មន្ត្រីរាជការ​ស៊ីវិល​សរុប​ជិត ​៧០០​ នាក់ បាន​កំពុង​ធ្វើតេស្ត​រហ័ស​ស្វែងរក​សារធាតុ​ញៀន​ក្នុង​ខ្លួន តាម​កាតព្វកិច្ច​ដោយ​ឈរលើ​ទំនួល​ខុសត្រូវ​ខ្ពស់​ចំពោះមុខ​ថ្នាក់ដឹកនាំ​ខេត្ត និង​រាជរដ្ឋាភិបាល។

លោក សំ ឃិតវៀន អភិបាលរង​ខេត្តកោះកុង បានឱ្យដឹង​នៅ​ថ្ងៃទី ​៩ ខែកញ្ញា នេះ​ថា កន្លងទៅ ក្រុម​ការងារ​បានធ្វើ​តេស្ត​ដល់​ថ្នាក់ដឹកនាំ​ខេត្ត​ក្រុង​ស្រុក​រួចរាល់​ហើយ ដោយ​ថ្ងៃនេះ​បន្ត​យុទ្ធនាការ​ចំពោះ​មន្ត្រីរាជការ​ស៊ីវិល​តាម​មន្ទីរ​អង្គភាព​ជុំវិញ​ខេត្ត​ម្ដង។

លោក​អភិបាលរង​ខេត្ត បន្ថែមទៀតថា យុទ្ធនាការ​ធ្វើតេស្ត​រក​សារធាតុ​ញៀន​នេះ ធ្វើឡើង​ក្នុង​គោល​បំណង​ដើម្បី​ឈាន​ទៅ​ដល់​ការប្រយុទ្ធប្រឆាំង​ជាមួយ​បទល្មើស​ផ្សេងៗ និង​បញ្ហា​មិន​ប្រក្រតី​នានា​ដែល​កើតឡើង​នៅក្នុង​សង្គម ហើយ​តប​នឹង​បទបញ្ជា​របស់​ប្រមុខ​រាជរដ្ឋាភិបាល។

លោក សំ ឃិត​វៀន ចាត់ទុកថា ការប្រយុទ្ធប្រឆាំង​គ្រឿងញៀន ជា​ការងារ​រួមគ្នា មិនមែន​ចំពោះតែ​នរណា​ម្នាក់​នោះទេ ដូច្នេះ​ការ​សម្អាតផ្ទះ ផ្តើមចេញពី​ខ្លួន​យើង​ម្នាក់ ទើប​អាច​ទប់ស្កាត់ និង​បង្ក្រាប​បទល្មើស​គ្រឿងញៀន ឬ​បទល្មើស​ផ្សេងៗ បាន។ មន្ត្រីរាជការ និង​កងកម្លាំង​អនុវត្ត​ច្បាប់ ត្រូវ​សម្អាត​ខ្លួន​ជាមុនសិន ទើប​ប្រសិទ្ធភាព​ នៃ​ការអប់រំ​ណែនាំ តម្រង់​ទិស​ដល់​មហាជន​ទូទៅ​មាន​ប្រសិទ្ធភាព។

លោក អៀត វណ្ណា ប្រធាន​មន្ទីរ​ផែនការ​ខេត្តកោះកុង ថ្លែងថា លោក និង​មន្ត្រីរាជការ​ស៊ីវិល​របស់ខ្លួន បាន​គោរព​ទៅតាម​បទបញ្ជា​របស់​រាជរដ្ឋាភិបាល និង​ថ្នាក់ដឹកនាំ​ខេត្ត ចំពោះ​ការបង្ហាញ​ពី​ភាព​ស្អាតស្អំ​ដោយ​មិន​ជាប់​ពាក់ព័ន្ធ​គ្រឿងញៀន​តាមរយៈ​ចូលរួម​តេស្ត​រហ័ស​នេះ។ ដូច្នេះ​យើង​ត្រូវ​រួមគ្នា​លុបបំបាត់​គ្រឿងញៀន​ដោយ​ផ្តើម​ពី​ខ្លួនឯង​ទៅ ទើប​សង្គមជាតិ​គ្មាន​បទល្មើស​ដោយសារតែ​គ្រឿងញៀន។

