យោង​តាម​ប្រសាសន៍របស់លោក ចេង មុនីរ៉ា អភិបាល​​នៃ​គណអភិបាល​ខណ្ឌច្បារ​អំពៅ​បាន​មាន​ឲ្យ​ដឹង​ថា ​ម៉ាស៊ីន​បូម​ទឹក​ខ្នាតធំរបស់កងអន្តរាគមន៍​នៃ​កងអង្គរក្សសម្តេចតេជោ ត្រូវ​បាន​ដឹក​យក​ទៅ​ដាក់​បូម​ចំនួន​៤​គ្រឿង​ត្រូវ​បាន​បញ្ជូនទៅកាន់តំបន់ផ្សារបឹង​ព្រលឹត​ដើម្បី​បូម​ទឹក​តាម​ប្រពន្ធ័​លូ​តូច​ចូល​ទៅ​លូ​ធំ​ដើម្បី​ជំរុញ​ឲ្យ​ទឹក​បាន​ហូលឿនទៅស្ថានីយ៍បូមទឹកព្រែកបារាំង។

លោក​អភិបាល​ខណ្ឌច្បារអំពៅ​ខណៈ​ដែលលោក​កំពុង​ស្ថិត​នៅ​ទីតាំង​ម៉ាស៊ីន​បូម​ទឹក​បាន​បញ្ជាក់​ថា​ម៉ាស៊ីន​បូម​ទឹក​៤​គ្រឿង​អាច​ជួយ​រុញ​ទឹក​ឲ្យ​ហូរ​បា​ន​លឿន​ដូច្នេះ​ទឹក​ និង​បាន​រំដោះ​ទឹក​ចេញ​ពី​តំបន់​លិចលង់​(ផ្សារ​បឹង​ព្រលឹង)​ឆាប់​ៗ​ ។ នេះ​បើ​សិន​ជា​ពុំ​មាន​ធ្លាក់​ភ្លៀង​ខ្លាំង​នោះ​។​ក្នុង​នោះ​លោក ចេង មុនីរ៉ា អភិបាល​ខណ្ឌច្បារ​អំពៅ​តំណាង​ឲ្យ​បង​ប្អូន​ប្រជាពលរដ្ឋ​ក្នុង​មូល​ដ្ឋាន​ខណ្ឌច្បារ​អំពៅ​សូម​សំដែង​ក្តី​រំភើបរីករាយនៅពេល​ដែល​សម្តេចតេជោ​ ប្រធាន​គណបក្សប្រជាជនកម្ពុជា​សម្តេច​បាន​បញ្ជារ​ឲ្យ​កងអង្គរក្សរបស់សម្តេច​ដឹក​យក​ម៉ាស៊ីន​មក​បូម​ទឹក​ចេញ​ពី​តំបន់​រង​ការ​លិច​លង់​ទាំង​យប់​ដូច​ថ្ងៃ​នេះ៕​

អត្ថបទៈ នរា

The post ម៉ាស៊ីន​​បូម​ទឹក​របស់​កង​អង្គរក្ស​សម្តេច​តេជោ ​ចំនួន​៤​គ្រឿង​ ត្រូវ​បាន​​ដាក់​បូម​នៅ​ផ្សារ​បឹង​ព្រលឹត appeared first on Kampuchea Thmey Daily.

យោងតាមប្រសាសន៍លោក ចេង មុនីរ៉ា អភិបាលខណ្ឌច្បារអំពៅ នៅប៉ុន្មានថ្ងៃនេះអាជ្ញាធរបានសំណូមពរដល់បងប្អូនប្រជាពលរដ្ឋដែលសង់ផ្ទះលើដីព្រែកបង្កឲ្យស្ទះទឹក ដែលត្រូវបង្ហូរចូលទន្លេធ្វើឲ្យទឹកភ្លៀងលិចលង់ផ្ទះប្រជាពលរដ្ឋរស់នៅសង្កាត់​ព្រែកប្រា ព្រែកថ្មី ព្រែកឯង និងសង្កាត់និរោធក្រោយពេលភ្លៀងធ្លាក់មក។

