ម្រេច Archives - Kampuchea Thmey Daily

កម្ពុជា រកចំណូលបានជាង ៩ លានដុល្លារ ពីការនាំចេញម្រេច នៅក្នុងរយៈពេល ៣ ខែ ឆ្នាំនេះ

deth leng — Tue, 28 Apr 2026 07:50:16 +0000

កម្ពុជារកប្រាក់ចំណូលបានជាង ៩ លានដុល្លារ ពីការនាំចេញម្រេចទៅកាន់ទីផ្សារអន្តរជាតិ នៅក្នុងរយៈពេល ៣ ខែ (មករា-មីនា) ២០២៦ កើនឡើង ៨៥,៧៨% ធៀបនឹងរយៈពេលដូចគ្នានៅឆ្នាំ ២០២៥។ នេះបើយោងតាមរបាយការណ៍របស់ក្រសួងពាណិជ្ជកម្ម។ ទីផ្សារម្រេចរបស់កម្ពុជា មានប្រទេសវៀតណាម អាល្លឺម៉ង់ បារាំងជាដើម។

ប្រធានផ្នែកទីផ្សារសហគមន៍កសិកម្មទំនើបម្រេចមេមត់ត្បូងឃ្មុំ កញ្ញា ពេជ្រ ចន្ទធឿន បានប្រាប់កម្ពុជាថ្មីថា បច្ចុប្បន្នតម្លៃម្រេចប្រហាក់ប្រហែលឆ្នាំមុន អាចលក់បានតម្លៃ ២៦០០០ រៀល ($6.50) ក្នុងមួយគីឡូ។

លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) មានប្រសាសន៍ថា តម្លៃម្រេចធម្មតានៅកម្ពុជាបានកើនដល់ចន្លោះពី ២៥០០០-២៦០០០ រៀល ក្នុងមួយគីឡូ ពោលគឺមានភាពល្អប្រសើរដោយសារមានការបញ្ជាទិញ ខណៈស្ដុកម្រេចនៅលើពិភពលោកប្រឈមនឹងការធ្លាក់ចុះ។

ក្នុងមួយឆ្នាំ កម្ពុជាប្រមូលផលម្រេចបានក្នុងរង្វង់ ១,៧ ម៉ឺនតោន ទៅ ២ ម៉ឺនតោនលើផ្ទៃដីជាង ៦ ពាន់ហិកតា ខណៈទីផ្សារម្រេចកម្ពុជាមានប្រទេសវៀតណាមប្រមាណ ៨០ ភាគរយ និងប្រទេសបន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុប។

យោងតាមក្រសួងពាណិជ្ជកម្ម នៅក្នុងឆ្នាំ ២០២៥ កម្ពុជារកចំណូលបានជាង ៣១ លានដុល្លារ ពីការនាំចេញម្រេច ធ្លាក់ចុះជិត ១២% ធៀបនឹងឆ្នាំ ២០២៤។

ម្រេចរបស់កម្ពុជា មានភាពល្បីល្បាញ ដោយសារការដាំដុះធម្មជាតិ និងដីមានជីជាតិ ម្រេចកម្ពុជា ៨១% ត្រូវបានដាំដុះក្នុងខេត្តចំនួន ៣ តាមបណ្ដោយព្រំដែនកម្ពុជា-វៀតណាម គឺខេត្តរតនគិរី ១៥% ខេត្តមណ្ឌលគិរី ២១% និងខេត្តត្បូងឃ្មុំ ៤៥%៕

អត្ថបទ៖ ឡេង ដេត

The post កម្ពុជា រកចំណូលបានជាង ៩ លានដុល្លារ ពីការនាំចេញម្រេច នៅក្នុងរយៈពេល ៣ ខែ ឆ្នាំនេះ appeared first on Kampuchea Thmey Daily.

