លោក ពូទីន ហាក់បង្ហាញអារម្មណ៍ភ្ញាក់ផ្អើល ពេលឃើញកងយន្តហោះ ហោះឆ្លងកាត់ពីខាងលើគាត់នៅឯមូលដ្ឋាន Elmendorf-Richardson។

មានសំណួរថាតើ ហេតុអ្វីបានជាសហរដ្ឋអាមេរិក ប្រើកងយន្តហោះទាំងនេះស្វាគមន៍លោក ពូទីន?

បើយោងតាមការចេញផ្សាយរបស់ The Sun, មានហេតុផល៣យ៉ាង ដែលលោកត្រាំ សម្រេចចិត្តជ្រើសរើសយកវិធីនេះ ដើម្បីស្វាគមន៍មេដឹកនាំរុស្ស៊ី។

១. ជាការបង្ហាញកម្លាំងយោធា៖ B-2 ត្រូវគេស្គាល់ថាជាយន្តហោះទម្លាក់គ្រាប់បែកបំបាំងកាយ ទំនើបបំផុតរបស់អាមេរិក។ ការហោះហើររបស់វាគឺដើម្បីរំឭកដល់លោក ពូទីន ថា សហរដ្ឋអាមេរិកមានកម្លាំងយោធាដ៏ខ្លាំងក្លា និងមានវត្តមាននៅក្នុងតំបន់ជិតព្រំដែនរុស្ស៊ី។

២. សារនយោបាយ៖ ជំនួបនេះកើតឡើងចំពេលដែលភាពតានតឹងរវាងអាមេរិកនិងរុស្ស៊ីនៅតែមានកម្រិតខ្ពស់។ ការហោះហើររបស់ B-2 បានបញ្ជូនសារយ៉ាងច្បាស់ថា ដ្បិតមានកិច្ចចរចាការទូតក៏ដោយ ក៏អាមេរិកនៅតែរក្សាភាពត្រៀមខ្លួនខាងយោធាដដែល។

៣. និមិត្តសញ្ញា៖ សម្រាប់លោក ត្រាំ ក្បាច់នេះគឺជានិមិត្តរូបនៃការដឹកនាំដ៏ខ្លាំងក្លា និងជាមធ្យោបាយមួយដើម្បីបង្ហាញដល់ប្រជាជនអាមេរិកថា លោកកំពុងដោះស្រាយជាមួយគូប្រជែងដោយភាពម៉ឺងម៉ាត់បំផុត៕

អត្ថបទ៖ សុខ សុវណ្ណ

ចុចអាន៖ B-2៖ យន្តហោះទម្លាក់គ្រាប់បែកបំបាំងកាយដ៏អស្ចារ្យរបស់អាមេរិក តម្លៃជាង ២ពាន់លានដុល្លារ 

The post ហេតុអ្វី ត្រាំ យក B-2 ស្វាគមន៍ ពូទីន? appeared first on Kampuchea Thmey Daily.

មានការចាប់អារម្មណ៍ខ្លាំងលើយន្តហោះនេះ ដូច្នេះយើងមកដឹងអំពីលក្ខណៈពិសេសរបស់វាទាំងអស់គ្នា៖

B-2 Spirit គឺជាយន្តហោះទម្លាក់គ្រាប់បែកលំដាប់កំពូលរបស់កងទ័ពអាកាសអាមេរិក។ ជាមួយនឹងការរចនាស្លាបហោះ សមាសធាតុផ្សំនៃសម្ភារៈនិងថ្នាំកូតពិសេស, យន្តហោះម៉ាស៊ីន៤ប្រភេទនេះ នាំមកនូវកម្លាំងភ្លើងដ៏អស្ចារ្យ ហោះទៅដល់គ្រប់ទីកន្លែងលើពិភពលោក បុកទម្លុះខែលការពារបានគ្រប់ប្រភេទ។

B-2 អាចបំពាក់ដោយទាំងអាវុធនុយក្លេអ៊ែរឬអាវុធធម្មតា និងអាចផ្ទុកគ្រាប់បានទម្ងន់ ហោះហើរដោយអាកាសយានិកពីរនាក់ មានទម្ងន់១៨ ១៤៣គីឡូក្រាម ហើយដោយគ្មានដែនកំណត់ តាមរយៈការចាក់ប្រេងនៅលើអាកាស។