លោកអភិបាលខណ្ឌបានបញ្ជាក់ទៀតថា កន្លងមកប្រជាពលរដ្ឋបានសង់ផ្ទះលើព្រែក សម្រាប់បង្ហូរទឹកចេញពីបឹងចូលទន្លេ​ស្ថិតនៅព្រំប្រទល់សង្កាត់ព្រែកប្រា និងសង្កាត់ព្រែកថ្មីជាង ២០០ គ្រួសារហើយនាពេលនេះអាជ្ញាធរបានសម្រេចរកដីថ្មីឲ្យបងប្អូនស្នាក់នៅដែលស្ថិតនៅសង្កាត់ព្រែកថ្មីខណ្ឌច្បារអំពៅរាជធានីភ្នំពេញ ចម្ងាយ​ពីទីតាំងចាស់ប្រមាណជា​៣ គីឡូម៉ែត្រ ដោយមានទឹកភ្លើងរដ្ឋប្រើប្រាស់ទៀតផង។ ក្នុងនោះបងប្អូនប្រជាពលរដ្ឋ​ស្ម័គ្រ​ចិត្តទៅរស់នៅលើដីថ្មីដោយមានការ​ចាប់ឆ្នោតតាមប្លង់ដីដោយក្នុង ១ គ្រួសារបានដីទំហំ ៤ ម៉ែត្រកន្លះ ជម្រៅ ១៥ ម៉ែត្រហើយមកដល់ថ្ងៃនេះគឺនៅសល់តែ ២០ គ្រួសារទៀតពុំទាន់រុះរើចេញ។

បើតាមប្រភពពីលោក គុយ គឹមហ៊ាង នាយករងរដ្ឋបាលសាលាខណ្ឌច្បារអំពៅចាប់តាំងពីប្រជាពលរដ្ឋស្ម័គ្រ​ចិត្តទៅរស់នៅ​លើទឹកដីថ្មីដែលប្លង់កម្មសិទ្ធិកាន់កាប់ស្របច្បាប់រួចមក គ្រឿងចក្រក៏ចាប់ផ្តើមស្តារប្រឡាយដើម្បីរំដោះទឹកចេញពីតំបន់​ដែលរងការលិចលង់ចំនួន ៤ សង្កាត់នេះឲ្យស្រកទៅវិញបានឆាប់រហ័ស និងលែងលិចលង់នៅឆ្នាំក្រោយៗទៀតហើយ៕

អត្ថបទ៖ នរា

The post ដំណោះស្រាយ​ការ​​​ជន់លិច​នៅ​សង្កាត់ព្រែកប្រា ព្រែកថ្មី ជម្លៀសអ្នករស់នៅលើព្រែក​ទៅ​ទីតាំង​ថ្មី appeared first on Kampuchea Thmey Daily.

លោកយុិន វុធ ចៅសង្កាត់ច្បារអំពៅទី២ បានប្រាប់កម្ពុជាថ្មីថា លោកពិតជាសោកស្តាយចំពោះទង្វើរបស់បងប្អូនប្រជាពលរដ្ឋមួយចំនួន ដែលតែងនាំគ្នាយកសំរាមមកបោះចោលក្រោមស្ពានព្រះមុនីវង្សចាស់និងថ្មីស្ថិតក្នុងខណ្ឌច្បារអំពៅរាជធានីភ្នំពេញរាល់ថ្ងៃនេះ។

លោកចៅសង្កាត់បានបន្តថា អ្នកយកសំរាមយកមកចោលក្រោមស្ពាននេះភាគច្រើនដឹកចេះពីផ្ទះទាំងកណ្តាល​អាធ្រាត្រ​ខណះ​ដែលមានភាពស្ងប់ស្ងាត់ ដោយពុំរង់ចាំឲ្យរថយន្តប្រមូលសំរាមទៅដឹកតាមផ្ទះរាល់ថ្ងៃនោះឡើយ។

លោក​សំណូមពរហើយសំណូមពរទៀតគឺសុំឲ្យបងប្អូនមានការភ្ញាក់រលឹកឡើងកុំឲ្យគេប្រើពាក្យថា (មនុស្សអត់ខួរ) នោះ។
គួរបញ្ជាក់ថា នៅតាមបណ្តាខ្នងផ្ទះមួយចំនួនគេតែងនាំគ្នារៀបចំទុកដាក់សំរាមរងចាំឲ្យរថយន្តប្រមូលសំរាមមកដឹក។ខុសប្លែកពីមនុស្សមួយចំនួនតូចច្រើនយកសំរាមចេញពីផ្ទះទៅបោះចូលទន្លេឬក្រោមស្ពានជាដើម។ជាក់ស្តែងដូចរូបភាពខាងលើនេះ៕

អត្ថបទ៖ នរា

The post គំនរសំរាមក្រោម​ស្ពាន​ច្បារអំពៅ កើតឡើង​ដដែលជា​ដដែល appeared first on Kampuchea Thmey Daily.