ចំណូលនាំចេញម្រេចកម្ពុជា សម្រេចបានជិត ២ លានដុល្លារ នៅខែមករា

deth leng — Thu, 26 Feb 2026 04:01:00 +0000

យោងតាមក្រសួងពាណិជ្ជកម្ម កម្ពុជារកចំណូលបានជិត ២ លានដុល្លារ ពីការនាំចេញម្រេចទៅកាន់ទីផ្សារអន្តរជាតិ នៅក្នុងខែមករា ឆ្នាំ ២០២៦ កើនឡើង ០,០៦% ប្រៀបធៀបនឹងរយៈពេលដូចគ្នានៅឆ្នាំ ២០២៥។

កញ្ញា ពេជ្រ ចន្ទធឿន ប្រធានផ្នែកទីផ្សារសហគមន៍កសិកម្មទំនើបម្រេចមេមត់ត្បូងឃ្មុំ បានឱ្យដឹងនៅថ្ងៃព្រសហ្បតិ៍នេះថា បច្ចុប្បន្នតម្លៃម្រេចប្រហាក់ប្រហែលឆ្នាំមុន អាចលក់បានតម្លៃ ២៦ ០០០ រៀល ($6.50) ក្នុងមួយគីឡូក្រាម ខណៈសហគមន៍ មានសមត្ថភាពផលិតម្រេចបានជាង ៤០០ តោន នៅឆ្នាំ ២០២៦។

លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) មានប្រសាសន៍ថា តម្លៃម្រេចធម្មតានៅកម្ពុជាបានកើនដល់ចន្លោះពី ២៥០០០-២៦០០០ រៀល ក្នុងមួយគីឡូក្រាម ពោលគឺមានភាពល្អប្រសើរដោយសារមានការបញ្ជាទិញ ខណៈស្ដុកម្រេចនៅលើពិភពលោកប្រឈមនឹងការធ្លាក់ចុះ។

ម្រេចកម្ពុជា មានភាពល្បីល្បាញ ដោយសារការដាំដុះធម្មជាតិ និងដីមានជីជាតិ ម្រេចរបស់កម្ពុជា ៨១% ត្រូវបានដាំដុះក្នុងខេត្តចំនួន ៣ តាមបណ្ដោយព្រំដែនកម្ពុជា-វៀតណាម គឺខេត្តរតនគិរី ១៥% ខេត្តមណ្ឌលគិរី ២១% និងខេត្តត្បូងឃ្មុំ ៤៥%។

ការនាំចេញម្រេចកម្ពុជា ទៅកាន់ពិភពលោកបានកើនឡើង ៣៧,៤៧% CAGR (២០២០-២០២៤) ជាមួយនឹង RCA ៥,០៦% ក្នុងឆ្នាំ ២០២៤ ដែលបង្ហាញពីភាពខ្លាំងឧត្តមភាពប្រៀបធៀបសម្រាប់ការនាំចេញ៕

អត្ថបទ៖ ឡេង ដេត

The post ចំណូលនាំចេញម្រេចកម្ពុជា សម្រេចបានជិត ២ លានដុល្លារ នៅខែមករា appeared first on Kampuchea Thmey Daily.

កម្ពុជា រកចំណូលបាន ៣១ លានដុល្លារ ពីការនាំចេញម្រេច ធ្លាក់ចុះ ១២% ក្នុងឆ្នាំ ២០២៥

deth leng — Tue, 27 Jan 2026 07:34:00 +0000

កម្ពុជារកចំណូលបានជាង ៣១ លានដុល្លារ ពីការនាំចេញម្រេច នៅក្នុងឆ្នាំ ២០២៥ ធ្លាក់ចុះជិត ១២% ធៀបនឹងឆ្នាំ ២០២៤ ដែលមានទំហំទឹកប្រាក់ ដែលមានទំហំទឹកប្រាក់ជាង ៣៥ លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

លោក វឌ្ឍនា បុគ្គលិកចម្ការម្រេច La Plantion បានឱ្យដឹងថា ដោយសារតែផលប៉ះពាល់ពីអាកាសធាតុ មានការធ្លាក់ភ្លៀងច្រើននៅរដូវវស្សា ហើយភាពរាំងស្ងួត ការកែច្នៃក្នុងចម្ការរបស់លោកបានធ្លាក់ចុះពី ៧០ តោន មកនៅត្រឹម ២០ តោន ក្នុងឆ្នាំ ២០២៥។

លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) មានប្រសាសន៍ថា តម្លៃម្រេចធម្មតានៅកម្ពុជាបានកើនដល់ចន្លោះពី ២៥ ០០០-២៦ ៥០០ រៀល ក្នុងមួយគីឡូក្រាម ដែលមានភាពល្អប្រសើរជាងឆ្នាំមុនដោយ សារមានការបញ្ជាទិញ ខណៈស្ដុកម្រេចនៅលើពិភពលោកប្រឈមនឹងការធ្លាក់ចុះ។

