ការណែនាំរបស់លោក សុខ លូ អភិបាលខេត្តបាត់ដំបង ក្នុងឱកាសអញ្ជើញដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្តបាត់ដំបងប្រចាំខែមេសា ដែលកិច្ចប្រជុំនេះធ្វើឡើងនៅសាលប្រជុំសាលាខេត្តបាត់ដំបង នៅថ្ងៃទី១២ ខែឧសភា ឆ្នាំ២០២៦ ដោយមានការអញ្ជើញចូលរួមពី​លោកស្រីអនុប្រធានសាលាដំបូងខេត្ត ព្រះរាជអាជ្ញារងនៃអយ្យការអម សាលាដំបូងខេត្ត លោកអភិបាលរង នៃគណៈអភិបាលខេត្ត លោកនាយករដ្ឋបាលសាលាខេត្ត លោក លោកស្រីប្រធាន អនុប្រធានមន្ទីរ អង្គភាពជុំវិញខេត្ត កងកម្លាំងទាំង៣ប្រភេទ លោក លោកស្រី អភិបាលក្រុង-ស្រុកទាំង១៤ និងអ្នកពាក់ព័ន្ធផ្សេងទៀត។

ក្នុងនោះដោយសាររដូវវស្សាខិតជិតចូលមកដល់ លោកអភិបាលខេត្ត បានជំរុញឱ្យអាជ្ញាធរ មន្ត្រីជំនាញ និងកងកម្លាំងត្រូវពង្រឹងបង្រ្កាបទប់ស្កាត់ បទល្មើសនេសាទខុសច្បាប់ និងបទល្មើសធនធានធម្មជាតិផ្សេងៗ ដើម្បីរួមគ្នាថែរក្សាការពារធនធានធម្មជា។ លោកបានណែនាំដល់សមត្ថកិច្ច និងមន្ទីរសាធារណការ និងដឹកជញ្ជូនខេត្ត​ឱ្យបន្តទប់ស្កាត់ និងបង្ក្រាបការចរាចរណ៍រថយន្តកែច្នៃខុសបច្ចេកទេស រថយន្តដឹកលើសចំណុះ ដែលអាចបង្កគ្រោះថ្នាក់ចរាចរណ៍​និង​ភាព​អនាធិបតេយ្យ​តាមដងផ្លូវសាធារណៈ។

ពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា(Scam Online) លោកអភិបាលខេត្ត ក្រើនរំលឹកដល់អាជ្ញាធរ និងកងកម្លាំងត្រូវបន្តតាមដានឱ្យបានដិតដល់កុំឱ្យមានករណីស្គែមអនឡាញកើតឡើងនៅតាមមូលដ្ឋានរបស់ខ្លួន។ លោកក៏បានបន្តណែនាំឱ្យគ្រប់ភាគីពាក់ព័ន្ធចុះត្រួតពិនិត្យតាមទីតាំងប្រមូលផ្តុំ ជាពិសេសផ្ទះសំណាក់ សណ្ឋាគារ និងទីតាំងសង្យ័យផ្សេងៗ ដើម្បីសំដៅដល់ការទប់ស្កាត់បទល្មើសឆបោកតាមបច្ចេកវិទ្យា(Scam Online) ឱ្យមានប្រសិទ្ធភាពខ្ពស់៕

The post អភិបាលខេត្តបាត់ដំបង ណែនាំដល់អាជ្ញាធរពាក់ព័ន្ធទាំងត្រូវពង្រឹងការទប់ស្កាត់បទល្មើសឆ្លងដែន និងបទល្មើស​គ្រប់​ប្រភេទ​ឱ្យ​មាន​ប្រសិទ្ធភាព​បំផុត​ appeared first on Kampuchea Thmey Daily.

