លោកបានបញ្ជាក់ថា លុយមិនមែនមិនសំខាន់នោះទេ ប៉ុន្តែ ក៏មិនគួរយកលុយដាក់ជាគោលដៅជីវិតនោះដែរ។ ត្រឹមជីវិតរស់នៅសមរម្យ ក្នុងភាពថ្លៃថ្នូរ មនុស្សមិនគួរធ្វើគ្រប់មធ្យោបាយដូចជាកុហក បោកប្រាស់ ដើម្បីលុយឡើយ។ ជាមួយគ្នានេះ លោក ង៉ែត ជូ បានណែនាំឱ្យអ្នកដែលរស់នៅក្នុងជីវិតសមរ្យ ក្នុងភាពថ្លៃថ្លូរ ការរកលុយត្រូវចៀសវាងចំណុច២​។ ចំណុចទី១ គួរចៀសវាង គឺប្រព្រឹត្តអំពើទុច្ចរិត ឬបោកប្រាស់មនុស្ស ដែលធ្វើឱ្យសង្គមស្អប់ខ្ពើម មិនឱ្យតម្លៃ ហើយបុគ្គលខ្លួនឯងផ្ទាល់ ក៏គ្មានក្តីសុខត្រូវគេចមុខពីសង្គម ឬសង្គមនិន្ទាជាដើម។ ចំណុចទី២ ការប្រព្រឹត្តអំពើមិនល្អទាំងអស់នេះ នឹងធ្វើ​ឱ្យមនុស្សគិតច្រើន ដេកមិនលក់ ហើយបណ្តាលឱ្យក្លាយជាមនុស្សមានវិបត្តិផ្លូវចិត្ត និងផ្លូវកាយនាំឱ្យអាយុខ្លី។

ក្រៅពីការណែនាំឱ្យមនុស្សផ្លាស់ប្តូរការគិតថា លុយ ជាសេចក្តីសុខក្នុងជីវិតនោះ អ្នកជំនាញផ្នែកគ្រប់គ្រងហិរញ្ញវត្ថុរូបនេះ ក៏បានណែនាំឱ្យមនុស្សឧស្សាហ៍ទាញខ្លួនឯង និងកំណត់តម្លៃឱ្យខ្ពស់ជាងលុយ ព្រមទាំងព្យាយាមរស់នៅក្រៅឥទ្ធិពលលុយ ទើបជីវិតមិនសូវស្មុគស្មាញ និងមិនវង្វេងវង្វាន់ជាមួយលុយ។

តាមការកត់សម្គាល់ នាសម័យបច្ចុប្បន្ននេះ ជាសម័យកាលមួយដែលជឿនលឿនខ្លាំង ដូច្នេះ មុននឹងសម្រេចចិត្តថា ធ្វើអ្វីមួយ មនុស្សគ្រប់រូបត្រូវមានការត្រិះរិះឱ្យបានគ្រប់ជ្រុងជ្រោយទាំងការរកលុយ និងចំណាយថា តើការរកលុយរបស់ខ្លួនត្រឹមត្រូវទេ? ហើយការចាយវាយរបស់ខ្លួនសមនឹងសមត្ថភាពដែលរកបាននោះទេ? ផ្នែកហិរញ្ញវត្ថុ តម្រូវឱ្យមានការគិតគូរច្បាស់លាស់ ទើបមនុស្សមិនផុងខ្លួនជាមួយនឹងលុយ ថែមទាំងធ្វើឱ្យជីវិតរស់នៅមានសេចក្តីសុខទាំងផ្លូវចិត្ត និងកាយផងដែរ៕

The post លោក ង៉ែត ជូ ណែនាំមនុស្សឱ្យប្តូរការគិតថា លុយ អាចធ្វើឱ្យជីវិតមានន័យ តែលុយគ្រាន់តែសម្រេចគោលដៅប៉ុណ្ណោះ appeared first on Kampuchea Thmey Daily.

បើ​អ្នក​ចង់​កែប្រែ​វាសនា ​អ្នក​ត្រូវ​កែ​ចំណុច​ខ្វះខាត​៣​ចំណុច​ខាងក្រោម​ជាមុនសិន ដើម្បី​បើកផ្លូវ​ទៅរក​ភាពរុងរឿងនៃទ្រព្យធន។

១ ចំណាយលុយដោយគ្មានការអត់ធ្មត់ ឬខ្ជះខ្ជាយ

ការរស់នៅតាមទីក្រុងការចំណាយក៏ច្រើគួរសម មិនថាថ្លៃម្ហូប ថ្លៃទឹកភ្លើង ឬការទិញរបស់ប្រើប្រាស់ប្រចាំថ្ងៃសុទ្ធតែប្រើលុយជាចាំបាច់។ ប៉ុន្តែប្រសិនបើយើងចំណាយខ្ជះខ្ជាយ ដោយគ្មានការអត់ធ្មត់តាមតែអារម្មណ៍ ប្រាដកណាស់ថាមួយខែៗអ្នកគ្មានសល់ប្រាក់មួយកាក់មួយសេនណាឡើយ។

