ដោយរដ្ឋបាលខេត្តបានធ្វើការកែសម្រួលរូបសំណាក នៅរង្វង់មូលមុខវិទ្យាល័យសម្តេចឪ (មុខគ្រុឌ)ផ្លូវទៅព្រលានយន្តហោះអន្តរជាតិសៀមរាបចាស់ ដោយបានរៀបចំក្រុងពលីបួងសួង សុំយាងព្រះបាទជ័យវរ្ម័នទី៧ ពីចំណុចរង្វង់មូលមុខវិទ្យាល័យសម្តេចឪ (មុខគ្រុឌ) យាងព្រះអង្គទៅគង់នៅ វត្តរាជបូណ៌ ហើយនឹងរៀបចំយករូបសំណាកព្រះវិស្ណុគង់លើគ្រុឌ (ដែលជារូបដើម) មកដាក់នៅទីតាំងដើមវិញ។ ជាមួយនេះ ក៏មានការរៀបចំពិធីបួងសួងសុំសេចក្តីសុខសប្បាយជូនប្រជាពលរដ្ឋក្នុងខេត្តសៀមរាប ក៏ដូចជាប្រជាពលរដ្ឋទូទាំងប្រទេសកម្ពុជាផងដែរ។

សូមបញ្ជាក់ថា រូបសំណាកព្រះវិស្ណុគង់លើគ្រុឌនេះ គឺជារូបសំណាក់ដែលមានអត្តសញ្ញាណ និងទាក់ទងជិតស្និទ្ធជាមួយប្រវត្តិសាស្ត្រ វប្បធម៌ និងទេសចរណ៍របស់ខេត្តសៀមរាប ដូច្នេះការយាងត្រឡប់ទៅកន្លែងដើមវិញ គឺមានន័យសំខាន់ក្នុងការរក្សាភាពត្រឹមត្រូវនៃទីតាំងប្រវត្តិសាស្ត្រ និងអត្ថន័យសិល្បៈ។

ការដែលរដ្ឋបាលខេត្តសៀមរាប យាងរូបសំណាក់ព្រះវិស្ណុគង់លើខ្នងគ្រុឌត្រឡប់មកវិញ គឺជាការអនុវត្តតាមគោលការណ៍ថែរក្សា និងគោរពតម្លៃដើមនៃសម្បត្តិវប្បធម៌ និងសិល្បៈជាតិ និងតាមការស្នើសុំពីប្រជាពលរដ្ឋនៅក្នុងខេត្តសៀមរាប ដែលមានជំនឿទៅលើរូបសំណាកព្រះវិស្ណុគង់លើគ្រុឌនេះផងដែរ។

ជាពិសេសទីតាំងរង្វង់មូលផ្លូវជាតិលេខ៦(រង្វង់មូលមុខគ្រុឌ)នេះ គឺជាច្រកចូលសំខាន់មួយសម្រាប់ភ្ញៀវទេសចរណ៍ មុនចូលទៅកាន់តំបន់អង្គរ និងទីក្រុងសៀមរាប។ ដូច្នេះ រូបសំណាក់ព្រះវិស្ណុគង់លើខ្នងគ្រុឌ ត្រូវបានយកទៅដាក់វិញ ដើម្បីបន្តបម្រើជាសញ្ញាសម្គាល់វប្បធម៌ និងជាទេសភាពទាក់ទាញភ្ញៀវជាតិ និងអន្តរជាតិ។

ប្រជាពលរដ្ឋនៅក្នុងខេត្តសៀមរាប យ៉ាងច្រើនកុះករបានឈរអមសងខាងផ្លូវដើម្បីទទួលរូបសំណាកព្រះវិស្ណុគង់លើគ្រុឌមកគង់នៅកន្លែងដើមវិញ  ដោយពួកគាត់បានបង្ហាញពីការគ្រាំទ្រ និងសប្បាយចិត្តជាខ្លាំង ព្រោះពួកគាត់ចង់បានរូបសំណាកព្រះវិស្ណុគង់លើគ្រុឌ ឱ្យគង់កន្លែងដើមនេះវិញ ជាយូមកហើយ ដោយពួកគាត់មានជំនឿថា កាលរូបសំណាកព្រះវិស្ណុគងលើគ្រុឌគង់នៅទីតាំងដើមនេះ គឺប្រជាពលរដ្ឋតែងតែជួបនូវសេចក្តីសុខច្រើនរហូតមក៕

