បើតាមការបញ្ជាក់ពីតារាកំប្លែង ប្រិមប្រិយ ដែលជាអ្នកនៅក្បែរ និងជួយថែទាំជាបន្តបន្ទាប់ បានឱ្យដឹងថា នៅថ្ងៃនេះ លោក ម៉េង ប៊ុនឡូ ត្រូវបានគ្រូពេទ្យអនុញ្ញាតឱ្យចេញពីមន្ទីរពេទ្យហើយ ប៉ុន្តែត្រូវបន្តព្យាបាលដោយការប្រើថ្នាំ និងតាមដានសុខភាពរយៈពេលប្រហែលមួយសប្តាហ៍បន្ថែមទៀត។

ចំណែកសាមីខ្លួន លោក ម៉េង ប៊ុនឡូ ក៏បានបង្ហាញសារអរគុណទៅកាន់មហាជន និងអ្នកគាំទ្រដែលបានបង្ហាញការព្រួយបារម្ភ និងគាំទ្រគាត់ក្នុងអំឡុងពេលឈឺថា បច្ចុប្បន្នស្ថានភាពសុខភាពបានធូរស្បើយខ្លះហើយ ប៉ុន្តែក្រុមគ្រូពេទ្យណែនាំឱ្យសម្រាកឱ្យបានច្រើន។ ដោយហេតុនេះហើយ លោកមិនទាន់អាចឆ្លើយតបទៅនឹងសារ ឬមតិយោបល់ (comment) បានទាំងអស់នៅឡើយទេ ហើយលោកនឹងធ្វើការផ្សាយផ្ទាល់ (Live) ជូនដំណឹងទៅមិត្តភក្តិ និងអ្នកគាំទ្រវិញ បន្ទាប់ពីសុខភាពបានប្រសើរឡើង។

ដំណឹងនេះត្រូវបានគេចាត់ទុកថាជាព័ត៌មានដ៏ល្អសម្រាប់មហាជនអ្នកគាំទ្រ ដែលបានតែងតែព្រួយបារម្ភពីសុខភាពតារាសម្តែងក្នុងរឿង «ចៅពស់កេងកង» រូបនេះ ខណៈដែលលោកកំពុងស្ថិតក្នុងដំណាក់កាលស្ដារសុខភាពឡើងវិញ។

គួររំលឹកថា ក្នុងអំឡុងពេលសម្រាកព្យាបាល លោក ម៉េង ប៊ុនឡូ ក៏ទទួលបានការឧបត្ថម្ភថវិកាចំនួន ៥,០០០ ដុល្លារអាមេរិក ពីសម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដើម្បីជួយសម្រាលបន្ទុកថ្លៃព្យាបាល នៅមន្ទីរពេទ្យកាល់ម៉ែត្រ។

បច្ចុប្បន្ន តារាសម្តែងរូបនេះកំពុងបន្តព្យាបាលជំងឺដែលទាក់ទងនឹងសរសៃវ៉ែនជើងខាងឆ្វេង ដែលតម្រូវឱ្យមានការវះកាត់ ហើយលោកក៏បានបង្ហាញអារម្មណ៍រំភើប និងអរគុណយ៉ាងជ្រាលជ្រៅចំពោះការយកចិត្តទុកដាក់ និងជំនួយពីសប្បុរសជនទាំងអស់ ដែលបានចូលរួមគាំទ្រក្នុងពេលលំបាកនេះ៕ ដោយ: ចាន់រ៉ា

The post លោក ម៉េង ប៊ុនឡូ ចេញពីមន្ទីរពេទ្យហើយ តែនៅបន្តតាមដាន និងព្យាបាលដោយថ្នាំនៅផ្ទះ appeared first on Kampuchea Thmey Daily.

