ថ្លែងក្នុងពិធីបិទសន្និបាតបូកសរុបសភាពការណ៍ និងលទ្ធផលកិច្ចប្រតិបត្តិការក្នុងការរក្សាសន្ដិសុខ សណ្ឋាប់ធ្នាប់សាធារណៈ និងសុវត្ថិភាពសង្គមប្រចាំឆ្នាំ២០២៤ របស់អគ្គស្នងការដ្ឋាននគរបាលជាតិ កាលពីថ្ងៃទី៣១ ខែធ្នូ ឆ្នាំ២០២៤ លោកឧបនាយករដ្ឋមន្ត្រីបានលើកឡើងថាការប្រើប្រាស់ផ្លាកលេខក្លាងក្លាយនៅជាបញ្ហាប្រឈមដែលបង្កការលំបាកក្នុងការរកអត្តសញ្ញាណពិតនៃម្ចាស់យានយន្ត។

លោកជំរុញឱ្យបង្កើតក្រុមការងារចល័តដែលសហការបច្ចេកទេសជាមួយក្រសួងសាធារណការដើម្បីពិនិត្យលើបញ្ហានេះ។

លោកថា៖ «១ក្រុមអត់ច្រើនទេត្រឹមតែ៤-៥នាក់ មានរឿងអីប៊ឹបយើងឆែកភ្លាមដឹងហើយ។ ព្រោះឥឡូវស្លាកលេខក្លែងក្លាយយើងមើលអត់ដឹងទេ! [..] អ៊ីចឹងកិច្ចការងារនេះខ្ញុំសុំឱ្យយកចិត្តទុកដាក់ព្រោះកន្លងទៅឡានដែលចុះអនុវត្តន៍ក៏ដូចជាប្រព្រឹត្តិបទល្មើសនេះគឺស្លាកលេខក្លែងក្លាយនៅតែជាបញ្ហាប្រឈម»។

មាត្រា៧៧នៃច្បាប់ចរាចរណ៍ផ្លូវកគោកបានចែងថា ជនណាបានប្រើប្រាស់ប័ណ្ណបើកបរ ប័ណ្ណសម្គាល់យាន ផ្លាកលេខសម្គាល់យាន ឬលិខិតអនុញ្ញាតផ្សេងៗដោយដឹងថាជាវត្ថុក្លែងក្លាយ ឬជនក្លែងប័ណ្ណបើកបរ ប័ណ្ណសម្គាល់យាន ឬលិខិតអនុញ្ញាតផ្សេងៗដើម្បីចរាចរយានត្រូវផ្តន្ទាទសដាក់ពន្ធនាគារពី ២ឆ្នាំ ទៅ៥ឆ្នាំ ឬ/និងផ្ដន្ទាទោសពិន័យជាប្រាក់ពី៤លានរៀល ទៅ១០លានរៀល៕

អត្ថបទដោយ ហ៊ុន សិរីវឌ្ឍន៍  

The post រដ្ឋមន្ត្រីមហាផ្ទៃបញ្ជាឱ្យបង្កើតក្រុមចល័តចុះពិនិត្យឡានម៉ូតូពាក់ស្លាកលេខក្លែងក្លាយ appeared first on Kampuchea Thmey Daily.

ក្នុងរយៈពេល​៨​ខែដំបូងនៃឆ្នាំ​២០២៤ វៀតណាមបាន​ផលិត​ម៉ូតូថ្មីចំនួន ២ ០២២ ៥០០​គ្រឿង កើនឡើង ៦,៩​ភាគរយបើធៀបនឹង​ឆ្នាំ​មុន។