កិច្ចប្រជុំ​ពង្រឹង​កិច្ចសហប្រតិបត្តិការ​ជាមួយគ្នានេះ​ បាន​ធ្វើ​ឡើង​នៅ​រសៀល​ថ្ងៃទី​៨ ខែធ្នូ ឆ្នាំ​២០២២ នៅ​សាលប្រជុំ​សាលាខណ្ឌ​ច្បារអំពៅ ក្រោម​អធិបតីភាព លោក ចេង មុនី​រ៉ា អភិបាលខណ្ឌ​ច្បារអំពៅ​និង​ជា​ប្រធាន​គណៈបញ្ជាការ​ឯកភាព​រដ្ឋបាល​ខណ្ឌ , លោក​ឡូ​វ សុខសាន្ត អភិបាលស្រុក​កៀនស្វាយ​និង​ជា​ប្រធាន​គណៈបញ្ជាការ​ឯកភាព​ស្រុក ព្រមទាំង​មានការ​ចូលរួម​ពី​លោក​-​លោកស្រី ជា​អភិបាលរងខណ្ឌ​-​ស្រុក , លោក​អធិការ​នគរបាល​ទាំងពីរ , លោក​មេបញ្ជាការ​កងរាជអាវុធហត្ថ​ទាំងពីរ , លោក​ប្រធានការិយាល័យ​ភូមិបាល​ខណ្ឌ​-​ស្រុក , លោកនាយ​ប៉ុស្តិ៍​នគរបាល​រដ្ឋបាល​ដែលមាន​ព្រំប្រទល់​ឃុំ​-​សង្កាត់​ជាប់​គ្នា , លោក​-​លោកស្រី ជា​មេឃុំ​-​ចៅសង្កាត់ និង​មន្ត្រី​ពាក់ព័ន្ធ​ជាច្រើនរូប​ទៀត។

លទ្ធផល​នៃ​កិច្ចប្រជុំ​គឺ ១-​រួមគ្នា​ពង្រឹង​កិច្ចសហប្រតិបត្តិការ​ចែក​រំលែក​ព័ត៌មាន​និង​បទពិសោធន៍​គ្នា​ទៅវិញទៅមក និង​ពង្រឹង​ការអនុវត្ត​ឲ្យ​ឲ្យ​មាន​ប្រសិទ្ធភាព​នូវ​គោលនយោបាយ ភូមិ​-​ឃុំ សង្កាត់​មាន​សុវត្ថិភាព សំដៅ​ធ្វើយ៉ាងណា ផ្តល់នូវ​ភាពកក់ក្តៅ​ដល់​ការរស់នៅ​របស់​ប្រជាពលរដ្ឋ​និង​រក្សាបាន​នូវ​សន្តិសុខ​ក្នុង​មូលដ្ឋាន​ឲ្យ​បានល្អ​ប្រសើរ ។

២-​កំណត់​ការជួបប្រជុំ​រវាង​រដ្ឋ​បាល​ខណ្ឌ​ច្បារអំពៅ និង​រដ្ឋបាល​ស្រុក​កៀនស្វាយ រៀងរាល់​១​ត្រីមាស​ម្តង និង​អាច​ជួបប្រជុំ​តាម​ការចាំបាច់​បន្ទាន់​លើ​ស្ថានភាព​ជាក់ស្តែង​នៃ​សភាពការណ៍​ក្នុង​មូលដ្ឋាន​។​

៣-​ប្រគល់​ការងារ​ជូន​ការិយាល័យ​ភូមិបាល​ខណ្ឌ​ច្បារអំពៅ និង​ការិយាល័យ​ភូមិបាល​ស្រុ​កៀនស្វាយ សិក្សា​លម្អិត​ព្រំប្រទល់​រដ្ឋបាល​រវាង​ខណ្ឌ​ច្បារអំពៅ និង​ស្រុក​កៀនស្វាយ​ឲ្យ​បានច្បាស់លាស់ ដើម្បី​លើក​ផ្លាក​សម្គាល់​ព្រំប្រទល់​រដ្ឋបាល​រវាង​រាជធានី​ភ្នំពេញ និង​ខេត្តកណ្ដាល៕

ដោយ ៖ ន​រា

The post គណៈបញ្ជាការ​ឯកភាព​រដ្ឋបាល​ខណ្ឌ​ច្បារអំពៅ និង​ស្រុក​កៀនស្វាយ​ចាប់ដៃគ្នា​អនុវត្ត​គោលនយោបាយ ភូមិ សង្កាត់ មាន​សុវត្ថិភាព ឲ្យ​មាន​ប្រសិទ្ធភាព​ appeared first on Kampuchea Thmey Daily.