ដោយ ៖ជុន កុសល

The post រូបសំណាកព្រះវិស្ណុគង់លើគ្រុឌ ត្រូវបានរដ្ឋបាលខេត្តសៀមរាប យាងមកគង់នៅទីតាំងចាស់វិញហើយ appeared first on Kampuchea Thmey Daily.

បើតាមតំណាងក្រុមការងារបានបង្ហាញថា កិច្ចប្រជុំនាពេលនេះ ផ្ដោតសំខាន់លើគម្រោងសាកល្បងនៅតំបន់ផាប់ស្ទ្រីត និងតាមដងស្ទឹងសៀមរាប ដើម្បីជំរុញឱ្យភ្ញៀវទេសចរដើរកម្សាន្តលើសពីតំបន់ផាប់ស្ទ្រីត បង្កើនភាពទាក់ទាញនៅតំបន់ជុំវិញ ជាពិសេសដងស្ទឹងសៀមរាប ដែលជាទីតាំងគម្រោងសាកល្បង។ គម្រោងនេះ ជាការពង្រីកភាពរស់រវើក នៃតំបន់ផាប់ស្ទ្រីត ជំរុញការដើរកម្សាន្តក្នុងក្រុងឱ្យកាន់តែទូលំទូលាយជាងមុន និងគាំទ្រដល់ការស្នាក់នៅថែមមួយទៀត។ ជារួមសកម្មភាពនីមួយៗ ធ្វើឡើងដោយកិច្ចការរួមគ្នា ដែលផ្សំដោយការដោះស្រាយឆ្លាតវៃ និងគំនិតផ្ដួចផ្ដើមមិនឌីជីថល និងមានសង្គតិភាពជាមួយនឹងកិច្ចខិតខំប្រឹងប្រែង នៃខេត្តសៀមរាប។

ក្រៅពីនោះ សម្រាប់កាលវិភាគអនុវត្តសកម្មភាពបណ្ដោះអាសន្ន មានគម្រោងសាកល្បងចំនួន ៨ ហើយពេលវេលាដំណើរការដេញថ្លៃ នឹងធ្វើឡើងខុសៗ គ្នា សម្រាប់សាកល្បងនីមួយៗ រួមមាន ៖ ការតាមដានលំហូរមនុស្ស , ការផ្សព្វផ្សាយកិត្តិនាមតាមរយៈបណ្ដាញសង្គម , វិធីសាស្ត្រធ្វើឱ្យដងស្ទឹងមានភាពបៃតង , ការលើកកម្ពស់ចរាចរណ៍ទីក្រុង , ផ្លាកសញ្ញាឌីជីថល , ការប្រើប្រាស់ទីធ្លាសាធារណៈ , ការឆ្លើយតបអគ្គិភ័យបឋម និងការគ្រប់គ្រងចរាចរណ៍ឆ្លាតវៃ។

តំណាងក្រុមការងារ ក៏បានបង្ហាញទៀតថា ដើម្បីឱ្យសម្រេចបានតាមការគ្រោងទុក ពិតណាស់ទាមទារឱ្យមានការពង្រឹងលើការងារសន្តិសុខ និងផាសុកភាព នៃតំបន់សំខាន់ៗ ទាំង ២ ទាំងតំបន់ផាប់ស្ទ្រីត និងដងស្ទឹង ជំរុញធ្វើយ៉ាងណាភ្ជាប់ទីតាំងនានាចូលគ្នា តាមរយៈការថ្មើរជើង។ ជាមួយគ្នានេះ ជឿជាក់ថា គម្រោងនេះ នឹងជួយឱ្យតំបន់ផាប់ស្ទ្រីត មានសុវត្ថិភាពជាងមុន ងាយស្រួលដើរជាងមុន និងរីករាយជាងមុន ជាមួយនឹងការប្រើប្រាស់ទីធ្លាសាធារណៈបានកាន់តែល្អប្រសើរឡើង។ ចំពោះដងស្ទឹងសៀមរាប ក៏នឹងមានភាពទាក់ទាញ ភាពងាយស្រួល និងបទពិសោធរបស់អ្នកទស្សនាកាន់តែល្អប្រសើរឡើង ដោយដាក់ទីតាំងដងស្ទឹងជាមជ្ឍមណ្ឌលសកម្មភាពទីក្រុងឆ្លាតវៃ។