ក្នុងលោក សុខ លូ បានណែនាំដល់អាជ្ញាធរ និងកងកម្លាំងមានសមត្ថកិច្ចពាក់ព័ន្ធទាំងអស់ ត្រូវបន្តខិតខំយកចិត្តទុកដាក់ក្នុងការការពារ និងត្រួតពិនិត្យឱ្យបានហ្មត់ចត់នៅតាមទីតាំងអគារសង្ស័យពាក់ព័ន្ធបទល្មើសស្គែមអនឡាញដែលបានបិទសៀលកន្លងមក និងហាមដាច់ខាតមិនឱ្យអ្នកដែលគ្មានភារកិច្ចចូល ថែរក្សាវត្ថុតាង និងសម្ភារនានាកុំឱ្យបាត់បង់ ដើម្បីទុកចាត់ចែងទៅតាមនីតិវិធីច្បាប់បន្តទៀត។

លោកអភិបាលខេត្តបានអំពាវនាវដល់ប្រជាពលរដ្ឋទាំងអស់សូមមានការប្រុងប្រយ័ត្នខ្ពស់ចំពោះការជួលអគារ ផ្ទះ និងទីកន្លែងស្នាក់នៅផ្សេងៗទៅឱ្យជនបរទេស ជាពិសេសត្រូវពិនិត្យឯកសារធ្វើកិច្ចសន្យាឱ្យបានត្រឹមត្រូវមុនពេលជួលឱ្យ ចៀសវាងមានការជាប់ពាក់ព័ន្ធនឹងបទល្មើសស្គែមអនឡាញ និងត្រូវសង្កេតចាប់អារម្មណ៍ចំពោះអ្នកស្នាក់នៅជាក្រុម មានភ្ជាប់អ៊ីនធើណិតទំហំធំៗគួរឱ្យសង្ស័យសូមបងប្អូនប្រជាពលរដ្ឋចូលរួមសហការផ្ដល់ព័ត៌មានមកកាន់សមត្ថកិច្ចជាបន្ទាន់ដើម្បីមានវិធានការចុះត្រួតពិនិត្យ និងបង្ក្រាបបានទាន់ពេលវេលា។

សូមជម្រាបថា អនុវត្តន៍តាមបទបញ្ជាដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា យុទ្ធនាការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យានៅក្នុងមូលដ្ឋានខេត្តបាត់ដំបងត្រូវបានទប់ស្កាត់យ៉ាងមានប្រសិទ្ធភាពបំផុត ខណៈរដ្ឋបាលខេត្តបានបង្កើនវិធានការរដ្ឋបាលលើទីតាំងប្រមូលផ្ដុំជនបរទេសដែលជាមុខសញ្ញាឱ្យកាន់តែខ្លាំងក្លាបន្ថែមទៀតសំដៅទប់ស្កាត់ឱ្យនូវមុខសញ្ញាប្រព្រឹត្តដំណើរការឆបោកតាមប្រព័ន្ធអនឡាញ។

សូមបញ្ជាក់ថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកការឆបោកតាមប្រព័ន្ធបច្ចេកវិទ្យា គឺជាបញ្ហាតំបន់ និងសកលដែលមានលក្ខណៈស្មុគស្មាញ និងប្រទាក់ក្រឡាគ្នាហើយកម្ពុជាជាអ្នករងគ្រោះ និងត្រូវខូចឈ្មោះលើឆាកអន្តរជាតិ ដូច្នេះយុទ្ធនាការបង្រ្កាបការឆបោកតាមប្រព័ន្ធបច្ចេកវិទ្យាគឺជាឆន្ទៈពិតប្រាកដរបស់រាជរដ្ឋាភិបាលក្នុងការបោសសម្អាតផ្ទះរបស់ខ្លួនឱ្យបានស្អាតពីព្រោះបញ្ហានេះបានប៉ះពាល់ដល់មុខមាត់ប្រទេសជាតិ និងសេដ្ឋកិច្ចសង្គមកម្ពុជា។រាជរដ្ឋាភិបាលកម្ពុជា បានបង្ហាញឆន្ទៈយ៉ាងមុតមាំក្នុងការប្រយុទ្ធប្រឆាំង ការឆបោកតាមប្រព័ន្ធបច្ចេកវិទ្យានេះយ៉ាងម៉ឺងម៉ាត់ដោយមិនលើកលែង និងមិនថយក្រោយជាដាច់ខាត៕

The post អភិបាលខេត្តបាត់ដំបង ចុះពិនិត្យទីតាំងអគារសង្ស័យពាក់ព័ន្ធបទល្មើសស្គែមអនឡាញដែលបានបិទកន្លងមក appeared first on Kampuchea Thmey Daily.