លោក យ៉ិន វុធ ចៅសង្កាត់ច្បារអំពៅទី ២ បានប្រាប់ភ្នាក់ងារកម្ពុជាថ្មី ខណៈពេលដែលលោកកំពុងដឹកនាំកម្លាំង ចុះទៅប្រមូលសំរាមតាមមាត់ច្រាំងទន្លេបាសាក់ថា លោកហួសចិត្តនឹងសកម្មភាពរបស់ប្រជាពលរដ្ឋមួយចំនួន ដែលរស់នៅតាមមាត់ច្រាំងទន្លេមិនចូលរួមថែរក្សាបរិស្ថានទេ ដោយពួកគាត់នៅបន្តយកសំរាមបោះចូលទៅក្នុងទន្លេ និងច្រាំងទន្លេ។ ក្នុងនោះលោកចៅសង្កាត់ តែងតែជូនដំណឹងដល់ប្រជាពលរដ្ឋ ឲ្យបញ្ឈប់ការយកសំរាមបោះចូលទៅក្នុងទន្លេទៀត ព្រោះធ្វើឲ្យប៉ះពាល់ដល់សោភ័ណ្ឌភាព អនាម័យ និងបរិស្ថាន។

លោក យ៉ិន វុធ លើកឡើងថា ប្រជាពលរដ្ឋមួយចំនួន មិនស្តាប់តាមការណែនាំរបស់អាជ្ញាធរឡើយ បើទោះបីរថយន្តដឹកសំរាមបើកទៅប្រមូលដល់មុខផ្ទះពួកគាត់ ក៏ពួកគាត់មិនព្រមយកស្បោងច្រកសំរាមទៅដាក់ក្នុងរថយន្តប្រមូលសំរាមនោះដែរ។ ពួកគាត់មួយចំនួន សុខចិត្តច្រកសំរាមបោះចូលទន្លេទៅវិញ។ ដូច្នេះ ក្នុងនាមជាអាជ្ញាធរមូលដ្ឋាន លោកចៅសង្កាត់ស្នើសុំប្រជាពលរដ្ឋ នាំគ្នាចូលរួមថែរក្សាអនាម័យបរិស្ថានក្នុងមូលដ្ឋានឲ្យល្អស្អាត ដើម្បីឲ្យស័ក្ដិសមជាអ្នករស់នៅក្នុងរាជធានីភ្នំពេញ ផង។

នៅថ្ងៃទី ១៨ ខែវិច្ឆិកានេះ មន្ត្រីអាជ្ញាធរខណ្ឌច្បារអំពៅ អាជ្ញាធរសង្កាត់ច្បារអំពៅទី ២ បានសហការជាមួយអង្គការទីក្រុងស្អាត បានរួមគ្នាប្រមូលសំរាមតាមមាត់ច្រាំង និងក្នុងទន្លេ ដែលប្រជាពលរដ្ឋបោះចូលទៅក្នុងទន្លេបាសាក់ ចាប់ពីព្រំប្រទល់កោះនរា រហូតដល់គល់ស្ពានព្រះមុនីវង្សចាស់ ក្នុងសង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ៕

អត្ថបទ៖ នរា

The post អាជ្ញាធរសង្កាត់ច្បារអំពៅទី ២ ហួសចិត្តដែលពលរដ្ឋមួយចំនួន បន្តយកសំរាមបោះចោលទៅក្នុងទន្លេ appeared first on Kampuchea Thmey Daily.