ចំនួន​ផលិតកម្ម​ម៉ូតូ​ខ្ពស់ក្នុងខែសីហា បានធ្វើឲ្យ​អ្នកជំនាញជាច្រើនមានការភ្ញាក់ផ្អើល ដោយសារ​ជា​ធម្មតា​នៅ​​ក្នុង​ខែ​នេះ​​គឺជាពេលវេលាដែលតម្រូវការអ្នកប្រើប្រាស់ធ្លាក់ចុះ ព្រោះ​តែ​វា​ជា​ខែ «Ngau» ពាក់ព័ន្ធ​នឹង​ជំនឿ​ហុងស៊ុយ​របស់​​ជនជាតិ​វៀតណាម ហើយ​ខែ​នេះ​ទៀត​សោត​ជាខែទី៧​នៅក្នុងប្រតិទិន​ចន្ទគតិវៀតណាម ដែលត្រូវ​គេ​ចាត់ទុកថាជា​ពេល​មិន​ល្អ​ ហើយ​អ្នក​មាន​ជំនឿ​​រមែង​ជៀសវាងការ​ទិញ​របស់របរ​ដែល​មាន​តម្លៃ​ចូល​ផ្ទះ។

បើ​តាម​​ពិត​ទៅ ម៉ូតូដែលធ្លាប់ពេញនិយមជាច្រើន​​ហើយ​ពីមុន​ដាក់​លក់ក្នុងតម្លៃ​ថ្លៃ​កប់​ពពក កំពុង​ផ្ដាស់ប្ដូរ​យុទ្ធសាស្ត្រ​បញ្ចុះតម្លៃ​​​វិញ ដើម្បីទាក់ទាញអ្នកទិញ​បន្ថែម។

ទោះបីជាមានការកើនឡើងនៃផលិតកម្មក៏ដោយ ក៏ការលក់ក្នុងស្រុកមិន​ទាន់​អាច​បំពេញតាមការរំពឹងទុកនោះ​ដែរ។

យោងតាមសមាគមក្រុមហ៊ុនផលិតម៉ូតូវៀតណាម (VAMM) មានតែម៉ូតូថ្មីចំនួន ១ ២០៦ ៨៧២គ្រឿង​ប៉ុណ្ណោះដែលត្រូវបានលក់ក្នុង​ឆមាស​​ទី​១​នៃឆ្នាំ​២០២៤ ធ្លាក់ចុះ ១,៤ភាគរយបើធៀប​នឹង​ឆ្នាំ​២០២៣។

ការ​ធ្លាក់​ចុះ​នេះ​ជា​សញ្ញា​បង្ហាញ​ថា ​អ្នក​ប្រើ​ប្រាស់​ក្នុង​ស្រុក​កំពុង​កាត់​បន្ថយ​​ការ​ចំណាយ​ចំ​ពេល​មាន​ការ​លំបាក​ខាង​សេដ្ឋកិច្ច។

បច្ចុប្បន្ន VAMM មានសមាជិកធំៗចំនួន៥ រួមមាន Honda, Yamaha, SYM, Suzuki និង Piaggio។

ក្នុង​ចំណោម​​​នោះ Honda ជា​ក្រុមហ៊ុន​ផលិត​ធំ​ជាង​គេ​ដែល​មាន​២៧ម៉ូដែល និង​ចំណែក​ទីផ្សារ ៧០ភាគរយ​នៅ​វៀតណាម។ រីឯ Yamaha មាន​២៧ម៉ូដែល ខណៈដែល SYM មាន​១២​ម៉ូដែល Suzuki មាន​២៣​ម៉ូដែល និង Piaggio មាន​១០​ម៉ូដែល។

ការប្រកួតប្រជែង​​​ក្នុង​វិស័យ​ម៉ូតូ​វៀតណាម​កំពុង​មាន​សន្ទុះ​កាន់តែខ្លាំងឡើង ដោយសារក្រុមហ៊ុន​ផលិត​​ម៉ូតូ​ធំៗ​​បាន​នាំ​គ្នា​​​ធ្វើ​យុទ្ធនាការ​បញ្ចុះតម្លៃ​ពិសេស ដើម្បីសម្រប​ទៅ​តាម​តម្រូវការ​ជាក់​ស្ដែង។