យន្តហោះទម្លាក់គ្រាប់បែកនេះហោះហើរជាលើកដំបូងក្នុងឆ្នាំ១៩៨៩ ហើយចូលឆាកប្រយុទ្ធជាលើកដំបូងនៅ១០ឆ្នាំក្រោយ ក្នុងប្រតិបត្តិការ Operation Allied Force ដែលជាអន្តរាគមន៍ដឹកនាំដោយអង្គការណាតូ ក្នុងវិបត្តិមនុស្សធម៌នៅកូសូវ៉ូ។ កាលនោះ B-2 ហោះហើរមិនឈប់ឡើយចេញពីមូលដ្ឋានរដ្ឋ Missouri ដើម្បីទៅវាយប្រហារគោលដៅនៅក្នុងប្រទេសស៊ែប៊ី។

ក្រោយមក B-2 ហោះទៅឆ្ងាយជាងនេះទៀត ដើម្បីវាយប្រហារគោលដៅនានាក្នុងប្រទេសអាហ្វហ្គានីស្ថាននៅខែតុលាឆ្នាំ២០២១ នៅដើមប្រតិបត្តិការ Operation Enduring Freedom។

ថ្មីៗ​នេះ យន្តហោះ B-2 បាន​ហោះ​ចេញ​ពី​មូលដ្ឋាន​រួម​អាមេរិក-អង់គ្លេស​នៅ​ទីក្រុង Diego Garcia ក្នុង​មហាសមុទ្រ​ឥណ្ឌា ដើម្បី​វាយប្រហារ​គោលដៅ​ក្រុម ហ៊ូធី នៃ​ប្រទេស​យេម៉ែន។

សូមជម្រាបថា មានតែ B-2 ត្រឹមតែ២០គ្រឿងប៉ុណ្ណោះនៅក្នុងបញ្ជីសារពើភ័ណ្ឌរបស់កងទ័ពអាកាសអាមេរិក ដោយទាំងអស់សុទ្ធតែមានមូលដ្ឋាននៅមូលដ្ឋានទ័ពអាកាស Whiteman ក្នុងរដ្ឋ Missouri។

សម្រាប់តម្លៃ B-2 មួយគ្រឿង មានតម្លៃជាង២ពាន់លានដុល្លារអាមេរិក៕

អត្ថបទ៖ សុខ សុវណ្ណ

ចុចអាន៖ អាមេរិក ព្រមានឲ្យកងទ័ពត្រៀមទទួលការសងសឹករបស់អ៊ីរ៉ង់ ខណៈអ៊ីស្រាអែល កំពុងប្រុងជើងការខ្ពស់

The post B-2៖ យន្តហោះទម្លាក់គ្រាប់បែកបំបាំងកាយដ៏អស្ចារ្យរបស់អាមេរិក តម្លៃជាង ២ពាន់លានដុល្លារ  appeared first on Kampuchea Thmey Daily.

លោកអះអាងបែបនេះនៅក្នុងបទសម្ភាសជាមួយកាសែតក្នុងស្រុកកាលពីថ្ងៃពុធទី៩ខែមេសាឆ្នាំ២០២៥ ប៉ុន្តែលោកមិនផ្តល់ព័ត៌មានលម្អិតឡើយ គ្រាន់តែថា យន្តហោះរុស្ស៊ី Tu-22M3 ត្រូវខ្ទេច ដោយសារតែយន្តហោះគ្មានមនុស្សបើកអ៊ុយក្រែន វាយប្រហារពេលវាចតនៅព្រលានក្នុងទឹកដីសត្រូវកាលពីប៉ុន្មានថ្ងៃមុន។

ទោះបីជាយ៉ាងណាក៏ដោយ ពាក់ព័ន្ធរឿងនេះ ភាគីរុស្ស៊ី ​មិនទាន់និយាយអ្វីឡើយ ប៉ុន្តែកាលពីដើមខែនេះ មន្ត្រីនៅទីក្រុងមូស្គី រាយការណ៍ថា យន្តហោះ Tu-22M3 បានធ្លាក់ដោយសារបញ្ហាបច្ចេកទេសក្នុងខេត្ត Irkutsk នៃតំបន់ស៊ីប៊េរី បណ្តាលឲ្យស្លាប់អាកាសយានិកម្នាក់។