ឧបនាយករដ្ឋមន្ត្រី កើត រិទ្ធ ថា ខេត្តបាត់ដំបងត្រូវខិតខំពង្រឹង និងលើកកម្ពស់ការទទួលខុសត្រូវរបស់អាជ្ញាធរ មន្ទីរ អង្គភាពនានា និងកងកម្លាំងមានសមត្ថកិច្ចក្នុងការគ្រប់គ្រង ការពារ និងបន្តថែរក្សាសន្តិសុខ​ សណ្តាប់ធ្នាប់សាធារណៈនៅតាមមូលដ្ឋាន តាមរយៈការជំរុញការអនុវត្តគោលនយោបាយភូមិ ឃុំ សង្កាត់មានសុវត្ថិភាព។

លោកឧបនាយករដ្ឋមន្ត្រី ក៏ណែនាំដល់ថ្នាក់ដឹកនាំ មន្ត្រីរាជការ អាជ្ញាធរមូលដ្ឋាន និងកងកម្លាំងប្រដាប់អាវុធគ្រប់លំដាប់ថ្នាក់ទាំងអស់ជុំវិញខេត្តបាត់ដំបងឱ្យមានការរួមគ្នាបន្តការពារឱ្យបានដាច់ខាតនូវសុខសន្តិភាព ស្ថិរភាពនយោបាយ សន្តិសុខជាតិ ឯករាជ្យ អធិបតេយ្យជាតិ និងបូរណភាពទឹកដី ព្រមទាំងការទប់ស្កាត់និងប្រឆាំងដាច់ខាតមិនឱ្យមានការលូកដៃជ្រៀតជ្រែកក្នុងកិច្ចការផ្ទៃក្នុងរបស់កម្ពុជា។

ដើម្បីជំរុញនូវការអនុវត្តកម្មវិធីនយោបាយ គោលនយោបាយ និងកម្មវិធីកែទម្រង់នានារបស់រាជរដ្ឋាភិបាល ព្រមទាំងដើម្បីដោះស្រាយនូវបញ្ហាប្រឈមនានានៅក្នុងខេត្តបាត់ដំបង លោក កើត រិទ្ធ ក្នុងនាមជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង បានណែនាំលើកិច្ចការសំខាន់ៗមួយចំនួនផងដែរដល់ក្រុមការងាររាជរដ្ឋាភិបាលចុះមូលដ្ឋានក្រុងស្រុកខណ្ឌ និងឃុំសង្កាត់នានានៃខេត្តបាត់ដំបង សំដៅគាំទ្រដល់អាជ្ញាធរខេត្ត។

លោកបានចង្អុលបង្ហាញឱ្យក្រុមការងារត្រូវរួមគ្នាខិតខំផ្សព្វផ្សាយ អប់រំ និងណែនាំដល់អាជ្ញាធរមូលដ្ឋាន និងប្រជាពលរដ្ឋគ្រប់មជ្ឈដ្ឋានឱ្យបន្តជឿជាក់លើការដឹកនាំរបស់រាជរដ្ឋាភិបាល ហើយបន្តពង្រឹងសាមគ្គីភាពជាតិ ក្នុងការដោះស្រាយបញ្ហាព្រំដែនកម្ពុជា-ថៃ។ ម្យ៉ាងខេត្តបាត់ដំបង ក៏រងផលប៉ះពាល់ដោយសង្គ្រាមឈ្លានពានរបស់ថៃផងនោះ លោក បានណែនាំឱ្យមានកិច្ចសហការសម្របសម្រួលជាមួយក្រសួងស្ថាប័នពាក់ព័ន្ធ អាជ្ញាធរមូលដ្ឋាន និងក្រុមការងារចំពោះកិច្ចរៀបចំ និងគ្រប់គ្រងការស្តារជីវភាព និងហេដ្ឋារចនាសម្ព័ន្ធ ដែលខូចខាតពីជម្លោះព្រំដែនកម្ពុជា-ថៃ ដើម្បីចូលរួមគាំទ្រដល់វិធានការចាំបាច់នានា សំដៅធ្វើឱ្យមានប្រក្រតីភាព និងស្តារជីវភាពរស់នៅរបស់ប្រជាជន។