បើ​​ក្រឡេក​មើល​វិស័យម៉ូតូអគ្គិសនី​​របស់​វៀតណាម​វិញ​​​​ក៏​កំពុង​ទទួល​បាន​ផ្លែ​ផ្កា​​បណ្ដើរៗ​​ផង​ដែរ​ ដោយ​ប្រៀបបាន​ដូច​ជានិន្នាការថ្មី​មួយ​។ ក្រុមហ៊ុនជាច្រើនរួមមាន VinFast, DatBike, Pega, Yadea និង Detech បានចូល​រួម​នៅ​ក្នុង​ទីផ្សារ​ម៉ូតូ​អគ្គិសនីជាមួយនឹង​ការ​ផលិត​ម៉ូតូ​​ម៉ូដែលផ្សេងៗគ្នា ដោយ​មាន​គោល​បំណង​ជំរុញ​និន្នាការនៃការប្រើប្រាស់មធ្យោបាយដឹកជញ្ជូនស្អាត និងមិនប៉ះពាល់ដល់បរិស្ថាន។

យ៉ាង​ណា​មិញ ទិន្នន័យលក់ជាក់លាក់ពីក្រុមហ៊ុន​ម៉ូតូ​អគ្គិសនី​ទាំងនេះ មិនទាន់មាន​​របាយការណ៍​​ច្បាស់លាស់​នោះ​ទេ៕

ដោយ៖ ឈាង​

The post ក្នុង​ខែ​សីហា វៀតណាម​ផលិត​ម៉ូតូ​ថ្មី​បាន​ជាង​២៨​ម៉ឺន​គ្រឿង appeared first on Kampuchea Thmey Daily.

លោក សោម ព្រហស្បតិ៍ ម្ចាស់ហាងជួសជុលម៉ូតូ សង្កាត់ដូនពេញ ខណ្ឌដូនពេញ បានប្រាប់មកសារព័ត៌មានកម្ពុជាថ្មីថា លោកបើកកន្លែងជួសជុលម៉ូតូនៅម្ដុំផ្លូវព្រះនរោត្តមនេះ មានរយៈពេលជិត ១០ឆ្នាំ មកហើយ ហើយការជួសជុល គឺមានទាំងប្រភេទម៉ូតូអូតូ និងប្រភេទម៉ូតូប្រើលេខធម្មតា។ លោកបន្ថែមទៀតថា ប្រសិនបើគិតទាំងការជួសជុល និងផ្លាស់ប្ដូរគ្រឿងបន្លាស់ថ្មីនោះ លោកទទួលបានម៉ូតូមកជួសជុល និងផ្លាស់ប្ដូរជាធម្មតាប្រមាណ ១០ គ្រឿង ទៅ ១៥ គ្រឿងក្នុងមួយថ្ងៃ។

លោក សោម ព្រហស្បតិ៍ បានបញ្ជាក់ទៀតថា ការជួសជុលម៉ូតូប្រចាំថ្ងៃ ចាប់ម៉ោង ៧ :០០នាទីព្រឹក ដល់ម៉ោង ៦ :០០នាទីល្ងាច។ ជាមធ្យម លោកទទួលបានប្រាក់ចំណេញដែលទូទាត់ទាំងថ្លៃគ្រឿងបន្លាស់ និងថ្លៃកម្លាំងពលកម្ម (ថ្លៃឈ្មួលជាង) ចន្លោះពី ១៥ ម៉ឺនរៀល ទៅ ២០ ម៉ឺនរៀល ជារៀងរាល់ថ្ងៃ។