ក្នុងមួយឆ្នាំ កម្ពុជាប្រមូលផលម្រេចបានក្នុងរង្វង់ ១,៧ ម៉ឺនតោន ទៅ ២ ម៉ឺនតោនលើផ្ទៃដីជាង ៦ ពាន់ហិកតា ខណៈទីផ្សារម្រេចកម្ពុជាត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេសបន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុប។

យោងតាមក្រសួងពាណិជ្ជកម្ម ម្រេចកម្ពុជា មានភាពល្បីល្បាញ ដោយសារការដាំដុះធម្មជាតិ និងដីមានជីជាតិ ម្រេចរបស់កម្ពុជា ៨១% ត្រូវបានដាំដុះក្នុងខេត្តចំនួន ៣ តាមបណ្ដោយព្រំដែនកម្ពុជា-វៀតណាម គឺខេត្តរតនគិរី ១៥% ខេត្តមណ្ឌលគិរី ២១% និងខេត្តត្បូងឃ្មុំ ៤៥%។

អត្ថបទ៖ ឡេង ដេត

The post កម្ពុជា រកចំណូលបាន ៣១ លានដុល្លារ ពីការនាំចេញម្រេច ធ្លាក់ចុះ ១២% ក្នុងឆ្នាំ ២០២៥ appeared first on Kampuchea Thmey Daily.

កម្ពុជានាំចេញម្រេចបានជិត ៣០ លានដុល្លារ ធ្លាក់ចុះ១១%

deth leng — Wed, 19 Nov 2025 07:28:24 +0000

កម្ពុជារកចំណូលបានជិត ៣០ លានដុល្លារ ពីការនាំចេញម្រេចនៅក្នុងរយៈពេល ១០ ខែ ឆ្នាំ ២០២៥ ធ្លាក់ចុះ ១១,៣៨ ភាគរយ ធៀបនឹងរយៈពេលដូចគ្នានៅឆ្នាំ ២០២៤ ដែលមានទំហំទឹកប្រាក់ប្រមាណជាង ៣៣ លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

បុគ្គលិកចម្ការម្រេច La Plantion លោក វឌ្ឍនា បានឱ្យដឹងថា ដោយសារតែផលប៉ះពាល់ពីអាកាសធាតុ មានការធ្លាក់ភ្លៀងច្រើននៅរដូវវស្សា ហើយភាពរាំងស្ងួត ការកែច្នៃម្រេចក្នុងចម្ការរបស់លោក បានធ្លាក់ចុះពី ៧០ តោន មកនៅត្រឹម ២០ តោន ក្នុងឆ្នាំ ២០២៥។

លោក ម៉ាក់ នី ប្រធានសមាគមសហព័ន្ធម្រេច និងគ្រឿងទេសកម្ពុជា (CPSF) បានឱ្យដឹងថា តម្លៃម្រេចធម្មតានៅកម្ពុជានៅតែមានភាពល្អប្រសើរដល់ចន្លោះពី ២៥០០០-២៦៥០០ រៀល ក្នុងមួយគីឡូក្រាម ដែលមានភាពល្អប្រសើរជាងឆ្នាំមុន ដោយសារមានការបញ្ជាទិញ ខណៈស្ដុកម្រេចនៅលើពិភពលោកប្រឈមនឹងការធ្លាក់ចុះ។

យោងតាមសមាគមសហព័ន្ធម្រេច នៅក្នុងឆ្នាំ ២០២៤ ផលិតកម្មម្រេចនៅកម្ពុជាសម្រេចបានប្រមាណ ៩ ពាន់តោន ធ្លាក់ចុះពី ៤០-៥០ ភាគរយ បើធៀបនឹងឆ្នាំ ២០២៣ ប៉ុន្តែតម្លៃម្រេចបានកើនឡើងទ្វេដងដែលមានតម្លៃ ២ ម៉ឺន ៤ ពាន់រៀលក្នុងមួយគីឡូក្រាម។

ក្នុងមួយឆ្នាំកម្ពុជាប្រមូលផលម្រេចបានក្នុងរង្វង់ ១,៧ ម៉ឺនតោន ទៅ ២ ម៉ឺនតោនលើផ្ទៃដីជាង ៦ ពាន់ហិកតា ខណៈទីផ្សារម្រេចកម្ពុជាត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេសបន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុប។

នៅឆ្នាំ ២០២៤ កម្ពុជារកចំណូលបានជាង ៣៤ លានដុល្លារ ពីការនាំចេញម្រេច កើនឡើងជិត ១៥០% បើធៀបនឹងឆ្នាំ ២០២៣៕

អត្ថបទ៖ ឡេង ដេត

The post កម្ពុជានាំចេញម្រេចបានជិត ៣០ លានដុល្លារ ធ្លាក់ចុះ១១% appeared first on Kampuchea Thmey Daily.