សូមជម្រាបថា សហភាពសូវៀត បានបង្កើតកងយន្តហោះទម្លាក់គ្រាប់បែកយុទ្ធសាស្ត្រ Tu-22M នៅចុងទសវត្សរ៍ឆ្នាំ១៩៦០ ខណៈស៊េរី Tu-22M3 បានហោះហើរជាលើកដំបូងនៅឆ្នាំ១៩៧៧ ហើយក៏ដាក់ឲ្យធ្វើប្រតិបត្តិការនៅ៦ឆ្នាំក្រោយមក ដោយផ្តោតជាចម្បងលើបេសកកម្មល្បាត និងត្រៀមខ្លួនដើម្បីវាយប្រហារលើនាវាផ្ទុកយន្តហោះអាមេរិក។

Tu-22M3 អាចដាក់អាកាសយានិកបាន៤នាក់ ជាមួយល្បឿនអតិបរមាជិត ២ ០០០គីឡូម៉ែត្រក្នុងមួយម៉ោង និងរង្វង់ប្រយុទ្ធ ២ ៥០០គីឡូម៉ែត្រ។

យន្តហោះនេះអាចបំពាក់ជាមួយមីស៊ីលប្រឆាំងនាវាទំនើប Kh-22/Kh-32 ចំនួន៦គ្រាប់ដែលមានរយៈចម្ងាយ៦០០គីឡូម៉ែត្រ និងមីស៊ីលផ្លោង Kh-15 ពី៦ទៅ១០គ្រាប់ឬ មីស៊ីលល្បឿនលឿនជាងសំឡេង Kinzhal ៤គ្រាប់។

ក្រៅពីមីស៊ីល, យន្តហោះ Tu-22M3 ក៏អាចផ្ទុកផងដែរនូវគ្រាប់បែក FAB-250 ចំនួន៦៩គ្រាប់, គ្រាប់បែក FAB-500 ចំនួន១៨គ្រាប់, គ្រាប់បែក FAB-1500 ចំនួន៨គ្រាប់ឬគ្រាប់មីនប្រភេទផ្សេងៗ អាស្រ័យលើបេសកកម្ម៕

អត្ថបទ៖ សុខ សុវណ្ណ

ចុចអាន៖ យន្តហោះទម្លាក់គ្រាប់បែកល្បឿនលឿនជាងសំឡេង តម្លៃ៤០លានដុល្លាររបស់រុស្ស៊ី ធ្លាក់នៅ ស៊ីបេរី

The post មេទ័ពអ៊ុយក្រែន អះអាង បាញ់កម្ទេចយន្តហោះទម្លាក់គ្រាប់បែករុស្ស៊ី តម្លៃ ១០០លានដុល្លារ  appeared first on Kampuchea Thmey Daily.

តាមសេចក្តីប្រកាសរបស់ក្រសួងនិងត្រូវបានចុះផ្សាយដោយសារព័ត៌មាន RT, «យន្តហោះទម្លាក់គ្រាប់បែក Tu-22M3 បានធ្លាក់នៅកន្លែងគ្មានមនុស្សរស់នៅ នៃតំបន់ Irkutsk វេលាម៉ោង១០យប់ អំឡុងពេលហោះហើរជាប្រចាំ កាលពីថ្ងៃព្រហស្បតិ៍ទី១៥ខែសីហា ប៉ុន្តែពីឡុតមិនគ្រោះថ្នាក់ដល់អាយុជីវិតឡើយ»។

តំបន់ Irkutsk មានទីតាំងនៅស៊ីបេរី ភាគខាងកើតប្រទេសរុស្ស៊ី ពោលគឺឆ្ងាយពីតំបន់ភាគខាងលិច ដែលកងទ័ពរបស់លោក ពូទីននិងហ្សេលេនស្គី កំពុងប្រយុទ្ធគ្នាយ៉ាងខ្លាំងក្លា។