តារាសម្តែងរូបនេះ កំពុងប្រឈមមុខនឹងជំងឺធ្ងន់ធ្ងរ ដែលតម្រូវឱ្យធ្វើការវះកាត់សរសៃវ៉ែនជើងខាងឆ្វេង។ ក្រោយទទួលបានការឧបត្ថម្ភ លោកបានសម្តែងអារម្មណ៍រំភើបដល់ថ្នាក់ស្រក់ទឹកភ្នែក ពោលថា ជំនួយនេះដូចជាការប្រោសជីវិតឱ្យលោកបានរស់ឡើងវិញ។

លោក ម៉េង ប៊ុនឡូ បានលើកឡើងថា ជាសិល្បករម្នាក់ លោកសូមលំឱនគោរព និងអរគុណយ៉ាងជ្រាលជ្រៅចំពោះសម្តេចទាំងទ្វេ ដែលបានផ្តល់ជំនួយចំនួនប្រហែល ២០ លានរៀល (៥,០០០ ដុល្លារ) ដើម្បីជួយសម្រួលការព្យាបាលជំងឺទឹកនោមផ្អែម និងការវះកាត់សរសៃជើង។

លោកថា “កូនសែនរំភើប និងត្រេកអរបំផុត ដូចបានជីវិតរស់ជាថ្មី ដែលអាចឱ្យកូនបន្តអាជីពសិល្បៈ។ សម្តេចពុក សម្តេចម៉ែ តែងតែយកចិត្តទុកដាក់ និងជួយដល់សិល្បករ ព្រមទាំងប្រជាជនទាំងអស់ ដោយចង់ឃើញកូនចៅរស់នៅក្នុងសេចក្តីសុខក្រោមម្លប់សន្តិភាព”។

បន្ថែមពីនេះ លោកក៏បានជូនពរដល់សម្តេចទាំងទ្វេ ឱ្យមានសុខភាពល្អ ប្រាជ្ញាភ្លឺថ្លា ដើម្បីបន្តជាម្លប់ដល់ប្រជាជន និងសិល្បករ។ លោកក៏បានបញ្ជាក់ថា នឹងចងចាំព្រះគុណដ៏ធំធេងនេះអស់មួយជីវិត៕ ដោយ៖ ចាន់រ៉ា

The post ម៉េង ប៊ុនឡូ ដឹងគុណសម្តេចទាំងទ្វេបានប្រោសជីវិតរស់ជាថ្មី ឱ្យបានប្រកបអាជីពសិល្បៈ appeared first on Kampuchea Thmey Daily.

បើតាមការបញ្ជាក់ពីតារាប្រុសលោក សាវិន ហ្វីលីព បានឱ្យដឹងថាយប់មិញបានអ្នកនាង ប្រឹមប្រិយ នឹង នាយក្រិន បានមកជួយចាត់ចែងបំពេញឯកសារឱ្យលោក ម៉េង ប៊ុនទ្បូ ចូលទៅមន្ទីពេទ្យកាល់ម៉ែត្រដល់ ម៉ោង២អាធ្រាត។

លោក សាវិន ហ្វីលីព បានបន្ថែមទៀតថាមកដល់ម៉ោ ងនេះតារាសម្ដែង ម៉េង ប៊ុនទ្បូ កំពុងស្ថិតនៅក្នុងបន្ទប់សង្រ្គោះបន្ទាន់នៃមន្ទីរពេទ្យកាល់ម៉ែត្រខណ:មហា ជនជាច្រើនបានជូនពរឱ្យឆាប់ជាសះស្បើយពីជំងឺនិ ងឆ្លងផុតគ្រោះថ្នាក់ផងដែរ។

ប្រាកដណាស់បន្ទាប់ពីដឹងស្ថានភាពជំងឺតារាសម្តែងនិងចម្រៀងល្បីលំដាប់ប្រទេសលោក ម៉េង ប៊ុនឡូ បានធ្វើឱ្យមហាជនអ្នកគាំទ្របង្ហាញក្តីព្រួយបារម្ភខណ: ថ្មីៗនេះមានដំណឹង លោកត្រូវចូលពេទ្យបន្ទាន់ព្រោះ ខ្លួនឈឺធ្ងន់និងត្រូវការវះកាត់ដើម្បីសង្គ្រោះប៉ុន្តែមាន ការខ្វះខាត់ទើបលោកលាក់ទុកយូរឆ្នាំហើយ។