ចំណែកលោក ហេង វ៉ាន់ អ្នកជួសជុសម៉ូតូតូចមួយ ត្រង់ចំណុចផ្លូវប៉ាស្ទ័រ ក៏បានប្រាប់សារព័ត៌មានកម្ពុជាថ្មីដែរថា បច្ចុប្បន្នកន្លែងជួសជុសម៉ូតូរបស់លោកមានកូនជាង ២នាក់ដែលទើបមករៀនជួសជុល និងក៏មានទទួលកូនជាងបន្តបន្ទាប់ទៀតដែរ ដើម្បីមករៀនពីករបៀបនៃការជួសជុលម៉ូតូ គ្រប់ប្រភេទ។ លោកបន្តថា សម្រាប់ការជួសជុលម៉ូតូវិញ ជាក់ស្ដែងកន្លែងរបស់លោក ទទួលជួសជុលទាំងម៉ូតូអូតូ ម៉ូតូប្រើលេខធម្មតា និងប្រភេទម៉ូតូធំ គ្រប់ប្រភេទ។

លោក ហេង វ៉ាន់ បានបញ្ជាក់បន្ថែមទៀតថា ជាទូទៅការជួសជុលរៀងរាល់ថ្ងៃនេះ ទទួលបានអតិថិជនច្រើនគួរសម។ ម្យ៉ាងទៀតដោយសារលោក ត្រូវរ៉ាប់រងទាំងគ្រប់សព្វទៅលើការចំណាយ មានទឹក ភ្លើង អាហារហូបចុករបស់កូនជាងប្រចាំថ្ងៃទៀតផង។ លោកក៏មិនសូវសល់ប្រាក់ចំណេញច្រើននោះដែរ ប៉ុន្តែលោកក៏អាចនៅសល់បានប្រាក់ចំណេញខ្លះដើម្បី​ផ្គត់ផ្គង់គ្រួសារ ប្រមាណជាង ១០ ម៉ឺនរៀល ទៅ ១២ ម៉ឺនរៀល ជារៀងរាល់ថ្ងៃដែរ៕

អត្ថបទ៖ សួស សិត

The post មកដឹងប្រាក់ចំណូលរបស់អ្នកប្រកបមុខរបរជួសជុលម៉ូតូមួយចំនួន នៅរាជធានីភ្នំពេញ appeared first on Kampuchea Thmey Daily.

ផែនការនេះក៏នឹងរួមបញ្ចូលផងដែរ នូវការគិតថ្លៃលើយានជំនិះ ដែលធ្វើដំណើរចូលទៅក្នុងតំបន់មានចរាចរណ៍មមាញឹក។

ផែនការនេះ ស្ថិតនៅក្រោមគំនិតផ្តួចផ្តើម ដែលត្រូវបានអនុម័តដោយរដ្ឋបាលក្រុង ដើម្បីអភិវឌ្ឍសេដ្ឋកិច្ចរបស់រដ្ឋធានីវៀតណាម ចាប់ពីឆ្នាំ២០២៥ ជាមួយនឹងចក្ខុវិស័យដល់ឆ្នាំ២០៣០។

ជាពិសេស ទីក្រុងសង្ឃឹមថា រឿងនេះនឹងបង្កើនការរួមចំណែករបស់សេដ្ឋកិច្ចទីក្រុង ចំពោះផលិតផលក្នុងស្រុករបស់ខ្លួនឡើងដល់ ៨៥ ភាគរយនៅឆ្នាំ ២០២៥ និងដល់ ៩០ ភាគរយនៅត្រឹមឆ្នាំ ២០៣០។

ផែនការហាមឃាត់ម៉ូតូ មិនឲ្យធ្វើចរាចរណ៍ក្នុងទីក្រុង ត្រូវបានលើកយកមកជជែកវែកញែកជាច្រើនលើកច្រើនសាមកហើយក្នុងរយៈពេលប៉ុន្មានឆ្នាំចុងក្រោយ ប៉ុន្តែអ្នកជំនាញនិងប្រជាពលរដ្ឋ បានសម្តែងក្តីព្រួយបារម្ភអំពីលទ្ធភាពរបស់ពួកគេ។

