លោកអះអាងបែបនេះបន្ទាប់ពីមានក្រុមអ្នកជាតិនិយមមួយចំនួន នាំគ្នាលើកឡើងពីលទ្ធភាពនៃការធ្វើរដ្ឋប្រហារ ព្រោះតែមិនពេញចិត្តនឹងសកម្មភាពរបស់រាជរដ្ឋាភិបាលថៃ។

ជាការឆ្លើយតប លោក Phumtham បញ្ជាក់កាលពីថ្ងៃសុក្រទី៦ខែមិថុនាឆ្នាំ២០២៥ថា លោកនិងយោធា កំពុងរក្សាទំនាក់ទំនង ហើយមិនមានសញ្ញាណាមួយនៃការអន្តរាគមន៍ពីសំណាក់កងទ័ពនោះទេ សូមកុំបារម្ភ។ 

ទោះបីជាយ៉ាងណាក៏ដោយ កាលពីខែមុន លោក Phumtham ធ្លាប់ព្រមានម្តងរួចមកហើយថា ប្រទេសថៃ នៅតែមានហានិភ័យនៃរដ្ឋប្រហារជាបន្តទៀតនាពេលអនាគត។

លោកព្រមានបែបនេះ ក្នុងពិធីរម្លឹកខួបលើកទី១០ នៃរដ្ឋប្រហារឆ្នាំ២០១៤ នៅទីក្រុងបាងកក កាលពីថ្ងៃព្រហស្បតិ៍ទី២២ខែឧសភាឆ្នាំ២០២៥។ 

ឆ្លើយសំណួរអ្នកសារព័ត៌មាននាពេលនោះថាតើ រដ្ឋប្រហារឆ្នាំ២០១៤ នឹងក្លាយជារដ្ឋប្រហារចុងក្រោយនៅប្រទេសថៃ មែនឬទេ? លោក Phumtham ឆ្លើយតបថា ដ្បិតយើងមើលមិនឃើញអនាគត ប៉ុន្តែគ្មាននរណាអាចធានាបានឡើយ។ អ្វីដែលសំខាន់គឺថា ភាគីទាំងអស់ត្រូវរៀនសូត្រពីប្រវត្តិសាស្រ្ត ដើម្បីពង្រឹងស្ថាប័នប្រជាធិបតេយ្យ។ គ្រប់ភាគីត្រូវមានការអត់ធ្មត់និងប្រកាន់ខ្ជាប់នូវដំណើរការប្រជាធិបតេយ្យជានិច្ច។

សូមជម្រាបជាថ្មី ថៃ កើតមានរដ្ឋប្រហារយោធាជោគជ័យចំនួន១២ដង ចាប់តាំងពីប្រទេសនេះ ប្តូរទៅជារបបរាជាធិបតេយ្យអាស្រ័យរដ្ឋធម្មនុញ្ញក្នុងឆ្នាំ១៩៣២។ រដ្ឋប្រហារចុងក្រោយ គឺដឹកនាំដោយលោក ប្រាយុទ្ធ ចាន់អូចា ប្រឆាំងរដ្ឋាភិបាលរបស់លោកស្រី យីងឡាក់ ស៊ីណាវ៉ាត្រ ដែលត្រូវជាប្អូនស្រីរបស់លោកថាក់ស៊ីន ក្នុងឆ្នាំ២០១៤៕

អត្ថបទ៖ សុខ សុវណ្ណ

ចុចអាន៖ រដ្ឋមន្ត្រីការពារជាតិថៃ ព្រមានពីហានិភ័យ ផ្ទុះរដ្ឋប្រហារថ្មីទៀត

The post រដ្ឋមន្ត្រីការពារជាតិថៃ ចេញមុខបញ្ជាក់ រឿងពលរដ្ឋភ័យ កើតរដ្ឋប្រហារ appeared first on Kampuchea Thmey Daily.

