កម្មវិធីនេះ ធ្វើឡើងក្នុងគោលបំណងរម្លឹកដល់ប្រពៃណីនៃការហាត់យូហ្គាបែបបុរាណ ដែលជាទស្សនៈ និងការអនុវត្តលំហាត់ប្រាណដើម្បីសុខភាពរាងកាយ និងផ្លូវចិត្ត។

លោកស្រី អ៉ឹង កន្ថាផាវី មានប្រសាសន៍ក្នុងឱកាសនោះថា៖ “ការហាត់យូហ្គាជាប្រចាំគឺពិតជាផ្តល់អត្ថប្រយោជន៍ជាច្រើនសម្រាប់សុខភាពផ្លូវចិត្ត សុខភាពផ្លូវកាយ និងប្រាជ្ញាស្មារតី ប្រកបដោយភាពធន់ទៅនឹងអាកាសធាតុ និងបរិយាកាសនៃជីវិតប្រចាំថ្ងៃ”។

ជាមួយគ្នានេះ លោកស្រីក៏បានលើកទឹកចិត្តឱ្យមន្ត្រីរាជការទាំងអស់បន្តហាត់យូហ្គាដោយខ្លួនឯងជាប្រចាំនៅផ្ទះ ដើម្បីកាត់បន្ថយភាពតានតឹងផ្លូវចិត្ត បង្កើនថាមពលសម្រាប់កម្លាំងកាយ និងកម្លាំងចិត្តផងដែរ៕

The post ក្រសួងកិច្ចការនារី និងស្ថានទូតឥណ្ឌាប្រចាំកម្ពុជាប្រារព្ធទិវាយូហ្គាអន្តរជាតិ ដើម្បីរម្លឹកពីការហាត់យូហ្គាបែបបុរាណ appeared first on Kampuchea Thmey Daily.

ជាក់ស្តែង នៅពេលដែលអ្នកអង្គុយធ្វើការក្នុងរយៈពេលយូរ នឹងធ្វើឱ្យរាងកាយបាត់បង់ថាមពល ចុករោយស្មា ឬ ចង្កេះ ហើយភាគរយតិចណាស់ដែលមនុស្សម្នាក់ៗនឹងធ្វើលំហាត់ប្រាណយូហ្គា ឬ លំហាត់ប្រាណផ្សេងៗក្រោយចប់ម៉ោងការងារ។ ហេតុអ្វីអ្នកមិនសាកល្បងនូវវិធីសាស្រ្ត ធ្វើយូហ្គាមួយចំនួននៅកន្លែងការងារវិញម្តង?

ខាងក្រោមនេះ គឺជាវិធីសាស្ត្រ ៤វិធី សម្រាប់ធ្វើយូហ្គានៅការិយាល័យ លោកអ្នកអាចសាកល្បងដោយខ្លួនឯងនូវវិធីមួយចំនួន ដែលអាចជួយដល់រាងកាយរបស់អ្នក។​​

១.ពត់ដៃរបស់អ្នកទៅមុខ

វិធីពត់ដៃទៅខាងមុខ ធ្វើឱ្យម្រាមដៃទាំង១០ និងកដៃរបស់អ្នកកាត់បន្ថយនូវភាពចុករោយ បន្ទាប់ ពីចំណាយពេលរាប់ម៉ោងនៅមុខកុំព្យូទ័រ។ នេះគឺជាវិធីសាស្ត្រមួយដែលមានភាពងាយស្រួល និងលឿនបំផុត តែក៏អាចឱ្យអ្នកមានអារម្មណ៍ថាធូរស្រាលបានខ្លះ។

២.លើកដៃទាំងពីរឡើងលើ

អង្គុយឱ្យត្រង់ខ្លួន រួចលើកដៃទាំងពីររបស់អ្នកឡើងលើផុតក្បាល បន្ទាប់មកព្យាយាមធ្វើចលនាត្រង់ស្មារបស់អ្នកយឺតៗ ដើម្បីកាត់បន្ថយភាពចុករោយ ដោយរាប់លេខកំណត់នៅក្នុងចិត្តយឺតៗ ពី១ ដល់៥។ រួចហើយ អ្នកអាចងើយមុខឡើងទៅលើដើម្បីឱ្យខ្នងរបស់អ្នកកាន់តែត្រង់។

