អ្នកជំនាញខាងបរិស្ថាន និងទេសចរណ៍បានលើកឡើងថា នៅតំបន់អាស៊ីអាគ្នេយ៍យើងនេះ គឺគ្មានកន្លែងណាដែលមានទេសភាពស្អាតលើសវាលធំនោះទេ។

លោក ញ៉ែម សំអឿន អភិបាលនៃគណៈអភិបាលខេត្តរតនគិរីបានគូសបញ្ជាក់ថា វាលធំស្ថិតនៅក្នុងឧទ្យានជាតិវីរៈជ័យ ហើយជាតំបន់ខ្ពង់រាបមានកម្ពស់ជាមធ្យមជាង ៣០០ ម៉ែត្រ ដែលអាចខ្ពស់ជាងកម្ពស់ភ្នំទូទៅនៅក្នុងខេត្ត។

បច្ចុប្បន្នផ្លូវធ្វើដំណើរទៅកាន់វាលធំគឺមិនទាន់មានភាពងាយស្រួលនៅឡើយទេ។ ការធ្វើដំណើរពីទីរួមខេត្តឆ្ពោះទៅស្រុកតាវែងមានចម្ងាយប្រហែល ៣០ គីឡូម៉ែត្រ ហើយបន្តទៅវាលធំទៀតសរុបចម្ងាយជិត ៥០ គីឡូម៉ែត្រ ដែលអាចចំណាយពេលធ្វើដំណើរពី ១ ម៉ោង ទៅ ២ ម៉ោង។

លោក ញ៉ែម សំអឿន បានឲ្យដឹងថា ខណៈ​តំបន់នេះមិនទាន់មានការរៀបចំឬកែច្នៃជាលក្ខណៈទ្រង់ទ្រាយធំនៅឡើយ ប្រសិនមានការវិនិយោគទៅលើហេដ្ឋារចនាសម្ព័ន្ធផ្លូវថ្នល់ ជាពិសេសបើសិន​មានសាងសង់​ព្រលានយន្តហោះ នឹងជួយជំរុញវិស័យទេសចរណ៍នៅតំបន់នេះឱ្យរឹតតែមានសក្តានុពល ទាំងទេសចរណ៍បែបវប្បធម៌របស់បងប្អូនជនជាតិភាគតិច និងកសិទេសចរណ៍៕

The post វាលធំឋានសួគ៌លោកិយ ហ៊ុំព័ទ្ធដោយពពក ជួរភ្នំ ព្រៃឈើ មានចម្ងាយ​ជាង ៥០​ ពី​ក្រុងបានលុង appeared first on Kampuchea Thmey Daily.

លោក រឿន ភិរុណ ប្រធានការិយាល័យរដ្ឋបាលមន្ទីរទេសចរណ៍ខេត្តរតនគិរី​បាន​ឲ្យ​ដឹង​ថា នៅ​លើ​ភ្នំ​ឥសី​បតមៈឬភ្នំស្វាយ ក្រៅ​តែ​ជា​ទីតាំង​ទី​សក្ការ​ដែល​កំពុង​មាន​ការ​សាងសង់​ព្រះពុទ្ធ​បដិមា​ដ៏​ខ្ពស់​ស្កឹមស្កៃ ក៏ជា​កន្លែង​សក្តិសមបំផុត​សម្រាប់​ការទស្សនាទេសភាព​ថ្ងៃរះ និង​ថ្ងៃលិច ជាមួយ​នឹង​ខ្យល់​អាកាស​ដ៏​បរិសុទ្ធ។

លោក​​ថា ​ភ្នំ​នេះ​ជា​ចំណុចកំពូលខ្ពស់ជាងគេនៅក្នុងក្រុង ​ដែល​អាច​ឱ្យភ្ញៀវ​ទេសចរ​គយគន់​ទេសភាព​ក្រុងបានលុង​ទាំង​មូល និង​មើល​ឃើញ​ទិដ្ឋភាព​ឆ្ងាយ​រហូត​ដល់​ជើងមេឃ។

ទីតាំងភ្នំ​នេះ​គឺជាចំណុចពិសេស​បំផុតមួយ​ដែល​ភ្ញៀវទេសចរ​មិនគួររំលង​ឡើយ នៅពេល​ធ្វើ​ដំណើរ​មកកម្សាន្តនៅខេត្តរតនគិរី ដើម្បីបានគយគន់ទេសភាព ស្រូបយកខ្យល់អាកាសបរិសុទ្ធ និង​គោរពបូជា។ ជា​រៀងរាល់​ថ្ងៃមាន​ភ្ញៀវទេសចរ​យ៉ាងតិច​ប្រមាណជា​ង ១០០ នាក់ និង​អាច​កើន​ឡើង​ដល់ ៤០០ ទៅ ៥០០ នាក់ មកកម្សាន្តនៅពេលរសៀលឬពេលថ្ងៃ​ជិត​លិច ដើម្បី​ទស្សនា​ទេសភាព​ផងនិង​គោរព​បូជា​ផង។

