ការបង្ហាញជំហររបស់សិល្បកររូបនេះ ធ្វើឡើងស្របពេលបញ្ហាតានតឹងនៅតាមព្រំដែនកម្ពុជា-ថៃ ហាក់មានសភាពស្ងប់ស្ងាត់មួយរយៈ ប៉ុន្តែសម្រាប់អារម្មណ៍របស់ប្រជាពលរដ្ឋខ្មែរ ការឈឺចាប់ និងការបាត់បង់នៅតែមិនអាចបំភ្លេចបាន។ ជាមួយគ្នានេះ ចលនាពហិការផលិតផលថៃក៏នៅតែបន្តទទួលបានការចាប់អារម្មណ៍ពីមហាជនផងដែរ។

តាមរយៈការបង្ហោះនៅលើបណ្តាញសង្គមហ្វេសប៊ុក លោក ម៉ា ដូណា បានលើកឡើងថា ការបើកច្រកព្រំដែនឡើងវិញ គួរតែមានការដោះស្រាយបញ្ហាជាច្រើនជាមុនសិន ទាំងការស្តារឡើងវិញនូវការខូចខាត និងយុត្តិធម៌ចំពោះការបាត់បង់ដែលបានកើតឡើង។ ទន្ទឹមនឹងនេះ លោកក៏បានបញ្ជាក់ច្បាស់ថា លោកនឹងបន្តពហិការមិនប្រើប្រាស់ផលិតផលថៃ និងស្នើឱ្យខ្មែរបន្តឆន្ទៈនេះតទៅកាន់កូនចៅគ្រប់ជំនាន់។

មិនត្រឹមតែប៉ុណ្ណោះ លោកក៏បានបង្ហាញជំហរផ្ទាល់ខ្លួនយ៉ាងដាច់ខាតថា លោកនឹងមិនជាន់ដីថៃឡើយ សូម្បីពេលធ្វើដំណើរទៅក្រៅប្រទេស។ លោកបញ្ជាក់ថា ទោះបីការធ្វើដំណើរតាមប្រទេសថៃមានតម្លៃថោកជាងក៏ដោយ ក៏លោកសុខចិត្តចំណាយថ្លៃខ្ពស់ជាង ដើម្បីជៀសវាងការប្រើប្រាស់សេវាកម្មដែលអាចផ្តល់ចំណូលទៅភាគីថៃ។

ការលើកឡើងរបស់លោក ម៉ា ដូណា បានធ្វើឱ្យមហាជនជាច្រើនបន្តចាប់អារម្មណ៍ និងបញ្ចេញមតិគាំទ្រលើបណ្តាញសង្គម ខណៈស្មារតីស្រឡាញ់ជាតិ និងការរួបរួមរបស់ប្រជាជនខ្មែរ នៅតែជាប្រធានបទក្តៅគគុកក្នុងសង្គម៕ ដោយ៖ ចាន់រ៉ា

The post លោក ម៉ា ដូណា បង្ហាញឆន្ទៈរឹងមាំ និងអំពាវនាវសាធារណជនខ្មែររួមគ្នាបន្តពហិការទំនិញថៃ ជាដរាបតទៅ appeared first on Kampuchea Thmey Daily.

ប្រាកដណាស់តារាកំប្លែងទាំង២រូបខាងលើ បច្ចុប្បន្នកំពុងមានជំងឺធ្ងន់ធ្ងរដូចគ្នា ខណ:ពួកគេពេលនេះកំពុងតែសម្រាកព្យាបាលនៅមន្ទីពេទ្យនិងជួបការលំបាកខ្វះខាតថវិកាដូចគ្នា ហេតុនេះហើយទើបលោក ម៉ាដូណា ដាច់ចិត្តចេញមុខអំពាវនាវសុំជំនួយពីសប្បុរសជន។