លោក យុន លីនណេ មានប្រសាសន៍ថា គម្រោងទីក្រុងឆ្លាតវៃពិតជាមានសារៈសំខាន់ណាស់ក្នុងការប្រែក្លាយខេត្តសៀមរាបឱ្យទៅជាគោលដៅទេសចរណ៍ដ៏ទំនើប និងមានភាពងាយស្រួលសម្រាប់ប្រជាពលរដ្ឋក្នុងតំបន់។ គម្រោងជំហានទី ២ នេះ ផ្ដោតសំខាន់លើការប្រើប្រាស់បច្ចេកវិទ្យាឌីជីថល ដើម្បីគ្រប់គ្រងបញ្ហាទីក្រុង ជាអាទិ៍ដូចជា ៖ ការគ្រប់គ្រងសំណល់ និងបរិស្ថាន , ការសម្រួលចរាចរណ៍ និងសុវត្ថិភាពសាធារណៈ និងជាការបង្កើតប្រសិទ្ធភាពសេវាសាធារណៈជូនពលរដ្ឋ ជាពិសេសភ្ញៀវទេសចរ។

លោកបន្តថា ចំពោះការត្រៀមលក្ខណៈឱ្យបានហ្មត់ចត់សម្រាប់កិច្ចប្រជុំ JCC ខាងមុខ គឺជាជំហានគន្លឹះ ដើម្បីធានាថាការអនុវត្តវិធីសាស្ត្រទីក្រុងឆ្លាតវៃក្នុងខេត្តសៀមរាប នឹងទទួលបានលទ្ធផលជាផ្លែផ្កា និងឆ្លើយតបទៅនឹងតម្រូវការជាក់ស្ដែងរបស់ទីក្រុង។ ក្នុងន័យនេះ ក៏សូមឱ្យអ្នកពាក់ព័ន្ធក្នុងខេត្ត ជាពិសេសដៃគូសហការ ចូលរួមក្នុងការអនុវត្តគម្រោងនេះឱ្យទទួលបានជោគជ័យ ដើម្បីខេត្តសៀមរាបទាំងមូល។ ជាមួយគ្នានេះ ដើម្បីសម្រេចឱ្យបានតាមការគ្រោងទុក រដ្ឋបាលខេត្តសៀមរាប បាននិងកំពុងសហការយ៉ាងជិតស្និទ្ធជាមួយដៃគូអភិវឌ្ឍន៍ ជាពិសេសក្រុមការងារ JICA ដើម្បីជំរុញគម្រោងនេះ ឱ្យស្របតាមចក្ខុវិស័យអភិវឌ្ឍន៍ទីក្រុងឆ្លាតវៃរបស់រាជរដ្ឋាភិបាលកម្ពុជា៕
អត្ថបទ ៖ គឿនវេត

The post រដ្ឋបាលខេត្តសៀមរាប បើកកិច្ចប្រជុំបច្ចេកទេសពន្លឿនគម្រោងទីក្រុងឆ្លាតវៃ ជំហានទី ២ ត្រៀមលក្ខណៈសម្រាប់កិច្ចប្រជុំ JCC នាពេលខាងមុខ appeared first on Kampuchea Thmey Daily.