កន្លងទៅ រដ្ឋបាល​ខេត្ត​ក្រុង​ស្រុក​ក្នុង​ភូមិសាស្ត្រ​ខេត្តកោះកុង ​សរុប​ចំនួន ​៤៤២​ នាក់ ស្ត្រី​ ១១៩​ នាក់ បាន​ធ្វើតេស្ត​រួចរាល់​ហើយ ជា​លទ្ធផល​ពុំ​រកឃើញ​នរណាម្នាក់​ជាប់​ពាក់ព័ន្ធ​នឹង​គ្រឿងញៀន​នោះ​ទេ ប៉ុន្តែ​ក៏​មាន​មន្ត្រី ​៣​ នាក់​ មិនបាន​ធ្វើតេស្ត​ ព្រោះ​មាន​ជំងឺ​ប្រចាំ​កាយ៕

អត្ថបទ ៖ សិរីវឌ្ឍនៈ

The post មន្ត្រីរាជការខេត្តកោះកុងជិត ៧០០ នាក់ បន្តធ្វើតេស្តរកសារធាតុញៀនក្នុងខ្លួន appeared first on Kampuchea Thmey Daily.

តាមការបញ្ជាក់បន្ថែមរបស់លោកនាយឧត្តមសេនីយ៍ មាស វិរិទ្ធ ក្នុងចំណោមអ្នកដែលតេស្តឃើញមានប្រើប្រាស់សារធាតុញៀនទាំង៩៧នាក់នេះ គឺត្រូវបានចាត់វិធានការក្ដៅ តាមរយៈការបណ្ដេញចេញពីក្របខ័ណ្ឌរដ្ឋមានចំនួន៨៩នាក់ ខណៈ៨នាក់ផ្សេងទៀត កំពុងតាមដាន និងបន្តនីតិវិធី។ លោក ថា ចំនួនរកឃើញមន្ត្រីប្រើប្រាស់គ្រឿងញៀនេះ ក្នុងតួលេខទាបបំផុត គឺ១០០០នាក់ មានតែម្នាក់ប៉ុណ្ណោះ។

លោកនាយឧត្តមសេនីយ៍ មាស វិរិទ្ធ បានថ្លែងដូច្នេះថា៖ «មកដល់ពេលនេះ ការធ្វើតេស្ដរហ័សលើទឹកម៉ូត យើងអនុវត្តទៅលើមន្ដ្រីរាជការស៊ីវិល និងកងកម្លាំងប្រដាប់អាវុធទាំងអស់នៅទូទាំងប្រទេសមានចំនួន៩៩ ៣០០នាក់ គិតមកដល់ថ្ងៃនេះ។ ហើយក្នុងចំណោម៩៩ ៣០០នាក់នេះ យើងរកឃើញអ្នកមានប្រើប្រាស់សារធាតុញៀនហាមឃាត់ចំនួន ៩៧នាក់ ក្នុងចំណោម ៩៧នាក់នេះ មាន៨៩នាក់បានបណ្ដេញចេញពីក្របខ័ណ្ឌរួចហើយ នៅសល់ ៧នាក់កំពុងបន្តនីតិវិធី ហើយម្នាក់ផ្សេងទៀតកំពុងធ្វើការតាមដាន»។

មន្ត្រីជាន់ខ្ពស់នៃអាជ្ញាធរជាតិប្រយុទ្ធប្រឆាំងគ្រឿងញៀនរូបនេះ បានបញ្ជាក់បន្ថែមថា ការតេស្ត្តរកសារធាតុញៀននេះ ក៏មានការពាក់ព័ន្ធជាមួយមន្ដ្រីសាធារណៈ ដោយបានចាត់វិធានការរដ្ឋបាល ខណៈអ្នកខ្លះត្រូវបានចាត់វិធានការយ៉ាងម៉ឺងម៉ាត់តាមច្បាប់ជាធរមាន ដែលមានស្ថានទម្ងន់ទោសមិនអាចអត់ឱនឱ្យបាន។

ការលើកឡើងរបស់នាយឧត្តមសេនីយ៍ មាស វិរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន ខាងលើនេះ បានធ្វើឡើងក្នុងវេទិកាពិភាក្សាជាមួយអ្នកសារព័ត៌មានចម្រុះស្ថាប័ន ដែលរៀបចំឡើងដោយក្លិបអ្នកកាសែតកម្ពុជា នាព្រឹកថ្ងៃទី២២ ខែកក្កដា ឆ្នាំ២០២៤នេះ នៅទីស្ដីការគណៈរដ្ឋមន្ត្រី៕

The post តេស្ដរកសារធាតុញៀន៖ មនុស្ស៩៧នាក់ប៉ុណ្ណោះបានប្រើសារធាតុញៀន ក្នុងចំណោមមន្ត្រី និងកងកម្លាំងជាង៩ម៉ឺននាក់ appeared first on Kampuchea Thmey Daily.