កម្ពុជារកចំណូលបានជាង $២៨ លាន ពីការនាំចេញម្រេច នៅរយៈពេល ៩ ខែ

deth leng — Fri, 24 Oct 2025 04:58:05 +0000

កម្ពុជារកចំណូលបានជាង ២៨ លានដុល្លារ ពីការនាំចេញម្រេច នៅក្នុងរយៈពេល ៩ ខែ (មករា-កញ្ញា) ឆ្នាំ ២០២៥ ធ្លាក់ចុះ ១១,៧៨ ភាគរយ ធៀបនឹងរយៈពេលដូចគ្នានៅឆ្នាំ ២០២៤ ដែលមានទំហំទឹកប្រាក់ប្រមាណ ៣១,៣៨ លានដុល្លារ។ នេះបើយោងតាមរបាយការណ៍របស់ក្រសួងពាណិជ្ជកម្ម។

លោក វឌ្ឍនា បុគ្គលិកចម្ការម្រេច La Plantion បានឱ្យដឹងថា ដោយសារតែផលប៉ះពាល់ពីអាកាសធាតុ មានការធ្លាក់ភ្លៀងច្រើននៅរដូវវស្សា ហើយភាពរាំងស្ងួត ការកែច្នៃក្នុងចម្ការរបស់លោក បានធ្លាក់ចុះពី ៧០ តោន មកនៅត្រឹម ២០ តោន ក្នុងឆ្នាំ ២០២៥។

ក្នុងមួយឆ្នាំកម្ពុជាប្រមូលផលម្រេចបានក្នុងរង្វង់ ១,៧ ម៉ឺនតោន ទៅ ២ ម៉ឺនតោនលើផ្ទៃដីជាង ៦ ពាន់ហិកតា ខណៈទីផ្សារម្រេចកម្ពុជាត្រូវបាននាំទៅកាន់ប្រទេសវៀតណាមប្រមាណ ៨០ ភាគរយ និងប្រទេសបន្ទាប់បន្សំដូចជា ចិន តៃវ៉ាន់ ថៃ ជប៉ុន កូរ៉េ និងសហគមនអឺរ៉ុប។

អត្ថបទ៖ ឡេង ដេត

The post កម្ពុជារកចំណូលបានជាង $២៨ លាន ពីការនាំចេញម្រេច នៅរយៈពេល ៩ ខែ appeared first on Kampuchea Thmey Daily.

រដ្ឋមន្ត្រីឧស្សាហកម្ម លើកទឹកចិត្តភាគីពាក់ព័ន្ធបន្តអភិវឌ្ឍស្តង់ដារស្វាយចន្ទី-ម្រេចបន្ថែមទៀត ឱ្យស្របតាមតម្រូវការទីផ្សារជាតិ និងអន្តរជាតិ

Din Thary — Fri, 24 Oct 2025 02:56:49 +0000

លោក ហែម វណ្ណឌី រដ្ឋមន្ត្រីក្រសួងឧស្សាហកម្ម លើកទឹកចិត្តឱ្យភាគីពាក់ព័ន្ធ បន្តចូលរួមសហការ ដើម្បីអភិវឌ្ឍស្តង់ដារស្វាយចន្ទី និងម្រេចបន្ថែមទៀត ដើម្បីឱ្យស្របតាមតម្រូវការទីផ្សារជាតិ និងអន្តរជាតិ ដើម្បីជំរុញអនុវិស័យមួយនេះឱ្យកាន់តែមានឧត្តមភាពប្រកួតប្រជែងខ្ពស់។

