រមណីយដ្ឋានទេសចរណ៍២៥ខេត្តក្រុង Archives - Kampuchea Thmey Daily

មិនគួរមើលរំលង រីសត ៦ កន្លែង ផ្តល់ការស្នាក់នៅស្រស់ស្រាយបែបធម្មជាតិក្នុងខេត្តរតនគិរី

Din Thary — Thu, 19 Sep 2024 07:51:22 +0000

នឹកឃើញដល់កន្លែងដើរលេងកម្សាន្តដែលស្រស់ស្អាតបែបព្រៃភ្នំ ទេសភាពខៀវស្រងាត់ និងចង់បែបលំហែអារម្មណ៍ បោះតង់ មានទេសភាពជុំវិញដោយធម្មជាតិ ច្បាស់ណាស់ថា ភ្ញៀវទេសចរនិងនឹកឃើញដល់ខេត្តរតនគិរីមុនគេ។ ខេត្តភាគឦសានមួយនេះ ជាខេត្តដែលស្រស់ស្អាត មានទាំងកន្លែងលេងកម្សាន្តបែបធម្មជាតិ កែច្នៃ និងទឹកធ្លាក់ជាច្រើនកន្លែង។

ពីមួយឆ្នាំទៅមួយឆ្នាំ ក្រោយពីប្រទេសមានការរីកចម្រើន អភិវឌ្ឍន៍ជាបន្តបន្ទាប់ បានធ្វើឱ្យខេត្តភាគឦសានមួយនេះ មានការប្រែប្រួលមុខមាត់គួរឱ្យកត់សម្គាល់។ ជាក់ស្តែង ដូចជាទីកន្លែងទេសចរណ៍កាន់សម្បូរបែប ព្រៃភ្នំ ទឹកធ្លាក់ ទេសចរណ៍ធម្មជាតិ វប្បធម៌ កែច្នៃ ជាច្រើនកន្លែងផងដែរ។

ជាក់ស្តែង បច្ចុប្បន្នក្រោយរាជរដ្ឋាភិបាលកម្ពុជា បានរៀបចំឱ្យមានដំណើរកម្សាន្តទិសឦសាន គេកត់សម្គាល់ឃើញខេត្តរតនគិរី កាន់តែមានភ្ញៀវទៅលេងកម្សាន្តនៅតាមទីតាំងទេសចរណ៍នានាក្នុងខេត្តជាហូរហែ។

ជាមួយគ្នានេះ ប្រសិនបើភ្ញៀវទេសចរដែលបានទៅដល់ខេត្តរតនគិរី មិនគួរមើលរំលងនូវរមណីយដ្ឋានកែច្នៃ ៦ កន្លែង ដែលមានក្នុងខេត្តឡើយ។

ក្នុងនោះ រមណីយដ្ឋានកែច្នៃ ៦ ទីតាំង មានដូចជា

ភូមិខ្មែរ រីសត ដែលស្ថិតនៅសង្កាត់កាចាញ ក្រុងបានលុង ចម្ងាយផ្លូវ ៣គីឡូម៉ែត្រ
គុជវារី រីសត ស្ថិតនៅ ក្នុងស្រុកអូរជុំ ចម្ងាយផ្លូវ ៦គីឡូម៉ែត្រ
មល្លិកា រីសត មានទីតាំងស្ថិតនៅសង្កាត់បឹងកន្សែង ក្រុងបានលុង ចម្ងាយផ្លូវប្រមាណ ២គីឡូម៉ែត្រប៉ុណ្ណោះ
ចំការដូង រីសត ស្ថិតនៅឃុំតឺន ស្រុកកូនមុំ មានចម្ងាយ ១៣គីឡូម៉ែត្រ
ជាងអេង រីសត កន្លែងកម្សាន្តមួយនេះស្ថិតនៅសង្កាត់ឡាបានសៀក ក្រុងបានលុង មានចម្ងាយផ្លូវ ១គីឡូម៉ែត្រប៉ុណ្ណោះ
ផារ៉ាដាយ រីសត ស្ថិតនៅស្កាត់យក្ខឡោម ក្រុងបានលុង ចម្ងាយផ្លូវ ៦គីឡូម៉ែត្រ

គួរជម្រាបថា ក្រៅពីតំបន់ទេសចរណ៍ខាងលើនេះ ខេត្តរតនគិរី មានរមណីយដ្ឋានធម្មជាតិចំនួន ២២កន្លែង និងរមណីយដ្ឋានវប្បធម៌ចំនួន ២កន្លែងផងដែរ៕

The post មិនគួរមើលរំលង រីសត ៦ កន្លែង ផ្តល់ការស្នាក់នៅស្រស់ស្រាយបែបធម្មជាតិក្នុងខេត្តរតនគិរី appeared first on Kampuchea Thmey Daily.

ណែនាំកន្លែងដើរលេង ៥ កន្លែង នៅខេត្តបាត់ដំបង អាចឱ្យភ្ញៀវសម្រាកបោះតង់បាន

Din Thary — Mon, 19 Dec 2022 04:12:48 +0000

ខេត្តបាត់ដំបងជាខេត្តសក្តានុពលផ្នែកកសិកម្ម ហើយល្បីការដាំដុះដំណាំស្រូវដែលធ្លាប់ឈរលេខ ១ ទូទាំងប្រទេស។ ខេត្តមួយនេះក៏ល្បីសំបូរផ្លែឈើប្រចាំរដូវ និងម្ហូបអាហារដ៏មានឱជារស។

និយាយពីកន្លែងដើរលេងវិញ ខេត្តបាត់ដំបងក៏សំបូរមានទាំងរមណីយដ្ឋានបែបប្រវត្តិសាស្រ្តនិងធម្មជាតិ។ យ៉ាងណាមិញ មានរមណីដ្ឋាន ៥ កន្លែង ណែនាំជាពិសេសសម្រាប់អ្នកចង់ទៅកម្សាន្ត ហើយអាចសម្រាកបោះតង់បានថែមទៀតផង។

១. ផ្កាព្រៃ រីសត

ផ្កាព្រៃ រីសត ឬគេច្រើនហៅថា ផ្កាព្រៃ រីសត បាត់ដំបង មានទីតាំងស្ថិតនៅ ភូមិស្រែពន្លូត ឃុំសំឡូត ស្រុកសំឡូត ខេត្តបាត់ដំបង និងមានចម្ងាយប្រហែល 85km ពីរង្វង់មូលលោកតាដំបងក្រញូង។ផ្កាព្រៃ រីសត ស្ថិតនៅក្នុងប្រភេទកន្លែងបោះតង់ ឬបោះជុំរុំ, កន្លែងស្នាក់នៅ, រីសត ដូច្នេះ ភ្ញៀវជាតិ និងអន្តរជាតិអាចទទួលបានកន្លែងគេង, គយគន់ថ្ងៃលិច, ញុំអាហារ, ពិកនិច, បោះជុំរុំ ឬបោះតង់, ដើរលេងថ្មើរជើង, ទស្សនាទេសភាពព្រៃភ្នំ, កាហ្វេ និងកម្សាន្តផ្សេងៗទៀត។