ឆ្លើយសំណួរអ្នកសារព័ត៌មានថាតើ រដ្ឋប្រហារឆ្នាំ២០១៤ នឹងក្លាយជារដ្ឋប្រហារចុងក្រោយនៅប្រទេសថៃ មែនឬទេ? លោក Wechayachai ឆ្លើយតបថា ដ្បិតយើងមើលមិនឃើញអនាគត ប៉ុន្តែគ្មាននរណាអាចធានាបានឡើយ។ អ្វីដែលសំខាន់គឺថា ភាគីទាំងអស់ត្រូវរៀនសូត្រពីប្រវត្តិសាស្រ្ត ដើម្បីពង្រឹងស្ថាប័នប្រជាធិបតេយ្យ។ គ្រប់ភាគីត្រូវមានការអត់ធ្មត់និងប្រកាន់ខ្ជាប់នូវដំណើរការប្រជាធិបតេយ្យជានិច្ច។

យ៉ាងណា លោកគូសបញ្ជាក់ថា «សង្គមថៃ កំពុងឈានឆ្ពោះទៅរកលទ្ធិប្រជាធិបតេយ្យជាបណ្តើរៗហើយ ដោយសារតែពលរដ្ឋឲ្យតម្លៃលើសិទ្ធិនិងសេរីភាពរបស់ពួកគេកាន់តែច្រើន ដែលនេះគឺជាកត្តាជួយបង្ការមិនឲ្យមានរដ្ឋប្រហារយោធាកើតឡើង។ ការប្រុងប្រយ័ត្ននិងយល់ដឹងជាប់លាប់នៅគ្រប់វិស័យ គឺជារឿងចាំបាច់ដើម្បីដោះស្រាយបញ្ហាដោយសន្តិវិធីនិងនិរន្តរភាព។ រដ្ឋប្រហារមិនមែនជាដំណោះស្រាយសម្រាប់បញ្ហាសង្គមឡើយ ហើយមិនស្របតាមការអភិវឌ្ឍលទ្ធិប្រជាធិបតេយ្យនោះទេ»។

សូមជម្រាបថា ថៃ កើតមានរដ្ឋប្រហារយោធាជោគជ័យចំនួន១២ដង ចាប់តាំងពីប្រទេសនេះ ប្តូរទៅជារបបរាជាធិបតេយ្យអាស្រ័យរដ្ឋធម្មនុញ្ញក្នុងឆ្នាំ១៩៣២។

រដ្ឋប្រហារចុងក្រោយ គឺដឹកនាំដោយលោក ប្រាយុទ្ធ ចាន់អូចា ប្រឆាំងរដ្ឋាភិបាលរបស់លោកស្រី យីងឡាក់ ស៊ីណាវ៉ាត្រា ដែលត្រូវជាប្អូនស្រីរបស់លោកថាក់ស៊ីន ក្នុងឆ្នាំ២០១៤៕

អត្ថបទ៖ សុខ សុវណ្ណ

ចុចអាន៖ មេទ័ពថៃ ធានាថា គ្មានរដ្ឋប្រហារ ក្រោយការបោះឆ្នោត

The post រដ្ឋមន្ត្រីការពារជាតិថៃ ព្រមានពីហានិភ័យ ផ្ទុះរដ្ឋប្រហារថ្មីទៀត appeared first on Kampuchea Thmey Daily.

ស្របពេលជាមួយគ្នានោះដែរ អតីតមេដឹកនាំលោក Evo Morales បានចេញមុខអំពាវនាវឲ្យមានការបិទផ្លូវនិងធ្វើកូដកម្មទូទាំងប្រទេសដើម្បីការពាររដ្ឋាភិបាល ដោយប្រកាសថា “យើងសូមអំពាវនាវឲ្យអ្នករាល់គ្នាចេញប្រឆាំង ដើម្បីការពារលទ្ធិប្រជាធិបតេយ្យ”។