បើតាមលោក រឿន ភិរុណ ថ្នាក់ដឹកនាំ​ខេត្ត​តែងតែ​យកចិត្តទុកដាក់​រៀបចំ​ទីតាំងនេះ ​ឱ្យក្លាយ​ជា​តំបន់​រមណីយដ្ឋាន​ទេសចរណ៍​ដ៏​ទាក់ទាញសម្រា​ប់ភ្ញៀវជាតិ អន្តរជាតិ និង​ជាពិសេស​គឺ​ពុទ្ធបរិស័ទ៕

The post ភ្នំឥសីបតមៈ ជាចំណុច​កំពូល​ខ្ពស់​ជាង​គេ​អាច​ឱ្យ​ទេសចរ​គយគន់​ក្រុង​បានលុង​ ឆ្ងាយ​ផុត​ជើង​មេឃ appeared first on Kampuchea Thmey Daily.

យោងតាមរបាយការណ៍ របស់មន្ទីរទេសចរណ៍ខេត្តរតនគិរី បានឱ្យដឹងថា ក្នុងរយៈពេលបីថ្ងៃ ចាប់ពីថ្ងៃទី ១៧-១៨-១៩ ខែកុម្ភៈ ឆ្នាំ ២០២៦ ខេត្តរតនគិរី ទទួលបានភ្ញៀវទេសចរជាតិ និងអន្តរជាតិ មកកម្សាន្តតាមរមណីដ្ឋាននានា សរុបចំនួន ១០,៧៩៨នាក់ កើនឡើង ៣.៨៩% បើប្រៀបធៀបទៅរយៈពេលដូចគ្នាកាលពីឆ្នាំមុន មានចំនួន(១០,៣៩៥នាក់)។
របាយការណ៍ដដែលបញ្ជាក់ថា ក្នុងនោះភ្ញៀវទេសចរជាតិកើនចំនួន ៤,៦៥១ នាក់ ខណៈឯភ្ញៀវទេសចរអន្តរជាតិចំនួន ១៨៤ នាក់កើនឡើង ១៧.៩៥%។

លោក ង៉ែត ពិទូ ប្រធានមន្ទីរទេសចរណ៍ខេត្តរតនគិរី បានឲ្យដឹងថា ក្នុងរយៈពេល៣ថ្ងៃកន្លងមកនេះ ទោះបីបុណ្យចូលឆ្នាំចិនមិនមែនជាពិធីបុណ្យជាតិរបស់ខ្មែរក៏ដោយ ក៏នៅកម្ពុជាមានប្រជាពលរដ្ឋខ្មែរជាច្រើនដែលមានសែស្រឡាយចិន។ ដូច្នេះហើយប្រជាពលរដ្ឋខ្មែរដែលមានសែស្រឡាយចិន បាននាំគ្នាធ្វើដំណើរកម្សាន្តនៅតាមរមណីដ្ឋាននានាយ៉ាងច្រើន។ ជាពិសេស ខេត្តរតនគិរី មានរមណីដ្ឋានធម្មជាតិជាច្រើនសម្រាប់សម្រាកលំហែកាយ និងកម្សាន្ត។

លោកបន្តថា៖« កំណើនភ្ញៀវទេសចរនេះ ស្របពេលដែលខេត្តមានការអភិវឌ្ឍរីកចម្រើនគ្រប់វិស័យ ជាពិសេសវិស័យទេសចរណ៍។ ខេត្តមានការកែលម្អហេដ្ឋារចនាសម្ព័ន្ធរូបវន្ត រួមមានប្រព័ន្ធផ្លូវថ្នល់ ទឹកស្អាត អគ្គិសនី សណ្ឋាគារ ផ្ទះសំណាក់ ភោជនីយដ្ឋាន និងផ្សារទំនើប។ ជាពិសេស សន្តិសុខ និងសណ្តាប់ធ្នាប់សាធារណៈមានភាពល្អប្រសើរ ដែលធ្វើឲ្យភ្ញៀវទេសចរមកលេងម្ដងហើយចង់មកលេងម្ដងទៀត»។

សូមជម្រាបថា ខេត្តរតនគិរី កំពុងទាក់ទាញភ្ញៀវទេសចរមកទស្សនា និងសម្រាកកម្សាន្តក្នុងតំបន់ភូមិភាគឦសាន ដោយសារការរីកចម្រើនផ្នែកហេដ្ឋារចនាសម្ព័ន្ធ និងសម្បត្តិធម្មជាតិដ៏សម្បូរបែប រួមមានបឹង ភ្នំ ទឹកជ្រោះ ឆ្នេរខ្សាច់ និងកោះតូចៗតាមដងទន្លេ ព្រមទាំងវប្បធម៌ប្រពៃណីតាមភូមិរបស់ជនជាតិដើមភាគតិច។ ទីតាំងទាំងនេះនៅតែជាគោលដៅសម្រាប់អ្នកទេសចរជាតិ និងអន្តរជាតិ ដែលមានការកើនឡើងពីមួយឆ្នាំទៅមួយឆ្នាំ៕

ដោយ៖ ខៀវ ចាប

The post ៣ថ្ងៃបុណ្យចូលឆ្នាំចិន ខេត្តរតនគិរីភាគឦសានទទួលបានភ្ញៀវទេសចរជាង១ម៉ឺននាក់ កើនជិត៤% appeared first on Kampuchea Thmey Daily.

