តាមការផ្សាយរបស់ BBC ហេតុការណ៍ថ្មីនេះកើតឡើងនារាត្រីថ្ងៃអង្គារទី២០ខែមករាឆ្នាំ២០២៦ នៅទីប្រជុំជន Gelida នៃទីក្រុង បាសេឡូណា ក្នុងតំបន់ កាតាឡាន។

អាជ្ញាធរមូលដ្ឋានបញ្ជាក់ថា រថភ្លើងនេះជារបស់ក្រុមហ៊ុន Rodalies បានជួបគ្រោះថ្នាក់ស្របពេលអាកាសធាតុមានព្រឹលធ្លាក់ បណ្តាលឲ្យអ្នកបើកបាត់បង់ជីវិត និងអ្នកដំណើរ៣៧នាក់រងរបួស។

ឧបទ្ទវហេតុនេះ កើតឡើងត្រឹម២ថ្ងៃប៉ុណ្ណោះបន្ទាប់ពីសោកនាដកម្មរថភ្លើងល្បឿនលឿនបុកគ្នានៅទីក្រុង Cordoba ផ្តាច់ជីវិតមនុស្ស៤២នាក់។

ក្រុមហ៊ុនគ្រប់គ្រងផ្លូវដែក Adif បានឲ្យដឹងថា រថភ្លើងមួយគ្រឿងជារបស់ក្រុមហ៊ុន Iryo បានធ្វើដំណើរចេញពីទីក្រុង Málaga ឆ្ពោះទៅ Madrid បានបើកធ្លាក់ផ្លូវ រួចក៏ចូលទៅគន្លងរបស់រថភ្លើងមួយទៀត ​ជារបស់ក្រុមហ៊ុន Renfe ដែលបើកមកក្នុងទិសដៅបញ្ច្រាស់គ្នា បណ្តាលឲ្យបុកគ្នាពេញទំហឹងតែម្តង។

ក្រុមមន្ត្រីបានឲ្យដឹងថា​ ក្រៅពីមនុស្សស្លាប់ នៅមានមនុស្ស១០០នាក់ទៀតត្រូវរងរបួសក្នុងហេតុការណ៍នេះ ក្នុងនោះមាន៧៥នាក់ ត្រូវបញ្ជូនទៅកាន់មន្ទីរពេទ្យ៕

អត្ថបទ៖ សុខ សុវណ្ណ

The post រថភ្លើងមួយគ្រឿងទៀតហើយ ជួបគ្រោះថ្នាក់នៅអេស្ប៉ាញ មានទាំងអ្នកស្លាប់និងរបួស appeared first on Kampuchea Thmey Daily.

​ការនាំចូលបន្ថែមនូវក្បាលម៉ាស៊ីនទូរថភ្លើងទាំង ៣គ្រឿងនេះ​ នឹងជួយជាផ្នែកមួយយ៉ាងធំក្នុង​ការ​ជំរុញ​បន្ថែមនូវសមត្ថភាព​​សេវាកម្មរបស់ក្រុមហ៊ុម រ៉ូយ៉ាល់ រេលវេ ក្នុងការបំពេញតម្រូវ​ការសេវាកម្មផ្នែកដឹកជញ្ជូន និងសេវាកម្មអ្នកដំណើរ ដែលកំពុងកើនឡើង ក៏ដូចជាសម្រួលដល់ការដឹកជញ្ជូនទំនិញឱ្យកាន់តែរលូន និងមានប្រសិទ្ធភាពខ្ពស់​សម្រាប់អាជីវកម្មទូទាំងប្រទេស។

មុននឹងដាក់ឱ្យដំណើរការសេវាកម្ម ក្បាលម៉ាស៊ីន​ទាំងនេះចាំបាច់ត្រូវឆ្លងកាត់ការត្រួតពិនិត្យ យ៉ាងជាក់លាក់ និងល្អិតល្អន់ ទៅលើប្រព័ន្ធហ្រ្វាំង និងប្រព័ន្ធសុវត្ថិភាពផ្សេងៗ ដើម្បីធានាជូននូវសុវត្ថិភាព និងប្រសិទ្ធភាពមុននឹងបម្រើ​សេវាកម្មជូនដល់អតិថិជននៅថ្ងៃដដែល។