លោកអភិបាលខណ្ឌក៏ពាវនាវដល់ម្ចាស់អាជីវកម្មកុំធ្វើអ្វីប៉ះពាល់ដល់អ្នកជិតខាង រំខានដល់ការរស់នៅរបស់អ្នកជិតខាង ដូចជាការបង្កសំឡេងឮខ្លាំងៗ ឬការបង្កក្លិនស្អុយ។

គោលការផេ្សងទៀតដូជា ម្ចាស់អាជីវកម្ម មិនត្រូវទិញគ្រឿងយុទ្ធភ័ណ្ឌមិនទាន់ផ្ទុះគ្រប់ប្រភេទ ប៉ុន្តែត្រូវរាយការណ៍​មកអាជ្ញាធរមូលដ្ឋាន ដើម្បីប្រគល់ជូនសុីម៉ាក់។ ហើយរាល់ការដឹកជញ្ជូនមិនត្រូវដឹកសំពីងសំពោងឡើយ។ ចំពោះអ្នកបើកបរត្រូវមានប័ណ្ណបើកបរត្រឹមត្រូវ បើកបរដោយមានសីលធម៌។

លោកអភិបាលខណ្ឌបានបញ្ជាក់ថា ម្ចាស់អាជីវកម្មត្រូវអប់រំណែនាំបុគ្គលិក និងកម្មកររបស់ខ្លួន មិនឲ្យមានជាប់ពាក់ព័ន្ធជាមួយគ្រឿងញៀនឡើយ និងមិនឲ្យប្រព្រឹត្តល្បែងសុីសងគ្រប់ប្រភេទ។

ចំពោះមូលដ្ឋានអាជីវកម្ម ដែលពុំទាន់មានលិខិតអនុញ្ញាត ត្រូវស្នើសុំលិខិតអនុញ្ញាតប្រកបអាជីវកម្មឲ្យស្របតាមច្បាប់និងលិខិតបទដ្ឋានគតិយុត្តដែលមានជាធរមាន។

រដ្ឋបាលខណ្ឌទុករយៈពេល១០ថ្ងៃ គិតចាប់ពីថ្ងៃប្រជុំណែនាំនេះតទៅដើម្បីឲ្យបងប្អូន​ម្ចាស់អាជីវកម្ម ដាក់ពាក្យស្នើសុំលិខិតអនុញ្ញាតប្រកបអាជីវកម្ម៕

អត្ថបទ៖ នរា

The post អាជ្ញាធរខណ្ឌច្បារអំពៅ​ណែនាំម្ចាស់​អាជីវកម្មទិញ-លក់អេតចាយគ្រប់ប្រភេទឲ្យមានសណ្ដាប់ធ្នាប់ appeared first on Kampuchea Thmey Daily.

ថ្លែងនៅក្នុងទិវាជាតិបរិស្ថាននេះដែរលោក ចេង មុនីរ៉ា អភិបាលខណ្ឌ មានប្រសាសន៍ថា ការរៀបចំ និងការចូលរួម ទិវាដ៏មានសារៈសំខាន់នាឱកាសនេះ ជាការឆ្លុះបញ្ចាំងឲ្យឃើញពីកិច្ចខិតខំប្រឹងប្រែងរួមគ្នា និងការចូលរួមចំណែកក្នុងបុព្វហេតុបរិស្ថានវានឹងក្លាយជា ចលករដែលជំរុញឲ្យមានការ ផ្ដើមធ្វើសកម្មភាព មេត្រីបរិស្ថានរួមចំណែកឲ្យភពផែនដីយើងស្អាតបៃតងនិងស្រស់បំព្រងប្រកប ដោយសុខភាពនិងសុខុមាលភាពសម្រាប់មនុស្សគ្រប់រូប។

គោលបំណងនៃការរៀបចំទិវាជាតិ បរិស្ថាននេះឡើងគឺ៖

ទី១-នៅទីសាធារណៈ រដ្ឋបាលខណ្ឌ និងសង្កាត់ ត្រូវចាត់វិធានការ ធ្វើអនាម័យនៅតាមទីសាធារណៈ ជាប់ជាប្រចាំដោយ​ត្រូវសម្អាតនិងប្រមូលសំរាមមិនឲ្យមាន នៅតាមដងផ្លូវច្រាំងទន្លេសួនច្បារទីផ្សារនិងរៀបចំដាំកូនឈើបន្ថែមតាមដងផ្លូវក្នុងមូលដ្ឋានរបស់ខ្លួន។