នៅក្នុង​ឱកាស​ចូលរួម​ធ្វើតេស្ត​រហ័ស​ស្វែងរក​សារធាតុ​ញៀន​កាលពី​ថ្ងៃទី ​២១​ មិថុនា លោក​សាស្ត្រាចារ្យ​ ឈាង ​រ៉ា រដ្ឋមន្ត្រី​ក្រសួងសុខាភិបាល​ បាន​លើកឡើងថា មន្ត្រីរាជការ និង​មន្ត្រី​ជាប់​កិច្ចសន្យា​ទាំងអស់ នៃ​ក្រសួងសុខាភិបាល ត្រូវមាន​កាតព្វកិច្ច​ធ្វើតេស្ត​រក​សារធាតុ​ញៀន​ទាំងអស់គ្នា ស្របតាម​បទបញ្ជា​លេខ ០១ បប ចុះ​ថ្ងៃទី ​២០ ខែកុម្ភៈ ឆ្នាំ​ ២០២៤ របស់​រាជរដ្ឋាភិបាល​កម្ពុជា ស្តីពី​ការ​ដាក់ចេញ​វិធានការ​ម៉ឺងម៉ាត់ ក្នុងការ​ប្រយុទ្ធប្រឆាំង​គ្រឿងញៀន​ខុសច្បាប់ នៅតាម​ក្រសួង ស្ថាប័ន និង​រដ្ឋបាល​ថ្នាក់ក្រោម​ជាតិ។

លោក​រដ្ឋមន្ត្រី បាន​បន្តថា​ ការរៀបចំ​ធ្វើតេស្ត​រហ័ស​ស្វែងរក​សារធាតុ​ញៀន​ក្នុង​ទឹកមូត្រ​នេះ ដើម្បី​ចូលរួម​ចំណែក​ធានា​ប្រសិទ្ធភាព ​នៃ​ការអនុវត្ត​យុទ្ធនាការ​ប្រយុទ្ធប្រឆាំង​គ្រឿងញៀន​ខុសច្បាប់ ដែលជា​អាទិភាព​នយោបាយ​ដ៏​សំខាន់​របស់​រាជរដ្ឋាភិបាល ក៏ដូចជា​ការលើកកម្ពស់​ជំនឿ​ទុកចិត្ត ប្រសិទ្ធភាព​ការងារ និង​អភិបាលកិច្ច​ល្អ​នៅក្នុង​ស្ថាប័នរដ្ឋ​ទាំង​ថ្នាក់ជាតិ ទាំង​ថ្នាក់ក្រោម​ជាតិ។

គួរ​បញ្ជាក់ថា ​ការធ្វើ​តេស្ត​រកសារ​ធាតុ​ញៀន​នេះ​ឆ្លើយតប​តាម​បទបញ្ជា​របស់​ សម្ដេច​ធិបតី ហ៊ុន ម៉ាណែត នាយករដ្ឋមន្ត្រី នៃ​កម្ពុជា ចុះ​ថ្ងៃទី​ ២០ ខែកុម្ភៈ ឆ្នាំ​ ២០២៤ របស់​រាជរដ្ឋាភិបាល​កម្ពុជា​ ស្តីពី​ការ​ដាក់ចេញ​វិធានការណ៍​យ៉ាង​ម៉ឺងម៉ាត់​ក្នុងការ​ប្រយុទ្ធប្រឆាំង​គ្រឿងញៀន​ខុសច្បាប់​នៅតាម​ក្រសួង ស្ថាប័ន និង​រដ្ឋបាល​ថ្នាក់ក្រោម​ជាតិ។

ក្នុងនោះ ​សម្តេច​ធិបតី​ បាន​ណែនាំ​ឱ្យ គ្រប់​ក្រសួង ស្ថាប័ន និង​រដ្ឋបាល​ថ្នាក់ក្រោម​ជាតិ ​ត្រូវ​បង្កើន​ការ​ត្រួតពិនិត្យ​ជាប្រចាំ ចំពោះ​មន្ត្រីរាជការ​ស៊ីវិល មន្ត្រីនគរបាល​ជាតិ ​និង​យោធិន ព្រមទាំង​មន្ត្រី​ជាប់​កិច្ចសន្យា ដែល​ស្ថិតក្រោម​ឱវាទ​របស់ខ្លួន​លើ​ការប្រើប្រាស់​គ្រឿងញៀន​ខុសច្បាប់ ​ឬ​មានការ​ពាក់ព័ន្ធ​នឹង​គ្រឿងញៀន​ខុសច្បាប់។