លោក ឡុត ញាន អភិបាលរងស្រុកស្រីស្នំ បានឱ្យដឹងថា ការរៀបចំកម្មវិធីនេះ បានបង្ហាញពីការយកចិត្តទុកដាក់ខ្លាំងពីសុខទុក្ខ ការលំបាក និងការរស់នៅរបស់ពលរដ្ឋភៀសសឹក កំពុងបន្តការស្នាក់នៅក្នុងមណ្ឌលសុវត្ថិភាពនានាក្នុងខេត្ត ដែលមិនទាន់អាចត្រឡប់ទៅកាន់លំនៅឋានវិញបាន ដោយសារការឈ្លានពានរបស់កងទ័ពថៃ។ លោកថា នេះជាទីតាំងទី ២ ដែលអាជ្ញាធរស្រុកស្រីស្នំ បានរៀបចំកម្មវិធីជួបជុំជាមួយគ្រួសារភៀសសឹកកំពុងស្នាក់នៅក្នុងមណ្ឌលសុវត្ថិភាព។

ដោយឡែក លោក សុខ ណារ៉េត អភិបាលស្រុកក្រឡាញ់ ក៏បានឱ្យដឹងដែរថា ការរៀបចំនេះមានកម្មវិធីជាច្រើន ដូចជា កម្មវិធីសាសនា ពិធីក្រុងពាលី ពិធីពូនភ្នំខ្សាច់ ពិធីស្រង់ព្រះ ជូនលោកតា លោកយាយ ឪពុកម្ដាយ នៃគ្រួសារភៀសសឹក ទស្សនាការរាំរបាំប្រជាប្រិយ និងរាំកម្សាន្តស្គរដៃ ការលេងល្បែងប្រជាប្រិយ ចោលឈូង លាក់កន្សែង វាយក្អម ទាញព្រ័ត្រ ពិសានំបញ្ចុកសាមគ្គីទាំងអស់គ្នា និងពេលយប់ទស្សនាល្ខោនជាដើម។

ជាមួយនឹងការរៀបចំនេះដែរ ពលរដ្ឋភៀសសឹក បានថ្លែងអំណរគុណចំពោះថ្នាក់ដឹកនាំគ្រប់ជាន់ថ្នាក់ ជាពិសេសអាជ្ញាធរខេត្តសៀមរាប និងអាជ្ញាធរស្រុក ដែលនៅតែបន្តយកចិត្តទុកដាក់ខ្ពស់ចំពោះពួកគាត់ ជាពិសេសនាឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ដែលមានរៀបចំកម្មវិធីសង្ក្រាន្តតាមតំបន់ភៀសសឹក បង្កើនការជួបជុំ សប្បាយរីករាយ និងផ្ដល់ភាពកក់ក្ដៅ ដោយមិនមានអារម្មណ៍ថាឯកោ៕
អត្ថបទ ៖ គឿនវេត

The post ស.ស.យ.ក និង រដ្ឋបាលខេត្តសៀមរាប បន្តរៀបចំសង្ក្រាន្តភៀសសឹកនៅមណ្ឌលសុវត្ថិភាពស្រុកស្រីស្នំ និង ស្រុកក្រឡាញ់ appeared first on Kampuchea Thmey Daily.

លោក សុខ ណារ៉េត អភិបាលស្រុកក្រឡាញ់ បានឲ្យដឹងថា កម្មវិធីនេះ រៀបចំឡើងក្នុងគោលបំណង ដើម្បីរក្សាវប្បធម៌ ទំនៀមទម្លាប់ដ៏ល្អផូរផង់របស់ជាតិខ្មែរ ក៏ដូចជាការយកចិត្តទុកដាក់ ការលើកទឹកចិត្ត ការផ្ដល់កម្លាំងចិត្ត និងអាចធ្វើឲ្យរសាយទុក្ខកង្វល់របស់ជនភៀសសឹក តាមរយៈការបង្កើតបរិយាកាសសប្បាយរីករាយតាមបែបប្រពៃណី ដូចជា ការលេងល្បែងប្រជាប្រិយ ការធ្វើបុណ្យទានរួមគ្នា ដែលបង្ហាញពីការសាមគ្គីភាព និងការគោរពស្រឡាញ់រវាងថ្នាក់ដឹកនាំ មន្ត្រីរាជការ កងកម្លាំង ព្រះសង្ឃ អាជ្ញាធរ ក៏ដូចជាប្រជាពលរដ្ឋក្នុងមូលដ្ឋាន ជាមួយនឹងពលរដ្ឋរងគ្រោះពីសង្គ្រាមឈ្លានពានរបស់ថៃ។