លោកបណ្ឌិត Nguyen Xuan Thuy អតីតក្រុមហ៊ុន Transport Publishing House បានប្រាប់កាសែត Tuoi Tre ថា ហេដ្ឋារចនាសម្ព័ន្ធរបស់ទីក្រុងហាណូយ ស្ថិតក្នុងកម្រិតមួយដែលមិនអាចទប់ទល់នឹងការហាមឃាត់ម៉ូតូបាន។ លោកនិយាយថា “រថយន្ត​មិន​អាច​ធ្វើ​ដំណើរ​លើ​ផ្លូវ​តូច​ចង្អៀត​ក្នុង​ក្រុង​បាន​ទេ ប៉ុន្តែ​ម៉ូតូ​អាច​ធ្វើដំណើរ​បានដូច្នេះការហាមឃាត់ម៉ូតូមិនឲ្យជិះក្នុងក្រុង នឹងបង្កការលំបាកក្នុងការធ្វើដំណើរសម្រាប់ប្រជាពលរដ្ឋ”។

គួរបញ្ជាក់ថា បច្ចុប្បន្ន អ្នកក្រុងហាណូយ ៧០ ភាគរយ គឺពឹងផ្អែកលើម៉ូតូសម្រាប់ការដឹកជញ្ជូន។ ប្រសិនបើម៉ូតូត្រូវបានហាមឃាត់ ហើយប្រជាពលរដ្ឋឆ្លើយតបដោយការទិញរថយន្តមែននោះ ការកកស្ទះចរាចរណ៍អាចកើនឡើងពី ៣០០ ទៅ ៤០០ ភាគរយឯណោះ ៕

ប្រែសម្រួល៖ Vann Vann

ប្រភព៖ Tuoi Tre

ចុចអាន៖ អ្នកក្រុងហាណូយ សម្រុកចូលផ្សារទំនើប ព្រោះខាងក្រៅក្តៅខ្លាំងពេក អគ្គិសនីក៏គ្មាន

The post ហាណូយ ដាក់គោលដៅ ហាមឃាត់ មិនឲ្យម៉ូតូធ្វើចរាចរណ៍ក្នុងទីក្រុង ត្រឹមឆ្នាំ២០៣០ appeared first on Kampuchea Thmey Daily.

The post ក្រុមហ៊ុន អិន ស៊ី អិច បន្តទទួលបានសិទ្ធិនាំចូលនិងចែកចាយផ្តាច់មុខលើផលិតផលម៉ូតូ និង គ្រឿងបន្លាស់ពីក្រុមហ៊ុន HONDA MOTOR CO.,LTD ជប៉ុន appeared first on Kampuchea Thmey Daily.

១. 1974 BMW R75/6 តម្លៃ ៨,២០០ ដុល្លារ

ម៉ូតូ BMW មិនមានល្បឿនលឿនទេ ប៉ុន្តែស្ទុះងាយស្រួលជិះផ្លូវឆ្ងាយដោយមិនប្រើកម្លាំងច្រើន ។

២. 1973 Norton Commando 850 MK2A តម្លៃ ១៥,០០០ ដុល្លារ 

Norton ជាក្រុមហ៊ុនម៉ូតូរបស់អង់គ្លេសដែល Reeves ពេញចិត្តតាំងពីគាត់នៅក្មេងៗ បើតាម Motorious បានឲ្យដឹងថាតារាសម្ដែងរូបនេះទិញវាក្នុងខ្ទង់ឆ្នាំ ១៩៨០ និងជាម៉ូតូទីពីររបស់គាត់ ។