គ្រប់​ក្រសួង ស្ថាប័ន និង​រដ្ឋបាល​ថ្នាក់ក្រោម​ជាតិ ត្រូវ​ចាត់វិធានការ​បញ្ចប់​មុខតំណែង ​និង​បណ្ដេញ​ចេញពី​ក្របខ័ណ្ឌ​ ដោយ​គ្មាន​ការលើកលែង​ចំពោះ​មន្ត្រីរាជការ​ស៊ីវិល​ មន្ត្រី​នគរបាល​ជាតិ និង​យោធិន ព្រមទាំង​មន្ត្រី​ជាប់កិច្ចសន្យា​ណា​ដែល​ត្រូវបាន​រកឃើញថា មានការ​ប្រើប្រាស់​គ្រឿងញៀន​ខុសច្បាប់​ ឬ​មានការ​ពាក់ព័ន្ធ​នឹង​គ្រឿងញៀន​ខុសច្បាប់៕

អត្ថបទ​ ៖ ​សំអឿន

The post ក្រសួងសុខាភិបាល ធ្វើតេស្តរហ័សស្វែងរកសារធាតុញៀន​ដល់ថ្នាក់ដឹកនាំមន្ត្រីរាជការ និងមន្ត្រីជាប់កិច្ចសន្យា appeared first on Kampuchea Thmey Daily.

ការ​តេស្ត​រក​សារធាតុ​ញៀន​ក្នុង​ជួរ​មន្ត្រីរាជការ​ស៊ីវិល​នេះ អនុវត្ត​នូវ​បទបញ្ជា​ដ៏​ម៉ឺងម៉ាត់​របស់ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា ដែល​បាន​ដាក់​ចេញ កាលពី​ថ្ងៃ​ទី ២០ ខែ​កុម្ភៈ ឆ្នាំ ២០២៤ ក្នុង​ការ​ប្រយុទ្ធ​ប្រឆាំង​គ្រឿងញៀន​ខុសច្បាប់ នៅ​តាម​ក្រសួង​-​ស្ថាប័ន និង​រដ្ឋបាល​ថ្នាក់​ក្រោម​ជាតិ។

លោកស្រី មិថុនា ភូថង អភិបាលខេត្ត​កោះកុង បាន​ឲ្យ​ដឹង​នៅ​ថ្ងៃ​ទី ៣១ ខែ​ឧសភា ឆ្នាំ ២០២៤ ថា រដ្ឋបាល​ខេត្ត​កោះកុង បាន​សហការ​ជាមួយ​មន្ត្រី​ជំនាញ​របស់​ស្នងការ​នគរបាល​ខេត្ត និង​កងរាជ​អាវុធហត្ថ​ខេត្ត រៀបចំ​ធ្វើតេស្ត​សារធាតុ​ញៀន​តាម​ទឹកមូត្រ ដល់​ថ្នាក់ដឹកនាំ និង​មន្ត្រី​ក្រោម​ឱវាទ​របស់​រដ្ឋបាល​ខេត្ត ចំនួន ១២៣ នាក់ ស្ត្រី ៤២ នាក់ ក្នុង​នោះ​អ្នក​មក​ធ្វើតេស្ត ១១៨ នាក់ ស្រី ៤១ នាក់ ជា​លទ្ធផល​ឃើញ​ថា “​អវិជ្ជមាន​” ទាំង ១១៨ នាក់ ស្រី ៤១ នាក់ ដោយ​មិន​ជាប់​ពាក់ព័ន្ធ​នឹង​សារធាតុ​ញៀន​ខុសច្បាប់​នោះ​ទេ។

លោកស្រី​អភិបាលខេត្ត​កោះកុង បាន​បន្ថែមថា ថ្ងៃនេះ​ក៏មានដែរ​មន្ត្រីរាជការ​អវត្តមាន ៥ នាក់ ស្រី ១ នាក់ ដែល​ខកខាន​ចូលរួម​ធ្វើតេស្ត​រហ័ស​រក​សារធាតុ​ញៀន ដោយសារ​តែ​មាន​មន្ត្រី ១ នាក់ ជាប់​បំពេញ​បេសកកម្ម និង ៤ នាក់ កំពុង​សម្រាក​ព្យាបាល​ជំងឺ។