មូលដែលតារាសម្តែងលោក ម៉េង ប៊ុនឡូ ស៊ូលាក់ទុកជំងឺច្រើនឆ្នាំរហូតកាន់តែធ្ងន់ធ្ងន់បែបនេះដោយសារតែតារាប្រុសរូបនេះមានភាពខ្មាស់អៀនអ្នកសិល្ប: ដូចគ្នានិងអ្នកគាំទ្រ។ ដោយមើលឃើញពីការអាណិតនិងដើម្បីជួយសង្គ្រោះលោក ម៉េង ប៊ុនឡូ ទើបពេល នេះតារាសម្តែងលោក សាវិន ហ្វីលីព សម្រេចបង្កើតមូនិធិទ្បេីងដេីម្បីជួយរកជំនួយ៣០០០ដុល្លារ។

លោក ហ្វីលីពបញ្ជាក់ថា គោលបំណងមូនិធិម្នាក់១ដុល្លារនេះគឺស ម្រាប់ជួយដល់ការវះកាត់សរសៃវ៉ែនជេីងឆ្វេងរបស់តា រាសម្ដែង ម៉េង ប៊ុនទ្បូ ដែលជាបុគ្គលល្អម្នាក់ក្នុងវិស័យភាពយន្តហេីយការគៀងគរកជំនួយនេះ មិនមែនជាគំនិតរបស់លោក ម៉េង ប៊ុនទ្បូទេ ដោយសារលោកមានភាពខ្មាស់អៀនណាស់ ប៉ុន្តែវាកេីតចេញពីបេះដូងរបស់ខ្លួនលោកផ្ទាល់ដែលចង់ជួយដល់គាត់ដែលជាតារាប្រុសស្លូតបូតម្នាក់ប៉ុណ្ណោះ៕ ដោយ: ចាន់រ៉ា

The post លោក ម៉េង ប៊ុនឡូ ត្រូវបានបញ្ជូនទៅកាន់មន្ទីពេទ្យកាល់ម៉ែត្រយប់មិញ កំពុងស្ថិតនៅក្នុងបន្ទប់សង្រ្គោះបន្ទាន់ appeared first on Kampuchea Thmey Daily.

តាមរយៈទំព័រហ្វេសប៊ុកលោក សាវិន ហ្វីលីព នៅព្រឹកដើមខែមេសានេះបានរៀបរាប់ថា តារាសម្ដែង ម៉េង ប៊ុនទ្បូ ធ្លាក់ខ្លួនឈឺធ្ងន់ចូលពេទ្យចំថ្ងៃតែមួយជាមួយលោកតែម្ដង។ តាមការបញ្ជាក់ ម៉េង ប៊ុនទ្បូ មានអាការៈឡើងកម្ដៅខ្ពស់ដល់ ៤០អង្សាសេ បណ្ដាលមកពីជំងឺបែកសរសៃជើងខាងឆ្វេង (សរសៃវ៉ែនដែលរត់ទៅបេះដូង) រួមជាមួយនឹងជំងឺរលាកបំពង់កយ៉ាងធ្ងន់ធ្ងរ។

តាមការឱ្យដឹង លោក ម៉េង ប៊ុនឡូ បានលាក់បាំងស្ថានភាពជំងឺនេះយូរមកហើយ ដោយសារខ្វះលទ្ធភាពវះកាត់ព្យាបាល ខណៈតម្លៃនៃការវះកាត់ព្យាបាលខ្ទង់ប្រហែល ៣,០០០ ដុល្លារ។

