ក្រឡេកទៅមើលគំនរខោអាវក្នុងទូ ត្រូវយកកន្លែងទុកដាក់របស់ផ្សេងៗ ទើបមានគ្រួសារជាច្រើនជ្រើសរើសយកវាទៅឲ្យសាច់ញាតិ អ្នកស្គាល់គ្នា អ្នកជិតខាង មិត្តរួមការងារ។ ប៉ុន្តែ នេះមិនត្រឹមតែជួយសន្សំលុយប៉ុណ្ណោះទេ ថែមទាំងជាមធ្យោបាយដ៏មានប្រសិទ្ធភាពក្នុងការប្រើសម្លៀកបំពាក់ឡើងវិញ ស្របពេលបង្ហាញពីអារម្មណ៍កក់ក្តៅរវាងមនុស្សជុំវិញខ្លួន។

ទោះជាយ៉ាងនេះក្តី ឪពុកម្តាយត្រូវយកចិត្តទុកដាក់ជាពិសេសថា សម្លៀកបំពាក់របស់កុមារអាចផ្តល់ ឬទទួលបាន ប៉ុន្តែវត្ថុទាំង៣ខាងក្រោមនេះ ទោះថ្មីយ៉ាងណាក៏មិនគួរបោះបង់ចោលដែរ ហើយប្រសិនបើនរណាម្នាក់ឲ្យអ្នកនោះ កុំស្ទាក់ស្ទើរក្នុងការបដិសេធ ចៀសវាងនាំមេរោគចម្លងដោយមិនខ្លួន។

១. ស្បែកជើង

ថ្វីដ្បិតតែស្បែកជើង និងសម្លៀកបំពាក់គឺជាសម្លៀកបំពាក់ខាងក្រៅក៏ដោយ លក្ខណៈសម្បត្តិរបស់ក្មេងៗគឺខុសគ្នាទាំងស្រុង។ សម្លៀកបំពាក់អាចទទួលយកបាន ប៉ុន្តែស្បែកជើងមិនគួរត្រូវបានទទួលយកទេ។

អ្នកស្លៀកសំលៀកបំពាក់កាន់តែយូរ ពួកវាកាន់តែធូររលុង ហើយប៉ះពាល់ដល់ការលូតលាស់រាងកាយរបស់កុមារកាន់តែតិច។ ប៉ុន្តែស្បែកជើងដែលបានប្រើគឺខុសគ្នា ជាធម្មតាវាសមនឹងទម្រង់ជើងរបស់អ្នកពាក់មុនប៉ុណ្ណោះ។ ប្រសិនបើកុមារពាក់ស្បែកជើងចាស់របស់អ្នកដទៃ វាអាចប៉ះពាល់ដល់ការវិវត្តនៃជើងរបស់ពួកគេ។

លើសពីនេះ បាតស្បែកជើង ឬផ្ទៃស្បែកជើងដែលពាក់មិនស្មើគ្នាអាចធ្វើឲ្យខូចឥរិយាបថដើររបស់កុមារ ហើយថែមទាំងបណ្តាលឲ្យរអិល និងដួលទៀតផង។ ដូច្នេះហើយ កុមារមិនគួរពាក់ស្បែកជើងចាស់របស់អ្នកដទៃឡើយ ទោះថ្មីយ៉ាងណាក៏ដោយ ក៏មិនគួរទទួលយកដែរ។ ការសន្សំបែបនេះនឹងអាក្រក់សម្រាប់អ្នកទៅវិញទេ។

២. ខោអាវទ្រនាប់ ខោអាវខាងក្នុង

ខោអាវទ្រនាប់ និងស្រោមជើង គឺជារបស់ដែលប៉ះផ្ទាល់ជាមួយរាងកាយរបស់កុមារ មិនដូចសម្លៀកបំពាក់ធម្មតាដែលអាចបោកគក់ និងប្រើឡើងវិញបាន។ ធាតុទាំងនេះមានលក្ខណៈផ្ទាល់ខ្លួនខ្ពស់។ បើ​បាន​ប្រើ​សូម្បី​តែ​ម្តង​ក៏​មិន​គួរ​ពាក់​ដោយ​កុមារ​ទៀត​ដែរ។