Tu-22M3 ត្រូវបានសហភាពសូវៀត ផលិតឡើងនៅចុងទសវត្សរ៍ឆ្នាំ១៩៦០។ យន្តហោះនេះ ​ហោះហើរសាកល្បងជាលើកដំបូងក្នុងឆ្នាំ១៩៧៧ ហើយដាក់ឲ្យធ្វើប្រតិបត្តិការនៅ៦ឆ្នាំក្រោយ រួចក៏បំពេញបេសកកម្មល្បាតនិងត្រៀមខ្លួនវាយប្រហារនាវាផ្ទុកយន្តហោះរបស់សត្រូវ។

Tu-22M3 អាចផ្ទុកអាកាសយានិកបាន៤នាក់ ជាមួយល្បឿនកំពូល ១ ៥១០គីឡូម៉ែត្រក្នុងមួយម៉ោង ហើយអាចវាយប្រហារក្នុងរង្វង់ ២ ៥០០ គីឡូម៉ែត្រ។

យន្តហោះនេះអាចផ្ទុកមីស៊ីលប្រឆាំងនាវា Kh-22/Kh-32 ចំនួន៣គ្រាប់ ដែលបាញ់បានចម្ងាយ ៦០០ គីឡូម៉ែត្រនិងក្បាលគ្រាប់ទម្ងន់១តោន។ មិនត្រឹមប៉ុណ្ណឹង វាក៏អាចផ្ទុកមីស៊ីល Kh-15 ពី៦ទៅ១០គ្រាប់ និងមីស៊ីលល្បឿនលឿនជាងសំឡេង Kh-47M2 Kinzhal ចំនួន៤គ្រាប់ផងដែរ។

ក្រៅពីមីស៊ីល, យន្តហោះ Tu-22M3 ថែមទាំងអាចផ្ទុកគ្រាប់បែក FAB-250 ចំនួន៦៩គ្រាប់, គ្រាប់បែក FAB-500 ចំនួន១៨គ្រាប់ និងគ្រាប់បែក FAB-1500 ចំនួន៨គ្រាប់ទៀតផង៕

អត្ថបទ៖ សុខ សុវណ្ណ

ចុចអាន៖ យន្តហោះទម្លាក់គ្រាប់បែកអាមេរិក បង្អួតភាពខ្លាំង ហោះជាង ២ម៉ឺនគីឡូម៉ែត្រ ឥតឈប់

The post យន្តហោះទម្លាក់គ្រាប់បែកល្បឿនលឿនជាងសំឡេង តម្លៃ៤០លានដុល្លាររបស់រុស្ស៊ី ធ្លាក់នៅ ស៊ីបេរី appeared first on Kampuchea Thmey Daily.

តាមការចុះផ្សាយរបស់ VN Express នៅថ្ងៃពុធ៧ខែសីហាឆ្នាំ២០២៤ យន្តហោះទម្លាក់គ្រាប់បែកដែលចាត់ឲ្យទៅបំពេញភារកិច្ចជាមួយអង្គភាពទម្លាក់គ្រាប់បែកលេខ៣៤ បានបំពេញបេសកកម្ម «CONUS to CONUS» ពីមូលដ្ឋានទ័ពអាកាស Ellsworth ទៅកាន់តំបន់ឥណ្ឌូប៉ាស៊ីហ្វិក កាលពីថ្ងៃទី១-២ខែសីហា ប្រកបដោយជោគជ័យ ពោលគឺធ្វើដំណើរចម្ងាយជាង ២០ ០០០គីឡូម៉ែត្រ។

អង្គភាពនេះនិយាយថា ក្នុងអំឡុងបេសកកម្មរយៈពេល៣១ម៉ោង យន្តហោះទាំងពីរ បានសហការជាមួយសម្ព័ន្ធមិត្តនិងដៃគូរបស់សហរដ្ឋអាមេរិកនៅក្នុងតំបន់ ដើម្បីបង្កើនសន្តិសុខពិភពលោក, បង្ហាញពីការត្រៀមខ្លួនរបស់អង្គភាព និងផ្តល់ការបណ្តុះបណ្តាលចាំបាច់ដើម្បីឆ្លើយតបទៅនឹងវិបត្តិ ឬបញ្ហាប្រឈមនានាជុំវិញពិភពលោក។