លោក ម៉ា ដូណា បានរៀបរាប់ថាតារាកំប្លែងនាយ តាក់សុី ត្រូវបានកាត់ម្រាមដៃម្រាមជើងបណ្តើរៗហើយ ចំណែកឯនាយ ឆ្លាំង ក៏មានជំងឺសួតធ្ងន់ធ្ងរ និង ទឹកនោមផ្អែម ដូច្នេះសូមគោរពដល់សប្បុរសជន ជួយដល់តារាកំប្លែងទាំង២រូនេះផង។

គួរបញ្ជាក់ថា ថ្មីៗនេះមហាជនអ្នកគាំទ្រមានការភ្ញាក់ ផ្អើលនិងចាប់អារម្មណ៍ជាថ្មីបន្ទាប់ពីឃើញសភាពជំងឺរបស់តារាកំប្លែងស្ងួតនាយ តាក់ស៊ី កំពុងសម្រាកព្យាបាលនៅមន្ទីពេទ្យដោយត្រូវកាត់ម្រាមដៃ និងម្រាមជើងដោយអាការ:ដ៏សែនឈឺចាប់ខ្លាំង។ ស្ថិតក្នុងអាយុ ៤៥ឆ្នាំ តារាកំប្លែងនាយតាក់សុី កាលពីកន្លងទៅទើបប្រទះជំងឺជំងឺទឹកនោមផ្អែមធ្វេីឱ្យខូចក្រលៀន និងទឹកដក់ក្នុងសួតផងដែរ។

ដោយឡែកតារាកំប្លែងនាយ ឆ្លាំងកាលពីថ្មីៗនេះក៏បានធ្វើឱ្យមហាជន និងអ្នកលេងបណ្តាសង្គមហ្វេសប៊ុក មានការភ្ញាក់ផ្អើនគ្រប់គ្នាបន្ទាប់ឃើញតារាកំប្លែងល្បី ឈ្មោះរូបនេះបានធ្លាក់ខ្លួនឈឺធ្ងន់ដោយសារតជំងឺជាច្រើនមុខធ្វើឱ្យតារាកំប្លែងនាយ ឆ្លាំងមានសភាពស្គមសល់តែស្បែកដណ្តប់ឆ្អឹងដោយសារជំងឺសួត, ទឹកនោមផ្អែម ថែមរលាកបំពង់កជាដើម៕ ដោយ: ចាន់រ៉ា

The post ម៉ា ដូណា បន្តប្រកូកប្រកាសដល់អ្នកសិល្ប: និងសប្បុរសជន ជួយតារាកំប្លែង ២ដួង កំពុងមានជំងឺធ្ងន់ធ្ងរ appeared first on Kampuchea Thmey Daily.

នៅលើបណ្តាញសង្គម Facebook មហាជនជាច្រើន ជាពិសេសអ្នកស្គាល់ និងអ្នកគាំទ្រ បានបង្ហាញការព្រួយបារម្ភយ៉ាងខ្លាំង បន្ទាប់ពីដឹងថា លោក ម៉េង ប៊ុនឡូ កំពុងប្រឈមមុខនឹងជំងឺប្រចាំកាយ និងត្រូវការវះកាត់ជើងខាងឆ្វេងជាបន្ទាន់។

ក្នុងនាមជាសិល្បករដែលធ្លាប់ទទួលបានជំនួយ និងការថែទាំពីរៀមច្បង ម៉េង ប៊ុនឡូ កាលពីអតីតកាល ម៉ា ដូណា បានបង្ហាញចិត្តដឹងគុណ ដោយជួយថវិកាផ្ទាល់ខ្លួន និងអំពាវនាវឱ្យសិល្បករ និងមហាជនចូលរួមជួយបន្ថែម។