៣.វិធីអង្គុយដាក់កជើងម្ខាងនៅលើភ្លៅម្ខាងទៀត

អង្គុយធ្វើការយូរ អាចឱ្យអ្នកចុកខ្នង ឈឺចង្កេះ ដូច្នេះអ្នកមកសាកនូវវិធីនេះម្តង។ លោកអ្នកអាចអង្គុយលើកៅអីធ្វើការឱ្យត្រង់ខ្លួន បន្ទាប់មកយកកជើងខាងឆ្វេងមកដាក់នៅលើភ្លៅខាងស្តាំ ដោយចាប់ផ្តើមរាប់ពី១ ដល់១០ យឺតៗ។ បន្ទាប់មកអ្នកអាចប្តូរជើង ដោយធ្វើតាមសកម្មភាពដដែល វាជាវិធីមួយជួយដល់ការចុករោយចង្កេះ និងឆ្អឹងខ្នង។

៤.អង្គុយពត់ខ្លួនទៅចំហៀង

វិធីមួយនេះ អ្នកអាចអង្គុយលើកៅអីធ្វើការរបស់ខ្លួន រក្សាលំនឹងឱ្យបានល្អ រួចហើយចាប់ផ្តើមពត់ខ្លួនប្រាណទៅខាងចំហៀង តែជើងរបស់អ្នកត្រូវរក្សាលំនឹងទៅមុខដដែល ពោលគឺ ងាកតែក្បាល ដៃ និងខ្លួនប៉ុណ្ណោះ។ រួចហើយអ្នកអាចរាប់ដល់ ៥ ឬ ១០ បន្ទាប់មកប្តូរទៅម្ខាងទៀតតាមសកម្មភាពដដែល។ អ្នកក៏អាចធ្វើចលនាកទៅមកយឺតៗផងដែរ ដើម្បីកាត់បន្ថយភាពចុករោយនៅស្មា ក និងចង្កេះ៕

អត្ថបទ៖ អុន ស្រីមាន

The post មកសាកល្បងរបៀបធ្វើយូហ្គា ៤វិធី នៅកន្លែងធ្វើការងារផ្ដល់ប្រសិទ្ធិភាពសម្រាប់សុខភាព appeared first on Kampuchea Thmey Daily.

១. ជួយឱ្យយើងស្ងប់អារម្មណ៍

ការគេងលើកជើងផ្អែកជញ្ជាំងប៉ះពាល់ដោយផ្ទាល់ដល់ប្រព័ន្ធសរសៃប្រសាទ និងធ្វើឱ្យអារម្មណ៍​យើង​ស្ងប់ភ្លាមៗ។ ក្នុងអំឡុងពេលធ្វើលំហាត់នេះ យើងអាចដក់ដង្ហើមវែងៗ​ដើម្បីទទួល​បាន​លទ្ធផលទ្វេដង ព្រោះការដកដង្ហើមបានវែងៗ​អាចកាត់បន្ថយអត្រាចង្វាក់​បេះដូង​លោត​​ដែលជួយឱ្យ​យើងបន្ធូរអារម្មណ៍ កាត់បន្ថយការថប់បារម្ភ ភាពតានតឹងបានយ៉ាងមានប្រសិទ្ធភាព។

២. ជួយបំបាត់អាការៈចុករួយស្រពន់ជើង

ការគេងលើកជើងផ្អែកជញ្ជាំងអាចជួយសន្ធឹងសរសៃពួរនៅភ្លៅខាងក្រោយដែលនឹងជួយបំបាត់អាការៈចុករួយស្រពន់ជើង បន្ទាប់ពីការធ្វើដំណើររយៈពេលវែង ការឈរ ឬអង្គុយនៅមួយកន្លែងពេញមួយថ្ងៃ។