២. វាលចម្បាំង ខេមសាយ

ទេសចរណ៍មួយកន្លែងនេះ មានទីតាំងស្ថិតនៅ ភូមិព្រៃធំ ឃុំកំពង់ល្ពៅ ស្រុកសំឡូត ខេត្តបាត់ដំបង និងមានចម្ងាយប្រហែល 90km ពីរង្វង់មូលលោកតាដំបងក្រញូង។ វាលចម្បាំង ខេមសាយ ស្ថិតនៅក្នុងប្រភេទកន្លែងស្នាក់នៅ, ទេសចរណ៍ធម្មជាតិ។ នៅទីនោះមានទេសភាពព្រៃភ្នំ, កន្លែងគេង, ម៉ូតូកង់បួន, ពិកនិច, បោះជុំរុំ ឬបោះតង់, គយគន់ថ្ងៃលិច, គយគន់ថ្ងៃរះ, ដើរលេងថ្មើរជើង, BBQ និងផ្សេងៗជាច្រើនទៀតផងដែរ។

៣. រីសត ធម្មជាតិភ្នំព្រឹក

រីសតធម្មជាតិភ្នំព្រឹក មានទីតាំងស្ថិតនៅ ភូមិអូរចោត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។ រីហ្សតធម្មជាតិភ្នំព្រឹក មានជាភោជនីយដ្ឋាន, កសិ-ទេសចរណ៍, ព្រៃភ្នំ បួករួមសេវាកម្សាន្តផ្សេងៗមានដូចជា ទស្សនាទេសភាពព្រៃភ្នំ, បោះជុំរុំ ឬបោះតង់, ញាំអាហារ, កាហ្វេ, ដើរទស្សនា កសិដ្ឋាន, ពិកនិច និងផ្សេងៗទៀត។

៤. ទឹកធ្លាក់ ភ្នំ៥៣

ទឹកធ្លាក់ ភ្នំ៥៣ មានទីតាំងស្ថិតនៅភូមិអូរចោត ឃុំភ្នំព្រឹក ស្រុកភ្នំព្រឹក ខេត្តបាត់ដំបង។ ទេសចរណ៍ដែលមានបំណងចង់ទៅទីនេះអាច ទស្សនាទេសភាពព្រៃភ្នំ ហែលទឹក ឬលេងទឹក ឡើងភ្នំ ដើរលេងថ្មើរជើង កាហ្វេ បោះតង់ ឬបោះជុំរុំ ពិកនិច ញាំអាហារ គយគន់ថ្ងៃរិះ និងលិច កន្លែងគេងជាដើម។

៥. ទឹកធ្លាក់ ភ្នំកំពូល

ទឹកធ្លាក់ ភ្នំកំពូល មានទីតាំងស្ថិតនៅ ភូមិអូរល្មូន ឃុំផ្លូវមាស ស្រុករតនៈមណ្ឌល ខេត្តបាត់ដំបង។ ទេសចរណ៍លក្ខណៈបែបទឹកជ្រោះ ឬទឹកធ្លាក់ មួយកន្លែងនេះ មានទីតាំងសំខាន់ៗ ដូចជា ហែលទឹក ឬលេងទឹក ដើរទស្សនាកសិដ្ឋាន ញាំអាហារ ដើរលេងថ្មើរជើង បោះជុំរុំ ឬបោះតង់ ពិកនិច ព្រមទាំងទីតាំងជាច្រើនផ្សេងៗទៀត៕

ដោយ៖ ថារី

The post ណែនាំកន្លែងដើរលេង ៥ កន្លែង នៅខេត្តបាត់ដំបង អាចឱ្យភ្ញៀវសម្រាកបោះតង់បាន appeared first on Kampuchea Thmey Daily.

១១ កន្លែងសំខាន់នៅទីក្រុងភ្នំពេញ ទេសចរបរទេសចង់ស្គាល់ មិនអាចរំលងបាន

Dy Bunnara — Wed, 23 Mar 2022 04:57:50 +0000

ភ្នំពេញជារាជធានីចំណាស់មានអាយុកាលជាង ៦០០ ឆ្នាំ ហើយមានទន្លេបួនមុខហូរប្រសព្វគ្នា។ ក្រៅពីជាមជ្ឈមណ្ឌលសេដ្ឋកិច្ច និងនយោបាយ រាជធានីដែលមានប្រជាជនជាង ៣ លាននាក់នេះក៏ជាប៉ូលទេសចរណ៍សំខាន់មួយដែរ។

មន្រ្តីមន្ទីរទេសចរណ៍រាជធានីភ្នំពេញបានបង្ហាញទីតាំងតំបន់ទេសចរណ៍សំខាន់ៗនៅរាជធានីភ្នំពេញដ៏ពេញនិយមបំផុត ដែលទេសចរបរទេសមិនអាចខកខានក្នុងការទៅទស្សនា។

១. ផ្សារធំថ្មី

ផ្សារធំថ្មីជាសំណង់បេតិកភណ្ឌដ៏លេចធ្លោក្នុងចំណោមសំណង់ដ៏គួរឲ្យចាប់អារម្មណ៍ក្នុងរាជធានីភ្នំពេញ ដែលត្រូវបានកសាងឡើងក្នុងពេលដែលប្រទេសកម្ពុជាស្ថិតនៅក្រោមការគ្រប់គ្រងរបស់អាណានិគមបារាំង។ សំណង់ប្រវត្តិសាស្រ្តនេះស្ថិតក្នុងចំណោមសំណង់អគារទាំង ៣០ ដ៏សំខាន់បំផុតជាអត្តសញ្ញាណរបស់រាជធានីភ្នំពេញ។

២. វាលពិឃាតជើងឯក

មានទីតាំងចម្ងាយប្រមាណ ១៥ គីឡូម៉ែត្រ នាប៉ែកនិរតីនៃរាជធានីភ្នំពេញ វាលពិឃាតជើងឯកជាទីតាំងប្រវត្តិសាស្ត្រ ដែលបង្កប់រឿងរ៉ាវព្រៃផ្សៃ ជាអតីតកន្លែងពិឃាតអ្នកទោសយ៉ាងរង្គាល ក្នុងរបបប្រល័យពូជសាសន៍ប៉ុលពត។

ជើងឯកគឺគ្រាន់តែជាវាលពិឃាដមួយក្នុងចំណោមវាលពិឃាដប្រហែលចំនួន៤០០ ដែលបានប្រព្រឹត្តទៅអំពើឧក្រិដ្ឋកម្មរបស់ខ្មែរក្រហមនៅទូទាំងប្រទេសកម្ពុជា។

៣. វិមានឯករាជ្យ

វិមានឯករាជ្យជាអត្តសញ្ញាណនៃរាជធានីភ្នំពេញ ដើម្បីរំលឹកទៅដល់វីរភាពរបស់បុព្វបុរសខ្មែរដែលបានតស៊ូពលីជីវិតក្នុងការដណ្ដើមឯករាជ្យពីបារាំងមកវិញ។