​ក្រុមហ៊ុន រ៉ូយ៉ាល់ រ៉េលវេ បានប្តេជ្ញាចិត្តក្នុងការបន្តផ្តល់នូវសេវាកម្មអោយកាន់តែល្អជូន​ដល់អតិថិជនទាំងអស់ និងចូលរួមចំណែកក្នុងការអភិវឌ្ឍន៍ហេដ្ឋារចនាសម្ព័ន្ធ និងសេដ្ឋកិច្ចរបស់ប្រទេសកម្ពុជា៕​

The post ​Royal Railway ​នាំចូលក្បាលរថភ្លើង ​៣ គ្រឿង​ពីប្រទេសម៉ាឡេស៊ី​ បង្កើនសមត្ថភាពដឹកជញ្ជូន appeared first on Kampuchea Thmey Daily.

ផែនការនៃការសាងសង់ METRO ដោយបានបើកឱ្យមានការសិក្សាបឋមបណ្តាញរថភ្លើងក្រោមដី (METRO) នៅរាជធានីភ្នំពេញ បានចុះអនុស្សរណៈ នៃការយោគយល់គ្នា (MoU) រវាងក្រសួងសាធារណការ និងដឹកជញ្ជូន និងធនាគារវិនិយោគហេដ្ឋារចនាសម្ព័ន្ធអាស៊ី (AIIB) កាលពីថ្ងៃទី២៦ ខែកញ្ញា ឆ្នាំ២០២៤ ទីក្រុងប៉េកាំង នៃសាធារណរដ្ឋប្រជាមានិតចិន។

នៅព្រឹកថ្ងៃទី០១ ខែធ្នូ ឆ្នាំ២០២៥ លោក ឡេង ធនយុទ្ធា រដ្ឋលេខាធិការ ក្រសួងសាធារណការ និងដឹកជញ្ជូន បានដឹកនាំកិច្ចប្រជុំ និងពិភាក្សាការងារជាមួយក្រុមការងារអនុវត្តគម្រោងដែលមានសមាសភាពចូលរួមពីក្រុមជំនាញការធនាគារវិនិយោគហេដ្ឋារចនាសម្ព័ន្ធអាស៊ី (AIIB) ព្រមទាំងមានការចូលរួមពី ថ្នាក់ដឹកនាំក្រសួង អន្តរក្រសួង តំណាងពីក្រសួងរៀបចំដែនដី នគរូបនីយកម្ម និងសំណង់ រដ្ឋបាលរាជធានីភ្នំពេញ នាយកដ្ឋានផ្លូវដែក មន្ទីរសាធារណការ និងដឹកជញ្ជូនរាជធានីភ្នំពេញ និងខេត្តកណ្តាល ព្រមទាំងមន្ត្រីពាក់ព័ន្ធផងដែរ។

បើតាមក្រសួងសាធារណការលើកឡើងថា៖«កិច្ចប្រជុំនេះ ធ្វើឡើងដើម្បីពិនិត្យមើលវឌ្ឍនភាពនៃដំណើរការសិក្សាគម្រោង ព្រមទាំងធ្វើការពិភាក្សា និងប្រមូលធាតុចូលលើរបាយការណ៍សិក្សា ពីសំណាក់អ្នកជំនាញការទីប្រឹក្សា និងភាគីពាក់ព័ន្ធ ដើម្បីវាយតម្លៃលទ្ធផលសិក្សា។ អង្គប្រជុំក៏បានពិនិត្យមើល និងពិភាក្សាគ្នាផងដែរអំពីលក្ខណៈវិនិច្ឆ័យ និងការកំណត់ជាជំហានបឋមនូវតម្រាយផ្លូវសម្រាប់ការសាងសង់បណ្ដាញផ្លូវរថភ្លើងក្រោមដី(METRO)»។

​កាលពីដើមខែមិនា ឆ្នាំ២០២៥ ក្រុមការងារជំនាញចាប់ផ្តើមបើកកិច្ចប្រជុំលើកទី១ លើការអនុវត្តគម្រោងសិក្សាបឋមបណ្តាញរថភ្លើងក្រោមដី (METRO) នៅរាជធានីភ្នំពេញជាមួយក្រុមជំនាញការធនាគារវិនិយោគហេដ្ឋារចនាសម្ព័ន្ធអាស៊ី (AIIB)។