លោក សាវិន ហ្វីលីព បន្ថែមដែរថា វេជ្ជបណ្ឌិតធ្លាប់បានព្រមានថា ប្រសិនបើមិនព្យាបាលឲ្យទាន់ពេលវេលា អាចនាំឲ្យប្រឈមនឹងហានិភ័យជំងឺគាំងបេះដូងនាពេលអនាគត។ តែទោះជាយ៉ាងណា ដោយសារការខ្វះខាតលទ្ធភាព ហេតុផលនេះ ក៏ធ្វើឱ្យជំងឺរបស់តារាសម្តែងរូបនេះបន្តធ្ងន់ធ្ងរឡើងដូចនេះ។

គួររំលឹកថា លោក ម៉េង ប៊ុនឡូ ធ្លាប់អាក់ខានសម្តែងច្រើនឆ្នាំ ចាប់ពីអំឡុងឆ្នាំ២០០៦ ព្រោះជំងឺមួយស្ទើរបាត់បង់ជីវិតម្តងរួចទៅហើយ។ កាលណោះ លោកបញ្ជាក់ថា គ្រាដែលលោកបាត់ខ្លួនមួយរយ:ពេលធំចាប់ពីអំឡុងឆ្នាំ២០០៦ ដោយសារមានជំងឺមួយដែលយើងនឹកស្មានមិនដល់ ហើយជំងឺនេះទៀតសោត គឺប៉ះពាល់សុខភាពមិនអាចថតសម្តែងបានតែម្តង គឺជំងឺ “លៀនឌីស”។

លោកថា កាលណោះ លោកជិះសេះពុំមែនសេះសម្រាប់ថតទេ គឺជាសេះអ្នកភូមិដែលបណ្តាលឱ្យលោកធ្លាក់ពីលើខ្នងសេះជាច្រើនដង រហូតធ្លាក់ចុងក្រោយធ្វើឱ្យទល់ផ្អកទើបវិវត្តន៍ទៅជាការចុកចាប់ផ្នែកចង្កេះខ្លាំងឡើងៗ និងធ្វើទុកស្ពឹកជើងមួយចំហៀងខ្លួន ទើបលោកសម្រេចទៅរកពេទ្យ។ ខណៈពេលនោះ ពេទ្យតម្រូវឱ្យវះកាត់ព្យាបាល បើមិនដូច្នេះទេប្រឈមមុខនឹងពិការតែម្តង។

អំឡុងពេលឈឺចុងចាប់ក្នុងសរសៃឆ្អឹងចង្កេះនោះដែរ លោកមិនត្រឹមតែទៅរកការម៉ាស្សា ឬគ្រូចាប់សរសៃនោះទេ គឺថែមទាំងលេបថ្នាំផ្សះច្រើនទៀតផង ប៉ុន្តែចុងក្រោយលោកក៏បានសម្រេចវះកាត់តាមការណែនាំនៅមន្ទីពេទ្យ ដោយកាលនោះ ជាជម្រើសចុងក្រោយ ហើយស្មានតែគ្មានឱកាសដើរបានដូចពេលនេះឡើយ ព្រោះគ្រូពេទ្យថា ទោះបីវះកាត់អាចនឹងពិការតែបើមិនវះកាត់ក៏ពិការបាត់បង់ជីវិតទៀតផង។

ម៉េង ប៊ុនទ្បូ ធ្លាប់ជាតារាឯកប្រុសល្បីល្បាញមួយរូបក្នុងវិស័យភាពយន្តខ្មែរ ជាពិសេសតាមរយៈខ្សែភាពយន្ត «ចៅពស់កេងកង» របស់លោក ហ្វៃ សំអាង ដែលទទួលបានការគាំទ្រយ៉ាងខ្លាំងពីទស្សនិកជន។ ទោះជាយ៉ាងណា ជីវិតបច្ចុប្បន្នរបស់លោក កំពុងជួបប្រទះភាពលំបាកខ្លាំង ដោយត្រូវសម្រាកពេទ្យតែម្នាក់ឯង គ្មានអ្នកថែទាំជិតស្និទ្ធ ខណៈស្ថានភាពសេដ្ឋកិច្ចក៏មិនប្រសើរឡើយ។