ម៉ា ដូណា បានរៀបរាប់ថា ខ្លួនបានស្គាល់លោក ម៉េង ប៊ុនឡូ មកជាយូរហើយ ប៉ុន្តែមិនដែលដឹងថាសុខភាពរបស់លោកធ្ងន់ដល់កម្រិតនេះឡើយ។ លោកក៏បានរំលឹកពីអតីតកាលថា ខណៈពេលខ្លួនជួបការលំបាក លោក ម៉េង ប៊ុនឡូ និងមិត្តរួមការងារ បានជួយផ្តល់អាហារ និងកន្លែងស្នាក់នៅឱ្យអស់រយៈពេលជិត ២០ឆ្នាំ ទាំងនៅខេត្តកំពង់ចាម និងតំបន់បឹងកក់។

លើសពីនេះ ម៉ា ដូណា ក៏បានអំពាវនាវដល់បងប្អូនប្រជាពលរដ្ឋ និងសិល្បករទាំងអស់ សូមចូលរួមជួយថវិកា ទោះត្រឹមតែ ១ដុល្លារ ក៏ជាកម្លាំងចិត្តដ៏មានតម្លៃសម្រាប់ជួយសង្គ្រោះជីវិតរបស់តារាជើងចាស់រូបនេះផងដែរ។

គួរបញ្ជាក់ថា ដោយមានការខ្នះខ្នែងជួយសម្របសម្រួលពីតារាសម្តែង សាវិន ហ្វីលីព លោក ម៉េង ប៊ុនឡូ ត្រូវបានបញ្ជូនពីមន្ទីរពេទ្យឯកជនមួយទៅកាន់ មន្ទីរពេទ្យកាល់ម៉ែត្រ កាលពីយប់មិញ ដើម្បីត្រៀមវះកាត់សរសៃវ៉ែនជើងខាងឆ្វេង ខណៈបច្ចុប្បន្នកំពុងស្ថិតក្រោមការថែទាំយ៉ាងជិតស្និទ្ធពីក្រុមគ្រូពេទ្យ៕ ដោយ៖ ចាន់រ៉ា

The post ព្រោះដឹងគុណ! ម៉ាដូណា ចំណាយថវិកាផ្ទាល់ខ្លួនជួយ ម៉េង ប៊ុនឡូ appeared first on Kampuchea Thmey Daily.

ស្របពេលដែលវីដេអូមួយនេះកំពុងត្រូវបានចែករំលែកនៅលើបណ្តាញសង្គមហ្វេសប៊ុក គេកត់សម្គាល់ឃើញមហាជន និងអ្នកនិយមប្រើប្រាស់បណ្តាញសង្គមហ្វេសប៊ុកជាច្រើន បានផ្ទុះការរិះគន់ចំពោះទង្វើដ៏ឃោឃៅពីសំណាក់បុរសខាងលើទៅលើក្មេងដែលប្រុសរងគ្រោះ។

តារាសម្តែងលោក ម៉ា ដូណា បានលើកឡើងដោយក្តីហួសចិត្តថា បងអើយ នេះក្មេងមិនមែនអ្នកប្រដាល់ឬហាត់សមទេ ម្តេចវាយសុទ្ធតែអុកនឹងជង្គង់បែបនេះ ខ្ទាំថ្លើម ប្រម៉ាត់ បេះដូងគ្នាអស់ហើយ។ សូមបងៗប៉ូលីសបើឃាត់គាត់បានហើយជួយអុកមនុស្សនេះនឹងជង្គង់វិញផងឱ្យគាត់ស្គាល់រស់ជាតិ។

ដោយឡែក បើយោងតាមប្រភពព័ត៌មានបានឱ្យដឹងថា រឿងនេះផ្តើមចេញពីជម្លោះក្នុងក្រុមគ្រួសារហើយបុរសជាជនបង្កមិនដែលជួយធ្វើការងារអី្វម្ដាយទេ ដឹងតែដើរផឹកស៊ីពីព្រលឹមទល់យប់ លុះមកដល់ផ្ទះវិញធ្វើបាបម្ដាយចាស់ និងប្អូនប្រុស ថែមទាំងបំផ្លាញវាយអីវ៉ាន់របស់ម្ដាយចោលថែមទៀត។