គ្មាន​នរណា​ដឹង​ថា​វត្ថុ​នោះ​ត្រូវ​បាន​រក្សា​ទុក​យូរ​ប៉ុណ្ណា​ទេ ឬ​ថា​តើ​បរិយាកាស​ស្តុក​ទុក​ស្អាត​ឬ​អត់។ បើ​មិន​បាន​យក​ដៃ​ប្រយ័ត្ន​ប្រយែង​ទេ កុមារ​ដែល​ពាក់​វា​ងាយ​នឹង​រលាក និង​ប៉ះពាល់​ដល់​សុខភាព។

មាន​ករណី​កុមារ​ស្លៀក​ខោ​ទ្រនាប់​ចាស់​របស់​អ្នក​ដទៃ​បន្ទាប់​មក​មាន​កន្ទួល​ក្រហម និង​រមាស់។ នៅពេលទៅជួបគ្រូពេទ្យ គាត់បាននិយាយថា មូលហេតុគឺអាឡ័កស៊ីលើស្បែក ប្រហែលជាទាក់ទងនឹងខោក្នុងដែលមិនមានអនាម័យ ទោះបីជាបានបោកគក់ច្រើនដងក៏ដោយ។ ដូច្នេះហើយ ខោអាវទ្រនាប់គួរទិញថ្មីទាំងស្រុង មិនត្រូវប្រើឡើយ ដើម្បីចៀសវាងការសន្សំតិចតួច ប៉ុន្តែមានគ្រោះថ្នាក់ខ្លាំងដល់កុមារ។

៣. ឧបករណ៍ប្រើប្រាស់ផ្ទាល់មាត់

មាន​មនុស្ស​ដែល​សុខចិត្ត​ទទួល​យក​ដប​ទារក​ដែល​បាន​ប្រើ​រួច ក្បាលជញ្ចក់ទារក និង​ស្លាបព្រា​ពី​អ្នក​ស្គាល់គ្នា។ ដោយសារតែខ្វះបទពិសោធន៍ ពួកគេគិតថា របស់ទាំងនេះប្រើបានតែពីរបីដងប៉ុណ្ណោះ ត្រូវបានរក្សាហើយ ដូច្នេះមានសុវត្ថិភាព។

ប៉ុន្តែតាមការពិត របស់របរដែលប៉ះផ្ទាល់នឹងមាត់ ទោះបីជាវាមើលទៅស្អាតក៏ដោយ នៅតែបង្កគ្រោះថ្នាក់។ របស់របរទាំងនេះ ថ្វីដ្បិតតែវាមើលទៅថ្មី ប៉ុន្តែនៅតែមានស្នាមឆ្កូតតូចៗ ដែលជាកន្លែងដែលបាក់តេរីដូចជា Helicobacter pylori អាចលាក់ខ្លួនបានយ៉ាងងាយ ដែលអាចបង្កគ្រោះថ្នាក់ដល់ពោះវៀនរបស់កុមារ។

ទោះជាយ៉ាងណាក៏ដោយ ប្រសិនបើអ្នកចង់ប្រើរបស់ចាស់សម្រាប់កុមារអ្នកត្រូវយកចិត្តទុកដាក់៖

– លាងសម្អាតខោអាវដែលបានប្រើរួចឲ្យបានស្អាត ជាពិសេសកន្លែងពិបាកបោកគក់ បន្ទាប់មកសម្លាប់មេរោគ ដើម្បីចៀសវាងបាក់តេរី។

– ស័ក្តិសមសម្រាប់កុមារ៖ ធានាបាននូវទំហំសមស្រប រចនាប័ទ្ម សម្ភារៈ មិនបង្កឲ្យរលាកស្បែក។

– ការចាត់ថ្នាក់ច្បាស់លាស់៖ សម្លៀកបំពាក់ក្មេងប្រុស និងក្មេងស្រីគួរតែដាច់ដោយឡែកពីគ្នា ដើម្បីផ្គូផ្គងការយល់ឃើញភេទរបស់កុមារ។

សម្រាប់ការសន្សំគឺអាចយល់បាន ប៉ុន្តែមិនមែនគ្រប់របស់ប្រើប្រាស់ទាំងអស់មានតម្លៃទទួលយកនោះទេ។ កុំ​ទុកឲ្យការ​សន្សំ​តូច​ធ្វើ​ឲ្យកូន​អ្នក​ទទួល​រង​ការ​ខាត​បង់​ធំ។ សូមប្រុងប្រយ័ត្ន ដើម្បីការពារសុខភាព និងការអភិវឌ្ឍន៍របស់កូនអ្នក៕

អត្ថបទ៖ សាង ស្រីល័ក្ខ

ចុចអាន៖ជីវិតដ៏សន្សំសំចៃ របស់មហាសេដ្ឋីពិភពលោក Warren Buffett

The post ​វត្ថុប្រើប្រាស់​ ៣ យ៉ាងរបស់កុមារ ពុំគួរទទួលយកពីអ្នកដទៃដាច់ខាត appeared first on Kampuchea Thmey Daily.