ទោះបីជាយ៉ាងណាក៏ដោយ ប៉ុន្មានម៉ោងក្រោយការប៉ុនប៉ងបរាជ័យ, អាជ្ញាធរក៏បានចាប់ខ្លួនមេដឹកនាំរដ្ឋប្រហារគឺលោកមេទ័ព Juan Jose Zuniga ហើយប្រធានាធិបតីក៏បានបញ្ចប់តំណែងមេទ័ពរូបនេះភ្លាមៗ ដោយតែងតាំងលោក Jose Wilson Sanchez ជំនួសវិញ។

គ្រាន់ឡើងកាន់តំណែងភ្លាម លោក Sanchez បានចេញបញ្ជាដាច់ណាត់ ឲ្យកងកម្លាំងដែលចូលរួមពាក់ព័ន្ធក្នុងរដ្ឋប្រហារនេះ ត្រូវដកថយទៅអង្គភាពរៀងៗខ្លួនវិញជាបន្ទាន់។

យ៉ាងណាក្តី លោក Zuniga អះអាងថា សកម្មភាពរបស់គាត់មិនមានអ្វីខុសទេ ព្រោះតែគាត់ចង់ស្តារលទ្ធិប្រជាធិបតេយ្យ និងដោះលែងអ្នកទោសនយោបាយបូលីវីទាំងអស់ប៉ុណ្ណោះ។

ក្រោយមក ការិយាល័យអគ្គមេធាវីបូលីវី បានដាក់ការចោទប្រកាន់ឧត្តមសេនីយ៍ Zuñiga ពីបទប្រព្រឹត្តអំពើភេរវកម្ម និងបញ្ឆេះការបះបោរប្រដាប់អាវុធប្រឆាំងរដ្ឋ។

ការប៉ុនប៉ងធ្វើរដ្ឋប្រហារនេះ ក៏បានបង្កឲ្យមានការថ្កោលទោសជាអន្តរជាតិ រួមទាំងពីបណ្តាប្រទេសមួយចំនួននៅអាមេរិកឡាទីនផងដែរ ខណៈសហរដ្ឋ​អាមេរិក​​និយាយ​ថា ខ្លួន​កំពុង​តាម​ដាន​ស្ថានការណ៍​ក្នុង​ប្រទេស​បូលីវី​យ៉ាង​ដិតដល់ជាទីបំផុត និងសូម​ជំរុញ​ឲ្យ​គ្រប់ភាគីមាន​ការ​អត់ធ្មត់។

សូមបញ្ជាក់ថា លោក Arce បានឈ្នះតំណែងជាប្រធានាធិបតីបូលីវី ក្រោយប្រទេសត្រូវញាំញីដោយភាពចលាចលបន្ទាប់ពីការបោះឆ្នោតឆ្នាំ២០១៩៕

អត្ថបទ៖ សុខ សុវណ្ណ

ចុចអាន៖ អ៊ីស្រាអែល ថាឲ្យ បូលីវី ដល់ៗ ក្រោយកាត់ផ្តាច់ចំណងទាក់ទង

The post ផ្ទុះការប៉ុនប៉ងធ្វើរដ្ឋប្រហារនៅប្រទេស បូលីវី appeared first on Kampuchea Thmey Daily.

នាឱកាសអញ្ជើញជាអធិបតីបិទសន្និសីទស្ដីពី « អនាគតកម្ពុជាគ្មានអំពើប្រល័យពូជសាសន៍ » សម្តេចតេជោ បានព្រមានធ្ងន់ៗថា៖«សូមកុំធ្វើរដ្ឋប្រហារផ្តួលរំលំ សូមកុំដណ្តើមអំណាចដោយ​មធ្យោបាយមិនប្រជាធិបតេយ្យ  ដែលជាឬសគុលនៃសង្គ្រាម ហើយវាជាឬសគុលនៃ​អំពើប្រល័យ​ពូជសាសន៍»។