កាលណាត្រគាករបស់យើងកាន់តែខិតទៅជិតជញ្ជាំង សរសៃ​ពួរនៅភ្លៅខាងក្រោយរបស់យើងនឹងសន្ធឹងកាន់តែវែងដែរ​​។

៣. ​ជួយកាត់បន្ថយអាការៈចុករួយង្កេះ​ផ្នែក​ខាងក្រោម​

ការគេងលើកជើងផ្អែកជញ្ជាំងអាចជួយសន្ធឹងឆ្អឹងខ្នងចង្កេះ​ និងសាច់​ដុំ​ខ្នងដែលនឹង​ជួយកាត់បន្ថយ​អាការៈចុករួយចង្កេះ​ផ្នែក​ខាងក្រោម។

៤. បង្កើនចលនាឈាមរត់

ការធ្វើលំហាត់ប្រាណបែបនេះ អាចជួយកាត់បន្ថយអាការៈហើមជើងដោយជួយបង្ហូរសារធាតុរាវដែលចាល់ក្នុងជើង​មក​រាង​កាយ​វិញ​។ លើសពីនេះទៅទៀត ទំនាញផែនដី​ជួយ​ឱ្យឈាមហូរត្រឡប់​ទៅ​បេះដូង​វិញបាន​ល្អ​ដែលនឹងជួយបង្កើនចលនាឈាមរត់ក្នុងខ្លួនរបស់យើង។

៥. ជំរុញការរំលាយអាហារ

ការគេងលើកជើងផ្អែកជញ្ចាំងអាចជួយ​សម្រួល​ចរន្ត​ឈាម​ក្នុង​ពោះ និង​កាត់​បន្ថយ​​ការសង្កត់ទៅលើ​ក្រពះ និងពោះវៀនដែល ការ​សង្កត់​នេះ​ប៉ះពាល់ដល់ការរំលាយអាហាររបស់យើង និងធ្វើឱ្យយើងហើមពោះ ច្រាល់​ទឹកអាស៊ីដក្រពះ និងទល់លាមក។

៦. កាត់បន្ថយអាការៈឈឺក្បាលធម្មតា​ ​និងឈឺក្បាលប្រកាំង

ការគេងលើកជើងផ្អែកជញ្ជាំងជាប្រចាំអាចរួម​ចំណែក​កាត់បន្ថយអាការៈការឈឺក្បាលធម្មតា​ និងឈឺក្បាលប្រកាំង ព្រោះ​ការលើកជើងឡើងលើអាចជំរុញរំហូរ​ឈាមត្រលប់ទៅកាន់បេះដូង និងបង្កើនចលនាឈាមរត់​ក្នុង​ខ្លួន​ដែលធ្វើឱ្យរាងកាយយើងទទួលបានអុកស៊ីសែនគ្រប់គ្រាន់៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ប្រុសៗចូលចិត្តស្ទីមសូណា គួរតែប្រយ័ត្នពីបញ្ហាទាំងនេះផង

The post គ្រាន់តែគេងលើកជើងផ្អែកជញ្ជាំងក៏មានប្រយោជន៍ច្រើនដែរ appeared first on Kampuchea Thmey Daily.

បើ​តាម​ លោក​​ស្រី​វេជ្ជបណ្ឌិត​​ Stacy Hunter ​ប្រធាន​ផ្នែក​សិក្សា​បេះដូង និង​សរសៃ​ឈាម នៃ​សាកលវិទ្យាល័យ​រដ្ឋ​តិច​សាស់ របស់​អាមេរិក បាន​បង្ហាញ​លទ្ធ​ផល​សិក្សា​ថ្មី ឃើញ​ថា គ្នា​យើង​​ហាត់​​យូហ្គា នៅ​សីតុណ្ហភាព​ក្តៅ​ល្មម ពោល​ក្នុង​បរិស្ថាន​​មាន​កម្តៅ ៤០​អង្សារសេ​ នឹងទទួល​បាន​ប្រយោជន៍​សុខភាព​ច្រើន ពិសេស​អាច​ជួយ​បញ្ចុះសម្ពាធ​ឈាម បន្ថយ​ហានិភ័យ​ជំងឺ​បេះ​ដូង កម្ចាត់​ភាព​ស្រេ្តស និង​ស្រក​ទម្ងន់។