ទោះបីជាកំពុងប្រឈមមុខនឹងការលំបាកជាច្រើន តារាប្រុសរូបនេះត្រូវបានពិពណ៌នាថា ជាមនុស្សស្លូតបូត មានភាពអត់ធ្មត់ និងមិនធ្លាប់បង្ហាញការត្អូញត្អែរ ឬបង្ហាញភាពលំបាករបស់ខ្លួនជាសាធារណៈឡើយ។

ជាមួយគ្នានេះ លោក សាវិន ហ្វីលីព ក៏បានអំពាវនាវដល់សាធារណជន និងអ្នកស្រលាញ់វិស័យសិល្បៈ ចូលរួមជួយគាំទ្រតារាចាស់រូបនេះ ក្នុងការព្យាបាល និងឆ្លងកាត់វគ្គលំបាកនៃជីវិត៕ ដោយ៖ ចាន់រ៉ា | rewrite: Sotheavy

The post ឈឺធ្ងន់ជាថ្មី! សាវិន ហ្វីលីព បង្ហើបស្ថានភាព ម៉េង ប៊ុនទ្បូ កំពុងសម្រាកព្យាបាល ចាំបាច់ត្រូវវះកាត់បន្ទាន់ appeared first on Kampuchea Thmey Daily.

ស្របពេលប្រជាប្រិយភាពនៅតែមាន លោក ម៉េង ប៊ុនឡូ ក៏ត្រូវបានអ្នកសិល្ប:រួមអាជីពលើកសរសើរពីអត្តចរិតល្អទៀតផង។ ជាក់ស្តែងមុននេះតារាសម្តែងជើងចាស់ម្នាក់ បានលើកឡើងពីចរិតងាយធ្វើការជាមួយលោក ម៉េង ប៊ុនឡូ ខុសពីអ្នកសិល្ប:ដទៃ។

តារាសម្តែងជើងចាស់លោក សាវិន ហ្វីលីព បាននិយាយខ្លីថា លោក ម៉េង ប៊ុនទ្បូ ជាតារាសម្ដែងម្នាក់ដែលមានអត្តចរិតស្លូតបូត និងងាយធ្វេីការជាមួយណាស់។ នេះគឺជាចំណុចដ៏ល្អមួយរបស់តារាប្រុសលោក ម៉េង ប៊ុនឡូ ដែលទទួលបានការសរសើរ និងលើកទឹកចិត្តពីសំណាក់តារារៀមច្បងរួមអាជីព ខណ:កន្លងមកមានតារាប្រុសស្រីមួយចំនួនរងការរិះគន់ថាបានល្បីកើតជំងឺតួឯក។

លោក ម៉េង ប៉ុនឡូ គឺជាតារាសម្តែងជើងចាស់ដ៏ល្បីល្បាញមួយរូប ជិត ២ទស្សវត្សរ៍មុន ដោយលោកបានសម្ដែងនៅក្នុងខ្សែភាពយន្ដខ្មែរល្បីៗជាច្រើន ដូចជារឿង ចៅពស់កេងកង; រឿង មន្តមាយា និងមានរឿងភាគជាច្រើនទៀត។ អំឡុងពេលស្ងប់ស្ងាត់ពីអាជីពសម្តែង លោកធ្លាប់បានបង្ហាញខ្លួនម្ដងទៀតក្នុងការសម្ដែងភាពយន្តបទចម្រៀងនិយាយពីខ្សែជីវិតសម្ដេចតេជោ ហ៊ុន សែន ដែលផលិតឡើងដោយសមាគមសិល្បករខ្មែរ ក្រោមការដឹកនាំរបស់លោក ហ្វៃ សំអាង ផងដែរ។