ក្នុងន័យនេះ សម្តេចលើកទឹកចិត្តឱ្យចូលរួមប្រកួតប្រជែងនយោបាយបែបលទ្ធិប្រជាធិបតេយ្យ​ដែល ជារបបគ្រប់គ្រងគោរពភាពចម្រុះ និងផ្តល់នូវមធ្យោបាយដ៏មានប្រសិទ្ធភាព ក្នុងការដោះស្រាយ និងការគ្រប់គ្រងការខ្វែងគំនិតនយោបាយដោយប្រើសន្លឹកឆ្នោតជាជាងប្រើគ្រាប់កាំភ្លើង។
សម្តេចថ្លែងទៀតថា បច្ចុប្បន្ននេះ កម្ពុជាពិតជាមានគណបក្សនយោបាយច្រើន ប៉ុន្តែកម្ពុជាលែង​មានក្រុមប្រដាប់​អាវុធទៀតហើយ អ្វីដែលសំខាន់នោះអំពើហិង្សាក្នុងពេលបោះឆ្នោត​បានរលាយសាប​សូន្យពីឆាកនយោបាយកម្ពុជា។

សម្តេចគូសរំលេចថា៖«នេះជាតថភាពនៅកម្ពុជាដែលបង្ហាញពីភាពចាស់ទុំ និងការរីកចម្រើននៃលទ្ធិ​ប្រជាធិប​តេយ្យក្នុងប្រទេស យ៉ាងណាក្តីខ្ញុំពិតជាមិនអាចអនុវត្តវប្បធម៌សន្ទនាជាមួយ​អ្នកនយោបាយក្បត់​ជាតិដែលបានវាយប្រហារមកលើខ្ញុំនិងគ្រួសារខ្ញុំឥតឈប់ឈរ ទោះបីជាខ្ញុំធ្លាប់សុខចិត្ត​ទទួលជួប​អ្នកនយោបាយជ្រុលនិយមនេះក្នុងមនោសច្ចេតនាជាមហាគ្រួសារខ្មែរក៏ដោយ។ ប៉ុន្តែ ជនម្នាក់នេះ​នៅតែចិញ្ចឹមចិត្ត​កម្ចាត់រដ្ឋាភិបាលដឹកនាំដោយគណបក្សប្រជាជនកម្ពុជា ពោលនៅ​តែប្រកាន់ខ្ជាប់នូវ​មនោគមវិជ្ជា និងវប្បធម៌នយោបាយជ្រុលនិយម ​និងហិង្សានិយមដែលគ្មានខុសអ្វីពី​មនោគមវិជ្ជាហិង្សាបង្ហូរឈាមដូចអតីតកាលនោះឡើយ»៕

អត្ថបទ៖ ឡាយ​​ សាមាន

The post សម្តេតេជោ ព្រមានកុំឱ្យដណ្កើមអំណាចដោយមធ្យោបាយមិនប្រជាធិបតេយ្យ​ appeared first on Kampuchea Thmey Daily.

ការវាយប្រហារបណ្តាក់គ្នាក្នុងរដ្ឋ Shan ដោយកងទ័ពបះបោរជនជាតិភាគតិចចំនួនបី ដែលមានការគាំទ្រពីសំណាក់ក្រុមប្រដាប់អាវុធនានាប្រឆាំងនឹងរដ្ឋាភិបាល, បានវាយលុកប៉ុស្តិ៍យោធារាប់សិបកន្លែង និងចាប់យកច្រកព្រំដែននិងផ្លូវសំខាន់ ដែលរ៉ាប់រងការដឹកជញ្ជូនពាណិជ្ជកម្មភាគច្រើនជាមួយប្រទេសចិន។

នេះគឺជាបរាជ័យធ្ងន់ធ្ងរបំផុតដែលយោធាមីយ៉ាន់ម៉ាមិនធ្លាប់ជួបប្រទះសោះ ចាប់តាំងពីខ្លួនដណ្តើមបានអំណាច កាលពីខែកុម្ភៈឆ្នាំ២០២១មក។

យ៉ាងណាក្តី រដ្ឋាភិបាល​បាន​ឆ្លើយតប ជាមួយ​ការ​វាយ​ប្រហារ​តាម​អាកាស និងការបាញ់​កាំភ្លើង​ធំ ដោយ​បង្ខំ​ឲ្យមនុស្ស​រាប់​ពាន់​នាក់ត្រូវជម្លៀសចេញ​ពី​ផ្ទះ​សម្បែង។