ពិភពខាងក្រៅតែងតែពោរពេញទៅដោយអន្ទាក់នៃការប្រើប្រាស់ ដើម្បីជំរុញមនុស្សឲ្យបង្កើនការទិញលើសពីតម្រូវការ ហើយការប្រើប្រាស់លុយទិញរបស់ដែលមិនត្រូវការ នឹងក្លាយជាទម្លាប់នាំឲ្យមានផលវិបាកទៅថ្ងៃអនាគត។ ការចំណាយប្រាក់ដើម្បីបង្កើនគុណភាពជីវិត គឺជារឿងធម្មជាតិ ប៉ុន្តែអ្នកត្រូវចំណាយក្នុងកម្រិតមធ្យម ក្នុងកម្រិតកំណត់ ក្នុងសមត្ថភាពហិរញ្ញវត្ថុរបស់អ្នក។ ចៀសងវាងសោកស្ដាយ នៅពេលដែលអ្នកខំប្រឹងអស់ពាក់កណ្តាលជីវិត​ ហើយមិនបានសន្សំអ្វីសោះ នោះពិតជាគួរឲ្យអាណិតខ្លួនវិញទេ។

២ កុំស្ទាក់ស្ទើរក្នុងការវិនិយោគលើខ្លួនឯង

មនុស្សមួយចំនួនសុខចិត្តចំណាយប្រាក់ច្រើនលើអាហារ ឈុតសំលៀកបំពាក់ កាបូប ឬស្បែកជើង ជាជាងចុះឈ្មោះចូលថ្នាក់រៀនដើម្បីបង្កើនសមត្ថភាព។ បន្ទាប់ពីនោះ លុយរបស់ពួកគេប្រែទៅជាទម្លាប់ ដោយការទិញគ្រឿងតុបតែង ឬធុញទ្រាន់នឹងការប្រើប្រាស់វាពីរបីដង រួចបោះវាចោល។ ប៉ុន្តែសមត្ថភាពរបស់ពួកគេក្នុងការប្រកួតប្រជែងនៅកន្លែងធ្វើការតែងតែនៅទ្រឹង។ សមត្ថភាព​ដែល​មិន​បាន​អភិវឌ្ឍ​មាន​ន័យ​ថា ​អ្នក​អាច​ត្រូវ​បាន​គេ​ទុកឲ្យនៅ​ពី​ក្រោយ​ដោយ​ជំនោរ​នៃ​ពេល​វេលា។

ការ​មិន​ចង់​វិនិយោគ​លើ​ខ្លួន​ឯង​គឺជា​ទម្លាប់​អាក្រក់​មួយ​ដែល​ធ្វើ​ឲ្យអ្នក​កាន់តែ​ក្រ និង​ក្រលើសដើម។ កុំគ្រាន់តែមើលឃើញបច្ចុប្បន្ន ហើយព្រងើយកន្តើយនឹងឱកាសដើម្បីព្យាយាមដើម្បីផលប្រយោជន៍រយៈពេលវែង។

ថ្វីដ្បិតតែ ការរៀនត្រូវការពេលវេលា និងលុយកាក់ ប៉ុន្តែរាល់លុយដែលយើងវិនិយោគនឹងត្រលប់មកវិញរាប់ម៉ឺនដងនាពេលអនាគត។ នៅពេលអ្នកបង្ហាញសមត្ថភាព​ មេកើយអ្នកពេញចិត្តក្នុងការតម្លើងឋានៈ និងការដំឡើងប្រាក់ខែមិនខាន។

៣ បដិសេធការកែលម្អការយល់ដឹង

ប្រសិនបើអ្នកចង់រកលុយ អ្វីដែលត្រូវធ្វើដំបូងគឺបង្កើនការយល់ដឹង ពង្រីកចក្ខុវិស័យ និងស្វែងយល់ពីការគិតរបស់អ្នក។ ការប្រាស្រ័យទាក់ទងគ្នាកាន់តែច្រើនជាមួយមិត្តរួមការងារ និងធ្វើឲ្យជីវិតរបស់យើងប្រសើរឡើងជានិច្ច អាចជួយឲ្យយើងទទួលបានទស្សនៈ និងគំនិតថ្មីៗ។

អានសៀវភៅឲ្យបានច្រើន ហើយគិតឲ្យបានច្រើន នេះអាចជួយអ្នកឲ្យយើងពង្រីកគំនិត ចៀសវាងស្ថានភាពកង្កែបនៅបាតអណ្តូង​ ហើយដោយហេតុនេះ ទើបយើងអាចមើលឃើញតួនាទី និងគោលដៅបានត្រឹមត្រូវ។ មនុស្សដែលមានចក្ខុវិស័យកាន់តែខ្ពស់ នឹងឈរកាន់តែខ្ពស់។ ចំណេះដឹងក្រាស់ និងរឹងគឺគ្រប់គ្រាន់ដើម្បីលើកពួកគេទៅកាន់ចំណុចកំពូលនៃភាពជោគជ័យ។ នេះ​ជា​កម្រិត​ដែល​អ្នក​ដែល​មិន​ព្រម​កែលម្អ​ការ​យល់​ដឹង​របស់​ខ្លួន ហើយ​រឹងរូស​ប្រកាន់​ភ្ជាប់​នឹង​ការ​រើសអើង​របស់​ខ្លួន​ នោះ​មិន​អាច​ឈាន​ដល់គោលដៅ​ឡើយ។

ជារួម មនុស្សដែលគ្មានលុយច្រើនតែរក្សាទម្លាប់អាក្រក់បីយ៉ាង៖ ចាយលុយដោយមិនគិត តែគិតច្រើនពេកពេលរៀបចំផែនការសន្សំលុយ; គ្មានឆន្ទៈក្នុងការវិនិយោគក្នុងការរៀន; បដិសេធមិនកែលម្អចំណេះដឹង។ ​អ្នកដែលមានកត្តាទាំងបីនេះ ច្រើនតែប្រឈមមុខនឹងការលំបាកជាច្រើននៅពេលអភិវឌ្ឍអាជីពរបស់ពួកគេនាពេលអនាគត។