លោក ឡេង ធនយុទ្ធា ​បានដឹកនាំកិច្ចប្រជុំ និងពិភាក្សាការងារជាមួយក្រុមការងារអនុវត្តគម្រោង ដែលមានសមាសភាពចូលរួមពីក្រុមជំនាញការធនាគារវិនិយោគហេដ្ឋារចនាសម្ព័ន្ធអាស៊ី (AIIB) ដឹកនាំដោយ លោកស្រី JIN Wang ( Project Team Leader ) ព្រមទាំងមានការចូលរួមពីភាគីពាក់ព័ន្ធមកពីស្ថាប័នរដ្ឋាភិបាលផងដែរ។ ។

ក្រោយកិច្ចពិភាក្សាក្រុមការងារអនុវត្តគម្រោង និងអ្នកជំនាញការនៃ​AIIB​ បានចុះទស្សនកិច្ចសិក្សាបន្ថែមក្នុងការប្រមូលធាតុចូលទៅតាមទីតាំងដែលបានកំណត់ក្នុងបណ្តាផ្លូវរបៀងធំៗក្នុងរាជធានីភ្នំពេញ ព្រមទាំងចុះពិនិត្យស្ថានីយចំណតឡានក្រុង ស្ថានីយរថភ្លើងរាជធានីភ្នំពេញ អាកាសយានដ្ឋានអន្តរជាតិភ្នំពេញ អាកាសយានដ្ឋានអន្តរជាតិតេជោ តំបន់អភិវឌ្ឍថ្មី ក្រុងរណបថ្មី និងទីតាំងផ្សេងៗទៀត ដើម្បីកំណត់ខ្សែផ្លូវ សំរាំង និងខ្សែផ្លូវអាទិភាព សម្រាប់សិក្សាសមិទ្ធិលទ្ធភាព និងពិនិត្យលទ្ធភាពក្នុងការសាងសង់ បណ្តាញដឹកជញ្ជូនសាធារណៈក្រុង ក្នុងរាជធានីភ្នំពេញនាពេលអនាគត។

ការសិក្សានេះគ្រាន់តែជាការសិក្សាការដឹកជញ្ជូនសាធារណៈក្នុងក្រុងភ្នំពេញមួយបែបទៀត ដើម្បីបំពេញបន្ថែមលើការសិក្សាការដឹកជញ្ជូនសាធារណៈ ដែលក្រសួង និងសាលាក្រុងភ្នំពេញ បានសិក្សារួចមកហើយ រួមមាន light rail train, Automated Guide Transit, Bus Rapid Transit, Tramways ដើម្បីឱ្យក្រសួងមានមូលដ្ឋានក្នុងការជ្រើសរើសប្រព័ន្ធ ឬអន្តរដឹកជញ្ជូនណាមួយ ដែលមានប្រសិទ្ធភាពខ្ពស់ក្នុងការដោះស្រាយបញ្ហាកកស្ទះ និងគ្រោះថ្នាក់ចរាចរណ៍ រក្សាបានបរិស្ថាន និងសោភណភាពទីក្រុង និងមានតម្លៃសមរម្យជូនប្រជាជនទូទៅ ហើយមិនមែនមានន័យថា សិក្សាចប់ ដាច់ខាតត្រូវតែសាងសង់នោះទេ។ នេះបើយោងតាមក្រសួងដែលបានគូសបញ្ជាក់កន្លងមក៕

The post រដ្ឋកំពុងពន្លឿននៃការប្រមូលធាតុចូលលើការសិក្សាបឋមនៃគម្រោងសាងសង់ផ្លូវរថភ្លើងក្រោមដី (METRO) នៅ​ភ្នំពេញ appeared first on Kampuchea Thmey Daily.

ហេតុអ្វីបានជាលោក គីម ជុងអ៊ុន ប្រើប្រាស់រថភ្លើងធ្វើដំណើរជាជាងជិះយន្តហោះ?