៤. សារមន្ទីជាតិ

សារមន្ទីរជាតិជាទីតម្កល់វត្ថុបុរាណធំជាងគេនៅប្រទេសកម្ពុជា ដែលជាទីតាំងប្រមូលផ្ដុំសម្បត្តិវប្បធម៌និងប្រវត្តិសាស្ត្រដ៏សំខាន់របស់ជាតិ។ សារមន្ទីរជាតិរក្សាទុករូបសំណាកនិងភស្ដុតាងប្រវត្តិសាស្ត្រកម្ពុជាជាង ១ ម៉ឺន ៤ ពាន់ តាំងពីសម័យបុរេប្រវត្តិ សម័យអង្គរ និងសម័យក្រោយៗមកទៀត។ សារមន្ទីរជាតិកសាងឡើងនៅឆ្នាំ ១៩១៧-១៩២០ ដែលមានទីតាំងជាប់ផ្នែកខាងជើងនៃព្រះបរមរាជវាំងក្នុងរាជធានីភ្នំពេញ។

៥. ផ្សាររាត្រី

ផ្សារនេះពេញនិយមក្នុងស្រទាប់យុវវ័យនិងភ្ញៀវបរទេសជាច្រើន ដែលប្រជុំទៅដោយតូបលក់សម្លៀកបំពាក់, ម្ហូបអាហារដោយមានការប្រគុំតន្រ្តីអមមានអ្នកចម្រៀង តន្រ្តីករនិងអ្នករបាំ ហើយមានទីតាំងសក្តានុពលតាមជួរមាត់ទន្លេ។

៦. ការជិះទូកកម្សាន្តតាមមាត់ទន្លេ

ការជិះទូកកម្សាន្ត ក៏ជាទីចាប់អារម្មណ៍ទាំងភ្ញៀវជាតិនិងអន្តរជាតិ។ ភ្ញៀវបរទេសមួយចំនួនតែងតែចំណាយពេលជិះទូកកម្សាន្ដតាមដងទន្លេងសាប និងដងទន្លេមេគង្គ ដើម្បីទស្សនាទេសភាព និងសម្រស់ដ៏ស្រស់ត្រកាលនាពេលរាត្រីរបស់រាជធានីភ្នំពេញ។

៧. ព្រះបរមរាជវាំង

ព្រះបរមរាជវាំងជាទីតាំងមិនអាចរំលងបានសម្រាប់ភ្ញៀវទេសចរបរទេសដែលមកទស្សនារាជធានីភ្នំពេញ ហើយក៏ជាទីប្រថាប់ព្រះមហាក្សត្រខ្មែរ។

៨. ផ្សារទួលទំពួង

ផ្សារទួលទំពូង ដែលបរទេសស្គាល់ផ្សាររុស្សីល្បីល្បាញសម្រាប់អ្នកស្វែងរកវត្ថុបុរាណ និងចំណីអាហារក្នុងស្រុក។ ក្រៅពីនេះក៏មានលក់វត្ថុអនុស្សាវរីយ៍ ដូចជារូបចម្លាក់ គ្រឿងអលង្ការ គ្រឿងមាស សំលៀកបំពាក់ជាដើម។

០៩. សារមន្ទីរគុកទួលស្លែង

សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ឬសារមន្ទីរទួលស្លែង អតីតជាកន្លែងឃុំឃាំងសួរចម្លើយ និងធ្វើទារុណកម្មយ៉ាងព្រៃផ្សៃ និងសម្លាប់មនុស្សជំនាន់ប៉ុលពត។ មានរូបថត ហ៊្វីល សំណុំឯកសារសារភាពរបស់ជនរងគ្រោះ សម្ភារៈធ្វើទារុណកកម្ម រួមទាំងផ្នូរសពជនរងគ្រោះចំនួន ១៤ នាក់ ដែលស្លាប់ចុងក្រោយគេ ក៏ត្រូវបានកប់នៅទីនោះផងដែរ។

១០. វត្តភ្នំ

វត្តភ្នំមានប្រវត្តិពាក់ព័ន្ធការកកើតរាជធានីភ្នំពេញ ក្រោយព្រះបាទពញាយ៉ាតនាឆ្នាំ ១៤៣៤ បានយាងផ្លាស់រាជធានីពីក្រុងអង្គរ ដើម្បីកសាងរាជធានីថ្មីដោយយកឈ្មោះភ្នំរបស់លោកយាយពេញគឺ “ភ្នំពេញ”។

នៅក្នុងបរិវេណវត្តភ្នំមានចេតិយធំមួយតម្កល់ព្រះធាតុរបស់ព្រះបាទពញាយ៉ាត និងព្រះញាតិវង្សរបស់ព្រះអង្គ។ បច្ចុប្បន្នវត្តភ្នំបានក្លាយជាទីសក្តារៈពលរដ្ឋមានជំនឿមកបន់ស្រន់ផ្សេងៗ។

១១. មាត់ទន្លេ

មាត់ទន្លេគឺជាកន្លែងដែលមានប្រជាប្រិយភាពមួយនៅរាជធានីភ្នំពេញ តែងតែទាក់ទាញពលរដ្ឋមកអង្គុយលម្ហែ។ នាពេលល្ងាចៗក៏មានភ្ញៀវទេសចរជិះទូកកម្សាន្ត ស្រូបយកខ្យល់អាកាសនិងការញាំអីជួបជុំគ្នា៕

អត្ថបទ៖ ប៊ុណ្ណារ៉ា

The post ១១ កន្លែងសំខាន់នៅទីក្រុងភ្នំពេញ ទេសចរបរទេសចង់ស្គាល់ មិនអាចរំលងបាន appeared first on Kampuchea Thmey Daily.

តោះ! មកស្គាល់កន្លែងដើរលេងទូទាំងខេត្តព្រះវិហារ ងាយស្រួលណាត់គ្នាដើរលេងថ្ងៃចូលឆ្នាំ

Dy Bunnara — Mon, 14 Mar 2022 03:24:37 +0000

ស្ថិតនៅទិសឧត្តរ មានចម្ងាយជាង ៣០០ គីឡូម៉ែត្រពីរាជធានីភ្នំពេញ ខេត្តព្រះវិហារមានសក្ដានុពលលើវិស័យទេសចរណ៍ ដោយមានសណ្ឋានដីជាខ្ពង់រាប និងមានជួរភ្នំដងរែកប្រវែងរាប់រយគីឡូម៉ែត្រខណ្ឌចែកទឹកដីរវាងប្រទេសកម្ពុជានិងប្រទេសថៃ។

គោលដៅទេសចរណ៍សំខាន់ៗក្នុងខេត្តព្រះវិហារ រាប់បញ្ចូលទាំងរមណីយដ្ឋានប្រវត្តិសាស្រ្ត រមណីយដ្ឋានលក្ខណៈជាសហគមន៍ រួមទាំងគោលដៅសក្តានុពលជាច្រើនកន្លែងទៀត។