លោកស្រី មិថុនា ភូថង កោតសរសើរ​ចំពោះ​ការ​ចូលរួម​របស់​ថ្នាក់ដឹកនាំ និង​មន្ត្រីរាជការ នៃ​រដ្ឋបាល​ខេត្ត ដែល​មាន​ភាព​ស្អាតស្អំ​មិន​ជាប់​ពាក់ព័ន្ធ​នឹង​គ្រឿងញៀន នេះ​សកម្មភាព​ដ៏​ធំធេង​មួយ​លើ​ការ​ពង្រឹង​គុណភាព​ធនធាន​មនុស្ស​ប្រកប​ដោយ​ថាមពល​រឹងមាំ​ផ្នែក​សុខភាព និង​ជា​គំរូ​ដល់​ប្រជាពលរដ្ឋ ក្នុង​ការ​អនុវត្ត​ច្បាប់ គោលការណ៍ និង​បទបញ្ជា​របស់​រាជរដ្ឋាភិបាល ប្រកបដោយ​ប្រសិទ្ធភាព​ខ្ពស់៕

អត្ថបទ ៖ សិរីវឌ្ឍនៈ

The post ថ្នាក់ដឹកនាំ មន្ត្រីរាជការ និងមន្ត្រីជាប់កិច្ចសន្យាខេត្តកោះកុង ជាង ១២០ នាក់ អវិជ្ជមានការតេស្តរហ័សរកសារធាតុញៀន appeared first on Kampuchea Thmey Daily.

តាមសេចក្ដីប្រកាសព័ត៌មាន  ការធ្វើតេស្តរហ័សរកសារធាតុញៀនតាមទឹកមូត្រ នឹងធ្វើឡើងចាប់ពីវេលាម៉ោង ៨:៣០នាទីព្រឹក ដល់ម៉ោង១១:៣០នាទី ព្រឹក នៅសាលបាយ័ននៃវិមានរដ្ឋសភា។

គួររំលឹកថា កាលពីថ្ងៃទី២០ ខែកុម្ភៈ ឆ្នាំ២០២៤ ក្នុងពិធីបិទសន្និបាតបូកសរុបការងារប្រចាំឆ្នាំ២០២៣ និងដាក់ទិសដៅការងារឆ្នាំ២០២៤ របស់អាជ្ញាធរជាតិប្រយុទ្ធប្រឆាំងគ្រឿងញៀន សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់ចេញបទបញ្ជាឱ្យគ្រប់ស្ថាប័នគ្រប់ក្រសួង ស្ថាប័ន មន្ត្រីរាជការស៊ីវិល កងកម្លាំងប្រដាប់អាវុធ ទាំងនៅថ្នាក់ជាតិ និងថ្នាក់ក្រោមជាតិ ត្រូវតែធ្វើតេស្តរកសារធាតុញៀនលើគ្រប់មន្ត្រីទាំងអស់។  ក្នុងករណីរកឃើញថាមានមន្ត្រីរាជការ កងកម្លាំងទាំងឡាយណាមានជាប់ពាក់ព័ន្ធជាមួយសារធាតុញៀន ត្រូវបណ្ដេញចេញពីក្របខណ្ឌ។

ជាការកត់សម្គាល់ បទបញ្ជានេះ ទទួលបានការគាំទ្រយ៉ាងច្រើនលើសលប់ ក៏ដូចជាការអនុវត្តភ្លាមៗពីសំណាក់ក្រសួង ស្ថាប័ន នានា កងកម្លាំងប្រដាប់អាវុធ មន្ត្រីរាជការ ទាំងនៅថ្នាក់ជាតិ​ និងនៅថ្នាក់ក្រោមជាតិ៕

The post តំណាងរាស្ត្រ និងមន្ត្រីរដ្ឋសភាទាំងអស់ នឹងត្រូវធ្វើតេស្តរកសារធាតុញៀននៅថ្ងៃទី២៧ ខែឧសភា appeared first on Kampuchea Thmey Daily.

អ.ជ.ប.គ.ញ បានឱ្យដឹងថា យោងតាមក្រសួងសុខាភិបាល លទ្ធផលតេស្ដរកសារធាតុញៀនមិនប្រក្រតីមួយចំនួនតូចនេះ កើតឡើងបានដោយសារឥទ្ធិពលនៃថ្នាំពេទ្យស្របច្បាប់មួយចំនួន ក្នុងពេលតេស្តរកសារធាតុញៀនតាមទឹកម៉ូត្រ។

ក្រោយពេល អ.ជ.ប.គ.ញ សង្កេតឃើញថាកើតមានបញ្ហាមួយចំនួនតូចនេះ អ.ជ.ប.គ.ញ បានណែនាំឱ្យក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវទាក់ទងមកខ្លួន ប្រសិនបើមានការតវ៉ាពីមន្ត្រីសុំតេស្តរកសារធាតុញៀនឡើងវិញ។  អ.ជ.ប.គ.ញ ក៏បានបញ្ជាក់ថា នឹងសហការជាមួយក្រសួងសុខាភិបាល ដើម្បីជម្រះមន្ទិលជូនមន្ត្រីដែលធ្លាប់តេស្តឃើញថាបានប្រើប្រាស់សារធាតុញៀន។