លោក គីម ជុងអ៊ុន កម្រធ្វើដំណើរតាមយន្តហោះណាស់ ដោយសារតែហានិភ័យផ្នែកសុវត្ថិភាព យន្តហោះដែលអាចទុកចិត្តបានមានកម្រិត និងប្រពៃណីគ្រួសារ ដោយសារទាំងឪពុក និងជីតារបស់គាត់ចូលចិត្តប្រើរថភ្លើងពាសដែក។ រថភ្លើងឯកជនរបស់គាត់ត្រូវបានការពារយ៉ាងខ្លាំង ប្រណិត និងមានសុវត្ថិភាពជាងក្នុងការគ្រប់គ្រង ខណៈពេលដែលវាបម្រើជានិមិត្តរូបនៃអំណាច និងការបន្តពីមេដឹកនាំអតីតកាល។

រថភ្លើងទាំងនេះយឺតជាងយន្តហោះ ប៉ុន្តែមានសុវត្ថិភាពជាង មានការពារខ្លាំង និងមានផាសុខភាពគ្រប់គ្រាន់សម្រាប់ដឹកមនុស្សច្រើនជាមួយថ្នាក់ដឹកនាំកូរ៉េខាងជើង។ បើតាមអ្នកជំនាញនិយាយថារថភ្លើងដ៏ទំនើបនេះជារថភ្លើងពាសដែកច្រើនតែរត់សម្រាប់ការការពារ ជាធម្មតាមានទូរថភ្លើងពី ១០ ទៅ ១៥ទូរ។ ទូរទាំងនោះរួមមានបន្ទប់ឯកជនសម្រាប់ថ្នាក់ដឹកនាំ ការិយាល័យដែលមានឧបករណ៍ទំនាក់ទំនង ភោជនីយដ្ឋាន និងកន្លែងពេទ្យ។

ក្នុងរថភ្លើងក៏មានអង្គរក្ស បុគ្គលិក និងរថយន្តទំនើបការពារដ៏រឹងមាំMercedes-Benz SUV ផងដែរ។ ទូរទស្សន៍កូរ៉េខាងជើងធ្លាប់បានបង្ហាញផ្នែកខាងក្នុងរបស់រថភ្លើងដែលមាន តុបតែងលម្អដោយរបស់របរផ្សេងៗដូចជាសាឡុងពណ៌ផ្កាឈូក ផែនទីនៃប្រទេសចិន និងកូរ៉េ និងអំពូលភ្លើងតុបតែងយ៉ាងស្រស់ស្អាត។

ឪពុក​របស់​លោក គីម គឺ​លោក គីម ជុងអ៊ីល ក៏​ល្បី​ខាង​ប្រើ​រថភ្លើង​ដែរ។ ក្នុងដំណើរកម្សាន្តឆ្នាំ ២០០១ ទៅកាន់ទីក្រុងមូស្គូ រថភ្លើងរបស់គាត់បានដឹកស្រាបារាំងល្អៗ និងបង្កងផ្ទាល់។ ក្រោយ​មក​គាត់​បាន​ស្លាប់​ដោយ​ជំងឺ​គាំង​បេះដូង ខណៈ​កំពុង​ជិះ​រថភ្លើង​មួយ​របស់​គាត់ ដែល​ឥឡូវ​នេះ​ត្រូវ​បាន​គេ​ដាក់​តាំង​នៅ​ក្នុង​ផ្នូរ​របស់​គាត់។ លោក គីម អ៊ីលស៊ុង ស្ថាបនិកប្រទេសកូរ៉េខាងជើង ក៏បានធ្វើដំណើរទៅក្រៅប្រទេសជាចម្បងដោយរថភ្លើង រហូតដល់គាត់បានទទួលមរណភាពនៅឆ្នាំ ១៩៩៤ផងដែរ។

ទោះបីជាយ៉ាងណាក៏ដោយ មានមនុស្សតិចបំផុត ដែលបានឃើញទិដ្ឋភាពខាងក្នុងរថភ្លើង។ នោះរួមទាំងមន្ត្រីរុស្ស៊ីមួយរូបគឺលោក Konstantin Pulikovsky ផងដែរ ដែលនៅក្នុងសៀវភៅ Orient Express របស់គាត់ បានរៀបរាប់ពីមុខម្ហូបអាហារឆ្ងាញ់ៗ ក្នុងអំឡុងពេលធ្វើដំណើរឆ្លងកាត់ចុងបូព៌ារបស់រុស្ស៊ីជាមួយឪពុករបស់លោក គីម គឺលោក គីម ជុងអ៊ីល។

