត្រី​ប៉ាគីស្ថាន Imran Khan រាប់​បញ្ចូល​ទាំង​រដមន្ត្រី​នៃគណៈ​រដ្ឋ​មន្ត្រី និង​គ្រួសារ​របស់​ពួក​គេ​មាន​ក្រុម​ហ៊ុន​ជាសម្ងាត់​ដែល​មាន​ទឹក​ប្រាក់​រាប់​លាន​ដុល្លារ។
• ក្រុម​ហ៊ុន​ច្បាប់​បង្កើត​ឡើង​ដោយ​ប្រធានាធិបតី Nicos Anastasiades របស់​ប្រទេស​ស៊ីប​ផ្តល់​ឲ្យ​ម្ចាស់​ក្លែង​ក្លាយ​ដើម្បី​បន្លំ​ជា​ម្ចាស់​ពិត។
• ប្រធានាធិបតី​អ៊ុយក្រែន Volodymyr Zelensky បានផ្ទេរ​ភាគ​ហ៊ុន​របស់​លោក​នៅ​ក្នុង​ក្រុម​ហ៊ុន​ក្រៅប្រទេស​ជា​សម្ងាត់​មុន​ពេល​លោក​ឈ្នះ​ឆ្នោត​ឆ្នាំ​២០១៩។
• ប្រធានាធិបតី​អេក្វាទ័រ​លោក Guillermo Lasso អតីត​អ្នក​ធនាគារ​បាន​ដាក់ជំនួស​មូលនិធិ​ប៉ាណាម៉ា​មួយ​ដែលធ្វើ​ការ​ចំណាយ​ប្រចាំ​ខែ​ទៅ​ឲ្យ​សមាជិក​គ្រួសារ​ជិត​ស្និទ្ធ​របស់​លោក​នៅ South Dakota សហរដ្ឋ​អាមេរិក។

ប្រែ​សម្រួល៖ វីរបុត្រ
ប្រភព៖ BBC

The post លំអិត​ពី​អាថ៌កំបាំង​ទ្រព្យ​សម្បត្តិមេ​ដឹកនាំ​ពិភព​លោក​បែក​ធ្លាយដ៏​ធំ appeared first on Kampuchea Thmey Daily.