ត្បិតអង្គភាពមិនបានបញ្ចេញឈ្មោះសម្ព័ន្ធមិត្តនិងដៃគូដែលចូលរួមក្នុងបេសកកម្មនេះក៏ពិតមែន ប៉ុន្តែកងកម្លាំងអាកាសជប៉ុនអះអាងថា យន្តហោះចម្បាំង F-15 Eagle ចំនួន៤គ្រឿងរបស់ខ្លួន បានចូលរួមក្នុងសកម្មភាពហ្វឹកហ្វឺនជាមួយ B-1B Lancer កាលពីថ្ងៃទី២ខែសីហា នៅលើដែនអាកាសភាគខាងជើងទីក្រុង Yamaguchi។

ស្របពេលជាមួយគ្នានោះដែរ បើយោងតាមទិន្នន័យតាមដានអាកាសចរណ៍, យន្តហោះទម្លាក់គ្រាប់បែកអាមេរិក២គ្រឿងនេះ បានចាក់សាំងនៅលើអាកាសលើកោះ Vancouver របស់ប្រទេសកាណាដា ពេលចេញដំណើរទៅ ហើយពេលមកវិញ បានចាក់សាំងម្តងទៀត នៅជិតរដ្ឋអាឡាស្កា។

សូមបញ្ជាក់ថា យន្តហោះ B-1B Lancer មានសមត្ថភាពផ្ទុកគ្រាប់បែក និងមីស៊ីលបានប្រហែល ៣៤ តោន ហើយវាឈានដល់ល្បឿនអតិបរមា Mach 1.2 (ប្រហែល ១ ៤៨១គីឡូម៉ែត្រក្នុងមួយម៉ោង) ពេលហោះលើសមុទ្រ។

ខុសពីយន្តហោះទម្លាក់គ្រាប់បែកយុទ្ធសាស្ត្រ B-2 Spirit និង B-52H Stratofortress, យន្តហោះ B-1B Lancer ត្រូវបានដកចេញពីបេសកកម្មនុយក្លេអ៊ែររបស់សហរដ្ឋអាមេរិកក្នុងឆ្នាំ១៩៩៤។ មកដល់ឆ្នាំ២០១១ ទីក្រុងវ៉ាស៊ីនតោនបានកែប្រែ B-1B Lancer ទៅជាយន្តហោះផ្ទុកអាវុធមិនមែនអាវុធនុយក្លេអ៊ែរ ដើម្បីអនុលោមតាមសន្ធិសញ្ញា New START ដែលចុះហត្ថលេខាដោយសហរដ្ឋអាមេរិក និងរុស្ស៊ី ​នៅដើមឆ្នាំនោះ៕

អត្ថបទ៖ សុខ សុវណ្ណ

ចុចអាន៖ លើកដំបូង! យន្តហោះទម្លាក់គ្រាប់បែក រុស្ស៊ី-ចិន ល្បាតរួមគ្នាកៀក អាមេរិក ដុតបញ្ឆេះស្ថានការណ៍ 

The post យន្តហោះទម្លាក់គ្រាប់បែកអាមេរិក បង្អួតភាពខ្លាំង ហោះជាង ២ម៉ឺនគីឡូម៉ែត្រ ឥតឈប់ appeared first on Kampuchea Thmey Daily.

រុស្ស៊ីបានឲ្យដឹងថា ការល្បាតរួមគ្នានេះ មានការចូលរួមពីសំណាក់ យន្តហោះផ្ទុកមីស៊ីលយុទ្ធសាស្ត្រធុន TU-95MS និងយន្តហោះទម្លាក់គ្រាប់បែកយុទ្ធសាស្ត្រ Xian H-6 របស់កងទ័ពអាកាសចិន។

ត្បិតតែប្រទេសទាំងពីរ ធ្លាប់ធ្វើការល្បាតរួមគ្នាជាច្រើនលើកច្រើនសានាពេលកន្លងមក ហើយរុស្ស៊ី តែងតែបញ្ជូនយន្តហោះទម្លាក់គ្រាប់បែករបស់ខ្លួន ហោះហើរលើសមុទ្រ Bering ក៏ដោយ ប៉ុន្តែ​សកម្មភាពរួម​កាលពី​ថ្ងៃ​ពុធ ​គឺជា​លើក​ដំបូងហើយ ​ដែល​យន្តហោះ​ទម្លាក់​គ្រាប់បែក​របស់សម្ព័ន្ធមិត្ត​ទាំង​ពីរ បង្ហាញវត្តមានរួមគ្នា​នៅ​តំបន់​ប៉ាស៊ីហ្វិក​ខាងជើង​។