លទ្ធផ​ល​បាន​បង្ហាញ​បែប​​នេះ បន្ទាប់​ពី​ក្រុម​ស្រាវជ្រាវ​ ដឹក​នាំ​ដោយ​ លោក​ស្រី Stacy Hunter បាន​តាម​ដានលើ​គ្នា​យើង​មួយ​ចំនួន មាន​វ័យ​ពី ២០​–៦៥ ​ឆ្នាំ ដោយ​ប្រើ​ពេល​​ហាត់​ប្រមាណ ​១២​សប្តាហ៍ ទើប​ទទួល​បាន​​លទ្ធ​ផល​ប្រសើរ​​បែប​នោះ។ តែ​ទោះ​យ៉ាង​ណា លោក​ស្រី​វេជ្ជបណ្ឌិត ​នៅ​តែ​អះ​អាង​ថា នេះ​គ្រាន់​តែ​ជា​លទ្ធផល​បឋម​តែ​ប៉ុណ្ណោះ ពោលត្រូវ​ការ​ ការ​សិក្សា​បន្ថែម​ទៀត ទើប​ហ៊ាន​អះអាង​ដោយ​ទំនុក​ចិត្ត​ទៅ​លើ​ការ​ហាត់​យូហ្គា​ក្នុង​សីតណ្ហភាព​ក្តៅ​ល្មម​ អាច​ទទួល​បាន​ប្រយោជន៍​ល្អ​ទាំង​នោះ។

ជា​មួយ​គ្នា​នេះដែរ មាន​ការ​លើក​​ឡើង​ពី​ក្រុម​អ្នក​​ជំនាញ​ពី​សាកលវិទ្យាល័យ​Wisconsin-La Crosse​ ចំពោះ​គ្នា​យើង​ហាត់​យូហ្គា ដូច​ខាង​លើ​ថា​ គប្បីផឹក​ទឹក​ឲ្យ​បាន​គ្រប់​គ្រាន់ ទាំង​មុន និង​ក្រោយពេល​ហាត់​ ព្រោះវិធី​ហាត់​ក្នុង​សីតណ្ហភាព​ក្តៅ ប្រសិន​បើយើង​មិន​ធ្លាប់​ហាត់ និង​ពិបាក​ប្រឈម​ជា​មួយសីតណ្ហភាព​ក្តៅ​ទាំង​ខាង​ក្រៅ និង​ក្នុង​ខ្លួន។ ដូច​នេះផឹក​​ទឹកឲ្យ​បាន​ច្រើន​ ​រាង​កាយ​ទទួល​សំណើម​​គ្រប់​គ្រាន់ មុន​ពេល​ហាត់​ប្រាណ​ប្រភេទ​នេះ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ខ្លាចបាក់ទឹកចិត្ត គួរស្វែង​រក​សន្តិភាព​ផ្លូវ​ចិត្តពីសមាធិ និងយូហ្គា

ចុចអាន៖ អាថ៌កំបាំងពិសេស អាច​ជួយ​យើង​​ហាត់​ប្រាណ​ជោគជ័យ

The post ហាត់យូហ្គាត្រឹមត្រូវ អាចបញ្ចុះសម្ពាធឈាម និងបំបាត់ស្រ្តេស យ៉ាងមានប្រសិទ្ធភាព appeared first on Kampuchea Thmey Daily.