ក្នុងវេទិកាពាណិជ្ជកម្មស្វាយចន្ទី និងម្រេចកម្ពុជា លើកទីមួយ ត្រូវបានរៀបចំឡើងនៅថ្ងៃទី២៣-២៤ ខែតុលា ឆ្នាំ២០២៥ ក្រោមមូលបទ៖ ”ការបើកច្រកទីផ្សារទៅកាន់សហភាពអឺរ៉ុប” លោករដ្ឋមន្ត្រី ហែម វណ្ណឌី បានមានប្រសាសន៍ថា កម្ពុជាមានស្តង់ដារជាតិសម្រាប់ផលិតផលគ្រាប់ស្វាយចន្ទីចំនួន ១ ស្តង់ដារ និងផលិតផលម្រេចចំនួន ៤ ស្តង់ដារ ហើយកំពុងកែសម្រួលស្តង់ដារគ្រាប់ស្វាយចន្ទីឱ្យសមស្របទៅតាមស្ថានភាពបច្ចុប្បន្ន។ ជាក់ស្តែង នាពេលថ្មីៗនេះ កម្លាំងផលិត និងកែច្នៃក្នុងស្រុកកំពុងទទួលបាននូវការគាំទ្រយ៉ាងក្លៀវក្លា និងកំពុងមានសន្ទុះ និងចលនការគួរជាទីមោទនៈ។

លោករដ្ឋមន្ត្រី បានសង្កត់ធ្ងន់ថា ក្រសួងលើកទឹកចិត្តឱ្យភាគីពាក់ព័ន្ធ បន្តចូលរួមសហការ ដើម្បីអភិវឌ្ឍស្តង់ដារស្វាយចន្ទី និងម្រេចបន្ថែមទៀត ឱ្យស្របតាមតម្រូវការទីផ្សារជាតិ និងអន្តរជាតិ ព្រមទាំងបន្តវិនិយោគលើហេដ្ឋារចនាសម្ព័ន្ធ ជាពិសេសលើការដឹកជញ្ជូន កន្លែងស្តុកទុក និងរោងចក្រកែច្នៃ ដើម្បីបង្កើនតម្លៃបន្ថែមនៃផលិតផលស្វាយចន្ទី និងម្រេចសម្រាប់ទីផ្សារថ្មីៗ។

ទន្ទឹមនេះ លោក Igor Driesmans ឯកអគ្គរដ្ឋទូតសហភាពអឺរ៉ុបប្រចាំនៅកម្ពុជា បានកោតសរសើរចំពោះគុណភាពគ្រាប់ស្វាយចន្ទី និងម្រេចកម្ពុជា ថាមានសក្តានុពលប្រែក្លាយពីដំណាំប្រពៃណី ទៅជាផលិតផលសក្តានុពលសម្រាប់ការនាំចេញដ៏សំខាន់។

លោកឯកអគ្គរដ្ឋទូត បានលើកឡើងថា «សហភាពអឺរ៉ុបកំពុងសហការជាមួយកម្ពុជា ដើម្បីគាំទ្រកសិករ និងសហគ្រាសធុនតូចមធ្យម ក្នុងការនាំចេញផលិតផលរបស់ពួគគេទៅកាន់ទីផ្សារអន្តរជាតិ ពិសសទីផ្សារអឺរ៉ុប។

ដោយឡែកអាល្លឺម៉ង់ក៏ជាដៃគូដ៏សំខាន់មួយ ក្នុងការបើកឱកាសថ្មីៗសម្រាប់ឧស្សាហកម្មស្វាយចន្ទី និងម្រេចរបស់កម្ពុជា។

លោក Stefan Messerer ឯកអគ្គរដ្ឋទូតអាល្លឺម៉ង់ប្រចាំកម្ពុជា បានលើកឡើងថា ក្នុងនាមជាប្រទេសដែលមានសេដ្ឋកិច្ចធំជាងគេក្នុងសហភាពអឺរ៉ុប អាល្លឺម៉ង់មានតម្រូវការផលិតផលដែលមានគុណភាពខ្ពស់ និងមានប្រភពច្បាស់លាស់។

កម្លាំងទិញរបស់អ្នកប្រើប្រាស់នៅអាល្លឺម៉ង់ផ្តល់ឱកាសយ៉ាងធំសម្រាប់ការនាំចេញពីកម្ពុជា។ មិនតែប៉ុណ្ណោះ អាឡឺម៉ង ក៏មានបទពិសោធន៍ និងបច្ចេកវិទ្យាទំនើបផ្នែកផលិតកម្ម និងប្រព័ន្ធវិញ្ញាបនបត្រកម្ម ដែលនឹងជួយលើកកម្ពស់ផលិតផលកម្ពុជា ឱ្យឆាប់ឈានដល់ស្តង់ដារអន្តរជាតិ៕