លោក សុខ ណារ៉េត បានបញ្ជាក់ថា ការរៀបចំនេះមានកម្មវិធីជាច្រើន ដូចជា ៖ កម្មវិធីសាសនា ពិធីក្រុងពាលី ពិធីពូនភ្នំខ្សាច់ ពិធីស្រង់ព្រះ ជូនលោកតា លោកយាយ ឪពុកម្ដាយ នៃគ្រួសារភៀសសឹក ទស្សនាការរាំរបាំប្រជាប្រិយ និងរាំកម្សាន្តស្គរដៃ ការលេងល្បែងប្រជាប្រិយ ចោលឈូង លាក់កន្សែង វាយក្អម ទាញព្រ័ត្រ លោតបាវ ពិសារនំបញ្ចុកសាមគ្គីទាំងអស់គ្នា និងពេលយប់ទស្សនាល្ខោន និងអាយ៉ៃជាដើម៕

‎អត្ថបទ ៖ គឿនវេត

The post ស.ស.យ.ក និង រដ្ឋបាលខេត្តសៀមរាប រៀបចំអបអរសាទរពិធីបុណ្យចូលឆ្នាំថ្មី ជាមួយ គ្រួសារភៀសសឹក នៅមណ្ឌលសុវត្ថិភាពវត្តធម្មរង្សីសំពៅលូន appeared first on Kampuchea Thmey Daily.

លោក សុខ ណារ៉េត អភិបាលស្រុកក្រឡាញ់ បានឲ្យដឹងថា ការរៀបចំនេះមានកម្មវិធីជាច្រើន ដូចជា ៖ ពិធីក្រុងពាលី ពិធីសំណេះសំណាល ពិធីសូត្រមន្ត រាប់បាត្រ និងប្រគេនចង្ហាន់ព្រះសង្ឃដើម្បីឧទ្ទិសកុសលជូនវីរកងទ័ព ការលេងល្បែងប្រជាប្រិយ មានចោលឈូង លាក់កន្លែង វាយក្អម ទាញព្រ័ត្រ និងលោតបាវ ដល់ពេលថ្ងៃត្រង់ គឺមានអាហារសាមគ្គី ពិសានំបញ្ចុកជួបជុំគ្នា។

លោក ហេង សុខណាង សមាជិកអចិន្ត្រៃយ៍សហភាពសហព័ន្ធយុវជនកម្ពុជា មានប្រសាសន៍ថា ការរៀបចំសង្ក្រាន្តជាមួយគ្រួសារភៀសសឹកកំពុងស្នាក់នៅមណ្ឌលសុវត្ថិភាព មានគោលបំណងសំខាន់បំផុតនោះ គឺដើម្បីរក្សាវប្បធម៌ ទំនៀមទម្លាប់ដ៏ល្អផូផង់របស់ជាតិខ្មែរ។ កម្មវិធីនេះក៏ជាការយកចិត្តទុកដាក់ ការលើកទឹកចិត្ត ការផ្ដល់កម្លាំងចិត្ត និងអាចធ្វើឲ្យរសាយទុក្ខកង្វល់របស់ពលរដ្ឋភៀសសឹក តាមរយៈការបង្កើតបរិយាកាសសប្បាយរីករាយតាមបែបប្រពៃណី ដូចជា ការលេងល្បែងប្រជាប្រិយ ការធ្វើបុណ្យទានរួមគ្នា បង្ហាញពីការសាមគ្គីភាព និងការគោរពស្រឡាញ់រវាងថ្នាក់ដឹកនាំ មន្ត្រីរាជការ កងកម្លាំង ព្រះសង្ឃ អាជ្ញាធរ ក៏ដូចជាប្រជាពលរដ្ឋក្នុងមូលដ្ឋានជាមួយជនភៀសសឹក។