ដើម្បីជួយអ្នកជំងឺកូវីដ ១៩ កម្រិតស្រាល អ្នកជំនាញបានណែនាំឲ្យអ្នកជំងឺធ្វើលំហាត់ប្រាណដកដង្ហើម និងហាត់យូហ្គា ដើម្បីបង្កើនកម្រិតអុកស៊ីសែន និងស្តារមុខងារសួតឡើងវិញ ខណៈលំហាត់ដកដង្ហើមនេះ ក៏ជួយដល់ចរន្តឈាម និងធ្វើឲ្យមនុស្សម្នាក់មានអារម្មណ៍ថាលែងធុញទ្រាន់ផងដែរ អំឡុងសម្រាកព្យាបាលខ្លួនឯងនេះ ។

ទន្ទឹមនោះ លោកវេជ្ជបណ្ឌិត Mickey Mehta អ្នកជំនាញផ្នែកកាយសម្បទាដ៏ល្បីល្បាញ បានប្រាប់តិចនិកការដកដង្ហើមពីការហាត់យូហ្គា ។

លោកវេជ្ជបណ្ឌិតបាននិយាយថា អ្នកត្រូវអង្គុយលើកៅអី ហើយបិទភ្នែក និងអង្គុយឲ្យត្រង់ខ្លួន ។ ចាប់ផ្តើមដកដង្ហើមចូល ហើយដកដង្ហើមចេញមួយៗ ។ ប៉ុន្តែខណៈពេលដែលអ្នកដកដង្ហើមចូល អ្នកត្រូវលើកទ្រូង ហើយផើតពោះ ។ នៅពេលដកដង្ហើមចេញ អ្នកគួរតែរាងបង្រួញខ្លួន ។ ធ្វើដូចនេះរយៈពេល ១០ ទៅ ១៥ វិនាទី ។ បនា្ទប់ពីនេះសូមចាប់ផ្តើមដកដង្ហើមវែងៗតាមច្រមុះ ហើយចាប់ផ្តើមផ្លុំចេញយឺតៗតាមមាត់ ។ ក្រោយមកធ្វើបែបនេះម្តងទៀតរយៈពេល ១០ ទៅ ១២ វិនាទី វានឹងជួយអ្នកជាជាសះស្បើយឆាប់រហ័ស ។

លោកវេជ្ជបណ្ឌិត Mickey និយាយថាការធ្វើបែបនេះ ៣ ដងក្នុងមួយថ្ងៃ មុនពេលទទួលទានអាហារគ្រប់ពេល អាចបង្កើនចលនារបស់សន្ទះទ្រូង និងពោះដល់ប្រវែងពេញ ១២ ទៅ ១៣ សង់ទីម៉ែត្រ ហើយវាបណ្តេញការឆ្លងមេរោគ និងបាក់តេរីទាំងអស់ចេញពីផ្លូវដង្ហើមតាមច្រមុះ ។

អត្ថប្រយោជន៍មួយទៀតនៃលំហាត់ដកដង្ហើមនេះគឺថា ខណៈពេលកំពុងអនុវត្តពិធីទាំងនេះ សួតទាំង ៥ ផ្នែករបស់អ្នកដែលនៅទទេត្រូវបានបំពេញអុកស៊ីសែនឡើងវិញទាំងស្រុង ។ សមត្ថភាពដងដង្ហើមនៃសួតរបស់យើងគឺ ៥ លីត្រ ខណៈជាធម្មតាមនុស្សដកដង្ហើមក្រោម ២ ទៅ ២.៥ លីត្រប៉ុណ្ណោះ ៕

ប្រែសម្រួលដោយ ៖ ជីវ័ន្ត

ប្រភព ៖ India Today

ចុចអាន ៖ លម្អិតពីការគ្រប់គ្រង ឬប្រើប្រាស់ឱសថព្យាបាល អ្នកជំងឺកូវីដ ស្រាលតាមផ្ទះ និងកម្រិតមធ្យម

The post អ្នកជំងឺកូវីដ កម្រិតស្រាលគួរអនុវត្តលំហាត់ងាយៗទាំងនេះដើម្បីបង្កើនកម្រិតអុកស៊ីនសែន និងស្ដារមុខងារសួតឡើងវិញ appeared first on Kampuchea Thmey Daily.