បើតាមប្រភពពីប្រជាពលរដ្ឋ ទីតាំងកើតហេតុ ស្ថិតនៅភូមិក្តីតាកុយ ឃុំវាលស្បូវ ខណ្ឌច្បារអំពៅរាជធានីភ្នំពេញ។ ចូលតាមថ្លោងទ្វារវត្តក្តីតាកុយទល់មុខដើមពោធិ៍កណ្ដាល ភូមិកើតហេតុកាលពីវេលាម៉ោង ៩:១០នាទី យប់ថ្ងៃទី១០ខែមីនាឆ្នាំ២០២៥ ៕ អត្ថបទ៖​ ចាន់រ៉ា

The post ម៉ាដូណា រន្ធត់ចិត្ត ក្រោយឃើញទង្វើបុរសម្នាក់យកជង្គង់អុកដើមទ្រូងប្អូនប្រុសខ្លួនយ៉ាងឃោរឃៅ appeared first on Kampuchea Thmey Daily.

តាមរយៈវីដេអូទម្លាយសារដែលលោក ម៉ាដូណា បង្ហាញក្តីបារម្ភចំពោះខ្លួន Heng បានបើកសំឡេងស្តាប់ដោយអារម្មណ៍ក្តុកក្តួល ទន្ទឹមនឹងបង្ហាញអារម្មណ៍អរគុណ ក៏ដូចជាបារម្ភទៅកាន់លោក ម៉ាដូណា វិញ ដែលហាក់សបញ្ជាក់យ៉ាងច្បាស់ ថាអ្នកទាំងពីរ ហាក់នៅជំពាក់ចិត្តនឹងគ្នាមិនទាន់ដាច់ស្រឡះឡើយ។

យ៉ាងណា ដោយមើលឃើញថាស្នហេាភេទដូចគ្នាមួយគូនេះ ហាក់នៅសេសសល់ចិត្តឱ្យគ្នានៅឡើយ អ្នកគាំទ្រ បានលើកទឹកចិត្តឱ្យអ្នកទាំងពីរសាកល្បងផ្តល់ឱកាសឱ្យគ្នាជាថ្មីផងដែរ។

ទាក់ទងនឹងរឿងរ៉ាវថាតើ មនោសញ្ចេតនានេះ អាចចាប់ផ្តើមម្តងទៀតបានឬយ៉ាងណានោះ លោក ម៉ាដូណា តាមរយៈបទសម្ភាសមួយជាមួយលោក អុឹម ជីវ៉ា បានបញ្ជាក់ថា បើសិនអតីតគូស្នេហ៍សុំត្រូវគ្នាវិញ លោកនឹងព្រមទទួល ក៏ព្រោះតែស្តាយមនោសញ្ចេតនាជាង ៨ឆ្នាំ ។ ម៉្យាង លោកក៏មិនចង់ចំណាយពេលមើលចិត្តនឹងអ្នកណាទៀតដែរ ខណៈអតីតគូស្នេហ៍ ជាមនុស្សដែលយល់ពីគ្នាច្រើន និងមានអនុស្សាវរីយ៍ច្រើនជាមួយគ្នា។

គួររំលឹកថា ទំនាក់ទំនងស្នេហាភេទដូចគ្នារវាងលោក ម៉ា ដូណា និងលោក ហេង កន្លងមក គឺតែងមានផ្អែមល្ហែមជាមួយគ្នា ប៉ុន្តែសុខៗ Heng ក៏ស្រាប់តែប្រកាសរឿងចែកផ្លូវគ្នា ក្រោយស្ងប់ស្ងាត់បង្ហាញភាពស្និតស្នាលជាច្រើនខែ។