ក្នុង​ចំណោម​ទាហាន​រាប់​រយ​នាក់​ដែល​ស្លាប់ ​គេ​ជឿ​ថាមានម្នាក់ជា​មេ​បញ្ជាការ​កង​កម្លាំង​រដ្ឋាភិបាល​នៅ​ភាគ​ខាង​ជើង​រដ្ឋ​ Shan គឺលោក​ឧត្តម​សេនីយ៍ Aung Kyaw Lwin។ បើរឿងនេះជាការពិតមែន នោះគាត់នឹងក្លាយជា​មន្ត្រី​ជាន់​ខ្ពស់​បំផុត ​ដែល​ត្រូវ​បាន​សម្លាប់​ក្នុង​ការ​ប្រយុទ្ធ​ចាប់​តាំង​ពី​រដ្ឋ​ប្រហារមក។

អ្វីដែលធ្វើឲ្យគេចាប់អារម្មណ៍កាន់តែខ្លាំងចំពោះការវាយប្រហារនេះ គឺថា វាជាលើកដំបូងហើយ ដែលក្រុមបះបោរប្រដាប់អាវុធកំពុងប្រតិបត្តិការនៅក្នុងរដ្ឋ Shan បានសម្របខ្លួននិងប្រតិបត្តិការយោធារបស់ពួកគេ បានយ៉ាងល្អឥតខ្ចោះជាមួយយុទ្ធនាការកាន់តែធំ ដើម្បីផ្តួលរំលំរបបយោធានិងស្ដារការគ្រប់គ្រងលទ្ធិប្រជាធិបតេយ្យឡើងវិញ៕

ប្រែសម្រួល៖​ Vann Vann

ប្រភព៖ BBC

ចុចអាន៖ មីយ៉ាន់ម៉ា ដាក់គុកតារាចម្រៀង ហ៊ីបហប ម្នាក់ ២០ឆ្នាំ ព្រោះរិះគន់ លោក មីន អ៊ុងឡាំង ថា អសមត្ថភាព

The post យោធា មីយ៉ាន់ម៉ា រងបរាជ័យធ្ងន់ធ្ងរបំផុត ចាប់តាំងពីរដ្ឋប្រហារ appeared first on Kampuchea Thmey Daily.

ប្រទេសនេះ ត្រូវបានគ្រប់គ្រងដោយយោធា បន្ទាប់ពីការទម្លាក់ប្រធានាធិបតី Mohamed Bazoum ជិតពីរសប្តាហ៍មុន ហើយមានការលើកឡើងថា មេដឹកនាំរដ្ឋប្រហារ បានសុំជំនួយពីក្រុមហ៊ុន Wagner ដែលត្រូវបានគេដឹងថា មានវត្តមានក្នុងប្រទេសម៉ាលី ស្ថិតនៅជិតខាង។

ទោះបីជាយ៉ាងណាក៏ដោយ លោក Blinken មិនគិតថា រុស្ស៊ី ឬ ក្រុម Wagner ជាអ្នកញុះញង់ឲ្យមានរដ្ឋប្រហារក្នុងប្រទេសនីហ្សេនោះទេ ប៉ុន្តែសហរដ្ឋអាមេរិកព្រួយបារម្ភថា ក្រុមនេះអាចនឹងបង្ហាញខ្លួន នៅផ្នែកខ្លះនៃតំបន់ Sahel។

ថ្លែងប្រាប់កម្មវិធី Focus on Africa របស់ទូរទស្សន៍ BBC​ លោក Blinken បានលើកឡើងថា “អ្វីដែលបានកើតឡើងរួចហើយ និងអ្វីដែលកំពុងបន្តកើតឡើងនៅក្នុងប្រទេសនីហ្សេ មិនមែនជំរុញដោយរុស្ស៊ី ឬដោយក្រុម Wagner នោះទេ ប៉ុន្តែពួកគេព្យាយាមទាញយកប្រយោជន៍ពីវា”។