ត្បិតតារាចម្រៀងសម្បុរស្រអែមរូបនេះ បានសាងភាពល្បីល្បាញមិនធម្មតាទាំងក្នុងអាជីចម្រៀង និងវិស័យភាពយន្តច្រើនឆ្នាំ ប៉ុន្តែគ្រោះថ្នាក់ចៃដន្យមួយអំឡុងពេលថត ធ្វើឱ្យមានបញ្ហា “លៀនឌីស” ស្ទើរតែពិការហើយអាចប៉ះពាល់ដល់អាយុជីវិតថែមទៀត។ ដោយមូលហេតុនេះហើយ ទើបធ្វើឱ្យលោកបាត់មុខពីអាជីពសិល្បៈគ្មានដំណឹង អស់ពេលយ៉ាងយូរ។

ទោះបីយ៉ាងណាការបាត់មុខអាជីពសិល្ប:ពីសំណាក់ តារាប្រុសមានធំដំបងលោក ម៉េង ប៊ុនឡូ កន្លងមកពុំធ្លាប់ត្រូវបានអ្នកគាំទ្រ ឬទស្សនិកដឹងទេថា លោកសម្រេចផ្តាច់អាជីពមួយនេះទាំងស្រុងឬយ៉ាងណាឡើយ។ ប៉ុន្តែបន្ទាប់ពីសម្ងំខ្លួនមួយរយ:នោះ លោក ប៊ុនឡូ ក៏បានបង្ហាញខ្លួនជាថ្មីក្នុងវិស័យចាស់(សិល្ប:)ឡើងវិញ៕ អត្ថបទ៖ ចាន់រ៉ា

The post ម៉េង ប៊ុនឡូ នៅតែមានប្រជាប្រិយភាព និងទទួលបានការសរសើរពីអ្នកសិល្បៈ ទោះលេចមុខម្តងម្កាលក្នុងសិល្បៈ appeared first on Kampuchea Thmey Daily.

បើទោះបីជាកន្លងមក ពុំធ្លាប់មានអ្នកគាំទ្រណាបានដឹង ថាកាលដែលតារាប្រុសរូបនេះបាត់មុខអាជីពសិល្ប: ជាការសម្រេចដកខ្លួនចេញពីអាជីពនេះ ឬយ៉ាងណាក៏ដោយ ប៉ុន្តែថ្មីៗនេះ លោក ប៊ុនឡូ ស្រាប់តែបង្ហាញខ្លួនជាថ្មីក្នុងវិស័យចាស់(សិល្ប:) បន្ទាប់ពីសម្ងំខ្លួនមួយរយ:។

យ៉ាងណា ដំណើរដើមទងដែលបាត់មុខពីសិល្ប: លោក ម៉េង ប៊ុនឡូ ប្រាប់ឱ្យដឹងតាមរយ:កិច្ចសម្ភាសមួយដោយលោកបញ្ជាក់ថា មូលហេតុ គឺដោយសារតែលោកមានជំងឺម្យ៉ាង ទើបបានខ្លួនពីសិល្ប:មួយរយៈធំបែបនេះ។ តារាចម្រៀងនិងសម្តែងលោក ម៉េង ប៊ុនឡូ បានឱ្យដឹងដែរថា ធ្លាប់មានទស្សនិកជនសួរនាំលោកដែរចំពោះមូលហេតុនៃការបាត់មុខពីអាជីពសិល្ប:ដូចជាការសម្តែងរឿងនិងចម្រៀងជាដើម។

លោក ម៉េង ប៊ុនឡូ បានបញ្ជាក់ថា គ្រាដែលលោកបាត់ខ្លួនមួយរយ:ពេលធំចាប់ពីអំឡុងឆ្នាំ២០០៦ ដោយសារមានជំងឺមួយដែលយើងនឹកស្មានមិនដល់ ហើយជំងឺនេះទៀតសោត គឺប៉ះពាល់សុខភាពមិនអាចថតសម្តែងបានតែម្តង។ លោក ម៉េង ប៊ុនឡូ បាននិយាយថា ជំងឺដែលកើតលើខ្លួនលោកគេហៅថាជំងឺ “លៀនឌីស” ដែលប៉ះពាល់សុខភាពតាំងពីថតរឿងបែបបុរាណហើយគេតម្រូវឱ្យលោកជិះសេះ…។