របស់​ដែលខូច

បើផ្អែកតាម​ជំជឿ​បុរាណកាល​មក គេជឿថា របស់​ដែលខូចៗឬបែកបាក់ហើយយកទៅទុកក្នុងរថយន្ត​ នឹង​បង្កឲ្យ​មាន​ការ​ឃ្លាត​ចេញ​ពី​មនុស្ស​ដែលយើងស្រលាញ់ឬ​ជិតស្និទ្ធបំផុត។ មួយទៀតអ្នកនឹងមាន​រឿង​មិនសប្បាយចិត្ត មាន​តែ​ភាព​ឈឺចាប់​ឥតល្ហើយចូលមកក្នុងជីវិត។

នាឡិកា​ខូច

គេជឿថា ​វា​នឹង​នាំ​តែ​ទុក្ខវេទនា សំណាង​អាក្រក់​និង​ការ​បាត់បង់​មិន​ចេះចប់​មិន​ចេះហើយ។ ជាពិសេស​សមាជិក​គ្រួសារ​មាន​តែ​រឿង​ឈឺចាប់​ ជួប​ហើយ​ក៏​បែកគ្នាមិនលោះពេល។

ភួង​ម្លិះ​ស្ងួត​ឬ​ក្រៀម

បើ​ទិញ​កម្រង​ផ្កា​ស្រស់​ទៅ​ព្យួរ​ឡាន នៅពេលដែលស្ងួត គួរតែយកវាចេញពីឡាន។ ព្រោះ​ដៃ​ចង្កូត​ស្រស់​ប្រៀប​ដូច​ជា​ជ័យ​ជម្នះ​មុន​នឹង​ចេញ​ទៅ​ដោយ​រលូន។ ប៉ុន្តែ​ពេលផ្កា​កន្លែង​ចង្កូតស្ងួត គេ​ជឿ​ថា ​នឹង​ធ្វើ​ឲ្យ​ការ​ធ្វើ​ដំណើរ​ពិបាក និង​មិន​រលូន ។

វត្ថុ​របស់​អ្នក​ស្លាប់

គេ​មាន​ជំនឿ​ជឿ​ថា ​វត្ថុ​របស់​អ្នក​ស្លាប់​នឹង​ធ្វើ​ឲ្យ​មាន​រឿង​មិន​ស្រួល​ក្នុង​ចិត្ត​ ​មួយថ្ងៃ​ៗ​មាន​តែ​តានតឹង​ក្នុង​អារម្មណ៍ ពិបាក​ចិត្ត ឈឺចាប់ស្ទើតែចង់សម្លាប់ខ្លួនក៏មាន​។

លុយ​ធ្លាក់​រាយប៉ាយ​ក្នុង​ឡាន

ប្រសិនបើ​លុយ​ធ្លាក់​រញ៉េរញ៉ៃ​ គ្មាន​សណ្ដាប់ធ្នាប់​ក្នុងឡាន​ គេមាន​ជំជឿថា ​នោះ​លុយ​ក្នុង​ហោប៉ៅ​ឬ​កាបូប​របស់​យើង ​នឹង​ចេញ​ច្រើនជាងទទួល​បានមកវិញ។

ទោះយ៉ាងណា​ក៏ដោយ ទាំងនេះគ្រាន់តែជាជំនឿផ្ទាល់ខ្លួន​ប៉ុណ្ណោះ។ ទោះបីជា​វត្ថុ​សក្ដិសិទ្ធិ​​អាច​ជួយ​យើងឲ្យ​មាន​អារម្មណ៍​ស្រួល​ នៅ​ពេល​បើកបរ​ក៏ដោយ។ ប៉ុន្តែអ្វីដែលសំខាន់​បំផុត​គឺ ស្មារតី​រៀបចំ​រាងកាយ និង​​ពិនិត្យ​មើល​ស្ថានភាព​រថយន្ត​ មុន​ចេញដំណើរទៅមក៕