លោក Pulikovsky បានសរសេរថា អ្នកដំណើរអាចជ្រើសរើសមុខម្ហូបចម្រុះ រួមទាំងម្ហូបមកពីកូរ៉េ និងជប៉ុន និងបញ្ជីស្រាដែលរួមមាន Bordeaux និង Burgundy ផងដែរ។ លើសពីនេះ ក្នុងរថភ្លើងមានទាំងសិល្បការិនី ច្រៀងរាំនិងសម្តែងឲ្យភ្ញៀវ មើលកម្សាន្តទៀតផង។

ការធ្វើដំណើរឆ្លងកាត់ព្រំដែនមានភាពស្មុគស្មាញ។ នៅពេលលោក គីម ទៅលេងរុស្ស៊ី កង់របស់រថភ្លើងត្រូវតែផ្លាស់ប្តូរ ព្រោះផ្លូវរបស់រុស្ស៊ីខុសគ្នា។ តែសម្រាប់​ប្រទេស​ចិន មិន​ចាំបាច់​មាន​ការ​ផ្លាស់​ប្តូរ​ទេ ប៉ុន្តែ​មាន​ក្បាលរថភ្លើង​របស់​ចិន​ចូល​ទៅ​ទាញ​រថភ្លើងរបស់កូរ៉េខាងជើង ដោយប្រទេសចិនតែងតែប្រើប្រាស់ម៉ាស៊ីនពិសេសដែលមានលេខ «០០០១ ឬ ០០០២” សម្រាប់ការធ្វើដំណើរ VIP បែបនេះ។ ល្បឿនរថភ្លើងអាចឡើងដល់ ៨០ គីឡូម៉ែត្រក្នុងមួយម៉ោងនៅក្នុងប្រទេសចិន ប៉ុន្តែមានតែប្រហែល ៤៥ គីឡូម៉ែត្រក្នុងមួយម៉ោងប៉ុណ្ណោះនៅក្នុងប្រទេសកូរ៉េខាងជើង។

លោក គីម ក៏បានប្រើប្រាស់រថភ្លើងទាំងនេះសម្រាប់ការធ្វើដំណើរក្នុងស្រុកទៅទីតាំងមានចម្ងាយឆ្ងាយ ទស្សនាកសិដ្ឋាន និងទីប្រជុំជន ដើម្បីផ្សព្វផ្សាយគំនិតរបស់លោកអំពី «របបកុម្មុយនិស្ត» ។ សម្រាប់លោក គីម រថភ្លើងមិនមែនគ្រាន់តែជាផ្លូវសម្រាប់ធ្វើដំណើរនោះទេ វាគឺជាវិមានដែលសុវត្ថិភាព អនុញ្ញាតឱ្យលោកធ្វើការ រស់នៅ និងផ្ដល់ថាមពលនៅពេលកំពុងធ្វើដំណើរ៕

អត្ថបទ៖ ប៊ុន សុភាព

The post ហេតុអ្វីលោក គីម ជុងអ៊ុន ប្រើប្រាស់រថភ្លើងដើម្បីធ្វើដំណើរទៅក្រៅប្រទេសជាជាងប្រើយន្តហោះ? appeared first on Kampuchea Thmey Daily.

ជាការបញ្ជាទិញ ក្នុងការយកចិត្តទុកដាក់ និងផ្តល់នូវសេវាកម្មដែល មានសុវត្ថិភាព ទាន់ពេល​វេលា និងប្រសិទ្ធភាពខ្ពស់បំផុតជូនដល់អតិថិជនទាំងអស់គ្នា។

ដើម្បីធានាបាននូវស្តង់ដារខ្ពស់បំផុត ក្រុមហ៊ុន​បានអនុវត្តវិធានការត្រួត​ពិនិត្យយ៉ាងតឹងរ៉ឹង​លើ​សម្ភារៈ និងគ្រឿងបរិក្ខារថភ្លើងមុនពេលដាក់ឱ្យបម្រើសេវាកម្ម។

ការវិនិយោគនេះបង្ហាញពីការខិតខំប្រឹងប្រែង ក្នុងការពង្រឹងសុវត្ថិភាព បង្កើនប្រសិទ្ធភាពសេវាកម្ម និងការបំពេញតម្រូវការរបស់អតិថិជនឱ្យបានទាន់ពេលវេលា។