លោក ញ៉ែម សំអឿន អភិបាលខេត្តរតនគិរី បានបង្ហាញក្តីរីករាយដែលក្បួនរថយន្តទេសចរណ៍បានដល់ទឹកដីខេត្តនេះ ហើយសង្ឃឹមព្រឹត្តិការណ៍ដ៏ធំប្រចាំឆ្នាំនឹងរួមចំណែកជួយផ្សព្វផ្សាយវិស័យទេសចរណ៍ ព្រមទាំងបង្ហាញពីការរីកចម្រើននៅទិសឦសាន។ លោកបន្តថា ខេត្តរតនគិរី សម្បូរដោយធនធានធម្មជាតិ មានអាកាសធាតុល្អបរិសុទ្ធ ដោយបច្ចុប្បន្ននេះ ខេត្តបានគិតគូរយកចិត្តទុកដាក់កសាងនូវហេដ្ឋារចនាសម្ព័ន្ធនានា ក៏ដូចជា តំបន់ទេសចរណ៍ជាបន្តបន្ទាប់ ដើម្បីធ្វើយ៉ាងណាទាក់ទាញភ្ញៀវទេសចរជាតិ និងអន្តរជាតិ មកទស្សនាកាន់តែច្រើនឡើង។

បើតាមអ្នកចាត់ការទូទៅ នៃក្បួនរថយន្ត Overland គំនិតផ្ដួចផ្ដើមបង្កើតនូវកម្មវិធីដំណើរកម្សាន្ត Overland ខ្នាតធំបែបនេះ ដើម្បីចង់ប្រមូលផ្ដុំនូវអ្នកប្រើប្រាស់រថយន្តទាំងអស់ឱ្យមានសាមគ្គីភាពនៅក្នុងការធ្វើដំណើររួមគ្នាមួយដើម្បីទទួលនូវបទពិសោធន៍បែបថ្មី ក៏ដូចជាចូលរួមការផ្សព្វផ្សាយជាលក្ខណៈទ្រង់ទ្រាយធំឱ្យបានទូលំទូលាយទៅក្នុងបណ្ដាញសង្គមដើម្បីជារូបភាពមួយល្អនៅក្នុងការផ្សព្វផ្សាយពីភាពទាក់ទាញនៃតំបន់ទេសចរណ៍នានានៅកម្ពុជា។ ជាងនេះទៅទៀត ដើម្បីបង្ហាញពីសក្តានុពលទេសចរណ៍ក្នុងស្រុកធ្វើយ៉ាងណាផ្សព្វផ្សាយនូវអ្វីដែលខ្មែរមាន បង្ហាញប្រាប់ពិភពលោកថាប្រទេសកម្ពុជា ក៏មានតំបន់ទេសចរណ៍ស្អាតៗមិនចាញ់បរទេស ដើម្បីឱ្យភ្ញៀវទេសចរខ្មែរកាត់បន្ថយទេសចរក្រៅស្រុក។

ក្បួនរថយន្តទេសចរណ៍ នឹងចូលរួមចំណែកនៅក្នុងការបង្កើនប្រាក់ចំណូលទៅកាន់ប្រជាពលរដ្ឋនៅតំបន់មូលដ្ឋាន និងតំបន់ទេសចរណ៍នានា និងផ្សព្វផ្សាយវប្បធម៌ជនជាតិដើមភាគតិចនៅភូមិភាគឦសានឱ្យមហាជនបានស្គាល់ឱ្យកាន់តែច្បាស់ ហើយអ្វីកាន់តែសំខាន់ដែលជាគោលបំណង់ធំបំផុតនោះ គឺការចូលរួមចំណែកជាមួយរាជរដ្ឋាភិបាលក្នុងការអភិវឌ្ឍវិស័យទេសចរណ៍ ដែលត្រូវបានចាត់ទុកជាឧស្សាហកម្មគ្មានផ្សែង ក្នុងគោលបំណងលើកស្ទួយសេដ្ឋកិច្ចជាតិទាំងមូល។