គ្រូ ណុប

ចុចអាន៖៣ យ៉ាងហាមមានក្នុងផ្ទះ អាចទាញលាភសំណាងចេញ និងនាំភាពក្ដៅក្រហាយដល់គ្រួសារ

ចុចអាន៖ត្បូង ៤ គ្រាប់នេះ ជួយបង្កើនថាមពល លុយកាក់ ស្នេហា និងថែមទាំងការពារពីពពួកយាយីព្យាបាទ

The post វត្ថុ ៥ យ៉ាង តាមជំនឿចាស់ៗផ្ដាំថា មិនគួរមានក្នុងរថយន្ត ប្រយ័ត្ននាំគ្រោះដល់ជីវិត​ appeared first on Kampuchea Thmey Daily.

របស់ ៣ យ៉ាងនោះគឺ៖

១ វត្ថុដែល​ខូច​ឬបែកបាក់

ប្រសិន​បើ​នៅក្នុងផ្ទះរបស់​អ្នក​មាន​ឧបករណ៍​ខូច មិន​អាច​យក​មក​ប្រើប្រាស់​ទៀត​ទេ សូម​យក​វា​ចេញ​ពី​ផ្ទះ​ភ្លាម។ កុំ​ទុក​របស់​ទាំង​នេះ​នៅ​ក្នុង​ផ្ទះ ព្រោះ​គេ​ជឿ​ថា​ ជា​ប្រផ្នូល​អាក្រក់ ផ្ទុយ​ពី​លាភ​សំណាង។ វត្ថុឬរបស់ណាមួយ ​រួម​ទាំងនាឡិកាដែលអស់ថ្ម ត្រូវដាក់ថ្មប្រើវិញ ឬបោះចោលតែម្ដង។

២ កុំ​ដាក់​របស់​ មិន​មាន​សណ្ដាប់​ធ្នាប់​

បើ​មាន​របស់​របរ​នៅ​ក្នុង​ផ្ទះ​រញ៉េរញ៉ៃ មិន​រៀបចំ ឬ​មាន​វត្ថុ​រប៉ាត់រប៉ាយ​ដាក់​តាម​ទ្វារ ជណ្ដើរ ផ្លូវ​ដើរ ដែល​គេ​ជឿ​ថា ​ផ្ទុយ​នឹង​លាភ​សំណាង នាំភាពចង្រៃនិងឧបទ្រពចូលមកដល់ក្នុងផ្ទះ។ ការ​រៀបចំឲ្យមានសណ្ដាប់ធ្នាប់ នឹងជួយ​​ឲ្យ​មាន​លាភ​ចូល​ហូរហៀរ​មិន​ដាច់។

៣ កុំធ្វើឲ្យផ្ទះគ្មាន​ពន្លឺចេញចូលឲ្យសោះ

កុំ​ឲ្យ​ផ្ទះ​ងងឹត​ឲ្យសោះ គួរតែធ្វើ​ឲ្យ​ផ្ទះមាន​ពន្លឺ​គ្រប់គ្រាន់ ​ដើម្បី​មើល​ឃើញ​ច្បាស់ មិនថាស្ថិត​ក្នុង​បរិយាកាស​ងងឹតណាមួយទេ។ ដោយសារភាពងងឹត នឹងទាញភាពស៊យចូលមក ឬពពួកអមនុស្ស ជាពិសេសគេ​ជឿ​ថា ជា​ជីវិត​ខ្វះ​ទ្រព្យ​សម្បត្តិខ្លាំងណាស់៕

គ្រូ ណុប

ចុចអាន៖ក្បួនពាក់ចិញ្ចៀន ជួយបង្កើនសំណាង ហៅលុយចូល ឯអ្នកនៅលីវ ឆាប់ជួបគូព្រេងពិត

ចុចអាន៖ឆ្នាំទាំង ១២ ដាំដើមឈើតាមធាតុនេះ ជួយចម្រុងចម្រើនលុយកាក់ អ្នកនៅលីវនឹងជួបស្នេហ៍ពិត

The post ៣ យ៉ាងហាមមានក្នុងផ្ទះ អាចទាញលាភសំណាងចេញ និងនាំភាពក្ដៅក្រហាយដល់គ្រួសារ appeared first on Kampuchea Thmey Daily.