លោក Blinken បន្តថា “គ្រប់កន្លែងដែលក្រុម Wagner ទៅដល់, ការស្លាប់ ការបំផ្លិចបំផ្លាញ និងការកេងប្រវ័ញ្ច ក៏កើតមាន ជាពិសេសភាពអសន្តិសុខ​បាន​កើន​ឡើង មិនថមថយឡើយ” ។

Wagner ត្រូវបានគេជឿថាមានយុទ្ធជនរាប់ពាន់នាក់ នៅក្នុងប្រទេសនានា រួមទាំងសាធារណរដ្ឋអាហ្រ្វិកកណ្តាល (CAR) និងម៉ាលី ជាកន្លែងដែលពួកគេទទួលបានផលប្រយោជន៍អាជីវកម្ម ហើយជួយពង្រឹងទំនាក់ទំនងការទូត និងសេដ្ឋកិច្ចរបស់រុស្ស៊ីផងដែរ ហើយកន្លងមកយុទ្ធជនរបស់ក្រុមនេះ ត្រូវបានចោទប្រកាន់ពីបទរំលោភសិទ្ធិមនុស្សយ៉ាងធំធេង នៅក្នុងបណ្តាប្រទេសអាហ្វ្រិកមួយចំនួនទៀតផង៕

ប្រែសម្រួល៖ Vann Vann

ប្រភព៖ BBC

ចុចអាន៖ នីហ្សេ បិទដែនអាកាស ចំពេលមានការគំរាម ធ្វើអន្តរាគមន៍យោធា

The post លោក Blinken ថា ក្រុមទាហានស៊ីឈ្នួល Wagner កំពុងទាញយកប្រយោជន៍ ពីរដ្ឋប្រហារនៅ នីហ្សេ  appeared first on Kampuchea Thmey Daily.

ជនបរទេសរាប់រយនាក់ ត្រូវបានជម្លៀសចេញពីប្រទេសនេះរួចទៅហើយ ហើយកាលពីថ្ងៃអាទិត្យទី៣០ខែកក្កដា ស្ថានទូតបារាំង ត្រូវបានក្រុមបាតុករវាយប្រហារ។

ស្របពេលជាមួយគ្នានេះដែរ មេដឹកនាំរដ្ឋប្រហារ លោកឧត្តមសេនីយ៍ Abdourahamane Tchiani បានព្រមានប្រឆាំងនឹងការជ្រៀតជ្រែកកិច្ចការផ្ទៃក្នុង នៃប្រទេសរបស់គាត់។

អ្នកនាំពាក្យក្រសួងការបរទេសអាមេរិក លោក Matthew Miller និយាយថា ថ្វីមានការជម្លៀសដោយផ្នែកក៏ដោយ ប៉ុន្តែស្ថានទូតរបស់ខ្លួនក្នុងរដ្ឋធានី នីញ៉ាម៉េ នឹងនៅតែបើកដំណើរការ។

លោកបន្ថែមថា “យើងនៅតែប្តេជ្ញាចិត្តចំពោះប្រជាជននីហ្សេ និងទំនាក់ទំនងរបស់យើងជាមួយប្រជាជននីហ្សេ ហើយយើងនៅតែភ្ជាប់ទំនាក់ទំនងការទូតក្នុងកម្រិតខ្ពស់បំផុត”។

សូមបញ្ជាក់ សហរដ្ឋអាមេរិក គឺជាអ្នកផ្តល់ជំនួយផ្នែកមនុស្សធម៌ និងសន្តិសុខដ៏សំខាន់ដល់ប្រទេសនីហ្សេ ហើយធ្លាប់ព្រមានថា រដ្ឋប្រហារអាចឈានទៅដល់ការផ្អាកកិច្ចសហប្រតិបត្តិការទាំងអស់។