ជំនួសឲ្យការត្អូញត្អែរអំពីភាពអយុត្តិធម៌នៃជោគវាសនា វាជាការប្រសើរជាងសម្រាប់ពួកគេដើម្បីចាប់ផ្តើមផ្លាស់ប្តូរខ្លួនឯងឥឡូវនេះ។ ការរកលុយមិនមែនជារឿងងាយស្រួលនោះទេ ប៉ុន្តែដរាបណាអ្នកបន្តរីកចម្រើន វានឹងមានវិធីកាន់តែច្រើនឡើងដើម្បីពង្រីកប្រាក់ចំណូលរបស់អ្នក។​ ការធ្វើឲ្យខ្លួនឯងប្រសើរឡើង គឺជាការធ្វើឲ្យប្រសើរឡើងនូវការប្រកួតប្រជែងរបស់អ្នក ដោយជួយអ្នកឈរយ៉ាងរឹងមាំក្នុងពាក់កណ្តាលជីវិត ដោយមិនត្រូវបានរុញច្រាន ឬប្លន់ឱកាសរបស់អ្នកពីនរណាម្នាក់ឡើយ៕

អត្ថបទ៖ សាង ស្រីល័ក្ខ

The post ចង់​ដឹង​ថា​មនុស្សម្នាក់​មាន​ទ្រព្យ​ឬ​អត់ទៅថ្ងៃមុខ​ គ្រាន់​តែ​មើល ​៣ ​ចំណុច​នេះ appeared first on Kampuchea Thmey Daily.

ថ្ងៃនេះ​កម្ពុជាថ្មី​ នឹង​នាំអ្នកទាំងអស់គ្នា ​មក​មើល​អាថ៌កំបាំង​នៃការសន្សំលុយ​តាមបែប​ជប៉ុន ​ដែល​ល្បី​ថា ​ជា​ប្រទេស​ដែល​មាន​តម្លៃ​រស់​នៅ​ខ្ពស់​ជាង​គេ​លើ​ពិភពលោក តើ​គេ​សន្សំ​លុយ​ដោយ​របៀប​ណា?

បច្ចេកទេស​ទី ១ រក្សាទុក​មុន​ពេល​ប្រើប្រាស់ គន្លឹះ​សំខាន់​គឺ ពេល​ប្រាក់​ខែ​ចូល​មក កុំ​ប្រញាប់​ប្រើ​ឲ្យ​សោះ។ ត្រូវ​ផ្ទេរ​លុយ​ចូល​ទៅក្នុង​គណនី​សន្សំ​ជា​មុន​សិន។ ព្រោះ​បើ​ទុកពេលក្រោយ មាន​ទំនោរ​ខ្ពស់​ក្នុង​ការ​ហត់នឿយជាមួយនឹងអាហារ ការ​ចំណាយ​លើ​ការធ្វើដំណើរ នៅ​ពេល​ដែល​អ្នក​ដឹង​ថា ​អ្នក​កំពុង​ចាយ​លុយ​ពី​មួយ​ខែទៅមួយ​ខែ ដោយគ្មាន​សល់មួយកាក់មួយសេនណា។ ព្យាយាម​កំណត់​ថា​ តើ​យើងនឹង​ចំណាយ​ប៉ុន្មាន​រៀង​រាល់ខែ។ បន្ទាប់មក​រក្សា​ចំនួននោះជារៀងរាល់ខែ ​ដើម្បី​ទទួលបាន​លទ្ធផល​កាន់​តែ​ប្រសើរ។ ដូច្នេះ ចូរ​យើង​ធ្វើ​ការ​សម្រេច​ចិត្ត​នោះ​ ហើយ ដកប្រាក់​ពីគណនី​​ឲ្យ​សោះ។

បច្ចេកទេសទី ២ ធ្វើម្ហូបដោយខ្លួនឯង ធៀប​នឹងការញ៉ាំ​អាហារក្រៅផ្ទះ។ ការចម្អិនអាហារ​ដោយខ្លួនឯង​​ អាច​ជួយ​ឲ្យ​យើង​ចំណាយ​ទ្វេដង។ ក៏មានមុខម្ហូបមួយចំនួន ដែលអាចទិញម្តងបាន ប៉ុន្តែ​អាច​ធ្វើម្ហូបបាន​ច្រើន​មុខ ចម្អិន​ក្នុង​បរិមាណ​ច្រើន​ក្នុង​ពេល​មួយ ហើយ​ទុក​ក្នុង​ទូរ​ទឹកកក​ សម្រាប់​ប្រើ​ពេល​ក្រោយក៏​ចំណេញ​ដែរ។

