រដ្ឋលេខាធិការដ្ឋានអាកាសចរណ៍ស៊ីវិល បង្ហាញថា នៅក្នុងរយៈពេល ១០ខែ​ចំនួនជើងហោះ​ហើរ​រវាង​​កម្ពុជា-ចិន សរុប ៥ ៤៨៦ ជើង កើន ៦០ ភាគរយ និងទំនិញចំនួន ៦ ៣៤១ តោន កើន​ឡើង​ ៣៨ ភាគរយ។

លោក ធួន ស៊ីណាន ប្រធានសមាគមទេសចរណ៍អាស៊ី ប៉ាស៊ីហ្វិក (PATA) សាទរចំពោះ​កំ​ណើន​អ្នក​​ដំណើរចេញ-ចូល​តាមជើង​ហោះហើរ តែលោកបានផ្ដល់យោបល់ឱ្យ​រដ្ឋាភិបាល និងវិស័យ​ឯកជន​​ត្រូវខិតខំ​ប្រឹង​ប្រែង​​បន្ថែមទៀត នៅចំពេលដែលពិភពលោក​កាន់​​តែ​រួម​តូចនៅក្នុងទីផ្សារ ដែលមានការ​ប្រកួត​​​ប្រជែង។

កម្ពុជាស្នើឱ្យភាគីចិនបង្កើនការហោះហើរកាន់តែច្រើន ខណៈកម្ពុជាមានជើងហោះហើរ​នៅ​អាកា​ស​​យានដ្ឋាន​អន្តរជាតិភ្នំពេញតភ្ជាប់ ៩ ទីក្រុងនៅប្រទេសចិន ដែលទទួលបានជើង​ហោះហើរ​ចំនួន ៩២ ក្នុងមួយ​សប្ដាហ៍។

យោងតាមរដ្ឋលេខាធិការដ្ឋានអាកាស​ចរណ៍ស៊ីវិល គិតចាប់ពីខែមករា ដល់ខែតុលា កម្ពុជាទទួល​បាន​ជើងហោះហើរចេញ-ចូល (ទ្វេទិស) ចំនួនជិត ៥ ម៉ឺនជើង (៤៧ ៤៤៧)  កើនឡើង ១៤ ភាគរយ​។

អ្នកដំណើរចេញ-ចូល ជិត ៥ លាននាក់ កើនឡើង ២១ ភាគរយ និងទំនិញតាមផ្លូវ​អាកាស​ចេញ-ចូល​ជាង ៦ ម៉ឺនតោន កើនឡើង ៣៧ ភាគរយ៕

The post អ្នកដំណើរតាមជើងហោះហើរ កម្ពុជា-ចិន ជាង ៧៣ ម៉ឺននាក់ ក្នុងរយៈពេល ១០ ខែ appeared first on Kampuchea Thmey Daily.