បើតាមឯកសារពីមន្ទីរទេសចរណ៍ខេត្តព្រះវិហារដែលកម្ពុជាថ្មីទទួលបាន ខេត្តព្រះវិហារមានរមណីយដ្ឋានទេសចរណ៍ សហគមន៍ទេសចរណ៍ និងគោលដៅសក្ដានុពលទេសចរណ៍ច្រើនជាង ២០ កន្លែង។

ប្រាសាទព្រះវិហារ

រមណីយដ្ឋានទេសចរណ៍វប្បធម៌ប្រវត្តិសាស្ត្រ៖

-ប្រាសាទព្រះវិហារ

-ប្រាសាទកោះកេរ

-ប្រាសាទព្រះខាន់ (បាកាន្ត)

ភ្នំត្បែង

រមណីយដ្ឋានទេសចរណ៍វប្បធម៌ធម្មជាតិ៖

-សុវណ្ណអិនថើថេនមិន

-បេតិកភណ្ឌធម្មជាតិភ្នំត្បែង

-សហគមន៍គោលដៅទេសចរណ៍ និងអេកូទេសចរណ៍

-សហគមន៍តំបន់ការពារធម្មជាតិត្មាតប៉ើយធឿនក្រសាំង

-សហគមន៍អេកូទេសចរណ៍តាបស

-សហគមន៍តំបន់ការពារធម្មជាតិចាក់អង្រែ

-សហគមន៍តំបន់ការពារធម្មជាតិតាំងយូ

-សហគមន៍ការពារធម្មជាតិព្រៃវែង

-សហគមន៍ទេសចរណ៍ទឹកធ្លាក់ព្រះនិម្មិត

-សហគមន៍ទេសចរណ៍ទំនប់ទឹក៩៥

-សហគមន៍ព្រៃឈើភ្នំត្បែងដីក្រហម

-សហគមន៍ទេសចរណ៍អូទ្រលោក

-សហគមន៍តំបន់ការពារធម្មជាតិភ្នំត្នោត

-សហគមន៍ការពារធម្មជាតិភ្នំដែកចំបក់ហោះ

ទឹកធ្លាក់តេជោបុស្សស្បូវ

គោលដៅសក្តានុពលទេសចរណ៍៖

-ប្រាសាទភ្នំព្រះលាន

-ប្រាសាទក្រពុំឈូក

-ប្រាសាទនាគបួស (ចន្ទគីរី)

-ប្រាសាទនរាយណ៍

-ទឹកធ្លាក់តេជោបុស្សស្បូវ

-ផ្ទះតាម៉ុក

-សារមន្ទីរធម្មជាតិសកលសម្តេចតេជោហ៊ុន សែន ព្រះវិហារ

អត្ថបទ៖ ប៊ុណ្ណារ៉ា

The post តោះ! មកស្គាល់កន្លែងដើរលេងទូទាំងខេត្តព្រះវិហារ ងាយស្រួលណាត់គ្នាដើរលេងថ្ងៃចូលឆ្នាំ appeared first on Kampuchea Thmey Daily.

តំបន់ទេសចរណ៍ជាង ១០០ កន្លែងនៅមណ្ឌលគិរី មានឈ្មោះប្លែកៗតាមសំនៀងជនជាតិដើមភាគតិច

Dy Bunnara — Fri, 28 Jan 2022 01:48:37 +0000

ខុសប្លែកពីខេត្តដទៃទៀត ខេត្តមណ្ឌលគិរីជាខេត្តមានសីតុណ្ហភាពត្រជាក់ ហើយជាខេត្តមានតំបន់ទេសចរណ៍ធម្មជាតិធំបំផុតនៅប្រទេសកម្ពុជា។

តាមមន្រ្តីមន្ទីរទេសចរណ៍ ខេត្តមណ្ឌលគីរីមានតំបន់ទេសចរណ៍សរុបជាង ១០០ កន្លែង។ ខេត្តខ្ពង់រាបដីក្រហមនេះ មានតំបន់ទឹកជ្រោះច្រើនជាង ២០ កន្លែង ព្រមទាំងមានរុក្ខជាតិ សត្វព្រៃ ព្រៃកោងកាង និងភ្នំតូចធំជាច្រើន។

ប្រធានមន្ទីរទេសចរណ៍ខេត្តមណ្ឌលគិរីបានឲ្យកម្ពុជាថ្មីដឹងថា សម្បត្តិធម្មជាតិជាសក្តានុពលនៃខេត្តមណ្ឌលគិរី ហើយវប្បធម៌ជនជាតិដើមភាគតិច ក៏ជាផ្នែកអត្តសញ្ញាណខេត្តភាគឦសាននេះ។

បើតាមមន្រ្តីមន្ទីរទេសចរណ៍ខេត្ត នៅខេត្តមណ្ឌលគិរីមានតំបន់ទេសចរណ៍ជាង ១០០ កន្លែងតាមស្រុកក្រុងទាំង ៥។ តំបន់ទេសចរណ៍ខ្លះមានឈ្មោះប្លែកៗតាមសំនៀងជនជាតិដើមភាគតិច៖

១/ស្រុកពេជ្រាដា

-ទឹកជ្រោះប៊ូស្រា

-ភ្នំណាមលៀរ

-ភ្នំលុប្រាណ

-ភ្នំមូសរលុង

-ទឹកជ្រោះអូរតាំកន

-ទឹកជ្រោះ ៧ ជាន់

-រមណីយដ្ឋានទេសចរណ៍ធម្មជាតិចំណុចអូរប៉ុលក្រោម (ពាមអូរឆែល)

-ទឹកជ្រោះអូរផ្លាយលើ

-ទឹកជ្រោះអូរផ្លាយក្រោម (លែងអែល)

-ទឹកជ្រោះលែងប៉ាឡុង

-ភ្នំអូរទេ

-អូរផ្លាយ (លែងឆាល)

-អូរប៉ុល (លែងរ៉ាទើយ)

-លុទ្រូង

-អូរងេះ

-ទាកទោល (ទឹកស័ក្ដិសិទ្ធិ)

-ទឹកធ្លាក់ម៉ុមតាល់

-ត្រពាំងក្អើម

ទឹកជ្រោះប៊ូស្រា

២/ក្រុងសែនមនោរម្យ

-មជ្ឈមណ្ឌលវប្បធម៌ជនជាតិដើមភាគតិចភ្នំដោះក្រមុំ

-ទឹកជ្រោះអូត្រា

-ជ្រៃយូស

-ទឹកជ្រោះដំណាក់ស្តេច (ទឹកជ្រោះមនោរម្យ)

-ព្រះរាជដំណាក់

-ទឹកជ្រោះ (ក្រោយមន្ទីរសាធារណការ)

-ទឹកជ្រោះលែងពោកប្រេះ (ហៅទឹកជ្រោះក្បាលព្រះ)

