ការចុះចតតាមការគ្រោងទុកនេះ បានចារប្រវត្តិសាស្រ្តឲ្យឥណ្ឌាក្លាយជាប្រទេសទី៤ ទទួលបានជោគជ័យក្នុង​ចុះចតនៅលើឋានព្រះចន្ទ បន្ទាប់ពីសហភាពសូវៀត សហរដ្ឋអាមេរិក ចិន និងជាប្រទេស​ដំបូងគេបំផុតដែលបោះទង់ជាតិនៅប៉ូលខាងត្បូងនៃផ្ទៃព្រះចន្ទ ។

សម្រាប់បេសកម្មនៅប៉ូលខាងត្បួងមួយនេះដែរ គឺដើម្បីស្វែងរកធនធាន​ធម្មជាតិកម្រផ្សេងៗ ក៏ដូចជាប្រភពទឹកដែលអ្នកវិទ្យាសាស្ត្រជឿជាក់ថា វាស្ថិតនៅក្នុងទម្រង់ជាទឹកកកនៅឡើយ ។

តាមរយៈភាពជោគជ័យនៃការចុះចតនេះដែរ នាយករដ្ឋមន្ត្រីឥណ្ឌាលោក Narendra Modi និយាយថា ជោគជ័យនេះជាកម្មសិទ្ធិរបស់មនុស្សជាតិទាំងអស់ ហើយលោកមានទំនុកចិត្តថា ប្រទេសទាំងអស់ក្នុងពិភពលោក រួមទាំងប្រទេសមកពីពិភពលោកភាគខាងត្បូង ក៏អាចមានសមត្ថភាពសម្រេចបាននូវសមិទ្ធផលបែបនេះដូចគ្នា ។

​គួរបញ្ជាក់ថា កាលពីប៉ុន្មានថ្ងៃមុន រុស្ស៊ីក៏បានព្យាយាមបញ្ជូនយាន Luna-25 ទៅកាន់ប៉ូល​ខាងត្បូងដូចឥណ្ឌាដែរ ​ប៉ុន្តែបេសកម្មមួយនោះ មិនទទួលបានជោគជ័យឡើយ ៕

ប្រែសម្រួល៖ នាង រតនៈ

ប្រភព៖ NHK

The post យានអវកាស ឥណ្ឌា បង្កើតប្រវត្តិសាស្ត្រចុះចតយ៉ាងជោគជ័យលើឋា​ន​ព្រះចន្ទ appeared first on Kampuchea Thmey Daily.