ក្រុមហ៊ុនរ៉ូយ៉ាល់ រ៉េលវេ កាលពីពេលកន្លងទៅថ្មីៗនេះ ​បាន​បញ្ជាទិញទូរថភ្លើងដឹកទំនិញថ្មីចំនួន ២២១ គ្រឿង ពីប្រទេសចិន ដើម្បីបង្កើនសមត្ថភាពដឹកជញ្ជូនឱ្យកាន់តែល្អប្រសើរជាងមុន៕

The post ក្រុមហ៊ុនរ៉ូយ៉ាល់ រ៉េលវេ ទិញកង់រថភ្លើង ១៥០ ឈុត គាំ​ទ្រដល់ការដឹកជញ្ជូនទំនិញ appeared first on Kampuchea Thmey Daily.

ហេតុការណ៍​នេះ បានកេីតឡេីងនៅវេលាម៉ោង ២និង៥០នាទីរសៀល ថ្ងៃទី០៥ ខែមេសា ឆ្នាំ២០២៥ ដែល​ស្ថិត​នៅ​តាម​បណ្តោយផ្លូវរថភ្លេីង សង្កាត់បឹងល្អក់ទី២ ខណ្ឌទួលគោក រាជធានីភ្នំពេញ។

បើ​តាម​ប្រភព​ពី​ម្ចាស់​រថយន្ត​កូរ៉េ​បាន​ឱ្យ​ដឹងថា មុន​ពេលកើតហេតុគាត់បានបេីករថយន្តកូរ៉េដឹកទំនិញ មួយគ្រឿងពាក់ស្លាកលេខ តាកែវ 1A-0346 បើកមកឈប់មុខហាងបាយ ហើយ​បាន​ចុះទៅអង្គុយហូបបាយ មួយស្ទុះក្រោយមក ក៏មានរថភ្លេីងមក រួច​ឮ​សុីផ្លេ​ពី​ចម្ងាយ​គាត់​មិន​បាន​ចាប់​អារម្មណ៍ ខណៈពេលកំពុងហូបបាយមានរថភ្លើងបានមកដល់ពីទិសដៅកើតមកលិច បានបុករថយន្តពេញទំហឹងបណ្តាល​ឱ្យ​រុញ​រថយន្ត​ចូល​ទៅ​បុក​ផ្ទះ​ប្រជាពលរដ្ឋ​ខូចខាត​សម្ភារៈ​អស់​មួយ​ចំនួនធំ។

ក្នុង​ឃើញ​មាន​អ្នក​ជំនាញ​ខាង​រថភ្លើង​បាន​ចុះមកទីតាំងកន្លែងកើតហេតុ ដើម្បី​ធើ្វ​ការ​វ៉ៃ​តម្លៃ​ទំហំ​នៃ​ការខូចខាតរថភ្លើង ថ្លៃ​ជួសជុល​ប្រមាណ​ខ្ទង់ពាន់ដុល្លារ។

ក្រោយ​កេីតហេតុ កម្លាំង​សមត្ថកិច្ច​ជំនាញមូលដ្ឋានបានចុះមកដល់ទីតាំងកេីតហេតុ និង​បាន​ឱ្យ​ភាគី​ខាង​រថយន្តកូរ៉េ ធ្វេីការដោះស្រាយជាមួយភាគីម្ចាស់ផ្ទះទាំងសងខាងផងដែរ៕

អត្ថបទ ៖ ម៉េង

The post ចត​រថយន្តក្បែរផ្លូវរថភ្លើង​ទៅហូបបាយមួយភ្លែត​ ត្រូវរថភ្លើងបុករុញចូលផ្ទះ appeared first on Kampuchea Thmey Daily.