លោកថា កាលណោះ លោកជិះសេះពុំមែនសេះសម្រាប់ថតទេ គឺជាសេះអ្នកភូមិដែលបណ្តាលឱ្យលោកធ្លាក់ពីលើខ្នងសេះជាច្រើនដង រហូតធ្លាក់ចុងក្រោយធ្វើឱ្យទល់ផ្អកទើបវិវត្តន៍ទៅជាការចុកចាប់ផ្នែកចង្កេះខ្លាំងឡើងៗ និងធ្វើទុកស្ពឹកជើងមួយចំហៀងខ្លួន ទើបលោកសម្រេចទៅរកពេទ្យ។ ខណៈពេលនោះ ពេទ្យតម្រូវឱ្យវះកាត់ព្យាបាល បើមិនដូច្នេះទេប្រឈមមុខនឹងពិការតែម្តង។

លោកបន្ថែមថា ម្យ៉ាងទៀត អំឡុងពេលឈឺចុងចាប់ក្នុងសរសៃឆ្អឹងចង្កេះនោះដែរ លោកមិនត្រឹមតែទៅរកការម៉ាស្សាឬគ្រូចាប់សរសៃនោះទេគឺថែមទាំងលេបថ្នាំផ្សះច្រើនទៀតផង ប៉ុន្តែចុងក្រោយលោកក៏បានសម្រេចវះកាត់តាមការណែនាំនៅមន្ទីពេទ្យប្រទេសថៃ ដោយកាលនោះ ជាជម្រើសចុងក្រោយហើយស្មានតែគ្មានឱកាសដើរបានដូចពេលនេះឡើយ ព្រោះគ្រូពេទ្យថា ទោះបីវះកាត់អាចនឹងពិការតែបើមិនវះកាត់ក៏ពិការបាត់បង់ជីវិតទៀតផង។

គួររំលឹកថា លោក ម៉េង ប៉ុនឡូ គឺជាតារាសម្តែងជើងចាស់ដ៏ល្បីល្បាញមួយរូប ជិត ២ទស្សវត្សរ៍មុន ដោយលោកបានសម្ដែងនៅក្នុងខ្សែភាពយន្ដខ្មែរល្បីៗជាច្រើន ដូចជារឿង ចៅពស់កេងកង; រឿង មន្តមាយា និងមានរឿងភាគជាច្រើនទៀត។ អំឡុងពេលស្ងប់ស្ងាត់ពីអាជីពសម្តែង លោកធ្លាប់បានបង្ហាញខ្លួនម្ដងទៀតក្នុងការសម្ដែងភាពយន្តបទចម្រៀងនិយាយពីខ្សែរជីវិតសម្ដេចតេជោ ហ៊ុន សែន ពីអតីតកាល ដែលផលិតឡើងដោយសមាគមសិល្បករខ្មែរ ក្រោមការដឹកនាំរបស់លោក ហ្វៃ សំអាង ផងដែរ៕ អត្ថបទ៖ ចាន់រ៉ា

The post ម៉េង ប៊ុនឡូ អាក់ខានសម្តែងច្រើនឆ្នាំ ព្រោះជំងឺមួយស្ទើរបាត់បង់ជីវិត appeared first on Kampuchea Thmey Daily.