-ទឹកជ្រោះអូរឆ្វេង

-ទឹកជ្រោះលេងទូវ

-ភ្នំបាយឆៅ

-ចម្ការស្រល់

ចម្ការស្រល់

៣/ស្រុកអូររាំង

-ទឹកធ្លាក់លែងរណេល

-ទឹកធ្លាក់លែងកាប៉ារ

-ទឹកធ្លាក់លែងណុត

-ទឹកធ្លាក់លែងឆុល

-ទឹកធ្លាក់លែងហូវ

-ទឹកធ្លាក់លែងព្លូម

-ទឹកធ្លាក់លែងពុរកនក្រង់ជាំងដាំដែក

-ទឹកធ្លាក់លែងទ្រីង

-ទឹកធ្លាក់លែងបួង

-ទឹកធ្លាក់លែងរទូង

-ទឹកធ្លាក់លែងប៉ែល

-ទឹកធ្លាក់លែងគុល

-ទឹកធ្លាក់លែងង៉ល់

-ទឹកធ្លាក់លែងតុងនុំ

-ទឹកធ្លាក់លែងចូញ

-ទឹកធ្លាក់លែងតុង

-ទឹកធ្លាក់លែងង្លែក

-ទឹកធ្លាក់លែងប៉ង

-ទឹកធ្លាក់លែងតាំព្រះ

-ទឹកធ្លាកលែងឈឺបឺយ

-ទឹកធ្លាក់លែងចាស់លែងចាំង

-ទឹកធ្លាក់លែកប្រាក់ (ទឹកធ្លាក់កក្ងោក)

-ភ្នំយោកយៅ (ភ្នំខ្លា)

-ភ្នំណល់ទឺត

-ភ្នំចុតម្លុង

-ភ្នំរតាប់

-ភ្នំឡាវវ័ក

-ភ្នំកុងក្លែ

-ភ្នំអូមត្រូន

-ភ្នំគង់ក្វាច់

-ទឹកធ្លាក់លែងរ៉ាពូព្រៃ

-ទឹកធ្លាក់លែងច្យាក់រ៉ាឆាន

-ទឹកធ្លាក់លែងគ្លឺ

-ទឹកធ្លាក់លែងអូរឈឹង

-ទឹកធ្លាក់លែងត្រាង

-ភ្នំដាញ

-ភ្នំគង់ក្លេល

-ភ្នំស្រេះចត

-ទឹកជ្រោះជ្រៃធំ

-អណ្តូងស្នេហ៍

-ទឹកជ្រោះ ៧ ជាន់

-ទឹកជ្រោះលែងអងលែងឃិន

-ទឹកធ្លាក់លែងត្រង

-ទឹកជ្រោះរមនា១

-ទឹកជ្រោះរមនា២

-យោគត្រាច់ត្រាយ (ភ្នំត្រាច់ត្រាយ)

-ភ្នំរលូវឆែ

-ទឹកធ្លាក់លែងកៃ

-ទឹកធ្លាក់អូរតាវ

-ទឹកធ្លាក់ត្រង

-ទឹកជ្រោះលែងម្ហក់

-ទឹកធ្លាក់លែងកាវ

-ទឹកធ្លាក់លែងក្រេង

-ទឹកធ្លាក់លែងប៉ាល់ទោក

-តំបន់ទេសចរណ៍សត្វទោចភ្នំព្រឹក

-ទឹកធ្លាក់លែងម្រើវ

-ទឹកធ្លាក់លែងកក់

-ភ្នំបារាំងសុង

-ភ្នំគង់រញូង

៤/ ស្រុកកោះញែក

-កោះខ្សាច់ទន្លេស្រែពក

-ជួរថ្មទឹកហូរកៃសាន់

-ជួរថ្មទឹកហូរទន្លេម្រោច

-កោះញ្ញាប៉ក្នុងទន្លេស្រែពក

-តំបន់អេកូទេសចរណ៍ម្រើច

-ទ្វារទឹកទំនប់អូរប្រង

-មជ្ឈមណ្ឌលវប្បធម៌ភ្នំក្រោល

-ទំនប់អូរយេះ

-តំបន់ទេសចរណ៍ធម្មជាតិភ្នំណាមរ៉ាម

-តំបន់ទេសចរណ៍ភ្នំក្អូន

-ទំនប់អូរណំ

-តំបន់ទេសចរណ៍ភ្នំ បាក់ខែង

៥/ស្រុកកែវសីមា

-ភ្នំកែវសីមា

-អូរហុច

-ទឹកធ្លាក់ស្រែប្រាវ

-ទឹកជ្រោះអូរតាំងឡាំង

-តំបន់ហ្កាទី

The post តំបន់ទេសចរណ៍ជាង ១០០ កន្លែងនៅមណ្ឌលគិរី មានឈ្មោះប្លែកៗតាមសំនៀងជនជាតិដើមភាគតិច appeared first on Kampuchea Thmey Daily.

ផ្លូវបេតុង ៣ គីឡូម៉ែត្រស្ថាបនារួច ទឹកធ្លាក់ភ្នំខៀវប្រែក្លាយតំបន់ទេសចរណ៍ធំបំផុតនៅប៉ៃលិន

Dy Bunnara — Mon, 24 Jan 2022 01:23:29 +0000

ខេត្តប៉ៃលិន ល្បីបំផុតជាខេត្តសំបូរត្បូងពេជ្រដ៏មានតម្លៃ។ ជាខេត្តមានប្រវត្តិទាក់ទងជនជាតិកូឡា ហើយមានសក្តានុពលលើវិស័យទេសចរណ៍ ខណៈក៏មានភូមិសាស្រ្តជាប់ជាមួយប្រទេសថៃ។

លោក លឹម វាសនា ប្រធានមន្ទីរទេសចរណ៍ខេត្តប៉ៃលិនបានឲ្យកម្ពុជាថ្មីដឹងថា នៅខេត្តប៉ៃលិនមានតំបន់ទេសចរណ៍ជាច្រើនកន្លែង ហើយតំបន់ខ្លះភ្ញៀវមិនទាន់អាចទៅដល់ ដោយសារខ្វះខាតហេដ្ឋារចនាសម្ព័ន្ធ ហើយការរៀបចំក៏មិនទាន់បានល្អ។

លោកបញ្ជាក់ថា ការខ្វះខាតហេដ្ឋារចនាសម្ពន្ធជាកត្តាចម្បង។ ដោយឡែកអាជ្ញាធរខេត្តកំពុងស្ថាបនាផ្លូវបេតុងប្រវែងជាង ៣ គីឡូម៉ែត្រទៅតំបន់ទឹកធ្លាក់ភ្នំខៀវ ជាតំបន់សក្ដានុពលទាក់ទាញបំផុតនៅខេត្តប៉ៃលិន។ ទីកម្សាន្តនេះមានភាពទាក់ទាញដោយសារមានទឹកជ្រោះ ៩ ជាន់ ហើយអាជ្ញាធរកំពុងរៀបចំហេដ្ឋារចនាសម្ពន្ធ ដើម្បីសម្រួលការធ្វើដំណើររបស់ភ្ញៀវទេសចរ។