ទី២-គ្រប់គ្រឹះស្ថានសាធារណៈសាលារៀន វត្តអារាម មន្ទីរពេទ្យ សូមចាត់ ចែងធ្វើអនាម័យសម្អាតទាំងក្នុងនិងក្រៅបរិវេណអង្គភាព ខ្លួន ដោយត្រូវប្រមូលទុកដាក់សំរាម កាកសំណល់រឹងឲ្យបានត្រឹមត្រូវស្របតាមគោលការណ៍ 4Rs សំដៅធានាបរិយាកាសការងារល្អនិងសោភ័ណភាព។

ទី៣-រោងចក្រ សហគ្រាស សិប្បកម្មអាជីវកម្ម ត្រូវធ្វើអនាម័យសម្អាតទាំងក្នុងនិងជុំវិញទីតាំងរបស់ខ្លួន និងត្រូវ អប់រំផ្សព្វផ្សាយដល់បុគ្គលិក កម្មករ អ្នកលក់ចំណីអាហារ និងអ្នកដឹកជញ្ជូនអំពីការគ្រប់គ្រងសំរាមនិងកាកសំណល់រឹង ឲ្យបានត្រឹមត្រូវ។

ទី៤-រមណីយដ្ឋាន មណ្ឌលកម្សាន្តភោជនីយដ្ឋាន និងអាហារដ្ឋាន ត្រូវធ្វើអនាម័យបរិស្ថានជាប់ជាប្រចាំដើម្បីធានាសោភ័ណភាព ផាសុកភាព និងភាពមនោរម្យ ក្នុងការផ្តល់សេវាកម្មសម្រាក លម្ហែនិងទេសចរណ៍ ដោយត្រូវប្រមូលទុកដាក់សំរាម សំណល់រឹងឲ្យបានរៀបរយ ដាក់ធុងសំរាមឲ្យបានគ្រប់គ្រាន់និងដឹកជញ្ជូនចេញឲ្យទាន់ពេលវេលា។

ទី៥-លំនៅឋាន អាជ្ញាធរមូលដ្ឋាន ភូមិ សង្កាត់ ត្រូវណែនាំដល់ប្រជាពលរដ្ឋឲ្យធ្វើអនាម័យបរិស្ថាននៅតាម លំនៅឋាន ហ្នឹងតាមពីតាំងកម្មសិទ្ធិរបស់ខ្លួន ដោយត្រូវសម្អាតប្រមូលទុកដាក់សំរាម សំណល់រឹង ឲ្យបានសមស្របតាមស្ថានភាពជាក់ស្តែង នៃមូលដ្ឋាននីមួយៗ និងស្របតាមសេចក្ដីណែនាំរបស់រដ្ឋបាល រាជធានីភ្នំពេញក្នុងទិសដៅធានាឲ្យបាន នូវគុណភាពបរិស្ថាន សោភ័ណភាព និងអនាម័យ។

លោកអភិបាលខណ្ឌបានសង្កត់ធ្ងន់ថា ការងារបរិស្ថាន ជាកិច្ចការងារដែលត្រូវបានពិភពលោកកំពុងតែយកចិត្តទុកដាក់យ៉ាងខ្លាំងហើយតម្រូវឲ្យគ្រប់ភាគីទាំងអស់ទាំងក្របខ័ណ្ឌសង្គមជាតិ តំបន់ និងពិភពលោក ចូលរួម ពង្រឹងប្រសិទ្ធភាពការងារ គ្រប់គ្រងបរិស្ថាន និងធនធានធម្មជាតិ ដោយខិតខំរិះរកវិធានការនិងដំណោះស្រាយឲ្យបានសមស្រប ដើម្បីរក្សាបាននូវសុវត្ថិភាពនៃភពផែនដី វឌ្ឍនភាពសង្គម និងការរស់នៅដោយចីរភាព។

ដោយឡែក ក្រសួងបរិស្ថានក៏បាន ចេញសារាចរណែនាំដល់បណ្ដាមន្ទីរស្ថាប័ននិងអង្គភាពព្រមទាំងអ្នកពាក់ព័ន្ធទាំងអស់ចូលរួមបញ្ឈប់ការបោះសំរាមនិងកាក សំណល់គ្រប់ប្រភេទ ពាសវាលពាសកាល ដោយទាមទារឲ្យមានការ បែងចែកនិងវេចខ្ចប់សំរាមឲ្យបានត្រឹមត្រូវតាមលក្ខណៈបច្ចេកទេស។ មិនតែប៉ុណ្ណោះក៏បានដាក់ចេញនូវវិធានការ ផាកពិន័យយ៉ាងធ្ងន់ធ្ងរផងដែរដល់ជនទាំងឡាយណាដែលបន្តបោះចោលសំរាមដោយគ្មានសណ្តាប់ធ្នាប់លើទីសាធារណៈ។