សូមជម្រាបថា ក្បួនរថយន្តទេសចរណ៍ឦសាន Overland II រៀបចំធ្វើដំណើរកម្សាន្តទៅខេត្តមណ្ឌលគិរី និងខេត្តរតនគិរី ចាប់ពីថ្ងៃទី ២២-២៤ ខែវិច្ឆិកា ឆ្នាំ ២០២៥។ លើសពីផ្សព្វផ្សាយវិស័យទេចរណ៍ ព្រឹត្តិការណ៍នេះ ក៏មានការរៀបចំដាក់តាំងបង្ហាញនូវ រ៉ូបូត និងដ្រូន ដែលជាស្នាដៃផលិតឡើងដោយកូនខែ្មរ នៅរូបសំណាកគ្រួសារដំរី មាត់បឹងកន្សែង ជូនសិស្សានុសិស្ស និងមហាជូនទូទៅបានទស្សនាផងដែរ៕

ដោយ៖ ខៀវ ចាប

The post ក្បួនរថយន្ត Overland បានទៅដល់ខេត្តរតនគិរី ផ្សព្វផ្សាយសក្តានុទេសចរណ៍នៅទិសឦសាន appeared first on Kampuchea Thmey Daily.

នៅសល់តែប៉ុន្មានថ្ងៃទៀតតែប៉ុណ្ណោះ នឹងមានរថយន្តទេសចរណ៍ជាច្រើនប្រភេទជាង ៤០០គ្រឿង ធ្វើដំណើរកម្សាន្តនៅខេត្តភាគឦសាន នៅក្នុងកម្មវិធីដំណើរកម្សាន្តឦសាន Overland រដូវកាលទី២ ដែលពួកគេបានមកតាមបណ្ដាខេត្តផ្សេងៗប្រមូលផ្ដុំគ្នានៅរាជធានីភ្នំពេញឆ្ពោះទៅ ខេត្តមណ្ឌលគិរី និងខេត្តរតនគិរី។ ព្រឹត្តិការណ៍ក្បួនរថយន្តនេះ ដើម្បីផ្សព្វផ្សាយទេសចរណ៍ដ៏ច្រើនសម្បូរបែបក្នុងប្រទេសកម្ពុជាដល់អ្នកដែលនិយមទេសចរគ្រប់រូប ទាំងទេសចរក្នុងស្រុកក៏ដូចអ្នកទេសចរអន្តរជាតិឱ្យពួកគេបានស្គាល់សម្បត្តិធនធានធម្មជាតិដ៏មហាសាល។

លោក ស៊ាង សឿន ប្រធានមន្ទីរទេសចរខេត្តមណ្ឌលគិរី ប្រាប់(កម្ពុជាថ្មី)ឱ្យដឹងថា បើមិនមានអ្វីប្រែប្រួលនោះទេ នៅថ្ងៃទី២២ខែវិច្ឆិកា នឹងមានក្បួនគ្រួសាររថយន្តខ្នាតធំគ្រប់សេរី នឹងចូលមកកម្សាន្តក្នុងខេត្តមណ្ឌលគិរី។ តាមគម្រោងក្រុមក្បួនរថយន្តសម្រាកមួយយប់ដើម្បីមានឱកាសធ្វើដំណើរកម្សាន្តនៅតាមរមណីដ្ឋាន និងតាមតំបន់ផ្សេងៗទូទាំងខេត្តមណ្ឌលគិរី។ លោកប្រាប់ថា៖«ក្រុមការងាររថយន្តេ Overland នឹងសម្រាកបោះតង់លេងកម្សាន្តមួយយប់នៅថ្ងៃទី២២ដែលយកចំណុចបោះតង់នោះស្ថិតនៅលើភ្នំវាលស្មៅ ភូមិពូតាំង សង្កាត់រមនា ក្រុងសែនមនោរម្យ»។ សម្រាប់ថ្ងៃទី២៣​ក្រុមក្បួនរថយន្ត Overland នឹងធ្វើដំណើរកម្សាន្តតាមរមណីដ្ឋានផ្សេងៗទូទាំងខេត្តរួចហើយពួកគេបន្តដំណើរឆ្ពោះទៅខេត្តរតនគិរី។

លោក ស៊ាង សឿន បានបញ្ជាក់ថា ក្នុងនាមអាជ្ញាធរមូលដ្ឋានដើម្បីទទួលស្វាគមន៍ក្រុមការងារគ្រួសាររថយន្តទ្រង់ទ្រាយធំនេះ ក៏ដូចជាភ្ញៀវទេសចរផ្សេងទៀត ក្នុងនាមមន្ត្រីជំនាញនឹងព្យាយាមឱ្យអស់ពីលទ្ធភាពក្នុងការសម្របសម្រួល សេវាកម្មផ្សេងៗ ដូចជាអាហារដ្ឋាន ភោជនីយដ្ឋាន សណ្ឋាគារ រីសត និងផ្ទះសំណាក់ឱ្យមានការបញ្ចុះតម្លៃពិសេសតាមអ្វីដែលអាចធ្វើទៅបាន។