ក្នុងនាមរដ្ឋបាលខេត្តសៀមរាប លោក ឌី រ៉ាដូ អភិបាលរងខេត្ត បានមានប្រសាសន៍ថា ដោយបានការយកចិត្តទុកដាក់ខ្លាំងពីសុខទុក្ខ ការលំបាក និងការរស់នៅរបស់ជនភៀសសឹក ដែលកំពុងបន្តការស្នាក់នៅក្នុងមណ្ឌលសុវត្ថិភាពនានាក្នុងខេត្ត ដោយមិនទាន់អាចត្រឡប់ទៅកាន់លំនៅឋានវិញបាន ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ខាងមុខនេះ លោក លី សំរិទ្ធ ប្រធានក្រុមប្រឹក្សាខេត្ត និង លោក ប្រាក់ សោភ័ណ អភិបាលខេត្ត បានអនុញ្ញាតឲ្យរដ្ឋបាលស្រុកក្រឡាញ់ និងសហភាពសហព័ន្ធយុវជនកម្ពុជាស្រុកក្រឡាញ់ សហការជាមួយអង្គភាពពាក់ព័ន្ធ អង្គការ សមាគម និងសប្បុរសជននានា រៀបចំអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ ២០២៦ ជាមួយគ្រួសារភៀសសឹកកំពុងស្នាក់នៅមណ្ឌលសុវត្ថិភាពក្នុងស្រុកក្រឡាញ់ ឲ្យមានភាពសប្បាយរីករាយ និងល្អប្រសើរ៕
អត្ថបទ ៖ គឿនវេត

The post ស.ស.យ.ក សហការជាមួយ រដ្ឋបាលខេត្តសៀមរាប រៀបចំសង្ក្រាន្តវត្តបូណ៌ខ្នារតេជោ ផ្ដល់ភាពរីករាយ និងលើកទឹកចិត្តគ្រួសារភៀសសឹក appeared first on Kampuchea Thmey Daily.

ក្នុងឱកាសដឹកនាំកិច្ចប្រជុំពិនិត្យ និងពិភាក្សាការធ្វើបច្ចុប្បន្នភាពស្ថិតិគ្រួសារប្រជាពលរដ្ឋភៀសសឹក ដែលកំពុងស្នាក់នៅទីតាំងសុវត្ថិភាព ឬលំនៅឋានរបស់បងប្អូន តាមបណ្ដាក្រុងស្រុក ក្នុងខេត្តសៀមរាប នៅរសៀលថ្ងៃទី៩ ខែមីនា ឆ្នាំ២០២៦ លោក អ៊ឹង គឹម លាង អភិបាលរងខេត្ដសៀមរាប បានឱ្យដឹងថា គិតត្រឹមថ្ងៃទី៩ ខែមីនា ក្នុងភូមិសាស្ត្រខេត្ដ មានជនភៀសសឹកបន្តស្នាក់នៅសរុប ៣ ៩៧២គ្រួសារ ស្មើនឹង ១២ ៧៣៤នាក់។ ក្នុងនោះអ្នកស្នាក់នៅតាមខ្នងផ្ទះមាន ១ ៤០៥គ្រួសារ ស្មើនឹង ៤ ៧០៣នាក់ ដែលរដ្ឋបាលក្រុងស្រុកទាំង១៣ ត្រូវចុះស្រង់ស្ថិតិឱ្យបានច្បាស់អំពីស្ថានភាពផ្ទះសម្បែង និងទីកន្លែងរបស់ពួកគាត់ តើបច្ចុប្បន្នមានស្ថានភាពបែបណា ដើម្បីធ្វើជារបាយការណ៍ដាក់ជូនរដ្ឋបាលខេត្ដ និងផ្ញើជូនបន្ដទៅថ្នាក់ជាតិ។     

លោកបន្ថែមថា សម្រាប់ជនភៀសសឹកដែលផ្ទះសម្បែងត្រូវបានថៃបំផ្លិចបំផ្លាញ រាជរដ្ឋាភិបាលបានដោះស្រាយជូនពួកគាត់រួចរាល់ហើយ ហើយចំណុចដែលនៅជាប់ព្រំដែន រាជរដ្ឋាភិបាលក៏បានធ្វើការសម្របសម្រួលហើយដែរ។ ដូច្នេះអ្វីដែលត្រូវធ្វើ គឺការផ្ទៀងផ្ទាត់ ពីការបាត់បង់ និងខូចខាតទ្រព្យសម្បត្តិ និងផ្ទះសម្បែងរបស់ពួកគាត់។ ទន្ទឹមនេះ រាជរដ្ឋាភិបាលបានផ្ដល់នូវទំហំដី ២ហិកតា ដើម្បីធ្វើផ្ទះសម្បែង និងធ្វើកសិកម្មជូនពួកគាត់ផងដែរ៕