៣. 1984 Harley-Davidson Shovelhead តម្លៃ ១១,៤៩៩ ដុល្លារ

ម៉ូតូនេះមានរូបរាងឆើតឆាយ និងក្បាលធ្វើពីអាលុយមីញ៉ូមដើម្បីបង្កើនភាពស្ទុះ ។

៤. Suzuki GS1100E តម្លៃ ៣,៩៩៥ ដុល្លារ 

ម៉ូតូ​ម៉ាស៊ីន​ដ៏​រឹងមាំ​នេះ​ត្រូវដាក់​​លក់​ជា​លើក​ដំបូង​ក្នុង​ឆ្នាំ ១៩៨០ ហើយ​ស្ថិត​ក្នុង​ការ​ផលិត​រយៈពេល​បួន​ឆ្នាំ វាភ្ជាប់មកជាមួយក្បាលស៊ីឡាំង ៤ វ៉ាល់ ហើយលក្ខណៈពិសេស ergonomic របស់វាជួយឱ្យដំណើរការបានល្អ។

៥. Kawasaki Ninja ZX-10R តម្លៃ ១៨,០០០ ដុល្លារ 

គេដាក់បង្ហាញជាលើកដំបូងក្នុងឆ្នាំ ២០០៤ វាមានម៉ាស៊ីន ៩៩៨ CC ផ្តល់នូវកម្លាំង ២០៣ HP និងភ្ជាប់មកជាមួយសំបកកង់គ្មានពោះវៀន ។ 

៦. Suzuki GSX-R750 តម្លៃ ១២,៥៤៩ ដុល្លារ 

គេចាត់ទុក Suzuki GSX-R750 ថាជាម៉ូតូ ៧៥០ CC ដ៏ពេញនិយមបំផុតមួយនៅទូទាំងពិភពលោក ហើយធ្វើការបង្ហាញខ្លួនដំបូងក្នុងឆ្នាំ ១៩៨៥ ។ 

៧. Kawasaki KZ 900 តម្លៃ ៩,១៩៩ ដុល្លារ 

គាត់ទិញម៉ូតូខាងលើក្នុងឆ្នាំ ១៩៩៦ ពេលរស់នៅទីក្រុងឈីកាហ្គូម៉ូតូ ម៉ូតូនេះចេញមកដើម្បីប្រកួតប្រជែងជាមួយក្រុមហ៊ុន Honda ។

៨. 2004 Ducati 998 Matrix Reloaded Edition តម្លៃ ១៩,០០០ ដុល្លារ 

ម៉ូដែលនេះចេញក្រោយម៉ូដែល 996 ក្នុងឆ្នាំ ២០០៣ ដែលប្រើសម្រាប់ខ្សែភាពយន្ត Matrix Reloaded មួយឆ្នាំប៉ុណ្ណោះ ។

៩. El Diablo West Coast Chopper តម្លៃ ១៥ ម៉ឺនដុល្លារ

Diablo ដើមមានកម្លាំង ២២៥ HP និង ៤២៨ lb-ft នៃកម្លាំងបង្វិលជុំ ប៉ុន្តែ Reeves បានយកទៅកែម៉ាស៊ីនសម្រាប់ការប្រើប្រាស់កាន់តែល្អជាងមុន ។

១០. 2019 ARCH KRGT-1 តម្លៃ ៨៥,០០០ ដុល្លារ

ជាម៉ូតូដែលរចនាដោយ Reeves ផ្ទាល់ ថែមទាំងបំពាក់ដោយម៉ាស៊ីន S&S 124ci V-Twin ដ៏ខ្លាំងក្លាទៀតផង ៕

ប្រែសម្រួល ៖ វារី

ចុចអាន ៖ តារាអន្តរជាតិល្បីៗ ៣ ដួង ជាប់ក្នុងបញ្ជីខ្មៅរបស់ Ferrari

ចុចអាន ៖ តារាអន្តរជាតិល្បីៗ ៦ រូប ធ្លាប់គ្រោះថ្នាក់ធ្ងន់ធ្ងរអំឡុងពេលថតរឿង

The post មកដឹងពីតម្លៃម៉ូតូសំណព្វចិត្តរបស់ John Wick ១០ គ្រឿង appeared first on Kampuchea Thmey Daily.