សម្រាប់គោលបំណងនូវក្នុងការផ្ដួចផ្ដើមបង្កើតនូវកម្មវិធីដំណើរកម្សាន្ត Overland ខ្នាតធំបែបនេះ ដើម្បីចង់ប្រមូលផ្ដុំនូវអ្នកប្រើប្រាស់រថយន្តទាំងអស់ឱ្យមានសាមគ្គីភាពនៅក្នុងការធ្វើដំណើររួមគ្នាមួយដើម្បីទទួលនូវបទពិសោធន៍បែបថ្មី ក៏ដូចជាចូលរួមការផ្សព្វផ្សាយជាលក្ខណៈទ្រង់ទ្រាយធំឱ្យបានទូលំទូលាយទៅក្នុងបណ្ដាញសង្គមដើម្បីជារូបភាពមួយល្អនៅក្នុងការផ្សព្វផ្សាយពីភាពទាក់ទាញនៃតំបន់ទេសចរណ៍នានានៅកម្ពុជា។ ជាងនេះទៅទៀត ដើម្បីបង្ហាញពីសក្តានុពលទេសចរណ៍ក្នុងស្រុកធ្វើយ៉ាងណាដើម្បីផ្សព្វផ្សាយនូវអ្វីដែលខ្មែរមាន បង្ហាញប្រាប់ពិភព​លោកថាប្រទេសកម្ពុជាក៏មានតំបន់ទេសចរណ៍ស្អាតៗមិនចាញ់បរទេស ដើម្បីឱ្យភ្ញៀវទេសចរខ្មែរកាត់បន្ថយទេសចរក្រៅស្រុក។

បន្ថែមពីនេះ ក្បួនរថយន្តទេសចរណ៍ នឹងចូលរួមចំណែកនៅក្នុងការបង្កើនប្រាក់ចំណូលទៅកាន់ប្រជាពលរដ្ឋនៅតំបន់មូលដ្ឋាន និងតំបន់ទេសចរណ៍នានា និងផ្សព្វផ្សាយវប្បធម៌ជនជាតិដើមភាគតិចនៅភូមិភាគឦសានឱ្យមហាជនបានស្គាល់ឱ្យកាន់តែច្បាស់ ហើយអ្វីកាន់តែសំខាន់ដែលជាគោលបំណង់ធំបំផុតនោះ គឺការចូលរួមចំណែកជាមួយ​រាជរដ្ឋាភិបាលក្នុងការអភិវឌ្ឍវិស័យទេសចរណ៍ ដែលត្រូវបានចាត់ទុកជាឧស្សាហកម្មគ្មានផ្សែង ក្នុងគោលបំណងលើកស្ទួយសេដ្ឋកិច្ចជាតិទាំងមូល៕

ដោយ៖ រៀម សុខហេង

The post ក្បួនរថយន្តខ្នាតធំទេសចរ Overland ជាង៤០០គ្រឿង នឹងបង្កើតកម្មវិធីកម្សាន្តនៅខេត្តមណ្ឌលគិរី/រតនគិរី appeared first on Kampuchea Thmey Daily.

ក្នុងចំណោមភ្ញៀវទេសចរ ៥៧,៦១៥នាក់ មានប្រជាពលរដ្ឋដែលមកកម្សាន្ត សរុបប្រមាណ  ៣២,៤១៨ នាក់ កើនឡើង ២៧.៧២ % ។ ចំណែកភ្ញៀវទេសចរជាតិ ចំនួន ២៤,៣២៧ នាក់ កើនឡើង ១៦.៨៨ % ភ្ញៀវទេសចរអន្តរជាតិចំនួន ៨៧០ នាក់ កើនឡើង ២៤២.៥២ % ភ្ញៀវទេសចរសរុបចំនួន ២៥,១៩៧ នាក់ កើនឡើង ១៩.៦០ %។ នេះបើតាមរបាយការណ៍របស់មន្ទីរទេសចរណ៍ខេត្តរតនគិរី។

សូមជម្រាបថា នាឱកាសព្រះរាជពិធីបុណ្យអុំទូក បណ្តែតប្រទីប អកអំបុក និងសំពះព្រះខែ រយៈពេល ៣ថ្ងៃ រដ្ឋបាលខេត្តបានរៀបចំ ព្រឹត្តិការណ៍សំខាន់ៗដូចជា ព្រឹត្តិការណ៍ធ្វើដំណើរតាមរថយន្ត របស់ក្រុមហ៊ុន Family Travel Cambodia ដែលមានក្បួនរថយន្ត ភ្ញៀវទេសចរក្នុងស្រុក និងភ្ញៀវទេសចរជាតិ ទៅលេងកម្សាន្ត តំបន់ទេសចរណ៍ក្នុងខេត្ត រយ:ពេល៣ ថ្ងៃ។