ចំពោះដំណឹងមរណ:ទុក្ខដ៏ក្រៀមក្រំនេះ ក៏បានធ្វើឲ្យអ្នកគាំទ្រនិងមិត្តភក្តិរួមអាជីពសិល្ប:សម្តែងការសោកស្តាយព្រមទាំងផ្ញើសារចូលរួមរំលែកទុក្ខជាមួយតារាចម្រៀងប្រុសលោក ម៉េង ប៊ុនឡូផងដែរ។ ជាក់ស្តែងនៅលើទំព័រហ្វេសប៊ុករបស់លោក ម៉េង ប៊ុនឡូ បានរៀបរាប់ថា «សូមអ្នកម្តាយជាទីស្រឡា ញ់របស់កូនទៅឱ្យបានស្ងប់សុខណាម៉ែជាតិក្រោយជួបគ្នាទៀតណាម៉ែ»។

ទោះបីជាយ៉ាងណា គេមិនទាន់ដឹងទេថាម្តាយជាទីស្រលាញ់របស់លោក ម៉េង ប៊ុនឡូ ទទួលមរណភាពដោយសារជំងឺអ្វីឡើយខណ:មានទស្សនិកជនមួយចំនួនក៏បានសួរនាំចង់ដឹងផងដែរ។ ក្នុងនោះគេសង្កេតឃើញមិត្តភក្តិរួមសិល្ប:មួយចំនួនបានផ្ញើសារចូលរួមរំលែកទុក្ខដ៏ក្រៀមក្រំនេះផងដែរ។

លោក ម៉េង ប៊ុនឡូ គឺជាអតីត​តារាចម្រៀងដ៏ល្បី​មួយរូបក្នុងផលិតកម្ម SSB។ តារាចម្រៀងដ៏ស្រស់សង្ហានេះ អាច​បកស្រាយ​បទចម្រៀងគ្រប់ចង្វាក់ មិនថាតែមនោសញ្ចេតនា ញាក់កន្ត្រាក់អារម្មណ៍ ឬ ប្រពៃណី ក៏មានបទចម្រៀងបែប R&B ផងដែរ៕

អត្ថបទ៖ ចាន់រ៉ា

The post អ្នកម្ដាយអតីត​​កំពូល​តារាចម្រៀងផលិតកម្ម SSB ទទួលមរណភាព appeared first on Kampuchea Thmey Daily.

ចំពោះដំណឹងមរណ:ទុក្ខដ៏ក្រៀមក្រំនេះ ក៏បានធ្វើឲ្យអ្នកគាំទ្រ និងមិត្តភក្តិរួមអាជីពសិល្ប:សម្តែងការសោកស្តាយព្រមទាំងផ្ញើសារចូលរួមរំលែកទុក្ខជាមួយតារាចម្រៀងប្រុសលោក ម៉េង ប៊ុនឡូ ផងដែរ។ ជាក់ស្តែងនៅលើទំព័រហ្វេសប៊ុករបស់លោក ម៉េង ប៊ុនឡូ បានរៀបរាប់ថា «សូមអ្នកម្តាយជាទីស្រឡាញ់របស់កូនទៅឱ្យបានស្ងប់សុខណាម៉ែ ជាតិក្រោយជួបគ្នាទៀតណាម៉ែ»។

ទោះបីជាយ៉ាងណាគេមិនទាន់ដឹងទេថា ម្តាយជាទីស្រលាញ់របស់លោក ម៉េង ប៊ុនឡូ ទទួលមរណភាពដោយសារជំងឺអ្វីឡើយ ខណ:មានទស្សនិកជនមួយចំនួនក៏បានសួរនាំចង់ដឹងផងដែរ។ ក្នុងនោះគេសង្កេតឃើញមិត្តភក្តិរួមសិល្ប:មួយចំនួនបានផ្ញើសារចូលរួមរំលែកទុក្ខដ៏ក្រៀមក្រំនេះផងដែរ៕

អត្ថបទ៖ ចាន់រ៉ា

The post តារាចម្រៀង ម៉េង ប៊ុនឡូ រន្ធត់ចិត្តខ្លាំង ខណ:អ្នកម្ដាយជាទីស្រលាញ់ទទួលមរណភាព appeared first on Kampuchea Thmey Daily.