ជាមួយគ្នា​ អ.ជ.ប.គ.ញ បានសហការណ៍ជាមួយក្រសួងសុខាភិបាលសម្រេចជ្រើសរើសប្រភេទឧបករណ៍ធ្វើតេស្តចំនួន ៣ ប្រភេទ ដែលអាចធានាគុណភាពនិងសុក្រឹតភាពនៃលទ្ធផលតេស្តក្នុងនោះមាន ប្រភេទទី១៖ NPK Methamphetamine។ ប្រភេទទី២៖ Drug Abuse Test និងប្រភេទទី៣៖ GPO Meth Cassette។  អ.ជ.ប.គ.ញ នឹងផ្ដល់ជូនឧបករណ៍តេស្តតាមលទ្ធភាពដែលខ្លួនមានទៅកាន់ក្រសួងស្ថាប័ន និងរដ្ឋបាលថ្នាក់ក្រោមជាតិ និងបើកឱកាសអាចជ្រើសរើសប្រភេទណាមួយ សម្រាប់ធ្វើតេស្តរកសារធាតុញៀនក្នុងទឹកម៉ូត្រមន្ត្រីរាជការ។  

ទន្ទឹមនឹងការផ្ដល់ឱ្យ ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវរៀបចំគម្រោងថវិការសម្រាប់បញ្ជារទិញ និងស្វែងរកជំនួយពីដៃគូរ ទុកទិញឧបករណ៍តេស្តតាមតម្រូវការជាក់ស្ដែង។ សម្រាប់របៀបធ្វើតេស្ត អ្នកធ្វើតេស្តអាចរៀនបានតាមរយៈ សៀវភៅណែនាំដែលរៀបចំដោយ អ.ជ.ប.គ.ញ និងវីដេអូដែលមានផ្សព្វផ្សាយលើទំព័រហ្វេសប៊ុករបស់អ.ជ.ប.គ.ញ។

តាមសេចក្ដីណែនាំដដែលបានឱ្យដឹងថា ក្រោយតេស្តរកឃើញថាមានមន្ត្រី កងកម្លាំង មន្ត្រីជាប់កិច្ចសន្យាណាម្នាក់ប្រើប្រាស់សារធាតុញៀន ប់ក្រសួង ស្ថាប័ន និងរដ្ឋបាលថ្នាក់ក្រោមជាតិ ត្រូវចាត់វិធានការម៉ឺងម៉ាត់ ក្នុងការបញ្ចប់មុខតំណែង និងបណ្តេញចេញពីក្របខ័ណ្ឌដោយគ្មានការលើកលែងចំពោះមន្ត្រីទាំងឡាយណាដែលមានការប្រើប្រាស់គ្រឿងញៀន និងមានការពាក់ព័ន្ធនឹងគ្រឿងញៀនខុសច្បាប់ដោយអនុលោមតាមបទបញ្ជាលេខ០១របស់រាជរដ្ឋាភិបាល។

ចំពោះមន្ត្រីដែលត្រូវបានរកឃើញថាមានការប្រើប្រាស់គ្រឿងញៀនខុសច្បាប់ ហើយត្រូវបានចាត់វិធានការបញ្ចប់មុខតំណែង និងបណ្តេញចេញពីក្របខ័ណ្ឌ ដោយអនុលោមតាមបទបញ្ជាលេខ០១របស់រាជរដ្ឋាភិបាល ក្រសួង ស្ថាប័ន និងរដ្ឋបាលថ្នាក់ក្រោមជាតិសាមី ត្រូវធ្វើការណែនាំ និងលើកទឹកចិត្តពួកគាត់ឱ្យទៅទទួលសេវា ព្យាបាល បន្សាប និងស្តារនីតិសម្បទា ទាំងនៅមជ្ឈមណ្ឌលជាតិនិងឯកជន ដើម្បីអាចមានឱកាសធ្វើសមាហរណកម្ម ត្រឡប់ចូលក្នុងសង្គមវិញ។ 

ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រសួងសុខាភិបាល គណៈកម្មាធិការទទួល បន្ទុកការងារព្យាបាលនិងស្តារនីតិសម្បទាអ្នកញៀនគ្រឿងញៀន និងអគ្គលេខាធិការដ្ឋាន អ.ជ.ប.គ.ញ. ត្រូវបន្ត ពង្រឹងគុណភាពសេវាព្យាបាល បន្សាប និងស្តារនីតិសម្បទា របស់មជ្ឈមណ្ឌលជាតិនិងឯកជន និងត្រូវផ្សព្វផ្សាយឱ្យ បានទូលំទូលាយពីទីតាំងនិងលក្ខខណ្ឌនានារបស់មជ្ឈមណ្ឌលទាំងអស់ ដើម្បីលើកទឹកចិត្តដល់អ្នកញៀនគ្រឿងញៀន ឱ្យស្ម័គ្រចិត្តទទួលយកការបន្សាប ឈានដល់ការផ្តាច់ការប្រើប្រាស់គ្រឿងញៀនទាំងស្រុង៕

The post អាជ្ញាធរ៖ ការតេស្តរកសារធាតុញៀនមួយចំនួនតូចអាចមានលទ្ធផលមិនប្រក្រតី អ្នកមិនប្រើ បែរកឃើញថាប្រើ appeared first on Kampuchea Thmey Daily.

បើតាមលោក លី វណ្ណៈ នាយករដ្ឋបាលសាលាខេត្ត ការចាប់ផ្ដើមធ្វើតេស្តរកសារធាតុញៀនេះ គឺដោយអនុវត្តតាមបទបញ្ជារបស់រាជរដ្ឋាភិបាលកម្ពុជា ស្តីពីការដាក់ចេញវិធានការម៉ឺងម៉ាត់ក្នុងការប្រយុទ្ធប្រឆាំងគ្រឿងញៀនខុសច្បាប់ នៅតាមក្រសួង ស្ថាប័ន និងរដ្ឋបាលថ្នាក់ក្រោមជាតិ។ លោក លើកឡើងថា រដ្ឋបាលខេត្តសៀមរាប បានសហការជាមួយការិយាល័យនគរបាលប្រយុទ្ធប្រឆាំងគ្រឿងញៀន នៃស្នងការនគរបាលខេត្ត រៀបចំធ្វើតេស្តដល់មន្ត្រីរាជការ និងមន្ត្រីជាប់កិច្ចសន្យា ដើម្បីចូលរួមចំណែកធានាប្រសិទ្ធភាព នៃការអនុវត្តយុទ្ធនាការប្រឆាំងគ្រឿងញៀនខុសច្បាប់ លើកទី៩ ដែលជាអាទិភាពនយោបាយរបស់រាជរដ្ឋាភិបាល ក៏ដូចជាការលើកកម្ពស់ជំនឿទុកចិត្ត ប្រសិទ្ធភាពការងារ និងអភិបាលកិច្ចល្អ នៅក្នុងស្ថាប័ន មន្ទីរ អង្គភាពជុំវិញខេត្ត។ 

មន្ត្រី និងបុគ្គលិក ដែលបម្រើការងារនៅសាលាខេត្តសៀមរាប មានចំនួនសរុប ៣៣៩នាក់ (ស្រី ១២០នាក់) ក្នុងនោះមានក្រុប្រឹក្សាខេត្ត ២៧នាក់ (ស្រី ៣នាក់), ការិយាល័យប្រជាពលរដ្ឋ ២នាក់ (ស្រី ១នាក់), មន្ត្រីក្របខណ្ឌ ១៧៥នាក់ (ស្រី ៤៣នាក់) ដោយមានមន្ត្រីសាលាខេត្ត ១៥៩នាក់ (ស្រី ៤១នាក់) មន្ត្រីក្របខណ្ឌជួរក្រោយចំនួន ១៦នាក់ (ស្រី ២នាក់), រួមទាំងមន្ត្រីកិច្ចសន្យាចំនួន ៨១នាក់ (ស្រី ៤៣នាក់) មន្ត្រីស្ម័ត្រចិត្តចំនួន ៣៤នាក់ (ស្រី ១៦នាក់) និងអ្នកអនាម័យចំនួន ២០នាក់ (ស្រី ១៣នាក់)។

លោក ប្រាក់ សោភ័ណ អភិបាលខេត្តសៀមរាប បានបញ្ជាក់ថា ការធ្វើតេស្តរកធាតុញៀនលើមន្ត្រីរាជការនៃអង្គភាពសាលាខេត្តនេះ គឺដើម្បីចូលរួមចំណែកធានាប្រសិទ្ធភាពនៃការអនុវត្តយុទ្ធនាការប្រឆាំងគ្រឿងញៀនខុសច្បាប់ លើកទី៩ ដែលជាអាទិភាពនយោបាយដ៏សំខាន់របស់រាជរដ្ឋាភិបាល ក៏ដូចជាការលើកកម្ពស់ជំនឿទុកចិត្ត ប្រសិទ្ធភាពការងារ និង អភិបាលកិច្ចល្អ នៅក្នុងស្ថាប័នរដ្ឋទាំងថ្នាក់ជាតិ ថ្នាក់ក្រោមជាតិ ព្រមទាំងក្នុងជួរកងកម្លាំងប្រដាប់អាវុធ និងមន្ត្រីរាជការស៊ីវិល។ 