បច្ចេកទេសទី៣ កត់ត្រា​ចំណូល និង​ចំណាយ​របស់អ្នក ការទទួល​ស្គាល់​ប្រាក់​ចំណូល និង​ការ​ចំណាយ​ផ្ទាល់ខ្លួន ​វា​នឹង​ជួយ​យើង​ឲ្យ​ដឹង​ពី​ទម្លាប់​នៃ​ការ​ចំណាយផ្សេងៗ។ នៅពេល​ទិញ​ទំនិញ​រួចរាល់ សូម​រក្សា​វិក្កយបត្រ ឬប្រសិនបើគ្មាន សូមកត់ចំណាំទុកនៅពេលក្រោយ។ ប្រសិនបើខ្ចិល​ក្នុងការកត់​ទៀត​ អ្នកក៏អាច​សាកល្បង​​ប្រើ​កម្មវិធីជាច្រើន សម្រាប់កត់ត្រាចំណូល និង​ចំណាយ។ លើសពីនេះ កម្មវិធីទាំងនេះក៏គណនាសមតុល្យឲ្យ​យើងបញ្ចប់ផងដែរ។ វិធីសាស្ត្រ​នេះនឹងជួយ​យើងសន្សំលុយ​បាន​មួយ​ក្តាប់។ វាក៏ផ្តល់ឲ្យ​យើងនូវទិដ្ឋភាព​ទូទៅ​នៃ​ការ​ចំណាយ ក៏​ដូចជា​របៀប​ដែលយើងអស់លុយលើ​វត្ថុប្រណីត។

បច្ចេកទេស​ទី ៤ កុំស្តុកទុក បច្ចុប្បន្ន​នេះ ​មនុស្ស​និយម​ទិញ​របស់​ដើម្បី​ស្តុក​ទុក​ ប៉ុន្តែមានរបស់​ខ្លះ​ មិន​គួរ​ទិញ​ទុក​តែ​ម្តង​ទេ ដូចជារបស់ស្រស់ ទឹកសាឡាដ ឬទឹកជ្រលក់ផ្សេងៗ ព្រោះសូម្បីតែ​របស់​ស្រស់ៗ​ក៏​អាចទុកក្នុងទូរទឹកកកបានយូរដែរ។ ប៉ុន្តែក្នុងរយៈពេលជាច្រើនថ្ងៃក្រោយមក វាត្រូវបានបំភ្លេចចោល​ជាញឹកញាប់នៅក្នុងទូទឹកកក។ លើសពីនេះ ទឹកជ្រលក់​ទឹកត្រូវបានគេប្រើប្រាស់ក្នុង​ផ្នែកតូចៗក្នុងពេលតែមួយ។ វា​ត្រូវ​ចំណាយ​ពេល​យូរ​ណាស់​ដើម្បី​អស់ អ្នកដឹងទេ វានឹងផុតកំណត់។ បើតាមការណែនាំ សូមទិញ​នៅ​ពេល​វា​ជិត​អស់ ហើយថែមទាំង​មិន​ខ្ជះខ្ជាយ​លុយ ​ដោយ​ឥត​ប្រយោជន៍​ថែមទៀត៕

ប្រែសម្រួល៖ សាង ស្រីល័ក្ខ

ចុចអាន៖មក​ដឹង​ពី​អាថ៌កំបាំង​​របស់​មហាសេដ្ឋី​ តែង​បង្កើត​ការ​ចំណាយ​ប្រាក់​​​ដោយ​ខ្លួនឯង

ចុចអាន៖ចង់ក្លាយជាអ្នកមាន មកអានក្បួននៃការកសាងទ្រព្យសម្បត្តិ ពីមហាសេដ្ឋី

The post គន្លឹះសន្សំលុយបានច្រើន តាមក្បួនរបស់ជនជាតិ ជប៉ុន appeared first on Kampuchea Thmey Daily.

១ ទទួលបានគំនិតតាមវិធី​ត្រឹមត្រូវ មធ្យោបាយ​ដ៏​ពេញ​និយមមួយក្នុងការជំរុញទឹកចិត្ត និង​បង្កើត​ផ្នត់​គំនិតដ៏​សម្បូរ​បែប​ គឺ​បង្កើត​ក្រុមប្រឹក្សាភិបាលចក្ខុវិស័យហិរញ្ញវត្ថុ។ អ្នកត្រូវដាក់រូបភាព សម្រង់​លើកទឹកចិត្ត និង​គោលដៅ​ហិរញ្ញវត្ថុ​នៅ​កន្លែង​ណាមួយ​ ហើយ​ព្យួរ​វា​នៅ​កន្លែង​ដែល​អាច​ឃើញវាជារៀងរាល់ថ្ងៃ។ ល្បិចនេះជួយឲ្យមើលឃើញគោលដៅហិរញ្ញវត្ថុរបស់អ្នកប្រចាំថ្ងៃ និងជួយការលើកទឹកចិត្ត។ ចិត្តគឺជាវត្ថុដ៏មានថាមពល ជាពិសេសនៅពេលវា​មកដល់​ ផ្នត់គំនិតលុយរបស់អ្នក នឹង​បង្ហាញមហិច្ឆតាចង់បាន។

ប្រសិន​បើ​អ្នក​មាន​ផ្នត់​គំនិត​មិនល្អ អ្នក​នឹង​បន្ត​ធ្វើការ​សម្រេចចិត្ត​ផ្នែកហិរញ្ញវត្ថុមិនល្អ ធ្វើ​ឲ្យ​អ្នកក្រ អ្នក​អាច​ផ្លាស់ប្ដូរ​ពី​ផ្នត់​គំនិត​អ្នកក្រ ទៅ​ជា​ផ្នត់​គំនិត​អ្នកមាន ដោយ​បង្កើត​ទម្លាប់​ត្រឹមត្រូវ។

២ បង្កើត​ផែនការ​ហិរញ្ញវត្ថុ ជំហាន​ដ៏​ធំ​បំផុត​ អំពី​របៀប​ដើម្បី​ទទួល​បាន​អ្នក​មាន ​ពី​គ្មាន​អ្វី​សោះ ​គឺ​ការ​បង្កើត​ផែនការ​ហិរញ្ញវត្ថុ។ មាន​សម្រង់​សំដី​មួយ​បាន​លើក​ឡើង​ថា “ប្រសិន​បើ​អ្នក​បរាជ័យ​ក្នុង​ការ​រៀបចំ ត្រៀមខ្លួន​ដើម្បី​បរាជ័យ” ជា​ពិសេស​នៅ​ពេល​និយាយ​អំពី​ហិរញ្ញវត្ថុ។