The post រដ្ឋមន្ត្រីឧស្សាហកម្ម លើកទឹកចិត្តភាគីពាក់ព័ន្ធបន្តអភិវឌ្ឍស្តង់ដារស្វាយចន្ទី-ម្រេចបន្ថែមទៀត ឱ្យស្របតាមតម្រូវការទីផ្សារជាតិ និងអន្តរជាតិ appeared first on Kampuchea Thmey Daily.

កម្ពុជា ប្តេជ្ញាបន្តលើកកម្ពស់ភាពប្រកួតប្រជែងជាសាកលលើការផលិតស្វាយចន្ទី និងម្រេច

Din Thary — Fri, 24 Oct 2025 02:34:20 +0000

រាជរដ្ឋាភិបាលកម្ពុជា បន្តប្តេជ្ញាលើកកម្ពស់ភាពប្រកួតប្រជែងជាសាកលនៃវិស័យយុទ្ធសាស្ត្រលើផលិតផលស្វាយចន្ធី និងម្រេចដែលមានគុណភាពខ្ពស់ សំដៅសម្រេចបាននូវមហិច្ឆតាពង្រឹងឋានៈរបស់ខ្លួនឱ្យក្លាយជាប្រទេសដែលផលិត និងនាំចេញឈានមុខគេ។

នេះបើតាមការគូសបញ្ជាក់ពីលោកស្រី ចម និម្មល រដ្ឋមន្ត្រីក្រសួងពាណិជ្ជកម្ម ក្នុងវេទិកាពាណិជ្ជកម្មស្វាយចន្ទី និងម្រេចកម្ពុជា លើកទីមួយ ត្រូវបានរៀបចំឡើងនៅថ្ងៃទី២៣-២៤ ខែតុលា ឆ្នាំ២០២៥ ក្រោមមូលបទ៖ ”ការបើកច្រកទីផ្សារទៅកាន់សហភាពអឺរ៉ុប” ។

ក្នុងឱកាសនោះ លោកស្រី ចម និម្មល បានលើកឡើងថា កម្ពុជាកំពុងពង្រីកលទ្ធភាពទទួលបានទីផ្សារថ្មីៗ និងពង្រឹងកេរ្តិ៍ឈ្មោះក្នុងនាមជាដៃគូពាណិជ្ជកម្មប្រកបដោយទំនុកចិត្ត តាមរយៈការទាញយកប្រយោជន៍ពីកិច្ចសម្រួលពាណិជ្ជកម្ម និងអនុគ្រោះផ្សេងៗ កិច្ចព្រមព្រៀងពាណិជ្ជកម្មសេរី និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP)។

លោកស្រីរដ្ឋមន្ត្រី បានសង្កត់ធ្ងន់ថា « រាជរដ្ឋាភិបាលបន្តប្តេជ្ញាលើកកម្ពស់ភាពប្រកួតប្រជែងជាសាកលនៃវិស័យយុទ្ធសាស្ត្រលើផលិតផលស្វាយចន្ធី និងម្រេចដែលមានគុណភាពខ្ពស់ សំដៅសម្រេចបាននូវមហិច្ឆតាពង្រឹងឋានៈរបស់ខ្លួនឱ្យក្លាយជាប្រទេសដែលផលិត និងនាំចេញឈានមុខគេ»។

ទន្ទឹមនេះ កម្ពុជាក៏កំពុងសហការជាមួយដៃគូនានា រួមទាំងសហភាពអឺរ៉ុប ដើម្បីពង្រឹងការត្រៀមលក្ខណៈសម្រាប់ការនាំចេញ និងធានាអនុលោមតាមស្តង់ដាររបស់ទីផ្សារ ដោយផ្តោតលើការអភិវឌ្ឍហេដ្ឋារចនាសម្ព័ន្ធគុណភាព ប្រព័ន្ធវិញ្ញាបនបត្រកម្ម និងប្រព័ន្ធតាមដានប្រភពដើមទំនិញ។