ដូច្នេះហើយ អ្នកក៏គួរបោះចោលវត្ថុចាស់ៗ​ដើម្បីនាំរបស់ថ្មីៗចូលមកវិញ ៖

១ សំលៀកបំពាក់ចាស់ៗ

សំលៀកបំពាក់​ខ្លះ​ៗ​ ដែល​អ្នក​មិន​បាន​ពាក់​ក្នុង​រយៈពេល ១០ ឆ្នាំ ​ត្រូវប្រាប់​ខ្លួនឯង​ថា​ វាដល់ពេល​ដែល​ត្រូវ​និយាយ​លា​ហើយ ។ កុំគិតថា​ថ្ងៃណាមួយ ​អ្នក​អាច​ពាក់​វា​ម្ដង​ទៀត ព្រោះរបស់ទុកកាន់តែយូរនឹងកាន់តែចង្អៀតប្រើលែងបាន ដូច្នេះ​អ្នក​មិន​បាន​ប្រើ​វា​ទៀតទេ។

​របស់អស់នោះ​ អាច​បរិច្ចាគ​ដល់​អ្នកដទៃ ឬបោះចោលក៏បាន។

២ រ៉ូបកូនក្រមុំ

វា​អាច​ជា​ការ​សម្រេចចិត្ត​ដ៏​លំបាក​មួយ ​ក្នុង​ការ​បោះ​វា​ចោល​ឬ​បរិច្ចាគ។ ព្រោះ​វា​អាច​ជា​ឈុត​ថ្លៃ​ និង​មាន​តម្លៃ​សម្រាប់​យើង។ ប៉ុន្តែ​អ្នក​ត្រូវ​តែ​បោះចោល​ ដើម្បី​ជា​ការ​លា​ឆ្នាំ​ចាស់។

៣ របស់​ដែល​អ្នកដទៃ​ផ្ដល់​ឲ្យ ហើយ​អ្នក​មិន​ចូលចិត្ត

មិនថា​របស់​យើង​ទិញ​មក ​ឬ​គេ​ឲ្យទេ ​ហើយ​យើង​មិន​បាន​ពាក់​វា​សូម្បី​តែ​ម្ដង​សោះ។ ដូច្នេះ​គួរតែ​បរិច្ចាគ ​ឬ​ប្រគល់​វា​ ទៅ​ឲ្យ​នរណា​ក៏​បាន។

​៤ ឈុតកាលនៅរៀន

តាមពិត​ឈុតវិទ្យាល័យ ​សុទ្ធ​តែ​មាន​អត្ថន័យ​ល្អ​សម្រាប់​យើង​គ្រប់គ្នា ​ប៉ុន្តែ​ឈុត​ទាំងនេះ​ យើង​អាច​បោះ​វា​ចោល​ ឬ​បរិច្ចាគ​បាន ​ព្រោះ​បើ​ទុក​នៅ​យើង​ក៏​បាន​ត្រឹម​កប់​ចោល​ដដែល។

៥ វត្ថុ​ឥត​បានការ

មានវត្ថុមួយចំនួន យើងមិនគួរទុកនៅនាំតែចង្អៀតទូ ឬផ្ទះនោះទេ។ របស់​អស់​នោះ​ យើង​អាច​បោះចោល​ ឬ​ធ្វើអ្វី​ម៉្យាង​ដល់​អ្នក​ដែល​គេ​គ្មាន​ក៏​បាន​បុណ្យ​ច្រើន។

យ៉ាងណាមិញ ​ឆ្នាំថ្មីជិតមកដល់ហើយ របស់ណាមិនគួរទុកទេ មិនបាច់ទុកនាំចង្អៀតឡើយ។ គួរទិញចូលឬផ្លាស់ទីវត្ថុថ្មី ដើម្បីឲ្យមានសិរីសួស្ដី និងសំណាងល្អចូលមានដល់ជីវិត៕

ប្រែសម្រួល៖ សាង ស្រីល័ក្ខ

The post មុនឆ្នាំថ្មីមកដល់ គួរបោះចោលវត្ថុចាស់ៗ ៥ នេះ ក្នុងទូខោអាវឲ្យអស់ appeared first on Kampuchea Thmey Daily.