នៅពេលរាត្រីបំពាក់ភ្លើងអគ្គិសនី តាមដងផ្លូវ សាធារណៈ និងរៀបចំអនាម័យសោភណ្ឌភាពទីក្រុង ជុំវិញមាត់បឹងកន្សែង ហើយក៏មានពិធីអកអំបុក បណ្តែតប្រទីប របស់មន្ទីរឬអង្គភាព រួមទាំងបង្ហោះគោម បាញ់កាំជ្រួច ការប្រគុំតន្ត្រី និងការតាំងពិព័រណ៍ផលិតផល។ ពិធីបុណ្យអុំទូករយៈពេល ៣ថ្ងៃនេះ បានបិទបញ្ចប់ទៅដោយជោគជ័យ ទាំងផ្នែកសន្តិសុខសណ្តាប់ធ្នាប់ល្អប្រសើរ ខណៈសេវាកម្មស្នាក់នៅ និងម្ចាស់ភោជនីយដ្ឋាន បានអនុវត្តតាមសារាចររបស់ ក្រសួងទេសចរណ៍ និងរដ្ឋបាលខេត្តស្តីពីការពង្រឹងគុណភាពសេវាកម្ម។

ចំណែកឯនៅគ្រប់វត្តអារាម មានរៀបចំពិធីអកអំបុក និងបង្ហោះគោមជាដើម ដើម្បីអបអរសាទរក្នុងព្រះរាជពិធីបុណ្យអុំទូកឆ្នាំនេះ។

បច្ចុប្បន្ន ខេត្តរតនគិរី ក្រោមការដឹកនាំរបស់លោកលោក ញ៉ែម សំអឿន អភិបាលខេត្ត កំពុងកសាងហេដ្ឋានរចនាសម្ព័ន្ធជាច្រើនរួម មាន ផ្លូវបេតុង  សួនច្បារ រូបសំណាក់សត្វក្តាន់ រូបសំណាក់សត្វអក ញីឈ្មោល រូបសំណាក់គ្រួសារដំរី ខ្សែរត វិមានឯករាជ្យ តាមដងផ្លូវនិងជុំវិញមាត់បឹងកន្សែង នៅបរិវេណមាត់បឹងកន្សែង និងកំពុងកសាងសមិទ្ធផលថ្មីៗបន្ថែមទៀត សម្រាប់ប្រជាពលរដ្ឋ ភ្ញៀវជាតិ និងភ្ញៀវអន្តរជាតិមកលេងកម្សាន្តដែលជាគោលដៅទេសចរធម្មជាតិដ៏សម្បូរបែប៕

ដោយ៖ ខៀវ ចាប

The post ខេត្តរតនគិរី ទទួលបានភ្ញៀវទេសចរសរុបជិត ៦ម៉ឺននាក់ នាពិធីបុណ្យអុំទូក៣ថ្ងៃ appeared first on Kampuchea Thmey Daily.

វគ្គបណ្តុះបណ្តាលនេះ ត្រូវបានរៀបចំឡើងនៅក្នុងខែកញ្ញា ឆ្នាំ ២០២៥ ដែលបានបិទបញ្ចប់ការពីពេលថ្មីៗនេះ ក្នុងនោះអ្នកប្រកបមុខរបរលក់ម្ហូបអាហារ និងភេសជ្ជៈចំនួន ៣៨ នាក់ ទទួលបានការបណ្តុះបណ្តាលនេះដើម្បីយកទៅបំពេញបន្ថែមចំណុចខ្វះរបស់ពួកគេ និងបង្កើនប្រាក់ចំណូល។

លោកស្រី គង់ នីវ៉ា អ្នកសម្របសម្រួលនៅអង្គការ Swisscontact បានប្រសាសន៍ថា អង្គការបាន បើកវគ្គបណ្តុះបណ្តាលជំនាញដែលមានឈ្មោះថា កម្មវិធីហូកា ដែលផ្តោតលើវិស័យទេសចរណ៍ ក្នុងនោះផ្តល់វគ្គបណ្តុះបណ្តាលចំនួន ៦ ជំនាញ រួមមាន ជំនាញការិយាល័យជួរមុខ គេហកិច្ច សេវាកម្មម្ហូបអាហារនិងភេសជ្ជៈ ឆុងកាហ្វេ ចុងភៅ និងមគ្គុទេស៍ទេសចរណ៍ ដែលបានបញ្ចប់ទៅដោយជោគជ័យកាលពីខែកញ្ញា។

លោកស្រីបន្តថា គោលបំណងរួមរបស់កម្មវិធីបណ្តុះបណ្តាលជំនាញនេះ គឺដើម្បីឱ្យយុវជនងាយរងគ្រោះ និងបុគ្គលិកដែលមានជំនាញទាបមានឱកាសទទួលបានការងារសមរម្យ និងប្រាក់ចំណូលកើនឡើង។ វគ្គបណ្តុះបណ្តាលទាំងអស់នេះ នឹងផ្តល់ផលប្រយោជន៍ទៅយុវជនងាយរងគ្រោះ និង បុគ្គលិកដែលមានជំនាញទាបចំនួន ១២ ៥៤០នាក់ ដើម្បីសម្រេចតាមផែនការណ៍ខាងលើ តាមរយៈកម្មវិធីអភិវឌ្ឍន៍ជំនាញ នៅក្នុងដំណាក់កាលទី៣នេះ ។