ប្រទេសបារាំង ដែលជាអតីតមហាអំណាចអាណានិគមនៅនីហ្សេ និងសហភាពអឺរ៉ុប បានផ្អាកជំនួយហិរញ្ញវត្ថុ និងអភិវឌ្ឍន៍រួចទៅហើយ។

លើសពីនេះ ប្លុកពាណិជ្ជកម្មអាហ្រ្វិកខាងលិច ដែលជាសហគមន៍សេដ្ឋកិច្ច នៃរដ្ឋអាហ្វ្រិកខាងលិច បានដាក់ទណ្ឌកម្មដែលមានដូចជា បញ្ឈប់រាល់ប្រតិបត្តិការពាណិជ្ជកម្មជាមួយនីហ្សេ និងបង្កកទ្រព្យសម្បត្តិរបស់ប្រទេសនេះ នៅក្នុងធនាគារកណ្តាលប្រចាំតំបន់ ខណៈប្លុកនេះ ក៏កំពុងពិចារណាលើអន្តរាគមន៍យោធាផងដែរ៕

ប្រែសម្រួល៖ Vann Vann

ប្រភព៖ BBC

ចុចអាន៖ ម៉ាលី និងបួគីណាហ្វាសូ ព្រមានផ្ទុះសង្គ្រាម បើប្រទេសណាហ៊ានធ្វើ​អន្តរាគមន៍យោធាប្រឆាំងរដ្ឋប្រហារនៅ នីហ្សេ

The post អាមេរិក ប្រកាសជម្លៀសបុគ្គលិកស្ថានទូតចេញពី នីហ្សេ ក្រោយផ្ទុះរដ្ឋប្រហារ appeared first on Kampuchea Thmey Daily.

កងទ័ពនិយាយថា ពួកគេបានរំលាយរដ្ឋធម្មនុញ្ញ ព្យួរស្ថាប័នទាំងអស់ និងបិទព្រំដែនរបស់ប្រទេសអាហ្វ្រិកខាងលិចមួយនេះ។

សេចក្តីប្រកាសនេះធ្វើឡើង បន្ទាប់ពីប្រធានាធិបតីនីហ្សេរ លោក Mohamed Bazoum ត្រូវ​បាន​កង​ទ័ព​មកពីស្ថាប័នឆ្មាំ​ប្រធានាធិបតី ឃុំខ្លួន​ចាប់​តាំង​ពី​ព្រឹក​ថ្ងៃ​ពុធ។

ទោះបីជាយ៉ាងណាក៏ដោយ រដ្ឋមន្ត្រីការបរទេសអាមេរិក លោក Antony Blinken បានបង្ហាញពី ការគាំទ្រឥតងាករេរបស់ទីក្រុងវ៉ាស៊ីនតោន ចំពោះលោក Bazoum។

ស្របពេលជាមួយគ្នានោះ អគ្គលេខាធិការអង្គការសហប្រជាជាតិ លោក Antonio Guterres ក៏លើកឡើងដែរថា លោកបាននិយាយជាមួយប្រធានាធិបតី និងផ្តល់ការគាំទ្រយ៉ាងពេញទំហឹងពីអង្គការសហប្រជាជាតិ។

គួរបញ្ជាក់ថា លោក Bazoum គឺជាសម្ព័ន្ធមិត្តដ៏សំខាន់របស់ប្រទេសលោកខាងលិច ក្នុងការប្រយុទ្ធប្រឆាំងនឹងក្រុមសកម្មប្រយុទ្ធឥស្លាមនៅតំបន់អាហ្វ្រិកខាងលិច៕

ប្រែសម្រួល៖ Vann Vann

ប្រភព៖ BBC

ចុចអាន៖ ខ្មាន់កាំភ្លើងចូលប្លន់សម្លាប់អ្នកភូមិ១៣៧នាក់នៅប្រទេស នីហ្សេរ

The post កងទ័ពនីហ្សេរ ប្រកាសធ្វើរដ្ឋប្រហារ តាមកញ្ចក់ទូរទស្សន៍ជាតិ appeared first on Kampuchea Thmey Daily.