ដោយ៖ គឿនវេត

The post រដ្ឋបាលខេត្តសៀមរាប ជំរុញរដ្ឋបាលក្រុងស្រុកទាំង១៣ ស្រង់ស្ថិតិឱ្យបានច្បាស់ពីជនភៀសសឹកកំពុងស្នាក់នៅមូលដ្ឋានរបស់ខ្លួន appeared first on Kampuchea Thmey Daily.

ថ្លែងក្នុងសិក្ខាសាលាផ្សព្វផ្សាយ ស្ដីពីវិធានការទប់ស្កាត់ និងកាត់បន្ថយការបំពុលខ្យល់សាធារណៈពីការដុតសំរាម សំណល់រឹង និងសំណល់ប្លាស្ទិកនៅមន្ទីរបរិស្ថានខេត្ត កាលពីថ្ងៃទី៤ ខែកុម្ភៈ ឆ្នាំ២០២៦ លោក យុន លីនណេ បានបញ្ជាក់ថា «អ្វីដែលជាបញ្ហាប្រឈមខ្លាំងបំផុតនោះគឺការដុតសំណល់សំរាម ប្លាស្ទិក សំណល់កសិកម្មនានា ដែលបាន និងធ្វើឱ្យភាគល្អិតតូចៗមិនល្អ លើបរិយាកាសមានការកើនឡើង នាំឱ្យមានហានិភ័យខ្ពស់ដល់សុខភាពសាធារណៈ ជាពិសេសបង្កជាជំងឺមហារីកជាដើម»។

ជាមួយគ្នានេះ លោកក៏បានកោកោតសរសើរដល់មន្ទីរបរិស្ថានខេត្ត លើការអនុវត្តការងារបរិស្ថាននាពេលកន្លងមក លើកិច្ចការងារភាពស្អាត និងភាពបៃតង ជាពិសេសការសហការជាមួយបណ្ដាមន្ទីរអង្គភាពនានា សំដៅធានាឱ្យមាននិរន្តរភាពបរិស្ថាន។

ចំណែក លោក ស៊ុន គង់ ប្រធានមន្ទីរបរិស្ថានខេត្ត បានឱ្យដឹងថា ដើម្បីកែលម្អសោភ័ណភាពក្រុង ព្រមទាំងការគ្រប់គ្រងគុណភាពខ្យល់ សំដៅធានាសុវត្ថិភាពបរិយាកាសក្នុងឱ្យខេត្ត ក្រសួងបរិស្ថានបានដាក់ចេញនូវច្បាប់លិខិតបទដ្ឋានគតិយុត្តនានាជាច្រើន ក្នុងន័យឱ្យសាធារណជនចូលរួមថែរក្សាបរិស្ថាន ធានាសុវត្ថិភាព និងសុខុមាលភាពរបស់ប្រជាពលរដ្ឋ។ ប៉ុន្តែវិស័យបរិស្ថាន មិនអាចធ្វើតែឯងបាននោះទេ ដែលបញ្ហានេះ ទាមទារឱ្យមានការចូលរួមពីគ្រប់ភាគីពាក់ព័ន្ធ ក្នុងន័យថែរក្សា អនាម័យបរិស្ថាន សោភ័ណភាពខេត្ត ដើម្បីលើកម្ពស់មុខមាត់ខេត្តសៀមរាប ឱ្យកាន់តែមានភាពទាក់ទាញ ក្នុងនាមជាប៉ូលសេដ្ឋកិច្ចរបស់ប្រទេសកម្ពុជា។