ឧបនាយករដ្ឋមន្ត្រី កើត រិទ្ធ ក៏បានលើកពីបញ្ហាព័ត៌មានក្លែងក្លាយផងដែរ ដោយក្នុងកិច្ចប្រជុំនោះ លោកបានលើកទឹកចិត្តក្រុមការងារចុះមូលដ្ឋានខេត្តបាត់ដំបងត្រូវរួមសហការជាមួយអាជ្ញាធរមូលដ្ឋានខិតខំគ្រប់គ្រងសាធារណមតិ តាមរយៈការបំផុសអប់រំពលរដ្ឋតាមមូលដ្ឋាននីមួយៗរួមគ្នាប្រឆាំងនឹងព័ត៌មានក្លែងក្លាយ និងព័ត៌មានបំភ្លៃការពិតនានាក្នុងសង្គម៕

The post រដ្ឋមន្ត្រីក្រសួងយុត្តិធម៌ជំរុញឱ្យអាជ្ញាធរខេត្តបាត់ដំបងបង្កើនការអនុវត្តភូមិឃុំសង្កាត់មានសុវត្ថិភាព រួមទាំងការបោសសម្អាត Scams appeared first on Kampuchea Thmey Daily.

តាមរយៈសេចក្តីណែនាំ ចុះថ្ងៃទី១០ ខែកុម្ភៈ រដ្ឋបាលខេត្តបាត់ដំបង បានណែនាំដល់បណ្តាគ្រឹះស្ថានសាធារណៈ រោងចក្រ សហគ្រាស ក្រុមហ៊ុន លំនៅដ្ឋាន និងគ្រប់ទីកន្លែង កំសាន្តនានា ត្រូវរក្សានូវសន្តិសុខ សុវត្ថិភាព សណ្ដាប់ធ្នាប់សាធារណៈ និងមានការប្រុងប្រយ័ត្ន ខ្ពស់ក្នុងការអុជធូបទៀន ក្រដាសសែន ភ្លើងចង្ក្រាន ចរន្តអគ្គិសនី ដែលអាចបង្កឱ្យមានគ្រោះថ្នាក់ ជាយថាហេតុ និងហាមមិនឱ្យមានការដុតផាវ កាំជ្រួច ឬបង្កជាសម្លេងរំខាន ព្រមទាំងការលេងល្បែងស៊ីសងគ្រប់រូបភាព។

ការហាមឃាត់នេះ គឺដើម្បីរក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈ ក្នុងខេត្តបាត់ដំបង នាឱកាសបុណ្យចូលឆ្នាំប្រពៃណីចិន និងវៀតណាម ដែលនឹងប្រព្រឹត្តទៅចាប់ពីថ្ងៃទី១៦ ដល់ថ្ងៃទី១៩ ខែកុម្ភៈ ឆ្នាំ២០២៦៕

The post រដ្ឋបាលខេត្តបាត់ដំបង ប្រាប់ឱ្យប្រុងប្រយ័ត្នក្នុងការអុជធូបទៀន ក្រដាសសែន នាឱកាសបុណ្យចូលឆ្នាំចិនខាងមុខ appeared first on Kampuchea Thmey Daily.

