របាំនេះមានឈ្មោះ Al-Ayyala ជាប្រពៃណីវប្បធម៌អារ៉ាប់ សម្តែងជាទម្រង់សិល្បៈដែលមានប្រជាប្រិយបំផុតនៅអារ៉ាប់រួម ព្រមទាំងនៅភាគពាយព្យប្រទេសអូម៉ង់ផងដែរ ហើយរបាំនេះ​ ត្រូវបានដាក់បញ្ចូលក្នុងបញ្ជីបេតិកភណ្ឌវប្បធម៌អរូបីនៃមនុស្សជាតិ របស់អង្គការយូណេស្កូក្នុងឆ្នាំ២០១៤។

របាំ Al-Ayyala បូករួមទាំងការសូត្រកំណាព្យ វាយស្គរ និងគ្រវីសក់ ដើម្បីញ៉ាំងបរិយាកាស លើកទឹកចិត្តដល់អ្នកចម្បាំងដែលនឹងទៅប្រយុទ្ធនៅសមរភូមិ។

ជា​ធម្មតា មានបុរស​ប្រហែល២០​នាក់​ឈរ​ជា​ពីរ​ជួរ​ទល់មុខ​គ្នា ដោយ​កាន់​ដំបង​ឫស្សី​តំណាង​ឲ្យ​លំពែង ឬ​ដាវ។ ចំណែកនៅកណ្តាល មានតន្រ្តីករគោះស្គរធំ ស្គរតូចនិងគង។ អ្នកសំដែងផ្សេងទៀតដើរជុំវិញ កាន់ដាវ ឬកាំភ្លើង ហើយជួនកាលបោះអាវុធឡើងខ្ពស់ រួចក៏ចាប់វិញ។

យ៉ាងណា នៅប្រទេសអារ៉ាប់រួម របាំនេះមានការផ្លាស់ប្តូរខ្លះ ពោលគឺក្មេង​ស្រី​ត្រូវស្លៀក​ពាក់​បែប​បុរាណ​ឈរ​ជួរ​មុខ គ្រវី​សក់ចំណែក​បុរស​កាន់​ដាវនិង​ស្គរ​ឈរ​ពី​ក្រោយវិញ។

គេតែងយករបាំ Al-Ayyala ទៅសម្តែងក្នុងពិធីមង្គលការនិងពិធីបុណ្យនានា។ សិល្បៈនេះ មានលក្ខណៈជាសកល ដោយមិនគិតពីអាយុ ភេទ និងវណ្ណៈសង្គមអ្វីឡើយ៕

អត្ថបទ៖ សុខ សុវណ្ណ

ចុចអាន៖ តើឥណ្ឌូណេស៊ី យករបាំអ្វីស្វាគមន៍ថ្នាក់ដឹកនាំ មកចូលរួមកិច្ចប្រជុំកំពូលអាស៊ាន ?

The post តើរបាំគ្រវីសក់ ដែលអារ៉ាប់រួម ស្វាគមន៍ លោកត្រាំ ជារបាំអ្វី appeared first on Kampuchea Thmey Daily.

នាយករដ្ឋមន្ត្រីកោះ Cook លោក Mark Brown ត្រូវបានស្វាគមន៍ជាមួយនឹងការសម្តែងរបាំ Walijamaliha នៅពេលគាត់មកដល់ព្រលានយន្តហោះ ។ របាំនេះរៀបរាប់ពីភាពរីករាយរបស់ប្រជាជនខេត្ត Banten ក្នុងការស្វាគមន៍ភ្ញៀវកិត្តិយស ។

អភិបាលស្តីទីខេត្ត Banten លោក Al Muktabar បាននិយាយនៅថ្ងៃចន្ទ ទី៤ ខែកញ្ញា ថា ការសម្តែងរបាំស្វាគមន៍ភ្ញៀវ គឺជាការខិតខំប្រឹងប្រែងដើម្បីបង្ហាញពីភាពសម្បូរបែបនៃវប្បធម៌របស់ប្រទេស ឥណ្ឌូណេស៊ី និងការបដិសណ្ឋារកិច្ចរបស់ខ្លួនក្នុងការទទួលភ្ញៀវទៅកាន់ពិភពលោក ។