ពាក់ព័ន្ធការល្បាតនេះដែរ ទីក្រុងមូស្គូនិងប៉េកាំង បញ្ជាក់ថា ខ្លួនមិនចង់សំដៅលើភាគីទីបីណាមួយឡើយ ហើយក្រោយមកទីបញ្ជាការការពារដែនអាកាសអាមេរិកខាងជើង (NORAD) ក៏និយាយដែរថា យន្តហោះទម្លាក់គ្រាប់បែកទាំងនោះ គឺស្ថិតនៅក្នុងដែនអាកាសអន្តរជាតិ និងមិនមែនជាការគំរាមកំហែងអ្វីទេ។

ទោះបីជាយ៉ាងណាក៏ដោយ សមាជិកព្រឹទ្ធសភារដ្ឋអាឡាស្កា លោកស្រី Lisa Murkowski បានចាត់ទុកព្រឹត្តិការណ៍នេះថាជា “ទង្វើបង្កហេតុរបស់សត្រូវដែលមិនធ្លាប់មានពីមុនមកសោះ”។

សូមបញ្ជាក់ថា ចិននិងរុស្ស៊ី បានបង្កើតទំនាក់ទំនងកាន់តែជិតស្និទ្ធចាប់តាំងពីទីក្រុងមូស្គូ ត្រូវប្រទេសលោកខាងលិច ដាក់ទណ្ឌកម្ម បន្ទាប់ពីការលុកលុយអ៊ុយក្រែនក្នុងខែកុម្ភៈឆ្នាំ២០២២ ហើយកិច្ចសហប្រតិបត្តិការកាន់តែស៊ីជម្រៅរវាងសម្ព័ន្ធមិត្តទាំងពីរ ត្រូវបានសហរដ្ឋអាមេរិក និងបណ្តាប្រទេសនៅអឺរ៉ុប ឃ្លាំមើលមិនដាច់កន្ទុយភ្នែក៕

អត្ថបទ៖ សុខ សុវណ្ណ

ចុចអាន៖ យន្តហោះទម្លាក់គ្រាប់បែក ចិន-រុស្ស៊ី ហោះរួមគ្នាលើដែនទឹកជុំវិញ ជប៉ុន

The post លើកដំបូង! យន្តហោះទម្លាក់គ្រាប់បែក រុស្ស៊ី-ចិន ល្បាតរួមគ្នាកៀក អាមេរិក ដុតបញ្ឆេះស្ថានការណ៍  appeared first on Kampuchea Thmey Daily.

ក្រសួងការពារជាតិរុស្ស៊ីបាននិយាយថា យន្តហោះ Tu-22M3 បានធ្លាក់នៅតាមផ្លូវត្រលប់មកកាន់មូលដ្ឋានទ័ពអាកាសវិញ ក្រោយពីបិទបញ្ចប់បេសកកម្មប្រយុទ្ធ ខណៈពីឡុត ៤ រូបនៅលើយន្តហោះទម្លាក់គ្រាប់បែកនោះបានហក់លោតចេញ ហើយ ៣ នាក់ត្រូវបានជួយសង្គ្រោះ ចំណែកឯអ្នកទី ៤ កំពុងបាត់ខ្លួននៅឡើយ ខណៈក្រុមអ្នកជួយសង្គ្រោះក៏បន្តតាមរកផងដែរ ។

ក្រសួងបញ្ជាក់នៅក្នុងសេចក្ដីថ្លែងការណ៍មួយថា យន្តហោះ Tu-22M3 ដែលធ្លាក់នេះគឺមិនមានដឹកជញ្ជូន ឬផ្ទុកគ្រាប់បែកនោះទេ ហើយចំណែកពាក់ព័ន្ធនឹងដើមចមនៃឧបទ្ទវហេតុនេះទៀតសោត ក្រសួងអះអាងថា ទំនងជាបណ្ដាលមកពីកំហុសបច្ចេកទេស ។