១. រៀបចំភេសជ្ជៈប៉ូវកម្លាំង ឬទឹកក្រូចពណ៌ក្រហម ទុកជាដង្វាយសែនព្រេន។

២. ដាក់គ្រឿងក្រអូបនៅលើកង់ខាងមុខ ហើយ​យកអំបោះក្រហមទៅចងនឹងហ្វ្រាំង និងចង្កូតម៉ូតូ។

៣. អុជធូប ២សរសៃ បួងសួងសុំការការពារឱ្យបើកបរប្រកបដោយសុវត្ថិភាព ពីម្ចាស់ទឹកម្ចាស់ដី ។

៤. ដាក់សំណែន​នៅលើ​ម៉ូតូ រួចចាំ​រហូត​ដល់​ធូប​រលត់​ ហើយ​យក​តង្វាយ​នោះមក​ទទួលទាន​៕

អត្ថបទ៖ សន្យា

ចុចអាន៖ ៤ យ៉ាង គេជឿថា នាំហេងចូលហេង ចំពោះអ្នកទិញរថយន្តថ្មី

ចុចអាន៖ វិធី ៣យ៉ាង គេរមែងអនុវត្តមិនដែលខាន ដើម្បីបញ្ចៀសស៊យពេលធ្វើដំណើរ

The post ក្បួនហុងស៊ុយ ៤យ៉ាង អាចបណ្ដេញគ្រោះចេញពីម៉ូតូដែលទើបទិញថ្មី appeared first on Kampuchea Thmey Daily.

ក្រុមហ៊ុន អិន​ ស៊ី អិច បានបញ្ចញនូវ Teaser របស់ ហុងដា DREAM នៅលើទំព័រហ្វេសបុកផ្លូវការរបស់ខ្លួន ហើយនេះជាការបង្ហាញអំពីតម្រុយនៃការផ្លាស់ប្តូររូបរាងថ្មីទាំងស្រុងរបស់ ហុងដា Dream អង្រួនបេះដូងអ្នកប្រើប្រាស់ឲ្យនៅមិនស្ងប់ គេងមិនលក់ បក់មិនល្ហើយ ទន្ទឹងរង់ចាំ ថាតើនឹងមានអ្វីផ្លាស់ប្តូរខ្លះទៅ?

ចង់ដឹងថា ហុងដា Dream នឹងចេញលក់ជាផ្លូវការនៅពេលណា ​​ រូបរាងពីខាងក្រៅមានការផ្លាស់ប្តូអ្វីខ្លះ មានបំពាក់នូវបច្ចេកវិទ្យាថ្មីៗ អ្វីខ្លះ?

តាមដែលតម្រុយរបស់ក្រុមហ៊ុន អិន ស៊ី អិច យើងជឿជាក់ថា​ វត្តមានរបស់ ហុងដា Dream គឺមិនយូរនោះទេ។ ដូច្នេះកុំភ្លេចតាមដានគ្រប់ប្រព័ន្ធបណ្តាញសង្គមផ្លូវការរបស់ក្រុមហ៊ុន អិន ស៊ី អិច ដូចជាដើម្បីទទួលបានព័ត៌មាននានានៃការមកដល់នៃ All New Honda Dream មុនគេ៖

• គេហទំព័រហ្វេសបុកផ្លូវការ FB https://bit.ly/FBAllNewHondaDREAMCOMINGSOON
• ប្រព័ន្ធបណ្តាញសង្គម TT: https://bit.ly/TTAllNewHondaDREAMCOMINGSOON
• ប្រព័ន្ធបណ្តាញសង្គម IG: https://bit.ly/IGAllNewHondaDREAMCOMINGSOON
• ប្រព័ន្ធបណ្តាញសង្គម YT: https://bit.ly/YTAllNewHondaDREAMCOMINGSOON
• វែបសាយ : https://bit.ly/AllNewHondaDREAMCOMINGSOON

The post ឮថា ហុងដា DREAM បានផ្លាស់ប្តូររូបរាងថ្មីទាំងស្រុង? appeared first on Kampuchea Thmey Daily.