លោកបញ្ជាក់ថា រមណីយដ្ឋាននេះពីមុនមានការវិនិយោគដោយឯកជន តែក្រោយពេលក្រុមហ៊ុនដកខ្លួន អាជ្ញាធរបានចូលគ្រប់គ្រងហើយដោយមានការយកចិត្តទុកដាក់ពីអភិបាលខេត្ត បានស្ថាបនាផ្លូវបេតុងប្រវែងជាង ៣ គីឡូម៉ែត្រ ដើម្បីអាចឲ្យភ្ញៀវទេសចរធ្វើដំណើរកម្សាន្តបានងាយស្រួល។

លោកបន្តថា រមណីយដ្ឋានទឹកធ្លាក់ភ្នំខៀវ នឹងអាចបើកឲ្យភ្ញៀវទៅលេងបានក្នុងអំឡុងពេលចូលឆ្នាំចិនខាងមុខនេះ ហើយនឹងក្លាយជាតំបន់ទេសចរណ៍ធំបំផុតនៅខេត្តប៉ៃលិន។

ខេត្តប៉ៃលិនមានតំបន់ទេសចរណ៍ជាច្រើនកន្លែងទាំងវប្បធម៌ ប្រវត្តិសាស្រ្តនិងធម្មជាតិ។ កម្ពុជាថ្មីនឹងបង្ហាញត្រួសៗពីតំបន់ទេសចរណ៍នៅខេត្តប៉ៃលិនមានដូចជា៖

១. តំបន់ទេសចរណ៍វប្បធម៌ ប្រវត្តិសាស្ត្រ៖

-ភ្នំយ៉ាត

-វត្តរតនៈសោភ័ណ ហៅវត្តកោងកាង (រចនាបទខ្មែរ-កូឡា)

២.តំបន់ទេសចរណ៍លក្ខណៈធម្មជាតិ

ក.តំបន់ទេសចរណ៍កែច្នៃ និងកសិ-ទេសចរណ៍មាន៖

-ចំការខ្នុរ ភូមិកូឡា

-ចំការសាវម៉ាវ

-ស្ទឹងត្រជាក់ចិត្ត

-អូរអែម

-ស្ទឹងកុយ

-ស្ទឹងប៉ៃលិន

-អន្លង់ខៀវ

-អូរធូរេន

-ស្ទឹងព្រំដែន

-អូរឈើក្រំ

ខ. តំបន់អេកូទេសចរណ៍លក្ខណៈធម្មជាតិ

-ទឹកធ្លាក់ភ្នំខៀវ (អូរតាវ៉ៅ)

-ទឹកធ្លាក់ក្បាលដំរី

៣.តំបន់ដែលទាក់ទាញទេសចរណ៍

+រមណីយដ្ឋានភ្នំយ៉ាត

+រមណីយដ្ឋានទឹកធ្លាក់ភ្នំខៀវ

+រមណីយដ្ឋានចំការខ្នុរ ភូមិកូឡា

+រមណីយដ្ឋានម្លប់សាវម៉ាវ

+ រមណីយដ្ឋានអូរអែម

+ទឹកធ្លាក់ក្បាលដំរី

+ស្ទឹងប៉ៃលិន

+ អូរឈើក្រំ

អត្ថបទ៖ ប៊ុណ្ណារ៉ា

The post ផ្លូវបេតុង ៣ គីឡូម៉ែត្រស្ថាបនារួច ទឹកធ្លាក់ភ្នំខៀវប្រែក្លាយតំបន់ទេសចរណ៍ធំបំផុតនៅប៉ៃលិន appeared first on Kampuchea Thmey Daily.

បីកន្លែងល្បីបំផុតនៅខេត្តព្រៃវែង បើបានទៅលេងកុំរំលងឲ្យសោះ

Dy Bunnara — Thu, 20 Jan 2022 03:05:07 +0000

ខេត្តព្រៃវែងហាក់នៅឆ្ងាយពីក្រសែភ្នែកចាប់អារម្មណ៍ពីភ្ញៀវទេសចរទៅកម្សាន្ត។ មិនដូចបណ្ដាខេត្តជាប់សមុទ្រ និងខេត្តនៅតំបន់ភាគឦសាន តំបន់ទេសចរណ៍ដែលល្បីជាងគេនៅព្រៃវែងមានតែពីរបីកន្លែងដូចជារមណីយដ្ឋានប្រវត្តិសាស្ត្រឈើកាច់បាភ្នំ ក្រៅពីនោះមានទួលបារាយណ៍អណ្ដែតដែលពលដ្ឋមានជំនឿទៅបន់ស្រន់ និងបឹងស្នេហ៍សម្រាប់អ្នកចូលចិត្តទស្សនាសត្វស្លាប។

បើតាមឯកសារដែលកម្ពុជាថ្មីទទួលបានពីមន្ទីរទេសចរណ៍ខេត្ត ខេត្តព្រៃវែងមានតំបន់ទេសចរណ៍ជិត ១០ កន្លែង សម្រាប់ភ្ញៀវទស្សនា។ តំបន់ទេសចរណ៍ទាំងនោះមានឈ្មោះដូចជា៖

១/ រមណីយដ្ឋានប្រវត្តិសាស្ត្រនគរភ្នំ (បាភ្នំ)

បាភ្នំជារមណីយដ្ឋានទេសចរណ៍ប្រវត្តិសាស្ត្រដែលមានសក្ដានុពលជាងគេបំផុតនៅខេត្តព្រៃវែង។ អ្នកប្រវត្តិសាស្ត្រអះអាងថា ទីនេះជាទឹកដីរាជធានីខ្មែរដំបូងបង្អស់ដែលមានឈ្មោះថា «នគរភ្នំ ឬហ៊្វូណន» ក្នុងរជ្ជកាលព្រះបាទ ហ៊ុន ទៀន នាសតវត្សទី១។ បរិយាកាសធម្មជាតិ ខ្យល់បរិសុទ្ធ ព្រៃឈើ និង វាលស្រែពណ៌ខៀវស្រងាត់ជាផ្នែកមួយទាក់ទាញភ្ញៀវមកកម្សាន្តទីនោះ។ លក្ខណៈពិសេសមួយទៀតគឺ រមណីយដ្ឋាននគរភ្នំជាតំបន់ស័ក្ដិសិទ្ធិ ហើយប្រជាពលរដ្ឋក្នុងតំបន់តែងតែរៀបចំពិធីឡើងអ្នកតាមេសរ ជារៀងរាល់ឆ្នាំដើម្បីសុំសេចក្តីសុខ និងការពារប្រជាពលរដ្ឋទាំងអស់នៅក្នុងភូមិ។

២/រមណីយដ្ឋានវប្បធម៌បារាយអណ្តែត

ទួលបារាយណ៍អណ្តែត ឬក៏គេច្រើនហៅថា ទួលព្រះអង្គបារាយណ៍អណ្តែត មានទីតាំងស្ថិតនៅ សង្កាត់កំពង់លាវ ក្រុងព្រៃវែង ខេត្តព្រៃវែង ចម្ងាយប្រហែល ៣ គីឡូម៉ែត្រ ពីរង្វង់មូលមិត្តភាព។