សូមបញ្ជាក់ផងដែរថា មន្ទីរទេសចរណ៍ខេត្តរតនគិរី រួមជាមួយអង្គការ SwissContact បានបើកវគ្គបណ្តុះបណ្តាល ជំនាញដល់ម្ចាស់អាជីវកម្មលក់ម្ហូបអាហារនិងយុវជនជនជាតិដើមភាគតិច ក្នុងខែកញ្ញា មានចំនួន ០២ វគ្គ ផ្នែកសេវាកម្មម្ហូបអាហារ-ភេសជ្ជៈ និងជំនាញចុងភៅ ដោយទទួលបានសិក្ខាកាមសរុបចំនួន ៣៨ នាក់ ស្រី៣១នាក់ ក្នុងនោះសិក្ខាកាមជាជនជាតិដើមភាគតិចចំនួន ១៥ នាក់៕

អត្ថបទ៖ ខៀវ ចាប

The post អ្នកប្រកបរបរលក់អាហារជិត ៤០នាក់ នៅខេត្តរតនគិរី ទទួលបានបណ្តុះបណ្តាលលើវិស័យម្ហូបអាហារ appeared first on Kampuchea Thmey Daily.

ភ្ញៀវទេសចរអាចធ្វើដំណើរចេញស្របគ្នា តាមផ្លូវលំ ឆ្ពោះទៅកាន់តំបន់រមណីយដ្ឋាន បឹងយក្សឡោម ហើយបន្តធ្វើដំណើរតាមថ្នល់លំក្រាលគ្រោះក្រហមរាងជាអន្ទុងអាំង ​នោះនឹងដល់រមណីយដ្ឋានទឹកជ្រោះធម្មជាតិមួយនេះ។រមណីយដ្ឋានទេសចរណ៍ធម្មជាតិដ៏ស្រស់បំព្រងនេះ ដែលត្រូវបានគេមើលរំលង ប៉ុន្តែបច្ចុប្បន្ន ក្លាយជាតំបន់ទេសចរណ៍ដ៏ទាក់ទាញបំផុតក្នុងតំបន់។

លោក ម៉ុប គៀង ប្រធានគណកម្មាធិការទឹកជ្រោះ បានឱ្យដឹងថា តំបន់នេះពីដើមឡើយ ជាទីកន្លែងចិញ្ចឹមដំរី មានសត្វខ្លា មានខ្ទីង ប្រើស ឈ្លូស ស្វា និងក្របីព្រៃ ពិសេសទៀតនោះមានសត្វពស់១ គូ តែងតែទៅត្រាំខ្លួនរបស់វានៅទីនោះ កម្រមានអ្នកទៅលេង ឬងូតទឹកកន្លែងនោះណាស់ ។ ប៉ុន្តែក្រោយមក នៅពេលតំបន់នេះប្រែក្លាយទៅជារមណីយដ្ឋានបម្រើឱ្យប្រយោជន៍សហគមន៍កម្រឃើញសត្វពស់ណាស់ ។

លោក ម៉ុប គៀង បន្តថា ទឹកជ្រោះនេះគ្រប់គ្រងដោយគណកម្មាធិការ ៥ រូប មើលថែរក្សានិគ្រប់គ្រងមើលថែរក្សាតាំងពីឆ្នាំ ២០០០ នៅអំឡុងពេលនោះដឹកនាំដោយលោក កសាងឡើងពីកម្លាំងប្រជាជនក្នុងភូមិ ដោយប្រើកាំបិទពូថៅ កាប់ព្រៃដើម្បីធ្វើជាទីកន្លែងលេងកម្សាន្ត ។ លោកថា៖«ភ្ញៀវទេសចរណ៍ជាតិ និងអន្តរជាតិ អាចទិញសំបុត្រពីសហគមន៍ ដើម្បីផ្ញើទោចក្រយាននិងត្រីចក្រយានយន្ត តម្លៃលក់សំបុត្រសម្រាប់ម៉ូតូ ១ គ្រឿង តម្លៃ ២០០០ រៀល និងឡាន ១ គ្រឿង ៥០០០ រៀល »។

នៅក្នុងឆ្នាំ ២០០៣ ខាងមន្ទីរអភិវឌ្ឍន៍ជន បានត្រួសត្រាយផ្លូវចូលទៅតំបន់នោះ ដែលមានទំហំផ្ទៃដី ១៤៤ ហិចតា ហើយជុំវិញរមណីយដ្ឋាននេះ ក៏មានព្រៃឈើ សម្រាប់អភិរក្ស។ ជាទូទៅទឹកជ្រោះនេះ មិនដែលរីងនោះទេ គ្រាន់តែស្រកបន្តិចនៅខែ មីនា និងខែមេសា ដោយហេតុថាអាកាសធាតុក្តៅ ខណៈនៅខែវស្សាវិញ មានទឹកហូរខ្មួលខ្មាញ់ខ្លាំង ដែលពិបាកងូតទឹកលេងបន្តិច ។