៣ ចាប់ផ្តើមទាន់ពេល កាលណា​អ្នក​ចាប់ផ្ដើម​ដាក់លុយ​ឲ្យ​ធ្វើការ​កាន់​តែ​ឆាប់ អ្នក​នឹង​ត្រូវ​សន្សំ​តិច​ជា​រៀងរាល់​ខែ ដើម្បី​សម្រេច​បាន​នូវ​គោលដៅ​ ដោយសារ​ថាមពល​នៃ​ការ​ប្រាក់​រួម។ ជាឧទាហរណ៍ ប្រសិន​បើចាប់ផ្ដើម​នៅ​អាយុ ២៣ ឆ្នាំ អ្នកត្រូវ​សន្សំ​ប្រាក់ប្រហែល ១៤ ដុល្លារក្នុងមួយថ្ងៃ ​ដើម្បីក្លាយជា​មហាសេដ្ឋី​ នៅ​ អាយុ ៦៧ ឆ្នាំ។

៤ ហ៊ុំព័ទ្ធខ្លួនអ្នកជាមួយនឹងមនុស្សល្អ ច្បាប់ទីបួន​ ដើម្បីក្លាយជាអ្នកមាន គឺ​ត្រូវហ៊ុំព័ទ្ធខ្លួនឯង​ជាមួយ​នឹង​មនុស្ស​ដែល​ប្រសើរ​ជាង​អ្នក ក្នុងគ្រប់ទិដ្ឋភាពនៃជីវិត។ កុំទុកគ្រួសារជា​ហេតុផល ដែលមិន​សម្រេច​ក្តី​សុបិន​របស់​ខ្លួន​ឲ្យសោះ។

៥ ត្រូវមើលថែខ្លួនឯងជាមុនសិន ក្បួន​ទី​ប្រាំ​នៃ​ការ​កសាង​ទ្រព្យសម្បត្តិ​ គឺ​ត្រូវ​ថែរក្សា​ខ្លួន​អ្នក​ជា​មុន​សិន។ “ទម្លាប់​សុខភាព​មិន​ល្អ​ បង្កើត​សំណាង​អាក្រក់” ។ “នេះ​ជា​សំណាង​មួយ​ប្រភេទ​ ដែល​ជា​ផល​នៃ​ទម្លាប់​អាក្រក់ អាកប្បកិរិយា​មិន​ល្អ និង​ការ​សម្រេច​ចិត្ត​មិន​ល្អ”។

៦ ត្រូវ​រៀបការ​ជាមួយ​មនុស្ស​ឆ្លាត ច្បាប់​ទីប្រាំ​មួយ​ សម្រាប់​ការ​កសាង​ទ្រព្យសម្បត្តិ​ គឺ​រៀបការ​ជាមួយ​ឆ្លាត។ ហេតុអ្វី? ដោយសារ​តែ​ប្ដី ​ឬ​ប្រពន្ធ​ដ៏​អស្ចារ្យ​ អាច​ជា​មេគុណ​នៃ​កម្លាំង​ដ៏​ធំ ​នៅ​ពេល​និយាយ​អំពី​ការ​កសាង​ទ្រព្យសម្បត្តិ។

៧ បង្កើតលំហូរនៃប្រាក់ចំណូលច្រើន មហាសេដ្ឋី​តែង​និយាយ​ថា៖ បើ​អ្នក​ចង់​រក​លុយ​ធំ អ្នក​មិន​អាច​ស្កប់​ចិត្ត​នឹង​ប្រភព​ចំណូល​តែ​មួយ​នោះ​ទេ។ Cardone ដែល​ជំពាក់​បំណុល​គេ​យ៉ាង​ជ្រៅ​ ​និយាយ​ថា “អ្នក​នឹង​មិន​អាចក្លាយជាអ្នកមាន ដោយគ្មានលំហូរនៃប្រាក់ចំណូលច្រើននោះទេ” ។

៨ អាន​និងអប់រំខ្លួនឯងជានិច្ច អ្នក​មាន​ មិន​ត្រឹម​តែ​ធ្វើ​ការងារ​ពីរ​មុខ​នោះ​ទេ គេក៏​រក​ពេល​អាន។ ពួកគេ​អាន​សៀវភៅ​អប់រំ និង​កែលំអ​ខ្លួនឯង។ Corley បាន​រកឃើញ​ថា​មាន​តែ ៨ភាគរយ នៃ​អ្នក​ដែល​មាន​ប្រាក់​ចំណូល​ទាប​ប៉ុណ្ណោះ​ ដែល​អាន​សៀវភៅ​អប់រំ ឬ​កែលំអ​ខ្លួនឯង។ គាត់​បាន​សរសេរ​ថា “ភាព​ជោគជ័យ​ទាមទារ​ការ​រីកចម្រើន។ “ការ​រីកចម្រើន​នោះ​កើត​ចេញ​ពី​ការ​អាន និង​អប់រំ​ខ្លួនឯង​ជា​រៀងរាល់​ថ្ងៃ”។