បើតាមការបញ្ជាក់ពី លោក ម៉ា ដូណា ការផ្តាច់ទំនាក់ទំនងស្នេហារវាងលោកនិងគូស្នេហ៍ គឺជាការព្រមព្រៀងគ្នាទាំងសងខាង ដោយមិនមានកើតរឿងរ៉ាវអ្វីទេ ខណ:សុខៗស្រាប់លោក ហេង សុំបែកគ្នាជាមួយខ្លួនតែម្តង តែបើទោះជាបែកស្នេហ៍ អ្នកទាំងពីរនៅធ្វើការងារនិងរាប់អានគ្នាជាធម្មតា។

យ៉ាងណា ក្រោយបែកបាក់ចែកផ្លូវគ្នា អ្នកទាំងពីរម្តងម្កាល បានចេញមកបង្ហាញការនឹករលឹក និងអនុស្សាវរីយ៍ល្អៗធ្លាប់រួមគ្នា មានទាំងគ្រាលំបាក រហូតមានលុយចាយពេញៗដៃ។

ពាក់ព័ន្ធនឹងការបែកបាក់ចែកផ្លូវគ្នានេះ សាធារណជនដែលជាអ្នកគាំទ្រគូស្នេហ៍មួយគ្នានេះ ក៏បានសម្តែងការសោកស្តាយផងដែរ៕

The post ម៉ាដូណា បង្ហើបថា ខ្លួនអាចនឹងវិលរកស្នេហ៍ចាស់វិញ ព្រោះស្តាយមនោសញ្ចេតនា ៨ឆ្នាំ appeared first on Kampuchea Thmey Daily.

ជាក់ស្តែងនៅលើទំព័រហ្វេសប៊ុករបស់តារាកំប្លែងលោ ក ម៉ា ដូណា បានបង្ហោះខ្លឹមសារភ្ជាប់រូបភាពថា ជំរាប សួរ ដល់លោកជំទាវ ក្អយ នឹងឧញ៉ាដែលជាតារាកំប្លែងល្បី១រូប សូមជួយមកដោះស្រាយលុយខ្ញុំ ចំនួន45 000$ ផងព្រោះតាំងពីខ្ញុំឆាតទៅលែងឆ្លើយតបមិន មែនខ្ញុំភ្លេចទេ ។

តារាសម្តែងនិងកំប្លែងលោក ម៉ា ដូណា បានបញ្ជាក់បន្ថែមទៀតថា”ខ្ញុំហត់នឹងការកុហក់របស់អ្នកទាំង២ ណាស់ជួយបាញ់លុយសងខ្ញុំផងអាចលុបឆាតបាន តែបញ្ជាក់ថា ខ្ញុំថតទុកអស់ហើយ”។

ជាមួយគ្នានោះមានការបញ្ចេញមតិដែរថាយុគ៩ហើ យល្មមលាតត្រដាងហើយ…យុត្តិធម៌សម្រាប់ជនរង គ្រោះដូចពួកខ្ញុំនៅត្រង់ណា ខ្ញុំចាញ់បោកបុគ្គលនេះ (270.000ដុល្លារ)រយ:ពេល១០ឆ្នាំហើយ ខ្ញុំមានភស្តុតាងគ្រប់យ៉ាងតែគេសុីជាប្រព័ន្ធធ្វើ្វអី្វគេមិនកើតទេលុ យជុំកាឡង់បិតបានគ្រប់យ៉ាងគេរស់នៅសុីឆ្ងាញ់ដេកស្រួល តែពួកខ្ញុំរស់នៅទាំងខ្លោចផ្សារណាស់ ខ្ញុំខ្លោចផ្សារណាស់។