ជនជាតិដើមភាគតិចទំពួន នៅទីនោះ ហៅថា ទឹកជ្រោះ ៧ ជាន់ ពីព្រោះមានផ្ទាំងថ្មជាថ្នាក់ៗ  តែក្រោយមកហៅឈ្មោះថ្មីវិញ ជាទឹកជ្រោះ អូរស៊ិនលែរ៍ វិញ។ ទឹកជ្រោះដែលខ្ពស់ជាងគេមានកម្ពស់ ៣ ម៉ែត្រ  សម្រាប់ឱ្យភ្ញៀវដែលទៅលេងកម្សាន្ត ឈរឬអង្គុយងូតទឹកលេងបានយ៉ាងងាយស្រួលយ៉ាងត្រជាក់ ។

ទីតាំងនេះក៏មានកញ្ចុះនៅសងខាងមាត់ជ្រោះ និងមានស្ពានឆ្លងពីម្ខាងទៅម្ខាងទៀតកម្សាន្តដោយមិនគិតប្រាក់ ហើយភ្ញៀវអាចកម្ម៉ង់ញ៉ាំអាហារ នៅតាមតូបលក់អាហារបែបជនជាតិដើមភាគតិចទំពួន ហើយនៅទីនេះ ឬ ក៏មានម្ហូបអាហារបែបខ្មែរផងដែរ។ ភ្ញៀវទេសចរ អាចគយគន់ពីទស្សនីយភាពដ៏ស្រស់ស្អាតនេះ ស្ថិតនៅកណ្តាលព្រៃ និងបានដឹងរឿងរ៉ាវពីអតីតកាលពីជ្រោះនេះ ជាជម្រករបស់សត្វព្រៃដែលគួរឱ្យខ្លាច ប្រែជាទីកន្លែងដ៏ពេញនិយមសម្រាប់ភ្ញៀវទេសចរទៅលេង និងស្រូបយកខ្យល់អាកាសដ៏បរិសុទ្ធ

នៅរដូវ​ប្រាំង ​ចរន្ត​ទឹក​ហូរ​​មាន​សភាព​យឺត​ល្មម​ដែល​អាច​ឱ្យ​យើង​ហែល​លេង​បាន​យ៉ាង​ស្រួល ។ រីឯ​នៅ​រដូវ​ភ្លៀង​ ចរន្ត​ទឹក​ហូរ​ខ្លាំង​លឿន កួច​ខ្មួល​ខ្មាញ់ និង​ធ្វើ​ឱ្យ​ពិបាក​ក្នុង​ការ​មុជ​កំសាន្ត​​ណាស់ ។ រមណីយ​ដ្ឋាន​ទឹក​ធ្លាក់​អូរ​ស៊ីន​លែរ៍ មិន​ត្រឹម​តែ​ផ្តល់​​ភាព​ស្រស់​ស្អាត​សម្រាប់​​​ដំណើរ​​កំសាន្ត​​ក្នុង​ព្រៃ​ប៉ុណ្ណោះ​ទេ ប៉ុន្តែ​​​វា​​​ហាក់​បី​ដូច​ជា​​​ការ​ស្រាវ​​ជ្រាវ​អំពី​សម្រស់​ធម្ម​ជាតិ​ផ្សេងៗ​រួម​ទាំង​ទឹក​ធ្លាក់​​ដទៃ​ទៀត​នៅ​ជុំ​វិញ​ទី​​នោះ​ផង​ដែរ ។

កាលពីឆ្នាំ ២០២៤ ទឹកជ្រោះអូរស៊ិនលែរ៍ ទទួលបានឡានភ្ញៀវទេសចប្រមាណ៣០០គ្រឿង ដោយឡែកឆ្នាំនេះធ្លាក់ចុះបន្តិច ដោយសារផ្លូវពិបាកធ្វើដំណើរ។ ជាមួយគ្នានេះ អ្នកភូមិនោះតំបន់នេះ សំណូមដល់រាជរដ្ឋាភិបាល ជួយកសាងផ្លូវ ដើម្បីបង្កលក្ខណៈងាយស្រួលដល់ភ្ញៀវទេសចរ ទៅលេងកម្សាន្តទីនោះកាន់តែច្រើន ដែលជាផ្នែកមួយបង្កើនប្រាក់កម្រៃដល់ជនជាតិដើមភាគតិចសម្រាប់ផ្គត់ផ្គង់គ្រួសារ៕

The post ទឹកជ្រោះអូរស៊ិនលែរ៍ ប្រែក្លាយពីតំបន់ដែលគេទុកចោល ជាទីពេញនិយមសម្រាប់ភ្ញៀវទេសចរ appeared first on Kampuchea Thmey Daily.