លោកបានឱ្យដឹងទៀតថា នេះជាជំហានដំបូងរបស់រដ្ឋបាលខេត្ត ដែលបានទទួលឧបករណ៍សម្រាប់ធ្វើតេស្តដល់ថ្នាក់ដឹកនាំ មន្ត្រី បុគ្គិលសាលាខេត្តសៀមរាប។ ដូច្នេះ រដ្ឋបាលខេត្ត នឹងបន្តបើកយុទ្ធនាការធ្វើតេស្តរកសារធាតុញៀន ទៅលើមន្ត្រីរាជការ មន្ទីរអង្គភាពជុំវិញខេត្ត រដ្ឋបាលក្រុង ស្រុក ឃុំ សង្កាត់ និងសមាជិកភូមិ និងឈានទៅដល់ការធ្វើតេស្តក្រុមគ្រូបង្រៀន និងក្រុមគ្រូពេទ្យទៀតផង។

គូសបញ្ជាក់ដែរថា ក្នុងចំណោមមន្ត្រីទាំង៣៣៩នាក់ ដែលបានចូលរួមធ្វើតេស្ត មានចំនួន២៩៤ នាក់ ស្រី ១១៣នាក់ និងមិនបានចូលរួមចំនួន ៤៥នាក់ ស្រី ៧នាក់ ដោយបានសុំច្បាប់ ២៦នាក់, ជាប់បេសកកម្ម ១៧នាក់, លាឈប់ ១នាក់ និងទំនាក់ទំនងមិនបាន ១នាក់។ ជាលទ្ធផល មន្ត្រីដែលបានធ្វើតេស្ត សុទ្ធតែអវិជ្ជមានទាំងអស់៕                                                                               

 អត្ថបទ៖ គឿន វេត

The post រដ្ឋបាលខេត្តសៀមរាប បើកយុទ្ធនាការតេស្តរក សារធាតុញៀនលើមន្ត្រីរាជការរបស់ខ្លួន appeared first on Kampuchea Thmey Daily.

លោក CHANG JIAN អនុប្រធានបេសកកម្មនៃស្ថានទូតចិនប្រចាំកម្ពុជា បានគូសបញ្ជាក់ថា តាមរយៈគម្រោងជំនួយនាពេលនេះ គឺបានបង្ហាញពីសម្ព័ន្ធភាពយូអង្វែង និងកិច្ចសហប្រតិបត្តិការយ៉ាងជិតស្និទ្ធជាមួយគ្នាទៅវិញទៅមករវាងភាគីទាំងពីរ។

ជាមួយនេះ លោក CHANG JIAN ក៏បានបង្ហាញការគាំទ្រយុទ្ធសាស្រ្តបញ្ចកោណដំណាក់កាលទី១ ដែលរាជរដ្ឋាភិបាលកម្ពុជា នីតិកាលទី៧ បានដាក់ចេញនាពេលកន្លងមក ក៏ដូចជា កិច្ចខិតខំប្រឹងប្រែង និងការរួមចំណែកយ៉ាងសកម្មរបស់ក្រសួងមហាផ្ទៃ ដើម្បីសម្រេចបានលទ្ធផលល្អប្រសើរ។

លោកសន្តិបណ្ឌិត រដ្ឋ​លេខាធិការប្រចាំការ បានថ្លែងអំណរគុណដល់ស្ថានទូត​សាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា សម្រាប់ជំនួយតេស្តរកសារធាតុញៀននេះ ក៏ដូចជាកិច្ចសហប្រតិបត្តិការជាមួយក្រសួងមហាផ្ទៃ នាពេលកន្លងមក ដែលញ៉ាំងឱ្យទំនាក់ទំនងរវាងភាគីទាំងពីរកាន់តែមានភាពរឹងមាំ និងជិតស្និទ្ធបន្ថែមទៀត៕

The post ចិនផ្ដល់ឧបករណ៍តេស្តរកសារធាតុញៀនចំនួន១​ ៣០០០តេស្ដ ដល់ក្រសួងមហាផ្ទៃ   appeared first on Kampuchea Thmey Daily.