គួរបញ្ជាក់ថា Tu-22M3 គឺជាយន្តហោះទម្លាក់គ្រាប់បែកផ្ទុកមីស៊ីលរយៈចម្ងាយឆ្ងាយច្រើនម៉ូដែល ហើយត្រូវបានរចនាឡើងដើម្បីវាយប្រហារលើគោលដៅកងទ័ពដីគោក និងជើងទឹកនៅទូទាំងតំបន់ទាំងរយៈកម្ពស់ខ្ពស់ មធ្យម និងទាប ហើយយន្តហោះប្រភេទនេះចាប់ផ្ដើមចេញប្រតិបត្តិការនានាឲ្យកងកម្លាំងដែនអាកាសរុស្ស៊ីតាំងតែពីឆ្នាំ ១៩៨៩ មកម្ល៉េះ ៕

ដោយ ៖ សុខ ជីវ័ន្ត

ចុចអាន ៖ ប៉ូឡូញ ចាប់ខ្លួនបុរសម្នាក់ ដែលគេចាត់មក ឲ្យធ្វើឃាតលោក Zelensky

The post យន្តហោះទម្លាក់គ្រាប់បែក រុស្ស៊ី ធ្លាក់នៅតំបន់ភាគខាងត្បូងប្រទេស appeared first on Kampuchea Thmey Daily.

រូបភាពដែលគេបង្ហោះនៅលើប្រព័ន្ធផ្សព្វផ្សាយសង្គមនិងវិភាគដោយ BBC Verify បានបង្ហាញឲ្យឃើញយន្តហោះ Tupolev Tu-22 កំពុងឆេះនៅមូលដ្ឋានទ័ពអាកាស Soltsy-2 ភាគខាងត្បូងទីក្រុង St Petersburg។

ស្របពេលជាមួយគ្នានោះ ទីក្រុងមូស្គូនិយាយថា ដ្រូនអ៊ុយក្រែន ក៏ត្រូវវាយប្រហារដោយអាវុធធុនតូចផងដែរ ប៉ុន្តែវានៅតែអាចមកបំផ្លាញយន្តហោះនេះបាន។

Tu-22 តម្លៃ២៧០លានដុល្លារ អាចធ្វើដំណើរក្នុងល្បឿនលឿនជាងសំឡេងពីរដង ហើយត្រូវបានរុស្ស៊ីប្រើ ដើម្បីវាយប្រហារទីក្រុងនានាក្នុងប្រទេសអ៊ុយក្រែន។

ដោយឡែកកាលពីថ្ងៃចន្ទ អ្នកនាំពាក្យនៃទីភ្នាក់ងារចារកម្មការពារជាតិអ៊ុយក្រែន បាននិយាយថា យន្តហោះយោធាមួយផ្សេងទៀត ក៏ត្រូវកម្ទេចផងដែរក្នុងការវាយប្រហារដោយដ្រូន នៅតំបន់ Kaluga នៃប្រទេសរុស្ស៊ី ខណៈប្រព័ន្ធផ្សព្វផ្សាយរុស្ស៊ីក៏រាយការណ៍ពីការវាយប្រហារនេះផងដែរ ប៉ុន្តែបដិសេធ​ បង្ហាញទំហំនៃការខូចខាតឡើយ។

គួរបញ្ជាក់ថា ក្នុងរយៈពេលប៉ុន្មានខែថ្មីៗនេះ ទីក្រុងកៀវ បានបាញ់បង្ហោះដ្រូនជាច្រើនគ្រឿង ដើម្បីវាយប្រហារទីក្រុងមូស្គូ ខណៈបន្ទាយ Soltsy-2 មានចម្ងាយប្រហែល៦៥០គីឡូម៉ែត្រ ពីព្រំដែនអ៊ុយក្រែន៕

ប្រែសម្រួល៖ Vann Vann

ប្រភព៖ BBC

ចុចអាន៖ យន្តហោះទម្លាក់គ្រាប់បែក ចិន-រុស្ស៊ី ហោះរួមគ្នាលើដែនទឹកជុំវិញ ជប៉ុន

The post ដ្រូនអ៊ុយក្រែន ចូលកម្ទេច យន្តហោះទម្លាក់គ្រាប់បែកតម្លៃ២៧០លានដុល្លាររបស់រុស្ស៊ី ដល់ក្នុងបន្ទាយ appeared first on Kampuchea Thmey Daily.