លោកប្រធានមន្ទីរ ក៏បានអំពាវនាវឱ្យមានការផ្សព្វផ្សាយបន្តដល់អ្នកនៅជុំវិញខ្លួន ពីផលប៉ះពាល់ បញ្ហាប្រឈម និងការចូលរួមថែរក្សា និងចូលរួមអនុវត្តវិធី៥យ៉ាង ជាពិសេសហានិភ័យពីការដុតសំណល់សំរាម ដើម្បីចូលរួមកាត់បន្ថយសំណល់ប្លាស្ទិក៕

The post រដ្ឋបាលខេត្តសៀមរាប បង្ហាញការព្រួយបារម្ភចំពោះការដុតសំណល់សំរាម ប្លាស្ទិក ដែលអាចបង្កជាជំងឺមហារីក appeared first on Kampuchea Thmey Daily.

ហើយការធ្វើនេសាទលៀសដោយប្រើឧបករណ៍ខុសច្បាប់ ដោយទូកម៉ាស៊ីនខ្នាតធំៗ ជាហេតុនាំឱ្យបំផ្លាញជីវៈចម្រុះ និងប្រព័ន្ធអេកូឡូស៊ី នៅបាតទន្លេសាប។នៅក្នុងការចុះត្រួតពិនិត្យនេះដែរ មន្រ្តីជំនាញ ក៏​បាន​ចាក់​លៀស​ដែល​មាន​ទំហំតូចចូលទន្លេសាបវិញចំនួន ១ ២០០ គីឡូក្រាមផងដែរ។

នៅថ្ងៃទី១៣ ខែមករា ឆ្នាំ២០២៦នេះ លោក អុឹង គឹមលាង អភិបាលរងខេត្តសៀមរាប បានដឹកនាំក្រុមការងារចម្រុះ ចុះពិនិត្យការធ្វើនេសាទ អូសលៀស ស្ថិតនៅ ឃុំកំពង់ឃ្លាំង ស្រុកសូទ្រនិគម ខេត្តសៀមរាប។ក្នុងគោលបំណងពិនិត្យមើលថា ពួក​គាត់​បាន​ប្រើប្រាស់​ឧបករណ៍​បានត្រឹមត្រូវតាមច្បាប់កំណត់ដែរឬទេ។

ជាមួយគ្នានេះ លោក អុឹង គឹមលាង ណែនាំឱ្យប្រជានេសាទលៀស ប្រើប្រាស់ឧបករណ៍នេសាទឱ្យតាមត្រឹមត្រូវតាមច្បាប់ ដោយចាប់យកតែលៀសធំៗ ដែលគ្រប់ខ្នាត ដើម្បីរក្សាលៀសនៅក្នុងតំបន់របស់យើងឱ្យកាន់តែសម្បូរ និងអាចធ្វើនេសាទ​នា​ពេល​ក្រោយៗ​បាន​ជា​បន្តបន្ទាប់ទៀត។ លោក​អភិបាល​រង​ក៏​បាន​ណែនាំ​ឱ្យមន្រ្តីជំនាញ ក៏ដូចជាស្ថាប័នពាក់ព័ន្ធទាំងអស់ត្រូវបន្តពង្រឹងការគ្រប់ និងទប់ស្កាត់ បង្រ្កាប ការធ្វើនេសាទលៀសដោយខុសច្បាប់ឱ្យកាន់តែមានប្រសិទ្ធភាព ជាពិសេសការនេសាទយកលៀសតូចៗ ដែលមិនទាន់គ្រប់ខ្នាត ត្រូវតែទប់ស្កាត់ឱ្យបាន ព្រោះការនេសាទយកលៀសតូចៗ និងការប្រើប្រាស់ឧបករណ៍ដោយខុសច្បាប់នេះ និងធ្វើឱ្យបាត់បង់ពូជលៀសអស់ក្នុងដែននេសាទរបស់ខេត្តយើង៕

ដោយ ៖ ជុន កុសល

The post អាជ្ញាធរខេត្តសៀមរាប ណែនាំ​ប្រជានេសាទ​លៀស​ប្រើប្រាស់​ឧបករណ៍នេសាទ​ ឱ្យ​បាន​ត្រឹមត្រូវ​តាមច្បាប់ appeared first on Kampuchea Thmey Daily.