វេទិកាពាណិជ្ជកម្មស្វាយចន្ទី និងម្រេចកម្ពុជា លើកទី១ ត្រូវបានសហការរៀបចំឡើង មានគោលបំណងពង្រឹងវិស័យស្វាយចន្ទី និងម្រេចរបស់កម្ពុជា តាមរយៈការលើកកម្ពស់ការផលិត ការកែច្នៃ និងការឈានចូលទីផ្សារថ្មីៗ ដែលរួមចំណែកដល់គោលដៅជំរុញទំនើបកម្មឧស្សាហកម្ម និងការកែច្នៃផលិតផលដែលមានតម្លៃបន្ថែមខ្ពស់៕

The post កម្ពុជា ប្តេជ្ញាបន្តលើកកម្ពស់ភាពប្រកួតប្រជែងជាសាកលលើការផលិតស្វាយចន្ទី និងម្រេច appeared first on Kampuchea Thmey Daily.

កម្ពុជារៀបចំវេទិកាស្វាយន្ទី និងម្រេច ឆ្នាំ ២០២៥ ដើម្បីបើកច្រកទីផ្សារនាំចេញទៅសហភាពអឺរ៉ុប

deth leng — Thu, 23 Oct 2025 02:26:21 +0000

ក្រសួងពាណិជ្ជកម្ម សហការជាមួយសហភាពអឺរ៉ុប រៀបចំវេទិកាពាណិជ្ជកម្មស្វាយចន្ទី និងម្រេចកម្ពុជា ក្រោមមូលបទ «ការបើកច្រកទីផ្សារទៅកាន់សហភាពអឺរ៉ុប» រយៈពេល ២ ថ្ងៃ ចាប់ពីថ្ងៃទី ២៣-២៤ ខែតុលា ឆ្នាំ ២០២៥ នៅសណ្ឋាគារ ហៃយ៉ាត់ រីជិនស៊ី ភ្នំពេញ។

វេទិកានេះត្រូវបានរៀបចំឡើងក្នុងគោលបំណងលើកកម្ពស់ឧស្សាហកម្មស្វាយចន្ទី និងម្រេច ដែលជាវិស័យសក្តានុពលរបស់កម្ពុជា និងជំរុញការនាំចេញទៅកាន់ទីផ្សារអន្តរជាតិជាពិសេសសហភាពអឺរ៉ុប។

កម្ពុជាមានមោទនភាពដែលបានក្លាយជាអ្នករួមចំណែកដ៏សំខាន់មួយនៅក្នុងទីផ្សារគ្រាប់ស្វាយចន្ទី និងម្រេចពិភពលោក សម្បូរដោយដីមានជីជាតិ និងអាកាសធាតុអំណោយផលល្អ ប្រទេសយើងផលិតគ្រាប់ស្វាយចន្ទីដ៏មានឱជារស និងមានសារធាតុចិញ្ចឹមខ្ពស់។

ចំណែកឯម្រេចវិញ ជាពិសេសម្រេចកំពត ដែលជាផលិតផលសម្គាល់ភូមិសាស្ត្រ (GI) មានភាពល្បីល្បាញទូទាំងពិភពលោកចំពោះក្លិនឈ្ងុញ និងគុណភាពកម្រិតខ្ពស់។

លោកស្រី ចម និម្មល រដ្ឋមន្រ្តីក្រសួងពាណិជ្ជកម្ម មានប្រសាសន៍ថា ផលិតផលទាំងពីរនេះ មិនត្រឹមតែជាប្រភពចិញ្ចឹមជីវិត របស់ប្រជាពលរដ្ឋរាប់ពាន់គ្រួសារប៉ុណ្ណោះទេ ប៉ុន្តែក៏ជាចលករយ៉ាងសំខាន់នៅក្នុងកំណើនសេដ្ឋកិច្ចបរិយាប័ន្ន និងការពង្រីកសក្ដានុពលនាំចេញរបស់ប្រទេសយើងផងដែរ។

ស្របតាមការប្ដេជ្ញាចិត្តរបស់រាជរដ្ឋាភិបាលកម្ពុជាក្នុងការពង្រឹងការប្រកួតប្រជែងក្នុងវិស័យកសិកម្ម និងពិពិធកម្មទីផ្សារ ក្រសួងពាណិជ្ជកម្ម ដោយសហការយ៉ាងជិតស្និទ្ធជាមួយស្ថានទូតអាល្លឺម៉ង់