នៅចុងបញ្ចប់លោកអភិបាលបានស្នើសុំដល់លោក-លោកស្រី មន្ត្រីរាជការព្រមទាំងសមាជិក សមាជិកា នៃអង្គពិធីទាំងមូលសូមចូលរួមបោសសម្អាតអនាម័យបរិស្ថានគ្រប់ទីកន្លែងដើម្បីឲ្យប្រទេសកម្ពុជានិងពិភពលោកកាន់តែ ស្រស់ស្អាតកាត់បន្ថយការប្រើប្រាស់ថង់ប្លាស្ទិកនិងការគ្រប់គ្រងកាកសំណល់ឱ្យបានត្រឹមត្រូវ៕

​អត្ថបទ៖ នរា

The post អាជ្ញាធរខណ្ឌច្បារអំពៅ​ប្រារព្ធទិវាជាតិបរិស្ថាន​ក្រោមប្រធានបទ​មាតុភូមិយើងស្អាត​និងបៃតង appeared first on Kampuchea Thmey Daily.

តាមប្រភពពីលោក គុយ គឹមហ៊ាង ប្រធានការិយាល័យសាធារណការសាលាខណ្ឌច្បារអំពៅ បានប្រាប់ កម្ពុជាថ្មី នៅព្រឹកថ្ងៃទី៣១ ខែតុលា នេះថា មូលហេតុដែលអាជ្ញាធរចាប់ឃាត់រថយន្តតាក់សុីទាំង៣គ្រឿងយកមករក្សាទុកនៅសាលាខណ្ឌនេះ គឺដោយសារតែអ្នកបើកបរឈប់ចាប់ម៉ូយនៅតាមបណ្តោយផ្លូវជាតិលេខ១ ពិសេសនៅតាមភ្លើងស្តុបធ្វើឲ្យប៉ះពាល់ដល់ការធ្វើចរាចរណ៍ដល់អ្នកដំណើ។

លោក គុយ គឹមហ៊ាង បានបន្តថា កន្លងមកសាលាខណ្ឌបានធ្វើការជូនដំណឹងដល់អ្នកបើកបររថយន្តតាក់ឲ្យគោរពតាមការជូនដំណឹងដែលសំណូមពរដល់រថយន្តតាក់សុីត្រូវឈប់ដាក់ម៉ូយតាមបេនចៀសវាងរត់ប្រសេចប្រសាចតាមដងផ្លូវហើយប្រឈមមុខនឹងគ្រោះថ្នាក់ដល់អ្នកដំណើទៀតផង។ ចំពោះរថយន្តដែលរឹងទទឹងមិនគោរពតាមការណែនាំត្រូវចាប់ឃាត់ទុកនៅសាលាខណ្ឌច្បារអំពៅ ចំនួន៧ថ្ងៃបន្ទាប់ពីកោះអញ្ជើញអ្នកបើកបរឲ្យមកធ្វើកិច្ចសន្យាស្ថិតនៅចំពោះមុខអាជ្ញាធរមុនពេលយករថយន្តចេញទៅប្រកបអាជីវកម្ម។

ទាក់ទងករណីចុះឃាត់រថយន្តតាក់សុីខាងលើនេះ បងប្អូនអ្នកធ្វើដំណើសំណូមពរដល់អាជ្ញាធរខណ្ឌមានជ័យសូមចុះណែនាំដល់រថយន្តតាក់សុីដែលឈប់ចាប់ម៉ូយនៅក្រោមស្ពានអាកាសក្បាលថ្នល់ផង ព្រោះប្រឈមនឹងគ្រោះពេលអ្នកចាប់ម៉ូយរត់ដេញតាមអ្នកជិះម៉ូតូ ងាយនឹងធ្លាក់ពីលើម៉ូតូគ្រោះថ្នាក់ជាយថាហេតុ៕

អត្ថបទ៖ នរា

The post អាជ្ញាធរខណ្ឌច្បារអំពៅ ចាប់រថយន្តតាក់​សុី៣​គ្រឿង​ដែលបង្កភាពអនាធិបតេយ្យលើដងផ្លូវ appeared first on Kampuchea Thmey Daily.