ទួលបារាយអណ្តែត

ទួលបារាយអណ្ដែត មិនត្រឹមតែជាកន្លែងកម្សាន្តប៉ុណ្ណោះទេ តែបានក្លាយទៅជាទីតាំងមួយសម្រាប់បន់ស្រន់ និងធ្វើពិធីសាសនាផ្សេងៗព្រោះអ្នកស្រុកជឿថា មានបារមីស័ក្ដិសិទ្ធិ។

៣/រមណីយដ្ឋានប្រវត្តិសាស្ត្រព្រៃដើមស្រុក

ប្រាសាទព្រៃដើមស្រុក

ប្រាសាទព្រៃដើមស្រុក ឬប្រាសាទព្រះធាតុរាជ គឺជាប្រាសាទបុរាណតែមួយគត់នៅក្នុងខេត្តព្រៃវែង ដែលនៅមានរូបរាងមកទល់បច្ចុប្បន្ន។ ប្រាសាទនេះ មានទីតាំងស្ថិតនៅភូមិបឹងជ័រ ឃុំព្រៃទឹង ស្រុកស៊ីធរកណ្ដាល។ ប្រាសាទបុរាណមួយនេះ ធ្វើពីដីឥដ្ឋ និងថ្មភក់ មានសភាពទ្រុឌទ្រោម និងមានឬសដើមជ្រៃ ព័ទ្ធតួប្រាសាទ។

៤/សារមន្ទីរខេត្តព្រៃវែង

សារមន្ទីរខេត្តព្រៃវែងមានរក្សាវត្ថុមានតម្លៃជាច្រើន ដែលភ្ញៀវទេសចរជាតិនិងអន្តរជាតិអាចចូលទស្សនានិងសិក្សាស្វែងយល់បន្ថែម។

៥/សួនសត្វតាដាតាយ៉ាប

បើបានទៅលេងខេត្តព្រែវែង ភ្ញៀវទេសចរក៏មិនគួររំលងទស្សនាសត្វកម្រច្រើនប្រភេទនៅសួនសត្វតាដាតាយ៉ាបដែលមានមានទីតាំងស្ថិតនៅ ភូមិបាយ៉ាប ឃុំស៊ាងឃ្វាង ស្រុកកំចាយមារ។

ទីលំហែកម្សាន្តចុងប៉ម

ក្រៅពីនេះខេត្តព្រៃវែងមានគោលដៅទេសចរណ៍ទាក់ទាញចំនួន៣ ទៀត គឺរមណីយដ្ឋានស្ទឹងចារ រមណីយដ្ឋានដីដុះ និងទីលំហែកម្សាន្តចុងប៉ម។

ដោយឡែកតំបន់ធម្មជាតិទួលព័ន្ធតាឡីបឹងស្នេហ៍ ត្រូវបានរដ្ឋាភិបាលកម្ពុជាសម្រេចបង្កើតជាតំបន់ការពារធម្មជាតិ កាលពីថ្ងៃទី០៥ ខែកុម្ភៈ ឆ្នាំ២០២១ កន្លងទៅ។ ទួលព័ន្ធតាឡីបឹងស្នេហ៍ជាតំបន់ប្រើប្រាស់ច្រើនយ៉ាង បន្ទាប់ពីតំបន់នោះសម្បូរទៅដោយសត្វស្លាបចម្រុះ ដែលមានភាពទាក់ទាញដល់វិស័យទេសចរណ៍៕

អត្ថបទ៖ ប៊ុណ្ណារ៉ា

The post បីកន្លែងល្បីបំផុតនៅខេត្តព្រៃវែង បើបានទៅលេងកុំរំលងឲ្យសោះ appeared first on Kampuchea Thmey Daily.

ទៅលេងខេត្តរតនគិរីម្តងៗ ស្គាល់តំបន់ទេសចរណ៍ណាខ្លះ?

Dy Bunnara — Tue, 18 Jan 2022 02:21:04 +0000

ទៅកម្សាន្តខេត្តរតនគីរីម្តងៗ គេប្រាកដជានឹកដល់ប្រពៃណីទំនៀមទម្លាប់បងប្អូនជនជាតិភាគតិច រួមទាំងទេសភាពធម្មជាតិដ៏ទាក់ទាញចិត្ត។ ខេត្តខ្ពង់រាបដីក្រហមនេះ មានតំបន់សក្តានុពលជាច្រើនដែលភ្ញៀវទេសចរឆ្ងាយជិតមិនគួរមើលរំលង។

ខេត្តភាគឦសាននេះជាគោលដៅទេសចរណ៍ដ៏មានប្រជាប្រិយភាព ហើយភ្ញៀវទេសចរណ៍រាប់ម៉ឺននាក់តែងតែងតែទៅលេងជារៀងរាល់ឆ្នាំ។

បឹងយក្សឡោម

តាមឯកសាររបស់មន្ទីរទេសចរណ៍ខេត្ត ខេត្តរតនគិរីមានតំបន់ទេសចរណ៍ជាច្រើនមានដូចជា៖

-បឹងយក្សឡោម មានទីតាំងនៅក្រុងបានឡុង មានសក្តានុពលជាបឹងធម្មជាតិបន្ទុះភ្នំភ្លើង និងមានប្រពៃណីបងប្អូនជនជាតិដើមភាគតិច។

-ឥស្សីបតមៈ ជារមណីយដ្ឋានវប្បធម៌និងធម្មជាតិ មានទីតាំងនៅសង្កាត់បឹងកន្សែង ក្រុងបានលុង ដែលមានរូបព្រះពុទ្ធបដិមាកម្ពស់ ៩ ម៉ែត្រ និងភាពទាក់ទាញគឺមើលថ្ងៃលិចនិងថ្ងៃរៈ។

-ទឹកជ្រោះកាចាញ ជារមណីយដ្ឋានធម្មជាតិមានទឹកជ្រោះ និងស្ពានយោល។

-ទឹកជ្រោះចាអ៊ុង មានទឹកជ្រោះធម្មជាតិនិងល្អាងភ្នំ។

-ទឹកជ្រោះកាទៀង មានទឹកជ្រោះធម្មជាតិ ល្អាងភ្នំ និងជិះដំរី។

ទឹកជ្រោះអូរស៊ិនលែរ៍

-ទឹកជ្រោះអូរស៊ិនលែរ៍ ជារមណីយដ្ឋានធម្មជាតិមានទឹកជ្រោះ ៧ ថ្នាក់ មានចម្ងាយជាង ១៩ គីឡូម៉ែត្រពីក្រុងបានលុង។

-ទឹកជួរតាតតៃ ជារមណីយដ្ឋានធម្មជាតិមានសក្ដានុពលទឹកជួរទន្លេស្រែពក និងត្រីទន្លេ។

-បឹងលំកុដ មានចម្ងាយជាង ៥៤ គីឡូម៉ែត្រពីក្រុងបានលុង មានបឹងធម្មជាតិបន្ទុះភ្នំភ្លើង និងវត្តអារាម។