ឧបនាយករដ្ឋមន្ត្រី ស សុខា បានណែនាំដល់មន្ត្រីរាជការ កងកម្លាំងប្រដាប់អាវុធ ក៏ដូចជាអាជ្ញាធរពាក់ព័ន្ធគ្រប់លំដាប់ថ្នាក់ក្នុងខេត្តបាត់ដំបងឱ្យបង្កើនប្រសិទ្ធភាពបង្ក្រាប និងទប់ស្កាត់រាល់បទល្មើសគ្រប់ប្រភេទ ជាមួយនឹងការបន្តយកចិត្តទុកដាក់ខ្ពស់លើការអនុវត្ត និងផ្សព្វផ្សាយគោលនយោបាយ ភូមិឃុំសង្កាត់មានសុវត្ថិភាព ឱ្យកាន់តែមានភាពផុសផុល និងសកម្មខ្លាំងក្លាជាងមុនទ្វេដង។

លោក បានលើកឡើងថា អាជ្ញាធរខេត្តបាត់ដំបងត្រូវតែបន្តបង្ក្រាបឱ្យបាននូវរាល់បទល្មើសផ្សេងៗ រួមមាន លួច ឆក់ ប្លន់ ក្មេងទំនើង គ្រឿងញៀន ល្បែងស៊ីសងខុសច្បាប់ កម្ចីអនឡាញ និងបទល្មើសឆបោកតាមប្រព័ន្ធបច្ចេកវិទ្យា (Online Scams) ដែលកើតមាននៅក្នុងមូលដ្ឋានខេត្តបាត់ដំបង។

ពីវេទិកាខាងលើ រដ្ឋមន្ត្រីក្រសួងមហាផ្ទៃ ក៏បានបង្ហាញក្តីបារម្ភចំពោះគ្រោះថ្នាក់ចរាចរណ៍ ដែលកំពុងមានសន្ទុះហក់ឡើងគួរឱ្យកត់សម្គាល់ក្នុងរយៈពេលចុងក្រោយនេះ មិនថាតែក្នុងខេត្តបាត់ដំបងនោះទេ ប៉ុន្តែកំពុងប្រឈមនៅទូទាំងប្រទេស។សម្រាប់លោក ស សុខា បញ្ហានេះបានក្លាយជារឿងដ៏គួរឱ្យព្រួយបារម្ភបំផុតសម្រាប់សន្តិសុខ និងសុវត្ថិភាពសង្គមជាតិដោយត្រូវរឹតបន្តឹងច្បាប់ចរាចរណ៍ផ្លូវគោក ដើម្បីការពារសុខសុវត្ថិភាពជូនប្រជាពលរដ្ឋ។

ប៉ុន្តែលោក សង្កត់ធ្ងន់ថា ការទប់ស្កាត់គ្រោះថ្នាក់ចរាចរណ៍ទាមទារជាចាំបាច់នូវការចូលរួមយ៉ាងសកម្ម និងកិច្ចសហការគ្នាយ៉ាងជិតស្និទ្ធពីគ្រប់ភាគីពាក់ព័ន្ធទាំងអស់ រាប់ចាប់តាំងពីមន្ត្រីអនុវត្តច្បាប់ រហូតដល់ពលរដ្ឋគ្រប់រូបក្នុងនាមជាអ្នកប្រើប្រាស់ផ្លូវថ្នល់៕

The post រដ្ឋមន្ត្រីមហាផ្ទៃចង្អុលឱ្យអាជ្ញាធរខេត្តបាត់ដំបងបន្តបង្ក្រាបបទល្មើសគ្រប់ប្រភេទ រាប់ទាំង Online Scams appeared first on Kampuchea Thmey Daily.