តារាកំប្លែងលោក ម៉ា ដូណា បានឆ្លើយតបវិញថាគេមានខ្សែ ធ្វើអត់ចេញទេsis។គួរបញ្ជាក់ដែរថាដោយអស់ការអត់ធ្មត់តារាសម្តែងនិងកំប្លែង ម៉ា ដូណាបានប្រកាសយ៉ាងកក្តៅគគុកទាលុយតារាកំប្លែងស្រី២រូបដែលជំពាក់ក្នុងម្នាក់ៗខ្ទង់រាប់ម៉ឺនដុល្លារ។តារាកំប្លែងស្រី២រូបដែលត្រូវបានមិត្តរួមអាជីពលោក ម៉ា ដូណា ទម្លាយរឿងជំពាក់បំណុលរួមមានឈ្មោះ, តារាកំប្លែង ខ្ញុង និងអតីតតារាកំប្លែង ក្អយ ផងដែរ៕ ចាន់រ៉ា

The post អតីតតារាកំប្លែង ស្រីអយ ត្រូវតារាកំប្លែងលោក ម៉ា ដូណា បកអាក្រាតរឿងជំពាក់លុយ appeared first on Kampuchea Thmey Daily.

គេចាំបានថា នេះមិនមែនជាលើកទី១នោះទេ ដែលតារាប្រុស ម៉ាដូណា បានដាច់ចិត្តបង្ហោះដោយការហួសចិត្តខ្លាំងចំពោះទង្វើអ្នកនាង ខ្ញុង ពាក់ព័ន្ធរឿងជំពាក់លុយខ្លួន។

តារាកំប្លែង ម៉ា ដូណា បន្តទៀតថា សំខាន់មើលងាយបងប្អូនខ្មែរនៅស្រុកក្រៅសុទ្ធតែថាចោលឆ្អឹងហើយខ្មើត និយាយដោយមិនដឹងខុសទៀត ហើយឡើងតុបំភ្លឺនិយាយបំផ្លើសខុសពីការពិត ខ្ញុំស្តាប់ហើយឆ្អែត គ្មានដឹងគុណចំពោះមនុស្សគ្រប់គ្នា ដែលជួយនិយាយយកខ្លួនឯងល្អ។

ម៉ា ដូណា បន្ថែមថា ពីមុនថាមិនចង់បង្ហោះរូបមុខអ្នកនាងខ្ញុង ដោយសរសេរចំឈ្មោះឡើយ តែកាលដែលធ្វើ ព្រោះចង់ដឹងថា អ្នកដែលជំពាក់លុយខ្លួនរូបនេះ មានលុយប្តឹងខ្លួនដែរទេ បើសាមុីអ្នកជំពាក់ហ៊ានទាំងនិយាយថា “សុខចិត្តអស់លុយឡើងតុលាការតែមិនសង”។ លោកបន្តថា “ពុកម៉ែបងប្អូនរង់ចាំទស្សនាកាឡាយរបស់ខ្ញុំ ខ្ញុំនឹងបង្ហាញភស្តុតាងទាំងអស់ ហើយពេលខ្ញុំឡាយ ខ្ញុំជឿជាក់មានជនរងគ្រោះជាច្រើនអ្នកដែលត្រូវវាកុហក និងមិនសងបោកប្រាស់លុយជាច្រើនអ្នកផងដែរ៕ អត្ថបទ៖ ចាន់រ៉ា

The post ម៉ាដូណា បកអាក្រាតតារាកំប្លែង ខ្ញុង រឿងជំពាក់លុយមិនសងជាថ្មី ព្រោះចង់ដឹងថាមានលុយប្តឹងដែរទេ? appeared first on Kampuchea Thmey Daily.

យ៉ាងណាមិញ បន្ទាប់ពីការចែកផ្លូវគ្នាបានជាងកន្លះឆ្នាំលោក ម៉ាដូណា បានរម្លឹកនូវអនុស្សាវរីយ៍មួយចំនួនជាមួយអតីតសង្សារ ព្រមជាមួយហេតុផលនៃឈានដល់ការផ្តាច់ទំនាក់ទំនងស្នេហាភេទដូចគ្នាផងដែរ។ លោក ម៉ា ដូណា បានបង្ហោះភ្ជាប់រូប ៤សន្លឹកថា ក្នុងចំណោមរូបថតជាង ៨ឆ្នាំនេះគឺ រូបថត៤ សន្លឹកនេះជារូបដែលខ្លួនស្រលាញ់ជាងគេប្រហែលបងប្អូននិងមិត្តភក្តិឃើញលោក ហេង បង្ហោះ ពិតជាចង់ដឹងតើការចែកផ្លូវរវាងអ្នកទាំង២ពិត ឬអត់សម្រាប់លោកគឺពិត។