៩ វិនិយោគឥតឈប់ឈរ ចំនួនទឹកប្រាក់ដែលអ្នកវិនិយោគ មិនសំខាន់ទេ ប៉ុន្តែ​ប្រសិនបើ​អ្នក​វិនិយោគជាប់លាប់ អ្នក​នឹង​ឃើញ​រង្វាន់​មកដល់។ អាស្រ័យ​លើ​ចំណង់​ចំណូល​ចិត្ត និង​កាលៈទេសៈ អ្នក​អាច​ជ្រើសរើស​ឧបករណ៍​រយៈពេល​វែង ឬ​ខ្លី​មួយ​ចំនួន ដោយ​មាន​ទិន្នផល និង​ទម្រង់​ហានិភ័យ​ខុសៗ​គ្នា ដើម្បី​បង្កើន​ផល​ចំណេញ​នៃ​ការ​វិនិយោគ។ ចំណុចនោះ​គឺត្រូវបង្កើតទម្លាប់នៃការដាក់មូលនិធិជាប់លាប់ ​ទៅក្នុងផលប័ត្រវិនិយោគរបស់អ្នក ផ្ទុយ​ពីគណនីសន្សំ។ ដូច្នេះអ្នកអាចទទួលបានអត្ថប្រយោជន៍ពី​ប្រាក់​ចំណូល​ខ្ពស់​ ដែល​ដឹង​ពី​ការ​វិនិយោគ​បាន​លឿនជាង៕

ប្រែសម្រួល៖ សាង ស្រីល័ក្ខ

ចុចអាន៖ប្រវត្តិមហាសេដ្ឋីលុយវាល់លាន​ មានជាងគេនៅអារ៉ាប៊ីសាអូឌីត ម្ចាស់ក្លឹបថ្មីរបស់សារិកាព្រៃ Newcastle

ចុចអាន៖កំពូលមហាសេដ្ឋី ១០ រូប មានប្រាក់វាល់លាន តែប្រើជីវិតរស់នៅសាមញ្ញខ្លាំង ស្ទើរមិនជឿ

The post ចង់ក្លាយជាអ្នកមាន មកអានក្បួននៃការកសាងទ្រព្យសម្បត្តិ ពីមហាសេដ្ឋី appeared first on Kampuchea Thmey Daily.

កិច្ចការ​រក​ប្រាក់​ជា​គោលដៅ​របស់​មនុស្ស​គ្រប់គ្នា តែ​យុវវ័យ​សម័យនេះ​ មាន​សេចក្ដី​ប្រាថ្នា​ខ្ពស់​ជាង​សម័យ​ណា​ណា​ទាំង​អស់​ក្នុង​ការ​ក្លាយ​ជា​អ្នកមាន​ ទាំង​ដែល​ពេល​ខ្វះ​ពួកគេ​នៅ​ជំនាញ​និង​ចំណាយ​ពេល​ច្រើន​ហួស​ទៅ​លើ​ដ្រាម៉ា​តាម​បណ្ដាញ​សង្គម​។

ជាមួយKPT plus អ្នកអាន​នឹង​អភិវឌ្ឍន៍​ប្រសើរ​ជាងមុន ក្នុង​ការ​ត្រៀម​លក្ខណៈ​ក្លាយ​ជា​អ្នក​រក​ប្រាក់​ដ៏​ចំណាន​។ប្រសិន​បើយើង​នៅក្មេង មិន​ទាន់​សូវ​ចេះអត់ធ្មត់ មិនសូវ​រឹតត្បិត​ខ្លួនឯង​រឿង​វិន័យ​ហើយ​ខ្វះផែនការ​វែង​ចូលចិត្ត​ប្រញាប់​ៗ​ហើយ​បោះបង់ចោល កុំ​ភ័យ!មិន​អី​ទេ។
យើង​អាច​ចាប់ផ្តើម​អាន​អត្ថបទ​នេះ​ដើម្បី​សមាធិ​ចិត្ត​។ ដើម្បី​រក​លុយ​បាន​យើង​អាច​ចាប់ផ្តើម​ដោយ​៖

១ ស្វែង​​រក​ការងារក្រៅម៉ោង

ហេតុអ្វី? មនុស្សគ្រប់គ្នាគួរតែធ្វើការយ៉ាងហោចណាស់មួយ​ទោះការងារអ្វី​ក៏​ដោយ​​​ឲ្យតែស្របច្បាប់ ​វាមិនដែល​ថោកទាប​ទេ។ ដើម្បី​ទទួលបានសាច់ប្រាក់រហ័សគួរ​តែ​ចាប់ផ្តើម​ការងារ​ពីតូចតាច​ តែត្រូវ​ជ្រើស​រើស​ថា​ ការងារណា​ដែលយើង​ងាយជួបIdolហើយ​បានរៀនពីគាត់។ ឧទាហរណ៍ កីឡាវាយកូនគោល​ក្លិបអ្នកមានៗ ឬនៅតាមតំបន់រមណីយដ្ឋាននានាដែល​យើង​ងាយ​បានឃើញ​ជីវិតឯកជន​របស់​ ក្រុមមនុស្ស​ប្រភេទជោគជ័យ ដែល​យើង​ចង់ក្លាយទៅដូច​ពួកគេ​នៅថ្ងៃណាមួយ។ លើសពីប្រាក់ដែលយើងទទួលយើងថែម​ទំាង​បានការអប់រំពី​ជីវិតពិតៗ​ដូចកំពុង​រៀនដោយមិនចាំបាច់បង់លុយ​។