អភិបាលខេត្តបាត់ដំបង លោក សុខ លូ និងជាប្រធានគណៈបញ្ជាការឯកភាពរដ្ឋបាលខេត្ត បានណែនាំឱ្យអាជ្ញាធរពាក់ព័ន្ធគ្រប់ផ្នែកបន្តអនុវត្តគោលនយោបាយភូមិ ឃុំ សង្កាត់មានសុវត្ថិភាព ដោយខិតខំបង្រ្កាបទប់ស្កាត់ការជួញដូរ ការដឹកជញ្ជូន និងការកែច្នៃផលិតគ្រឿងញៀន ដើម្បីលុបបំបាត់បញ្ហាគ្រឿងញៀនពីសហគមន៍ និងភ្ជាប់ជាមួយនឹងការបង្ក្រាបករណីល្បែងស៊ីសង។​

លោកអភិបាលខេត្ត បានគូសបញ្ជាក់ទៅកាន់អភិបាលក្រុង ស្រុក កងកម្លាំងប្រដាប់អាវុធ និងអាជ្ញាធរតាមមូលដ្ឋាននៃរដ្ឋបាលខេត្តបាត់ដំបង ត្រូវបន្តការងាររក្សាសន្តិសុខ និងសណ្ដាប់ធ្នាប់ជូនប្រជាពលរដ្ឋ ក្នុងភូមិសាស្ត្ររបស់ខ្លួនឱ្យបានកាន់តែល្អប្រសើរ។

ដោយបាត់ដំបង ជាខេត្តជាប់ព្រំដែន លោក សុខ លូ ក៏បានណែនាំឱ្យអាជ្ញាធរ និងគ្រប់ភាគីពាក់ព័ន្ធបន្តយកចិត្តទុកដាក់បង្ក្រាបការឆ្លងដែនមនុស្ស និងទំនិញខុសច្បាប់តាមព្រំដែន។ ខណៈការងារត្រៀមបង្ការគ្រោះមហន្តរាយ ដោយសារទឹកជំនន់ ក៏ជាការណែនាំរបស់លោកអភិបាលខេត្តទៅកាន់អាជ្ញាធរជំនាញផងដែរ ដែលត្រូវត្រៀមចាត់វិធានការឆ្លើយតបឱ្យបានទាន់ពេលវេលាក្នុងការជួយសង្គ្រោះប្រជាពលរដ្ឋ និងសង្គ្រោះផលដំណាំរបស់កសិករដែលនឹងរងផលប៉ះពាល់៕

The post អភិបាលខេត្តបាត់ដំបងណែនាំអាជ្ញាធរក្រោមឱវាទពួតដៃគ្នាទប់ស្ដាត់គ្រឿងញៀនពីសហគមន៍ appeared first on Kampuchea Thmey Daily.

ក្នុងស្ថានភាពបែបនេះ ដើម្បីជៀសវាង បាននូវគ្រោះថ្នាក់ផ្សេងៗ ដែលអាចកើតឡើងជាយថាហេតុ រដ្ឋបាលខេត្តបានប្រាប់ឱ្យប្រជាពលរដ្ឋក្នុងខេត្តទាំងអស់ ជាពិសេស ពលរដ្ឋដែលរស់នៅតាមបណ្តោយដងស្ទឹងសង្កែ និងតំបន់ងាយរងគ្រោះ បង្កើនការប្រុងប្រយ័ត្នខ្ពស់ ដោយហាមកូនចៅតូចៗកុំឱ្យចុះលេងទឹក និងត្រៀមរៀបចំទុកដាក់ នូវសម្ភារៈ ឯកសារសំខាន់ៗឱ្យបានត្រឹមត្រូវ និងស្វែងរកទីទួលសុវត្ថិភាពដែលបានកំណត់ដោយអាជ្ញាធរមូលដ្ឋាន ក្នុងករណីទទួលរងនូវការលិចលង់ណាមួយកើតមានឡើង។

ទន្ទឹមនេះដែរ អាជ្ញាធរមូលដ្ឋានគ្រប់លំដាប់ថ្នាក់ ត្រូវយកចិត្តទុកដាក់ក្នុងការត្រៀមរៀបចំផែនការ អន្តរាគមន៍ និងត្រៀមរៀបចំទីទួលសុវត្ថិភាពឱ្យបានសមរម្យ ក្នុងការជម្លៀសប្រជាពលរដ្ឋនៅពេលដែលមាន គ្រោះមហន្តរាយទឹកជំនន់កើតឡើង ព្រមទាំងធ្វើការផ្សព្វផ្សាយ ណែនាំឱ្យប្រជាពលរដ្ឋយកចិត្តទុកដាក់លើបញ្ហាការថែរក្សាសុខភាព អនាម័យ ដើម្បីជឿសវាងបានពីជំងឺឆ្លងផ្សេងៗ៕