ម៉ាដូណា បានបន្តថា ជាង៨ឆ្នាំនេះ ការរស់នៅជីវិតគូជួបអស់ហើយ យំ សើច ល្វីង ជូរ ចត់ គឺមានគ្រប់បែបយ៉ាងតែម្តងរហូតមកដល់ពេលនេះគឺចូលជិតកន្លះឆ្នាំហើយដែលពួកគេទាំង២ មិនទាន់ចុះសម្រុងគ្នា តែបើសួរថា ឲ្យលោកពិបាកចិត្តដូចពីមុនឬ យំបង្ហោះទៅ លើFacebookទេ គឺNO ព្រោះជារឿងច្រំដែល ដដែលៗពេក។

លោកនិយាយទៀតថា “មានពេលមួយក៏ពិភាក្សាគ្នានៅលើតុ តើហេតុផលអ្វីយើងត្រូវបែកគ្នា សង្សារខ្ញុំឆ្លើយថា មកពីមិនចុះសម្រុងគ្នា មានពេលមួយមកពីអាមេរិកវិញ ក៏សួរសង្សារខ្ញុំម្តងទៀត(ហេង) តើចង់រួមរស់ជាគូជីវិតថ្មីវិញបានទេ ពាក្យមួយម៉ាត់ NO មុនមកប្រទេសបារំាងក៏សួរសាជាថ្មីទៅកាន់សង្សារខ្ញុំ តើអាចត្រឡប់ដូចដើមបានទេពាក្យដដែលគឺ NO “។

លោក ម៉ា ដូណា បញ្ជាក់ដែរថា ពិតណាស់លោកបានផ្តល់ឱកាសឱ្យយពេលវេលាជាច្រើនដងទៅកាន់គាត់ ព្រោះនៅអាណិតដោយគាត់នៅក្មេង តែលោកនៅតែមិនអាចដូចដើម ហើយការបែកបាក់នេះ មិនមែនខ្លួនមានអ្នកថ្មីឬការធ្លាក់ខ្លួនដល់សូន្យឬលោកប្រកែកឈ្លោះជេទៅកាន់គាត់ គឺអត់តែម្តង ហើយសង្សារលោកក៏មិនមែនជាមនុស្សស្រលាញ់មើលឃើញលើលុយកាក់របស់អ្នកដទៃដែរ។

ម៉ា ដូណា បន្ថែមថា ពេលនេះមានតែពាក្យជូនពរ ហេង មានស្មារតីរឹងពឹង និងសុខភាពល្អ អាចបានកាត់បន្ថយការផឹក និងជក់បារី ឬឈប់ទទួលការថតរឹតតែប្រសើរព្រោះប៉ះពាល់ដល់ខួរក្បាល និងផ្លូវអារម្មណ៍ច្រើនណាស់។ សូមជូនពរដៃគូជីវិតថ្មី ហេង សម្រាប់អ្នកនៅកូរ៉េ សូមស្រលាញ់គ្នាយូអង្វែង អាចបាន សុំចិត្តកុំទាក់ទងអ្នកនៅថៃ ព្រោះកូនហ្នឹងមាត់មិនល្អចរិតក៏មិនល្អដែរ៕ អត្ថបទ៖ ចាន់រ៉ា

The post ម៉ា ដូណា រម្លឹកអនុស្សាវរីយ៍ជាង ៨ឆ្នាំ ជាមួយអតីតសង្សារ និងបញ្ជាក់ហេតុផលនៃការបែកបាក់ appeared first on Kampuchea Thmey Daily.