២ ការសរសេរអត្ថបទលើបណ្តាញ​សង្គម​

យើងរស់នៅក្នុងយុគសម័យកាលដែល​មាតិកាលើអ៊ីនធើណេតជា​ដុំ​មាស។ ប្រសិនបើយើង​មាន​ចរិត​អ្នកងប់ងល់​នឹងការសរសេរ​ហើយ​សរសេរមិនចេះនឿយណាយ នេះអាចជាសក្តានុពល​ដ៏ល្អឥតខ្ចោះមួយ​សម្រាប់ការ​រក​ប្រាក់​នៅលើបណ្តាញ​សង្គម​។អាជីវកម្មទំាងអស់ត្រូវការ​គេហទំព័រ​ហើយ​គ្រប់​គេហទំព័រ​ត្រូវ​ការ​អត្ថបទ ចំណែក​អត្ថបទ​ដែលអាចផ្សាយចេញលឿន​គឺអត្ថបទ​ដែល​ត្រូវ​ចិត្ត​អ្នកអាន​​ហើយ​គេជួយចែករំលែក​វាចេញឲ្យយើង។​
សូម្បីតែKPTPlusយើង​កំពុង​ស្វែងរក​ អ្នកពូកែ​សរសេរ​ដែលមានទេពកោសល្យ​ជាមួយនឹងជំនាញជាក់លាក់​ស្តីពីការ​រស់នៅផ្សារភ្ជាប់នឹងអនាគត​កាល មក​ចូលរួមជាមួយក្រុមយើង​ដែរ។

៣ ឈ្មួញកណ្តាល

ការ​ទិញមកលក់បន្ត​នៅតែជាមធ្យោបាយ​រកប្រាក់មួយ​ដ៏ល្អមកទល់នឹង​ពេលនេះ។ សហគ្រិនពិតប្រាកដ​កើតមក​ជាមួយ​ហ្សែនដែល​ចូលចិត្ត​ទិញរបស់មកលក់បន្តយកចំណេញ។ ពួកគេ​ឃើញទំនិញអ្វី​ក៏​ជាប្រាក់ចំណេញ​ដែរ​ដូច្នេះ​គេ​តែង​តែ​ជក់ចិត្ត​ក្នុងការស្វែងរកវត្ថុល្អមកលក់បន្ត​ទោះចំណេញ​តិចតួចយ៉ាងណក្តី​ការ​ទិញទំនិញ​របស់​គេមិនមែន​ខាតលុយ​ទេគឺ​បានលុយ។​ ជំនាញនេះអាចធ្វើឱ្យក្លាយជាអ្នកមានបានយ៉ាង​ស្រល​ដោយ​ហេតុផលពីរ​មួយ​shopping សប្បាយចិត្ត មិនអស់លុយ​ហើយ​ទីពីរ​បានលុយថែមពីការលក់បន្ត។

ពីដំបូងស្តី្រពាណិជ្ជករ​អាមេរិក​វ័យក្មេង​ Sophia Amoruso ម្ចាស់ Nasty Gal​ បាន​ចាប់ផ្តើមគំនិត​រកស៊ីរបស់នាង​​ជាមួយលុយក្រោម​១០០ដុល្លារ ដោយ​ ទិញសម្លៀកបំពាក់​ថោកៗមក​នៅលើ ebay​ ក្រោយមក​អ្វីៗ ដំណើរការ បានល្អឡើងៗ នាងបានចាប់ផ្តើមបើក​ហាងលក់តាមអ៊ិនធឺរណែតដ៏សាមញ្ញមួយ​ឈ្មោះNasty Gal។ឆ្នាំ​២០១៩​នេះ នាងមាន​ទុនសរុប​ដល់​តម្លៃ ២៨០ លានដុល្លារ​ហើយ។

ឧទាហរណ៍ដ៏អស្ចារ្យមួយទៀតយើង​អាចរៀនបានដែរ គឺBenjamin Keit អាយុត្រឹមតែ ១៦ ឆ្នាំ បានក្លាយជា សេដ្ឋី​ដោយសារ​ការ​ដើរ​ប្រមូល​ទិញនិងលក់បន្តស្បែកជើងកីឡា។

៤ បង្រៀនឯកជន​សម្រាប់អ្នកមានប្រាក់

ឥឡូវនេះ ការរៀនបន្ថែម​ជារឿង​ចាំបាច់​​គ្រប់គ្នា​ចង់រៀន​និងចង់អភិវឌ្ឍន៍មិនថាកុមារ​ឬមនុស្ស​ពេញវ័យ​។ ប្រសិន​បើ​យើង​មានជំនាញមួយ​ដែលអ្នកផ្សេងទៀតចង់រៀន​ ពួកគេឬ​ឪពុកម្តាយពួកគេ​នឹងចំណាយប្រាក់មិនខាន​ឧទាហរណ៍ គ្រូបង្វឹកភាសា ឬកាយសម្បទា យូហ្គា ឌីសាញ ថតរូប ឬ​សន្តិសុខ​អនឡាញ តន្ត្រី​ ។ល។ដែល​ទទួល​ប្រាក់​ម៉ោង​ កាន់តែខ្ពស់ឡើងៗ ។