The post រដ្ឋបាលខេត្តបាត់ដំបង ប្រាប់ពលរដ្ឋរស់នៅតាមបណ្តោយដងស្ទឹងសង្កែ ង្កើនការប្រុងប្រយ័ត្នខ្ពស់ ខណៈកម្ពស់ទឹកអាចបង្កហានិភ័យ appeared first on Kampuchea Thmey Daily.

ប៉ុន្មានខែចុងក្រោយនេះ រដ្ឋបាលខេត្តបាត់ដំបង បានដាក់កម្លាំងធ្វើការស្ថាបនាលូប្រអប់រំដោះទឹកចេញពីក្រុងបាត់ដំបងផ្នែកខាងលិច ពឹងផ្អែកលើបណ្តាញលូមេ ដែលប្រមូលទឹក ចេញពីតំបន់ផ្លូវលេខ៤ ឆ្ពោះទៅកាន់ប្រឡាយកំពង់សីមា ដោយបច្ចុប្បន្ននេះ មិនទាន់មានប្រព័ន្ធរំដោះទឹក ដែលមានទំហំសមស្រប ទៅតាមបរិមាណទឹកភ្លៀងដែលត្រូវរំដោះនៅឡើយ។

រដ្ឋបាលខេត្ត បានដាក់គម្រោងស្ថាបនាលូប្រអប់បណ្តោយផ្លូវក្រុងលេខ៤០៩ មុខកាត់២មx២មប្រវែង ៩០០ម ស្ថិតក្នុងសង្កាត់ទួលតាឯក ក្រុង បាត់ដំបង ខេត្តបាត់ដំបង ព្រោះវាមានសារៈសំខាន់សម្រាប់រំដោះទឹកចេញ ពីក្រុង ដែលអាចជួយសម្រួលដល់ការរស់នៅប្រចាំថ្ងៃរបស់បងប្អូនប្រជាពលរដ្ឋក្នុងតំបន់នេះ និងលើកសោភ័ណភាពទីក្រុងផងដែរ ។

ប្រជាពលរដ្ឋសង្ឃឹមថានៅឆ្នាំក្រោយៗជំនន់ទឹកភ្លៀង អាចមិនមានទៀតឡើយដោយសារតែក្រុងបាត់ដំបងបានស្ថាបនាប្រព័ន្ធលូប្រអប់ប្រឡាយមេបែបនេះ ដែលក្រៅពីនេះនៅក្នុងក្រុងបាត់ដំបងទាំងមូល។ក៏កំពុងស្ថាបនាបង្កប់លូដើម្បីប្រមូលប្រព័ន្ធទឹកកខ្វក់ ចេញពីក្រុងផងដែរ ដោយទិសដៅមានពីរកន្លែងបែកខាងកើតស្ទឹងគឺហូរធ្លាក់ទៅស្ថានីយ៍ខាងក្រោយផ្សារអន្លង់វិល និងបែកខាងលិចស្ទឹងទៅហូរធ្លាក់ទៅស្ថានីយ៍សាវ៉ា ក្នុងសង្កាត់ជ្រៃកោង ហើយបន្តធ្លាក់ទៅស្រុកឯកភ្នំ ៕

អត្ថបទ៖ សោ និយមរ័ត្ន

The post រដ្ឋបាលខេត្តបាត់ដំបង កំពុងធ្វើប្រឡាយមេ ជិត ១ពាន់ម៉ែត្រ ដើម្បីរំដោះទឹកចេញពីក្រុង appeared first on Kampuchea Thmey Daily.