ជាមួយគ្នានេះដែរ លោក Al Muktabar ក៏បានណែនាំនូវ sop buah សម្រាប់លោក Mark Brown ដែរ វាជាស្រាក្រឡុកផ្លែឈើទឹកកក ដែលត្រូវគេកំណត់ថា ជាបេតិកភណ្ឌវប្បធម៌អរូបីនៅក្នុងប្រទេស ឥណ្ឌូណេស៊ី ។

បន្ទាប់ពីលោក Mark Brown នាយករដ្ឋមន្រ្តីទីម័រខាងកើត លោក Xanana Gusmao ក៏បានមកដល់វេលាម៉ោងប្រហែល ៨ ព្រឹក ម៉ោងឥណ្ឌូណេស៊ីភាគខាងលិច ហើយលោកក៏ត្រូវបានស្វាគមន៍ដោយរបាំប្រពៃណីដែរ ។

ចំណែកឯនាយករដ្ឋមន្ត្រីវៀតណាម Pham Minh Chính ដែលបានមកដល់នៅម៉ោងប្រហែល ១០ និង ៣៥ នាទីព្រឹក ត្រូវបានស្វាគមន៍ដោយរដ្ឋមន្ត្រីក្រសួងទេសចរណ៍ និងសេដ្ឋកិច្ចច្នៃប្រឌិត Sandiaga Uno និងឯកអគ្គរដ្ឋទូតវៀតណាមប្រចាំនៅឥណ្ឌូណេស៊ី Ta Van Thong ជាមួយរបាំប្រពៃណី Betawi ៕

ប្រែសម្រួល៖ វារី
ប្រភព៖ asean2023

ចុចអាន៖ តើរបាំអ្វី ដែលឥណ្ឌូណេស៊ី យកទៅស្វាគមន៍មេដឹកនាំពិភពលោក មកចូលរួមកិច្ចប្រជុំ G20?

The post តើឥណ្ឌូណេស៊ី យករបាំអ្វីស្វាគមន៍ថ្នាក់ដឹកនាំ មកចូលរួមកិច្ចប្រជុំកំពូលអាស៊ាន ? appeared first on Kampuchea Thmey Daily.

នេះ​ជា​របាំ Pendet ដែលជា​របាំប្រពៃណីរបស់កោះ​បាលី ​ដោយតែងតែ​សម្តែង​ក្នុង​ពិធី​នានា​ដើម្បី​ស្វាគមន៍​ភ្ញៀវ​សំខាន់ៗ។

ដើមឡើយ របាំនេះ គឺបង្ហាញពីការដឹងគុណ និងការគោរពពីសំណាក់ប្រជាជនបាលី ដើម្បីស្វាគមន៍វត្តមានរបស់ព្រះដែលចុះមកពីឋានសួគ៌។

ជាធម្មតា Pendet ត្រូវបានសម្តែងដោយអ្នករបាំស្រីពី ៥ទៅ ៧នាក់ ដែលមានក្រណាត់រុំជុំវិញខ្លួន និងគ្រឿងពាក់ក្បាលដែលតុបតែងដោយផ្កា ហើយជួនកាលមានជារូបនាគ។

តាមទម្លាប់ អ្នករាំ​ក៏មាន​កាន់ផ្កាមួយ​ចាន​ផងដែរ ដើម្បីបាចទៅដល់ភ្ញៀវ។ ទោះបីជាយ៉ាងណាក៏ដោយ ក្នុងការទទួលស្វាគមន៍មេដឹកនាំទាំងឡាយមកកិច្ចប្រជុំ G20 នេះ មិនមានការបាចផ្កាអ្វីឡើយ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ BBC

ចុចអាន៖ ឥណ្ឌូណេស៊ី ស្វាគមន៍លោក បៃដិន ជាមួយរបាំប្រពៃណីដល់ព្រលានយន្តហោះ

The post តើរបាំអ្វី ដែលឥណ្ឌូណេស៊ី យកទៅស្វាគមន៍មេដឹកនាំពិភពលោក មកចូលរួមកិច្ចប្រជុំ G20? appeared first on Kampuchea Thmey Daily.