៥ សិល្បៈ​ច្នៃប្រឌិត​លើ​បណ្តាញ​សង្គម​

ឥឡូវយើងកំពុង​រស់នៅក្នុងយុគសម័យនៃនិទានកថាដែល​បើកភ្នែក​ឡើង​ ហ្វេសប៊ុក​និង​Instagram គឺជា​ដំបូង​គេ មួយ។​ជាមួយ​ជំនាញ​ថតរូប យើង​នឹង​ក្លាយជា​មនុស្សសំខាន់​សម្រាប់​បណ្តា​តារាៗ​ឬ​យុវវ័យ​ដែល​ចង់ទទួល​ល្អជាមួយ​រូបថត​ស្អាតៗ។ ពួកគេមិនខ្លាច​នឹងបង់ប្រាក់ដើម្បីការ​ថតរូបបង្អួតលើបណ្តាញ​សង្គមនោះឡើយ។
ក្រៅ​ពីនោះ​យើង​អាចរកស៊ីជាមួយហ្វេសប៊ុកនិងហ្គូហ្គោលដោយ​បង្កើត​អ្វីមួយ​ដែលអ្នកដទៃ​ចង់មើល​ចូលចិត្ត​តាម​ដានដើម្បីចែក​ប្រាក់ជាមួយ​បណ្តាញពីរនេះ។​អ្វី​ដែល​បង្កើតមកត្រូវតែមានលក្ខណៈពិសេស​មិនច្រំដែល មិនចម្លង និង​មិនសាំញ៉ាំ​ផង។

ការ​កសាងទស្សនិកជនលើ​ប្រព័ន្ធផ្សព្វផ្សាយសង្គម​ត្រូវការ​ដឹងពី​វិធីដើម្បីបង្កើនលំហូរ​ទស្សនិកជននិង​click​។ទោះបីស្រុក​យើងនិយម​លេងហ្វេសប៊ុកជាងគេ​ប៉ុន្តែ​ជាក់ស្តែងទីផ្សារល្អបំផុតសម្រាប់លក់មាតិកា​ឬផលិតផលនាអនាគត​ដ៏ខ្លី​ខាងមុខ​នេះ instagram ។ ប្រសិនបើយើង​អាចបង្កើតសហគមន៍មួយ (Follower)នៅលើ Instagram គឺអាចរកប្រាក់បានយ៉ាងឆាប់រហ័ស។

៦  ការធ្វើប្លុក

ប្រសិនបើ Instagram មិនមែនជាចំណូលចិត្ត​របស់យើង អាច​សាកចាប់ផ្តើមបង្កើត​ប្លុកក៏បាន​ ។ធម្មតា​នឹងមិនរីកចម្រើន​លឿនដូចបណ្តាញ​សង្គមទេប៉ុន្តែ ប្រសិនបើកសាងវាត្រឹមត្រូវវានឹងមានតំលៃវែងឆ្ងាយ​។
ហេតុអ្វី? ព្រោះវាជារបស់យើង មិនមែន​យើង​រស់ពឹងលើMark Zuckerberg នោះទេ។បើ​យើង​ធ្វើវាបានល្អ វាក្លាយជា​ទ្រព្យសម្បត្តិឌីជីថលផ្ទាល់ខ្លួនមួយ​ដែល​ក្រោយៗទៅ​នឹង​កើត​ចេញ​នូវ​វិធីរាប់លានដើម្បី​រកប្រាក់បាន​មិនថា PR ឬផ្សាយពាណិជ្ជកម្ម ឬលក់ផលិតផល​ផ្ទាល់ខ្លួន។

៧ Podcast

វិទ្យុសម័យ​ថ្មី​ដែលគេហៅថាPodcast​កំពុងតែរំកិលមកគ្រប​លើយុគសម័យអ៊ីនធឺណេត ហើយ​ ទីបំផុតអ្នក​ដែល​ពូកែនិយាយ និង​រស់បានស្រួល​។យើង​អាច​ប្រើទូរស័ព្ទ iPhone ជាឧបករណ៍ថតសំលេង។ ឬ​អាចវិនិយោគ​លើ​មីក្រូហ្វូន​កម្រិតស្តង់ដារដែលមាន​ការណែនាំនៅលើអ៊ីនធឺណិត។គុណសម្បត្តិ​នៃ​​Podcastគឺវា​ដើរ​លឿនសម្រាប់​រាល់ឃ្លីបណា​ដែល​និយាយ​រឿងរ៉ាវជុំវិញ​ជីវិតពិតរបស់មនុស្សយើង​។ អាជីវកម្មនេះអាចរីកលូតលាស់បានល្អបំផុត​ប្រសិនបើមាតិការយើង​ល្អ ងាយស្តាប់ងាយយល់ ។

ការងារ​ទំាងនេះ​យើង​អាចចាប់ផ្តើម​ឡើងតំាងពេលដែលយើងកំពុង​រៀន និងមិនទាន់មាន​ជំនាញ​អ្វីមួយ​ជាក់លាក់។ គ្រាន់តែ​យើងមានទេពកោសល្យនិងមាន​ការតំាង​ចិត្ត​ដាក់ខ្លួន​ទទួលយក​មតិ​កែលំអរ​និង​ត្រៀមលក្ខណៈសម្រាប់ទទួលយក​ការរិះគន់​យើងនឹង​អាច​ឆ្ពោះទៅរកគោលដៅបាន។
អាន​ចប់​គិតថា​ចាប់ផ្តើម​មួយណា​ដែរ?

ប្រែសម្រួល៖Mr Tomorrow

ចុចអាន៖មាន​ទម្លាប់​ចង់​បាន​អ្វី​លឿនៗ ហ៊ឺហា​និង​ខ្ជិល​ច្រអូស ជីវិត​លំបាក​នៅ​រង់ចាំ

The post យុវវ័យ​ដែល​ចង់​ប្រលូក​រកលុយ គួរ​អាន​អត្ថបទ​នេះ appeared first on Kampuchea Thmey Daily.