-ជម្រកសត្វព្រៃលំផាត់ មានសក្តានុពលព្រៃឈើ និងសត្វព្រៃ។

ឧទ្យានជាតិវិរៈជ័យ

-ឧទ្យានជាតិវិរៈជ័យ ជាប់ស្រុកពីរគឺស្រុកតាវែង និងស្រុកវើនសៃ មានសក្តានុពលព្រៃឈើ សត្វព្រៃ ទឹកជ្រោះជាច្រើនកន្លែង។

-វាលថ្មរំប្លង់ មានវាលថ្ម និងអូរធម្មជាតិ។

-ទឹកជួរទឹង ចម្ងាយជាង ៦០ គីឡូម៉ែត្រ មានទឹកជួរធម្មជាតិ។

-យក្សអោម យក្សការ៉ា ចម្ងាយជាង ៣៧ គីឡូម៉ែត្រ មានបឹងធម្មជាតិបន្ទុះភ្នំភ្លើង ព្រៃឈើ និងសត្វព្រៃ។

-កោះសំពៅ ស្ថិតនៅឃុំត្រពាំងច្រស ស្រុកកូនមុំ ចម្ងាយជាង ៤៤ គីឡូម៉ែត្រមានកោះកណ្តាលទន្លេ ព្រៃឈើ និងសេវាជិះទូកកម្សាន្ត។

-ភូមិខ្មែររីសត ជារមណីយដ្ឋានកែច្នៃ មានទីតាំងនៅក្រុងបានលុងដែលអភិវឌ្ឍដោយឯកជន។

-រតនៈរីសត ស្ថិតនៅសង្កាត់យក្ខឡោម ក្រុងបានលុង ជារមណីយដ្ឋានកសិទេសចរណ៍ មានចម្ការម្រេច ប័រ បន្លែ និងដំណាំហូបផ្លែ រួមទាំងបោះតង់។

ក្រៅពីនេះក៏មានកន្លែងទាក់ទាញជាច្រើនទៀតដូចជាបឹងយក្សម៉ាយ ដែលជាបឹងធម្មជាតិបន្ទុះភ្នំភ្លើងមានទីតាំងនៅស្រុកលំផាត់ អូរធម្មជាតិថ្មរអិលមានទីតាំងស្ថិតនៅស្រុកបរកែវ និងទឹកធ្លាក់អូរយ៉ាណាយ នៅស្រុកអណ្តូងមាស។

ខេត្តរតនគីរីមានសហគមន៍ផ្តល់សេវាកម្សាន្តសម្រាប់ភ្ញៀវទេសចរដូចជា សហគមន៍បឹងយក្សឡោម សហគមន៍ទឹកជ្រោះកាចាញ សហគមន៍ទឹកជ្រោះចាអ៊ុង សហគមន៍ទឹកជ្រោះកាទៀង សហគមន៍ទឹកជ្រោះអូរស៊ិនលែរ៍ សហគមន៍ទឹកជួរតាតតៃ និងសហគមន៍បឹងលំកុដ ដែលមានសេវាផ្ទះស្នាក់នៅ ម្ហូបអាហារ និងមគ្គុទ្ទេសក៍សម្រាប់អ្នកទេសចរ៕

អត្ថបទ៖ ប៊ុណ្ណារ៉ា

The post ទៅលេងខេត្តរតនគិរីម្តងៗ ស្គាល់តំបន់ទេសចរណ៍ណាខ្លះ? appeared first on Kampuchea Thmey Daily.

រមណីយដ្ឋានទេសចរណ៍២៥ខេត្តក្រុង Archives - Kampuchea Thmey Daily

មិនគួរមើល​រំលង​ រីសត ៦ កន្លែង ផ្តល់ការ​ស្នាក់នៅ​ស្រស់ស្រាយ​បែបធម្មជាតិក្នុងខេត្តរតនគិរី

ណែនាំ​កន្លែង​ដើរលេង​​​​ ៥​ កន្លែង នៅ​ខេត្ត​បាត់ដំបង អាច​ឱ្យ​ភ្ញៀវ​សម្រាក​បោះ​តង់​បាន

១១ កន្លែង​សំខាន់​នៅ​​ទីក្រុង​ភ្នំពេញ ​ទេសចរ​បរទេស​ចង់​ស្គាល់ មិន​អាច​រំលងបាន

តោះ! មក​ស្គាល់​កន្លែង​ដើរ​លេង​ទូទាំង​ខេត្តព្រះវិហារ ងាយស្រួល​ណាត់គ្នា​ដើរ​លេង​ថ្ងៃ​ចូល​ឆ្នាំ​

តំបន់​ទេសចរណ៍​ជាង ១០០ កន្លែង​នៅ​មណ្ឌលគិរី​ មាន​ឈ្មោះ​ប្លែក​ៗតាម​សំនៀង​ជនជាតិ​ដើម​ភាគ​តិច

ផ្លូវ​បេតុង ៣ ​គីឡូម៉ែត្រស្ថាបនា​រួច​ ទឹកធ្លាក់​ភ្នំខៀវ​ប្រែក្លា​យ​តំបន់​ទេសចរណ៍​ធំបំផុត​នៅ​ប៉ៃលិន

​បីកន្លែង​ល្បី​បំផុត​​នៅ​ខេត្តព្រៃវែង បើ​បាន​ទៅ​លេង​កុំ​រំលង​ឲ្យសោះ

ទៅ​លេងខេត្ត​រតនគិរី​ម្តងៗ ស្គាល់​​តំបន់ទេសចរណ៍​ណា​ខ្លះ?

មិនគួរមើលរំលង រីសត ៦ កន្លែង ផ្តល់ការស្នាក់នៅស្រស់ស្រាយបែបធម្មជាតិក្នុងខេត្តរតនគិរី

ណែនាំកន្លែងដើរលេង ៥ កន្លែង នៅខេត្តបាត់ដំបង អាចឱ្យភ្ញៀវសម្រាកបោះតង់បាន

១១ កន្លែងសំខាន់នៅទីក្រុងភ្នំពេញ ទេសចរបរទេសចង់ស្គាល់ មិនអាចរំលងបាន

តោះ! មកស្គាល់កន្លែងដើរលេងទូទាំងខេត្តព្រះវិហារ ងាយស្រួលណាត់គ្នាដើរលេងថ្ងៃចូលឆ្នាំ

តំបន់ទេសចរណ៍ជាង ១០០ កន្លែងនៅមណ្ឌលគិរី មានឈ្មោះប្លែកៗតាមសំនៀងជនជាតិដើមភាគតិច

ផ្លូវបេតុង ៣ គីឡូម៉ែត្រស្ថាបនារួច ទឹកធ្លាក់ភ្នំខៀវប្រែក្លាយតំបន់ទេសចរណ៍ធំបំផុតនៅប៉ៃលិន

បីកន្លែងល្បីបំផុតនៅខេត្តព្រៃវែង បើបានទៅលេងកុំរំលងឲ្យសោះ

ទៅលេងខេត្តរតនគិរីម្តងៗ ស្គាល់តំបន់ទេសចរណ៍ណាខ្លះ?