យោងតាមប្រជាពលរដ្ឋដែលរស់នៅក្បែរចំណុចកើតហេតុបានបញ្ជាក់ថា ហេតុការណ៍នេះបានកើតឡើងនៅចំណុចភូមិអូរតាគី ឃុំអូរតាគី ស្រុកថ្មគោល ខេត្តបាត់ដំបង ដែលនៅមុនពេលកើតហេតុគេសង្កេតឃើញមានរថភ្លើងមួយខ្សែ បើកបរក្នុងទិសដៅពីបាត់ដំបងទៅខេត្តបន្ទាយមានជ័យ លុះទៅដល់ចំណុចកើតហេតុក៏ស្រាប់តែមានទូចំនួន៣ បានផ្អៀងទៅឆ្វេង ហើយក៏ក្រឡាប់ធ្លាក់ចេញពីផ្លូវដែកតែម្ដង ដែលជាសំណាងល្អនៅក្បែរផ្លូវពុំមានមនុស្ស ហើយក៏ជាទូដឹកស្រូវពេញៗផងដែរ ដែលពុំបានបង្កឲ្យមានគ្រោះថ្នាក់ដល់នណាម្នាក់ឡើយ។

ក្រោយពេលកើតហេតុ កម្លាំងជំនាញពាក់ព័ន្ធ និងកម្លាំងគ្រឿងចក្រនៃអង្គភាពអយស្ម័យយានបាត់ដំបង បានចេញប្រតិបត្តិការ ធ្វើការជួសជុលផ្លូវមួយខ្សែត្រង់ចំណុចកើតហេតុ ដោយធ្វើការផ្លាស់ប្ដូរដែករ៉ៃ និងធ្វើការស្ទូចទូរថភ្លើងទាំងនោះឡើងមកលើផ្លូវរថភ្លើងវិញ ដោយករណីមិនទាន់មានប្រភពណាមួយអះអាងអំពីមូលហេតុនៅឡើយទេ៕

អត្ថបទ៖ សោ និយមរ័ត្ន

The post រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល appeared first on Kampuchea Thmey Daily.

កាលពីថ្ងៃទី ០៦ ខែមិថុនា ក្រុមការងារបច្ចេកទេសនាយកដ្ឋានផ្លូវដែក នៃក្រសួងសាធារណការ និងដឹកជញ្ជូន បានចុះពិនិត្យ តាមដានការធ្វើតេស្តសាកល្បងរថភ្លើងប្រភេទ Kiha-183 ដែលត្រូវបានកែសម្រួលប្រព័ន្ធហ្វ្រាំង និងទទឹងកង់ពី ១០៦៧ មីលីម៉ែត្រ មក១០០០ មីលីម៉ែត្រ។

ក្រុមហ៊ុន Royal Railway Cambodia បានដាក់ឱ្យបើកសាកល្បងនៅថ្ងៃទី៨ ខែមិថុនា ឆ្នាំ២០២៤ លើផ្លូវដែកភាគខាងត្បូង ខេត្តព្រះសីហនុ-ភ្នំពេញ ចំនួន ៤ គ្រឿងរួចមកហើយ ក្នុងចំណោម ១១ គ្រឿងដែលទិញពីជប៉ុន ដោយត្រូវពិនិត្យដំណើរការកង់ ប្រព័ន្ធហ្វ្រាំង និងការងារផ្សេងៗទៀតបណ្តើរៗតាមដំណាក់កាល នៃការរត់លើផ្លូវដែក ដើម្បីប្រាកដថាមានសុវត្ថិភាពសម្រាប់ដឹកជញ្ជូនអ្នកដំណើរ មុននឹងដាក់ឱ្យដំណើរការជាផ្លូវការ។

ចំពោះការដាក់ឱ្យដំណើរការជាផ្លូវការ ក្រុមហ៊ុន RRC នឹងជម្រាបជូននាពេលបន្ទាប់ ដោយត្រូវបែងចែកការបើកបរសម្រាប់អ្នកដំណើរជាពីរ ក្នុងនោះផ្លូវរថភ្លើងភាគខាងត្បូង ភ្នំពេញ-ព្រះសីហនុ តម្រូវឱ្យរត់ ៨០km/h និងសម្រាប់ផ្លូវរថភ្លើងភាគខាងជើង ភ្នំពេញ-ប៉ោយប៉ែត តម្រូវឱ្យរត់ចន្លោះពី ៣០-៥០ km/h៕

អត្ថបទ៖ ឡេង ដេត

The post រថភ្លើងទិញពីជប៉ុន ៥ គ្រឿងទៀត ត្រៀមបើកសាកល្បងពីខេត្តព្រះសីហនុ-ភ្នំពេញ appeared first on Kampuchea Thmey Daily.