ប្រតិភូសហភាពអឺរ៉ុបប្រចាំកម្ពុជា និងដៃគូសហការជាច្រើនទៀតបានរៀបចំវេទិកានេះឡើង ក្រោមមូលបទ«ការបើកច្រកទីផ្សារទៅកាន់សហភាពអឺរ៉ុប»។

វេទិកានេះ ជាស្ពានផ្សារភ្ជាប់វិស័យកសិកម្មរបស់កម្ពុជា ទៅកាន់ទីផ្សារអឺរ៉ុប និងគាំទ្រ ដល់ចក្ខុវិស័យរួមគ្នានៃទំនាក់ទំនងពាណិជ្ជកម្មប្រកបដោយចីរភាព និងផ្ដល់ផលប្រយោជន៍ឱ្យគ្នាទៅវិញទៅមក។

យោងតាមក្រសួងពាណិជ្ជកម្ម នៅក្នុងរយៈពេល ៩ ខែ (មករា-កញ្ញា) ឆ្នាំ ២០២៥ កម្ពុជារកចំណូលបាន ៨០១ លានដុល្លារ ពីការនាំចេញគ្រាប់ស្វាយចន្ទី កើនឡើង ៦០,៥៤% ធៀបនឹងរយៈពេលដូចគ្នា កាលពីឆ្នាំមុន។ ចំណែកចំណូលពីការដាំម្រេចចំនួន ២៨ លានដុល្លារ ធ្លាក់ចុះជាង ១១% នៅរយៈពេល ៩ ខែ៕

អត្ថបទ៖ ឡេង ដេត

The post កម្ពុជារៀបចំវេទិកាស្វាយន្ទី និងម្រេច ឆ្នាំ ២០២៥ ដើម្បីបើកច្រកទីផ្សារនាំចេញទៅសហភាពអឺរ៉ុប appeared first on Kampuchea Thmey Daily.

ម្រេច Archives - Kampuchea Thmey Daily

​កម្ពុជា​ រកចំណូល​បានជាង ​៩ ​លានដុល្លារ ​ពីការនាំចេញ​ម្រេច​ នៅ​ក្នុងរយៈពេល ​៣ ខែ ​ឆ្នាំនេះ​

​ចំណូល​នាំចេញ​ម្រេច​កម្ពុជា សម្រេច​បានជិត ​២ លានដុល្លារ នៅខែមករា

​កម្ពុជា​ រកចំណូល​បាន ​៣១ លានដុល្លារ ​ពីការ​នាំចេញ​ម្រេច​ ធ្លាក់ចុះ ១២% ក្នុងឆ្នាំ ២០២៥

​កម្ពុជា​នាំ​ចេញ​ម្រេច​បាន​ជិត ៣០ លានដុល្លារ ធ្លាក់​ចុះ​១១%

​កម្ពុជា​រកចំណូល​បាន​ជាង ​$២៨ លាន ​ពីការ​នាំចេញ​ម្រេច ​នៅ​រយៈ​ពេល ៩ ខែ

កម្ពុជា ប្តេជ្ញាបន្តលើកកម្ពស់ភាពប្រកួតប្រជែងជាសាកលលើការផលិតស្វាយចន្ទី និងម្រេច ​

កម្ពុជា រកចំណូលបានជាង ៩ លានដុល្លារ ពីការនាំចេញម្រេច នៅក្នុងរយៈពេល ៣ ខែ ឆ្នាំនេះ

ចំណូលនាំចេញម្រេចកម្ពុជា សម្រេចបានជិត ២ លានដុល្លារ នៅខែមករា

កម្ពុជា រកចំណូលបាន ៣១ លានដុល្លារ ពីការនាំចេញម្រេច ធ្លាក់ចុះ ១២% ក្នុងឆ្នាំ ២០២៥

កម្ពុជានាំចេញម្រេចបានជិត ៣០ លានដុល្លារ ធ្លាក់ចុះ១១%

កម្ពុជារកចំណូលបានជាង $២៨ លាន ពីការនាំចេញម្រេច នៅរយៈពេល ៩ ខែ

កម្ពុជា ប្តេជ្ញាបន្តលើកកម្ពស់ភាពប្រកួតប្រជែងជាសាកលលើការផលិតស្វាយចន្ទី និងម្រេច